ប៉ាតណាប៉ាណា ត្រូវបានទស្សនិកជនថៃស្រលាញ់ ព្រោះសម្រស់បែបធម្មជាតិ ។ ក្រោយពេលរៀបការ សំរាលបានកូនប្រុសមួយ នាងកាន់តែស្អាត ហើយមានទឹកមុខរីករាយ… ។ ប៉ុន្តែ នៅពីក្រោយនៃជីវិតហាក់ដូចជាសុភមង្គលនេះ គឺជា…អតីតកាលដ៏សែនខ្លោចផ្សារ ។សោកនាដកម្មពិតនៃជីវិតរបស់នាង ទើបត្រូវបានទម្លាយចេញលើស្ថានីយ៍ទូរទស្សន៍ នាឱកាស «ថ្ងៃមាតា» កន្លងទៅ ។តារាភាពយន្តស្រស់ស្អាតម្នាក់នេះ ចែករំលែកថា នាងកើតមកក្នុងគ្រួសារមួយមានបងប្អូនច្រើន ។ ម្តាយរបស់នាងមានជំងឺធ្ងន់ត្រូវដេកមួយកន្លែងច្រើនឆ្នាំហើយ ។ នាងបានរែកពន់ការងារមើលថែប្អូនៗ និងម្តាយដែលមានជំងឺ ។ បានប្រឹងប្រែងទម្រាំមានអ្នកគាំទ្រដូចសព្វថ្ងៃ ។ឆ្នាំ២០១៦ នាងបានរៀបការជាមួយអ្នកប្រណាំងរថយន្តអាជីព Benz Racing ហើយមានកូនប្រុសម្នាក់ជាចំណងដៃ ។សុភមង្គលពុំមានប៉ុន្មានឡើយ ហើយនៅពេលកូនប្រុសទើបមានអាយុប៉ុន្មានខែ ប្តីរបស់នាងត្រូវចាប់ខ្លួន ព្រោះបទល្មើសលាងលុយកខ្វក់ ។ ក្នុងនោះ ប្តីរូបនេះនៅបានប្រើគណនីរបស់នាង ដើម្បីបញ្ចូលលុយ ១,៩៨ ពាន់លានបាត អំឡុងពេលពីខែមេសា ឆ្នាំមុន មកដល់ខែកុម្ភៈ ឆ្នាំ២០១៩ នេះ ។
នាងបង្ខំចិត្តត្រូវបង់ប្រាក់ធានាខ្លួន ១,៥ លានបាត ហើយមួយរយៈខ្លី ក្រោយមក សមត្ថកិច្ចបានរកឃើញថា នាងពុំមានពាក់ព័ន្ធនឹងករណីលាងលុយឡើយ ។សោកនាដកម្មរបស់នាង ពុំបានបញ្ចប់តែប៉ុណ្ណឹងទេ ម្តាយចាស់ដែលយូរយារមកហើយ នាងតែងស្រលាញ់មើលថែ បែរជា «យាយ» ទៅវិញ ខណៈពេលដែលពុកៗ -បុរសដែលនាងធ្លាប់ហៅគឺជាបងប្រុសសោះ ។តាមពតទៅ ម្តាយបង្កើតរបស់នាង បានចាកចេញចោលគ្រួសារ ចាប់តាំងពីក្រោយពេលកើតនាងមកម្លេះ ។ ជាង ២០ ឆ្នាំ ក្រោយមក អាថ៌កំបាំងដ៏ធំធេងនេះ ទើបត្រូវបានទម្លាយចេញ ។ពិតជាទុក្ខលើគំនរបញ្ហា! ណាប៉ាប៉ា បានសម្រេចិត្តប្រកាសរឿងនេះជាសាធារណៈ ព្រោះចង់ឲ្យកូនប្រុសខ្លួនដឹងពីការពិត ។ នាងពុំចង់ឲ្យកូនត្រូវ «ទទួលយក» បញ្ហាដូចដែលនាងកំពុងប្រឈម គ្រាដែលពីមួយថ្ងៃទៅមួយថ្ងៃ វាលូតលាស់ធំឡើង… ។នាងបួងសួងថា ព្យុះភ្លៀងជីវិតនឹងបានស្ងប់ពីពេលនេះតទៅ ។ ចំពោះមុខនាងគឺ សិល្បះ កូន ហើយនឹងក្រុមគ្រួសារ ដែលតម្រូវឲ្យនាងត្រូវរឹងប៉ឹង មិនអាចទន់ជ្រាយបាន ៕
Site Title 