ភ្នំពេញ៖ សមត្ថកិច្ចនគរបាលខណ្ឌដង្កោធ្វើការស្រាវជ្រាវនិងឃាត់ខ្លួនជនសង្ស័យចំនួន៣នាក់ដែលជំនាញធ្វើសកម្មភាពលួចរថយន្តនិងម៉ូតូយ៉ាងសកម្ម ។ ការឃាត់ខ្លួនជនសង្ស័យជាបន្តបន្ទាប់នេះធ្វើឡើងកាលពីវេលាម៉ោង៣រសៀល ថ្ងៃទី២៧ខែមករាឆ្នាំ២០១៨ ស្ថិិតនៅតាមបណ្តោយផ្លូវ៣០ម៉ែត្រ ភូមិព្រៃទីទុយ សង្កាត់ព្រៃស ខណ្ឌដង្កោ ។
សមត្ថកិច្ចបានប្រាប់អោយដឹងថា មុនពេលឃា ត់ខ្លួនបានជនសង្ស័យនោះគឺ ជនសង្ស័យម្នាក់កំពុងតែជិះម៉ូតូហើយក៏ឃាត់ខ្លួនសាកសួរនាំ ហើយក៏ឈានទៅឃាត់ខ្លួនជាបន្តបន្ទាប់ចំនួន៣នាក់ហើយក៏នាំខ្លួនជនសង្ស័យទាំង៣នាក់ទៅឆែកឆេផ្ទះរបស់ជនសង្ស័យបានរកឃើញស្លាកលេខរថយន្តនិងស្លាកលេខម៉ូតូជាច្រើនបន្ទះទៀតដែលជនសង្សយ័ខាងលើលួចបានរួមនិងប្រដាប់ប្រដាសម្រាប់ធ្វើសកម្មភាពលួចគាស់និងកាច់សោររថយន្តនិងម៉ូតូមួយចំនួនទៀតសមត្ថកិច្ចបានធោយដឹងថា ជនសង្ស័យទី១មានឈ្មោះធី សំណាង ហៅអោ អាយុ ២០ឆ្នាំមុខរបរ មិនពិតប្រាកដ ស្នាក់នៅម្តុំព្រៃទា សង្កាត់ចោមចៅ៣ ខណ្ឌពោធិសែនជ័យ។ ទី២មានឈ្មោះអ៊ុច ផន អាយុ២៣ឆ្នាំស្នាក់នៅម្តុំភូមិដំណាក់ធំ២ សង្កាត់ស្ទឹងមានជ័យ៣ មុខរបរ មិនពិតប្រាកដ និងទីឈ្មោះ ស៊ុម សុភា អាយុ២៣ឆ្នាំមុខរបរមិនពិតប្រាកដ ស្នាក់នៅភូមិមល័សង្កាត់ដង្កោ ខណ្ឌដង្កោ ។
បច្ចប្បន្នជនសង្ស័យ ទាំង៣នាក់រួមនិងវត្ថុតាងត្រូវបានបញ្ជូនមកឃុំខ្លួនបណ្តោះអាសន្ននៅអធិការដ្ឋានខណ្ឌដង្កោ ដើម្បីកសាងសំណុំរឿ ងបញ្ជូនទៅតុលាការចាត់ការបន្តតាមនីតិវិធិ ៕
Site Title 