ធន មករា ទទួកការបរាជ័យ រីឯ ឈុត សេរីវ៉ាន់ថង ដណ្តើមបានជ័យជំនះ ក្នុងព្រឹត្តិការណ៍ខ្សែក្រវ៉ាតខារ៉ាបាវ

ភ្នំពេញ៖ ព្រឹត្តិការណ៍ខ្សែក្រវាត់ខារ៉ាបាវទម្ងន់៥៧គីឡូក្រាមលើសង្វៀនអាស៊ីអាគ្នេយ៍កាលពីរសៀលថ្ងៃទី៩ ខែមិថុនាអ្នកប្រដាល់ជើងខ្លាំងកម្ពុជា ធន មករា បានប្រកួតចាញ់អ្នកប្រដាល់ថៃ ធៀប កៅ (Theap Kao) ដោយពិន្ទុដាច់តែម្ដង ។ នៅក្នុងការប្រកួត៥ទឹកនោះ មករា បានវាយសម្រុក និងវ៉ៃចេញបានច្រើនតែការវ៉ៃចេញរបស់គេមិនសូវចំគោលដៅឡើយមិនតែប៉ុណ្ណោះអ្នកប្រដាល់កម្ពុជារូបនេះត្រូវអ្នកប្រដាល់ថៃកាច់ឲ្យដួលលើសង្វៀនជាញឹកញាប់ទៀតផង។

ចំពោះ ឈុត សេរីវ៉ាន់ថង មកពីក្លិបរាហ៊ូកីឡាខេត្តបាត់ដំបងប្រកួតឈ្នះអ្នកប្រដាល់ថៃ ភេច យ៉ាកស៊ូ (Pnach Yaksou) ដោយពិន្ទុដាច់តែម្ដង ។ ការប្រកួតស្ថិតក្នុងលក្ខណៈតឹងតែងតែការវ៉ៃចេញរបស់ សេរី វ៉ាន់ថង មានប្រៀបលើគូប្រកួតគ្រប់ទឹកតែម្ដង។ បន្ទាប់ពីចប់ការប្រកួតចៅក្រមទាំង៥សុទ្ធតែផ្ដល់ពិន្ទុឱ្យ សេរី វ៉ាន់ថង ឈ្នះគ្រប់ៗគ្នា ៕

Kane បានសម្រេចផ្ញើវាសនានៅ Tottenham ៦ ឆ្នាំទៀតជាមួយនឹងកុងត្រាដល់ ២០២៤

ខ្សែប្រយុទ្ធ Harry Kane និងក៏ជាប្រធានក្រុមជម្រើសជាតិអង់គ្លេសបានបញ្ចប់ការចុះហត្ថលេខាបន្តកុងត្រាថ្មីរបស់ខ្លួនចំនួន ៦ ឆ្នាំបន្ថែមទៀតជាមួយក្រុមមាន់ខ្នាយមាស Tottenham Hotspur ដែលមានន័យថា Kane ត្រូវជាប់កុងត្រាជាមួយក្រុមនៃលីកកំពូលរបស់អង់គ្លេសមួយនេះរហូតដល់ឆ្នាំ ២០២៤ ។ កីឡាករវ័យ ២៤ ឆ្នាំរូបនេះស៊ុតបញ្ចូលទីបាន ៣០ គ្រាប់ពីការប្រកួតនៅក្នុងលីកឲ្យ Tottenham ឈរនៅលើចំណាត់ថ្នាក់លេខ ៣ ក្នុងតារាង Premier League របស់អង់គ្លេសកាលពីរដូវកាលមុន និងបានធានាកៅអីទៅប្រកួតពានរង្វាន់នៃលីកកំពូលរបស់អឺរ៉ុប UEFA Champions League រដូវកាលក្រោយ។ ហើយថ្មីៗនេះដែរគាត់បានក្លាយជាកីឡាកររកគ្រាប់បញ្ចូលទីបានច្រើនជាងគេរបស់ Spurs ក្នុងប្រវត្តិសាស្ដ្រលីកកំពូលរបស់អង់គ្លេស។

កុងត្រាចាស់របស់ Kane ដែលបានបន្តម្ដងរួចមកហើយកាលពីចុងឆ្នាំ ២០១៦ និងដែលត្រូវបានគេរាយការណ៍ឲ្យដឹងថាកុងត្រារបស់គាត់នាពេលនោះគឺមានតម្លៃរហូតដល់ ១០ ម៉ឺនផោនក្នុងមួយអាទិត្យនោះគឺត្រៀមនឹងផុតនាឆ្នាំ ២០២២ ខណៈដែលនៅក្នុងកុងត្រាថ្មីនាពេលនេះគឺ Kane នឹងទទួលបានប្រាក់ឈ្នួលទ្វេរជាពីរធៀបនឹងកុងត្រាចាស់។ ហើយបើតាមខ្សែវីដេអូដែលត្រូវបានផុសទៅក្នុងទំព័របណ្ដាញសង្គម Twitter របស់ Spurs, Kane បាននិយាយថា ៖ “ខ្ញុំទើបតែបានចុះហត្ថលេខាលើកុងត្រាថ្មីមួយ និងរីករាយនឹងធ្វើវា ហើយខ្ញុំអន្ទះសារចង់ឃើញអ្នកគាំទ្រទាំងអស់នៅក្នុងកីឡដ្ឋានរដូវកាល។”

កាលពីឆ្នាំ ២០១៧ Kane បានបញ្ចប់រដូវកាលជាមួយនឹងការឈរលើកំពូលចំណាត់ថ្នាក់កីឡាករដែលរកគ្រាប់បាល់បញ្ចូលទីច្រើនដាច់គេនៅអឺរ៉ុប គឺរកបានដល់ ៥៧ គ្រាប់សម្រាប់ក្លិប និងជម្រើសជាតិ។ ហើយលើសពីនោះគាត់បានបំបែកកំណត់ត្រារបស់អតីតប្រធានក្រុមជម្រើសជាតិអង់គ្លេស Alan Shearer ក្នុងនាមជាកីឡាករស៊ុតបញ្ចូលទីបានច្រើនបំផុតនៅលីកកំពូលរបស់អង់គ្លេសក្នុងរយៈពេល ១ ឆ្នាំ ដោយពេលនោះគឺគាត់ស៊ុតបាន ៣៩ គ្រាប់។

ប្រែសម្រួល ៖ ភក្ដី

ហេតុតែចង់បាន Neymar ប្រធានក្លិប Real Madrid ហ៊ានធ្វើដល់ម្លឹង!!!

ប្រធានក្លិបអធិរាជស Real Madrid លោក Florentino Perez ត្រូវបានគេរាយការណ៍ឲ្យដឹងថាលោកមានការធុញទ្រាន់នឹងស្ថានភាពរបស់ខ្សែប្រយុទ្ធ Cristiano Ronaldo និងការបង្ហាញនូវចេតនាចង់ចាកចេញពីក្លិប ខណៈដែលលោក Perez ត្រៀមរួចជាស្រេចក្នុងការយកតារាបាល់ទាត់ឆ្នើមសញ្ជាតិព័រទុយហ្គាល់រូបនេះទៅប្ដូរយកខ្សែប្រយុទ្ធ Neymar ពីក្រុមយក្សរបស់បារាំង Paris Saint Germain ។ នេះបើតាមសេចក្ដីរាយការណ៍របស់កាសែតអេស្ប៉ាញ Don Balon ។

ប្រភពដដែលបានឲ្យដឹងបន្ថែមទៀតថាលោក Perez មិនត្រឹមតែចង់យក Ronaldo ទៅដូរយក Neymar អតីតខ្សែប្រយុទ្ធរបស់ក្រុមអ្នកមានបុណ្យ Barcelona ប៉ុណ្ណោះទេ ប៉ុន្តែគាត់នឹងផ្ដល់ឲ្យ PSG នូវទឹកប្រាក់មួយចំនួនបន្ថែមទៀត ខណៈដែល Real Madrid ដែលជាក្រុមនៃលីកកំពូលរបស់អេស្ប៉ាញមួយនេះយល់ថា Neymar គឺជាគ្រឹះសម្រាប់គម្រោងថ្មីរបស់ពួកគេ។ ចំណែក Ronaldo ត្រូវគេជឿថាគាត់ទំនងជានឹងពេញចិត្តជាមួយការផ្ទេរទៅលេងនៅ PSG បើទោះបីជាមានពាក្យចរចាមអារ៉ាមខ្លះថាគាត់ចង់ត្រលប់ទៅកាន់ក្រុមបិសាចក្រហម Manchester United វិញក៏ដោយ។

Neymar ខ្សែប្រយុទ្ធនៃក្រុមជម្រើសជាតិប្រេស៊ីលបានចាកចេញពីទឹកដីអេស្ប៉ាញទៅលេងនៅទឹកដីបារាំងកាលពីឆ្នាំទៅ ក្រោយពីបញ្ចប់ការផ្ទេររបស់ខ្លួនចេញកីឡដ្ឋាន Camp Nou របស់ Barcelona ទៅកាន់កីឡដ្ឋាន Parc des Princes របស់ PSG ក្នុងតម្លៃខ្លួនបំបែកកំណត់ត្រាពិភពលោក ២២២ លានអឺរ៉ូ។ ហើយចាប់តាំងពីពេលនោះមក Neymar ជារឿយៗត្រូវបានគេផ្សាភ្ជាប់គាត់ជាមួយនឹងការផ្លាស់មក Real Madrid ។

ប្រែសម្រួល ៖ ភក្ដី

ផ្លូវការហើយ! Man Utd ទិញបានខ្សែបម្រើប្រេស៊ីលមួយរូបពីក្លិបអ៊ុយក្រែន

ក្រុមបិសាចក្រហម Manchester United បានប្រកាសថាពួកគេបានឈានដល់កិច្ចព្រមព្រៀងមួយជាមួយក្រុម Shakhtar Donetsk ក្នុងការចុះហត្ថលេខាទិញខ្សែបម្រើប្រេស៊ីល Fred ខណៈដែលកីឡាករវ័យ ២៥ ឆ្នាំរូបនេះត្រូវបានគេរំពឹងទុកថាអាចនឹងមានតម្លៃខ្លួនប្រមាណជា ៥២ លានផោន និងការចុះកុងត្រារយៈពេល ៥ ឆ្នាំជាមួយកីឡដ្ឋាន Old Trafford ។ Fred បានបញ្ចប់លក្ខខណ្ឌផ្ទាល់ខ្លួនមួយចំនួននៅឯទីស្នាក់ការរបស់ Man Utd ក្នុងទីក្រុងឡុងដ៍ និងបានធ្វើតេស្ដសុខភាពនៅឯទីលានហ្វឹកហាត់ Carrington កាលពី ២៤ ម៉ោងមុន។ ហើយគាត់ត្រូវបានអនុញ្ញាតឲ្យចាកចេញពីជំរុំនៃក្រុមកីឡាករប្រេស៊ីលដើម្បីមកបញ្ចប់កិច្ចព្រមព្រៀងជាមួយ Man Utd ក្រោយពីជម្រើសជាតិប្រេស៊ីលបានប្រកួតមិត្តភាពឈ្នះជម្រើសជាតិក្រូអាតនៅឯកីឡដ្ឋាន Anfield កាលពីថ្ងៃអាទិត្យកន្លងទៅ។

ហើយអតីតកីឡាកររបស់ក្រុម Internacional រូបនេះគឺនឹងក្លាយជាកីឡាករដំបូងគេដែលត្រូវបានលោក Jose Mourinho ចុះហត្ថលេខាទិញសម្រាប់រដូវកាលដោះដូរកីឡាករនៃរដូវក្ដៅឆ្នាំនេះ នៅពេល Man Utd ទទួលបានឯកសារចាំបាច់ពី Shakhtar Donetsk និងសហព័ន្ធកីឡាករបាល់ទាត់ប្រេស៊ីល។

“Manchester United មានក្ដីរំភើបរីករាយក្នុងការប្រកាសឲ្យដឹងថាពួកយើងបានឈានដល់កិច្ចព្រមព្រៀងមួយជាមួយ Shakhtar Donetsk សម្រាប់ការដោះដូរកីឡាករ Frederico Rodrigues de Paula Santos ។” Man Utd បានចេញសេចក្ដីថ្លែងការណ៍កាលពីថ្ងៃអង្គារ។ “សេចក្ដីប្រកាសបន្ថែមទៀតនឹងត្រូវបានធ្វើឡើងតាមពេលកំណត់។” លើសពីនោះលោក Mourinho មានបំណងចុះហត្ថលេខាទិញខ្សែការពារស្លាបស្ដាំ Diogo Dalot របស់ក្រុម Porto ដែលត្រូវបានគេចាត់ទុកជាអ្នកស្នងតំណែងកីឡាករ Antonio Valencia ។ ហើយផងដែរនោះ Mourinho ក៏បានចាប់អារម្មណ៍លើខ្សែការពារ Toby Alderweireld ដែលនឹងត្រូវបាន Tottenham លក់ចេញក្នុងតម្លៃសមរមមួយ។

ប្រែសម្រួល ៖ ភក្ដី

គ្រូបង្វឹកលំដាប់ពិភពលោកមួយរូបបានបដិសេធសំណើមកជំនួសកៅអី Zidane នៅ Real Madrid

លោក Massimiliano Allegri ត្រូវបានគេរាយការណ៍ឲ្យដឹងថាគាត់បានបដិសេធការទៅដឹកនាំក្រុមយក្សស Real Madrid ខណៈដែលគ្រូបង្វឹកនៃក្រុមខ្លាំងនៅលីកអ៊ីតាលី Juventus រូបនេះត្រូវបានគេដឹងថាជាបេក្ខភាពមួយរូបដែលត្រូវបានលោក Florentino Perez ចង់ទាក់ទងដើម្បីឲ្យទៅកាន់តំណែងនៅកីឡដ្ឋាន Bernabeu ជំនួសអ្នកចាត់ការចាស់ លោក Zinedine Zidane ដែលបានរត់ចោលកៅអីកាលពីថ្មីៗកន្លងទៅ។ ហើយការបដិសេធនឹងសំណើរបស់ Real Madrid ពីសំណាក់លោក Allegri គឺត្រូវបានលួចបង្ហើបប្រាប់ដោយវិទ្យុអេស្ប៉ាញ Cadena SER ។

ទន្ទឹមនឹងនោះកាសែត Gazzetta dello Sport ក៏បានឲ្យដឹងផងដែរថាគ្រូបង្វឹកជនជាតិអ៊ីតលីវ័យ ៥០ ឆ្នាំរូបនេះមានបំណងបន្តរួមរស់ជាមួយក្រុម Juventus ដោយមិនខ្វល់ពីការចង់ចាកចេញអ្វីឡើយ។ ហើយប្រភពដដែលបានឲ្យដឹងទៀតថាលោក Perez ពុំបានបង្ហាញបំណងចង់របស់ខ្លួនទៅកាន់លោក Allegri ដោយផ្ទាល់ទេ គឺគាត់បានទាក់ទងតាមរយៈអតីតនាយកក្លិប AC Milan លោក Adriano Galliani ប៉ុន្តែ Allegri បានបញ្ជាក់ថាគាត់គ្មានបំណងចាកចេញពីក្រុមយក្សនៃលីកកំពូលរបស់អ៊ីតាលីមួយនេះទេ។

ដំណឹងនៃការបដិសេធរបស់លោក Allegri អាចជាដំណឹងល្អសម្រាប់បេក្ខភាពគ្រូបង្វឹកផ្សេងទៀតដែលត្រូវបានគេផ្សាភ្ជាប់ជាមួយ Real Madrid ដែលមានដូចជា ៖ អតីតគ្រូបង្វឹកក្រុមកាំភ្លើងធំ Arsenal លោក Arsene Wenger និងលោក Mauricio Pochettino គ្រូបង្វឹកបច្ចុប្បន្នរបស់ក្រុមមាន់ខ្នាយមាស Tottenham ខណៈដែលគ្រូបង្វឹកថ្នាលយុវជន Real Madrid លោក Guti ក៏ស្ថិតក្នុងចំណោមនោះផងដែរ។

ប្រែសម្រួល ៖ ភក្ដី

ក្រុមកីឡាបាញ់កាំភ្លើងក្រសួងការពារជាតិដណ្តើមមេដាយមាស៣គ្រឿង នៃការប្រកួតកីឡាជាតិលើកទី២…(ចុចអានបន្ត)

ភ្នំពេញ៖ នៅថ្ងៃទី៣ ខែមិថុនា ឆ្នាំ២០១៨នេះ ក្រុមកីឡាបាញ់កាំភ្លើងក្រសួងការពារជាតិដណ្តើមមេដាយមាស៣គ្រឿង ខណៈក្រុមកីឡាបាញ់កាំភ្លើងក្រសួងមហាផ្ទៃដណ្តើមបានមេដាយប្រាក់២គ្រឿងនៃការប្រកួតកីឡាជាតិលើកទី២ ឆ្នាំ ២០១៨។

សម្រាប់ការប្រកួតវិញ្ញាសាមិនអូឡាំពិកកាំភ្លើងកម្រិត៩មីល្លីម៉ែត្របុរសមេដាយមាសបានលើកីឡាករ ប្រាក់ ដេវីដ មកពីក្រសួងមហាផ្ទៃ មេដាយប្រាក់បានលើកីឡាករ វង់ ពិសី មកពីខេត្តកំពត និងមេដាយសំរិទ្ធបានលើកីឡាករ ថាន់ ចំរើន មកពីខេត្តកំពង់ចាម ។

វិញ្ញាសាអូឡាំពិក(វែង)នារីមេដាយមាសបានលើកីឡាការិនី សឿង គឹមហៀង មកពីក្រសួងការពារជាតិ មេដាយប្រាក់បានលើកីឡាការិនីហ៊ុន សុខឡាមកពីខេត្តកំពតនិងមេដាយសំរិទ្ធបានលើកីឡាការិនីឈឹម បូវ៉ៃមកពីរាជធានីភ្នំពេញ។

ចំណែកវិញ្ញាសាអូឡាំពិកប្រភេទកាំភ្លើងខ្លីនារីមេដាយមាសបានលើកីឡាការិនី សួន សារ៉ាន់ មកពីក្រសួងការពារជាតិ មេដាយប្រាក់បានលើកីឡាការិនី គិន ប៊ុនធី មកពីខេត្តកំពង់ចាម និងមេដាយសំរិទ្ធបានលើកីឡាការិនី វ៉ន ចិន្ថា មកពីរាជធានីភ្នំពេញ។

វិញ្ញាសាអូឡាំពិក(៩ម.មខ្លី)នារី៖មេដាយមាសបានលើកីឡាការិនី ប៉ែន ណារ៉ុន មកពីកំពត មេដាយប្រាក់បានលើកីឡាករ ភី សូថា មកពីខេត្តកណ្តាល និងមេដាយសំរិទ្ធបានលើកីឡាករ យ៉ែម បារាំង មកពីខេត្តព្រៃវែង។

ចំពោះវិញ្ញាសាអូឡាំពិកកាំភ្លើងកម្រិតទាបជាង៩ម.មប្រភេទខ្លីបុរសមេដាយមាសបានលើកីឡាករម៉ាន់ គង្គា មកពីក្រសួងការពារជាតិ មេដាយប្រាក់បានលើកីឡាករ សារិន រតនា មកពីខេត្តតាកែវនិងមេដាយសំរិទ្ធបានលើកីឡាករ ហេង លីដា មកពីខេត្តកំពង់ចាម។
វិញ្ញាសាអូឡាំពិកទាបជាង៩ម.មប្រភេទវែងបុរសមេដាយមាសបានលើកីឡាករខៀវឌីណាមកពីខេត្តកំពង់
ចាម មេដាយប្រាក់បានលើកីឡាករ គង់ ចាន់វណ្ណៈ មកពីរាជធានីភ្នំពេញ និងមេដាយសំរិទ្ធបានលើកីឡាករ ប៉ុល សុវណ្ណច័ន្ទរតនា មកពីក្រសួងមហាផ្ទៃ៕

ដោយ៖ សុខ ជា

ស្ងាត់ៗ Ronaldo ប្រេស៊ីលជិតទិញបានក្លិបមួយនៅលីកអេស្ប៉ាញ នេះជាដំណឹងដ៏ភ្ញាក់ផ្អើលមួយ

វីរបុរសបាល់ទាត់របស់ក្រុមជម្រើសជាតិប្រេស៊ីល និងក្រុមយក្សស Real Madrid, Ronaldo ត្រូវបានគេលួចបង្ហើបឲ្យដឹងថាគាត់មានគោលដៅទិញយកក្លិបមួយនៃលីកលំដាប់ទី ២ របស់អេស្ប៉ាញ។
តាមសេចក្ដីរាយការណ៍ពីកាសែតរបស់ប្រេស៊ីល O Globo បានឲ្យដឹងថាបុរសវ័យ ៤១ ឆ្នាំរូបនេះកំពុងស្ថិតក្នុងកិច្ចចរចារដើម្បីទិញយកក្លិប Real Valladolid ក្នុងតម្លៃប្រមាណជា ៣០ លានអឺរ៉ូ។
គួររំលឹកផងដែរថាកាលពីខែមករាកន្លងទៅ Ronaldo បានបង្ហើបឲ្យដឹងដោយផ្ទាល់ថាលោកមានមហិច្ឆតាកាន់កាប់ក្លិបមួយនៅលីកលំដាប់ទី ២ របស់អេស្ប៉ាញ ឬអង់គ្លេស។ “វានឹងក្លាយជារឿងដ៏មានកិត្តិយសបំផុតក្នុងការធ្វើជាប្រធានសហព័ន្ធកីឡាបាល់ទាត់របស់ប្រេស៊ីល។”

គាត់បានប្រាប់កាសែត La Folha de Sao Paulo ។ “ប៉ុន្តែខ្ញុំចង់ស្គាល់រសជាតិធ្វើជាប្រធានក្លិបបាល់ទាត់មួយសិន។”
“ខ្ញុំកំពុងគិតអំពីការទិញយកក្លិបមួយនៅលីកលំដាប់ទី ២ របស់អេស្ប៉ាញ ឬអង់គ្លេស។” Ronaldo បន្ត។ “ខ្ញុំចង់ធ្វើអ្វីមួយដែលប្រកបដោយភាពច្នៃប្រឌិត។ ហើយខ្ញុំគិតថាខ្ញុំត្រៀមរួចរាល់ក្នុងការធ្វើវា។”

ហើយបើយោងតាមកាសែត Marca បានឲ្យដឹងថាម្ចាស់ភាគហ៊ុនធំ និងប្រធានក្លិប Valladolid បានបដិសេធរាល់សំណើទាំងឡាយណាដែលបានដាក់ស្មើសុំទិញយកក្លិបមួយនេះ ប៉ុន្តែជាមួយនឹងទឹកប្រាក់ ៣០ លានអឺរ៉ូគេជឿជាក់ថានឹងអាចគ្រប់គ្រាន់ដើម្បីបញ្ចប់កិច្ចព្រមព្រៀងបាន។ Valladolid បច្ចុប្បន្នឈរនៅចំណាត់ថ្នាក់លេខ ៦ ក្នុងលីកលំដាប់ទី ២ របស់អេស្ប៉ញ Segunda Divisoin ខណៈដែលពួកគេត្រៀមបើកទ្វារទទួលក្រុមភ្ញៀវ Osasuna សម្រាប់ការប្រកួតនាថ្ងៃសៅរ៍សប្ដាហ៍នេះ។

ប្រែសម្រួល ៖ ភក្ដី

មហាពិសេសមែន ! Ramos ចាប់ដៃតារាចម្រៀងអេស្ប៉ាញចេញចម្រៀងទាក់ទងជាមួយ World Cup

ខ្សែការពារឆ្នើមរបស់ក្រុមជម្រើសជាតិអេស្ប៉ាញ និងក្រុមយក្សស Real Madrid កីឡាករ Sergio Ramos បានបញ្ចេញចម្រៀងផ្ទាល់ខ្លួនមួយបទដោយច្រៀងរួមគ្នាជាមួយតារាចម្រៀងអេស្ប៉ាញ Demarco Flamenco ខណៈដែលចម្រៀងនោះដែរគឺទាក់ទងជាមួយនឹងព្រឹត្តិការណ៍នៃការប្រកួតពានរង្វាន់បាល់ទាត់ពិភពលោកឆ្នាំ ២០១៨ នេះ និងមានចំណងជើងថា ” Otra Estrella en tu Corazon ” ដែលន័យជាភាសាអង់គ្លេសគឺប្រែថា ” Another star in your heart (តារាផ្សេងទៀតនៅក្នុងដួងចិត្តអ្នក)” ។

Ramos ដែលដើរតួជាប្រធានក្រុមទាំងនៅជម្រើសជាតិ និងក្លិបរូបនេះបានបង្ហោះវីដេអូចម្រៀងរយៈពេលខ្លីចូលទៅក្នុងបណ្ដាញសង្គម Instagram របស់ខ្លួន ខណៈដែលមកទល់ពេលនេះគឺមានអ្នកចុចមើលដល់ជាង ១ លាននាក់ទៅហើយ។ យ៉ាងណាមិញនេះមិនមែនជាលើកទីមួយសម្រាប់កីឡាករវ័យ ៣២ ឆ្នាំរូបនេះនោះទេដែលគាត់ដើរលើវីថីសិល្បៈចម្រៀង។ តួយ៉ាងគឺគាត់ធ្លាប់ស្រែកច្រៀងនាំមុខឲ្យក្រុមជម្រើសជាតិអេស្ប៉ាញអំឡុងព្រឹត្តិការណ៍ Euro 2016 ។

Man City ត្រៀមបញ្ចប់ការផ្ទេរខ្សែបម្រើ ២ រូបនាចុងសប្ដាហ៍នេះ

កីឡាបាល់ទាត់ ៖ ក្រុមមេឃខៀវ Manchester City កំពុងខិតកាន់តែជិតទៅនឹងការចុះហត្ថលេខាទិញកីឡាករខ្សែបម្រើស្លាបរបស់ក្រុមកញ្ជ្រោងខៀវ Leicester City, Riyad Mahrez និងខ្សែបម្រើ Jorginho របស់ក្រុម Napoli ខណៈដែលកិច្ចព្រមព្រៀងនេះដែរទំនងជានឹងអាចត្រូវបានបញ្ចប់ត្រឹមចុងសប្ដាហ៍នេះ។

Mahrez ត្រូវបានគេរាយការណ៍មកថានឹងមានតម្លៃខ្លួនប្រហាក់ប្រហែល ៦០ លានផោន ស្របពេលដែលតម្លៃខ្លួនរំពឹងទុករបស់កីឡាករ Jorginho គឺអាចនឹងតិចជាងតម្លៃខ្លួនរបស់ Mahrez ២០ លានផោន។
Mahrez ដែលជាកីឡាករនៃក្រុមជម្រើសជាតិអាល់ហ្សេរីរូបនេះបានផ្លាស់មកលេងឲ្យកញ្ជ្រោងខៀវកាលពីឆ្នាំ ២០១៤ ដោយការផ្ទេរពីក្លិបរបស់បារាំង Le Havre និងបានស៊ុតបញ្ចូលទីឲ្យ Leicester បាន ៤៨ គ្រាប់ជាមួយនឹងការបង្ហាញខ្លួន ១៧៩ ប្រកួត។

លើសពីនោះគាត់បានឈ្នះពានកីឡាករល្អបំផុតប្រចាំឆ្នាំនៅលីកកំពូលរបស់អង់គ្លេស អំឡុងពេល Leicester លើកពាន Premier League កាលពីឆ្នាំ ២០១៦ ។
ងាកទៅកាន់ Jorginho កីឡាករនៃក្រុមជម្រើសជាតិអ៊ីតាលីឯណោះវិញបានចុះចូលជាមួយ Napoli កាលពីឆ្នាំ ២០១៤ និងបង្ហាញខ្លួនឲ្យក្រុមនៃលីកកំពូលរបស់អង់គ្លេសមួយនេះបាន ៣៦ ប្រកួតកាលពីរដូវកាលមុន និងធ្លាប់បានបំប៉ើងសំណាញ់ទីរបស់ Man City នៅក្នុងការប្រកួតនៃពានរង្វាន់ Champions League កាលពីខែវិច្ឆកាកន្លងទៅ។
ទាំង Mahrez និង Jorginho គឺនឹងអវត្តមានពីការប្រកួតពានរង្វាន់បាល់ទាត់ពិភពលោកនារដូវក្ដៅឆ្នាំនេះ បន្ទាប់ពីក្រុមជម្រើសជាតិរបស់ពួកគេបានបរាជ័យក្នុងការដណ្ដើមកៅអីឡើងទៅកាន់ការប្រកួតដ៏ធំមួយនេះដែលនឹងត្រូវបានធ្វើឡើងនៅឯប្រទេសរុស្ស៊ី។ ភក្ដី

អុញនោះ!!! Zidane សុំលាលែងពីតំណែងគ្រូបង្វឹក Real Madrid ហើយ…

លោក Zinedine Zidane បានប្រកាសលាលែងពីដំណែងគ្រូបង្វឹកនៃក្រុមយក្សស Real Madrid បន្ទាប់ពីដឹកនាំបាន ៣ ឆ្នាំ និងជួយឲ្យក្រុមយក្សរបស់អេស្ប៉ាញមួយនេះលើកពាន Champions League ៣ រដូវកាល។ Zidane ត្រូវបានគេដឹងថាកុងត្រារបស់គាត់ជាមួយ Real Madrid គឺមានសុពលភាពរហូតដល់ឆ្នាំ ២០២០ ឯណោះ។ តែទោះជាយ៉ាងណាគ្រូបង្វឹកសញ្ជាតិបារាំងរូបនេះបានសុំលាលែងតំណែង ក្រោយពី Real Madrid ផ្ដួលហង្សក្រហម Liverpool លើកពាន Champions League កាលពីប៉ុន្មានថ្ងៃមុននេះ។

បីរដូវកាលក្រោមការដឹកនាំរបស់អតីតខ្សែបម្រើនៃក្រុមជម្រើសជាតិបារាំងរូបនេះ Real Madrid មិនដែលស្គាល់ពាក្យថាធ្លាក់ចេញពីការប្រកួតនៃពានរង្វាន់លីកកំពូលរបស់អឺរ៉ុបមួយរដូវកាលណាឡើយ និងថែមទាំងបានលើកពាននៃលីកកំពូលរបស់អេស្ប៉ាញ «La Liga» បានចំនួនម្ដងផងដែរ។
“ការសម្រេចចិត្តលាលែងពីតំណែងនេះគឺដើម្បីប្រធានក្លិប លោក Florentino Perez និងដើម្បីក្រុមកីឡាករ Real Madrid ។” Zidane បានថ្លែងទៅកាន់អ្នកពត៌មាន។ “វាគឺជាការសម្រេចចិត្តដ៏ចំលែកមួយ ប៉ុន្តែវាជារឿងសំខាន់ និងត្រូវបានធ្វើសម្រាប់អ្នករាល់គ្នា។”

“Real Madrid ត្រូវតែបន្តការឈ្នះ ហើយក៏ត្រូវតែមានការផ្លាស់ប្ដូរផងដែរ។” គាត់បានបន្ត។ “បន្ទាប់ពីរយៈពេល ៣ ឆ្នាំ ពួកគេត្រូវការសម្លេងថ្មីមួយ ហើយប្រហែលជារបៀបធ្វើការថ្មីមួយផងដែរ។”
អតីតកីឡាករ Real Madrid រូបនេះបានបន្ថែមទៀតថា ៖ “ខ្ញុំស្រលាញ់ក្លិបមួយនេះ ហើយខ្ញុំស្រលាញ់ប្រធានក្លិបដែលបានផ្ដល់ឱកាសឲ្យខ្ញុំបានក្លាយជាកីឡាករ និងបន្ទាប់មកក្លាយជាអ្នកចាត់ការ។ ខ្ញុំពិតជាអរគុណគាត់ខ្លាំងណាស់។ ប៉ុន្តែពេលនេះយើងត្រូវតែធ្វើការផ្លាស់ប្ដូរ ដែលនោះហើយជាមូលហេតុដែលខ្ញុំជ្រើសយកការសម្រេចចិត្តមួយនេះ។”

ប្រែសម្រួល ៖ ភក្ដី