តាមដំណឹងដែលយើងទទួលបាន សពរបស់ ខេមរៈ ស្រីពៅ នឹងមកដល់ស្រុកខ្មែរនៅល្ងាចនេះ ដែលនឹងយកមកធ្វើបុណ្យទៅតាមបវេណីខ្មែរនៅគេហដ្ឋាននៅជិតវត្តសំរោងអណ្តែត ស្ថិតនៅផ្លូវហាណូយ ខណ្ឌសែនសុខ ។ព័ត៌មានទទួលមរណភាពរបស់តារាចម្រៀង ខេមរៈ ស្រីពៅ បានធ្វើឱ្យមជ្ឈដ្ឋានក្នុង និង ក្រៅសិល្បៈមានការរន្ធត់ចិត្តជាខ្លាំង ហើយសម្រាប់សពរបស់នាងនឹងយកមកដល់ស្រុកកំណើតនៅល្ងាចនេះ ។ សម្រាប់នៅគេហដ្ឋាននៅជិតវត្តសំរោងអណែ្តតវិញ ពេលនេះក៏មានការរៀបចំរួចរាល់សម្រស់ធ្វើពិធីបុណ្យទៅតាមបវេណីផងដែរ។ បើគេក្រឡេកមើលក្រុមហ៊ុនទឹកអប់ Or Brand របស់ ខេមរៈ សិរីមន្ត ក៏បានផ្អាកធ្វើអាជីវកម្មបណ្តោះអាសន្នដើម្បីចូលរួមកាន់ទុក្ខដល់វិញ្ញាណក្ខន្ធរបស ខេមរៈ ស្រីពៅ ជាប្អូនស្រីកម្សត់របស់លោកផងដែរ ។
បាត់មុខពីសិល្បៈជាច្រើនឆ្នាំតែ ខេមរៈ ស្រីពៅ នៅតែទទួលបានការស្រឡាញ់ចូលចិត្តពីសំណាក់អ្នកគាំទ្រជាច្រើន ។ មិនថាអ្នកសិល្បៈក៏ដូចជាអ្នកគាំទ្រសុទ្ធតែបង្ហាញសារចូលរួមរំលែកទុក្ខនាងគ្រប់គ្នា ពោរពេញដោយការសោកស្តាយ ។ ខេមរៈ ស្រីពៅ បានទទួលមរណភាពក្នុងវ័យ ២៦ ឆ្នាំ ដោយជំងឺក្រលៀន និង សួតកាលពីវេលាម៉ោងមួយនៅប្រទេសឥណ្ឌា ៕
Site Title 