សាលាឧទ្ធរណ៍សម្រេចមិនឲ្យលោកកឹម សុខានៅក្រៅឃុំបណ្តោះអាសន្នទេ

រាជធានីភ្នំពេញ ៖ សាលាឧទ្ធរណ៍នៅព្រឹកថ្ងៃទី ០១ កុម្ភៈ នេះ បានសម្រេចបន្តឃុំលោក កឹម សុខា ប្រធានអតីតគណបក្សសង្គ្រោះជាតិ នៅក្នុងពន្ធនាគារត្រពាំងផ្លុង ខេត្តត្បូងឃុំដដែល បន្ទាប់ពីបើកសវនាការជំនុំជម្រះលើសំណុំរឿងជនត្រូវចោទ កឹម សុខា លើបណ្តឹងសុំនៅក្រៅឃុំបណ្តោះអាសន្ន ។

ក្រុមមេធាវីលោកកឹម សុខា បានអះអាងថា ជនជាប់ចោទលោកកឹម សុខា ត្រូវបានមន្ត្រីពន្ធនាគារត្រពាំង
ផ្លុង បាននាំមកដល់សាលាឧទ្ធរណ៍នៅវេលាម៉ោងប្រមាណ០៥ និង៣០នាទីព្រឹកថ្ងៃទី១ កុម្ភៈ នេះ តាមការគ្រោងទុក ដើម្បីជំនុំជម្រះបណ្តឹងឧទ្ធរណ៍សុំនៅក្រៅឃុំបណ្តោះអាសន្ន ។ យ៉ាងណាមិញ លោកមេធាវីហែម សុជាតិ បានថ្លែងប្រាប់អ្នកសារព័ត៌មាន ក្រោយពេលសវនាការថា ការសម្រេចមិនឱ្យកូនក្តីលោកនៅក្រៅឃុំបណ្តោះអាសន្នគឺជា «សិទ្ធិរបស់តុលារការ។ យើងជាមេធាវីមិនអាចទទួលយកបានចំពោះការលើករបស់តុលាការទេ »។

នៅឯសវនការព្រឹកថ្ងៃទី១ កុម្ភ ក៏មានវត្តមានលោកកឹម សុខា ចូលរួមផងដែរ ក្នុងសម្លៀកបំពាក់អាវពណ៌.ស និងខោខ្មៅ ហើយអមដោយកម្លាំងការពារយ៉ាងតឹងតែងផងដែរ ពេលលោកអង្គុយស្តាប់
អង្គសវនាការ។

លោកផែន ហេង ជាមេធាវីការពារសិទ្ធិលោកកឹម សុខា ម្នាក់ក្នុងចំណោមមេធាវីការពារ ៧រូប បានលើកឡើងថាតាមលោកដឹងសុខភាពលោកកឹម សុខាមានសភាពធម្មតាទេ ។ លោកមេធាវីបន្តថាថាការចោទប្រកាន់របស់តុលាការលើកកូនក្តីរបស់លោកតាមបទចោទ «សន្ធិដ្ឋិភាពជាមួយបរទេសមិនត្រឹមត្រូវទេ» ។

សូមរំលឹកថា លោកកឹម សុខា ត្រូវបានចាប់ខ្លួនកាលពីយប់ថ្ងៃទី៣ កញ្ញា ២០១៧ និងត្រូវតុលាការសម្រេចឱ្យឃុំខ្លូន នៅក្រោមបទចោទសន្ធិដ្ឋិភាពជាមួយបរទេស (ក្បត់ជាតិ) តាមមាត្រា៤៤៣ នៃក្រមព្រហ្មទណ្ឌ នាថ្ងៃទី ០៦ ខែកញ្ញា។ សម្រាប់បទចោទប្រកាន់ពីបទល្មើស «ក្បត់ជាតិ» គឺលោកកឹម សុខា អាចប្រឈមមុខនឹងការជាប់ពន្ធនាគារពី១៥ឆ្នាំ ទៅ៣០ឆ្នាំ។

កាលពីថ្ងៃទី២៦ខែកញ្ញា២០១៧ សាលាឧទ្ធរណ៍បានជម្រះក្តីបណ្តឹងសុំនៅក្រៅឃុំម្តងហើយតែអវត្តមានជនជាប់ចោទក្រុមមេធាវីបានដើរចេញពីបន្ទប់សវនាការដោយគ្មានវត្តមានជនជាប់ចោទ។សវនាការនេះធ្វើឡើងជាអសាធារណៈមានតែវត្តមានជនជាប់ចោទមេធាវីនិងចៅក្រមសភាស៊ើបសួរចូលរួម។ចំណែកអ្នកសារព័ត៌មានត្រូវបានហាមឃាត់សូម្បីចូលក្នុងបរិវេណតុលាការ។

ប្រភពទាំងស្រុងពី ៖ កោះសន្តិភាព

ប្រើល្បិចចូលទិញថ្នាំ បន្លំលួចយកម៉ូតូ ចាប់បានពិនិត្យទឹកនោមមានសារធាតុញៀន

រាជធានីភ្នំពេញ ៖ សមត្ថកិច្ចខ័ណ្ឌមានជ័យចាប់បានជនសង្ស័យម្នាក់ឈ្មោះ យឿន វឌ្ឈនៈ ភេទ ប្រុស អាយុ ២៥ ឆ្នាំ ជនជាតិខ្មែរ ទីលំនៅផ្ទះជួល ផ្លូវលំ ភូមិ បឹងធំ សង្កាត់ បឹងធំ ខណ្ឌ ពោធិ៍សែនជ័យ រាជធានីភ្នំពេញ មុខរបរ កម្មកររោងចក្រកាត់ដេរ (ឃាត់ខ្លួន មានផ្ទុកសារធាតុញៀនក្នុងទឹកនោម) ពិបងលួចម៉ូតូ។

តាមប្រភពពីសមត្ថកិច្ចបានអោយដឹងថា កាលថ្ងៃទី២៨-០១-២០១៨ វេលាម៉ោង ១០ម៉៣០នាទី នៅចំណុចមុខផ្ទះជួល លេខ១២(លក់ថ្នាំពេទ្យ) ផ្លូវឌួងងៀប ភូមិ ដំណាក់ធំ៣ សង្កាត់ ស្ទឹងមានជ័យទី៣ខណ្ឌមានជ័យ រាជធានីភ្នំពេញ ។ នៅមុនពេលកើតហេតុជនរងគ្រោះឈ្មោះសុខ មករា បានយកម៉ូតូ០១គ្រឿងម៉ាកនិច ពណ៍ស ពាក់ស្លាកលេខ កំពង់ស្ពឺ 1H0287 មកចតុទុកនៅមុខផ្ទះ (ចំណុចកើតហេតុ) ហើយដើរចូលទៅក្នុងផ្ទះ ដោយពុំបានដកកូនសោរចេញពីម៉ូតូ ពេលនោះជនសង្ស័យ០២នាក់ឈ្មោះ យឿន វឌ្ឈនៈ និង ឈ្មោះ សំណាង ជិះម៉ូតូ០១គ្រឿងម៉ាកសេ១២៥ ពណ៍ខ្មៅ សេរី២០១៥ ពាក់ ស្លាកលេខ ភ្នំពេញ 1CN 9617 មកឈប់មុខផ្ទះរបស់ជនរងគ្រោះ ហើយជនសង្ស័យឈ្មោះ សំណាង បានដើរចូលទៅបន្លំធ្វើជាទិញថ្នាំពេទ្យ រួចក៏បានលួចយកម៉ូតូម៉ាកនិចរបស់ជនរងគ្រោះជិះគេចខ្លួន ទន្ទឹមនោះជនរងគ្រោះបានឃើញក៏ស្រែកឆោឡោឡើង ហើយកម្លាំងល្បាតនគរបាលប៉ុស្តិ៍ស្ទឹងមានជ័យទី៣បានមកដល់ក៏ឃាត់ខ្លួនជនសង្ស័យឈ្មោះ យឿន វឌ្ឈនៈ (ដែលជាអ្នកនៅចាំមើលផ្លូវ) និង ដកហូតវត្ថុតាង៖ ម៉ូតូ០១គ្រឿងម៉ាកសេ១២៥ ពណ៍ខ្មៅ សេរី២០១៥ ពាក់ ស្លាកលេខ ភ្នំពេញ 1CN 9617 (ជាមធ្យោបាយជនសង្ស័យ ជិះមកធ្វើសកម្មភាពលួចយកម៉ូតូរបស់ជនរងគ្រោះ) យកមកសាកសួរនៅស្នាក់ការនគរបាលប៉ុស្តិ៍ស្ទឹងមានជ័យទី៣ ចាត់ការតាមច្បាប់តែម្តង ។
បច្ចុប្បន្នជនសង្ស័យឈ្មោះ យឿន វឌ្ឈនៈ ឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការតាមនីតិវិធី ។

ដោយ ៖ Sing Ly

សារជាតិតិរច្ឆាន ! វាយធ្វើបាបកូនអោយដើរសុំទាន ពេលនេះចាប់បានហើយ

បន្ទាយមានជ័យ ៖ ថ្មីៗនេះនៅលើបណ្តាញសង្គមហ្វេសប៊ុកមានការភ្ញាក់ផ្អើល និងស៊ែរបន្តគ្នានូវក្លីបវីដេអូមួយដែលបង្ហាញពីបុរសម្នាក់ បានប្រើហឹង្សា ចាប់អូសបង្ខំកូនក្មេងតូចមួយអោយដើរសុំលុយគេ ដើម្បីយកមកអោយខ្លួនពេលនេះចាប់បានហើយ។

តាមប្រភពពីម្ចាស់គណនីហ្វេសប៊ុកឈ្មោះ Sam Vichhika Apsara Net បានផ្សាយអោយដឹងថា នគរបាលខេត្តបន្ទាយមានជ័យចាប់ផ្តើមចាប់ខ្លួនឪពុកម្តាយនិងអាណាព្យាបាលដែលនាំកូនខ្លួនឯង ប្រើប្រាស់ជាឧបករណ៍សុំទានរកប្រាក់ដើម្បីអោយខ្លួន ហើយយកប្រាក់ទាំងនោះទៅទិញគ្រឿងញៀនប្រើប្រាស់ ឬ យកប្រាក់ទៅលេងល្បែងជាដើមនោះ។

តាមសមត្ថកិច្ចបានបង្ហាញថា ជនប្រព្រឹត្តិអំពើរតិរច្ឆានរូបនោះមានឈ្មោះថា ចាន់ ធី អាយុ ៣៤ឆ្នាំ ស្នាក់នៅម្តុំផ្លូវរថភ្លើង ក្នុងភូមិអូជ្រៅ សង្កាត់ប៉ោយប៉ែត ក្រុងប៉ោងប៉ែត។ សមត្ថកិច្ចបានបន្តទៀតថា ៖ ខណៈដែលកំពុងដឹកដៃកូនសុំទានតាមផ្លូវជាតិ គ្រាន់តែក្រឡេកឃើញសមត្ថកិច្ចឈប់រថយន្តភ្លាម ក៏បានស្រែកថា «ប៉ូលិសមកហើយ ឆាប់រត់កូន» ។ ហើយបុរសនោះ បានរត់យ៉ាងលឿនបត់បែនតាមផ្ទះអ្នកស្រុកចោលកូនបាត់ស្រមោល កើតឡើងនាព្រឹកថ្ងៃទី២៦ មករា ២០១៨ ។ ប៉ុន្តែ សមត្ថកិច្ចបាននាំកូនប្រុសម្នាក់មានអាយុ ៣ឆ្នាំ កំពុងស្រែកយំនាំទៅផ្ទះដែលស្នាក់ ។ សមត្ថកិច្ចបានទៅដល់ផ្ទះតូចមួយ ដែលមានស្ត្រីម្នាក់ឈ្មោះ តាប់ ហេង ត្រូវជាប្រពន្ធបុរសគេចខ្លួន បានប្រាប់សមត្ថកិច្ចឱ្យដឹងថា គាត់ដើររើសអេតចាយជាមួយកូនច្បងអាយុ ៧ឆ្នាំ ទាំងយប់ទាំងថ្ងៃ ឯប្តីដើរសុំទានគេជាង ១០ឆ្នាំហើយ ។ ពីមុនទៅជាមួយកូនច្បង លើកនេះ ទៅជាមួយកូនទី២ ខណៈកូនទី៣ ពរជាប់ចង្កេះ ហើយមានផ្ទៃ ១ខែ ថែមទៀត ។ គាត់បន្តថា មិនឱ្យប្តីសុំទានបែបជម្រិត ឬនិយាយអ្វីអាក្រក់ទេ ព្រោះសមត្ថកិច្ចធ្លាប់ចាប់អប់រំហើយ តែប្តីមិនស្តាប់ ។

លោកអនុសេនីយ៍ឯក ឱក សំណុក អនុប្រធានការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្ត បានប្រាប់ថា បន្ទាប់ពីមានហ្វេសប៊ុគសរសេររិះគន់ពីបុរសខាងលើដឹកដៃកូនសុំទានបែបប្រើកម្លាំងពលកម្ម និងធ្វើបាបកូននោះ លោកឧត្តមសេនីយ៍ទោ អាត់ ខែម ស្នងការនគរបាលខេត្ត បានដាក់បទបញ្ជាចុះពិនិត្យមើល និងឱ្យរកបុរសនោះ យកទៅសួរនាំ តែមិនទាន់បានហៅផង ស្រាប់តែរត់គេចខ្លួនបាត់ ។ ពេលនេះ សមត្ថកិច្ចបានទាក់ទងខាងមន្ត្រីមន្ទីរសង្គមកិច្ច និងស្ត្រីជាម្តាយ និងក្មេងៗ ទាំង៣ យកទៅសាកសួរ ដើម្បីពិនិត្យមើលលផ្លូវច្បាប់ ៕

ដោយ ៖ Sing Ly

យ៉ាងហោចណាស់មានអ្នកស្លាប់120នាក់ដោយគ្រោះធម្មជាតិ ក្នុងនោះរន្ទះបាញ់ច្រើនជាងគេ

រាជធានីភ្នំពេញ ៖ យោងតាមរបាយការណ៍របស់គណៈកម្មាធិការគ្រប់គ្រងគ្រោះមហន្តរាយបានឱ្យដឹងថា គ្រោះមហន្តរាយឆ្នាំ២០១៧ បានសម្លាប់មនុស្សចំនួន១២០នាក់ ដែលក្នុងនោះ ស្លាប់ដោយសារទឹកជំនន់ចំនួន១៧នាក់ ស្លាប់ដោយសាររន្ទះបាញ់ចំនួន៨០នាក់ ស្លាប់ដោយសារខ្យល់កន្ត្រាក់ចំនួន៦នាក់ ស្លាប់ដោយសារអគ្គិភ័យចំនួន១៧នាក់ និងរងរបួសធ្ងន់ស្រាលជិត២០០នាក់ ។

របាយការណ៍ដដែលបានបញ្ជាក់ថា ការខូចខាតដោយសារជំនន់ទឹកភ្លៀង និងជំនន់ទន្លេមេគង្គបានប៉ះពាល់រាជធានី-ខេត្តចំនួន១៦ នឹងខូចខាតផ្ទះលិចទឹកមានចំនួន១៤.១៤១ខ្នង និងប្រជាពលរដ្ឋត្រូវបានជំលៀសមានចំនួន ១៧៣៤ គ្រួសារ, លិចសាលារៀនចំនួន ១០៤កន្លែង,វត្ត១២កន្លែង,ជំលៀសសត្វពាហណៈ៥៩៣៨ក្បាល,ប៉ះពាល់សន្ទូងពង្គ្រោះ២២.០៦៧ហិកតាខូច៣៤៥៦ហិកតា ដំណាំរួមផ្សំ២៨៨៧ហិកតាខូច៣៥៥ហិកតា ។

ការប៉ះពាល់និងខូចខាតមានការថយចុះប្រមាណ៥០%ហើយបណ្តាខេត្តភាគពាយ័ព្យនៅតែជាកន្លែងដែលទទួលរងគ្រោះច្រើនជាងគេ ។ ការទទួលរងគ្រោះដោយសារខ្យល់កន្ត្រាក់ក្នុងឆ្នាំ២០១៧ កើតឡើង១៧៤លើកនៅរាជធានី-ខេត្តចំនួន២៣ លើកលែងខេត្តស្ទឹងត្រែងនិងខេត្តមណ្ឌលគិរី ។

ចំណែកឯការខូចខាតវិញគឺរួមមាន-ផ្ទះរលំនិងខូចខាតធ្ងន់ធ្ងរចំនួន៥៧៨ខ្នង,ផ្ទះរបើកដំបូលនិងខូចខាតមធ្យម៤.០២៧ខ្នង,សាលារៀនរបើកដំបូល៤០អគារនិងខូចខាតអគារផ្សេងៗ២៨អគារ,ខូចខាតដើមកៅស៊ូប្រមាណ៤៦០០ដើម (កំពង់ធំ ព្រះសីហនុ),ប្រជាពលរដ្ឋរងគ្រោះស្លាប់៦នាក់និងរបួស៥៥នាក់ សម្រាប់ការទទួលរងគ្រោះដោយសាររន្ទះបាញ់ គឺកើតមានចំនួន១២១លើក នៅរាជធានី-ខេត្តចំនួន២៤ ប្រជាពលរដ្ឋរងគ្រោះស្លាប់៨០នាក់(ស្រី១៧នាក់) របួស៦៤នាក់,ងាប់សត្វពាហនៈ៧៤ក្បាល ខូចខាតផ្ទះ១០ខ្នង ។

ក្នុងឆ្នាំ២០១៧អគ្គិភ័យកើតឡើង២២ករណីក្នុងនោះរួមមាន ឆេះស្ថានីយប្រេងឥន្ទនះ៦ករណី,ឆេះរោងចក្រ៦ករណី(ធ្ងន់ធ្ងរ១),រោងម៉ាស៊ីនកិនស្រូវ១ករណី,កាស៊ីណូមាន១ករណី,សិប្បកម្ម៨ករណី,តូបលក់ដូរ២៥៤តូបនិងអគាររដ្ឋបាល៦អគារ ។ ចំណែកការខូចខាតមានដូចជា ចំការប្រងខ្យល់៣៣ហិកតា,ចំការស្វាយចន្ទីរ១០ហិកតា,ចំការអំពៅ២៧៩ហិកតា,ឆេះព្រៃឈើ២៦ហិកតា,យានយន្ត៨គ្រឿងម៉ូតូ៦៩គ្រឿងនិងស្រូវ២៨តោន។

គ្រោះថ្នាក់ចរាចរណ៍រយៈពេល១ឆ្នាំកើតឡើង៣៥៣១ករណី ក្នុងនោះស្លាប់ចំនួន១៧៨០នាក់ រងរបួស៥៥៣៩នាក់ ដែលគិតជាមធ្យមក្នុងមួយថ្ងៃមានអ្នកស្លាប់៤,៩នាក់ និងអ្នករបួស១៥,២នាក់ ។ ក្នុងយុទ្ធនាការនៃការប្រយុទ្ធប្រឆាំងគ្រឿងញៀនក្នុងឆ្នាំ២០១៧ បង្ក្រាបករណីប្រើប្រាស់និងជួញដូរគ្រឿងញៀនបាន៨.១៥១ករណី ឃាត់ខ្លួនមនុស្ស១៧.៨៧៧នាក់ (ស្រី១.៥៨២នាក់)និងរឹបអូសបានគ្រឿងញៀនគ្រប់ប្រភេទ មធ្យោបាយប្រើប្រាស់រួមទាំងអាវុធវែង ខ្លីមួយចំនួនក្នុងនោះអ្នកញៀនថ្នាំមួយចំនួនធំត្រូវបានបញ្ជូនទៅទទួលយកសេវាព្យាបាលនៅតាមមណ្ឌលសុខភាពនានាទូទាំងប្រទេស ៕

គួរអោយសោកស្តាយ!!! កីឡាករ Kylian Mbappe របស់ក្លឹប PSG បានរបួស នឹងមិនអាចបាន…..(មានវិដេអូ)

កាលពីយប់ថ្ងៃទី២១ ខែមករា ឆ្នាំ២០១៨ រវាងក្រុម Lyon Vs PSG ដោយលទ្ធផល ២-១ បានធ្វើអោយកីឡាករ Kylian Mbappe របស់ក្លឹប PSG បានរបួស នឹងត្រូវឈប់សម្រាកព្យាបាលចំនួន ២ខែ ដូច្នេះគេនឹងមិនអាចចូលលេងក្នុងជំនួប PSG ប៉ះ Real Madrid ក្របខ័ណ្ឌ UEFA Champions League បានទេ [ESPN]។

ក្នុងជំនួប Lyon Vs PSG បានធ្វើអោយអ្នកគាំទ្រក្រុមទាំងពីសឹងតែមិនហ៊ានព្រេចភ្នែកទៅហើយព្រោះការប្រកួតនោះពិតជាមានកាស្វាត់ស្វាញយ៉ាងខ្លាំងក្នុងនោះផងដែរគេឃើញក្រុមទាំងពីបើកការវាយសំរុកគ្នាទៅវិញទៅមក។

តែទោះជាយ៉ាងណាគេឃើញកីឡាករ Kylian Mbappe របស់ក្រុម PSGបានរងរបួសយ៉ាងខ្លាំងគឺដោយសាតែតបាល់ប៉ះទង្គិចក្បាលជាមួយកីឡាកររបស់ក្លឹប Lyon នឹង រងរបួសម្តងទៀតគឺដោយសារអ្នកចាំទីបានហក់ទៅចាប់បាល់ហើយក៍បានបុកត្រូវកីឡាកររូបនោះម្តងទៀតហើយធ្វើអោយកីឡាកររូបនោះឈឺចាប់យ៉ាងខ្លាំង។

ដូចនេះដើម្បីអោយកាន់តែច្បាស់ក្នុងការប្រកួតដ៍អស្ចារ្យមួយនេះ សូមទស្សនាវិដេអូទាំងអស់គ្នា។

ដោយ៖ Sovann Deth