រាសីនៅតែឡើង!! ប៉ុមពុយទោះស្ងាត់ខាងលេងកំប្លែងតែត្រូវប៉ាន់ខាងកាត់សក់

ភ្នំពេញ៖ ដូចជាប្រិយមិត្តបានដឹងរូចមកហើយ ពីទុក្ខសោករបស់ តារាកំប្លែង ប៉ុមពុយ ដែលស្វាមីរបស់អ្នកនាង បានស្លាប់ ហើយដំណឹងនេះបានធ្វើឲ្យ មហាជនមានការសោកស្តាយ និងចូលរួមរំលែកទុក្ខ ទៅកាន់នាង និងគ្រួសារផងដែរ។

ក្នុងនោះដែរ នាពេលបច្ចុប្បន្ន នាងមិនសូវមានការងារជាតារាកំប្លែងប៉ុន្មានទេ ហាក់ដូចស្ងាត់តែម្តង តែនាង នៅតែមានទីផ្សារខាងកាត់សក់ តាមបណ្តារោងការនានា ជាមួយនឹង តារាកំប្លែងផ្សេងៗ។

គួរបញ្ជាក់ផងដែរថាតារាកំប្លែងប៉ុម ពុយ ជាតារាកំប្លែងម្នាក់ដ៏មានប្រជាប្រិយភាព កាលប៉ុន្មានឆ្នាំមុន ប៉ុន្តែក្រោយមកទីផ្សាររបស់នាង ក៏រាងស្ងាត់ ដោយមិនដឹងថា ជាមូលហេតុអ្វីនោះទេ តែទោះជាយ៉ាងណា នៅពេលនេះ នាងក៏នៅតែទទួលបានការចាប់អារម្មណ៍ ពីមហាជនផងដែរ៕