អធិការដ្ឋាន នគរបាលខណ្ឌឬស្សីកែវ ឆ្លើយតបនឹង ពែកមី ទាក់ទងនឹង ករណីរថយន្ត Tundra ដេញបុកប្អូនថ្លៃលោក

គ្រប់គ្នាកំពុងមានការភ្ញាក់ផ្អើល និងចាប់អារម្មណ៍យ៉ាងខ្លាំង ទាក់ទងនឹងករណីរថយន្ត Tundra ដេញបុកប្អូនធម៌ នាយពែកមី កាលពីយប់ថ្ងៃទី ១០ ខែឧសភា ឆ្នាំ ២០១៨ បណ្ដាលឲ្យ លោក ចាន់ សុផាត ភ័យស្លន់ស្លោ បើកម៉ូតូជ្រុលទៅបុករបងផ្ទះដែលនៅកែងផ្លូវ រងរបួសជាទម្ងន់ រហូតឈានដល់ការបញ្ជូនទៅប្រទេសវៀតណាម ឯជនសង្ស័យមកទល់ពេលនេះ នៅមិនទាន់ចាប់បាននៅឡើយ ធ្វើឲ្យនាយពែក មី និងបណ្ដាសារព័ត៌មានចុះផ្សាយយ៉ាងព្រោងព្រាត ។

មុននេះបន្តិច ល្ងាចថ្ងៃដដែលនេះ ខាង អធិការដ្ឋាន នគរបាលខណ្ឌឬស្សីកែវ បានឆ្លើយតបទាក់ទងនឹងដំណើរការទៅ នាយ ពែកមី នៃរឿងនេះ ថា ៖

ជំរាបជូនលោកពែកមី ក៏ដូចសាធារណៈជន មេត្តាជូនជ្រាប!
ចំពោះករណីដែលបានកើតឡើងកាលពីថ្ងៃទី10 ខែ5 សមត្ថកិច្ចខណ្ឌឬស្សីកែវ នឹងប៉ុស្តិ៍នគរបាលរដ្ឋបាល បានកំពុងខិតខំ ជំរុញលើវិធានការជំនាញទាំងនីតិវិធី នឹងប្រតិបត្តិការ តាមប្រសាសន៍ដឹកនាំ នឹងបទបញ្ជារបស់ឯកឧត្តម នាយឧត្តមសេនិយ៍ ជួន សុវណ្ណអគ្គស្នងការរង នឹងជាស្នងការនគរបាលរាជធានីភ្នំពេញ សូមក្រុមគ្រួសារជនរងគ្រោះ ក៏ដូចសាធារណៈជន មេត្តាផ្តល់ទំនុកចិត្តលើសមត្ថកិច្ចយើងខ្ញុំ!