ក្រោយពេលអ្នករត់ Pass App ចោទថាម្ចាស់ឆ្កែមើលងាយទាស់គ្នាបែកផ្សែងនោះ ទីបំផុតត្រូវតាធាក់ស៊ីក្លូម្នាក់ ជាអ្នករ៉ាប់រងដឹកឆ្កែមួយក្បាលនេះទៅចាក់ថ្នាំការពារក្នុងតំលៃត្រឹមតែ…

ភ្នំពេញ៖ ប្រិយមិត្តពិតជាបានដឹងរួចហើយរឿងរ៉ាវមនុស្ស២នាក់ស្លាប់ដោយឆ្មា-ឆ្កែ ខាំ នាពេលថ្មីៗនេះ ធ្វើឲ្យមនុស្សមួយចំនួន ខ្លាចរអារ សត្វឆ្កែ ឆ្មា រហូត មិនឲ្យសត្វទាំងពីរប្រភេទនេះជិះលើ យានយន្តរបស់ខ្លួន ព្រោះខ្លាចចង្រៃ ឬ ឆ្លងរោគ ។ក្រោយពីមានការសែលតៗគ្នាអំពី អារឿងសត្វឆ្កែមួយក្បាលសោះធ្វើឲ្យមនុស្ស២នាក់ជជែកឈ្លោះគ្នាយ៉ាងតឹងសរសៃកនិងចង់ប្រើហិង្សាដាក់គ្នាទៀតផង ។ ជម្លោះរឿងឆ្កែនេះគឺកើតឡើងពី ស្ត្រីម្នាក់ជាម្ចាស់ឆ្កែបានហៅបុរស បើកឡំប្រឺតា (ម៉ូតូកង់៣ផលិតនៅឥណ្ឌា) ឲ្យដឹកឆ្កែទៅចាក់ថ្នាំ ។

ពេលនោះម្ចាស់ឆ្កែមិនទាន់ឡើងម៉ូតូកង់៣ផង ត្រូវសត្វឆ្កែឆ្លាតវ័យ១ក្បាលលោតផ្លោតទៅអង្គុយលើ ម៉ូតូកង់៣មុនម្ចាស់បាត់ទៅហើយ ។ ទង្វើរបស់សត្វឆ្កែមួយក្បាលនេះ បានធើ្វឲ្យម្ចាស់ម៉ូតូកង់៣ខឹងច្រឡោតដាច់ក្បាលកន្ទុយដោយចាត់ទុកថាម្ចាស់ឆ្កែមើលងាយគាត់« មនុស្សមិនជិះ ឲ្យឆ្កែជិះ» ក៏កើតមានការជជែកគ្នាមួយសន្ទុះធំ និងចង់ប្រើហិង្សាដាក់គ្នាយ៉ាងខ្លាំង ទោះបីម្ចាស់ឆ្កែហួសចិត្តសុខចិត្តឲ្យថ្លៃឆ្កែជិះម៉ូតូកង់៣មួយភ្លែត៣០០០រៀល ក៏អ្នករត់ម៉ូតូកង់៣ មិនទទួលយកដែរ ហើយនៅតែប្រកាន់ថា ម្ចាស់ឆ្កែមើលងាយគាត់ ។ទីបំផុតជម្លោះរឿងយកឆ្កែទៅចាក់ថ្នាំត្រូវបានបញ្ចប់ដោយសារ ម្ចាស់យកឆ្កែចូលផ្ទះបិទទ្វារជិត ហើយក្រោយពីម៉ូតូកង់៣ ចេញផុតទៅ បានភ័ព្វសំណាងលើ តាស៊ីក្លូម្នាក់ ជាអ្នករ៉ាប់រងដឹកឆ្កែមួយក្បាលនេះទៅចាក់ថ្នាំការពារក្នុងតម្លៃមួយសមរម្យទៅវិញ។(ដោយនាយជាល) ចុះប្រិយមិត្តវិញយល់យ៉ាងណាដែរ?

សូមជួយស៊ែរម្នាក់មួយមកបងប្អូន យុវជនវ័យក្មេងម្នាក់ទៀត អាចផលិតមីល្ពៅបានដែរ កំពុងល្បីខ្លាំងនៅត្បូងឃ្មុំ

យុវជនវ័យក្មេង ស្រេង លីហេង បានរកឃើញរូបមន្តផលិតមីល្ពៅបានសម្រេចកំពុងលក់ដាច់ខ្លាំងនៅខេត្តត្បូងឃ្មុំ ។ យុវជនវ័យ ២៤ ឆ្នាំ រូបនេះ មានស្រុកកំណើតនៅភូមិម៉ាស៊ីនទឹក ឃុំមេមត់ ស្រុកមេមត់ ខេត្តត្បូងឃ្មុំ បានប្រាប់ប្រជាប្រិយនៅរសៀលថ្ងៃទី ២១ ខែកុម្ភៈ ឆ្នាំ ២០១៩ នេះថា តាមពិតរូបលោកជាអ្នកផលិតមីលក់ជាងមួយឆ្នាំទៅហើយ ដោយផលិតជាមីលឿង និង មីស្លឹកតើយ តែដោយសារមានយុវជនម្នាក់នៅខេត្តបាត់ដំបង អាចផលិតមីល្ពៅបាន ធ្វើឲ្យអតិថិជនរបស់លោកសំណូមពរឲ្យលោកផលិតមីល្ពៅនេះដែរ ទើបលោកសម្រេចផលិតតាមការសំណូមពររបស់អតិថិជនតែម្ដង ។លីហេង បានបន្តទៀតថា មីល្ពៅនេះលោកទើបផលិតបានជោគជ័យកាលពីម្សិលមិញនេះឯង ពោលគឺនៅថ្ងៃទី ២០ ខែកុម្ភៈ ឆ្នាំ ២០១៩ ។ លីហេង ប្រាប់ថា ថ្ងៃដំបូងលោកផលិតបាន ៤០ គីឡូ និង លក់ដាច់អស់គ្មានសល់ ។ ក្នុងនោះមួយគីឡូក្រាមតម្លៃ ១ ម៉ឺនរៀល ជាប្រភេទមីស្រស់ មិនមែនមីស្ងួតដូចអ្នកផលិតនៅបាត់ដំបងនោះទេ ។

នៅពេលដែលប្រជាប្រិយបានសួរថា តើ លីហេង ផលិតមីល្ពៅនេះដើម្បីប្រកួតប្រជែងជាមួយមីល្ពៅអ្នកបាត់ដំបងដែរឬទេ ? យុវជនវ័យក្មេងរូបនេះបានឆ្លើយថា ពុំមែនជាការប្រកួតប្រជែងអ្វីឡើយ គឺលោកគ្រាន់តែធ្វើទៅតាមការសំណូមពររបស់អតិថិជនតែប៉ុណ្ណោះ ព្រោះអ្នកខេត្តត្បូងឃ្មុំ ចង់សាកហូបមីល្ពៅនេះ ប៉ុន្តែនៅរហូតដល់បាត់ដំបងពិបាកទិញ ។អ្នកខេត្តត្បូងឃ្មុំរូបនេះ ក៏បានឲ្យដឹងថា លោកបានបញ្ចប់ការសិក្សាផ្នែកផលិតនំនៅសាលាមួយក្នុងរាជធានីភ្នំពេញកាលពីឆ្នាំ ២០១៨ ។ ដំបូងឡើយលោកផលិតមី ដើម្បីគ្រាន់តែផ្គត់ផ្គង់ដល់ការលក់មីឆារបស់គ្រួសារលោកតែប៉ុណ្ណោះ តែក្រោយៗមកក៏មានអ្នកសុំទិញបន្តជាហូហែ ទើបលោកចាប់ផ្ដើមផលិតកាន់តែច្រើនឡើង ។ ក្នុងនោះកាលពីមុនលោកផលិតមីលឿងដែលធ្វើពីពងមាន់ និង មីខៀវធ្វើពីស្លឹកតើយធម្មជាតិ ទើបតែឥឡូវនេះថែមមីល្ពៅមួយមុខទៀត ។

ក្នុង ១ ខែ លីហេង ប្រាប់ថា អាចលក់មីរហូតបានទៅដល់ ១ តោន ដែលអតិថិជនភាគច្រើន ជាអ្នកនៅក្នុងខេត្ត ហើយក៏មានការបញ្ជាទិញពីអ្នកភ្នំពេញខ្លះដែរ ។ ដោយឡែកចំពោះមីល្ពៅស្រស់នេះគឺលោកផលិតទៅតាមតម្រូវការ បើគេទិញទើបលោកផលិត ព្រោះមីស្រស់របស់លោកមិនអាចរក្សាទុកបានច្រើនថ្ងៃឡើយ ៕

ហួសចិត្ត អ្នកវិភាគថៃថា ការពុលបរិយាកាសនៅបាងកក គឺមកពីកសិករនៅស្រុកខ្មែរ ដុតចំបើងហ៊ុយច្រើនពេក

ស្ថានឯកអគ្គរាជទូតកម្ពុជាប្រចាំព្រះរាជាណាចក្រថៃ អំពាវនាវឱ្យប្រជាពលរដ្ឋខ្មែរដែលមានវត្តមានក្នុងប្រទេសថៃទាំងអស់ មេត្តាថែរក្សាសុខភាព និង ប្រុងប្រយ័ត្នខ្ពស់ ដោយពាក់ម៉ាសការពារប្រភេទ N95 ។នេះបេីយោងតាមសេចក្ដីជូនដំណឹង កាលពីថ្ងៃទី៣១ ខែមករា ឆ្នាំ២០១៩ របស់ស្ថានឯកអគ្គរាជទូតកម្ពុជាប្រចាំព្រះរាជាណាចក្រថៃ ។ទូតកម្ពុជា បញ្ជាក់ថា ខ្យល់កខ្វក់ PM 2.5 ដែលភាគល្អិតនៃធូលីមានទំហំតូចជាង ២,៥មីក្រូម៉ែត្រ ហើយត្រូវចាត់ទុកថា មានគ្រោះថ្នាក់បំផុត ដោយសារទំហំដ៏តូចរបស់វាអាចចូលជ្រៅទៅក្នុងសួត និង ប៉ះពាល់សរីរាង្គផ្សេងទៀត ។ទាក់ទងបញ្ហានេះ រាជរដ្ឋាភិបាលប្រទេសថៃប្រកាសឱ្យសាលារៀន និង គ្រឹះស្ថានអប់រំមួយចំនួនបិទដំណើរការជាបណ្តោះអាសន្នក្នុងគោលបំណងការពារសុវត្ថិភាព សុខភាព សិស្សនិស្សិតទាំងអស់ ។ដោយឡែក នៅថ្ងៃទី៣ ខែកុម្ភៈ នេះ លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន សរសេរតាមបណ្ដាញសង្គមហ្វេសប៊ុក ថា “ស្រុកថៃពេលនេះ ក៏សំបូរអ្នកវិភាគឯករាជ្យដូចស្រុកខ្មែរដែរ ព្រោះទើបឃើញអ្នកវិភាគថៃមួយបាននិយាយថា អាកាសធាតុកខ្វក់នៅបាងកកគឺបណ្តាលមក……ពីអ្នកស្រែស្រុកខ្មែរដុតចំបើងតាមស្រែទេ ។

អាសូរណាស់ លោកអើយ ពលរដ្ឋ នៅតែលើកដៃអង្វរសូមឲ្យរដ្ឋបាលខេត្តព្រះសីហនុ មេត្តាជួយរកយុត្តិធម៌ដល់ពួកគាត់ (មានវិដេអូ)

ប្រជាពលរដ្ឋជាង១០០គ្រួសារក្នុងចំណោមប្រជាពលរដ្ឋជាង៤០០គ្រួសារបានធ្វើការតវ៉ានិងសំណូមពរទៅដល់ រដ្ឋបាលខេត្តក៏ដូចជារាជរដ្ឋាភិបាលជួយរកដំណោះស្រាយគោលនយោបាយដល់ពួកគាត់ ខណៈពេលដែលការចុះអនុវត្តន៍ សាលក្រម ស្ថាពររបស់តុលាការកំពូល កាលពីថ្ងៃទី២៤មករាឆ្នាំ២០១៩កន្លងមក ។

ដឹកនាំដោយលោក សៀង សុខ ព្រះរាជ អាជ្ញាអមសាលា តំបូងខេត្តព្រះសីហនុ,លោកព្រះរាជអាជ្ញារង និង ឯកឧត្តម ផៃ ប៊ុនវណ្ណៈ អភិបាលរងខេត្ត ដោយមានកម្លាំងចម្រុះ របស់គណៈបញ្ជាការឯកភាពខេត្តបានធ្វើឲ្យមានការប៉ះទង្គិចគ្នារវាងប្រជាពលរដ្ឋប្រមាណជាង៤០០នាក់ជាមួយនឹងអាជ្ញាធរ ខេត្តព្រះសីហនុ រហូតមានការផ្ទុះអាវុធបំបែងហ្វូងប្រជាពលរដ្ឋ និងបានចាប់ខ្លួនប្រជាពលរដ្ឋចំនួន០៦នាក់។

ដើម្បីរារាំងការចុះអនុវត្តន៍សាលក្រមស្ថាពរនោះគេសង្កេតឃើញប្រជាពលរដ្ឋបាននាំគ្នាដុតកង់ឡាន និង គប់ដុំថ្ម រារាំងទៅលើ សមត្ថកិច្ច ដែលមានជម្លោះដីធ្លី ជាមួយឧកញ៉ាអ្នកមានលុយ មានអំណាច ក្នុងពេលដែលសមត្ថកិច្ចចម្រុះ ចុះទៅបំបែកការប្រមូល ផ្តុំតវ៉ាការពារដីធ្លីរកយុត្តិធម៌លើវិវាទដីធ្លី ស្ថិតក្នុងភូមិគគី ឃុំបិតត្រាំង ស្រុកព្រៃនប់ខេត្តព្រះសីហនុ(ជិតវត្តអូរត្រេះ ) ដែលបច្ចុប្បន្ន ពួកគាត់មិនមានជម្រកស្នាក់នៅបន្ទាប់ពីអាជ្ញាធររុះរើកាយផ្ទះរបស់ពួកគាត់អស់។

ជាក់ស្តែងនៅព្រឹកថ្ងៃទី២៨ ខែមករា ឆ្នាំ២០១៩នេះ ប្រជាពលរដ្ឋជាង១០០គ្រួសារនៅតែចេញតវ៉ាប្រឆាំងការចុះអនុវត្តសាលដីកា វាស់វែងដីធ្លីពួកគាត់រស់នៅរាល់ថ្ងៃឲ្យទៅលោក ឆាយ ណារិន ដែលឈ្នះសាលក្រមស្ថាពររបស់តុលាការកំពូលនៅចំណុចភូមិគគី។

ពួកគាត់បាននាំគ្នាស្រែកថា អយុត្តិធម៌ណាស់ ក្នុងការចុះអនុវត្តន៍សាលក្រមនេះ ព្រោះពួកគាត់បានមករស់នៅក្នុងព្រៃនេះ តាំងពីយូរយារណាស់ហើយ ព្រោះដីនេះត្រូវបានរដ្ឋាភិបាលនិរាករណ៍តាំងពីឆ្នាំ២០០២មកម៉្លេះ ហេតុអីបានតុលាការកំពូល កាត់ក្តីឲ្យទៅបុគ្គលឯកជននៅលើដីរដ្ឋទៅវិញ តើច្បាប់នៅកន្លែងណា បើចេះតែធ្វើបែបនេះ តើឲ្យប្រជាពលរដ្ឋ ទៅសង្ឃឹមអ្វី?។ដោយឡែក លោក ឆាយ ណារិន ភេទ ប្រុសអាយុ៥៦ឆ្នាំ ដែលជា ភាគីឈ្នះក្តីក្នុងសំណុំរឿងរដ្ឋប្បវេណី១៣៣ ចុះថ្ងៃទី១២ឧសភា ឆ្នាំ២០១៦ សាលដីការលេខ៣៤៨ (ឈ)ចុះថ្ងៃទី២១វិច្ឆិកាឆ្នាំ២០១៧ របស់តុលាការកំពូល បានអះអាងថា អ្វីដែលក្រុមការងារ ចម្រុះមកអនុវត្តន៍នៅថ្ងៃនេះ គឺផ្អែកទៅលើច្បាប់ជាកតិយុទ្ធមិនបានរំលោភសិទ្ធិទៅលើប្រជាពលរដ្ឋនោះទេ ព្រោះដីទាំង៧១ ហិកតានេះ ជាកម្មសិទ្ធិរបស់លោកហើយលោក បានឈ្នះក្តី លោក ហេង អ៊ុយ ហុក លោកហេងប៉ាវ ហេង វួយ និង ឈ្មោះ ជិវ ផល្លី តាំងពីឆ្នាំ២០១៦មកម្លេះ។ដូចនេះលោកធ្វើអ្វីទៅផ្លូវច្បាប់ អ្វីៗគឺការពារដោយច្បាប់។ឯចំពោះការទិញលក់នៅលើដី របស់លោក របស់ជនមួយចំនួន លោកពុំទទួលខុសត្រូវឡើយ។ខណៈពេលដែលប្រជាពលរដ្ឋស្រែកសុំរកយុត្តិធម៌និងរកដំដោះស្រាយគោលនយោបាយជូនពួកគាត់នៅព្រឹកថ្ងៃទី២៨មករានេះ ដែរ ឯកឧត្តម ផៃ ប៊ុន វណ្ណៈ អភិបាលរងខេត្តព្រះសីហនុ លោកព្រះរាជអាជ្ញារងសាលាដំបូងខេត្តបានដឹកនាំកម្លាំងចម្រុះសំអាតសំណង់ អនាធិបតេយ្យនៅទីតាំងដីខាងលើបានឲ្យដឹងថា ចំពោះការដោះស្រាយគោលនយោបាយគឺលោកមិនមានបត់បញ្ជាពីរដ្ឋបាល ខេត្តនោះទេហើយការខូចខាតសម្ភារផ្សេងៗក៏មិនមានការទទួលខុសត្រូវនោះដែរគឺលោកអនុវត្តន៍ទៅតាមសាលក្រមស្ថាពររបស់តុលាការកំពូលតែប៉ុណ្ណោះ៕

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F1296938880447321%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F289030265142786%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F235036400737013%2F&show_text=0&width=560

https://www.facebook.com/plugins/video.php?href=https%3A%2F%2Fwww.facebook.com%2FApsaraNewsNetwork%2Fvideos%2F391083274979552%2F&show_text=0&width=560

ក្តៅៗ ទីបំផុតថៅកែហាងកែសម្ផស្ស «ឌែម៉ូគ្លីនិក» និងអ្នកគ្រូពេទ្យវះកាត់ ដែលពាក់ព័ន្ធជំរិតទារប្រាក់ពីអតិថិជន ត្រូវបានដោះលែង

(ភ្នំពេញ)៖ ចៅក្រមស៊ើបសួរ នៃសាលាដំបូងរាជធានីភ្នំពេញ បានសម្រេចដោះលែងថៅកែហាងកែសម្ផស្ស «ឌែម៉ូគ្លីនិក» និងអ្នកគ្រូពេទ្យវះកាត់ម្នាក់ទៀត ឲ្យមានសេរីភាពចេញពីពន្ធនាគារ (PJ) វិញហើយ កាលពីព្រលប់ថ្ងៃទី២៤ ខែមករា ឆ្នាំ២០១៩ម្សិលមិញ។ នេះបើយោងតាមមន្ត្រីតុលាការ បានប្រាប់ឲ្យដឹងនៅព្រឹកថ្ងៃទី២៥ ខែមករានេះ។

មន្ត្រីតុលាការបានបញ្ជាក់ថា លោក ម៉ុង មុន្នីសោភា ចៅក្រមស៊ើបសួរ នៃសាលាដំបូងរាជធានីភ្នំពេញ បានសម្រេចដោះលែងថៅកែហាងកែសម្ផស្ស «ឌែម៉ូគ្លីនិក» និងអ្នកគ្រូពេទ្យវះកាត់ម្នាក់ទៀត ឲ្យមានសេរីភាពចេញពីពន្ធនាគារ (PJ) វិញហើយ កាលពីព្រលប់ថ្ងៃទី២៤ ខែមករា ម្សិលមិញ បន្ទាប់ពីអ្នកទាំងពីរត្រូវ បានបង្គាប់ឲ្យឃុំខ្លួនដាក់ពន្ធនាគារ PJ បណ្តោះអាសន្ន កាលពីរសៀលថ្ងៃទី០៥ ខែមករា ឆ្នាំ២០១៩កន្លងទៅ។

សូមបញ្ជាក់ថា ជនត្រូវចោទទាំង២នាក់នេះមានឈ្មោះ ហូវ ដាណេ ជាថៅកែហាងកែសម្ផស្ស «ឌែម៉ូគ្លីនិក» និងឈ្មោះ ពៅ ស៉ីណាត ជាគ្រូពេទ្យវះកាត់។ កាលពីរសៀលថ្ងៃទី៤ ខែមករា ឆ្នាំ២០១៩ អ្នកទាំងពីរត្រូវបានលោក សឿន មុនីរ័ត្ន ព្រះរាជអាជ្ញារងអមសាលាដំបូងរាធានីភ្នំពេញ ចោទប្រកាន់ពីបទ «ប៉ះពាល់ដល់សិទ្ធខាងរូបភាពនៃបុគ្គល» តាមមាត្រា៣០២នៃក្រមព្រហ្មទណ្ឌ, «បទកំហែងយក» តាមមាត្រ៣៦៣ និងមាត្រា៣៦៤នៃក្រមព្រហ្មទណ្ឌ និង «បទការគំរាមកំហែងហែកកេរ្តិ៍» តាមមាត្រា២៧២ និងមាត្រា២៧៣នៃក្រមព្រហ្ម។

គួររំលឹកដែរថា កម្លាំងកងរាជអាវុធហត្ថលើផ្ទៃប្រទេស នៅរសៀលថ្ងៃទី០២ ខែមករា ឆ្នាំ២០១៩កន្លងទៅ បានចុះឃាត់ខ្លួនកូនប្រសារសេដ្ឋីថៃ ដែលជាម្ចាស់ហាងកែសម្ផស្ស «ឌែម៉ូគ្លីនិក» ទើបរៀបការបានពីរថ្ងៃ ពោលនៅថ្ងៃទី៣១ ខែធ្នូ ឆ្នាំ២០១៨ ក្រោយមានបណ្ដឹងរឿងជំរិតទារប្រាក់ ពីអតិថិជនដែលចូលទៅទទួលសេវាកែសម្ផស្ស។ ករណីនេះក៏បានធ្វើឲ្យមានកក្រើកពេញ បណ្តាញសង្គម Facebook ផងដែរ។

តាមប្រភពព័ត៌មានបានឲ្យដឹងថា ការដាក់ពាក្យបណ្ដឹងនេះបន្ទាប់ពីជនរងគ្រោះ បានចូលទៅកែសម្ផស្សនៅក្នុងគ្លីនិកខាងលើ ហើយត្រូវបានម្ចាស់គ្លីនិក រៀបចំបង្កប់កាមេរ៉ាថតសកម្មភាពកែសម្ផស្ស ដែលក្នុងនោះរួមមានទាំងការកែរកេរ្ដិ៍ភេទផងដែរ។ ទីតាំងហាងនេះ ស្ថិតក្នុងសង្កាត់បឹងកក់២ ខណ្ឌទួលគោក រាជធានីភ្នំពេញ៕

បុរសម្នាក់មានមន្តស្នេហ៏ឆក់បេះដូងនារីបរទេស ក្នុងគោលបំណង ដែលគ្រប់គ្នាមិនជឿ…

បរទេស៖ ករណីស្នេហាឆ្លងទ្វីបគឺជារឿងមិនងាយស្រួលប៉ុន្មានទេ ប៉ុន្តែបុរសជនជាតិឥណ្ឌូណេស៊ីម្នាក់ដែលមានរូបសម្បត្តិមិនសូវបានទេ ប៉ុន្តែគាត់អាចយកបេះដូងនារីជនជាតិអង់គ្លេស ដែលមានរូបសម្បត្តិស្រស់ស្អាតខ្លាំងណាស់ នាងមកពីទីក្រុង Manchester ដើម្បីមកជួបគាត់ ក្នុងគោលបំណងរៀបអាពាហ៍ពិពាហ៍ជាមួយនឹងគាត់។ដោយឡែកបុរសឥណ្ឌូនេស៊ីខាងលើត្រូវបានគេស្គាល់ឈ្មោះ Karna Radheya ចំណែកភរិយាថ្មីថ្មោងរបស់គេមានឈ្មោះ Polly Alexandria Robinson ជានារីអង់គ្លេស មានរូបឆោមស្រស់សោភា និង ជានារីដែលមានមនុស្សប្រុសជាច្រើនចោមរោមស្រឡាញ់ផងដែរ កាលពីមិនទាន់រៀបការ ។

គួរបញ្ចាក់ផងដែរថាលោក Karna Radheya បានឱ្យដឹងថា មុនសម្រេចចិត្តរៀបការ ពួកគេបានស្រឡាញ់ស្គាល់ចិត្តថ្លើមគ្នា ដោយជួបគ្នាដំបូងនៅកោះបាលីឯណោះ៕

ក្តៅៗ អភិបាលខេត្តព្រះសីហនុ : ពេលឃាត់ខ្លួនពលរដ្ធម្សិលមិញនេះ លោកដេកអត់លក់ទេ ពិបាកចិត្តណាស់ ព្រោះថា….

ព្រះសីហនុ៖មានការឃាត់ខ្លួន ធ្វើឡើងនៅថ្ងៃទី២៤ ខែមករា បន្ទាប់ពីពលរដ្ឋរារាំង ដោយដុតកង់ឡាន គប់ដបសាំង និង ដុំថ្មលេីសមត្ថកិច្ច នៅចំណុចដីទំនាស់ក្រោយវត្តអូរត្រេះ ឃុំបិតត្រាំង ស្រុកព្រៃនប់ ។អាជ្ញាធរខេត្តព្រះសីហនុ ឃាត់ខ្លួនពលរដ្ឋ៤នាក់ ដោយចោទប្រកាន់ថា រារាំងសមត្ថកិច្ចពេលអនុវត្តសាលដីកាស្ថាពររបស់តុលាការកំពូល ប្រគល់ដីទំនាស់ជូនឧកញ៉ា ស៊ីវ គង់ទ្រីវ ។លោកផៃ ប៊ុនវណ្ណៈ អភិបាលរងខេត្តព្រះសីហនុ ថ្លែងថា មានពលរដ្ឋចំនួន៤រូបត្រូវបានអាជ្ញាធរឃាត់ខ្លួនបណ្តោះអាសន្នបញ្ជូនមកស្នងការដ្ឋាននគរបាលខេត្តព្រះសីហនុ ក្រោមហេតុផលថាបានរារាំងការបំពេញភារកិច្ចរបស់សមត្ថកិច្ច។អាជ្ញាធរមិនមានគម្រោងថានឹងបញ្ជូនទៅផ្តន្ទាទោសតាមផ្លូវតុលាការនោះទេ ក្នុងករណីមិនមានពិរុទ្ធភាពធ្ងន់ធ្ងរ ដោយគ្រាន់តែឃាត់ខ្លួនបណ្តោះអាសន្ននាំយកមកសាកសួរនិងធ្វើកិច្ចសន្យាតែប៉ុណ្ណោះ។យ៉ាងណាមិញ មុននេះបន្តិចអភិបានខេត្តព្រះសីហនុបានលើកឡើងដែរថា “ពេលឃាត់មនុស្ស ដេកអត់លក់ទេ ពិបាកចិត្តណាស់ !” ប្រិយមិត្តចង់ជ្រាបច្បាស់សូមទស្សនាវីឌីអូខាងក្រោម

https://www.facebook.com/plugins/video.php?href=https%3A%2F%2Fwww.facebook.com%2FcpcnewsOfficialChannel%2Fvideos%2F2004538322946481%2F&show_text=0&width=476

ពុទ្ធោលោកអើយ ជិត១០ឆ្នាំចេះកែច្នៃតាមឪពុក គ្រឿងផ្សំ៤មុខ កូររម្ងាស់ចេញជាស្ករត្នោតក្លែងក្លាយ

បន្ទាយមានជ័យ ៖ ទីតាំងកែច្នៃស្ករត្នោតក្លែងក្លាយមួយកន្លែង ផលិតជិត១០ឆ្នាំមកហើយ ទើបបែកធ្លាយនាពេលនេះ ត្រូវបានកម្លាំងសមត្ថកិច្ចធ្វើការឃ្លាំមើលរយៈពេលពេញមួយយប់ លុះព្រឹកឡើងថ្ងៃទី២៣ មករា ២០១៩ ទើបឆ្មក់ចូលបង្ក្រាបតែម្តង ។

ការចុះបង្ក្រាបទីតាំងសិប្បកម្មកែច្នៃស្ករត្នោតក្លែងក្លាយនេះ ស្ថិតនៅភូមិចាន់គីរី សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ដឹកនាំដោយលោក តេង សាម៉ៃ ព្រះរាជអាជ្ញារងអមសាលាដំបូងខេត្ត សហការជាមួយសមត្ថកិច្ចជំនាញពាក់ព័ន្ធ មានលោកស្នងការរងខេត្ត ទទួលបន្ទុកកិច្ចការងារប្រឆាំងបទល្មើស, លោក សាន វិជ្ជាសារ៉ាវុធ ប្រធានសាខាកាំកុងត្រូលខេត្ត និងមន្ត្រីជំនាញជាច្រើនរូបទៀត ។

លោកឧត្តមសេនីយ៍ត្រី ចាប សុផារឹទ្ធ ស្នងការរង បានអោយដឹងថា ម្ចាស់ទីតាំងឈ្មោះ ផៃ សំណាង ភេទប្រុស អាយុ២៦ឆ្នាំ ត្រូវបានសមត្ថកិច្ចឃាត់ខ្លួននាំយកទៅសាកសួរបន្ត នៅការិយាល័យជំនាញ នៃស្នងការដ្ឋាននគរបាលខេត្ត ។

លោកស្នងការរង បន្តថា ទីតាំងគ្មានច្បាប់អនុញ្ញាត ផលិតពុំមានអនាម័យ គ្មានបច្ចេកទេសស្តង់ដារត្រឹមត្រូវ និងសិប្បកម្មផលិតស្ករត្នោតគ្មានយីហោ គ្មានលើកស្លាក ។ ពេលចុះពិនិត្យ មន្ត្រីជំនាញរកឃើញវត្ថុតាងនៅក្នុងផ្ទះកើតហេតុ រួមមាន ៖ ស្ករអំពៅ(ស្ករស) ម៉ាកMITR PHOL ១៥ការ៉ុង ស្មើនឹង៩០០គីឡូក្រាម ឆ្នាំងខ្ទះត្នោតសម្រាប់រំងាស់ចំនួន២ ស្ករត្នោតមិនទាន់កែច្នៃចំនួន៣០ការ៉ុង ខ្ទះបំពាក់ម៉ូទ័រវាយស្ករត្នោតចំនួន១ សាច់ជូ ចំនួន៦០០ក្រាម ស្ករត្នោតកែច្នៃរួចចំនួន៥០គីឡូក្រាម កាធុនជ័រសម្រាប់ដាក់ស្ករ ២ ធុងជ័រធំ២ និងសម្ភារមួយចំនួនទៀត ។

ក្រោយពីចុះបង្ក្រាប បុរសជាម្ចាស់ទីតាំងសិប្បកម្មផលិតស្ករត្នោតខាងលើ បានសារភាព នៅចំពោះមុខសមត្ថកិច្ចចម្រុះថា ខ្លួនបានផលិតស្ករត្នោត ពីឪពុកខ្លួនជាអ្នកផ្តល់មរតកសិប្បកម្មផលិតច្នៃស្ករត្នោតនេះពីជាង១០ឆ្នាំមុន ហើយខ្លួនកាន់កាប់គ្រប់គ្រងពី៨ឆ្នាំមកហើយ ប៉ុន្តែរយៈពេល៨ឆ្នាំនេះ ខ្លួនមិនដែលទទួលទានស្ករត្នោតដែលខ្លួនផលិតម្តងណាទេ ហើយខ្លួនពុំដឹងថា មានផលប៉ះពាល់ដល់សុខភាពចំពោះអ្នកទិញទៅទទួលទាននោះដែរ ។

ម្ចាស់ទីតាំង បានសារភាពទៀតថា ស្ករត្នោតកែច្នៃនេះ រូបគេលាយផ្សំគ្នាចំនួន៤យ៉ាង មាន ៖ ស្ករស ៥០គីឡូក្រាម ស្ករត្នោតសុទ្ធ ១០គីឡូក្រាម សាច់ជូរ ១០ក្រាម និងទឹកចំនួន១៤លីត្រ កូររម្ងាស់បញ្ចូលគ្នាជិត៣ម៉ោង ទើបក្លាយជាស្ករត្នោតកែច្នៃ ទទួលបានពី៦០ទៅ៧០គីឡូក្រាម រួចដឹកចេញពីព្រលឹមស្រាងៗ យកទៅលក់ចែកចាយអាជីវករ នៅតាមទីផ្សារ ។

បច្ចុប្បន្ន ទីតាំងសិប្បកម្មខាងលើ និងសម្ភារកែច្នៃ ត្រូវបានលោកព្រះរាជអាជ្ញារងសម្រេចអោយបិទទ្វារចាក់សោផ្ទះជាបណ្តោះអាសន្នសិន រង់ចាំដីកាពីអយ្យការ ។ សម្ភារវត្ថុធាតុដើម និងគ្រឿងផ្សំ ខាងជំនាញកាំកុងត្រូល នាំទៅធ្វើតេស្តក្នុងមន្ទីរពិសោធន៍តូចរបស់សាខា នៅក្រុងប៉ោយប៉ែត ៕

នារីម្នាក់ត្រូវអ្នករត់កង់បីឥណ្ឌាធ្វើស៊ី ឌុបទៅកន្លែងស្ងាត់ ហើយប្លន់តែម្តង

មួយរយៈចុងក្រោយនេះ ការធ្វើសកម្មភាពចោរកម្មតាមរយៈអ្នករត់កង់បីឥណ្ឌា ហាក់មានការកើនឡើងជាលំដាប់។ ដូចជាមុននេះបន្តិច មានករណីថ្មីមួយទៀតដែលទាក់ទងនឹងករណីដដែល គឺកង់បីឌុបភ្ញៀវទៅកន្លែងស្ងាត់រួច ឲ្យគ្នាមកប្លន់យកទ្រព្យសម្បត្តិ ដែលបានកើតឡើងលើនារីម្នាក់ដែលមានគណនីឈ្មោះ Oun Meas ដែលបាន Lives ប្រាប់ពីហេតុការណ៍។ ដោយនាងបានហៅកង់បីឥណ្ឌាជិះ ដោយមិនបានប្រើប្រាស់ App នោះទេ

គឺហៅផ្ទាល់ដើម្បីជូនមកផ្ទះ ដោយមិនបានចាប់អារម្មណ៍អ្នករត់កង់បីក៏ឌុបនាងទៅកន្លែងស្ងាត់ ហើយមានគ្នាវាមកប្លន់ហើយគេចខ្លួនទៅបាត់ តែអ្នករត់កង់បីគាត់ធ្វើជាមិនដឹងហើយជូនយើងទៅប៉ុស្តិ៍ប៉ូលីស ក្រោយមកពេលដែលនារីនោះមកដល់ផ្ទះទើបនាងដឹងខ្លួនថាគេធ្វើស៊ីអស់ទ្រព្យសម្បត្តិ តែជាសំណាងមិនមានរបួសអ្វី។ ដូច្នេះសូមបងប្អូនទាំងអស់គ្នាមានការប្រុងប្រយ័ត្ន ជាពិសេសចំពោះនារីៗដែលធ្វើដំណើរពេលរាត្រី ជៀសវាងករណីបែបនេះកើតឡើងលើខ្លួនអ្នក៕

https://www.facebook.com/plugins/video.php?href=https%3A%2F%2Fwww.facebook.com%2Fsoundheart168%2Fvideos%2F296588914267301%2F&show_text=0&width=476

ពុទ្ធោលោកអើយ ជិះម៉ូតូដឹកសាំងជ្រុលទៅបុករថយន្តចតចោល បណ្តាលឲ្យឆេះខ្ទេចម៉ូតូស្លាប់អ្នកដឹកភ្លាមៗនៅឯ… (មានវីដេអូ)

កាលពីថ្ងៃទី២៤ខែមករា ឆ្នាំ២០១៩ នេះមានកាភ្ញាក់ផ្អើលដោយបុរសម្នាក់ជិះម៉ូតូដឹកសាំងហើយជ្រុលទៅបុកឡានបណ្ដាល់ឲ្យ ឆេះស្លាប់ភ្លាមៗនៅកន្លែងកើតហេតុតែម្ដង។ហេតុការណ៏នេះបានកើតឡើងនៅផ្លូវ ៣៣៧ សង្កាត់បឹងកក់១ ខណ្ឌទួលគោក រាជធានីភ្នំពេញ នៅមុខហាងកាហ្វេ Amazon។តាមប្រភពពត៏មានបានអោយដឹងថាមុនពេលកើតហេតុគេឃើញជនរងគ្រោះជិះម៉ូតូដឹកសាំងពេលមកដល់កន្លែងកើតហេតុក៏ជិះជ្រុលទៅបុកនឹងរថយន្តម៉ាកឡិចស៊ីស ដែលចតទុកចោលនៅចិញ្ចើមផ្លូវ ធ្វើអោយខ្ទាត់សាំងចេញហើយឆេះម៉ូតូរួមទាំងមនុស្សអ្នកជិះឆេះភ្លាមៗរួចរាលដាលដល់រថយន្តថែមទៀត។ខណះនោះដែរមានក្រុមតពន្លត់អគ្គិភ័យបានមកដល់កន្លែងកើតហេតុ បាញ់ពន្លត់តែអកុសលអីបុរសនោះបានស្លាប់បាត់ទៅហើយពិតជាសោកស្ដាយណាស់ជីវិតត្រូវបាត់បង់តែមួយរំពេចភ្នែក។

https://www.facebook.com/plugins/video.php?href=https%3A%2F%2Fwww.facebook.com%2Ftdnewsonline%2Fvideos%2F398574950950163%2F&show_text=0&width=560