នោះ!!! Zidane សុំលាលែងពីតំណែងគ្រូបង្វឹក Real Madrid ហើយ

លោក Zinedine Zidane បានប្រកាសលាលែងពីដំណែងគ្រូបង្វឹកនៃក្រុមយក្សស Real Madrid បន្ទាប់ពីដឹកនាំបាន ៣ ឆ្នាំ និងជួយឲ្យក្រុមយក្សរបស់អេស្ប៉ាញមួយនេះលើកពាន Champions League ៣ រដូវកាល។ Zidane ត្រូវបានគេដឹងថាកុងត្រារបស់គាត់ជាមួយ Real Madrid គឺមានសុពលភាពរហូតដល់ឆ្នាំ ២០២០ ឯណោះ។ តែទោះជាយ៉ាងណាគ្រូបង្វឹកសញ្ជាតិបារាំងរូបនេះបានសុំលាលែងតំណែង ក្រោយពី Real Madrid ផ្ដួលហង្សក្រហម Liverpool លើកពាន Champions League កាលពីប៉ុន្មានថ្ងៃមុននេះ។

បីរដូវកាលក្រោមការដឹកនាំរបស់អតីតខ្សែបម្រើនៃក្រុមជម្រើសជាតិបារាំងរូបនេះ Real Madrid មិនដែលស្គាល់ពាក្យថាធ្លាក់ចេញពីការប្រកួតនៃពានរង្វាន់លីកកំពូលរបស់អឺរ៉ុបមួយរដូវកាលណាឡើយ និងថែមទាំងបានលើកពាននៃលីកកំពូលរបស់អេស្ប៉ាញ «La Liga» បានចំនួនម្ដងផងដែរ។
“ការសម្រេចចិត្តលាលែងពីតំណែងនេះគឺដើម្បីប្រធានក្លិប លោក Florentino Perez និងដើម្បីក្រុមកីឡាករ Real Madrid ។” Zidane បានថ្លែងទៅកាន់អ្នកពត៌មាន។ “វាគឺជាការសម្រេចចិត្តដ៏ចំលែកមួយ ប៉ុន្តែវាជារឿងសំខាន់ និងត្រូវបានធ្វើសម្រាប់អ្នករាល់គ្នា។”

“Real Madrid ត្រូវតែបន្តការឈ្នះ ហើយក៏ត្រូវតែមានការផ្លាស់ប្ដូរផងដែរ។” គាត់បានបន្ត។ “បន្ទាប់ពីរយៈពេល ៣ ឆ្នាំ ពួកគេត្រូវការសម្លេងថ្មីមួយ ហើយប្រហែលជារបៀបធ្វើការថ្មីមួយផងដែរ។”
អតីតកីឡាករ Real Madrid រូបនេះបានបន្ថែមទៀតថា ៖ “ខ្ញុំស្រលាញ់ក្លិបមួយនេះ ហើយខ្ញុំស្រលាញ់ប្រធានក្លិបដែលបានផ្ដល់ឱកាសឲ្យខ្ញុំបានក្លាយជាកីឡាករ និងបន្ទាប់មកក្លាយជាអ្នកចាត់ការ។ ខ្ញុំពិតជាអរគុណគាត់ខ្លាំងណាស់។ ប៉ុន្តែពេលនេះយើងត្រូវតែធ្វើការផ្លាស់ប្ដូរ ដែលនោះហើយជាមូលហេតុដែលខ្ញុំជ្រើសយកការសម្រេចចិត្តមួយនេះ។”

ប្រែសម្រួល ៖ ភក្ដី

កីឡាករ Neymar បាននិយាយទទួលស្គាល់ថា លោកមិនទាន់មានសមត្ថភាពលេង១០០ភាគរយនោះទេនៅ World Cup 2018

(កីឡា) អំឡុងសន្និសីទសារព័ត៌មាន នៅការិយាល័យកណ្តាលសហព័ន្ធបាល់ទាត់ប្រេស៊ីល នៅក្នុងទីក្រុង Rio de Janeiro កីឡាករវ័យ២៥ឆ្នាំម្នាក់នេះ បាននិយាយថា សមត្ថភាពរាងកាយរបស់លោកមិនថ្វីទេ ប្រអប់ជើងរបស់លោកក៏មិនចោទជាបញ្ហាដែរ លោកនឹងបត់បែននឹងរឿងរ៉ាវថ្មីៗ ហើយលោកហាក់ដូចជាមានអារម្មណ៍មិនសូវស្រួលខ្លះៗ ប៉ុន្តែវាមិនមែនជាអ្វីមួយដែលនឹងធ្វើឲ្យលោកមានបញ្ហាច្រើននោះទេ ។

កាលពីថ្ងៃអាទិត្យម្សិលមិញនេះ តារាស៊ូពើស្តារបស់ក្លិបយក្សបារាំងPSG កីឡាករ Neymar បាននិយាយទទួលស្គាល់ថា លោកមិនទាន់មានសមត្ថភាពលេង១០០ភាគរយនោះទេ ក្រោយហ្វឹកហាត់រយៈពេល១សប្តាហ៍ ជាមួយក្រុមជម្រើសជាតិប្រេស៊ីល អំឡុងការត្រៀមខ្លួនសម្រាប់ World Cupរបស់ពួកគេ ។

ខ្សែប្រយុទ្ធម្នាក់នេះ បាននិយាយថា លោកមានអារម្មណ៍មិនទាន់ស្រួលបួលនៅឡើយទេ នៅត្រង់ប្រអបជើងស្តាំរបស់គាត់ ប៉ុន្តែលោកមានជំនឿថា លោកនឹងល្អប្រសើរជាងនេះ សម្រាប់ការប្រកួតនៅប្រទេសរុស្ស៊ី ដែលនឹងចាប់ផ្តើមនៅថ្ងៃទី១៤ ខែមិថុនាខាងមុខនេះ ។

នៅពេលសួរថា តើគាត់មានអារម្មណ៍បែបណានាពេលបច្ចុប្បន្ននេះ កីឡាករ Neymar បានឆ្លើយថា លោកមានអាម្មណ៍មិនទាន់ស្រួល១០០ភាគរយនៅឡើយទេ ប៉ុន្តែវាគឺជារឿងធម្មតាទេ កាលដែលយើងមានក្តីកង្វល់ខ្លះៗ ចំពោះសមត្ថភាពលេងរបស់ខ្លួន៕

Mohamed Salah អាចនឹងខកខានលេងក្នុងព្រឹត្តិការ World Cup បើសិនជាគេមិនទាន់ជាសះស្បើយពីរបួសស្មាទេនោះ…!

កាលពីយប់មិញនេះ Mohamed Salah បានរងរបួសស្មាយ៉ាងធ្ងន់ធ្ងរក្នុងជំនួបវគ្គផ្ដាច់ព្រ័ត្ត UEFA Champion League ក្រោយប៉ះទង្គិចគ្នាជាមួយនឹងកីឡាករ Sergio Ramos ។

Real Madrid បានគ្រងជើងឯកពានរង្វាន់ UEFA Champions League ២០១៨ លើកទី៣ជាប់ៗគ្នា បន្ទាប់ពីឈ្នះក្រុមហង្សក្រហម Liverpool ដោយលទ្ធផល ៣-១ ក្នុងការប្រកួតវគ្គផ្តាច់ព្រ័ត្រនៅប្រទេសអ៊ុយក្រែន។

ក្នុងការប្រកួតនេះដែរ កីឡាករ២នាក់បានរងរបួសត្រូវប្ដូរចេញគឺ Salah របស់ក្រុម Liverpool និង Carvajal របស់ក្រុម Real Madrid ហើយធ្វីដែលសំខាន់នោះគឺ Mohamed Salah កំពុងតែមានការជជែកគ្នាខ្លាំង ត្បិតអីរូបគេរងរបួសហើយ តែព្យាយាមបន្ដលេងរហូតទាល់តែមានការឈឺចាប់ខ្លាំង លេងលែងបាន។

ដោយនេះ អាចនឹងធ្វើឱ្យស្មាមានរបួសកាន់តែខ្លាំង ហើយអាចនឹងមិនមានវត្តមានលេងនៅ FIFA World Cup នៅប្រទេសរុស្ស៊ីថែមទៀត ព្រោះថាការប្រកួតឈានចូលនៅពាក់កណ្ដាលខែក្រោយនេះហើយ។

យ៉ាងណាមិញ របួសស្មាកីឡាករសំខាន់ខាងលើនេះ នឹងត្រូវពិនិត្យយ៉ាងយកចិត្តទុកដាក់ម្ដងទៀត ក្រោយពីចប់ការប្រកួតខាងលើទៅ។

ដូច្នេះហើយ រូបគេត្រូវតែព្យាយាមឱ្យខ្លាំងដើម្បីជាសះស្បើយ ទៅលេងនៅ World Cup ទាន់ពេលវេលា៕

តោះមកមើល កំណត់ត្រាមួយចំនួនរបស់ Real Madrid និង Liverpool នៅក្នុងការប្រកួត Champions League..

កំណត់ត្រាប្រវត្តិសាស្ត្រថ្មីៗ បានកើតឡើងជាបន្តបន្ទាប់ នៅក្នុងជំនួបរវាងក្រុមកាពារជើងឯកទាំងពីរ គឺ Real Madrid និងក្រុម Liverpool នៅក្នុងវគ្គផ្តាច់ព្រ័ត្រ Champions League នាពេលរាត្រីម៉ោង១៖៤៥នាទី ត្រូវថ្ងៃទី២៧ ខែឧសភា ឆ្នាំ២០១៨ យប់នេះ (ម៉ោងនៅកម្ពុជា) ។

នៅក្នុងការប្រកួតក្នុងទីក្រុងកៀវ នៅថ្ងៃសៅរ៍នេះ អ្នកចាត់ការ Zinedine Zidane មានបំណងឈ្នះពានកំពូលនៅអឺរ៉ុបនេះជាលើកទី៣ ខណះ Liverpool កំពុងស្រេកឃ្លានជ័យជំនះពានទី៦របស់ខ្លួនផងដែរ ។

ហើយខាងក្រោមនេះ ជាស្ថិតិសំរាប់ក្រុមទាំងពីនៅ Champions League ៖

ក្រុម Real Madrid បានចូលរួមកាប្រកួតនៅក្នុងវគ្គផ្តាច់ព្រ័ត្រ UCL លើកទី១៦ ហើយច្រើនជាងក្រុមណាៗទាំងអស់សំរាប់ការប្រកួតពាននេះ ខណះ Liverpool និងត្រូវចូលរួមការប្រកួតផ្តាច់ព្រ័ត្រលើកទី៨ផងដែរ ហើយច្រើនជាងក្លឹបណាៗទាំងអស់នៅអង់គ្លេស ។

Liverpool ធ្លាប់ជួបក្រុម Real Madrid ម្តងនៅវគ្គផ្តាព្រ័ត្រ កាលពីឆ្នាំ ១៩៨១ ហើយកីឡាករ Alan Kennedy ជាអ្នករកគ្រាប់បាល់ជ័យជំនះឲ្យក្រុម Liverpool បន្តែចាប់តាំងពីពេលនោះមក Real Madrid ឈ្នះរាល់ការប្រកួតទាំង៦លើក ដែលនាំក្លឹប Real Madrid របស់អេស្ប៉ាញមួយនេះ ក្លាយជាម្ចាស់ពាន UCL ១២សម័យ ។

ប្រសិនបើ Real Madrid មានសំណាងឈ្នះពាននេះជាលើកទី១៣នោះ ពួកគាត់និងក្លាយជាក្រុមដែលឈ្នះពាននេះ បីរដូវកាលជាប់គ្នាដូចជា Bayern Munich ដែលអាចកាពារជើងឯកក្នុងឆ្នាំ ១៩៧៥ និង ១៩៧៦ ។

អ្នកចាត់ការ Zidane អាចនិងក្លាចជាគ្រូបង្វឹកទីបី ដែលអាចឈ្នះពានកំពូលអឺរ៉ុប៣លើកស្មើនិងគ្រូបង្វឹក Bob Paisley និង Carlo Ancelotti បន្តែគ្រូបង្វឹកសញ្ជាតិបារាំងរូបនេះចំណាយពេលតែបីប៉ុណ្ណោះ ។

ក្រុមអធិរាជស Real Madrid រំពឹងថាខ្សែរប្រយុទ្ធឆ្នើម Ronaldo ជាតារាសំណាងរបស់ក្រុមម្តងទៀត ក្រោយពីខ្សែរប្រយុទ្ធសញ្ជាតិព័រទុយហ្គាល់រូបនេះ រកបាន៤គ្រាប់រួចមកហើយក្នុងវគ្គផ្តាច់ព្រ័ត្រ Champions League ដែលច្រើនជាងកីឡាករណាៗទាំងអស់ ។

ហើយប្រសិនបើ កីឡាករវ័យ៣៣ឆ្នាំរូបនេះ អាចទំលុះសំណាញ់ទីរបស់អ្នកចាំទីក្រុមហង្សក្រហមបាន នោះរូបគេក្លាយជាដំបូងដែលអាចរកគ្រាប់បាល់ក្នុងវគ្គផ្តាច់ព្រ័ត្រពីរដូវកាលជាប់ៗគ្នា បន្ទាប់ពីកីឡាករ Franz Roth របស់ Bayern Munich ធ្វើបានម្តងកាលពីទស្សវត្សទី៧០ ។

ទោះបីជាមិនបង្ហាញទម្រង់លេងល្អខ្លាំងនៅដើមរដូវកាលក្តី Ronaldo អាចរកគ្រាប់បាល់បាន ១៥គ្រាប់ និងបញជូនឲ្យមិត្តរួមក្រុមបាន ៣លើកបានន័យថារូបគេជា កីឡាករដែលជាប់ពាក់ព័ន្ធនិងការកគ្រាប់បាល់ច្រើនជាងគេបង្អស់នៅ Champions League នារដូវកាលនេះ ដែលច្រើនជាងខ្សែរប្រយុទ្ធ Roberto Firmino របស់ Liverpool ដែលរកបាន ១០គ្រាប់ និងAssit ៧គ្រាប់ ។

ការឡើងទម្រង់លេងរបស់ខ្សែរប្រយុទ្ធ Mohamed Salah បានជួយឲ្យក្លឹប Liverpool មានសង្ឃឹមបញ្ចប់រដូវកាលដោយមានពាននៅក្នុងដៃ បើទោះបីជាពួកគេធ្វើមិនបានល្អនៅការប្រកួតក្នុងស្រុកក្តី ។ កីឡាករ តំបន់ប្រយុទ្ធរបស់ហង្សក្រហម Salah, Firmino និង Sadio Mane រកគ្រាប់សរុប២៩គ្រាប់ នៅ Champions League ក្នុងរដូវកាលនេះ ច្រើនជាងកីឡាករទាំងបីនៅតំបន់ប្រយុទ្ធណាៗទាំងអស់ក្នុងប្រវត្តិសាស្ស្ត Champions League ។

ដោយឡែកខ្សែរបម្រើ James Milner ក៍បានក្លាយជាតារាឆ្នើមមួយរូបរបស់ Liverpool ដែលអាចបញ្ជូនបាល់ឲ្យមិត្តរួមក្រុម ៨លើកនៅ UCL ក្នុងរដូវកាលនេះផងដែរ ។ មិនតែប៉ុណ្ណោះ Liverpool ជាក្រុមដែលអាចរកគ្រាប់បាល់បាន ៤០គ្រាប់ដែលច្រើនជាងគេនៅ UCL ប្រចាំរដូវកាលនេះ ហើយរក្សាសំណាញ់ទីមិនឲ្យគូប្រកួត រកគ្រាប់បាល់បាន៦ប្រគួតស្មើនឹង Barcelona ។

បន្តែយ៉ាងណាក្តី អ្នកចាត់ការ Jurgen Klopp ធ្លាប់បរាជ័យវគ្គផ្តាច់ព្រ័ត្រ Champions League ម្តងគត់កាលលោកនៅដឹកនាំ Borussia Dortmund ចាញ់ Bayern Munich កាលពីឆ្នាំ ២០១៣ ហើយរូបលោក បរាជ័យ ៥លើកក្នុងចំណោម៦ប្រកួតវគ្គផ្តាច់ព្រ័ត្រ ៕

ដោយ៖ សុវណ្ណ ដេត

អ្នកប្រដាល់ថៃគ្រៀង ក្រៃ(Kreang Krai) បានតម្លើងទម្ងន់ដល់៦៧គីឡូក្រាម ដើម្បីប្រកួតជាមួយពុទ្ធ ឆាយរិទ្ធីក្លិបពុទ្ធសេរីវង្ស

ភ្នំពេញ:អ្នកប្រដាល់ថៃគ្រៀង ក្រៃ(Kreang Krai)ដែលទើបតែដណ្ដើមបានខ្សែក្រវាត់ទម្ងន់៦៥គីឡូក្រាមនោះ បានតម្លើងទម្ងន់ដល់៦៧គីឡូក្រាម ដើម្បីប្រកួតជាមួយពុទ្ធ ឆាយរិទ្ធីក្លិបពុទ្ធសេរីវង្ស ។អ្នកប្រដាល់ទាំង២រូបនេះនឹងជួបប្រកួតគ្នាលើសង្វៀនហ្គេនស្ប៊ើករបស់អាស៊ីអាគ្នេយ៍យប់ថ្ងៃទី២៦ឧសភា ។

នេះជាការប្រកួតដែលគេជឿថានឹងអូសទាញអ្នកទស្សនាបានច្រើនបំផុតជាមិនខាន ។រិទ្ធីទើបតែដណ្ដើមបានតំណែងជាជើងឯករងក្នុងការប្រកួតពានរង្វាន់នៅស្ថាននីយ៍ទូរទស្សន៍ក្នុងស្រុកមួយដែលការប្រកួតនោះរិទ្ធីចាញ់ឡៅ ចន្ទ្រាក្លិបទ័ពឆ័ត្រយោង៩១១ដោយពិន្ទុដាច់តែម្ដង ។

ចំពោះគ្រៀង ក្រៃក្នុងមួយព្រឹត្តិការណ៍ប្រកួតដណ្ដើមខ្សែក្រវាត់ទម្ងន់៦៥គីឡូក្រាមគេឈ្នះគូប្រកួតរបស់គេដោយវាយឲ្យសន្លប់ទាំងអស់ ។ក្នុងការប្រកួតផ្ដាច់ព្រ័ត្រគេផ្លួលអ្នកប្រដាល់ជឹម ចិត្រាក្លិបខ្លារខិនមានរិទ្ធនៅទឹកទី៤តែកាលជួបគ្នាក្នុងពូលគ្រៀង ក្រៃផ្ដួលជឹម ចិត្រានៅទឹកទី១ ។

សម្រាប់រិទ្ធីដែលជាខ្លាចំណាស់មួយរូបដែរនោះទំនងជាមិនស្រួលសម្រាប់គ្រៀង ក្រៃឡើយ ។គ្រៀង ក្រៃគេចាញ់កំពស់រិទ្ធីតែកម្លាំងរបស់គេអាចវ៉ៃបាន៥ទឹកដោយគ្មានបញ្ហាពិសេសគេជាអ្នកប្រដាល់ដែលរឹងទាំងជើងក្រោមមានផ្លែកែង ជង្គង់ល្អហើយវ៉ៃមិនឆេវឆាវទៀតផង ។

អ្នកប្រដាល់ថៃរូបនេះមានប្រវត្តិប្រកួតចំនួន៩៥ដង ឈ្នះ៧៣ដង ចាញ់១៩ដង ស្មើពិន្ទុ៣ដង និង ធ្លាប់វាយគូប្រកួតឲ្យសន្លប់បានចំនួន១៤ដង ។ចំពោះអ្នកប្រដាល់កម្ពុជាពុទ្ធ ឆាយរិទ្ធីវិញមានប្រវត្តិប្រកួតចំនួន៩១ដង ឈ្នះ៦៣ដង ចាញ់២៥ដង ស្មើពិន្ទុ៣ដង និង វាយគូប្រកួតឲ្យសន្លប់បានចំនួន២១ ដង ។

សូមបញ្ជាក់ថាសូមបញ្ជាក់ថាសូម្បីតែមិត្តរួមក្លិបរបស់ពុទ្ធ ឆាយរិទ្ធីឈ្មោះមឿន សុខហ៊ុចក៏ត្រូវគ្រឿង ក្រៃទាត់ឲ្យខូចជើងមុនស្នូរជួងបញ្ចប់ទឹកទី១ ដែរ ។រិទ្ធីអាចដណ្ដើមជ័យជំនះលើគ្រៀង ក្រៃបានឬទេ ?

អ្នកប្រដាល់ចេង គាដែលមិនសូវមានឈ្មោះបោះសម្លេងនោះត្រូវបានដាក់ឲ្យប្រកួតជាមួយអ្នកប្រដាល់បារាំងដែលហ្វឹកហាត់នៅស្រុកថៃឈ្មោះឌូ ឃឺរលី(Dukerly)ដោយប្រកួតគ្នាក្នុងប្រភេទទម្ងន់៦៥គីឡូក្រាម ។អ្នកប្រដាល់បារាំងរូបនេះពុំធ្លាប់មកប្រកួតនៅស្រុកខ្មែរឡើហើយសមត្ថភាពគេប៉ុណ្ណាៗនោះក៏គ្មាននរណាដឹងដែរតែទំនងជាមិនខ្លាំងទេទើបគេផ្គូរផ្គងឲ្យប្រកួតជាមួយចេង គាបែបនេះ ។សូមបញ្ជាក់ថានេះជាឱកាសដ៏កម្រមួយរបស់ចេង គាក្នុងការប្រកួតជាមួយអ្នកប្រដាល់បរទេសនោះ ។ការប្រកួតមួយនេះប្រសិនបើចេង គាឈ្នះគេអាចនឹងមានឱកាសបន្ថែមទៀតដើម្បីប្រកួតជាមួយអ្នកប្រដាល់បរទេសតែបើចាញ់ឱកាសប្រកួតជាមួយបរទេសទំនងជាលំបាកហើយ ៕

គ្រូបង្វឹកក្បាច់គុណខ្មែរ នៅសហរដ្ឋអាមេរិក បានបង្ហាញវត្តមាននៅលើទឹកដីកម្ពុជាជាលើកដំបូង ក្រោយពីចាកចេញពីទឹកដីកំណើតអស់រយៈពេល៤០ឆ្នាំ

ភ្នំពេញៈ គ្រូបង្វឹកក្បាច់គុណខ្មែរ នៅសហរដ្ឋអាមេរិក បានបង្ហាញវត្តមាននៅលើទឹកដីកម្ពុជាជាលើកដំបូង ក្រោយពីចាកចេញពីទឹកដីកំណើតអស់រយៈពេល៤០ឆ្នាំ លោក ខាន់យ៉ា ប្រាជ្ញ អតីកីឡាករ និងជាគ្រូបង្វឹកក្បាច់គុណ។ បង្ហាញវត្តមានលើកនេះ លោកនឹងជួបពិភាក្សាជាមួយមន្ត្រីគណៈកម្មាធិការជាតិអូឡាំពិកកម្ពុជា ដើម្បីពិក្សាស្វែងរកគន្លឹះសំខាន់ៗមួយចំនួន ដើម្បីជួយឲ្យកីឡាករកម្ពុជា មានមុខលើព្រឹត្តិការណ៍ប្រកួតកីឡាអូឡាំពិកពិភពលោក ។

ការបញ្ជាក់នេះ ធ្វើឡើងក្រោយពីលោក ខាន់យ៉ា ប្រាជ្ញ បានបង្ហាញមុខនៅក្នុងព្រលានអន្តរជាតិភ្នំពេញ កាលពីរាត្រីថ្ងៃទី២១ ខែឧសភានេះ។ មកដល់ព្រលានយន្តហោះអន្តរជាតិភ្នំពេញភ្លាម លោកបានលុតជង្គង់ឱនក្រាបសំណះទឹកដីកំណើតរបស់ខ្លួន ដោយក្តីនឹករលឹក។ ថ្លែងដោយក្តីរំភើប លោក ខាន់យ៉ា ប្រាជ្ញ បានលើកឡើងថា លោកពិតជាត្រេកអររកអ្វីប្រៀបផ្ទឹមពុំបាន គ្រាដែលបានមកដល់ទឹកដីកំណើត ដែលលោកស្រលាញ់ពេញបេះដូង បើទោះបីជាចេញទៅរស់នៅសហរដ្ឋអាមេរិក ចាប់តាំងពីឆ្នាំ១៩៧៩មក ។

លោកបញ្ជាក់ថា នៅសហរដ្ឋអាមេរិកលោកជាកីឡាករប្រដាល់ មានក្លឹបហាត់ប្រាណ និងហាត់គុណខ្មែរ ហើយលោកក៏ធ្លាប់ចូលរួមសកម្មភាពកីឡាអន្តរជាតិជាច្រើននៅសហរដ្ឋអាមេរិក ទើបលោកបានដឹងច្រើនអំពីវិស័យកីឡាលើឆាកអន្តរជាតិ។ លោកថា មកកម្ពុជាលើកនេះលោកនឹងជួបពិភាក្សាការងារ ជាមួយអគ្គលេខាធិការ នៃគណៈកម្មាធិការជាតិអូឡាំពិកកម្ពុជា លោក វ៉ាត់ ចំរើន អំពីការជំរុញ និងគោលបំណងចង់ជួយលើផ្នែកកីឡាមួយចំនួន តាមតែអាចធ្វើទៅបាន។ លោកបន្តថា លោកចង់ឃើញវត្តមានកីឡាករខ្មែរមួយចំនួន កាន់ទង់ជាតិចេញទៅបង្ហាញមុខក្នុងព្រឹត្តិការណ៍ប្រកួតកីឡាអូឡាំពិចអន្តរជាតិ។ ក្នុងរយៈពេល១៥ថ្ងៃ នៃការស្នាក់នៅកម្ពុជា លោកក៏នឹងចុះទៅជួបផ្ទាល់ជាមួយបណ្តាម្ចាស់ក្លឹបក្បាច់គុណខ្មែរនានា ដើម្បីស្វែងរកឱកាសជួយជំរុញឲ្យមានភាពកាន់តែប្រសើរឡើងលើវិស័យកីឡា ពិសេសកីឡាប្រដាល់។ លោកថា ទោះចាកចេញពីកម្ពុជា៤០ឆ្នាំមែន ប៉ុន្តែទឹកចិត្តបេះដូងអារម្មណ៍ សាច់ឈាមនៅតែជាខ្មែរ ដែលចង់ជួយខ្មែរតាមតែអាចជួយទៅបាន ។

គួរបញ្ជាក់ដែរថា លោក ខាន់យ៉ា ប្រាជ្ញ មានអាយុ៥៨ឆ្នាំ មានទឹកដីកំណើតនៅខេត្តបាត់ដំបង។ ក្នុងសម័យសង្គ្រាមលោកបានចេញទៅរស់នៅជំរុំខាវអីដា និងបន្តចេញទៅរស់នៅលើទឹកដី នៃសហរដ្ឋអាមេរិក កាលពីឆ្នាំ១៩៧៩ គ្រាដែលលោកទើបមានវ័យ ១៤ឆ្នាំប៉ុណ្ណោះ។ លោកធ្លាប់ហ្វឹកហាត់ជំនាញក្បាច់គុណល្បុក្កតោ នៅលើទឹកដីនៃខេត្តសៀមរាប គ្រាដែលលោកនៅវ័យ៥ឆ្នាំមកម្ល៉េះ។ នៅសហរដ្ឋអាមេរិក លោកគឺជាវិស្វករសំណង់ និងជាគ្រូបង្វឹកផ្នែកក្បាច់គុណខ្មែរម្នាក់ផងដែរ៕

អតីតគ្រូបង្វឹករបស់ PSG ត្រៀមមកកាន់ការងារជំនួសលោកតា Wenger

ក្រុមកាំភ្លើងធំ Arsenal ត្រៀមតែងតាំងលោក Unai Emery ជាគ្រូបង្វឹកថ្មីរបស់ពួកគេ បន្ទាប់ពីគ្រូបង្វឹកម៉ឺនឆ្នាំរបស់ពួកគេគឺលោក Arsene Wenger បានលាលែងពីតំណែងនាចុងរដូវកាលនេះ ក្រោយដឹកនាំបាន ២០ ឆ្នាំផ្លាយ។

លោក Emery ត្រូវបានចាត់ទុកជាបេក្ខភាពលេចធ្លោមួយរូបក្នុងចំណោមបេក្ខភាពគ្រូបង្វឹកជាច្រើនរូបផ្សេងទៀតដែលត្រូវបានក្រុមកាំភ្លើងធំធ្វើការទាក់ទង ខណៈដែលគ្រូបង្វឹកសញ្ជាតិអេស្ប៉ាញរូបនេះបានទំនេរគ្មានការងារធ្វើ ក្រោយពីចាកចេញពីក្រុមម្ចាស់ជើងឯកលីកកំពូលរបស់បារាំង Paris St-Germain ដែលជាកន្លែងដែលគាត់បានឈ្នះពាន Ligue 1 ចំនួនម្ដង។

ពីមុន Emery គាត់ធ្លាប់ដឹកនាំក្រុម Sevilla ដោយបានជួយឲ្យក្រុមនៃលីកកំពូលរបស់អេស្ប៉ាញមួយនេះឈ្នះពានរង្វាន់ Europa League ដល់ទៅ ៣ រដូវកាលជាប់ៗគ្នា គឺចន្លោះពីឆ្នាំ ២០១៤ ដល់ ២០១៦ ។

Emery បានប្រកាសកាលពីខែមុនរួចហើយថាគាត់នឹងចែកផ្លូវគ្នាជាមួយ PSG នាចុងរដូវកាលនេះ ហើយក៏ជាពេលដែលគាត់អស់កុងត្រាជាមួយក្លិបដែលមានមូលដ្ឋានក្នុងទីក្រុងប៉ារីសនេះផងដែរ។

ក្រៅពីលោក Emery នៅមានបេក្ខភាពគ្រូបង្វឹកមួយចំនួនទៀតដែលត្រូវបានគេផ្សាភ្ជាប់ជាមួយការមកដឹកនាំនៅកីឡដ្ឋាន Emirates ជំនួសលោកតា Wenger ដូចជា ៖ លោក Massimiliano Allegri គ្រូបង្វឹករបស់ក្រុម Juventus, អតីតគ្រូបង្វឹកក្រុមតោខៀវ Chelsea និងក្រុមយក្សស Real Madrid លោក Carlo Ancelotti និងរួមទាំងអតីតកីឡាកររបស់ Arsenal មួយចំនួនផ្សេងទៀតដូចជា ៖ Mikel Arteta, Thierry Henry និង Patrick Vieira ។

Zidane ឆ្លើយតបទៅកាន់សម្ដីរបស់គ្រូ Liverpool វិញឡើងឡូយ

ក្រុមហង្សក្រហម Liverpool នឹងមិនស្រែកឃ្លានជ័យជម្នះនៅក្នុងការប្រកួតពានរង្វាន់ Champions League វគ្គផ្ដាច់ព្រ័ត្រនាថ្ងៃសៅរ៍នេះជាង Real Madrid ទេ។ នេះបើតាមប្រសាសន៍របស់លោក Zinedine Zidane គ្រូបង្វឹករបស់ក្រុមដែលមានរហស្សនាមអធិរាជស។

Real Madrid បានប្រកួតឈ្នះវគ្គផ្ដាច់ព្រ័ត្រនៃពានរង្វាន់ Champions League នេះចំនួន ៣ ដងរួចមកហើយក្នុងរយៈពេល ៤ រដូវកាលចុងក្រោយនេះ ខណៈដែល Liverpool ឯណោះបានជោគជ័យក្នុងពានរង្វាន់ដ៏ធំមួយនេះចុងក្រោយបង្អស់នៅក្នុងឆ្នាំ ២០០៥ ។

លោក Jurgen Klopp អ្នកចាត់ការ ក៏ដូចជាគ្រូបង្វឹករបស់ Liverpool រូបនេះបានថ្លែងថាក្រុមរបស់លោកមានបំណងចង់បំបាក់ Real ដែលបានគ្រងតំណែងពាន Champions League ដល់ទៅ ១២ សម័យកាលតែឯង។តែទោះជាយ៉ាងណា លោក Zidane បានឆ្លើយតបទៅវិញយ៉ាងដូច្នេះថា ៖ “អ្នកមិនអាចនិយាយបានទេថា Liverpool មានការស្រែកឃ្លានចង់ឈ្នះជាងពួកយើង(Real Madrid)។ គ្មាននរណាម្នាក់អាចយកការស្រែកឃ្លាននេះចេញឆ្ងាយពីពួកយើងបានទេ។”

“យើងបានឈានមកដល់វគ្គផ្ដាច់ព្រ័ត្រនេះជាលើកទី ៣ ដែលជាឱកាសសម្រាប់យើងក្នុងការចារកំណត់ត្រាប្រវត្តិសាស្ត្រ។” បុរសសញ្ជាតិបារាំងរូបនេះបានបន្ថែម។គួរបញ្ជាក់ផងដែរថាការប្រកួតវគ្គផ្ដាច់ព្រ័ត្រនៃពានរង្វាន់ Champions League រដូវកាលនេះដែលជាការប៉ះគ្នារវាង Real Madrid ក្រុមរក្សាតំណែងជើងឯក ជាមួយ Liverpool នេះដែរគឺនឹងធ្វើការប្រកួតនារាត្រីថ្ងៃសៅរ៍នេះហើយ។

Real Madrid ចង់ចុះកុងត្រាយកកីឡាករ David Alaba ពីក្លឹប Bayern Munich

ថ្មីៗនេះក្លឹប Real Madrid កំពុងមានចំណាប់អារម្មណ៍ចង់ចុះកុងត្រាយកកីឡាករ David Alaba ពីក្លឹប Bayern Munich នេះបើយោងតាមប្រភពលោក George Alaba ដែលជាឪពុករបស់កីឡាកររូបនេះ ។
កីឡាករ David Alaba អាចលេងបានច្រើនដំណែងក្នុងការប្រកួត ហើយកីឡាកររូបនេះធ្លាប់បានឈ្នះពាន Bundesliga ចំនួន៧ដងមកហើយ ។ David Alaba គឺជាកីឡាករជម្រើសជាតិអូទ្រីស ដែលមកលេងឲ្យក្លឹប Bayern Munich ក្នុងតំណែងជាខ្សែការពារស្លាបឆ្វេង ហើយបានដើរតួជាច្រើនទៀតក្នុងនោះរួមទាំងខ្សែបម្រើកណ្តាល ខ្សែការពារកណ្តាល ស្លាបស្តាំ និងឆ្វេង ផងដែរ ។
យើងក៏បានដឹងហើយថាក្លឹប Real Madrid បានកំពុងព្យាយាមដេញថ្លៃយកកីឡាករល្បីៗជាច្រើនរូបទៀតដែរស្ថិតក្នុងតម្លៃរាប់លានផោន និងកំពុងធ្វើការចចារផងដែរ។

នាគខ្មៅ ឃឹម ឌីម៉ា ត្រូវាបានជ្រើសរើសជាតំណាងក្នុងកម្មវិធីទទួលភ្លើងអទិទេព

ពត៍មានកីឡា ៖ កាលពីពេលថ្មីៗនេះ កីឡាករប្រដាល់គុនខ្មែរ ឃឹម ឌីម៉ា ត្រូវបានជ្រើសរើសជាអត្តពលិកចូលមកទទួលភ្លើងអទិទេពពីព្រះមហាក្សត្រ ក្នុងកម្មវីធីបើកកីឡាជាតិលើកទី២ នៅថ្ងៃទី២៥ ខែឧសភា ឆ្នាំ២០១៨ សប្តាហ៍ក្រោយ ។ ច្បាស់ណាស់កីឡាករ ឃឹម ឌីម៉ា ត្រូវបានជ្រើសរើសជាតំណាងដល់កីឡាករ កីឡាការនីក្នុងការតទទួលភ្លើងអទិទេពពីព្រះមហាក្សត្រ គឺដោយសារតែលោកជាម្ចាស់មេដាយមាសវិញ្ញាសារគុនខ្មែរ ដែលជាមរតកដ៏យូលង់របស់ដូនតាខ្មែរ ។

ក្នុងកម្មវិធីទទួលភ្លើងអទិទេពនេះ ឃឹមឌីម៉ា និងកីឡាករល្បុកតោ ១០រូបទៀតអមដំណើរ ដើម្បីយកមកបន្តឲ្យកីឡាករ កីឡាការនី ផ្សែងទៀត និងសំដៅមកពហុកីឡាដ្ធាន ដើម្បីប្រគល់ដល់សម្តេចតេជោហ៊ុនសែនអុជតំណាងពិធីបើក ។
គួរបញ្ជាក់ថានេះជាលើកទី២ហើយដែលកម្ពុជា ប្រារព្ធកម្មវិធីកីឡាជាតិនេះឡើង ។ ព្រឹត្តិការណ៍នេះប្រារព្ធ២ឆ្នាំម្តង ដើម្បីចម្រាញ់ធនធានកីឡាត្រៀមចូលរួមប្រកួតកីឡាស៊ីហ្គេមនៅឆ្នាំ២០២៣ នាពេលខាងមុខនេះ។