មេដឹកនាំទាំង១០នៃប្រទេសជាសមាជិកអាស៊ាន បានអបអរជោគជ័យកិច្ចប្រជុំជាប្រវត្តិសាស្ត្រនៃឧបទ្វីបកូរ៉េទាំងពីរដែលទទួល បានផលជាវិជ្ជមាន ទើបតែបញ្ចប់កាលពីចុងសប្តាហ៍នេះ និងការខិតខំប្រឹងប្រែងស្តារឡើងវិញនៃកិច្ចការពារសន្តិភាពនៃបងប្អូនកូរ៉េ ទាំងពីរផងដែរ ដែលនេះជាការលើកឡើងរបស់នាយករដ្ឋមន្រ្តីសឹង្ហបុរីលោក លី ស៊ាងឡុង។

ថ្លែងក្នុងសន្និសិតសារពត៍មានបន្ទាប់ពីកិច្ចប្រជុំកំពូលអាស៊ានលើកទី៣២ បានបញ្ចប់ទៅ ជំនួសមុខអោយប្រមុខដឹកនាំប្រទេសទាំង
១០នៃប្រទេសដែលជាសមាជិកអាស៊ាន លោក លី ស៊ាងឡុង នាយករដ្ឋមន្រ្តីនៃប្រទេសសឹង្ហបុរីបានលើកឡើងថា ៖ សឹង្ហបុរី នៅមិនទាន់ទទួលបានលិខិតផ្លូវការណាមួយសំរាប់ធ្វើជាម្ចាស់ផ្ទះ ធ្វើការរៀបចំកិច្ចប្រជុំរវាងមេដឹកនាំកូរ៉េខាងជើង លោកKim Jung Un ជាមួយមេដឹកនាំសហរដ្ឋអាមេរិក លោក Donal Trump ដែលនិងចូលមកនៅពេលឆាប់ៗនេះនៅឡើយទេ ខណះបណ្តាញ សារពត៍មានជាច្រើនរាយការណ៍ថា សឹង្ហបុរីនិងក្លាយជាកន្លែងរៀបចំកិច្ចប្រជុំកំពូលជាប្រវត្តិសាស្រ្តនេះ ដោយឡែកសំរាប់ ស្ថានភាពវិបត្តិសន្តិសុខនិងជនភៀសខ្លួននៅមីយ៉ាន់មា ក៏ដូចជាជំលោះនៅសមុទ្រចិនភាគខាងត្បូង លោក លី ក៏បានបញ្ជាក់ថា មេដឹកនាំនៃប្រជាតិអាស៊ាន បានលើកយកមកពិភាក្សានៅក្នុងកិច្ចប្រជុំនេះ ប៉ុន្តែនៅមិនទាន់ច្បាស់នូវលទ្ធផលសំខាន់ៗដែលនឹង

អាចសំរេចបាននោះឡើយ។ លោកក៏បានពិភាក្សាពាក់ព័ន្ធទៅនិងក្រមសីលធម៍ និងច្បាប់ដែលត្រូវអនុវត្តន៍នៅសមុទ្រចិនភាគខាង
ត្បូង គឺជាគោលដៅដោះស្រាយបញ្ហាដ៏យូរអង្វែងមួយ ដែលសមាជិករួមជំងឺនៅតំបន់អាស៊ានចង់ទាមទាមកវិញ ប៉ុន្តែមកទល់នឹង
ពេលនេះដំណោះស្រាយហាក់នៅឆ្ងាយនៅឡើយ៕

 

ដោយ ៖ Sing Ly
ប្រភពវីដេអូ ៖ ៣០ដេលី

https://www.facebook.com/plugins/video.php?href=https%3A%2F%2Fwww.facebook.com%2F30daily%2Fvideos%2F2032717900316283%2F&show_text=0&width=476

ភ្នំពេញ ៖ កាលពីកន្លងទៅថ្មីៗនេះ ឯកឧត្តមស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង​សាធារណការ និង​ដឹកជញ្ជូន បាន​អញ្ជើញ​ជា​អធិបតី​ក្នុង​ពី​ធី​បើក​ឱ្យ​ប្រើប្រាស់​ជា​បណ្តោះអាសន្ន​នូវ​សេវា​ដឹកជញ្ជូន​អ្នកដំណើរ​តាម​រថភ្លើង​ពី​សិរីសោភ័ណ ទៅ​បាត់ដំបង មាន​ប្រវែង​៦៥​គីឡូម៉ែត្រ ដោយ​មាន​ការចូលរួម​ពី​មន្ត្រីជាន់ខ្ពស់​ក្រសួង​សាធារណការ និង​ដឹកជញ្ជូន អភិបាល​នៃ​គណៈ​អភិបាល​ខេត្ត​បន្ទាយមានជ័យ និង​ខេត្ត​បាត់ដំបង ស្នងការ​នគរបាល​ខេត្ត​បន្ទាយមានជ័យ និង​ខេត្ត​បាត់ដំបង តំណាង​ក្រុមហ៊ុន Royal Railway ភ្ញៀវ​ជាតិ អន្តរជាតិ មន្ត្រីរាជការ សិស្សានុសិស្ស និង​ប្រជាពលរដ្ឋ​ផងដែរ​។​

ថ្លែង​នៅក្នុង​ពិធី​នោះ លោក​ទេសរដ្ឋមន្ត្រី បាន​គូសបញ្ជាក់ថា​៖ ដោយសារ​ប្រទេស​មាន​សុខសន្តិភាព និង​ស្ថិរភាព​នយោបាយ ពេញលេញ​ក្រោម​ការដឹកនាំ​ដ៏​ឈ្លាសវៃ របស់​សម្តេច​អគ្គមហាសេនាបតី​តេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា បានធ្វើឱ្យ​កំណាត់​ផ្លូវ​រថភ្លើង​មួយ​ខ្សែ​នេះ ត្រូវបាន​ដាក់​ឱ្យ​ដំណើរការ ជា​បណ្តោះអាសន្ន​ជាថ្មី​ម្តងទៀត បន្ទាប់​ពី​ការ​កាត់ផ្តាច់ ដោយ​សង្គ្រាម​អស់​រយៈពេល​៤៥​ឆ្នាំ ហើយ​គ្រោង​នឹង​ដាក់​ឱ្យ​ដំណើរការ​ជា​ផ្លូវការ​ពី​ភ្នំពេញ​-​ប៉ោយ​ប៉ែត នៅត្រឹម​ចុងឆ្នាំ​២០១៨ ប្រវែង​៣៨៦​គីឡូម៉ែត្រ​។​

ជាមួយគ្នា​នេះ​ផង​ដែរ លោក​ទេសរដ្ឋមន្ត្រី បាន​សំណូមពរ​ដល់​អាជ្ញាធរ​ដែនដី​ពាក់ព័ន្ធ និង​ប្រជាពលរដ្ឋ ដែល​មាន​ភូមិស្ថាន នៅ​អម​សងខាង​ផ្លូវ​រថភ្លើង​នេះ បន្ត​សហការ ដើម្បី​ឱ្យ​គម្រោង​នេះ អាច​សម្រេចបាន​ជោគជ័យ ជា​ស្ថាពរ និង​ជួយ​ថែរក្សា​សម្បត្តិ​ដ៏​មហាសាល​នេះ ឱ្យបាន​គង់វង្ស​យូរអង្វែង ព្រមទាំង​ប្រុងប្រយ័ត្ន ចំពោះ​កូនចៅ ក៏ដូចជា​សត្វពាហនៈ ដែល​ឆ្លងកាត់​លើ​ផ្លូវដែក ដើម្បី​ជៀស​គ្រោះថ្នាក់​ផ្សេងៗ​ជាយថាហេតុ​។

ស៊ីរី ៖ រដ្ធមន្រ្តីបង្រួបបង្រួមជាតិ ស៊ីរី បានលុបចោលសំដីផ្សះផ្សារជាតិទាំងអស់ជាមួយពួកបះបោរនៅភាគខាងត្បូង Damascus ស្របពេលដែលប្រតិបត្តិការទំលាក់គ្រាប់បែកពីសំណាក់យោធារបស់រដ្ធាភិបាលនៅតែបន្ត។

ក្នុងកិច្ចសំភាសន៍ជាមួយភ្នាក់ងារសារពត៍មាន RT លោក អាលី ហេបប័រ រដ្ធមន្ត្រីទទួលបន្ទុកបង្រួបបង្រួមជាតិស៊ីរី បានចាត់ទុកពួកសកម្មប្រយុទ្ធនៅភាគខាងត្បូងក្បែរទីក្រុង Damascus ជាភេរវកររដ្ឋអ៊ីស្លាម ហេតុដូចនេះរដ្ធាភិបាលស៊ីរីមិនអាចឈានដល់កិច្ចព្រមព្រៀងបញ្ចប់សង្រ្គាមណាមួយជាមួយក្រុមភេរវកររដ្ឋអ៊ីស្លាមនោះដែរ។

រដ្ធមន្រ្តីរូបនេះបានបន្តទៀតថា ប្រតិបត្តការរបស់កងយោធាស៊ីរីនៅពេលនេះ ជាការកំណត់ជោគវាសនារបស់ពួកសកម្មប្រយុទ្ធដែលកំពុងកាន់កាប់ភាគខាងត្បូងក្បែរទីក្រុង Damascus ។ កាលពីថ្ងៃសុក្រសប្តាហ៍កន្លងទៅ ប្រព័ន្ធផ្សព្វផ្សាយស៊ីរីបានផ្សព្វផ្សាយថា ពួកសកម្មប្រយុទ្ធដែលកំពុងកាន់កាប់ភាគខាងត្បូងក្បែរទីក្រុង Damascus បានសុំចុះចាញ់កងយោធារដ្ធភិបាលរាប់បញ្ចូលទាំងពួកកាន់កាប់ជំរុំជនភៀសខ្លួន យ៉ាកមូក តំបន់ ហាចាអាល់ស្វឺត និង តំបន់ជាច្រើនទៀតផងដែរ។

ក៏ប៉ុន្តែកាលពីថ្ងៃអង្គារកងកំលាំងសម្ព័ន្ធរដ្ធាភិបាលស៊ីរីនៅតែបន្តបំផ្ទុះគ្រាប់បែក្នុងតំបន់ទាំងនោះ។ អាលី ហេបប័រ បានចេញមុខការពារប្រតិបត្តការរបស់ខ្លួនថា គោលដៅចំបងរបស់កងកំលាំងយោធាគឺកំចាត់ពួកអីស្លាមតែប៉ុណ្ណោះ៕

ដោយ ៖ Sing Ly

ប្រភពវីដេអូ ៖ 30ដេលី

 

អាមេនី ៖ ភ្លាមៗបន្ទាប់ពីការដោះលែងមេដឹកនាំបក្សប្រឆាំង លោក Nikol Pashinyan  អោយមានសេរីភាពវិញ ស្រាប់តែលោក Serzh Sargsyan នាយករដ្ឋមន្ត្រីអាមេនីបានសំរេចចុះចេញពីតំណែងកាលពីច័ន្ទ ថ្ងៃទី ២៣ ខែមេសា ក្រោមសំពាពរបស់មហាជនយ៉ាងច្រើនលើសលប់ ដែលបាននាំគ្នាតស៊ូមតិនិងចូលរួមបាតុកម្មដែលនាំអោយមានការផ្លាស់ប្តូរនយោបាយក្នុងតំបន់អឺរ៉ុបខាងកើត ក្រោមបទចោទថា លោក Serzh Sargsyan ជាមេដឹកនាំនិយមប្រធានាធិបតីរុស្ស៊ី ប្លាឌីមៀពូទីន។

លោក Serzh Sargsyan បាននិយាយក្នុងសេចក្តីថ្លៃការណ៍មួយថា លោកពិតជាមានកំហុស ហើយនេះជាជំរើសល្អដែលគ្មានដំណោះស្រាយណាដែលអាចធ្វើអោយប្រទេសមានស្ថិរភាពឡើងវិញនោះទេក្រៅពីចុះចេញពីតំណែង។ ក្រុមបាតុករបាននាំគ្នាចោទលោក Serzh Sargsyan ថាបានដឹកនាំប្រទេសឆ្ពោះទៅរកអតីកាល ដោយព្យាយាមយកលំនាំតាមលោក ប្លាឌីមៀពូទីន ជាពិសេសក្រុមបាតុករជាច្រើនបានស្រែកឡើងស្រុះគ្នាថា យើងមិនអាចត្រលប់ទៅរករបបស្តានីនសារជាថ្មីម្តងទៀតបានទេ៕

សូមស្តាប់ការអត្ថាធិប្បាយជាវីដេអូនៅខាងក្រោម

 

នៅលើពិភពលោកយើងនេះប្រទេសដែលក្អេងក្អាងជាងគេ ហើយហ៊ានគំរាមសង្គ្រាមជាមួយអាមេរិកគឺមានតែកូរ៉េខាងជើងមួយតែប៉ុណ្ណោះ។ ប្រទេសកុម្មុយនីសមួយនេះ បានពង្រីកខ្លួនក្លាយជារដ្ធនុយក្លែអ៊ែរ ក្រោយសង្គ្រាមលោកលើកទី២។ ចាប់តាំងពីឆ្នាំ​២០១១មកប្រទេសមួយមក ប្រទេសនេះបានបាញ់សាកអាវុធនុយក្លែអ៊ែរ ៦លើករួចមកហើយ ចំណែកអាវុធអីដ្រូសែនក៏បានបាញ់ជាច្រើនលើកដែរ ចំណែកឯការបាញ់កាំជ្រួចអន្តរទ្វីបវិញ ជិត២០ដងផងដែរ។

ការបាញ់សាកល្បងអាវុធប្រល័យលោកទាំងនេះ សុទ្ធតែទទួលរងការថ្កោលទោសជាខ្លាំងរបស់សហគមន៍អន្តរជាតិ ហើយទង្វើរនេះនាំអោយឧបទ្វីបកូរ៉េក្លាយជាកន្លែងរត់ប្រណាំងសព្វាវុធរវាងរបបក្រុងព្យុងយ៉ាងដែលផ្តាច់ការនិយមជាមួយនិងក្រុងវ៉ាស៊ីនតោន។

អ្វីដែលមានការព្រួយបារម្មណ៍ក្នុងការផ្ទុះសង្រ្គាមនុយក្លែអ៊ែរនោះ គឺដោយសារក្រុងព្យុងយ៉ាងធ្វើសកម្មភាពកងទ័ពជាញឹកញ៉ាប់តាមព្រំដែនកូរ៉េខាងជើង ដែលជាសញ្ញាណផ្ទុះសង្គ្រាមប្រឆាំងនិងរបបក្រុងសេអ៊ូលដែលមានសហរដ្ធអាមេរិកនៅពីក្រោយ។ ទង្វើរនេះដែលនាំអោយអាមេរិក បង្កើតការធ្វើសមយុទ្ធយោធាជាញឹកញ៉ាប់ មិនតែប៉ុណ្ណោះអាមេរិកថែមទាំងបានរំកិលនាវាចំបាំងធំៗ ៣គ្រឿង អមដោយនាវាពិឃាត នាវាមុជទឹក បានទៅដល់ដែនទឹកសមុទ្រកូរ៉េរួចហើយ ដោយរងចាំធ្វើសង្គ្រាមប្រឆាំងកូរ៉េខាងជើងតែប៉ុណ្ណោះ អោយតែរបបក្រុងព្យុងយ៉ាងវាយប្រហារកោះ ហ្គូម របស់អាមេរិកមុនតែប៉ុណ្ណោះ។

សកម្មភាពយោធារបស់អាមេរិក គំរាមកូរ៉េខាងជើងខ្លាំងមែនទែនក្នុងរយះពេលប៉ុន្មានខែចុងក្រោយនេេះ ជាពិសេសនៅចុងឆ្នាំ ២០១៧ នៅពេលស្ថានការណ៍សង្គ្រាមជិតខិតចូលមកដល់ស្រាប់តែរបបក្រុងព្យុងយ៉ាងយល់ព្រមអោយមានការជួបកំពូលរវាងប្រធានធិបតីទាំងពីរគឺលោក គីម ជុងអ៊ុន និង លោក ម៉ូន ជេអ៊ីន ដែលជាការរំពឹងថានិងធ្វើឡើងនៅថ្ងៃទី ២៧ ខែ មេសា​ ឆ្នាំ ២០១៨ ខាងមុខនេះ។

មិនតែប៉ុណ្ណោះ ក្រុងព្យុងយ៉ាងបានបើកភ្លើងខៀវ អោយប្រធាន CIA របស់អាមេរិក ជួបលោក គីម ជុងអ៊ុន ដែលជំនួបនេះបានធ្វើឡើងរួចទៅហើយ។ បន្ទាប់ពីជំនួបស្រាប់តែលោក ម៉ូន ជេអ៊ីន បានបង្ហើយកាលពីថ្ងៃទី ១៩ ខែមេសាអោយដឹងថា ៖ ជំនួបរបស់លោក ដូណាល់ ត្រាំ និង លោក គីម ជុងអ៊ុន និងធ្វើឡើងក្នុងចុងខែ ឧសភា ឬ ដើមខែមិថុនា ដែលកូរ៉េខាងជើងមិនបានដាក់លក្ខ័ណ្ណអ្វីនោះទែ សូម្បីដែលស្នើរអោយអាមេរិកដកកងទ័ពចេញពីកូរ៉េខាងត្បូងក៏គ្មានដែរ។

មិនតែប៉ុណ្ណោះលោកថារបបក្រុងព្យុងយ៉ាង ស្រាប់តែសន្យាថានិងបោះបង់ចោល និង រំលាយចោលកម្មវិធីអាវុធនុយក្លែអ៊ែរទៀតផង។ ជំហររបស់កូរ៉េខាងជើងដែលមើលទៅទន់ភ្លន់ខុសពីការរំពឹងទុកនោះ គឺពិតជាស្មានមិនខុសមែនថា សង្រ្គាមឬមិនសង្គ្រាមគឺអាស្រ័យលើរបបក្រុងព្យុងយ៉ាងខ្លួនឯងថា តើគួរបន្តផលិតអាវុធនុយក្លែអ៊ែរនេះទៀត ឬ ទំលាក់កម្មវិធីនេះចោល តែបំផុតរបបក្រុងព្យុងយ៉ាងជ្រើសរើសវិធីបញ្ជៀសសង្គ្រាម គឺជារឿងសំខាននិងជាអាយុជីវិតរបស់ជាតិ។

ទោះជាបែបនេះក្តីអ្វីដែលធ្វើអោយរបបមួយនេះទន់ជង្គង់នៅជំពោះមុខអាមេរិក គឺជាកត្តាដាក់ទណ្ឌកម្មរបស់អាមេរិកមកកាន់ប្រទេសខ្លួនកាន់តែធ្ងន់ធ្ងរ ដែលជាហេតុធ្វើអោយរបបនេះស្លាប់មុនប្រយុទ្ធនេះ ហើយការទន់ជំហររបស់របបក្រុងព្យុងយ៉ាងនេះ អាចមកពីមេដឹកនាំចិនប្រាប់ដល់កូរ៉េខាងជើង បើពុំនោះទេអាចបណ្តាលអោយក្រុងព្យុងយ៉ាង និង ក្រុងប៉េកាំង ក្លាយជាជនរងគ្រោះនៃការដាក់ទណ្ឌកម្មនេះហើយស្រួលមិនស្រួលអាមេរិកឈ្នះសង្គ្រាមទៀត ដែលជាហេតុនាំអោយក្រុងប៉េកាំងអាម៉ាស់មុខជាខ្លាំង ហើយអាចរអិលធ្លាក់ពីប្រទេសមហាអំណាចទី២ផងដែរ ទំនងដោយសារហេតុនេះហើយទើបលោក ត្រាំ បានគំរាមថា បើគ្មានលទ្ធផលដែឡទាក់ទងដល់ការរំលាយកម្មវិធីអាវុធនុយក្លែអ៊ែរទេ លោកនិងដើរចេញពីតុចចារ ហើយងាកមករកទីតាំងធ្វើសង្គ្រាមវិញម្តង។

នេះហើយជាការដាក់លក្ខ័ណរបស់អាមេរិកដែលធ្វើអោយរបបក្រុងព្យុងយ៉ាងទទួលស្គាល់ឥទ្ធិពលអាមេរិក ហើយក៏បង្ហាញជំហរទន់ភ្លន់ភ្លាមតែម្តង តែអ្នកជំនាញយោធារបស់អាមេរិកបានគំរាមថា របបក្រុងព្យុងយ៉ាងអាចលែងល្បែងពីរក្នុងពេលតែមួយ ពោលគឺ ទន់ភ្លន់នៅពេលខ្លួនជិតដួល និងខ្លាំងក្លានៅពេលដែលខ្លួនស៊ីឆ្អែតមានកំលាំង៕

ប្រែសំរួលដោយ ៖ Sing Ly

ប្រភព ៖ Women Radio