ប្រជាជនខ្មែរទូទាំងប្រទេស បានចូលរួមរំលែកទុក្ខយ៉ាងក្រៀមក្រំបំផុតចំពោះ ក្រុមគ្រួសារសព របស់តារាចម្រៀងកញ្ញា ខេមរៈ ស្រីពៅ ក្រោយពីទទួលបានដំណឹងដ៏សែនក្តុកក្តួលអំពីមរណភាពរបស់តារាចម្រៀងដ៏ល្បីឈ្មោះកញ្ញា ខេមរៈ ស្រីពៅ ដែលត្រូវជាប្អូនស្រីរបស់កំពូលតារាចម្រៀងលោក ខេមរៈ សិរីមន្ត រួចមកនោះ ។ក្រោយពីបានទទួលដំណឹង មរណភាពដ៏ក្រៀមក្រំនេះ ក្រុមគ្រួសារសព របស់កញ្ញា ខេមរៈ ស្រីពៅ ដែលមានលោក ខេមរៈ ភារុណ ក៏បានចាកចេញ ពីប្រទេសកម្ពុជា ទៅកាន់ប្រទេសឥណ្ឌា ដេីម្បីទៅទទួលយក សាកសពប្អូនស្រី ដង្ហែរមកកាន់ ប្រទេសកំណេីតវិញផងដែរ ។
គួរបញ្ជាក់ដែរថា កញ្ញា ខេមរៈ ស្រីពៅ បានទទួលរងនូវជំងឺសួត និងក្រលៀន យ៉ាងធ្ងន់ធ្ងរ អស់រយៈពេល ៤ឆ្នាំមកហើយ ទេីបធ្វើឲ្យនាង កាន់តែធ្ងន់ធ្ងរ រហូតក្រុមគ្រួសារ ក៏បានសម្រេចចិត្តបញ្ចូន ទៅព្យាបាលនៅប្រទេសឥណ្ឌា តែជាអកុសល ត្រូវបាត់បង់ជីវិត កាលថ្ងៃទី២៥ ខែមករា ឆ្នាំ២០១៩ វេលាម៉ោង១រសៀល ដោយក្រុមគ្រូពេទ្យជំនាញមិនអាចជួយសង្គ្រោះបាន។ដោយឡែក នៅមុននេះបន្តិច កញ្ញា សុខ ពិសី ក៏បានបង្ហោះសាររៀបរាប់ថា៖ «ស្រក់ទឹកភ្នែក ទាំងមិនដឹងខ្លួន ពេលស្ដាប់គាត់ រៀបរាប់ទាំងទឹកភ្នែក មុនពេលពៅឃ្លាតទៅឆ្ងាយ សូមចូលរួមរំលែកទុក្ខយ៉ាងក្រៀមក្រំផងម៉ាក់អុំ សំរាប់ការបាត់បង់ប្អូនពៅ ដែលជាក្មេងឆ្លាតនិងគួរអោយស្រលាញ់»។
Site Title 