ខេត្តសៀមរាប៖ ទំនប់ម្កាក់ មានរាងអក្សរ «U» កំពុងទទួលនូវប្រភពទឹកស្ទឹងជីក្រែងហូរកាត់ធ្លាក់ក្រោមស្ពានថ្មថ្មីយ៉ាងខ្មួលខ្មាញ់ ដែលភ្ញៀវទេសចរជាតិខំស្កាត់ពីចម្ងាយក្នុងបំណងប៉ងងូតទឹកលេង ប្រែជាក្រែងរអាចំពោះសុវត្ថិភាពពីព្រោះតែកម្លាំងទឹកហូរខ្លាំងពេក។
តំបន់កំសាន្តមួយនេះ ស្ថិតក្នុងភូមិទំនប់ម្កាក់ ឃុំគោកធ្លកលើស្រុកជីក្រែងខេត្តសៀមរាប មានចម្ងាយប្រមាណ ៨ គីឡូម៉ែត្រ ពីផ្លូវជាតិលេខ ៦ ផ្ទាំងប៉ាណូពីរនៅនឹងគល់ស្ពានទំនប់ម្កាក់ទាំងសងខាងរំលេចផ្ទៃពណ៌ខៀវ អក្សរខ្មែរ និងអង់គ្លេសរួមជាមួយរូបសញ្ញាបានសរសេរថា
«ប្រយ័ត្នទឹកជ្រៅ ហាមចុះទឹក» គឺជាសារព្រមានប្រាប់ប្រជាពលរដ្ឋជាពិសេស ភ្ញៀវទេសចរមកពីតំបន់ឆ្ងាយដែលមិនបានដឹងពីស្ថានភាពទឹកក្រោមស្ពានទំនប់ដោយខ្លាចក្រែងបង្កជាគ្រោះថ្នាក់ដល់អាយុជីវិតជាយថាហេតុ៕
(មានវិដេអូ)
ប្រភព៖ Mann Sophoit
Site Title 