បុរសជួញដូរថ្នាំញៀនម្នាក់ វ៉ៃស្រីស្នេហ៍ ប៉ោងមុខ ប៉ោងមាត់ ព្រោះតែភ្លើងប្រចណ្ឌ

(កណ្ដាល)៖ ហេតុការណ៍ហិង្សានេះបានកើតឡើងកាលពីវេលាម៉ោង១០យប់ថ្ងៃទី១១ខែកុម្ភៈឆ្នាំ២០១៨ នៅចំណុចភូមិព្រៃបាំងឃុំស៊ីធរស្រុកខ្សាច់កណ្តាលខេត្តកណ្ដាល ។

ស្ដ្រីជាជនរងគ្រោះត្រូវបានគេស្គាល់ឈ្មោះ សេង សំអាង អាយុ៣៣ឆ្នាំមានទីលំនៅភូមិទួលពង្រ ឃុំសុីធរ ស្រុកខ្សាច់កណ្តាលខេត្តកណ្ដាល ប៉ុន្តែមកស្នាក់នៅរកស៊ីជាមួយប្រុសកំណាន់ចិត្តនៅភូមិកើតហេតុ។រីឯដៃដល់ឈ្មោះសឺម សើ ភេទអាយុ២៤ឆ្នាំរស់នៅភូមិព្រៃបាំងឃុំសធរស្រុកខ្សាច់កណ្តាលខេត្តកណ្ដាល។

លោក ខេម ស៊ុយ មេប៉ុស្តិ៍ស៊ីធរ បានឲ្យដឹងថាកាលពីវេលាម៉ោងខាងលើ ស្រីអាង ជាជនរងគ្រោះបានទូសព្ទ័ បា្រប់ជនសង្ស័ុយឲ្យយកខោនិងទូសព្ទ័មកឲ្យខ្លួន រួចហើយឯងទៅណាក៏ទៅៗ។

មួយសន្ទុះក្រោយមកជនសង្ស័យមកដល់បានប្រកែកពាក្យសម្ដីខឹងក៏ចាប់បោចសក់ច្របាច់ក វ៉ៃ ជនរងគ្រោះប៉ោងមុខ តែម្តងដោយមិនសួរកហេតុផលសោះ។

លោកនាយប៉ុស្តិ៍បន្តថា ក្រោយពេលកើតហេតុនគរបាលយើង បានឃាត់ខ្លួនជនសង្ស័យយកមកសួរនាំ ស្រាប់តែមានអ្នកប្រើប្រាស់ថ្នាំញៀន២នាក់ បានទូរសព្ទ័មកទិញថ្នាំ។ ដោយនិយាយថាពួកគេធ្លាប់ទិញថ្នាំញៀនពីឈ្មោះ សឺម សើ ចំនួន១៥លើកហើយ បន្ទាប់មកជនសង្ស័យត្រូវបានបញ្ជូនទៅអធិការស្រុកខ្សាច់កណ្ដាលតែម្ដង៕