កាលពីវេលាម៉ោង៩ព្រឹកថ្ងៃសុក្រទី០១ ខែកុម្ភៈ ឆ្នាំ២០១៩ ឯកឧត្តមបណ្ឌិត ម៉ុង ឬទ្ធី ព្រមទាំងភរិយាកូនចៅបងប្អូនញាតិមិត្តបុគ្គលិក កម្មករ បាននាំយកចង្ហាន់ ទ័យទាន បច្ច័យទៅប្រគេនព្រះសង្ឃដែលគង់ចាំព្រះវស្សានៅក្នុងភ្នំបូរី ឃុំព្រែកផ្ទោល ស្រុកអង្គរបូរី ខេត្តតាកែវ ដេីម្បីឧទ្ទិសកុសលជូនដល់វិញ្ញាណក្ខន្ធឧបាសិកាកិម អុិន ត្រូវជាម្តាយបង្កើតគំរប់ខួប៦ឆ្នាំ ព្រមទាំងឪពុកបង្កើត ឪពុកក្មេកម្តាយក្មេកព្រមទាំងសាច់សារលោហិតដែលបានចែកឋានទៅកាន់លោកខាងមុខ ក្នុងនោះផងដែក៏បាននាំយកអំណោយជាក្រម៉ា និងថវិកាចែកជូនអោយដល់ប្រជាជនចាស់ជរា ជនពិការកុមារា កុមារីដែលសរុបការចំណាយអស់ប្រមាណជាម្ភៃលានរៀល ។ឯកឧត្តមបណ្ឌិត បានឆ្លៀតពេលបន្តិចទៅបេីកមេីលឆ្នាំងបបរ និងមេីលឃេីញប្រហុកចំហុយដែលព្រះសង្ឃឆាន់នៅសល់បន្តិចក្នុងចាន នៅក្នុងកុដិដ៏សែនមហាតោកយ៉ាកបំផុតស្ទើរតែរកលេខដាក់គ្មាន ។ បន្ទាប់ពីឃើញសភាពបែបនេះហើយឯកឧត្តមបណ្ឌិតយកមកពិចារណា អោយឃេីញថាពិតជាពិបាកវេទនាជាងកាល៤៨ឆ្នាំមុនកាលពីខ្ញុំបួសនៅវត្តនាគវ័ន្តទៅទៀត ។
ប្រជាជនរស់ក្នុងតំបន់នោះភាគច្រើនប្រកបមុខរបរជាកសិកម្មធ្វេីស្រែ ផលស្រូវដែលគាត់ទទួលបានចាប់ពី៧ទៅដប់តោនក្នុងមួយហិកតា បេីទោះបីជាពេលនេះតម្លៃស្រូវធ្លាក់ចុះបន្តិចមែនតែពួកគាត់នៅមិនទាន់ខាតនៅឡេីយទេ ។ចុងក្រោយឯកឧត្តមបណ្ឌិតសូមថ្លែងអំណរព្រះគុណចំពោះព្រះតេជព្រះគុណ ឡុង ចាន្ថា ព្រមទាំងព្រះសង្ឃទាំង១៣ព្រះអង្គ ប្រជាពលរដ្ឋសិស្សានុសិស្សទាំងជាងបីរយនាក់ ដែលបានមកចូលរួមទទួលរីករាយរាក់ទាក់ស្និទ្ធស្នាលយ៉ាងក្រៃលែងបំផុត ។ឆ្លៀតក្នុងឱកាសនេះឯកឧត្តមបណ្ឌិតសុំអំពាវនាវដល់វត្តណាដែលមានចង្ហាន់ហៀរហូរ បេីឆាន់មិនអស់សុំជួយចែករំលែកខ្លះៗអោយមកដល់វត្តភ្នំបូរី ដែលជាដែនដីសុវណ្ណភូមិរបស់យេីងទាំងអស់គ្នាផង ៕
Site Title 