ថៅកែចិត្តល្អ ក្នុងទីក្រុងភ្នំពេញ បានចែកអាំងប៉ាវអោយបុគ្គលិក សុទ្ធតែរថយន្ត ចិញ្ចៀន​មាស​ ខ្សែកមាស…

ថ្ងៃនេះគឺជាថ្ងៃបុណ្យចូលឆ្នាំចិន ដែលជាថ្ងៃជនជាតិចិន ឬអ្នកកាត់ចិនខ្លះៗ ធ្វើការសែនព្រែន ទៅដល់ដូនតា ដែលបានចែកឋានទៅ ដើម្បីអោយពួកគេរកសុីមានបាន និងមានរាសីឡើងខ្ពស់ ធ្វើអ្វីអោយបានសម្រេចជានិច្ច ជាពិសេស ក៍ជាថ្ងៃដែលបងប្អូនមកជួបជុំគ្នា ដើម្បីធ្វើពីធីសែនព្រែនផងដែរ។ក្នុងនោះផងដែរ យើងឃើញមានអ្នកមានៗ ជាច្រើនបាន បានចែកអាំងប៉ាវ ទៅដល់បងប្អូនគេ ឬសំរាប់បុគ្គលិក របស់គេ ទៅតាមលទ្ធភាព របស់ម្ចាស់ក្រុមហ៊ុន ដែលបានចាត់ចែង ដើម្បីលើកទឹកចិត្តបុគ្គលិក អោយកម្លាំងចិត្ត ក្នុងការធ្វើការ និងដើម្បីអោយគេធ្វើការរកសុីកាន់តែកាក់កបជាងនេះមួយកំរិតទៀត។

ដោយលែកចំពោះការ៉ាស់ លក់រថយន្តទំនើបៗ Kimsrun Premium Auto បានធ្វើអោយមហាជនជាច្រើនមានការភ្ញាក់ផ្អើលយ៉ាងខ្លាំង ដោយបានចែកអាំងប៉ាវ អោយបុគ្គលិក សុទ្ធតែ ចិញ្ចៀន​មាស​ ខ្សែកមាស​ ប្រាក់ខែ​ទី​ ១៣​ បូកថែមប្រាក់លេីកទឹកចិត្តលេីបុគ្គលិក​។ ដោយនេះគឺជាអាំងប៉ាវ ដែលមានតម្លៃយ៉ាងខ្លាំង ដែលក្រុមហ៊ុនផ្សេងៗ មិនសូវមានអ្នកធ្វើតាម។យោងតាមផេកហ្វេសបុក Kimsrun Premium Auto បានបង្ហោះថា «ហេង​ ហេង​ ឆ្នាំថ្មី​ ចែក​ អាំង​ប៉ាវ​ មានទាំង​ ចិញ្ចៀន​មាស​ ខ្សែកមាស​ ប្រាក់ខែ​ទី​ ១៣​ បូកថែមប្រាក់លេីកទឹកចិត្តលេីបុគ្គលិក​ យកបេះដូងមកធ្វេីការ​ ជាពិសេសេ​ ផ្តល់នូវរថយន្តម្នាក់មួយគ្រឿង​ ជូនបុគ្គលិកឆ្នេីម​ បម្រេីការងារយូរឆ្នាំ»៕