លោកឧត្ដមសេនីយ៍ត្រី គឹម រស្មី តេីអាចប្រឈមការចាប់ខ្លួនពីអង្គភាពប្រឆាំងអំពើពុករលួយ ដែរឬទេ?

នៅមុននេះបន្តិច ព្រះមហាក្សត្រ បានចេញព្រះរាជក្រឹត្យ លុបឈ្មោះ លោកឧត្ដមសេនីយ៍ត្រី គឹម រស្មី មេប៉េអឹមខេត្តរតនគិរី ចេញពីក្របខ័ណ្ឌនៃកងយោធពលខេមរភូមិន្ទ បន្ទាប់លេចធ្លាយនូវវីដេអូ ក្នុងពិធីខួបកំណើត ដោយលោកបានចែកលុយ អោយកូនរបស់គាត់ ក្នុងម្នាក់ៗ រាប់សែន ដុល្លា ដែលជាចំនួនទឹកលុយដ៍ច្រើនសន្ធឹកសន្ធាប់។នៅពេលដែល លោកឧត្ដមសេនីយ៍ត្រី គឹម រស្មី មេប៉េអឹមខេត្តរតនគិរី ត្រូវបានលុបឈ្មោះ ចេញពីក្របខ័ណ្ឌនៃកងយោធពលខេមរភូមិន្ទ ត្រូវបានប្រជាពលរដ្ឋ នាំគ្នាឆ្ងល់ថា ត្រឹមតែជាមេប៉េអឹម ដែលមានប្រាក់ខែ ១លាន ឬ ២លាន រៀល ប៉ុណ្ណោះ តើហេតុអ្វីបានជាលោកមានលុយរហូត រាប់លានដុល្លាកាន់ នៅក្នុងដៃ?

មហាជនបានដាក់សំនួរសួរថា ប្រាក់ខែរដ្ឋបន្តិចបន្តួច ហេតុអ្វី ក្លាយជាសេដ្ឋីមហាសាលបែបនេះ? គាត់ប្រព្រឹត្តអំពើពុករលួយ? កាប់បំផ្លាញព្រៃឈើ? ឬ ប្រព្រឹត្តបទល្មើសអ្វីផ្សេង? ហើយប្រជាពលរដ្ឋពិតជាចង់ឃើញខ្លាំងណាស់ ដោយអង្គភាពប្រឆាំងអំពើពុករលួយ ស៊េីបអង្កេត ករណីនេះ ប្រសិនបើរកឃើញពិតមែននោះ នោះសូមផ្តន្ទាទោសគាត់ទៅតាមច្បាស់។គួរបញ្ចាក់ផងដែរលថា លោកឧត្ដមសេនីយ៍ត្រី គឹម រស្មី មេប៉េអឹមខេត្តរតនគិរី ត្រូវបានព្រះមហាក្សត្រ លុបឈ្មោះចេញពីក្របខ័ណ្ឌនៃកងយោធពលខេមរភូមិន្ទ។ មិនតែប៉ុណ្ណោះ តាមរយះផេកហ្វេសបុក តម្តេចតេជោ ហ៊ុន សែន ក៍មានប្រសាសន៍ថា «នេះគឺជាការវះកាត់ប្រកបដោយការឈឺចាប់។ នេះជាអភិក្រមទី៥គឺការវះកាត់»៕