កម្សាន្ត
នៅក្នុងថ្ងៃកំណើតរបស់ សុខ ស្រីលក្ខណ៍ គឺគូស្នេហ៍របស់នាងមិនបានផ្ញើសារ និង ទូរស័ព្ទជូនពរនាងនោះទេ ដោយសារគូស្នេហ៍នាងជាប់រវល់ ហើយ សុខ ស្រីលក្ខណ៍ ក៏មិនប្រកាន់ខឹងចំពោះគូស្នេហ៍ខ្លួនដែលព្រងើយកន្តើយដាក់នាងដែរ តែអ្វីដែលគួរឱ្យភ្ញាក់ផ្អើលបំផុតនោះ គឺស្រាប់តែពេលដែលនាងកំពុងធ្វើការសុខៗគឺលេចមុខអ្នកជាទីស្រឡាញ់របស់ខ្លួននៅចំពោះមុខតែម្តង ធ្វើឱ្យនាងស្រឡាំងកាំងនិយាយអ្វីមិនចេញ ។
គូស្នេហ៍របស់ សុខ ស្រីលក្ខណ៍ បាននិយាយថា «សុំទោសដែលបងមិនបាន Message មិនបាន Call ជូនពរថ្ងៃខួបអូន តែបងបានមកដល់កន្លែងអូនធ្វើការម៉ង» ។ ជាមួយនឹងវត្តមានដ៏ភ្ញាក់ផ្អើលនេះ បានធ្វើឱ្យ សុខ ស្រីលក្ខណ៍ រំភើបចិត្តខ្លាំងដល់ថ្នាក់ភាំងស្មារតី រកអ្វីនិយាយមិនត្រូវ នៅពេលដែលឃើញគូស្នេហ៍បានមកដល់កន្លែងខ្លួនធ្វើការ រួមទាំងបានទិញខំខួបកំណើតដ៏គួរឱ្យស្រឡាញ់មក Surprise នៅក្នុងថ្ងៃពិសេស ។
សុខ ស្រីលក្ខណ៍ ស្ទើរតែមិនជឿថា គូស្នេហ៍ខ្លួននឹងមក Surprise ថ្ងៃកំណើតដល់នាងនោះទេ ដោយសារតែគេជាប់រវល់ការងារ តែចុងក្រោយគេបែរជាមកធ្វើឱ្យនាងមានការភ្ញាក់ផ្អើលបំផុត ។ នាងពិតជាសប្បាយចិត្តខ្លាំងណាស់នូវទឹកចិត្តគូស្នេហ៍ចំពោះខ្លួន ទោះបីជាមិនបានទទួលកាដូដ៏មានតម្លៃក្តី តែទឹកចិត្តមួយនេះធ្វើឱ្យនាងពេញចិត្តខ្លាំងណាស់រហូតទប់ទឹកភ្នែកពុំបាន ៕
Site Title 