បងប្អូនប្រិយមិត្ត និងមហាជនជាច្រើន បានទទួលជ្រាបរួចមកហេីយ អំពីដំណឹងមរណភាពរបស់តារាចម្រៀងកញ្ញា ខេមរៈ ស្រីពៅ ដែលត្រូវជាប្អូនស្រីពៅបង្កើតរបស់កំពូលតារាចម្រៀងលោក ខេមរៈ សិរីមន្ត ដែលបានទទួលមរណភាពកាលពីថ្ងៃទី២៥ ខែមករា ឆ្នាំ២០១៩ វេលាម៉ោងប្រមាណជា ១រសៀល នៅឯមន្ទីរពេទ្យប្រទេស ឥណ្ឌា ។ដោយឡែក មកដល់ថ្ងៃនេះផងដែរ សាកសពរបស់តារាចម្រៀងកញ្ញា ខេមរៈ ស្រីពៅ កំពុងតែត្រូវបានដង្ហែរចេញពីមន្ទីរពេទ្យប្រទេសឥណ្ឌា ដោយមានលោក ខេមរៈ ភារុណ បាននិមន្តសម្តេចសង្ឃជាច្រើនអង្គដេីម្បីសូមមន្តនាំដួងវិញ្ញាណក្ខន្ធ តារារូបនេះមកប្រទេសកំណេីតវិញផងដែរ។
ក្នុងនោះដែរ បេីតាមការបញ្ជាក់ពីលោក ហេង ឡុង ប្រធានសមាគមសិល្បករខ្មែរ តាមរយៈបណ្តាញសង្គមហ្វេសបុកជាផ្លូវការរបស់លោក បានធ្វើការបញ្ជាក់ដែរថា សាកសពរបស់តារាចម្រៀងកញ្ញា ខេមរៈ ស្រីពៅ នឹងដង្ហែរមកដល់ប្រទេសកម្ពុជា នៅថ្ងៃទី២៧នេះ វេលាម៉ោង ៨យប់ ។ចំពោះដំណឹងមរណភាពដ៏ក្រៀមក្រំនេះដែរ កំពូលតារាចម្រៀងលោក ខេមរៈ សិរីមន្ត តាមរយៈបណ្ដាញសង្គមហ្វេសបុកផេកជាផ្លូវការរបស់លោក ក៏បានអញ្ជើញភ្ញៀវកិត្តិយស ដែលមានបំណងចង់គោរពវិញ្ញានក្ខ័ន្ធចំពោះប្អូនស្រីពៅរបស់លោក អាចអញ្ជើញមកគេហដ្ឋានរបស់លោកផ្ទាល់ផងដែរ។ ក្នុងនោះដែរលោកបានបញ្ជាក់ដែរថា៖
«ខ្ញុំបាទ សូមអរគុណដល់ បងប្អូនទាំងអស់គ្នា…នៅថ្ងៃស្អែកនេះ បើបងប្អូនណា មានបំណងចង់ចូលរួម ផ្តល់ជាកិត្តិយល់ គោរពវិញ្ញានក្ខ័ន្ធ របស់ប្អូនស្រីខ្ញុំបាទ ខេមរៈ ស្រីពៅ បងប្អូនអាចអញ្ជើញ មកគេហដ្ឋាន ខ្ញុំបាទផ្ទាល់បាន ដែលនៅជិតវត្ត សំរោងអណ្តែត សង្កាត់ ភ្នំពេញថ្មី ខ័ណ្ឌសែន សុខ ។ សូមអរគុណ»។
Site Title 