Maradona បានស្នើសុំធ្វើជាគ្រូបង្វឹកជម្រើសជាតិអាហ្សង់ទីនដោយមិនយកកម្រៃ

លោក Diego Maradona បានស្នើសុំដឹកនាំក្រុមជម្រើសជាតិអាហ្សង់ទីនដោយមិនយកប្រាក់ខែ បន្ទាប់ពីក្រុមជម្រើសជាតិដែលមកពីទ្វីបអាមេរិកឡាទីនមួយនេះបានធ្លាក់ចេញពីព្រឹត្តិការណ៍ប្រកួតពានរង្វាន់បាល់ទាត់ពិភពលោកឆ្នាំ ២០១៨ ក្រោមថ្វីជើងរបស់ក្រុមខ្លាំងនៅអឺរ៉ុបគឺក្រុមជម្រើសជាតិបារាំង។ អាហ្សង់ទីនបានកក់កៅអីទៅកាន់វគ្គ ១៦ ក្រុមបានទាំងលំបាកវេទនាតាមរយៈការឈ្នះក្រុមជម្រើសជាតិនីហ្សេរីយ៉ា ប៉ុន្តែរឿងគួរឲ្យសោកស្ដាយនោះគឺថាពួកគេត្រូវបានបារាំងទម្លាក់ឲ្យត្រលប់ទៅផ្ទះវិញ ក្រោមលទ្ធផលបរាជ័យ ៤ គ្រាប់ទល់នឹង ៣ ។

ចំណែកអតីតវីរបុរសរបស់អាហ្សង់ទីន លោក Maradona ដែលក្នុងនាមគាត់ជាឯកអគ្គរដ្ឋទូតរបស់ FIFA គឺគាត់បានចូលរួមទស្សនាដោយផ្ទាល់គ្រប់ការប្រកួតទាំងអស់ដែលជម្រើសជាតិរបស់ខ្លួនលេង។ ហើយបន្ទាប់ពីអាហ្សង់ទីនបានធ្លាក់ចេញត្រឹមវគ្គ ១៦ ក្រុម គាត់ក៏បានស្នើសុំធ្វើជាគ្រូបង្វឹកដឹកនាំជម្រើសជាតិអាហ្សង់ទីនដោយមិនយកប្រាក់កម្រៃអ្វីទាំងអស់ ខណៈដែលកាលពី ៨ ឆ្នាំមុនគាត់ធ្លាប់ដឹកនាំអាហ្សង់ទីនឡើងដល់វគ្គ ៨ ក្រុមនៃការប្រកួតពាន World Cup មុនពេលធ្លាក់មកវិញដោយសារចាញ់អាល្លឺម៉ង់ ៤-០ ។

ហើយដោយមានមន្ទិលសង្ស័យជុំវិញអនាគតរបស់គ្រូបង្វឹកបច្ចុប្បន្នរបស់ក្រុមជម្រើសជាតិអាហ្សង់ទីនគឺលោក Jorge Sampaoli ដែលកុងត្រារបស់គាត់មានសុពលភាពរហូតដល់ឆ្នាំ ២០២២ នោះ Maradona ក៏ត្រូវបានគេសួរថាតើគាត់ចាប់អារម្មណ៍នឹងតំណែងជាគ្រូជម្រើសជាតិអាហ្សង់ទីនដែរឬយ៉ាងណា? ភ្លាមនោះគាត់តបទៅវិញយ៉ាងដូចច្នេះថា ៖ “បាទ! ពិតជាចាប់អារម្មណ៍ ហើយខ្ញុំនឹងធ្វើដោយមិនយកកម្រៃអ្វីទាំងអស់។ ខ្ញុំនឹងមិនទាមទារការតបស្នងឡើយ។”

ប្រែសម្រួល ៖ ភក្ដី

Real Madrid បានចេញសេចក្ដីថ្លែងការណ៍មួយឆ្លើយតបទៅកាន់ពាក្យចរចាមអារ៉ាមរវាងពួកគេ និង Neymar

ក្រុមយក្សអេស្ប៉ាញ Real Madrid បានច្រានចោលនូវការចុះផ្សាយរបស់ទូរទស្សន៍អេស្ប៉ាញដែលបានរាយការណ៍ថាពួកគេកំពុងព្យាយាមក្នុងការចុះហត្ថលេខាទិញខ្សែប្រយុទ្ធរបស់ក្រុម Paris St-Germain និងក្រុមជម្រើសជាតិប្រេស៊ីលគឺកីឡាករ Neymar ។ បច្ចុប្បន្នស្ថិតក្នុងវ័យ ២៦ ឆ្នាំ, Neymar ដែលត្រូវបានក្រុមនៃលីកកំពូលរបស់បារាំងចុះហត្ថលេខាទិញពីក្រុមអ្នកមានបុណ្យ Barcelona កាលពីរដូវក្ដៅឆ្នាំទៅជាមួយនឹងតម្លៃខ្លួនបំបែកកំណត់ត្រាពិភពលោក ២០០ លានផោនរូបនេះបានរកគ្រាប់បាល់បញ្ចូលទីបានចំនួន ២ គ្រាប់នៅឯព្រឹត្តិការណ៍នៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ និងបានជួយឲ្យប្រេស៊ីលកក់កៅអីឡើងទៅកាន់វគ្គ ៨ ក្រុមចុងក្រោយដែលពួកគេត្រូវប៉ះគ្នាជាមួយក្រុមជម្រើសជាតិប៊ែលហ្ស៊ីក។

ដោយឡែកទាក់ទិននឹងពាក្យចរចាមអារ៉ាមផ្សាភ្ជាប់ការផ្ទេរ Neymar ទៅកាន់ទឹកដី Bernabeu ក្រុម Real Madrid បានចេញសេចក្ដីថ្លែងការណ៍មួយថា ៖ “ពត៌មានដែលចេញផ្សាយដោយបុស្ដិ៍ទូរទស្សន៍ TVE គឺខុសពីការពិតទាំងស្រុង។ ក្រុម Real Madrid មិនបានធ្វើការដាក់សំណើណាមួយទាល់តែសោះទៅកាន់ក្រុម PSG ឬកីឡាករដូចដែលពួកគេបានចុះផ្សាយ។” គួរបញ្ជាក់ផងដែរថាបុស្ដិ៍ទូរទស្សន៍ TVE ដែលជាបុស្ដិ៍ទូរទស្សន៍មួយស្ថិតក្រោមការគ្រប់គ្រងរបស់រដ្ឋាភិបាលអេស្ប៉ាញមួយនេះបានចុះផ្សាយថា Real Madrid បានដាក់សំណើរហូតដល់ទៅ ៣១០ លានអឺរ៉ូដើម្បីសុំដេញថ្លៃទិញយក Neymar ដែលតម្លៃនេះនឹងយកឈ្នះលើកំណត់ត្រាដែលត្រូវបានបំបែករួចកាលពីគាត់ចុះចូលជាមួយ PSG កាលពីមួយឆ្នាំមុន។ ចាប់តាំងពីការផ្ទេរចូលទីក្រុងប៉ារីស Neymar រកគ្រាប់បាល់បញ្ចូលទីបាន ២៨ គ្រាប់ពីការបង្ហាញខ្លួន ៣០ ប្រកួតឲ្យ PSG ។

ប្រែសម្រួល ៖ ភក្ដី

Real Madrid បានចេញសេចក្ដីថ្លែងការណ៍មួយឆ្លើយតបទៅកាន់ពាក្យចរចាមអារ៉ាមរវាងពួកគេ និង Neymar

ប្រែសម្រួល ៖ ភក្ដី

ទីបញ្ចប់! ក្រូអាត បានទម្លាក់ ដាណឺម៉ាក ដោយបាល់ប៉េណាល់ទីចុងក្រោយ

(ម៉ូស្គូ) ក្រុមជម្រើសជាតិរបស់ក្រូអាត បានកក់កៅអីវគ្គ៨ក្រុមហើយ ក្រោយទម្លាក់ ដាណឺម៉ាក ដោយបាល់ប៉េណាល់ទី (Penalty) កាត់សេចក្តីនៅ World Cup 2018 ជាមួយលទ្ធផល ៣-២។

ក្រូអាត ដែលបានឆ្លងផុតវគ្គ១៦ក្រុមនេះ គឺបានធ្វើការប្រកួតពេញម៉ោង៩០នាទី និងថែម១៥នាទី២ដងស្មើគ្នា ១-១ កើតឡើងតាំងពីវគ្គទី១មកម៉្លេះ៕

ប្រទេសរុស្ស៊ីបានផ្តួលអេស្ប៉ាញ ដោយការស៊ុតបាល់ប៉េណាល់ទី.(មានវិដេអូ)

(ម៉ូស្គូ) ប្រទេសរុស្ស៊ីបានផ្តួលអេស្ប៉ាញដែលបានធ្លាក់ចេញពីការប្រកួត World Cup បន្ទាប់ពីការឈានដល់កំពូលនៃការស៊ុតបាល់ប៉េណាល់ទី។ ការខកខានការពិន័យពី Koke និង Iago Aspas បានធ្វើឱ្យរុស្ស៊ីមានការរីកចម្រើន រហូតដល់ប្រាំបីលើកជាលើកដំបូងនៅក្នុងសម័យក្រោយសូវៀតដែលបានធ្វើឱ្យមានពិធីអបអរសាទរនៅទីក្រុងម៉ូស្គូ។

លោកអាឡិចថូម៉ាសរបស់ទូរទស្សន៍ CNN បាននិយាយថាអ្នកគាំទ្ររុស្ស៊ីដ៏គួរឱ្យរីករាយនៅតែត្រូវបានគេរៀបចំនៅខាងក្រៅកីឡដ្ឋាន Luzhniki មួយម៉ោងកន្លះបន្ទាប់ពីការប្រកួតបានបញ្ចប់។ អ្នកគាំទ្ររុស្ស៊ីម្នាក់ដែលចាកចេញពីពហុកីឡដ្ឋានបាននិយាយថា: «ខ្ញុំមិនអាចពន្យល់អារម្មណ៍របស់ខ្ញុំបានទេវាអស្ចារ្យណាស់។

អ្នកកាសែតជនជាតិរុស្ស៊ីលោក Robert Ustian បានប្រាប់ទូរទស្សន៍ CNN ថាលោកបានឃើញមនុស្សយំនិងឱបគ្នាទៅវិញទៅមកក្រោយពីការស៊ុតបាល់ប៉េណាល់ទី។ «ខ្ញុំគិតថាប្រទេសរុស្ស៊ីនឹងស្ថិតក្នុងចំណាត់ថ្នាក់ទី 3 ក្នុងក្រុមដ៏ល្អបំផុតនៅពេលដែលពួកគេចេញពីក្រុមនេះខ្ញុំគិតថាបេសកកម្មនេះត្រូវបានបញ្ចប់»៕

(មានវិដេអូ)

ក្រុមខ្លាំងអ៊ុយរ៉ូហ្គាយបានទម្លាក់ក្រុមម្ចាស់ជើងឯកទ្វីបអឺរ៉ុបចេញពីវគ្គ ១៦ ក្រុមពាន World Cup

ខ្សែប្រយុទ្ធរបស់ក្រុម Paris Saint Germain កីឡាករ Edinson Cavani បានបំប៉ើងសំណាញ់ទីយ៉ាងអស្ចារ្យ ២ គ្រាប់ជួយឲ្យក្រុមជម្រើសជាតិអ៊ុយរ៉ូហ្គាយទម្លាក់ក្រុមម្ចាស់ជើងឯកទ្វីបអឺរ៉ុប គឺក្រុមជម្រើសជាតិព័រទុយហ្គាល់ចេញពីការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះនាវគ្គ ១៦ ក្រុមចុងក្រោយ ខណៈដែលជ័យជម្នះដែលស្ថិតក្រោមលទ្ធផល ២-១ នេះបានធ្វើឲ្យអ៊ុយរ៉ូហ្គាយត្រូវឡើងទៅជួបជាមួយក្រុមជម្រើសជាតិបារាំងនាវគ្គ ៨ ក្រុមចុងក្រោយ។ បរាជ័យរបស់ព័រទុយហ្គាល់នេះគឺបានបញ្ចប់ក្ដីសង្ឃឹមក្នុងការទទួលបានជោគជ័យនៅរុស្ស៊ីរបស់ខ្សែប្រយុទ្ធ Cristiano Ronaldo ដែលកើតឡើងក្រោយគ្នាតែមួយម៉ោងប៉ុណ្ណោះបន្ទាប់ពីខ្សែប្រយុទ្ធ Lionel Messi និងក្រុមជម្រើសជាតិអាហ្សង់ទីនធ្លាក់ចេញពីវគ្គ ១៦ ក្រុមចុងក្រោយនេះដូចគ្នាក្រោមថ្វីជើងរបស់បារាំង។

ប្រែសម្រួល ៖ ភក្ដី

ដំណឹងដាច់ចង្កេះ!!! ម្ចាស់បទ “សម្បថនិស្ស័យ” បានផ្លាស់អាជីពទៅលេងបាល់ជាមួយបឹងកេត

នៅថ្ងៃនេះផ្ទាល់តែម្ដង ក្រុមបឹងកេតបានប្រកាសឲ្យដឹងនូវការចុះហត្ថលេខាទិញបានកីឡាករចំណូលថ្មីមួយរូបដែលមិនធ្លាប់លេងនៅក្លិបអាជីពណាពីមុនសោះគឺកីឡាករ ចេន ដែលភាគច្រើនត្រូវបានគេស្គាល់ថាជាតារាចម្រៀងមួយរូបនៃក្រុម Mustache Band ជាពិសេសនោះគឺគេស្គាល់គាត់ខ្លាំងតាមរយៈបទ “សម្បថនិស្ស័យ” ។

សរសេរនៅលើហ្វេសប៊ុកផេករបស់ខ្លួន បឹងកេតបានឲ្យដឹងយ៉ាងដូចច្នេះថា ៖ “សូមស្វាគមន៍មកកាន់ក្លិបបឹងកេត។ ថ្ងៃនេះក្លិបមានកិត្តិយសសូមជម្រាបជូនពីការចុះហត្ថលេខាជាមួយកីឡាករចំណូលថ្មី ចេន មកចូលរួមជាមួយយើង។ ចេន ត្រូវបានមហាជនស្គាល់ថាជាតារាចម្រៀងវ័យក្មេងដែលសម្លេងពិរោះ គ្រប់បទចម្រៀងរបស់ ចេន សុទ្ធតែចាក់ចំបេះដូងយុវវ័យនាពេលបច្ចុប្បន្ន និងទទួលបានការគាំទ្រជានិច្ច។ ក្រៅពីអាជីពជាតារាចម្រៀងនៅក្រុម Mustache Band ចេន មានទេពកោសល្យនិងចំណូលចិត្តខ្លាំងលើវិស័យកីឡាជាពិសេសគឺកីឡាបាល់ទាត់តែម្ដង។ ដូច្នេះ ចេន សង្ឃឹមថាអ្នកគាំទ្រទាំងអស់នឹងផ្ដល់កំលាំងចិត្តដល់រូបគេដើម្បីជម្រុញឲ្យខ្លួនគេកាន់តែមានកំលាំងចិត្តក្នុងការវិវឌ្ឍខ្លួនក្លាយជាកីឡាករអាជីពយ៉ាងពិតប្រាកដនាពេលដ៏ខ្លីខាងមុខ។”

អត្ថបទ ៖ ភក្ដី
ប្រភព ៖ ហ្វេសប៊ុកផេកបឹងកេត

នោះ!!! សូម្បីតែ Carvajal ក៏ស្វាគមន៍ Neymar មកកាន់ក្រុម Real Madrid ដែរ

ខ្សែការពាររបស់ក្រុមយក្សអេស្ប៉ាញ Real Madrid កីឡាករ Dani Carvajal ប្រកាសថាខ្លួនត្រៀមរួចជាស្រេចក្នុងការរក្សាទុកកន្លែងមួយនៅបន្ទប់ផ្លាស់សម្លៀកបំពាក់សម្រាប់ Neymar ប្រសិនបើប្រធានក្លិប Real ចុះហត្ថលេខាទិញខ្សែប្រយុទ្ធប្រេស៊ីលរូបនេះពីក្រុម Paris Saint Germain ។ កីឡាករវ័យ ២៦ ឆ្នាំ Neymar ត្រូវបានផ្សាភ្ជាប់ជាខ្លាំងជាមួយការផ្ទេរមកកាន់ទីក្រុងម៉ាទ្រីត បន្ទាប់គាត់ចំណាយពេលបានមួយរដូវកាលជាមួយក្រុមម្ចាស់ជើងឯកលីកកំពូលបារាំង PSG ជាក្រុមដែលគាត់បានចុះចូលដោយការផ្លាស់ចេញពីក្រុមអ្នកមានបុណ្យ Barcelona ។

ទន្ទឹមនឹងពាក្យចរចាមអារ៉ាមនៅតែបន្តលេចឮ Carvajal បាននិយាយថាខ្លួននឹងរីករាយស្វាគមន៍ Neymar មកកាន់កីឡដ្ឋាន Bernabeu បើសិនប្រធានក្លិប លោក Florentino Perez ពិតជាចង់ចុះហត្ថលេខាលើតារាបាល់ទាត់ឆ្នើមរូបនេះ។ “ខ្ញុំមិនដឹងទេប្រសិនបើ Neymar កើតមកដើម្បីលេងនៅ Real Madrid ។” គាត់បានថ្លែងប្រាប់វិទ្យុ Cadena SER ។ “Real តែងតែចង់បានកីឡាករដែលល្អបំផុតនៅលើពិភពលោក ហើយប្រសិនបើប្រធានក្លិបកំណត់ថាត្រូវតែទិញយកគាត់ នោះយើងនឹងទុកកន្លែងមួយនៅបន្ទប់ផ្លាស់សម្លៀកបំពាក់សម្រាប់គាត់។”

ប្រែសម្រួល ៖ ភក្ដី

គាត់ទៅហើយ!!! Rooney បានចាកចេញពីទឹកដីកំណើតដើម្បីទៅលេងឲ្យក្លិបសហរដ្ឋអាមេរិក

ខ្សែប្រយុទ្ធរបស់ក្រុម Everton កីឡាករ Wayne Rooney បានទៅចុះចូលជាមួយក្លិប DC United ដែលជាក្លិបនៃលីកកំពូលរបស់សហរដ្ឋអាមេរិក “Major League Soccer” ជាមួយនឹងកុងត្រារយៈពេល ៣ កន្លះ។ គាត់នឹងបញ្ចប់ការផ្ទេររបស់ខ្លួនជាផ្លូវការ នៅពេលដែលរដូវកាលដោះដូរកីឡាករពាក់កណ្ដាលរដូវកាលនៅ Major League Soccer បើកទ្វារនៅថ្ងៃទី ១០ កក្កដា។ ហើយការផ្ទេរនេះគឺមិនមានតម្លៃខ្លួនទេ ប៉ុន្តែគេជឿថា DC United បានយល់ព្រមផ្ដល់ឲ្យនូវកញ្ចប់សំណងខ្លះសម្រាប់ Everton ។

កុងត្រារបស់កីឡាករសញ្ជាតិអង់គ្លេស វ័យ ៣២ ឆ្នាំរូបនេះគឺមានតម្លៃរហូតដល់ទៅ ១០ លានផោន ដែលមានន័យថាគាត់នឹងក្លាយជាកីឡាករដែលមានចំណូលខ្ពស់ដាច់គេក្នុងប្រវត្តិសាស្ដ្ររបស់ក្រុម DC United ។ ហើយអតីតប្រធានក្រុមជម្រើសជាតិអង់គ្លេស និងក៏ជាអតិតខ្សែប្រយុទ្ធរបស់ក្រុមបិសាចក្រហម Manchester United រូបនេះនឹងធ្វើការបង្ហាញខ្លួនប្រកួតដំបូងឲ្យ DC United នៅពេលក្លិបបើកទ្វារកីឡដ្ឋាន Audi Field ថ្មីរបស់ពួកគេដែលផ្ទុកអ្នកទស្សនាបាន ២ ម៉ឺននាក់នៅថ្ងៃទី ១៤ កក្កដា។ “ការផ្លាស់ទៅលេងនៅលីករបស់សហរដ្ឋអាមេរិកគឺជាការបំពេញបាននូវមហិច្ឆតាមួយផ្សេងទៀតសម្រាប់ខ្ញុំ។” Rooney បាននិយាយ។ “ខ្ញុំមានការស្រេកឃ្លាននឹងភាពជោគជ័យនៅទីនេះ ហើយខ្ញុំនឹងផ្ដល់ឲ្យ DC United ឲ្យអស់ ១០០% ដូចកាលដែលខ្ញុំលេងឲ្យក្លិបមុនៗដែរ។ ពេលនេះខ្ញុំអន្ទះសារជាខ្លាំងក្នុងការដើរចូលទីលានប្រកួតជាមួយអាវ DC United និងចូលរួមជាមួយមិត្តរួមក្រុមថ្មីដើម្បីនាំយកភាពជោគជ័យជូនក្លិបមួយនេះ។”

ប្រែសម្រួល ៖ ភក្ដី

ប៊ែលហ្ស៊ីកទម្លាក់អង់គ្លេសឲ្យទៅប៉ះជាមួយកូឡុំប៊ីនៅវគ្គ ១៦ ក្រុម ខណៈដែលខ្លួនទៅជួបជប៉ុន

ក្រុមតោកំណាចអង់គ្លេសនឹងត្រូវប៉ះគ្នាជាមួយក្រុមជម្រើសជាតិកូឡុំប៊ីនៅក្នុងវគ្គ ១៦ ក្រុមនៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ បន្ទាប់ពីពួកគេត្រូវបានចាញ់ក្រោមថ្វីជើងក្រុមខ្លាំងប៊ែលហ្ស៊ីកជាមួយនឹងលទ្ធផល ១-០ នាប្រកួតចុងក្រោយនៃវគ្គចែកពូល។ ហើយខ្សែបម្រើ Adnan Januzaj គឺជាអ្នករកគ្រាប់បញ្ចូលទីបានសម្រេចឲ្យប៊ែលហ្ស៊ីកឈ្នះនៅក្នុងការប្រកួតនោះនៅនាទីទី ៥១ ។ ចំណែកប៊ែលហ្ស៊ីកនឹងត្រូវឡើងទៅប៉ះគ្នាជាមួយក្រុមសាម៉ូរ៉ៃជប៉ុន។

ប្រែសម្រួល ៖ ភក្ដី