ខេត្តកំពង់ធំ៖ បុរសម្នាក់ទៅធ្វើការនៅប្រទេសថៃ មួយរយៈ ត្រឡប់មកវិញប្រពន្ឋយកប្តីថ្មីបាត់ ដោយសារខ្មាសគេ និងឈឺចិត្ត បានធ្វើអត្តឃាត ចងករសំលាប់ខ្លួន ហេតុការណ៍នេះបានកើតឡើងកាលពីវេលាម៉ោង១០.០០នាទីយប់ ថ្ងៃទី៦ ខែសីហា ឆ្នាំ ២០១៨ នៅភូមិកោះគ្របបាយ ឃុំកំពង់គោ ស្រុកកំពង់ស្វាយ ខេត្តកំពង់ធំ។
ជនរងគ្រោះឈ្មោះ ទូច រស់ ភេទប្រុស អាយុ ៤៧ ឆ្នាំ ជនជាតិខ្មែរ មុខរបរកសិករ ទីលំនៅមិនពិតប្រាកដ ស្រុកកំណើតនៅភូមិកើតហេតុ ។
តាមការបំភ្លឺពីបងជីដូនមួយបង្កើតរបស់សាកសពឈ្មោះ យ៉ាំ វឿង ភេទស្រី អាយុ ៥១ ឆ្នាំ នៅភូមិកោះគ្របបាយ ឃុំកំពង់គោ ស្រុកំពង់ស្វាយ ខេត្តកំពង់ធំ បានអោយដឹងថា៖ ជនរងគ្រោះមានស្រុកកំណើតនៅព្រៃវែង ទៅយកប្រពន្ធនៅឃុំទ្រៀល ស្រុកបារាយណ៍ ខេត្តកំពង់ធំ ហើយបានទៅធ្វើការនៅប្រទេសថៃមួយរយៈ ពេលត្រឡប់មកវិញ ប្រពន្ធយកប្តីថ្មី ធ្វើឲ្យរងគ្រោះខូចចិត្តផឹកស្រាស្រវឹង ឡូឡា កាន់កាំបិតច្រង៉េងច្រង៉ាង ហើយនិយាយថា លាហើយ រួចក៏ដើរចេញបាត់ទៅ លុះដល់ម៉ោងថ្ងៃខែកើតហេតុ ឃើញរងគ្រោះចងកនៅក្រោយផ្ទះបងជីដូនមួយស្លាប់បាត់ទៅហើយ ។
ក្រោយទទួលពត៌មានកម្លាំងជំនាញស្រុក និងប៉ុស្តិ៍ព្រម ទាំងរដ្ឋអំណាចមូលដ្ឋានបានចូលរួមពិនិត្យសព មិនឃើញមានស្លាកស្នាមអ្វីឡើយ រួចសន្និដ្ឋាន ជនរងគ្រោះស្លាប់ដោយចងកធ្វើអត្តឃាដខ្លួនឯងពិតប្រាកដមែន មូលហេតុ ខ្មាសគេ ឈឺចិត្ត ៕
ប្រភព៖ FB
Site Title 