គួរអោយរន្ធត់.! នាយទាហានម្នាក់បានបោកក្បាលស្លាប់ភ្លាមៗ ចោលប្រពន្ធនិងកូនគួរឲ្យអាសូរ…(ចុចអានបន្ត)

ភ្នំពេញ ៖ ពិតជាគួរអោយរន្ធត់បុរសម្នាក់ជានាយទាហានស័ក្តិ២ ជិះម៉ូតូ PCX មួយគ្រឿងក្នុងល្បឿនលឿន បានជ្រុលចង្កូតទៅបុកជាមួយនឹងរបាំងថ្មចែកទ្រូងផ្លូវ ពេញទំហឹងបណ្តាលឲ្យបោកក្បាលស្លាប់ភ្លាមៗនៅកន្លែងកើតហេតុ។

ហេតុការណ៍គ្រោះថ្នាក់ចរាចរណ៍ដ៏រន្ធត់នេះបានកើតឡើងនៅវេលាម៉ោង៩នឹង២០ ថ្ងៃទី២០ ខែកញ្ញា ឆ្នាំ២០១៨នេះ នៅត្រង់ចំណុចផ្លូវ៧០ ស្ថិតក្នុងសង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ ។

ជនរងគ្រោះឈ្មោះ សុវណ្ណ ច័ន្ទតុលា មុខរបរជានាយទាហាន នៃកងយោធពលខេមរភូមិន្ទ ឋានន្តរសក្ដិអនុសេនីយ៍ទោ អត្តលេខ 165777 មានប្រពន្ធមិនស្គាល់ឈ្មោះ និងកូនប្រុសម្នាក់ អាយុប្រហែល៣ខួប។

ប្រភពព័ត៌មានពីអ៊ុំប្រុសម្នាក់នៅទល់មុខកន្លែងកើតហេតុបាន រៀបរាប់ប្រាប់ឲ្យ ដឹងថា នៅមុនពេលកើតហេតុ គេឃើញបុរស ម្នាក់ជិះម៉ូតូ PCX ពណ៍ស លាយទឹកក្រូចមួយគ្រឿង ពាក់ស្លាកលេខភ្នំពេញ 1CJ-1780 ក្នុងល្បឿនលឿន ខណៈដែល មិនឃើញពាក់មួកសុវត្ថិភាពនោះទេ ទិសដៅពីកើតទៅលិច

លុះមកដល់ចំណុចកើតហេតុ បានរេចង្កូតទៅបុកជាមួយនឹងទ្រូងផ្លូវពេញទំហឹង បណ្តាលឲ្យផ្លោងទៅបុកបង្គោលភ្លើង នឹងទ្រូងផ្លូវពេញទំហឹង ភ្លាមៗនោះគេឃើញរថយន្តគិលានសង្គ្រោះគ្លីនិកឯកជន បានមកយកជនរងគ្រោះទៅសង្គ្រោះបន្ទាន់ដែរ តែអកុសលជនរគ្រោះបានស្លាប់បាត់បង់ជីវិតភ្លាមតាំងពីកើតហេតុ មកម៉្លេះ ។

សូមបញ្ជាក់ថា ជនរងគ្រោះមានដាក់មួកសុវត្ថិភាពនៅជាប់ម៉ូតូដែរ តែពេលធ្វើដំណើរមិនបានពាក់មួកសុវត្ថិភាពនោះទេ។

ក្រោយពេលកើតហេតុសាច់ញាតិនិងក្រុមគ្រួសាររួមទាំងប្រពន្ធជនរងគ្រោះបានមកដល់កន្លែងកើតហេតុ ស្រែកទ្រហោយំស្រណោះអាឡោះអាល័យ ខណៈពេលដែលបាត់បង់សមាជិកគ្រួសារ ដោយសារគ្រោះថ្នាក់ចរាចរខាងលើនេះ ក្រោយមកសពជនរងគ្រោះ ក៏ត្រូវបានក្រុមគ្រួសារយកទៅធ្វើបុណ្យតាមប្រពៃណីនៅឯគេហដ្ឋាន៕