ប្ដីប្រពន្ធចំណាស់ជនជាតិឥណ្ឌាមួយគូ ខិតខំសន្សំលុយមួយថ្ងៃ ៤ ដុល្លារ ពីមុខរបរលក់កាហ្វេ ដើម្បីដើរលេងជុំវិញពិភពលោក ហើយខណៈពេលនេះពួកគាក់បានសម្រេចបាន ២៣ ប្រទេសហើយ ។
ប្ដីប្រពន្ធខាងលើមានឈ្មោះ លោកតា Vijayan និង លោកយាយ Mohana ពួកគាត់បានរៀបការរយៈពេល ៤៥ ឆ្នាំមកហើយ ដោយបច្ចុប្បន្នបានបើកហាងកាហ្វេតូចមួយស្ថិតក្នុងទីក្រុង Kochi រដ្ឋ Kerala ប្រទេសឥណ្ឌា ។ លោកតា Vijayan បានតំណាលពីជីវិតរបស់គាត់មុនពេលបើកហាងកាហ្វេថា កាលពីឆ្នាំ ១៩៦៣ លោកត្រឹមតែជាអ្នកលក់ទឹកតាមផ្លូវប៉ុណ្ណោះ ប៉ុន្តែគាត់មានក្ដីសុបិន្តចង់ដើរលេងជុំវិញពិភពលោក ទើបខំសន្សំប្រាក់ចាប់តាំងពីពេលនោះមក រហូតមកទល់ពេលនេះ សូម្បីតែហាងកាហ្វេរបស់គាត់ក៏ពុំជួលបុគ្គលិកដែរ ដែលធ្វើយ៉ាងណាឱ្យចំណាយតិចបំផុត ។
ប្រភពដដែលបានបន្តថា ថ្វីបើគាត់ចូលចិត្តដើរលេងទៅក្រៅប្រទេសពិតមែន តែការចាយវាយរបស់គាត់ ក៏មិនអស់ច្រើនដែរ ដែលគាត់ប្រកាន់តែពាក្យសន្សំសំចៃជាប់ចិត្តជានិច្ច ហើយរំពឹងថាក្ដីស្រម៉ៃរបស់គាត់នឹងក្លាយជាការពិតឆាប់ៗ ៕
Site Title 