ឡូយកប់!! ឆេង ប្រសិទ្ធ បានថតម៉ូដែល ជាមួយអ្នកអង្គម្ចាស់ក្សត្រី នរោត្តម ជេនណាធ្វើអោយគ្រប់គ្នាសរសើរមិនដាច់​ពីមាត់

ភ្នំពេញ៖ តារាចម្រៀងវ័យក្មេង និងជាអតីតបេក្ខភាពThe Voice Kids រដូវកាលទី២ ឆេង ប្រសិទ្ធ ទោះបីជាមិនបានទទួលនូវជ័យលាភីនៅក្នុងកម្មវិធីយ៉ាងណាក្តី ក៏ប៉ុន្តែក្មេងប្រុសរូបនេះហាក់ដូចជាមានសន្ទុះខ្លាំងនៅក្នុងការគាំទ្រ តែងតែមានការងារថ្មីៗជាច្រើនធ្វើជាបន្តបន្ទាប់។

ជាក់ស្តែងកាលពីពេលថ្មីៗនេះ ក្មេងប្រុសរូបសម្រស់សង្ហារូបនេះ បានបង្ហាញនូវការងារថ្មីរបស់ខ្លួន ជាម៉ូដែល និងរាំច្រៀង ជាមួយនឹងក្មេងស្រីដែលមានរូបឆោមស្រស់ស្អាតម្នាក់ ដែលបានលេងខ្លួននៅក្នុងសម្លៀកបំពាក់ យ៉ាងឡូយឆាយ​មិនចាញ់មនុស្សធំប៉ុន្មាននោះទេ។

តែអ្វីដែលគួរឲ្យចាប់អារម្មណ៍ជាងនេះនោះគឺ ក្មេងស្រីតូចដ៏គួរឲ្យស្រលាញ់រូបនេះ អ្នកអង្គម្ចាស់ក្សត្រីមាននាមថា នរោត្តម ជេណា ដែលមានសែស្រឡាយរាជវង្សផងដែរ ទាំងនេះបើតាមការបញ្ជាក់របស់តារាវ័យក្មេងរូបនេះ នៅក្នុងបណ្តាញសង្គមរបស់គេ។

ហើយនេះជាលើកទី១ ដែលតារាវ័យក្មេងមុខដូចកូនកាត់រូបនេះ បានចាប់ដៃជាដៃគូច្រៀងរាំ ក៏ដូចជាដើរម៉ូត ជាមួយនឹងអ្នកអង្គម្ចាស់ក្សត្រី នរោត្តម ជេណា ដែលមានរូបសម្រស់ស្រស់ស្អាត តាំងតែពីក្មេងយ៉ាងដូច្នោះ៕

សូមទស្សនារូបភាពខាងក្រោមនេះ ដើម្បីជ្រាបច្បាស់៖