មកពីទិញនំបុ័ងសាច់ត្រឡប់ទៅផ្ទះត្រូវជនសង្ស័យមួយក្រុមជិះម៉ូតូ៤គ្រឿង ដេញមកពីក្រោយហើយធ្វើសកម្មភាពធាក់ផ្តួលប្លន់យកម៉ូតូបានសម្រេច..(មានវិដេអូ)

ភ្នំពេញ៖ បុរសម្នាក់ ជិះម៉ូតូមួយគ្រឿងមកពីទិញនំបុ័ងសាច់ត្រឡប់ទៅផ្ទះវិញ ត្រូវជនសង្ស័យមួយក្រុមជិះម៉ូតូ៤គ្រឿងដេញមកពីក្រោយហើយធ្វើសកម្មភាពធាក់ផ្តួលប្លន់យកម៉ូតូបានសម្រេចរួចជិះគេចខ្លួនបាត់ដោយវុត្ថិភាព ហេតុការនេះបានកើតឡើងនៅវេលាវេលាម៉ោង១១:៣០នាទីយប់ ថ្ងៃទី០៣ មិថុនា ២០១៨ នៅតាមបណ្តោយផ្លូវ៣១៣ កែងផ្លូវ៦០៨ (ជិតសលកវិទ្យាបញ្ញាសាស្រ្ត)សង្កាត់បឹងកក់២ ខណ្ឌទួលគោក រាជធានីភ្នំពេញ។

បើតាមសម្តីជនរងគ្រោះបានប្រាប់ថា ដំបូងខ្លួនបានជិះម៉ូតូមួយគ្រឿងមកពីទិញនំបុ័ងសាច់ត្រឡប់ទៅផ្ទះវិញ ត្រូវជនសង្ស័យមួយក្រុមជិះម៉ូតូ៤គ្រឿងដេញមកពីក្រោយហើយធ្វើសកម្មភាពធាក់ផ្តួលប្លន់យកម៉ូតូបានសម្រេចរួចជិះគេចខ្លួនបាត់តែម្តង។

ហើយជនរងគ្រោះឈ្មោះ យ៉េន មុំ មុន អាយុ ២២ឆ្នាំ ម៉ូតូដែលត្រូវក្រុមចោរយកទៅបាត់នោះ ម៉ាក Suzuki Nex ស៊េរីឆ្នាំ២០១៨ ពណ៍ស លាយខៀវ ពាក់ស្លាកលេខភ្នំពេញ 1GX-3357 ។

ឥឡូវជនរងគ្រោះ បានទៅដាក់ពាក្យបណ្តឹងនៅប៉ុស្តិ៏នគរបាលបឹងកក់២ ដើម្បីស្រាវជ្រាវរកជនល្មើសមកផ្តន់ទាទោសតាមច្បាប់ ៕