កុមារាម្នាក់ បានស្លាប់នៅកន្លែង ក្នុងហេតុការរន្ទះបាញ់ពេលមេឃភ្លៀង នៅព្រៃវែង

ព្រៃវែង ៖ គ្រោះថ្នាក់ធម្មជាតិ រន្ទះបាញ់ មួយបានកើតឡើង បណ្តាលអោយស្លាប់ កុមារាម្នាក់យ៉ាងអាណោចអាធ័ម។
ហេតុការណ៍នេះបានកើតឡើង នៅថ្ងៃទី០១ ខែ ឧសភា ឆ្នាំ ២០១៨ វេលាម៉ោង ០២ រសៀល នៅចំនុចភូមិតាអូក ឃុំរក្សជយ័ ស្រុកបាភ្នំ ខេត្តព្រៃវែង ។
ក្នុងរបាយការណ៍របស់នគរបាលខេត្ត បានអោយដឹងថា កុមារាដែលស្លាប់ឈ្មោះ ហុន ខុត អាយុ ១២ឆ្នាំ រស់នៅភូមិ ឃុំកើតហេតុខាងលើ ។

តាសម្តីអ្នកភូមិបានប្រាប់ថា នៅវេលាខាងលើ គឺមេឃកំពុងភ្លៀង កុមាររងគ្រោះបានទៅប្រមូលចំបើងនៅវាលស្រែ ពេលនោះ ក៍មានរន្ទះបាញ់ ចំកុមារខាងលើ បណ្តាលអោយរងគ្រោះស្លាប់តែម្តង ។