បាក់ដីនិងទឹកជំនន់បានសម្លាប់មនុស្ស ៧ នាក់និងបាត់ខ្លួន ១២ នាក់នៅវៀតណាម

ហាណូយ ៖ ភ្លៀងធ្លាក់ខ្លាំងបានបណ្ដាលអោយមានការបាក់ស្រុតដីនិងទឹកជំនន់នៅក្នុងប្រទេសវៀតណាមបណ្ដាលអោយមានមនុស្ស ៧ នាក់ស្លាប់និង ១២ នាក់ទៀតកំពុងបាត់ខ្លួននៅភាគខាងជើងប្រទេសវៀតណាម។ រាជរដ្ឋាភិបាលបាននិយាយនៅក្នុងសេចក្ដីថ្លែងការណ៍មួយកាលពីថ្ងៃច័ន្ទថាខេត្ត Lai Chau ជាខេត្តដែលរងការខូចខាតធ្ងន់ធ្ងរជាងគេដែលក្នុងនោះមានមនុស្ស ៥ នាក់ត្រូវបានសម្លាប់និងអាជ្ញាធរកំពុងរាយកងកម្លាំងដើម្បីស្វែងរកអ្នកបាត់ខ្លួន ១២ នាក់ទៀត។

អាជ្ញាធរគ្រប់គ្រង់គ្រោះមហន្តរាយរបស់វៀតណាមបាននិយាយនៅក្នុងសេចក្ដីថ្លែងការណ៍មួយថាមនុស្ស ២ នាក់ទៀតបានស្លាប់នៅក្នុងខេត្ត Ha Giang នៅពេលដែលផ្ទះរបស់ពួកគេបានដួលរលំ។ គាត់បានបន្ថែមទៀតថាការបាក់ស្រុតដីបានបង្កអោយមានការរំខានដល់ចរាចរណ៍នៅក្នុងតំបន់មួយចំនួនផងដែរ។

ភ្លៀងធ្លាក់ខ្លាំងត្រូវបានគេព្យាករណ៍ថានឹងបន្តនៅក្នុងតំបន់នេះក្នុងរយះពេល ២ ថ្ងៃទៀត។ គួរបញ្ជាក់ផងដែរថាទឹកជំនន់និងខ្យល់ព្យុះបានសម្លាប់មនុស្សរាប់រយនាក់ជារៀងរាល់ឆ្នាំនៅវៀតណាមនិងបង្កអោយមានការខូចខាតរាប់លានដុល្លារផងដែរ៕

ប្រែសម្រួល ៖ RathDy

បុកសាហាវណាស់!! នេះហើយលទ្ធផល ជិះម៉ូតូបណ្តើរ និយាយទូរស័ព្ទបណ្តើរ ជួយស៊ែរវិដេអូមួយនេះ ដើម្បីឲ្យគ្រប់គ្នាមានកាប្រុងប្រយ័ត្ន..

ប្រទេសថៃ៖ ការបើកបរនៅតាមដងផ្លូវសាធារណះ ទាមទារឲ្យយើងមានកាប្រុងប្រយ័ត្នខ្ពស់ មិនថាបើកម៉ូតូក្តី រថយន្តក្តីយើងត្រូវតែមានកាប្រុងប្រយ័ត្នទាំងអស់គ្នា មិនត្រូវបើកបរបណ្តើតេទូរស័ព្ទបណ្តើរទេ ព្រោះវាអាចបង្កឲ្យយើងមានគ្រោះថ្នាក់ដោយប្រកាណាមួយក៍អាចថាបាន ដូចនៅក្នុងវិដេអូខាងលើនេះស្រាប់ ។

បើយើងមើលឃ្លីបវីដេអូមួយនេះ ដែលត្រូវថតបានពីកាមេរ៉ាផ្ទះបែរមកផ្លូវ បន្ទាប់ពីមាននារីម្នាក់ ដែរឈប់មូតូបណ្តើរនិយាយទូរស័ព្ទបណ្តើរ ហើយបង្រុងតែបត់ម៉ូតូត្រលប់ក្រោយ តែមិនទាន់នឹងបានបត់ម៉ូតូស្រួលបួលផង ស្រាប់តែមានម៉ូតូមួយគ្រឿងទៀតបើកបរស្របទិសគ្នាបានបុកពីក្រោយពេញទំហឹងបណ្តាលឲ្យខ្ទាតនារីនោះ តែមិនបណ្តោយឲ្យមានគ្រោះថ្នាក់ធ្ងន់ធ្ងរ និងដល់អាយុជីវិតឡើយ ។

យ៉ាងណាមិញយើងមិនអាចបញ្ជាក់បានថា ភាគគីម៉ូតូមួយគ្រឿងទៀតមានការងរបួសស្រាល ធ្ងន់ ឫក៍រងគ្រោះថ្នាក់ដល់អាយុជីវិតនោះទេ ពីព្រោះកាមេរ់ាផ្ទះនោះមិនអាចចាប់ពីសកម្មភាពម៉ូតូមួយគ្រឿងនោះបាន ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Fkhmerloadnews%2Fvideos%2F216537785633731%2F&show_text=0&width=560

ដោយ៖ សុវណ្ណ ដេត

បុគ្គលិកធនាគារម្នាក់ធ្លាក់ពីលើអគារទីស្នាក់ការធំរបស់ធនាគារបាងកកដោយគ្មានមូលហេតុនៅផ្លូវសីុឡុមប្រទេសថៃ

ស្រ្តីម្នាក់បានធ្លាក់ស្លាប់ពីអគារទីស្នាក់ការធំរបស់ធនាគារបាងកកស្ថិតនៅផ្លូវស៊ីឡុមក្រុងបាងកកកាលពីថ្ងៃចន្ទប្រហែលបួនខែក្រោយពីស្រ្តីនោះបានសំរាលកូនរួច។ ការធ្លាក់ស្លាប់របស់នាងពីជាន់ទី ២៤ ត្រូវបានរាយការណ៏ទៅស្ថានីយ៍ប៉ូលីសប្រហែលម៉ោង ១០ ព្រឹក។

សាកសពរបស់ស្រ្តីនោះត្រូវបានគេប្រទះឃើញនៅលើដំបូលសួនច្បារនៅជាន់ទី ៨ នៃអគារកម្ពស់ ៣០ ជាន់។ ក្រោយពេលកើតហេតុប៉ូលីសក៏បានកំណត់អត្តសញ្ញាណថាស្រ្តីម្នាក់នោះមានឈ្មោះថា សុវណ្ណាផា យិងឌី ដែលជាបុគ្គលិកធនាគារអាយុ ៣៥ ឆ្នាំនៅការិយាល័យទូទាត់សាច់ប្រាក់ (Salary Payments Office) ។

ប៉ូលិសស៊ីបអង្កេតបានថ្លែងថា នាងត្រូវបានគេនិយាយថានាងកំពុងទទួលការលំបាកក្រោយពេលនាងសម្រាលកូនរួចកាលពីបួនខែមុន។ នេះក៏អាចជាកត្តារួមចំណែកមួយនៃរឿងក្ដីនេះផងដែរ។ ទោះបីជាយ៉ាងណាក៏ដោយមានមនុស្សជាច្រើនត្រូវបានសួរចម្លើយមុនពេលរកឃើញពីមូលហេតុនៃការធ្លាក់ស្លាប់របស់នាង ហើយការស៊ីបអង្កេតក៏នៅតែកំពុងធ្វើបន្ត៕

ប្រែសម្រួល ៖ RathDy

មនុស្ស ៣០០០ នាក់ត្រូវបានចាប់ខ្លួនពីបទលេងល្បែងភ្នាល់បាល់នៅព្រឹត្តិការណ៏ World Cup

ថៃ ៖ ប៉ូលីសបានឃាត់ខ្លួនអ្នកលេងល្បែងស៊ីសងភ្នាល់បាល់ប្រមាណជា ៣០០០ នាក់នៅទូទាំងប្រទេសក្នុងរយះពេលបួនថ្ងៃចាប់តាំងពីព្រឹត្តិការណ៏ប្រកួតបាល់ទាត់ពិភពលោក (FIFA World Cup) បានចាប់ផ្ដើម។ នេះបើយោងតាមអាជ្ញាធរអនុវត្តច្បាប់បានអោយដឹងថាស្ថាប័នហិរញ្ញវត្ថុនិងប្រព័ន្ធប្រតិបត្តិការទូរស័ព្ទក៏បានរួមចំណែកក្នុងការបិទល្បែងភ្នាល់បាល់តាមអ៊ីនធឺណែតនេះផងដែរ។

លោក Chalermkiat Srivorakhan ស្នងការប៉ូលីសជាតិបាននិយាយកាលពីថ្ងៃចន្ទនេះថានៅក្នុងថ្ងៃនេះមានការចាប់ខ្លួនប្រមាណជា ២៥០ នាក់ក្នុងចំណោមការចាប់ខ្លួនចំនួន ៣០០០ នាក់នៅបាងកកនិងតាមបណ្ដាខេត្តជាប់គ្នា។
លោកក៏បានបន្តទៀតថាមិនមានប្រជាជនវ័យក្មេងដែលត្រូវបានចាប់ខ្លួនទេហើយប៉ូលីសក៏មិនទាន់ទទួលបានដំណឹងណាមួយពីឧក្រិដ្ឋកម្មដែលទាក់ទងនឹងការខាតបង់ពីការលេងល្បែងស៊ីសងអំឡុងពេលបួនថ្ងៃនៃព្រឹត្តិការណ៏កន្លងមកនៅឡើយទេ។

គេបានរកឃើញថាមានគេហទំព័រភ្នាល់ល្បែងបាល់ទាត់ជាង ១០០,០០០ ត្រូវបានគេរកឃើញហើយប្រហែល ១០០ គេហទំព័រត្រូវបានធ្វើឡើងដោយប្រជាជនថៃ។ ក្រតិបត្តិការភ្នាល់ល្បែងអនឡាញនេះមានតាំងពីមុនព្រឹត្តិការណ៏នេះចាប់ផ្ដើមទៅទៀតប៉ុន្តែត្រូវបានត្រួតពិនិត្យរួចទៅហើយមុនពេលព្រឹត្តិការណ៏ប្រកួតបាល់ទាត់ចាប់ផ្ដើម ដោយប៉ូលីសទើបប្រមូលភស្តុតាងដើម្បីគាំទ្រដល់ការបញ្ជារបស់តុលាការដើម្បីបិទការប្រតិបត្តិការរបស់ពួកគេ។ ការលេងល្បែងស៊ីសងលើការប្រកួតបាល់ទាត់ពិភពលោកមានទំហំធំជាងកាលពី ៤ ឆ្នាំមុនដោយសារតែវាមានភាពងាយស្រួលក្នុងការចូលទៅលេងតាមរយះគេហទំព័រដោយទូរស័ព្ទដៃ។

ប៉ូលីសនិងកោះហៅតារាអ៊ីនធឺណែត (Net Idol) ប្រហែល ១០ រូបទៅអោយប៉ូលីសនៅទីក្រុងបាងកកនៅសប្ដាហ៍ក្រោយហើយអាចជាចោទប្រកាន់ពួកគេពីបទការផ្សព្វផ្សាយនិងនាំអោយអ្នកលេងបណ្ដាញសង្គមចូលទៅលេងល្បែងស៊ីសង។ ប៉ូលីលក៏បានប្រមានដល់មាតាបិតាសូមយកចិត្តទុកដាក់ដល់កូនៗរបស់ពួកគាត់អោយជៀសអោយឆ្ងាយពីល្បែងស៊ីសងតាមអ៊ីនធឺណែតព្រោះពួកគេអាចប្រឈមមុខនិងការកាត់ទោសព្រហ្មទណ្ឌលើសពីការចាប់យកទ្រព្យសម្បត្តិរបស់ពួកគេ។

ប្រែសម្រួល ៖ RathDy

ភ្លើងឆេះនៅរដ្ឋ Glasgow បានបំផ្លិចបំផ្លាញ អគារ ……..

ភ្លើងឆេះបានហែកឆ្លងកាត់អាគារ Mackintosh ដ៏ល្បីល្បាញបន្ទាប់ពីវាបានឆាបឆេះនៅប្រហែលម៉ោង ភ្លើងឆេះបានរាលដាលទៅអគារក្បែរនោះរួមទាំងក្លឹបរាត្រីសាខានិងកន្លែងតន្ត្រី O2 ABC ដែលទទួលរងការខូចខាតជាច្រើន។ សេវាអគ្គីភ័យនិងជួយសង្គ្រោះនៅស្កុតឡេនបាននិយាយថាគ្មានអ្នករងគ្រោះត្រូវបានគេរាយការណ៍ទេ។ អគ្គមេបញ្ជាការរងលោក Iain Bushell បាននិយាយថា កិច្ចខិតខំប្រឹងប្រែងដើម្បីនាំយកភ្លើងដែលស្ថិតក្រោមការគ្រប់គ្រងត្រូវបានគេរំពឹងថានឹងត្រូវបានពន្យារពេល។

លោកបានបន្ថែមថា អ្នកពន្លត់អគ្គីភ័យជាង 120 នាក់ ត្រូវបានបញ្ជូនទៅកន្លែងកើតហេតុហើយកំពុងប្រឈមនឹងឧប្បត្តិហេតុដ៏លំបាកនិងស្មុគស្មាញបំផុត។ អាគារ Mackintosh ត្រូវបានរងការខូចខាតយ៉ាងធ្ងន់ធ្ងរដោយសារភ្លើងកាលពីខែឧសភាឆ្នាំ 2014ម្តងមកហើយ ក៏គ្រោងនឹងបើកដំណើរការឡើងវិញនៅឆ្នាំក្រោយនេះបន្ទាប់ពីគម្រោងជួសជុលឡើងវិញពី 20 ទៅ 35 លានផោន។

លោក Ben ដែលជាសាក្សីជាសាក្សីម្នាក់បានប្រាប់ BBC ថាភ្លើងចុងក្រោយមើលទៅ«អាក្រក់ខ្លាំងជាងមុន»។

លោក Connor Neil អាយុ 22 ឆ្នាំបាននិយាយថាមនុស្សត្រូវបានជម្លៀសចេញពីផ្ទះរបស់ពួកគេហើយមាន “ពន្លឺពណ៌ទឹកក្រូចធំ” ដែលអាចមើលឃើញពីផ្លូវឆ្ងាយ៕ រូបភាពពេលឆេះហើយ នៅព្រឹកថ្ងៃសៅរ ទិ ១៦ ខែមិថុនា ឆ្នាំ ២០១៨

គួឲ្យរន្ធត់!! ស្រ្តីម្នាក់បន្ទាប់ពីបាត់ខ្លួនមួយយប់ ស្រាប់តែព្រឹកឡើង បងប្អូនតាមរក ក៍ប្រទះឃើញរឿងមួយមិនគួឲ្យជឿរ..(មានវិដេអូ)

ឥណ្ឌូនេស៊ី៖ ករណីដ៏រន្ធត់មួយបានកើតឡើង បន្ទាប់ពីស្ត្រីម្នាក់បានបាត់ខ្លួនមួយយប់ ហើយក្រុមគ្រួសារក៏បានតាមរក ស្រាប់តែឃើញសត្វពសថ្លាន់ដ៍ធំមួយក្បាល វាទៅណាមិនរួច ហើយដោយសង្ស័យ ក៏ចាប់វះពោះ សត្វពស់មើលក៏ឃើញស្ត្រីដែលបាត់ខ្លួននោះ នៅក្នុងពោះ របស់ពស់ថ្លាន់ ដែលករណីនេះបានកើតឡើងកាលពីថ្ងៃទី ១៥ ខែមិថុនា ឆ្នាំ ២០១៨ ស្ថិតនៅប្រទេសឥណ្ឌូនេស៊ី ។

ស្ត្រីរងគ្រោះ ពុំអាចបញ្ជាក់ឈ្មោះបានទេ តែគេដឹងថាស្រ្តីនោះមាន អាយុ ៥៥ឆ្នាំ មានទីលំនៅលើតំបន់ខាងលើ ចំណែកពស់ថ្លាន់ដែលសម្លាប់នាងមានប្រវែង រហូតដល់ ៧ម៉ែត្រឯណោះ ។

ប្រភពព័ត៌មានបានឱ្យដឹងថា មុនកើតហេតុវេលាម៉ោង ៦ និង ៣៥នាទី ថ្ងៃទី ១៤ ខែមិថុនា ឆ្នាំ ២០១៨ ស្ត្រីរងគ្រោះបានប្រាប់កូនថា ទៅសួនច្បារ រួចក៏ចេញទៅបាត់រហូតដល់ព្រលឹមឡើង ថ្ងៃទី ១៥ ខែឆ្នាំដដែល ដោយពុំឃើញស្ត្រីរងគ្រោះត្រឡប់មកផ្ទះវិញ ប្ដី និងកូនៗ សង្ស័យថាប្រហែលជាស្ត្រីរងគ្រោះធ្វើអត្តឃាត ទើបនាំគ្នាផ្អើលឆោឡោតាមរក ដោយមានអ្នកភូមិជួយរកផងដែរ ។

ក្រោយមក អ្នកភូមិបានប្រទះឃើញស្បែកជើង កាំបិត និងពិល ដែលជារបស់ជនរងគ្រោះធ្លាក់នៅលើដី ហើយក៏បន្តស្វែងរកនៅជិតៗនោះ ក៏ឃើញពស់ថ្លាន់មួយក្បាលវាទៅណាមិនរួច ដោយក្ដីសង្ស័យផងនោះ ក្រុមអ្នកភូមិក៏បានចាប់ពស់នោះមកក្នុងភូមិ រួចវះពស់ ក៏ឃើញស្ត្រីរងគ្រោះនៅក្នុងពោះ សត្វពស់នោះតែម្ដង ។

ក្រោយរកឃើញសាកសព ប្រជាពលរដ្ឋក្នុងភូមិ ក៏បានជួយរៀបចំកម្មពិធីបុណ្យតាមប្រណីពៃណី ដើម្បីចម្លងគ្រោះដល់សព្វ ព្រមទាំងក្រុមគ្រួសារសព ៕

https://www.facebook.com/plugins/video.php?href=https%3A%2F%2Fwww.facebook.com%2F306970789456172%2Fvideos%2F1057000924453151%2F&show_text=0&width=261

ដោយ៖ សុវណ្ណ ដេត
ប្រភព៖ FB

គួឲ្យអាណិតណាស់ ឪពុកស្លាប់ ម្តាយរត់ចោល ខ្លួននៅតូច បែមកត្រូវរ៉ាប់រងអម្រែកជីវិតយ៉ាងធ្ងន់បំផុត…

ប្រទេសចិន៖ គួឲ្យអាណិតណាស់ ឪពុកស្លាប់ ម្តាយរត់ចោល ខ្លួននៅតូច បែមកត្រូវរ៉ាប់រងអម្រែកជីវិតយ៉ាងធ្ងន់បំផុត ដោយត្រូវមើលថែប្អូនតូចៗ ២នាក់ ។ ក្មេងៗដែលធ្លាប់ឆ្លងកាត់ឧបសគ្គច្រើន នឹងមានជីវិតរឹងមាំ និងមានភាពចាស់ទុំជាងក្មេងដែលមិនធ្លាប់ឆ្លងកាត់ការលំបាក ហើយរឿងនេះបានកើតឡើងចំពោះកុមាររីម្នាក់ នៅក្នុងភូមិតូចមួយ ស្ថិតក្នុងតំបន់ Nantang ខេត្ត Gaozhou ប្រទេសចិន។

នេះបើតាមការចេញផ្សាយរបស់ Good Times។កាលពី ៣ឆ្នាំមុន ឪពុករបស់នាងបានស្លាប់ដោយសារជំងឺមហារីក ចំណែកម្តាយបានរត់ចោលនាង ធ្វើឲ្យនាងទទួលរងការលំបាកតាំងពីតូច និងត្រូវមើលថែប្អូនៗ ២នាក់អាយុ ៤ឆ្នាំ និង ៦ឆ្នាំ។

ដោយសារឪពុកស្លាប់ និងម្តាយរត់ចោល នាងតូចឈ្មោះ Xiao Ying អាយុ ១០ ត្រូវរ៉ាប់រងលើអម្រែកជីវិតយ៉ាងធ្ងន់ និងត្រូវមើលថែប្អូនតូចទាំងពីរ ដោយសារតែគ្រួសារនាងក្រីក្រ និងរស់នៅក្នុងស្ថានភាពលំបាក។

កិច្ចការដែលនាងត្រូវធ្វើរាល់ព្រឹកគឺ បង្រៀនប្អូនៗឲ្យចេះសម្អាតខ្លួននៅពេលព្រឹក ដូចជាដុសធ្មេញជាដើម និងនាំពួកគេទៅសាលារៀន។ទោះបីត្រូវរ៉ាប់រងមើលថែប្អូនៗយ៉ាងណាក៏ដោយ Xiao Ying មិនបោះបង់ការសិក្សានោះទេ គឺនាងទៅរៀនជាមួយប្អូនៗដែរ។ Xiao Ying ក៏ជាសិស្សគំរូក្នុងសាលាផងដែរ។ ថ្ងៃមួយក្នុងសាលារបស់នាងមានការផ្តល់អាហារពេលព្រឹក មានបបរមួយចាន និងនំបុ័ងមួយដុំ ហើយនាងហូបតែបបរ និងទុកនំមួយដុំនោះសំរាប់ឲ្យប្អូនៗនៅឯងផ្ទះហូប។

ពេលចេញពីសាលា នាងប្រញាប់ទៅផ្ទះ ដើម្បីធ្វើម្ហូប និងចំអិនបាយឲ្យប្អូនៗ។ ម្ហូបដែលពួកគេហូប រៀងរាល់ថ្ងៃ គឺឆាបន្លែទទេមិនមានសាច់នោះទេ។ ការរស់នៅប្រចាំថ្ងៃទទួលបានការផ្គត់ផ្គងពីពូរបស់នាង ហើយពេលខ្លះ អ្នកជិតខាង ក៏មានផ្តល់អាហារដូចជាសាច់ដល់ពួកគេដែរ។កិច្ចការរាល់ថ្ងៃរបស់នាង គឺនាងត្រូវដាំបាយ បោកខោអាវឲ្យប្អូន និងកិច្ចការផ្ទះផ្សេងៗទៀត ប៉ុន្តែនាងធ្វើវាបានយ៉ាងស្ទាត់ជំនាញ ដោយសារតែនាងជាក្មេងស្រីមានជីវិតលំបាកតាំងពីតូច ដូច្នេះការងារបែបនេះវាធម្មតាសំរាប់នាងទៅហើយ។

ទីបំផុតការតស៊ូរបស់ Xiao Ying បានលិចលឺដល់ខាងសាលា ហើយខាងសាលាក៏បានរៀបចំឲ្យមានការបរិច្ចាកដើម្បីសម្រួលដល់ការរស់នៅរបស់នាង។ មានសប្បុរសជនជាច្រើនបានជួយផ្តល់ជាលុយកាក់ និងសម្ភារៈ ដើម្បីជួយដល់ការរស់នៅប្រចាំថ្ងៃរបស់ពួកគេ៕

ចិនមិនព្រមទទួល ផ្លែគូលេនវៀតណាម ដោយសារតែ……..

ហាណូយ៖ ដើមផ្លែគូលែនរបស់វៀតណាម ដែលគេហៅថា ធីវ (Theiu) ត្រូវបានដាំដុះដោយផ្អែកទៅលើស្តង់ដា វៀតហ្គេប (VietGAP) ឬ GlobalGAP ដែលត្រឹមត្រូវតាមការកំណត់ទាមទារយ៉ាងតឹងរ៉ឹង នៃទីផ្សារនាំចេញដូចជា សហរដ្ឋអាមេរិក អូស្រ្តាលី និងសហភាពអឺរ៉ុបជាដើម។ ម៉្យាងវិញទៀត ពូជផ្លែគូលែននេះក៏ត្រូវបាននាំចេញទៅកាន់ទីផ្សារដ៏ធំរបស់ចិនផងដែរ។

ខេត្ត ហៃដុង (Hai Duong) ភាគខាងជើងវៀតណាម ដែលជាតំបន់ល្បីឈ្មោះសម្រាប់ពូជផ្លែគូលែនពិសេសម៉្យាងនោះ កំពុងគ្រោងនឹងធ្វើការនាំចេញប្រភេទផ្លែឈើនេះក្នុងចំនួន ១,០០០តោន ចេញទៅក្រៅប្រទេសនៅឆ្នាំ២០១៨ នេះ។ នេះបើតាមការដកស្រង់ការផ្សាយចេញពី ទីភ្នាក់ងារព័ត៌មានចិន ស៊ីនហួរ នៅរសៀលថ្ងៃចន្ទ ទី១១ ខែមិថុនា ឆ្នាំ២០១៨។

សូមបញ្ជក់ដែរថា បច្ចុប្បន្នខេត្ត Hai Duong មានផ្ទៃដីដាំដុះដើមគូលែនទំហំប្រមាណ ១០,៥០០ហិកតា ដែលភាគច្រើនគឺជាពូជគូលែន Thieu នៅស្រុកថាញ់ហា (Thanh Ha) និងក្រុងលិញ (Linh) ជាមួយទិន្នផលប្រហែល ៦០,០០០តោន នៃផ្លែឈើស្រស់នេះក្នុងមួយឆ្នាំៗ។ កាលពីប៉ុន្មានឆ្នាំមុននេះ ប្រទេសចិនក៏ធ្លាប់បានបិទការនាំចូលផ្លែគូលែន ពីប្រទេសវៀតណាមផងដែរ ដោយសារតែការរកឃើញថា ផល្លានុផលនេះមានផ្ទុកសារធាតុគីមីខ្លាំង៕

គ្រោះថ្នាក់ចរាចរណ៍ដ៍រន្ធត់ នៅប្រទេស…

ប្រទេសថៃ៖ រថយន្តកុងតឺន័រមួយគ្រឿង បើកបរក្នុងល្បឿនលឿន បានជ្រុលចង្កូតទៅបុកផ្ទាំងថ្មចែកទ្រូងផ្លូវ ហើយបណ្តាលអោយអ្នកបើកបររថយន្តកុងតឺន័រខ្ទាតចេញមកក្រៅ ហើយបានមកបុកខ្ទប់និងរថយន្តតូចនៅម្ខាងផ្លូវមួយទៀតស្លាប់យ៉ាងអាណោចអាធ័ម បន្ទាប់ពីបញ្ជូនទៅដល់មន្ទីពេទ្យ។

ហេតុការណ៍ដ៍រន្ធត់នេះបានកើតឡើងនៅបរិវេណម៉ត័រវ៉េ ផ្លូងចូលផាត់តាយ៉ា គីឡូម៉ែត្រលេខ73 ឃុំណងខាងខក ស្រុកមឿងឈុនបុរី ប្រទេសថៃ ។

នេះជាទុកថាជាមេរៀនមួយ ដែលតៃកុងឡានទាំងត្រូវតែចាំថា ពេលបើកបរត្រូវតែពាក់ខ្សែរក្រវ៉ាត់កាពារ ដើម្បីជៀសវាងបង្ករឲ្យគ្រោះថ្នាក់ដល់អាយុជីវិតដូចយើងឃើញនៅក្នុងវិដេអូនេះស្រាប់ ៕

ដោយ៖ សុវណ្ណ ដេត
ប្រភព៖ FB

កូរ៉េខាងត្បូងបានក្លាយជាប្រទេសដែលមានលិខិតឆ្លងដែនមានឥទ្ធិពលបំផុតក្នុងពិភពលោកនាពេលសព្វថ្ងៃនេះ

ប្រទេសកូរ៉េខាងត្បូងគឺជាប្រទេសអាស៊ីទីពីរដែលធ្លាប់មានសន្ទស្សន៏ Global Passport Index ដែលវាបានធ្វើអោយលិខិតឆ្លងដែនកូរ៉េខាងត្បូងក្លាយជាលិខិតឆ្លងដែនដ៏មានឥទ្ធិពលបំផុតនៅក្នុងពិភពលោកនាសព្វថ្ងៃនេះ។ ពិន្ទុទិដ្ឋាការឥតគិតថ្លៃរបស់កូរ៉េខាងត្បូងគឺ ១៦២ នាពេលនេះ វាមានន័យថាប្រជាពលរដ្ឋមានសិទ្ធិទទួលបានទិដ្ឋការដោយឥតគិតថ្លៃដល់បណ្ដុំទាំងមូលនៃបណ្ដាប្រទេសរួមទាំងប្រទេសផ្សេងទៀតដូចជា អាមេរិក កាណាដា រុស្សុី និង បណ្ដាប្រទេសអ៊ីរ៉ុប និង មជ្ឍឹមបូព៌ា។

មានតែប្រទេសអាស៊ីតែមួយគត់ដែលធ្លាប់មានចំណាត់ថ្នាក់កំពូលនៃសន្ទស្សន៍ Global Passport Index គឺ សិង្ហបុរីដែលទទួលបានចំណាត់ថ្នាក់ដំបូងកាលពីឆ្នាំ ២០១៧ ហើយបច្ចុប្បន្នកំពុងស្ថិតនៅជាមួយកូរ៉េខាងត្បូងនៅក្នុងចំណាត់ថ្នាក់នេះផងដែរ(ចំណាត់ថ្នាក់ទី ១)។

ប្រទេសជប៉ុនក៏បានផ្លាស់ប្ដូរទៅចំណាត់ថ្នាក់ទី ២ ជាមួយនឹងពិន្ទុទិដ្ឋាការ ១៦១ ដែលកំពុងស្ថិតនៅជាប់ជាមួយប្រទេសអាល្លឺម៉ង់។ ឆ្នាំ ២០១៧ គឺជាឆ្នាំទីមួយហើយដែលប្រទេសអាស៊ីមួយបានឈានដល់កំពូលនៃតារាងចំណាត់ថ្នាក់ដែលបានបង្ហាញពីការផ្លាស់ប្ដូរនៃបណ្ដាប្រទេសអាសីុទៅជុំវិញពិភពលោក។

វាហាក់បីដូចជាប្រទេសកូរ៉េខាងត្បូងបានទទួលនូវពាក្យរហ័សនាមជាផ្លូវការរបស់ខ្លួន (Passion, Connected) សម្រាប់ការប្រកួតកីឡាអូឡាំពិក Pyeongchang។ ដែលវាបានតភ្ជាប់ទំនាក់ទំនងយ៉ាងជិតស្និទ្ធជាមួយប្រជាពលរដ្ឋរបស់ខ្លួនទៅកាន់ពិភពលោកនិងតភ្ជាប់ពិភពលោកទៅនឹងប្រទេសដ៏ស្រស់ស្អាតនិងមានតែមួយគត់របស់ខ្លួន៕

ប្រែសម្រួល ៖ RathDy