ជិៈម៉ូតូមកច្រៀងKTV រវលឱបថើបស្រីស្នេហ៍ឆ្វេងស្ដាំ ចេញមកវិញចោរលួចម៉ូតូបាត់ផ្អើលឆោឡោប្រពន្ធវ៉ៃបោចសក់…

(ព្រៃវែង)៖ ជនសង្ស័យ២នាក់ត្រូវបាន នគរបាលស្រុកព្រះស្ដេចឃាត់ខ្លួន បន្ទាប់ពីពួកគេចូលលួចម៉ូតូ នៅកន្លែងKTVបានសម្រេចហើយនាំគ្នាមកផឹកស៊ី ការឃាត់ខ្លួននេះបានធ្វើឡើង កាលពីព្រឹកថ្ងៃទី០៨ខែសីហាឆ្នាំ២០១៨ នៅចំណុចផ្ទះ ឈ្មោះ សេង សុធាភេទប្រុសអាយុ៣៤ឆ្នាំ នៅភូមិពោធិ៍ថ្មី ឃុំកោះសំពៅ ស្រុកពាមជរ ខេត្តព្រៃវែង ត្រូវជាពូថ្លៃជនសង្ស័យ ដែលកំពុងកំពុងផឹកស៊ីជាមួយគ្នា។

ជនសង្ស័យ​ទាំង២នាក់មានឈ្មោះដូចតទៅ ៖ ទី១ឈ្មោះ ម៉េត ភាព ភេទប្រុស អាយុ២៤ឆ្នាំនៅភូមិមុន្នីសិលាឃុំបន្ទាយចក្រី ស្រុកព្រះស្ដេច។
២ឈ្មោះ ផន ចាន់រ៉ា(ហៅលាន) ភេទប្រុសអាយុ១៦ឆ្នាំនៅភូមិមុន្នីសិលាឃុំបន្ទាយចក្រីស្រុកព្រះស្ដេច។
ជនរងគ្រោះជាម្ចាស់ម៉ូតូឈ្មោះ ប៊ុត វណ្ណរ៉ា ភេទប្រុស​អាយុ២០ឆ្នាំនៅភូមិដំរីស្លាប់ ឃុំបន្ទាយចក្រី ស្រុកព្រះស្ដេចខេត្តព្រៃវែង។
រីឯម៉ូតូម៉ាកHONDA C125 សេរី2015 ពណ៌ខ្មៅ លេខតួ 9418011លេខម៉ាស៊ីន 9418011គ្មាន ស្លាកលេខយកទៅបាត់។

លោក ពៅ ជីវី ស្នងការរងខេត្តព្រៃវែង បានប្រាប់ ដើមរាំង ឲ្យដឹងថា ដើមចមដំបូង នៅយប់ថ្ងៃទី០៧ខែសីហា ឆ្នាំ២០១៨ ជនរងគ្រោះជាម្ចាស់ម៉ូតូនិងបក្ខពួកបានមកច្រៀងKTV នៅចំណុចផ្ទះឈ្មោះ នៅ ស្រីទូច ភេទស្រី អាយុ៤៥ឆ្នាំ ភូមិប្របុសរលួយឃុំបន្ទាយចក្រីស្រុកព្រះស្ដេចខេត្តព្រៃវែង ជាម្ចាស់ខារ៉ាអូខេ។
ដោយទុកម៉ូតូ នៅក្នុងរបងមិនចាក់សោរ ក ទេ។
ហើយពេលចេញមកវិញស្រាប់តែបាត់ម៉ូតូខ្លួន ទើបបង្កការភ្ញាក់ផ្អើលប្ដឹងមកសមត្ថកិច្ច ចុះស្រាវជ្រាវ។

លុះកំណត់មុខសញ្ញាបានទើបយើងឈានដល់ឃាត់ខ្លួនជនសង្ស័យទាំង២នាក់ នៅចំណុចផ្ទះ ឈ្មោះ សេង សុធា ភេទប្រុសអាយុ៣៤ឆ្នាំនៅភូមិពោធិ៍ថ្មី ឃុំកោះសំពៅស្រុកពាមជរ ខេត្តព្រៃវែងត្រូវជាពូថ្លៃកំពុងផឹកស្រាជាមួយគ្នាជប់លៀងលួចម៉ូតូបាន។

បច្ចុប្បន្ន ជនសង្ស័យ​ឃាត់ខ្លួន​នៅអធិការដ្ឋាននគរបាលស្រុកព្រះស្ដេច និងកំពុងកសាងសំណុំរឿងចាត់ការតាមនីតិវិធី៕

ប្រភព៖ FB