ភ្នំពេញ ៖សប្បាយក្លាយជាទុក្ខ!! ដើម្បីញុំាង កម្មវិធី ផឹកសុីអោយកាន់តែប្លែក បុរសមួយក្រុម បានយកកូនគ្រែ ផ្ងារជើងដាក់លើស្នោបណ្តែតទឹកបឹង ជិះអង្គុយផឹកស្រា ស បណ្តើរច្រៀងលេងបណ្តើរ ស្រាប់តែក្រឡាប់ លិចបាត់មនុស្សម្នាក់ រកសាកសពមិនទាន់ឃើញ ហេតុការណ៍នេះកើតឡើងស្ថិតនៅក្នុងត្រពាំងអង្គ ភូមិជ្រេសខាងជើង សង្កាត់គោកឃ្លាង ខណ្ឌសែនសុខ រហូតមកដល់វេលារសៀលថ្ងៃទី២៩ ខែមិថុនា ឆ្នាំ២០១៨នេះទៅហើយ នៅតែរកសាកសពមិនទាន់ឃើញ សាច់ញាតិ ក្រុមគ្រួសារ ប្រជាពលរដ្ឋ បន្តចុះរាវរក ។
បុរសចំណាស់ម្នាក់ខណៈជិះស្នោអង្គុយផឹកស្រា ស បណ្តើរច្រៀងលេងបណ្តើរ បែជាក្រឡាប់ធ្លាក់ចូលទឹកលង់លិចបាត់ស្លាប់រកសាកសពមិនឃើញតាំងពីវេលាម៉ោង៥និង៣០នាទីល្ងាចថ្ងៃទី២៨ ខែមិថុនា ឆ្នាំ២០១៨។ ជនរងគ្រោះឈ្មោះ ប៊ូ ឡាំ ភេទប្រុស អាយុ៥៤ឆ្នាំ មុខរបរនៅផ្ទះ ភូមិ សង្កាត់កើតហេតុខាងលើ ។
តាមសាច់ញាតិក្រុមគ្រួសារបានឱ្យដឹងថា កាលពីល្ងាចថ្ងៃទី២៨ខែមិថុនា ឆ្នាំ២០១៨ ជនរងគ្រោះ ចុះជិះលើស្នោបណ្តែតទឹកនិងផឹកស្រា ស ច្រៀងលេង”ជិះទូកលេងតាមគង្គា” ។តែជាចៃដន្យ ដុំស្នោនោះបានក្រឡាប់ ធ្វើឲ្យជនរងគ្រោះដាំដូងធ្លាក់ចូលទៅក្នុងទឹកលិចបាត់តែម្តង ។
ប្រជាពលរដ្ឋចុះរាវរកភ្លាមៗតែរកមិនឃើញហើយដឹងថាជនរងគ្រោះពិតជាស្លាប់ហើយដោយសារលង់ស្លាប់លិចបាត់ក្នុងទឹករកសពមិនទាន់ឃើញក្រុមគ្រួសាររៀបចំទីកន្លែងមាត់ត្រពាំងទឹកនោះតែម្តង។
ត្រៀមរង់ចាំធ្វើបុណ្យនៅរោងបុណ្យរួមមាត់ត្រពាំងទឹក ប៉ុន្តែរហូតមកដល់វេលាម៉ោង៣រសៀលនេះទៅហើយសពនៅមិនទាន់រកឃើញសូម្បីតែអណ្តែតក៏មិនទាន់តែក្រុមគ្រួសារបន្តចុះរាវនិងរងចាំសាកសព៕
Site Title 