នារីម្នាក់ត្រូវអ្នករត់កង់បីឥណ្ឌាធ្វើស៊ី ឌុបទៅកន្លែងស្ងាត់ ហើយប្លន់តែម្តង

មួយរយៈចុងក្រោយនេះ ការធ្វើសកម្មភាពចោរកម្មតាមរយៈអ្នករត់កង់បីឥណ្ឌា ហាក់មានការកើនឡើងជាលំដាប់។ ដូចជាមុននេះបន្តិច មានករណីថ្មីមួយទៀតដែលទាក់ទងនឹងករណីដដែល គឺកង់បីឌុបភ្ញៀវទៅកន្លែងស្ងាត់រួច ឲ្យគ្នាមកប្លន់យកទ្រព្យសម្បត្តិ ដែលបានកើតឡើងលើនារីម្នាក់ដែលមានគណនីឈ្មោះ Oun Meas ដែលបាន Lives ប្រាប់ពីហេតុការណ៍។ ដោយនាងបានហៅកង់បីឥណ្ឌាជិះ ដោយមិនបានប្រើប្រាស់ App នោះទេ

គឺហៅផ្ទាល់ដើម្បីជូនមកផ្ទះ ដោយមិនបានចាប់អារម្មណ៍អ្នករត់កង់បីក៏ឌុបនាងទៅកន្លែងស្ងាត់ ហើយមានគ្នាវាមកប្លន់ហើយគេចខ្លួនទៅបាត់ តែអ្នករត់កង់បីគាត់ធ្វើជាមិនដឹងហើយជូនយើងទៅប៉ុស្តិ៍ប៉ូលីស ក្រោយមកពេលដែលនារីនោះមកដល់ផ្ទះទើបនាងដឹងខ្លួនថាគេធ្វើស៊ីអស់ទ្រព្យសម្បត្តិ តែជាសំណាងមិនមានរបួសអ្វី។ ដូច្នេះសូមបងប្អូនទាំងអស់គ្នាមានការប្រុងប្រយ័ត្ន ជាពិសេសចំពោះនារីៗដែលធ្វើដំណើរពេលរាត្រី ជៀសវាងករណីបែបនេះកើតឡើងលើខ្លួនអ្នក៕