Riyad Mahrez ផ្លាស់ទៅ Man City ជាមួយតម្លៃខ្លួនបំបែកកំណត់ត្រាក្លិប

ក្រុមមេឃខៀវ Manchester City បានបំបែកកំណត់ត្រាក្លិបក្នុងការចុះហត្ថលេខាទិញខ្សែបម្រើស្លាប Riyad Mahrez ពីក្រុមកញ្ជ្រោងខៀវ Leicester City ជាមួយនឹងតម្លៃខ្លួនផ្ទេរ ៦០ លានផោន ខណៈដែលកីឡាករវ័យ ២៧ ឆ្នាំរូបនេះបានចុះកុងត្រារយៈពេល ៥ ឆ្នាំជាមួយកីឡដ្ឋាន Etihad របស់ Man City ។

Man City បានបដិសេធការផ្ទេរយក Mahrez កាលពីខែមករាដោយសារការចរចារគ្នាមិនត្រូវរឿងតម្លៃខ្លួនដែលត្រូវបានគេរាយការណ៍មកថា Leicester ទាមទារខ្ពស់ពេកគឺដល់ទៅ ៩៥ លានផោនសម្រាប់តម្លៃខ្លួនរបស់កីឡាករនៃក្រុមជម្រើសជាតិអាល់ហ្សេរីរូបនេះ។ តែទោះជាយ៉ាងណាពេលនេះ Mahrez និង Man City បានជួបគ្នាដូចបំណងហើយ ខណៈដែលគាត់បាននិយាយថាប្រព័ន្ធលេងរបស់ Man City គឺល្អបំផុតសម្រាប់គាត់។ “ការមើលពួកគេលេងគឺជាក្ដីសុខមួយ។” Mahrez និយាយ។ “ហើយការបង្ហាញទម្រង់លេងរបស់ពួកគេកាលពីរដូវកាលមុនគឺពិតជាគួរឲ្យសរសើរខ្លាំងណាស់។ ខ្ញុំគិតថាយើងអាចជោគជ័យនាប៉ុន្មានឆ្នាំខាងមុខ ហើយខ្ញុំជឿថាទម្រង់លេងរបស់ខ្ញុំនឹងរីកចម្រើនក្រោមការដឹកនាំរបស់លោក Pep Guardiola ។”

The best things come to those who wait… 🕘#welcomeriyad to Manchester City! 💙 #mancity pic.twitter.com/lLjJZrz4J0

— Manchester City (@ManCity) July 10, 2018

https://platform.twitter.com/widgets.js

ប្រែសម្រួល ៖ ភក្ដី

ទីបំផុតក្រុមកាំភ្លើងធំ Arsenal ជម្នះទិញខ្សែបម្រើអ៊ុយរ៉ូហ្គាយ Lucas Torreira បានដូចបំណង

ក្រុមកាំភ្លើងធំ Arsenal បានឈានដល់ការចុះហត្ថលេខាលើខ្សែបម្រើនៃក្រុមជម្រើសជាតិអ៊ុយរ៉ូហ្គាយ គឺកីឡាករ Lucas Torreira ពីក្រុម Sampdoria ដោយតម្លៃខ្លួនក្នុងការផ្ទេរមិនត្រូវបានគេបង្ហើបឲ្យដឹងឡើយ។ កីឡាករវ័យ ២២ ឆ្នាំបានបង្ហាញខ្លួនគ្រប់ទាំង ៥ ប្រកួតឲ្យអ៊ុយរ៉ូហ្គាយសម្រាប់ការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះនៅប្រទេសរុស្ស៊ីមុនពេលដែលពួកគេបានធ្លាក់ត្រឹមវគ្គ ៨ ក្រុមក្រោមថ្វីជើងរបស់ក្រុមជម្រើសជាតិបារាំង។ Torreira នឹងត្រូវបាន Arsenal ឲ្យពាក់អាវលេខ ១១ ខណៈដែលលេខនេះពីមុនត្រូវបានពាក់ដោយខ្សែបម្រើអាល្លឺម៉ង់ Mesut Ozil ដែលបានប្ដូរទៅពាក់លេខ ១០ វិញ។

Torreira នឹងចូលរួមជាមួយក្រុមកីឡាកររបស់ Arsenal នាដើមខែសីហាខាងមុខ ខណៈដែលគ្រូបង្វឹករបស់ Arsenal គឺលោក Unai Emery ដែលជាអ្នកចាប់អារម្មណ៍នាំយកកីឡាកររូបនេះចូលក្នុងកីឡដ្ឋាន Emirates បាននិយាយថា ៖ “ទិញបាន Lucas Torreira គឺមានន័យថាយើងទិញបានកីឡាករវ័យក្មេងមួយរូបដែលមានទេព្យកោសល្យលេចធ្លោ និងជាខ្សែបម្រើដែលមានសមត្ថភាពបំផុតម្នាក់។”

ប្រែសម្រួល ៖ ភក្ដី

ម៉ោង ១យប់រំលងអាធ្រាត្រនេះ! បារាំង ប៉ះតោកំណាចប៊ែលហ្ស៊ិក នៅវគ្គ ៤ក្រុមនៃ World Cup 2018

(ម៉ូស្គូ) អតីតម្ចាស់ជើងឯក World Cup 1998 បារាំងសុទ្ធតែបានទម្លាក់ក្រុមខ្លាំងមកពីតំបន់អាមេរិកឡាទីន ទាំង២ក្រុមរួមមាន ទម្លាក់អាហ្សង់ទីន របស់ Lionel Messi ដោយលទ្ធផល ៤-៣ ក្នុងវគ្គ១៦ក្រុមចុងក្រោយ មុនពេលមកទម្លាក់អ៊ុយរ៉ាហ្គាយ ២-០ ទៀតក្នុងវគ្គ៨ក្រុមចុងក្រោយ ដើម្បីឡើងមកប៉ះក្រុមនៅអឺរ៉ុបដូចគ្នា ប៊ែលហ្ស៊ិក ក្នុងវគ្គពាក់កណ្តាលផ្តាច់ព្រ័ត្រដែលនឹងចាប់ផ្តើមនារាត្រីនេះ មុនពេលអង់គ្លេស ប៉ះក្រូអាត នៅម៉ោង ១យប់ថ្ងៃស្អែក។

បារាំង ធ្លាប់មានប្រវត្តិជួបប៊ែលហ្ស៊ិក ៧៣ដងនាពេលកន្លងមកទាំងក្នុងមិត្តភាពអន្តរជាតិ ពានរង្វាន់ប្រចាំទ្វីបអឺរ៉ុប និង World Cup ផ្សេងៗដោយក្នុងនោះធ្លាប់ឈ្នះ២៤ដង ស្មើ១៩ដង និងចាញ់ប៊ែលហ្ស៊ិក រហូតដល់ទៅ៣០ដងឯណោះ។

ក្រុមបាល់ទាត់ជម្រើសជាតិមាន់គកបារាំង នឹងត្រូវប៉ះក្រុមដែលកំពុងឡើងជើងខ្លាំង ប៊ែលហ្ស៊ិកក្នុងវគ្គពាក់កណ្តាលផ្តាច់ព្រ័ត្រនាម៉ោង ១យប់រំលងអាធ្រាត្រនេះនៃព្រឹត្តិការណ៍ FIFA World Cup 2018 ដែលមានរុស្ស៊ីធ្វើម្ចាស់ផ្ទះ។

ជាការកត់សម្គាល់ផងដែរ ប៊ែលហ្ស៊ិកបានទម្លាក់ក្រុមខ្លាំងប្រេស៊ីលចេញពី World Cup 2018 ត្រឹមវគ្គ៨ក្រុមចុងក្រោយ ដោយលទ្ធផល ២-១ ដោយបានបើកការនាំមុខ ២-០ មុនផងដែរ ក្រោយពេលកីឡាករប្រេស៊ីលតែតបញ្ចូលទីបាន ១គ្រាប់វិញនៅនាទីចុងម៉ោងនោះ ហើយប៊ែលហ្ស៊ិកក៏ជាក្រុមដែលបានទម្លាក់ក្រុមលេខ១នៅអាស៊ី សាម៉ូរៃជប៉ុន ដោយលទ្ធផល ៣-២ ផងដែរ៕

ស្ងាត់ៗ Barcelona ទិញបានខ្សែបម្រើប្រេស៊ីលវ័យក្មេងមួយរូបក្នុងតម្លៃ ៣១ លានអឺរ៉ូ

ក្រុមអ្នកមានបុណ្យ Barcelona បានចុះហត្ថលេខាលើខ្សែបម្រើ Arthur ពីក្រុមនៃលីកកំពូលរបស់ប្រេស៊ីល Gremio ជាមួយនឹងកុងត្រាដែលមានតម្លៃ ៣១ លានអឺរ៉ូ និងបូកប្រាក់បន្ថែមផ្សេងៗ ៩ លានអឺរ៉ូទៀត។ កីឡាករវ័យ ២១ ឆ្នាំ Arthur បានចុះកុងត្រារយៈពេល ៦ ឆ្នាំជាមួយក្រុមនៃលីកកំពូលរបស់អេស្ប៉ាញមួយនេះ បន្ទាប់ពីក្លិបទាំងសងខាងបានឈានដល់កិច្ចព្រមព្រៀងគ្នាតាំងពីខែមីនាមកម្ល៉េះទាក់ទងជាមួយការផ្ទេរកីឡាកររូបនេះ។

ការប្រកាសឲ្យដឹងអំពីដំណឹងនៃការចុះហត្ថលេខាលើ Arthur គឺកើតឡើងក្រោយតែមួយថ្ងៃប៉ុណ្ណោះដែល Barcelona បានបញ្ចូលខ្សែបម្រើ Paulinho ទៅឲ្យក្លិបចិន Guangzhou Evergrande ខ្ចីជើង បន្ទាប់ពីកីឡាករនៃក្រុមជម្រើសជាតិប្រេស៊ីលរូបនេះផ្លាស់មកលេងនៅកីឡដ្ឋាន Camp Nou បានមួយរដូវកាល។ Arthur បានចូលរួមជាមួយក្រុម Gremio កាលពីឆ្នាំ ២០១០ និងបង្ហាញខ្លួនលើកដំបូងរបស់គាត់ឲ្យក្លិបនោះនៅក្នុងឆ្នាំ ២០១៥ ដែលកាលនោះគឺគាត់មានអាយុ ១៨ ឆ្នាំ។ ហើយពីមុនមកគាត់ធ្លាប់ត្រូវបានកោះហៅចូលក្នុងក្រុមជម្រើសជាតិប្រេស៊ីលដែរ ប៉ុន្តែមិនធ្លាប់បានចូលលេងទេ។

ប្រែសម្រួល ៖ ភក្ដី

Paris មានមហិច្ឆតាចង់ទិញ Coutinho ដោយហ៊ានឲ្យតម្លៃខ្លួនថ្លៃជាងកាលដែលពួកគេទិញ Neymar

ក្លិបអ្នកមានរបស់បារាំង Paris Saint Germain បានធ្វើការដាក់ដេញថ្លៃចំនួន ២៧០ លានអឺរ៉ូដើម្បីតាមចុះហត្ថលេខាទិញខ្សែបម្រើ Philippe Coutinho ពីក្រុមអ្នកមានបុណ្យ Barcelona ។ នេះបើយោងតាមប្រភពដែលបានចុះផ្សាយពីកាសែតអេស្ប៉ាញ Mundo Deportivo ។ តម្លៃខ្លួនផ្ទេរជាប់កុងត្រារបស់ Coutinho នាពេលនេះគឺ ៤០០ លានអឺរ៉ូឯណោះ ប៉ុន្តែទោះជាយ៉ាងណា PSG បានបញ្ចូនសំណើមួយរួចជាស្រេចទៅកាន់ភ្នាក់ងាររបស់កីឡាករនៃក្រុមជម្រើសជាតិប្រេស៊ីលរូបនេះដោយរំពឹងថាសំណើនោះនឹងត្រូវបានបញ្ចូនបន្តទៅកាន់ Barcelona ។

Coutinho គឺជាមិត្តភក្ដិជិតស្និតបំផុតមួយរូបរបស់ Neymar ខ្សែប្រយុទ្ធឆ្នើមដែលត្រូវបានក្រុម PSG ចុះហត្ថលេខាទិញពី Barcelona ក្នុងតម្លៃខ្លួនបំបែកកំណត់ត្រាពិភពលោក ២០០ លានអឺរ៉ូកាលពីរដូវក្ដៅឆ្នាំទៅ។ ហើយ PSG ទំនងជាចង់យក Coutinho មកលេងជាមួយ Neymar ក្នុងគោលបំណងតែមួយគត់គឺចងចិត្ត Neymar កុំឲ្យចង់ចាកចេញពីក្រុមរបស់ពួកគេ ចំពេលដែលពាក្យចរចាមអារ៉ាមបានផ្សាភ្ជាប់តារាសំខាន់នៃក្រុមជម្រើសប្រេស៊ីលរូបនេះជាមួយក្រុមយក្សអេស្ប៉ាញ Real Madrid ។

ប្រែសម្រួល ៖ ភក្ដី

ខ្សែបម្រើអង់គ្លេស Jack Wilshere បានទៅចុះចូលជាមួយក្រុមញញួរយក្ស West Ham បន្ទាប់ពីផុតកុងត្រានៅ Arsenal

ក្រុមញញួរយក្ស West Ham United បានប្រកាសឲ្យដឹងថាពួកគេបានចុះហត្ថលេខាលើខ្សែបម្រើចំណូលថ្មីមួយរូបគឺកីឡាករ Jack Wilshere ខណៈដែលការផ្ទេរនេះពុំមានចំណាយប្រាក់សូម្បីតែមួយកាក់មួយសេន។ Wilshere បានចុះកុងត្រារយៈពេល ៣ ឆ្នាំក្នុងការចុះចូលជាមួយ West Ham ដែលជាក្លិបគាត់បានគាំទ្រតាំងពីនៅជាកុមារភាព ក្រោយពីកុងត្រារបស់គាត់ជាមួយក្រុមកាំភ្លើងធំ Arsenal បានឈានដល់ថ្ងៃផុតកំណត់។

“វាពិតជាពិសេសអស្ចារ្យណាស់។” កីឡាករសញ្ជាតិអង់គ្លេសវ័យ ២៦ ឆ្នាំរូបនេះបានថ្លែងប្រាប់គេហទំព័រផ្លូវការរបស់ West Ham ។ “មនុស្សជាច្រើននឹងបានឃើញខ្ញុំពាក់អាវ West Ham ហើយកាលពីកុមារភាព ខ្ញុំមានអនុស្សាវរីយ៍ល្អៗជាច្រើនជាមួយក្លិបមួយនេះ។ គ្រួសាររបស់ខ្ញុំ និងមិត្តភក្ដិមួយចំនួនរបស់ខ្ញុំក៏ជាអ្នកគាំទ្រ West Ham ផងដែរ ដូច្នេះពួកគេរាល់គ្នានឹងមានការភ្ញាក់ផ្អើលមិនខានដែលដឹងថាខ្ញុំផ្ទេរមកលេងឲ្យ West Ham ។”

Our new midfielder has arrived… #WelcomeJack pic.twitter.com/kPd7hm4YxZ

— West Ham United (@WestHamUtd) July 9, 2018

https://platform.twitter.com/widgets.js

ប្រែសម្រួល ៖ ភក្ដី

អតីតអ្នកចាត់ការរបស់ក្រុមអ្នកមានបុណ្យ Barcelona បានក្លាយជាគ្រូបង្វឹកថ្មីនៃក្រុមជម្រើសជាតិអេស្ប៉ាញ

អតីតគ្រូបង្វឹករបស់ក្រុម Barcelona និង AS Roma លោក Luis Enrique ត្រូវបានតែងតាំងជាគ្រូបង្វឹកថ្មីនៃក្រុមជម្រើសជាតិអេស្ប៉ាញ។ បុរសវ័យ ៤៨ ឆ្នាំដែលធ្លាប់ជាកីឡាករខ្សែបម្រើរបស់ក្រុមជម្រើសជាតិអេស្ប៉ាញរូបនេះបានមកកាន់តំណែងអ្នកចាត់ការនេះជំនួសគ្រូបង្វឹក លោក Fernando Hierro ដែលបានចុះចេញពីតំណែងក្នុងនាមអ្នកចាត់ការបណ្ដោះអាសន្នកាលពីថ្ងៃអាទិត្យ។

គួររំលឹកផងដែរថាលោក Hierro ដែលនឹងមិនវិលត្រលប់ទៅកាន់តំណែងចាស់ជានាយកផ្នែកកីឡាវិញរូបនេះត្រូវបានតែងតាំងបណ្ដោះអាសន្នជាគ្រូបង្វឹករបស់ក្រុមជម្រើសជាតិអេស្ប៉ាញ បន្ទាប់ពីលោក Julen Lopetegui ត្រូវបានបណ្ដេញចេញពីតំណែងមុនមួយថ្ងៃនៃការចាប់ផ្ដើមព្រឹត្តិការណ៍ប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ ក្រោយគេដឹងថាគាត់លួចទៅចុះកុងត្រាជាមួយក្រុមយក្សអេស្ប៉ាញ Real Madrid ។

ងាកទៅលោក Enrique វិញបានទំនេរពីការងារជាអ្នកចាត់ការចាប់តាំងពីគាត់បានលាលែងពីតំណែងជាអ្នកចាត់ការរបស់ក្រុម Barcelona កាលពីមិថុនាឆ្នាំទៅ ប៉ុន្តែពេលនេះគាត់បានវិលត្រលប់ចូលកន្លែងការងាររបស់គាត់វិញ បើទោះបីជាអេស្ប៉ាញបានធ្លាក់ចេញពី World Cup ត្រឹមវគ្គ ១៦ ក្រុមក្រោមថ្វីជើងម្ចាស់ផ្ទះរុស្ស៊ី។

ប្រែសម្រួល ៖ ភក្ដី

ក្លិបយក្សមួយនៅអ៊ីតាលីប៉ងនាំខ្សែប្រយុទ្ធអាហ្សង់ទីន Angel Di Maria ទៅលេងនៅក្លិបរបស់ខ្លួន

ប្រព័ន្ធផ្សព្វផ្សាយរបស់អ៊ីតាលី Mediaset Premium បានប្រកាសឲ្យដឹងថាខ្សែប្រយុទ្ធអាហ្សង់ទីន កីឡាករ Angel Di Maria អាចនឹងស្ពាយបង្វេចចាកចេញពីក្រុមយក្សរបស់បារាំង Paris Saint Germain នារដូវក្ដៅខាងមុខ បន្ទាប់ពីការមកដល់របស់គ្រូបង្វឹកថ្មីលោក Thomas Tuchel ។ Di Maria បានឃ្លាតឆ្ងាយពីកៅអីជម្រើស ១១ នាក់ដំបូងកាលពីរដូវកាលមុន ក្រោយពី PSG បាននាំយកខ្សែប្រយុទ្ធ Neymar និង Kylian Mbappe ចូលមកកាន់ក្លិបរបស់ពួកគេ។

ហើយថ្មីៗនេះក្រុមនៃលីកកំពូលរបស់អ៊ីតាលី Napoli ត្រូវបានគេរាយការណ៍មកថាពួកគេមានបំណងផ្ដល់សំណើកុងត្រាមួយទៅឲ្យ Di Maria ហើយគេរំពឹងទុកថាការផ្ទេររបស់គាត់ទៅកាន់ទីនោះនឹងកាន់តែមានភាគរយខ្ពស់ បន្ទាប់ពី Napoli បានតែងតាំងលោក Carlo Ancelotti ជាគ្រូបង្វឹកថ្មីរបស់ពួកគេ។ កីឡាករនៃក្រុមជម្រើសជាតិអាហ្សង់ទីនរូបនេះ និង Ancelotti ទាំង ២ នាក់គាត់នេះគឺជាអតីតគ្រូ និងសិស្សកាលនៅជាមួយក្រុមយក្សអេស្ប៉ាញ Real Madrid ហើយគ្រូបង្វឹកជនជាតិអ៊ីតាលីរូបនេះបានចាត់ទុក Di Maria ជាកីឡាករចំបងនៅក្នុងបញ្ជីទិញកីឡារចំណូលថ្មីរបស់គាត់។

តែទោះជាយ៉ាងណា Napoli ពុំទាន់បើកកិច្ចចរចារណាមួយនៅឡើយជាមួយ PSG ទាក់ទងនឹងការចង់ទិញ Di Maria អតីតកីឡាកររបស់ក្រុមបិសាចក្រហម Manchester United ដែលត្រៀមនឹងផុតកុងត្រានៅកីឡដ្ឋាន Parc des Princes នាឆ្នាំ ២០១៩ ។

ប្រែសម្រួល ៖ ភក្ដី

ផ្លូវការ!!! ខ្សែបម្រើប្រេស៊ីល Paulinho បានត្រលប់ទៅលេងឲ្យក្លិបចិនវិញ បន្ទាប់ពីលេងនៅ Barca បានមួយឆ្នាំ

តារាឆ្នើមរបស់ក្លិប Real Madrid យល់ព្រមលើកិច្ចសន្យា Juventus នៅតម្លៃជាង…(ចុចអានបន្ត)

(កីឡា) Real Madrid ត្រូវបានគេភ្ញាក់ផ្អើលខណៈ Cristiano ronadoessess ចូលរួមជាមួយ Jujentus គោលដៅបង្ហាញថាកីឡាករ Ronaldo មាន Agorous Afour-Year ដែលមានតម្លៃស្មើនឹង 30 លានផោនក្នុងមួយឆ្នាំ។ Real Madrid និង Juventus មិនយល់ស្របនឹងតម្លៃដែលត្រូវបានគេរំពឹងថានឹងមានលើសពី 100M ឡើយ ដោយ Ronaldo បានស្ថិតក្នុងស្ថានភាពជាក់ស្តែងរយៈពេល 9 ឆ្នាំនៅក្នុងអ្វីដែលជាយុគសម័យមាសសម្រាប់ក្លឹប។ គាត់បានប្រាប់ថាគាត់អាចនឹងក្លាយជាជ័យជម្នះចុងក្រោយ។

ទោះជាយ៉ាងណាក៏ដោយក្លឹបអេស្ប៉ាញមិនបានចាប់អារម្មណ៍យ៉ាងខ្លាំងហើយឥឡូវនេះត្រូវបានគេកំណត់ថានឹងបាត់បង់តារាធំបំផុតរបស់ពួកគេ។ តារាឆ្នើមរបស់ក្លិប Real Madrid រូបនេះនឹងចាកចេញពីក្លឹបនៅរដូវក្តៅនេះបន្ទាប់ពីមិនសប្បាយចិត្តជាមួយនឹងក្រុម។ Juventus គឺជាអ្នកនាំមុខសម្រាប់ការចុះហត្ថលេខារបស់គាត់ប៉ុន្តែតើនរណាផ្សេងទៀត?

ខ្សែប្រយុទ្ធក្លិប Real Madrid កីឡាករ Cristiano Ronaldo មើលទៅកាន់តែជិតកាន់តែខ្លាំងឡើងទៅនឹងការផ្លាស់ប្តូរដ៏គួរឱ្យភ្ញាក់ផ្អើលមួយទៅក្រុម Juventus នៅក្របខ័ណ្ឌ Serie A ដោយមានកិច្ចពិភាក្សារវាងកីឡាករនិងក្លិបអ៊ីតាលីដែលបានរីកចម្រើននៅក្នុងសប្តាហ៍កន្លងទៅ។

កីឡាករវ័យ 33 ឆ្នាំរូបនេះត្រូវបានគេរំពឹងថានឹងចូលនិវត្តន៍នៅឯកីឡដ្ឋាន Bernabeu ប៉ុន្តែរបាយការណ៍របស់គាត់ដែលមិនសប្បាយចិត្តនៅប្រទេសអេស្ប៉ាញបានលេចចេញជារូបរាងឡើងកាលពីឆ្នាំមុន។

រូបគេបានរងនូវការចាប់ផ្តើមយឺត ៗ ក្នុងរដូវកាល La Liga ជាមួយនឹងទម្រង់លេងស៊ុតបាល់បញ្ចូលទីរបស់គេហើយបើទោះបីរូបគេបានទទួលជ័យជម្នះច្រើននៅក្នុងក្របខ័ណ្ឌ Champions League ដោយបានឈ្នះពានរង្វាន់ជាលើកទី 3 ជាប់គ្នានៅក្នុងខែឧសភាក៏ដោយក៏វាមិនបានបំបាត់ការមិនពេញចិត្តរបស់គេដែរ។

Real Madrid បានខកចិត្តក្នុងលីកអេស្ប៉ាញនៅរដូវកាលនេះខណៈដែលពួកគេបានបញ្ចប់ក្នុងចំណាត់ថ្នាក់លេខ 3 ហើយបំណងប្រាថ្នារបស់លោក Florentino Perez ក្នុងការផ្លាស់ប្តូរក្លិបមិនត្រូវបានរក្សាទុកដោយសម្ងាត់នោះទេដោយលោក Zinedine Zidane ដែលជាគ្រូបង្វឹកបានប្រកាសពីការចាកចេញរបស់គាត់មុនពេលអ្វីដែលត្រូវបានគេបណ្តេញចេញដោយចៀសមិនរួច។

បច្ចុប្បន្ននេះ Ronaldo អាចដើរតាម Zidane ចេញពីក្របខ័ណ្ឌ Serie A ខណៈដែលរូបគេមើលទៅគ្របដណ្តប់ផ្នែកបាល់ទាត់អឺរ៉ុប។ ការនិយាយពីការចាកចេញរបស់ព័រទុយហ្គាល់នៅមុខខ្សែប្រយុទ្ធរូបនេះពីទីក្រុងម៉ាឌ្រីតបានកើនឡើងយ៉ាងខ្លាំងក្រោយពីការទទួលជ័យជម្នះរបស់គាត់នៅលើទឹកដីក្រុមហង្សក្រហម Liverpool ដែលជាកន្លែងដែលគាត់បាននិយាយថា “ខ្ញុំបានឈ្នះពានរង្វាន់ជើងឯកចំនួនប្រាំនិងបាល់ចំនួនប្រាំ។ ខ្ញុំបានបង្កើតប្រវត្តិសាស្ត្ររួចហើយប៉ុន្តែឥឡូវនេះកាន់តែច្រើន។ “ខ្ញុំមិនអាចធានាអ្វីទាំងអស់។ ខ្ញុំនឹងមិនលាក់បាំងទេក្នុងរយៈពេលពីរបីថ្ងៃទៀតខ្ញុំនឹងនិយាយ … ជីវិតមិនមែនគ្រាន់តែជាសិរីល្អប៉ុណ្ណោះទេ “៕