មេគោមួយក្បាល ម្ចាស់លែងអោយដេីរពាស់វាលពាស់កាលតាមផ្លូវសាធារណះត្រូវរថយន្តហាយឡែនឌ័រមួយគ្រឿងបើកបុក បណ្តាលឲ្យងាប់ កាលពីវេលាម៉ោង១និង៥០នាទីរំលងអធ្រាត្រ ចូលថ្ងៃទី២១ ខែមករា ឆ្នាំ២០១៩ ស្ថិតនៅតាមផ្លូវសហព័ន្ធរុស្សី ភូមិព្រៃជីសាក់ សង្កាត់ចោមចៅ៣ ខណ្ឌពោធិសែនជ័យ រថយន្តបន្តដំណើរទៅបាត់។
តាមសន្តិសុខយាមហាង បានឲ្យដឹងថា មុនកើតហេតុ ឃើញគោ២ក្បាលដើរតាមផ្លូវ ពីកើតទៅលិច លើផ្លូវបញ្ច្រាស សសៀស្របតាមទ្រូងផ្លូវ លុះដល់ចំណុចខាងលើ ដើរឆ្លងផ្លូវទៅត្បូង ស្របពេលដែរថយន្តហាយឡែនឌ័របើកពីលិចទៅកើត ព្យាយាមគេ ចគោរត់កាត់មុខទើបបណ្តលាឲ្យបុកពីចំហៀងបណ្តាលឲ្យបាក់ជើងផ្នែកខាងស្តាំទាំងមុខក្រោយ។ក្រោយកើតហេតុ រថយន្តឈប់ម្ចាស់ចុះមើល រកម្ចាស់គោមិនឃើញ បន្តដំណើរចាកចេញទៅបាត់ សត្វគោត្រូវបានសមត្ថកិច្ចដឹកយកមកទរក្សាទុកនៅសាលាសង្កាត់ចោមចៅ៣ ស្រាវជ្រាវរកម្ចាស់។
បើតាមប្រជាពលរដ្ឋវិញ បានលើកឡើងថា ផ្លូវសហព័ន្ធរុស្សី ត្រង់ចំណុចខាងលើ និងផ្លូវទំនប់កប់ស្រូវ ភូមិសាស្រ្តខណ្ឌពោធិសែនជ័យ សត្វ ហ្វូងគោ ឃើញដើរសេរី តាមផ្លូវ ដេកលើសួនច្បាររបស់សាលាក្រុង ទាំងយប់ថ្ងៃ គ្មានខាងណារវល់យកភ្នែកមើលទេ បង្កគ្រោះថ្នាក់ចរាចរណ៍ ប៉ះពាល់ដល់អ្នកដំណើរតាមផ្លូវ រកម្ចាស់មិនឃើញមិនដឹងថាពេលណាទើបអាជ្ញាធរមានវិធានការ៕
Site Title 