សៀមរាប ៖ កាលពីថ្ងៃទី០៩ ខែ កុម្ភៈ ឆ្នាំ ២០១៩ បុរសជាមគ្គទេសក៍ទេសចរណ៍ភាសាចិនម្នាក់ ត្រូវបាន បុរសជនជាតិកូរ៉េដែលជាអ្នកបកប្រែបន្តមគ្គទេសក៍ទេសចរណ៍ភាសាកូរ៉េ ទះ២កំផ្លៀង ដោយសារទំនាស់ពាក្យសម្តីនិងគ្នា ដែលហេតុការណ៍នេះបានកើតឡើង វេលាម៉ោងប្រហែល ១០និង០០នាទីព្រឹក នៅចំនុចប្រាសាទតាព្រហ្ម ស្ថិតនៅភូមិរហាល សង្កាត់នគរធំ ក្រុងសៀមរាប ខេត្តសៀមរាប។ជនរងគ្រោះមានឈ្មោះថា ស៊ិន ហ៊ូ ភេទ ប្រុស អាយុ៣៨ឆ្នាំ ជនជាតិខ្មែរ មុខរបរមគ្គទេសក៍ទេសចរណ៍ភាសាចិន។ ចំណែកជនបង្កមានឈ្មោះថា SHIN JUNSEOB ភេទ ប្រុសអាយុ៤១ឆ្នាំ ជនជាតិ កូរ៉េ មុខរបរអ្នកបកប្រែបន្តមគ្គុទេសក៍ទេសចរណ៍ភាសាកូរ៉េ ។លោកវរសេនីយ៍ឯក តូច សុគន្ធ នាយការិយាល័យអនុវត្តន៍នីតិវិធី នៃស្នងការដ្ឋានខេត្តសៀមរាបបានឲ្យដឹងថា ករណីអំពោះហិង្សានេះ បានកើតឡើង ដោយសារ ទំនាស់ពាក្យសំដី ទើបបណ្តាលឈានដល់ការវ៉ៃគ្នាបែបនេះ។លោកបានបន្តទៀតថា អំពើហិង្សានោះបានកើតឡើងដោយជនជាតិកូរ៉េ ម្នាក់បានទះកំភ្លៀងទៅលើមុខរបស់ជនរងគ្រោះមគ្គទេសក៍ទេសចរណ៍ភាសាចិនម្នាក់ចំនួន មួយឬពីរដៃ។ បច្ចុប្បន្នជនបង្កបានធ្វើសម្រេចសម្របសម្រួលដោយ ព្រមសង់ជំងឺចិត្តចំនួន៤០០០ដុល្លារ ដើម្បីបញ្ចប់រឿង។ទាក់ទិននឹងរឿងរ៉ាវនេះ បានធ្វើឲ្យមហាជនមានការមិនពេញចិត្តចំពោះអាជ្ញាធរជាខ្លាំង ហេតុអ្វីបានជាបណ្តោយឲ្យ ចេញអាជ្ញាប័ណ្ណនាំភ្ញៀវទេសចរណ៍និងមកធ្វើជាមគ្គទេសក៍ទេសចរណ៍ ជំនួសខ្មែរយើងបានយ៉ាងស្រួល។ ដែលប្រការទាំងនេះ វាបានធ្វើឲ្យបាត់បង់ការងារដល់មគ្គទេសក៍ជាច្រើនរូប។
Site Title 