តន្រ្តីគឺជារឿងមួួយក្នុងចំណោមរឿងជាច្រើនទៀតដែលមានក្នុងលោកយើងនេះដែលអាចបំបាត់រនាំងនៃភាសានិងគម្លាតអាយុបាន។ ជាមួយនឹងចង្វាក់ដ៏គួរអោយទាក់ទាញ វីដេអូចម្រៀងដ៏អស្ចារ្យ និងក្បាច់រាំជាចង្វាក់ប្លែកៗ វិស័យចម្រៀងកូរ៉េ K-Pop បានរីកមុខមាត់លើឆាកអន្តរជាតិ និងមានការគាំទ្រដោយមនុស្សជាច្រើនផងដែរ ។
ប៉ុន្តែគ្មានអ្វីដែលធ្វើអោយអ្នកមានចម្ងល់ចំពោះចំណាប់អារម្មណ៍របស់អ្នកទៅលើតន្រ្តីជាងក្បាច់រាំរបស់អគ្គនាយកវ័យ ៥២ ឆ្នាំដែលរាំតាមបទ ”DNA” របស់ក្រុម BTS នេះឡើយ។ ក្នុងព្រឹត្តិការណ៏មួយដែលបានធ្វើឡើងក្នុងប្រទេសជប៉ុនកាលពីពេលថ្មីៗនេះ អគ្គនាយកឈ្មោះ Hiroshi Okamoto វ័យ ៥២ ឆ្នាំបានបង្ហាញក្បាច់រាំដ៏គួរអោយភ្ញាក់ផ្អើលនៅលើឆាកនៃកម្មវិធី ។មិនត្រឹមតែក្បាច់រាំរបស់គាត់គួរអោយទាក់ទាញ និងដូចក្បាច់រាំរបស់សមាជិកក្រុម BTS ប៉ុណ្ណោះទេ តែមើលទៅការសំដែងរបស់គាត់មើលទៅលោក Hiroshi ដូចជាមានពេលយ៉ាងសប្បាយរីករាយខ្លាំងបំផុតក្នុងមួយជីវិតរបស់គាត់នេះ។ អំឡុងពេលនេះលោក Hiroshi គឺជាអគ្គនាយករបស់ក្រុមហ៊ុនជប៉ុនមួយ តែពេលទំនេរពីកាងារ គាត់បានបង្ហាញក្បាច់រាំដ៏គួរអោយចាប់អារម្មណ៏ជាមួយនឹងក្រុមកាងាររបស់គាត់។
ទោះបីជាពួកគេមិនមែនជាក្រុមចម្រៀងអាជីពក៏ដោយ តែពួកគេអាចរាំក្បាច់រាំដែលពិកបាកមួយចំនួនបានយ៉ាងល្អ។ ក្បាច់រាំរបស់ពួកគេបានទាក់ទាញចំណាប់អារម្មណ៏អ្នកប្រើប្រាស់បណ្ដាញសង្គមជាច្រើន ហើយវីដេអូនៃក្បាច់រាំរបស់ពួកគេចាប់ផ្ដ់ើមល្បីពេញអ៊ីនធឺណែត។ អ្នកទាំងអស់គ្នាប្រាកដជាចង់មើលក្បាច់រាំរបស់អគ្គនាយកវ័យ ៥២ ឆ្នាំដែលរាំបានយ៉ាងល្អញាប់ដូចម៉ាស៊ីននេះម្ដងហើយម្ដងទៀត។
បើសិនជាបានមើលវីដេអូខាងក្រោមនេះអ្នកទាំងអស់គ្នាប្រាកដជាចង់រាំតាមពួកគាត់ជាក់ជាមិនខាន។
ចុចមើលវីដេអូនៅខាងក្រោមនេះ ៖
ប្រភព ៖ Koreaboo
ប្រែសម្រួល ៖ RathDy
Site Title 