ស៊ែរម្នាក់មួយ កូនខ្មែរយើងអាចធ្វើបាន កូនខ្មែរយើងដែលផលិត “មីល្ពៅ” បានសម្រេច ពេលនេះល្បីដល់ថ្នាក់ខាងស្ថាននីយ៍ទូរទស្សន៍ចុះទៅសម្ភាសន៍ហើយព្រមទាំង… (មានវីដេអូ)

នៅមុននេះបន្តិច នាថ្ងៃទី៣១ ខែមករា ឆ្នាំ២០១៩ គេបានឃើញម្ចាស់ហ្វេសប៊ុកម្នាក់ឈ្មោះ Roeury Yon បានបង្ហោះរូបភាព និងវីដេអូមួយ ដែលមើលទៅពិតជារំភើបខ្លាំងណាស់ដល់កូនខ្មែរយើងម្នាក់នេះ ដែលបានសម្រេចក្នុងការផលិតសរសៃមីដែលចេញពីផ្លែល្ពៅ នៅពេលនេះបានល្បីដល់ថ្នាក់ខាងស្ថាននីយ៍ទូរទស្សន៍ចុះទៅសម្ភាសន៍ផ្ទាល់ថែមទៀតផង។ ម្ចាស់ហ្វេសប៊ុកនេះក៏បានបញ្ជាក់សារខ្លះៗថា “តោះភ្លក់មីធ្វើពីផ្លៃល្ពៅទាំងអស់គ្នា។ ជាស្នាដៃរបស់និស្សិតសាកលវិទ្យាល័យបាត់ដំបង។”។ចំណែកកាលពីថ្ងៃទី២៩ ខែមករា ឆ្នាំ២០១៩ កន្លងផុតទៅថ្មីៗនេះ បងប្រុសម្នាក់ឈ្មោះ Pov Sothea បានបង្ហោះរូបភាពប៉ុន្មានសន្លឹកដែលមើលទៅរឹតតែធ្វើឲ្យអ្នកប្រើប្រាស់ក្នុងហ្វេសប៊ុកជាច្រើននាក់ចង់ភ្លក់មីល្ពៅកាន់តែខ្លាំង ព្រោះគេឃើញបងប្រុសម្នាក់នេះបានយកសរសៃមីនេះទៅឲ្យគេស្រុះដើម្បីមកញុាំជាមួយស៊ុប ដែលមើលទៅទំនងឆ្ងាញ់ដល់ហើយ គ្រាន់តែឃើញក៏ស្រក់ទឹកមាត់ដែរ។ ក្នុងនោះម្ចាស់ហ្វេសប៊ុករូបនេះបានបញ្ជាក់ថា “សុំសាកញាំមុនហើយ មីល្ពៅខ្មែរ បាត់ដំបង”។ ក្រោយពីឃើញបែបនេះហើយ បានធ្វើឲ្យមហាជនជាច្រើនបានចូលទៅសួរទាក់ទងមីល្ពៅនេះ ហើយភ្លាមៗនោះ បងប្រុសម្នាក់នេះក៏បានឆ្លើយតបទៅសំនួរទាំងអស់ថា “អ៊េមណាស់ សរសៃមីទន់ ស្វិត និងឆ្ងាញ់ បើចង់សាកអាចទំនាក់ទំនងលេខ 0969568467 នេះបាន”។

គួររំលឹកឡើងវិញបន្តិចផងដែរថា កាលពីថ្ងៃទី២៨ ខែមករា ឆ្នាំ២០១៩ កន្លងផុតទៅប៉ុន្មានថ្ងៃនេះ កូនខ្មែរយើងម្នាក់ឈ្មោះ គិម វ៉ាង បានធ្វើឲ្យមហាជនជាច្រើនមានការភ្ញាក់ផ្អើលជាខ្លាំង ដែលគាត់បានបញ្ចប់ការសិក្សាលើជំនាញ វិទ្យាសាស្ត្រចំណីអាហារពីសាកលវិទ្យាល័យបាត់ដំបង កាលពីឆ្នាំ២០១៧កន្លងទៅនេះ បានសម្រេចគោលដៅដោយការផលិតសរសៃមីចេញពីផ្លែល្ពៅ ដោយមានពណ៌ ក្លិន និងរសជាតិដូចផ្លែល្ពៅ បន្ទាប់ចំណាយពេលពិសោធន៍អស់រយៈពេលជិតពីរឆ្នាំ៕