មានម្តងនោះលោក Simon Sinek អ្នកនិពន្ធនិងជាវាគ្មិនដ៏ល្បីឈ្មោះបានចូលទៅស្នាក់នៅសណ្ឋាគា Four Seasons Hotel ដែលមានទីតាំងស្ថិតនៅទីក្រុង La Vegas សហរដ្ធអាមេរិក។ ចូលទៅដល់ភ្លាមលោកទទួលបានអារម្មណ៍កក់ក្តៅនិងសប្បាយចិត្តជាខ្លាំង នេះមិនមែនដោយសារទីនោះជាសណ្ឋាគាលំដាប់ផ្កាយ មានបរិក្ខាទំនើបៗនោះឡើយ។

អ្វីដែលធ្វើអោយលោកកក់ក្តៅ ពេលចូលទៅដល់ទីនោះភ្លាមគឺបុគ្គលិកបំរើការ ចំណែកឯបរិក្ខាទំនើបៗសណ្ឋាគាលំដាប់ផ្កាយសុទ្ធតែមានលទ្ធភាពអាចទិញយកមកប្រើប្រាស់បានដូចគ្នា។ ចូលទៅដល់កន្លែងទទួលភ្ញៀវភ្លាម លោកបានចូលទៅកុម្ម៉ងកាហ្វេ នៅបញ្ជរបម្រើរការហ្វេ ដែលទីនោះហើយលោកបានជួបជាមួយ Noa ដែលមានទឹកមុខរួសរាយរាក់ទាក់ និងស្វាគមន៍យ៉ាងកក់ក្តៅ ឃើញដូចនោះ Simon បានសួរទៅកាន់អ្នកឆុងកាហ្វេថា តើអ្នកស្រលាញ់ការងារហ្នឹងទេ? មិនបង្អង់យូរ Noa បានឆ្លើយដោយគ្មានស្ទាក់ស្ទើរក្នុងចិត្តថា ៖ ខ្ញុំស្រលាញ់ការងារនេះណាស់ !

Simon ក៏ជជីកសួរបន្តថា ៖ តើមានអ្វីពិសេសសំរាប់លោកនៅទីនេះ បានជាលោកឆ្លើយថាស្រលាញ់ដោយមិនរារែកបែបនេះ? ជាថ្មីម្តងទៀតបុគ្គលិកបំរើការហ្វេដដែលបានតបយ៉ាងរហ័សថា ៖ នៅទីនេះអ្នកគ្រប់គ្រងគ្រប់ផ្នែកបានសួរខ្ញុំជារៀងរាល់ថ្ងៃថា តើមានអ្វីដែលពួកគាត់អាចជួយបាន? Noa បានបន្តរៀបរាប់ទៀតថា ៖ បើប្រៀបធៀបនៅកន្លែងចាស់នៅទីនេះមានបរិស្ថានកក់ក្តៅល្អណាស់ អ្នកឆុងកាហ្វេរបស់យើងបានរៀបរាប់បទពិសោធន៍នៅកន្លែងចាស់ដែលជាសណ្ខាគាលំដាប់ផ្កាយដូចគ្នាថា ៖ អ្នកគ្រប់គ្រងតែព្យាយាមប្រាប់អោយធ្វើតាមគ្រប់យ៉ាង និងចាប់កំហុសរាល់ពេលមានបញ្ហា ហើយនៅទីនោះគ្រប់ពេលវេលាខ្លួនគេតែងតែត្រៀមការពារខ្លួនជានិច្ច ហើយអ្វីដែលគេធ្វើនៅទីនោះគឺដើម្បីបានប្រាក់ខែចិញ្ចឹមក្រពះជាជាងធ្វើការងារដែលខ្លួនស្រលាញ់។

អ្នកឆុងការហ្វេបានបន្តថា នៅ Four Season ដែលជាកន្លែងថ្មីនេះខ្លួនមានសេរីភាពគ្រប់គ្រងអ្វីដែលខ្លួនស្រលាញ់ និងទទួលបានជំនួសក្នុងការកែរសំរួលគ្រប់ពេល។
ក្នុងបដិសណ្ឋាកិច្ចដ៏ល្អនេះ Simon បានអោយលុយធីបរហូតដល់ ១០០%ស្មើរនិងតំលៃការហ្វេនេះតែម្តង។

ត្រង់ចំណុចនេះអ្វីដែលយើងអាចរៀនបានពីអ្នកនិពន្ធនិងអ្នកឆុងការហ្វេគឺ << មនុស្សដដែលក្នុងបរិស្ថានផ្សេងគ្នាផ្តល់លទ្ធផលផ្សេងគ្នា >> ហើយអ្នកអាចយកចំណុចនេះស្វែងយល់បើចង់ដឹកនាំមនុស្សនិងទទួលបានលទ្ធផលគាប់ប្រសើរ៕

ដោយ ៖ Sing Ly
ប្រភពវីដេអូ ៖ ៣០ដេលី

https://www.facebook.com/plugins/video.php?href=https%3A%2F%2Fwww.facebook.com%2F30daily%2Fvideos%2F2030433893878017%2F&show_text=0&width=317

 

ខេត្តបន្ទាយមានជ័យ៖ ក្របីមួយក្បាលត្រូវបានឈ្មួញទិញបម្រុងយកទៅសម្លាប់តែដោយសាក្របីនេះវា ស្រែកហៅ ម៉ាក់អើយ ម៉ាក់អើយ..ៗ មានសម្លេងដូចជាកូនមនុស្សហើយដំណឹងនេះក៍បានលេចលឺដល់ឧត្តមសេនីយ៍ ខេត្តបន្ទាយមានជ័យ ក៍បានជួយសង្គ្រោះផុតពីការសម្លាប់ ។

ហេតុការណ៍បង្កឲ្យអ្នកភូមិដែលរស់នៅទីនោះឆ្ងល់យ៉ាងខ្លាំងដែលកូនក្របីមួយក្បាលរាល់ពេលវាស្រែកមានសម្លេងដូចជាកូនក្មេងហៅ ម៉ាក់អើយ ម៉ាក់អើយ…ៗ អញ្ចឹង តោះចង់បើចឹងកាន់តែច្បាស់សូមទស្សនាវិដេអូទាំងអស់គ្នា ៕

(មានវិដេអូខាងក្រោម)

https://www.facebook.com/plugins/video.php?href=https%3A%2F%2Fwww.facebook.com%2F1141632889308664%2Fvideos%2F1913015172170428%2F&show_text=0&width=266

សង្គម ៖ ផ្លូវដ៏វែងអន្លាយពុះកាត់ភ្នំចិនយំ ស្ថិតនៅក្នុងខេត្តពោធិ៍សាត់ កាត់តាមស្រុកក្រវាញ ស្រុកវាលវែង រហូតដល់ស្រុកថ្មបាំងព្រំដែនកម្ពុជាថៃ កំពុងត្រដាងសំរស់ទាក់ទាញមនុស្សម្នាអោយចង់ទៅគយគន់ផ្ទាល់។

ផ្លូវមួយនេះជាទ្រពដ៏មានតំលៃ សំរាប់ជួយអោយប្រជាពលរដ្ធក្នុងតំបន់អោយមានជីវភាពខ្ពស់ បង្កើនល្បឿននៃការអភិវឌ្ឍន៍វិស័យទេសចរណ៍ និងការកែរកំរិកនៃការដឹកជញ្ជូនក្នុងខេត្តពោធិ៍សាត់អោយកាន់តែប្រសើរឡើងថែមទៀត។

តាមរបាយការណ៍របស់ក្រសួងសាធារណះការនិងដឹងជញ្ជូនបានអោយដឹងថា ផ្លូវជាតិលេខ ៥៥ នេះមានប្រវែង ១៨២ គីឡូម៉ែត្រ ទទឹង ៩ម៉ែត្រ ជាផ្លូវហាយវេថ្នាក់ទី ៣ និងត្រូវកំណត់ល្បឿនបើកបរធម្មតានៅ ៦០ គីឡូម៉ែត្រក្នុងមួយម៉ោង ចំពោះផ្លូវនៅតំបន់ភ្នំ ត្រូវបានកំណត់ល្បឿន៣០ គីឡូម៉ែត្រក្នុងមួយម៉ោង។

ផ្លូវជាតិលេខ ៥៥ គឺជាបណ្តោយផ្លូវដ៏សំខាន់មួយក្នុងការតភ្ជាប់ការដឹកជញ្ជូនពីខេត្តពោធិ៍សាត់ ទៅកាន់ផ្លូវជាតិលេខ ៥ និងបណ្តោយផ្លូវសំខាន់ៗមួយចំនួនទៀតនៃព្រំដែនកម្ពុជាថៃ ហើយវាជាផ្នែកមួយដ៏សំខាន់បំផុតនៃបណ្តាញផ្លូវនៃប្រទេសកម្ពុជា៕

ដោយ ៖ Sing Ly

ប្រភពវីដេអូ ៖ ៣០ដេលី

ប្រភពរូបភាព ៖ Phirum Pov

 

(វគ្គបន្តនៅខាងក្រោម) សួរស្តីប្រិយមិត្តថ្ងៃនេះទំព័រយើងមានកិត្តិយសសូមនាំយកនូវវីដេអូកំសាន្តរបស់បុរសជនជាតិចិន     នាក់ដែលមានសមត្ថភាពដ៏អស្ចារ្យយកមកបង្ហាញដូចតទៅ

១-ប្រើខ្យល់ដើម្បីបំបែកដប ពោលគាត់ផ្លុំដបទាល់តែបែក

២-តោងខ្សែជិះទោងហាក់ដូចមនុស្សឈរធម្មតា តែគ្រប់គ្នាស្ងើចសរសើរ

៣-ប្រើកាំប៉ិតកាប់ពុះជ្រៀកអំពៅប្រវែង ២ម៉ែត្ររហូតដល់គល់

៤-ជិះកង់រង្វិល ដោយមិនប្រើដៃហើយឆ្លែលលេងកំសាន្តជាងរង្វង់

៥-សរសេរអក្សរដោយប្រើជក់ ហើយបង្ខិលបាល់នៅលើជក់ដែលនាំមកនូវឧបសគ្គក្នុងការសរសេរ តែគាត់អាចធ្វើបាន

៦-ដើរលើខ្យល់ ដោយប្រើដៃទាំងពីរតោងដើមឈើសំរាប់ទ្រទំងន់ខ្លួន

៧-លេបផ្លែក្រូចដល់ក្នុងពោះ ហើយប្រើកំលាំងធាតុបណ្តេញចេញមកវិញ

៨-ប្រើក្បាលទ្រទំងន់ដងរែក ហើយបង្វិលនៅលើក្បាល

៩-ជិះកង់គេចពីឧបសគ្គ តែអ្វីដែលយើងចាប់អារម្មណ៍គឺកង់នោះដាច់ពីគ្នា

១០-ជីះកង់ហើយរែកកូនទាំងពីនៅលើស្មាដោយមិនប្រើដៃកាន់ព្រោះដៃរវល់កាត់ចង្កូតកង់ហើយ

សព្វថ្ងៃនេះបច្ចេកវិទ្យាមានការរីកចំរើនគួរអោយកត់សំគាល់ ពិសេសលើបណ្តាញទំនាក់ទំនងសង្គមនេះតែម្តងដែលអាចអោយមនុស្សមានការទំនាក់ទំនងទៅវិញទៅមកបានយ៉ាងឆាប់រហ័ស និងងាយស្រួលផងដែរ ទន្ទឹមនិងការរីកចំរើននេះផងដែរ យើងឃើញថាមានបញ្ហារជាច្រើនដែលកើតមានឡើងពិសេសគឺការលួចចូលក្នុងបណ្តាញ Email, Facebook, Line, Twitter, Instagram ជាដើមរបស់ជនខិលខូចមួយចំនួនដែលគេនិយមហៅថា Hacker. នៅតាមបណ្តាប្រទេសជឿនលឿនគេមានវិធានការពារនិងវិធីសាស្រ្តល្អៗជាច្រើនសំរាប់ការពារទិន្នន័យរបស់ខ្លួនផងដែរ នៅឡើងតែប្រទេសកំពុងអភិវឌ្ឍន៍នានាដូចជាកម្ពុជាជាដើម។ ប្រព័ន្ធសុវត្ថិភាពគឺពិតជា សំខាន់ណាស់ និងត្រូវការពារជានិច្ចផងដែរ ពិសេសថ្មីៗនេះមានករណីជាច្រើនបានកើតឡើងពាក់ព័ន្ធទៅនិងការលួចចូលរបស់ជនខិលខូច ទៅក្នុងគណនីផ្ទាល់របស់យើងមានដូចជា Facebook Account ជាដើមដែលជាប្រភពនៃបញ្ហា។ តើមានវិធីការពារដែរឬទេ? ពិតណាស់ពិតជាមាន គ្រាន់តែអ្នកទាំងអស់គ្នាមិនដឹងតែប៉ុណ្ណោះ !

Two-factor authentication ជាអ្វីដែលគ្រប់គ្នាមិនអាចខ្វះបាន ដើម្បីអោយកាន់តែមានសុវត្ថិភាពជាងនេះទៀតនោះគឺប្រើ FIDO U2F Security Key តែម្តង។

របៀបបើកដំនើរការមុខងារនេះ តាមកុំព្យូទ័រ៖ 

•    អ្នកអាចទៅកាន់ Security and Login Settings តាមរយៈការចុច សញ្ញាព្រួញបាញ់ចុះក្រោម នៅជ្រុងខាងលើផ្នែក ខាងស្តាំ ក្បែររង្វង់សញ្ញាសួរ ចាំបន្តចុច Settings > Security and Login
•    អូសចុះក្រោមបន្តិច សម្លឹងមើលក្រឡោន Use two-factor authentication រួចចាំចុច Edit ដែលនៅក្បែរនោះ
•    បន្តកំណត់តាមចិត្តចង់របស់អ្នក ដូចជាការដាក់លេខទូរសព្ទ ផ្ទាល់ខ្លួន, ដាក់ Log in តាមរយៈ USB ឬ NFC ជាដើម, ប្រើប្រាស់ Recovery code ដើម្បីប្រើប្រាស់ Facebook របស់អ្នក នៅពេលដែលធ្វើ ដំណើរទៅឆ្ងាយ ដោយមិនបានយក ស្មាតហ្វូនតាមខ្លួន និងមើលឧបករណ៍ ឬកម្មវិធីផ្សេងៗ ដែលធ្លាប់បាន Log in ជាមួយគណនីរបស់អ្នក ហើយមិនចាំបាច់ត្រូវការ កូដដើម្បី Log in ម្តងទៀត។

វិធីនេះមិនអាចការពារបាន ១១០% ទេ ព្រោះ Hacker ដែលល្បីគេអាចជ្រៀតជ្រែកចូលបណ្តាញរបស់អ្នកតាម Email និង លេខទូរសព័្ទអ្នកបាន ដែលមនុស្សភាគច្រើនកំពុងបារម្មណ៍។ តែមិនមែនអត់វិធីការពារនោះទេ ដោយវិធីនេះដដែលលោកអ្នកអាចរកទិញ FIDO U2F Security Key សំរាប់ការពារដោយផ្ទាល់ វាមានភាពងាយស្រួល សុវត្ថិភាព និង ទំនុកចិត្តខ្ពស់។

•    អ្នកអាចទៅកាន់ Security and Login Settings តាមរយៈការចុច សញ្ញាព្រួញបាញ់ចុះក្រោម នៅជ្រុងខាងលើផ្នែក ខាងស្តាំ ក្បែររង្វង់សញ្ញាសួរ ចាំបន្តចុច Settings > Security and Login
•    អូសចុះក្រោមបន្តិច សម្លឹងមើលក្រឡោន Use two-factor authentication រួចចាំចុច Edit ដែលនៅក្បែរនោះ

•   បិទមុខងារ Text Message (SMS) ដើម្បីបញ្ជាក់ភាពជាកម្មសិទ្ធហើយតំឡើង Security Key ដើម្បីការពារវិញម្តង ដោត Security Key ចូលហើយយកដៃប៉ះនៅលើសញ្ញា Key ជាការស្រេច។ ពេលនោះហើយរាល់ពេលដែលមានការលួចចួលវាតែងតែទាមទាការបញ្ជាក់អំពី  FIDO U2F Security Key  ដែលនៅក្នុងដៃរបស់អ្នកជានិច្ច ហើយនេះជាសុវត្ថិភាពមួយដែលលោកអ្នកពេញចិត្តបំផុត៕

ទស្សនាវីដេអូដោយផ្ទាល់អំពី  FIDO U2F Security Key

ពត៍មានលំអិត 017 577 337

ដោយ ៖ Sing Ly

 

 

 

ភ្នំពេញ ៖ នៅ​ទីបំផុត សួន​សត្វ​ដ៏​ធំ​ជាង​គេ​បំផុត​នៅ​កម្ពុជា និង​ជា​ព្រៃ​កម្សាន្ត​ភ្នំពេញ​ទីមួយ ដែល​មាន​ឈ្មោះ​ថា ភ្នំពេញ​សាហ្វារី នឹង​ចាប់​បើក​ដំណើរការ​ផ្លូវការ ឲ្យ​ប្រជាជន​ចូល​ទស្សនា​កម្សាន្ត នៅថ្ងៃ​ទី២៨ ខែ​មេសា ឆ្នាំ​២០១៨ នេះ​ហើយ ចំពោះតំលៃសំបុត្រចូលទស្សនាអាចមានការប្រែរប្រួលបន្តិចនេះបើតាមលោក រឿង សុវណ្ណនីកាជំនួយការគ្រប់គ្រង លោកបន្តថា តំលៃសំបុត្រចូលទស្សនាសំរាប់ភ្ញៀវជាតិឡើងដល់ ១៥$ក្នុងមនុស្សម្នាក់ ចំណែកភ្ញៀវអន្តរជាតវិញថ្លៃជាងប្រហែល ២០ដុល្លា។

គួរបញ្ជាក់ផងដែរថា សួនសត្វ​ដ៏​ធំ​មួយ​នេះ អភិវឌ្ឍ​សាងសង់​ដោយ​អ្នក​ឧកញ៉ា លី យ៉ុងផាត់ ប្រធាន​ក្រុមប្រឹក្សាភិបាល និង​ជា​អគ្គនាយក​ក្រុមហ៊ុន អិល វ៉ាយ ភី គ្រុប ដែល​ស្ថិត​នៅ​ក្នុង​តំបន់​អភិវឌ្ឍន៍​ទីក្រុង​រណប​ថ្មី របស់​អ្នក​ឧកញ៉ា លី យ៉ុងផាត់ ក្នុង​សង្កាត់​ព្រែក​តាសេក ខណ្ឌ​ជ្រោយ​ចង្វារ ប្រមាណ ១៨​គីឡូម៉ែត្រ ពី​រាជ​ធានី​ភ្នំពេញ ក្នុងរង្វង់ទឹកប្រាក់វិនិយោគ​សាងសង់​ក្នុង​ទឹក​ប្រាក់​អស់​ប្រមាណ​ជាង ១០​លាន​ដុល្លារ​អាមេរិក៕

ដោយ ៖ Sing Ly

ប្រភពវីដេអូ ៖ ៣០ដេលី