នៅថ្មីៗនេះ​ ក្លឹបបិសាចក្រហម Manchester United​ កំពុងចរចាជាមួយក្លឹប Atletico Madrid ដើម្បីទិញយកខ្សែការពារស្លាបស្ដាំ គី Sime Vrsaljko ក្នុងតម្លៃ 30លានផោន ដេីម្បីជំនួស Antonio Valencia ដែលមានវ័យចំណាស់ទៅហើយ ។

មិនតែប៉ុណ្ណោះលោក Jose Mourinho គ្រូបង្វឹករបស់ Manchester United ក៏កំពុងសម្លឹងឃើញខ្សែការពារកំពូលល្បឿនរបស់ក្លឹប Juventus គី Alex Sandro នៅក្នុងតម្លៃខ្លួន 50លានផោន ស្របពេលដែល Juventus ក៏កំពុងតែចង់បាន ​Matteo Darmian របស់ Manchester United ដូចគ្នា។

បើយោងតាមកាសែត La Stampa បាននិយាយថាក្លឹប Manchester United កំពុងត្រៀមនឹងបញ្ចប់ 50 លានផោនសម្រាប់ Alex Sandro ហើយការបញ្ជាក់ជាផ្លូវការអាចនឹងត្រូវធ្វើឡើងក្នុងរយៈពេលពីរបីថ្ងៃទៀត។

កីឡាៈ សហព័ន្ធ​កីឡា​បាល់ទាត់​អន្តរជាតិ (FIFA) បាន​បង្ហាញ​តារាង​ចំណាត់​ថ្នាក់​​ក្រុម​បាល់ទាត់​ទាំង​អស់​ជា​សមាជិក​របស់​ខ្លួន (FIFA World Ranking) ដែល​មាន ២០៦ប្រទេស ប្រចាំ​ខែឧសភា ​ឆ្នាំ​២០១៧ នៅ​​ថ្ងៃព្រហស្បតិ៍ ​ទី១៧ ខែឧសភា នេះ​ស្រប​ពេល​ក្រុម​កម្ពុជា នៅ​ឈរ​​ចំណាត់​ថ្នាក់​ចំនួន​​លេខ១៧០ ពោល​គឺ​ធ្លាក់​ចំណាត់​ថ្នាក់​២លេខ បើ​ធៀប​ទៅ​នឹង​ខែ​មេសា កន្លង​ទៅ​ឈរ​លេខ​១៦៨។

 យោង​តាម​វេបសាយ​ fifa.com បាន​បញ្ជាក់​ថា​តារាង​ចំណាត់​ថ្នាក់​នេះ​គិត​ចាប់​ពី​​ថ្ងៃ​ទី១៧ ខែឧសភា រហូត​ដល់​ថ្ងៃ​ទី៧ ខែមិថុនា ឆ្នាំ​២០១៨ ខាង​មុខ។ សរុប​​តារាង​ចំណាត់​ថ្នាក់​​ប្រចាំ​​តំបន់​អាស៊ាន ​ប្រទេស​វៀតណាម ឡើង​មក​ឈរ​កំពូល​តារាង៥ខែ​ជាប់គ្នា​ ដោយ​ឈរ​លេខ​១០២​ពិភពលោក បន្ទាប់​ពី​វ៉ាដាច់​ហ្វីលីពីន នៅ​លេខ​១១១ តាម​ពី​ក្រោយ​ក្រុម​ថៃ ឈរ​លេខ​១២២ពិភពលោក, មីយ៉ាន់ម៉ា លេខ​១៣៥, ឥណ្ឌូណេស៊ី លេខ១៦៤, កម្ពុជា លេខ​១៧០, ម៉ាឡេស៊ី លេខ១៧១, សិង្ហបុរី លេខ​១៧៣, ឡាវ លេខ១៧៩, ទីម័រខាងកើត លេខ១៩០ និង​ប្រ៊ុយណេ លេខ​១៩៥។

 បើ​រាល់​តារាង​ចំណាត់​ថ្នាក់​​ក្រុម​ល្អ​ទាំង​១០ ប្រចាំ​ទ្វីប​អាស៊ី ក្នុង​ខែឧសភា នេះ​មានអ៊ីរ៉ង់ ​ឈរ​លេខ៣៦​ពិភពលោក, ​អូស្រ្តាលី លេខ​៤០, ជប៉ុន លេខ​៦០, កូរ៉េខាងត្បូង ​លេខ៦១, អារ៉ាប៊ីសាអ៊ូឌីត លេខ​៦៧, ចិន លេខ​៧៣, គីហ្ស៊ីស្ថាន លេខ​៧៥, ស៊ីរី លេខ៧៦, អារ៉ាប់រួម លេខ​៨១ និងលីប៉ង់ លេខ​៨២ពិភពលោក។

 សម្រាប់​ចំណាត់​ថ្នាក់​ក្រុម​ខ្លាំង​ជាង​គេ​ប្រចាំ​ពិភពលោក​ក្នុង​ខែឧសភា​ នេះ​មាន​អាល្លឺម៉ង់ ឡើងម​ក​ឈរ​ចំណាត់​ថ្នាក់​លេខ១ ចំនួន៩ខែ​ជាប់​គ្នា​ ខណៈ​​ក្រុម​ប្រេស៊ីល បន្ត​​​ឈរ​​លេខ២ ហើយ​ប៊ែលហ្ស៊ិក ​ឈរ​លេខ​៣​, ព័រទុយហ្គាល់ ធ្លាក់​ទៅ​​​លេខ ៤, ប្រទេស​​អាហ្សង់ទីន ឈរ​​លេខ៥, ស្វីស លេខ​៦ បារាំង លេខ៧, អេស្ប៉ាញ លេខ៨, ឈីលី​ ឡើង​មក​​​លេខ ៩ និងប៉ូឡូង ឈរ​ចំណាត់​ថ្នាក់​​​លេខ​១០៕

កាលពីពេលថ្មីកន្លងមកនេះកីឡាករប្រដាល់គុនខ្មែរ សរ សី បានធ្វើឲ្យកក្រើកសង្វៀន MMA ក្នុងការប្រកួតក្បាច់គុនចម្រុះរបស់ស្ថាប័ន ONE Championship ដោយយកឈ្នះកីឡាករ Victorio Senduk ដែរជាម្ចាស់ផ្ទះដោយពិន្ទុ នៅក្នុងទីក្រុង​ហ្សាកាតា នៃប្រទេសឥណ្ឌូណេស៊ី កាលពីថ្ងៃសៅរិ៍ ទី១២ ខែឧសភា ឆ្នាំ២០១៨​ កន្លងមកនេះ ។

ជាការពិតណាស់កីឡាករ សរ សី គីជាកីឡាករប្រដាល់គុនខ្មែរសេរី ដែលធ្លាប់មានកេរ្តី៍ឈ្មោះល្បីផងដែរនៅក្នុងប្រទេសកម្ពុជា​ ។​ ហើយសព្វថ្ងៃនេះលោកបានផ្លាស់ប្ដូរពីអាជីពប្រដាល់សិរី ទៅវៃក្នុងទ្រុងរបស់ស្ថាប័ន ONE Championship ។​​ កីឡាករ សរ​​ សី បានទទួលជ័យជម្នះជាលើកដំបូងនៅក្នុងការប្រកួត ONE Championship ដោយផ្តួលមិត្តរួមជាតិរបស់ខ្លួន គីកីឡាករ ជីម ចិត្រា នៅក្នុងទឹកទី២ ។ ហើយកីឡាកររូបនេះក៏ធ្លាប់យកឈ្នះលើកីឡាករបរទេសជាច្រើនរូបផងដែរ ។

បាត់ដំបង៖ ថ្មីៗនេះអ្នកកំទ្រកីឡាប្រដាល់ជាច្រើនមានការភ្ញាក់ផ្អើលបន្ទាប់ពីដឹងថា កីឡាករដ៏ល្បីរបស់កម្ពុជាគីខ្លាចាស់ នួន​ សូរិយា បានដឹកដៃក្រមុំរូបស្រស់ចូលរោងការ​ នៅថ្ងៃទី១៧ ខែឧសភា ឆ្នាំ២០១៨ ។

ហើយគួរបញ្ជាក់ផងដែរថាថ្ងៃទី១៨ ខែឧសភា ឆ្នាំ២០១៨ នេះវេលាម៉ោង១១ថ្ងៃត្រង់ ជាថ្ងៃទទួលភោជនីអាហារ និងថ្ងៃជោគ ថ្ងៃជ័យ ដល់គូរស្វាមីនេះផងដែរ ។
ពីធីមង្គលនេះនឹងត្រូវប្រាេព្ធធ្វើឡើងនៅគេហដ្ធានខាងស្រី​ ភូមិគារ២ ឃុំគារ ស្រុកមោងឫស្សី ខេត្តបាត់ដំបង ។

 

លោក Ryan Giggs និយាយថាគាត់នឹងគ្មានវត្តមានរបស់កីឡាករ Woodburn & Bale សម្រាប់ការប្រកួតមិត្តភាពជាមួយ Mexico នោះទេ ។
ការប្រកួតមិត្តភាពអន្តរជាតិរវាង Wales និង Mexico នឹងត្រូវរៀបចំឡើងនៅថ្ងៃទី 29 ខែឧសភា ខណៈដែលវគ្គផ្តាច់ព្រ័ត្រនៃក្របខ័ណ្ឌ Champions League នឹងប្រព្រឹត្តទៅនៅថ្ងៃទី 26 ខែឧសភា ។

អ្វីដែលគ្រប់គ្នាដឹងច្បាស់ Gareth Bale បានជួយក្លឹបប្រចាំប្រទេសរបស់ខ្លួនឲ្យទទួលជ័យជំនះជាច្រើនលើកពីមុនមក ប៉ុន្តែវានឹងអាចអវត្តមានកីឡាករ Gareth Bale នៅក្នុងរដូវការនេះ ជាហេតុធ្វើឲ្យប្រទេស wales ពីបាកយកឈ្នះទៅលើ Mexico ។

គួររំលឹកផងដែរថា Gareth Bale ជាកីឡាករដ៏ឆ្នើមដែលលេងឲ្យក្លឹប Real Madrid ហើយមានតួនាទីជាខ្សែប្រយុទ្ធឆ្វេង ហើយលោកបានរកគ្រាប់បាល់ជាច្រើនគ្រាប់ឲ្យក្លឹប Real Madrid ក្នុងការទទួលជ័យជំនះក្នុងការប្រគួតកន្លងមក ជាពិសេសកីឡាកររូបនេះនិងត្រូវលេងឲ្យក្លឹប Real Madrid ក្នុងរដូវការ Champion League ជាមួយនិងក្លឹបហង្សក្រហម Liverpool នៅថ្ងៃទី 26 ខាងមុខនេះ​ ។
ជាមួយគ្នានេះលោក Ryan Giggs បានបញ្ជាក់ទៀតថា ៖ វាពីតជាពិបាកសម្រាប់រូបលោកក្នុងនាមជាអ្នកចាត់ចែងប៉ុន្តែវាក៏ជាការផ្តល់ឱកាសដល់កីឡាករផ្សេងទៀតផងដែរ ៕

 

 

លោក Mohamed Salah គឺជាកីឡាករបាល់ទាត់អេហ្ស៊ីបដែលបានដើរតួជាខ្សែប្រយុទ្ធក្រុមជម្រើសជាតិអេហ្ស៊ីបក៏ដូចជាក្លឹប Liverpool ក្របខ័ណ្ឌ Premier League ផងដែរ ។
Mohamed Salah កើតនៅថ្ងៃទី 15 ខែមិថុនាឆ្នាំ 1992 លោកមានដើមកំណើតនៅ Gharbia ប្រទេសអេហ្ស៊ីបគាត់គឺជាកីឡាករបាល់ទាត់ដ៏មានទេពកោសល្យចាប់តាំងពីកុមារភាពរបស់គាត់។

នៅពេលដំបូង Salah លេងកីឡាបាល់ទាត់គ្រាន់តែជាការសប្បាយ និងសុខភាពតែប៉ុណ្ណោះប៉ុន្តែគាត់បានចាប់ផ្តើមយកវាធ្វើជាអាជីពមួយនៅពេលដែលគាត់បានចូលរួមជាមួយក្លឹបយុវជនក្នុងស្រុក ។ នៅខែឧសភា ឆ្នាំ 2010 នៅអាយុ 18 ឆ្នាំគាត់ត្រូវបានគេទទួលយកជាសមាជិកក្រុមជាន់ខ្ពស់របស់គាត់ ។ ហើយក្រោយមកគាត់បានផ្លាស់ប្តូរទៅកាន់ក្រុមជាន់ខ្ពស់របស់អេស្ប៉ាញក្នុងក្របខ័ណ្ឌអេស្ប៉ាញកាលពីឆ្នាំ 2010 ។ នៅឆ្នាំ 2012 គាត់បានផ្ទេរទៅកាន់ក្លឹបបាល់ទាត់ស្វីស “FC បាស៊ែល។ គាត់ដើរតួនាទីយ៉ាងសំខាន់ក្នុងការទទួលជ័យជម្នះរបស់ Basel ក្នុងពានរង្វាន់ Swiss Championship ឆ្នាំ 2012-13 និងពានរង្វាន់ Uhren ឆ្នាំ 2013​ផងដែរ ។​ នៅខែមករា ឆ្នាំ 2014 គាត់បានផ្លាស់ទៅកាន់ក្លឹប Chelsea ។ បន្ទាប់មកគាត់បានលេងឱ្យក្រុម Roma និង Fiorentina មុនពេលចុះកុងត្រាថ្មីជាមួយនឹង ‘Liverpool’ នៅឆ្នាំ 2017 ។
ក្នុងកំឡុងឆ្នាំ 2018 FIFA World Cup Qualifications គាត់គឺជាអ្នកស៊ុតបញ្ចូលទីច្រើនជាងគេសម្រាប់ក្រុមរបស់គាត់ដោយមានចំនួនប្រាំគ្រាប់ ។

កីឡាៈ សហព័ន្ធកីឡាវាយសីកម្ពុជា បានសម្រេចជាផ្លូវការហើយថា នឹងបន្តរៀបចំការប្រកួតពានរង្វាន់មិត្តភាព កម្ពុជា-ចិន ឲ្យបានជារៀងរាល់ឆ្នាំ ចាប់ពីឆ្នាំ២០១៨តទៅដោយអះអាងថា ព្រឹត្តិការណ៍មិត្តភាពកម្ពុជា-ចិននេះ ផ្តល់ផលចំណេញច្រើន កីឡាករ កីឡាការិនីថ្នាលកម្ពុជាបានឱកាសចូលរួមប្រជែងបញ្ចេញសមត្ថភាព។ ពិសេសព្រឹត្តិការណ៍នេះ ផ្តល់ប្រាក់រង្វាន់ច្រើនដែលទទួលបានការគាំទ្រ ពីយុវជនវាយសីកម្ពុជា។

ឧត្តមសេនីយ៍ទោ ជៀម សុភា អគ្គលេខាធិការរង បានថ្លែងប្រាប់ដូច្នោះ ក្រោយបញ្ចប់ការប្រកូត កីឡាវាយសីដណ្តើមពានរង្វាន់មិត្តភាព កម្ពុជា ចិន នៅព្រឹកថ្ងៃចន្ទ ១៥រោច ខែពិសាខ ឆ្នាំច សំរឹទ្ធិស័ក ព.ស.២៥៦២ ត្រូវនឹងទី១៤ ខែឧសភា ឆ្នាំ២០១៨ នៅសហព័ន្ធកីឡាវាយសីកម្ពុជា។
លោកថា យើងបានកំណត់ហើយថា ចាប់ពីឆ្នាំ២០១៨ តទៅ យើងនឹងរៀបចំការប្រកួត កម្ពុជា ចិន ឲ្យបានរៀងរាល់ឆ្នាំ។ កម្មវិធីល្អណាស់សម្រាប់យើង ព្រោះបា្រក់រង្វាន់ក៏ច្រើន មួយវិញទៀត កីឡាករ ការិនីក្មេងៗរបស់យើង បានឱកាសចូលរួមប្រកួតប្រជែង ហើយពួកគេគាំទ្រខ្លាំងមែនទែន។

អគ្គលេខាធិការរងរូបនេះបន្ថែមថា ក្រៅពីផែនការប្រកួតក្នុងស្រុក ប្រធានសហព័ន្ធកីឡាវាយសីកម្ពុជា លោក លី កុសល់ ក៏មានផែនការបញ្ជូនអត្តពលិកទៅប្រកួត និងហ្វឹកហាត់នៅក្រៅស្រុកជាច្រើនទៀត ដើម្បីសមត្ថភាពកីឡាករការិនីកម្ពុជាឈានទៅរកមេដាយពីការប្រកួតនៅលើឆាកអន្តរជាតិ នាពេលខាងមុខ ពិសេសនោះ ត្រៀមដើម្បីប្រជែងមេដាយពេលកម្ពុជាធ្វើម្ចាស់ផ្ទះស៊ីហ្គេមឆ្នាំ២០២៣។
ការប្រកួតវាយសីពានរង្វាន់មិត្តភាពកម្ពុជា ចិន លើកទី៣ ឆ្នាំ២០១៨ ការប្រកួតកីឡាវាយសី សហព័ន្ធបានដាក់វិញ្ញាសាចំនួន៤ ឲ្យប្រជែង រួមមាន ប្រកួតវាយគូបុរស វាយគូនារី ប្រកួតវាយគូជម្រុះបុរសនារី និងប្រកួតឯកក្តជនបុរសនារី ។ ដោយឡែកកីឡាការ ការិនីសរុប៧០រូប ក្នុងនោះកីឡាករកម្ពុជាមាន២៨៕

បាល់ទាត់ ៖ ក្លិបបាល់ទាត់ភ្នំពេញក្រោន បានសម្រេចបង្កើតកម្មវិធីចែករំលែកបាល់ទាត់ដល់ក្រុមយុវជន ក្រោមអាយុ១៥ឆ្នាំដោយឥតគិតថ្លៃ នៅល្ងាចថ្ងៃអាទិត្យ ទី២០ ខែឧសភា ឆ្នាំ២០១៨ ចុងសប្ដាហ៍នេះ ពោលគឺមុនពេលក្រុមធំរបស់ខ្លួនប្រកួតជាមួយអគ្គស្នងការដ្ឋាននគរបាលជាតិ ក្នុងសប្ដាហ៍ទី៦ នៃពានរង្វាន់លីគកំពូលកម្ពុជា (Metfone Cambodian League 2018)។

យោងតាមការបញ្ជាក់របស់ក្លិបដែលបានសហការជាមួយក្រុមហ៊ុន SCG នឹងរួមគ្នាប្រារព្ធកម្មវិធី Kick & Share ដើម្បីចែករំលែកបទពិសោធន៍ក៏ដូចជាចំណេះដឹងអំពីកីឡាបាល់ទាត់ដល់កុមារា កុមារីនាថ្ងៃទី២០ ខែឧសភា ខាងមុខនេះនៅកីឡដ្ឋាន RSN។ កម្មវិធីនេះនឹងដឹកនាំដោយលោក Luis Fernando Vitorino ដែលជាគ្រូបង្វឹកអ្នកចាំទីក្រុមថ្នាលយុវជនភ្នំពេញក្រោន និងជាអតីតគ្រូបង្គោលអ្នកចាំទីក្រុមជម្រើសជាតិកម្ពុជា ផងដែរ។

កុមារដែលមានអាយុក្រោម១៥ឆ្នាំអាចចូលរួមដោយឥតគិតថ្លៃ។ កម្មវិធីនេះនឹងចាប់ផ្តើមនាវេលាម៉ោង៣ និង៣០នាទីរសៀល រហូតដល់ម៉ោង៦ល្ងាច បន្ទាប់មកអ្នកចូលរួមទាំងអស់អាចបន្តទស្សនាការប្រកួត កំពូលកម្ពុជា រវាងក្រុមភ្នំពេញក្រោន និងក្រុមអគ្គស្នងការដ្ឋាននករបាលជាតិ នៅកីឡដ្ឋាន RSN ដែលនឹងចាប់ផ្តើមនាវេលាម៉ោង៦ល្ងាចតែម្តង។ ចំពោះកីឡាដ្ឋាន RSN មានមូលដ្ឋាននៅលើទឹកដីខណ្ឌទួលគោក ក្នុងរាជធានីភ្នំពេញ ក្បែកាំកូស៊ីធី។

នេះជាសកម្មភាពមួយដែលគេចាត់ទុកថា ដើម្បីទាក់ទាញអ្នកគាំទ្រចូលរួមទស្សនារាល់ការប្រកួតរបស់ក្លិប ឬដើម្បីកំដរក្រសែភ្នែកទស្សនិកជនដែលធ្វើដំណើរមកដល់កីឡាដ្ឋានមុន ដើម្បីទស្សនាការប្រកួតរបស់ក្រុមធំ។ ក្រុមភ្នំពេញក្រោន ធ្លាប់បានរៀបចំចែករំលែកបទពិសោធន៍បាល់ទាត់បែបនេះម្តងរួចមកហើយកាលពីប៉ះក្រុមណាហ្គាវើល ក្នុងសប្ដាហ៍ទី៤កន្លងទៅ៕

ខ្សែការពាររបស់ PSG  Dani Alves បានរងរបួសធ្ងន់អំឡុងការប្រកួតវគ្គផ្តាច់ព្រ័ត្របារាំងនៅពាក់កណ្តាលសប្តាហ៍
សេចក្តីថ្លែងការណ៍មួយបានឲ្យដឹងថាចាប់តាំងពីការរងរបួសជង្គង់ស្តាំរបស់ Daniel Alves ដែលបានកើតឡើងក្នុងវគ្គផ្តាច់ព្រ័ត្រនៃពានរង្វាន់ Coupe de France នោះការធ្វើតេស្តដែលបានធ្វើតាំងពីពេលលោករងរបួសបានបង្ហាញពីការបែកខ្ញែកនៃខ្សែសរសៃ ។ វាត្រូវបានបញ្ជាក់ដោយ ក្លឹប PSG ថា “លក្ខខណ្ឌរបស់គាត់ត្រូវការការថែរក្សាយ៉ាងហោចណាស់បីសប្តាហ៍មុនពេលការវះកាត់ត្រូវបានវាយតម្លៃឡើងវិញ។

ខ្សែការពារស្តាំរបស់ប្រេស៊ីល Dani Alves នឹងខកខានការប្រកួត World Cup ដែលនឹងត្រូវចាប់ផ្ដើមនៅក្នុងពេលដ៏ខ្លីខាងមុខនេះ ។ សហព័ន្ធកីឡាបាល់ទាត់ប្រេស៊ីលបានអះអាងនៅក្នុងសេចក្តីថ្លែងការណ៍មួយថារបួសជង្គង់របស់កីឡាករ Dani Alves គីមិនអាចធ្វើបានការប្រកួតបានោះទេ ៕ សម្រាប់រយៈពេលនៃការរៀបចំការប្រកួតមិត្តភាពនិងលទ្ធផលនៃការប្រកួត World Cup ។

កីឡាករវ័យ 35 ឆ្នាំរូបនេះបានរងរបួសកាលពីថ្ងៃអង្គារនៅក្នុងការប្រកួតវគ្គផ្តាច់ព្រ័ត្រនៃក្របខ័ណ្ឌ French Cup ខណៈពេលលេងឱ្យក្លឹប Paris Saint-Germain ឈ្នោះការប្រកួត 2-0 ។

ហើយការប្រកួតលើកដំបូងរបស់ប្រេស៊ីលនៅក្នុងប្រទេសរុស្ស៊ីនឹងប្រព្រឹត្តទៅនៅថ្ងៃទី 17 ខែមិថុនា ឆ្នាំ2018 ខាងមុខនេះជាមួយនឹងប្រទេសស្វីស។ Dani Alves បានលេងនៅក្នុងការប្រកួត World Cup ពីរលើកមុននិងមានវត្តមាន 107 ប្រកួតសម្រាប់ក្រុមចាប់តាំងពីការបង្ហាញខ្លួនលើកដំបូងរបស់គាត់នៅក្នុងឆ្នាំ 2006 ។

 

យើងសង្គេតឃើញថា Neymar ត្រូវបានផ្អាកការប្រកួតបន្តបន្ទាប់ ក្រោយពីខ្លួនទទួលរងរបួសយ៉ាងធ្ងន់ធ្ងរក្នុងអំឡុងពេលប្រកួតជាមួយក្រុម Troyes ដែលធ្វើឲ្យ Paris បាត់បង់ខ្សែប្រយុទ្ធដ៏ឆ្នើមរបស់ខ្លួន​ ។
​ មុននឹង​ Neymar បានក្លាយជាកីឡាករល្អបំផុតនៅក្នុងចំណោមកីឡាករឆ្នើមលើពិភពលោកគេឃើញ Neymar បានលេងឲ្យក្លឹប Santos និង Bacelona មុននិងរូបលោកមកលេងឲ្យក្លឹប Paris Saint Germain ។ ក្នុងពេលកន្លងមក Neymar ជាកីឡាករដ៏លេចធ្លោវ័យក្មេងនៅក្លឹប Santos ជាកន្លែងដែលគាត់បានចាប់ផ្តើមអាជីពជាលើកដំបូងរបស់គាត់ ចាប់តាំងពីគាត់មានអាយុ 17 ឆ្នាំមកម្លេះ។

Neymar បានជួយអោយក្លឹបឈ្នះពានរង្វាន់ Campeonato Paulista ជាគូប្រជែង Copa do Brasil និងពានរង្វាន់ Copa Libertadores ឆ្នាំ 2011 លើកទី 1 របស់ Santos ចាប់តាំងពីឆ្នាំ 1963 ។
Neymar ត្រូវបានជ្រើសរើសជាកីឡាករបាល់ទាត់ឆ្នើមប្រចាំឆ្នាំរបស់អាមេរិចចំនួនពីរដង ក្នុងឆ្នាំ 2011 និង 2012 មុនពេលផ្លាស់ទៅកាន់អឺរ៉ុបដើម្បីចូលរួមជាមួយក្លឹប Barcelona ដែលជាផ្នែកមួយនៃខ្សែប្រយុទ្ធបីនាក់របស់ Barça រួមមាន Lionel Messi និង Luis Suarez ។

Neymar បានឈ្នះពានរង្វាន់ទ្វីបអាកាសនៃក្របខ័ណ្ឌ La Liga, Copa del Rey និង UEFA Champions League ក្នុងរដូវកាល 2014-15 បន្ទាប់មកប៉ុន្មានឆ្នាំក្រោយដោយការកើនឡើងទ្វេដងនៃក្លឹប Bacelona ធ្វើឲ្យកីឡាកររូបនេះបានផ្លាស់ប្ដូរក្លឹប ។ នៅខែសីហាឆ្នាំ 2017 Neymar បានចាកចេញពីក្លឹប Barcelona ទៅ Paris Saint-Germain ក្នុងកិច្ចព្រមព្រៀងមួយដែលមានតម្លៃ 222 លានអឺរ៉ូដែលធ្វើឱ្យគាត់ក្លាយជាកីឡាករដែលមានតម្លៃថ្លៃជាងគេបំផុតនៅលើពិភពលោកជាមួយនឹងគ្រាប់បាល់ 53 គ្រាប់ក្នុង 83 ប្រកួតសម្រាប់ប្រេស៊ីលចាប់តាំងពីបង្ហាញខ្លួននៅអាយុ 18 ឆ្នាំ Neymar គឺជាអ្នកដ៏ខ្លាំងបំផុតទី 4 សម្រាប់ក្រុមជម្រើសជាតិរបស់គេ​ ។

 Neymarគឺជាកីឡាករសំខាន់ក្នុងការទទួលជ័យជម្នះរបស់ប្រេស៊ីលនៅឯការប្រកួតជើងឯកយុវជនអាមេរិចខាងត្បូងឆ្នាំ 2011 ដែលគាត់បានបញ្ចប់ថាជាអ្នកថែរក្សាគ្រាប់បាល់នាំមុខនិងពានរង្វាន់ FIFA Confederations Cup ឆ្នាំ 2013 ហើយជាកន្លែងដែលគាត់បានឈ្នះពានរង្វាន់ Golden Ball ក្នុងនាមជាកីឡាករនៃការប្រកួត។ ការចូលរួមរបស់គាត់នៅក្នុងការប្រកួត World Cup ឆ្នាំ 2014 និងពានរង្វាន់ឆ្នាំ 2015 Copa Américaត្រូវបានកាត់បន្ថយដោយការរងរបួសនិងការផ្អាករៀងៗខ្លួនប៉ុន្តែនៅឆ្នាំបន្ទាប់គាត់បានដឹកនាំក្រុមប្រេស៊ីលក្នុងការឈ្នះមេដាយមាសអូឡាំពិកលើកដំបូងរបស់ខ្លួននៅក្នុងការប្រកួតបាល់ទាត់បុរសរដូវក្តៅឆ្នាំ 2016 ដោយត្រូវបានគេស្គាល់ថាជាកីឡាករបាល់ទាត់អាជីពពិភពលោក​ ។

Neymar បានទទួលការប្រៀបធៀបទៅនឹងអតីតកីឡាករប្រេស៊ីល និងខ្សែប្រយុទ្ធសញ្ជាតិប្រេស៊ីលPelé។ ក្រៅពីទីលានគាត់បានជាប់ចំណាត់ថ្នាក់ក្នុងចំណោមកីឡាករលេចធ្លោបំផុតរបស់ពិភពលោក។ SportsPro បានដាក់ឈ្មោះគាត់ថាជាអត្តពលិកដែលមានទីផ្សារបំផុតនៅលើពិភពលោកក្នុងឆ្នាំ 2012 និង 2013 ហើយ ESPN បានចាត់ទុកគាត់ថាជាអត្តពលិកដ៏ល្បីល្បាញលំដាប់ទីបួនរបស់ពិភពលោកនៅក្នុងឆ្នាំ 2016 ។
ថ្មីៗនេះកីឡាកររបស់ Brazil រូបនេះ ត្រូវបានក្លឹបកំពូល Real Madrid ចង់ទិញក្នុងតម្លៃខ្លួនដ៏ខ្ពស់បំផុត ដោយលោក Zinedine Zidane​ និងលក់កីឡាករ ៥រូបដើម្បីទីញ Neymar មកលេងឲ្យក្រុមរបស់ខ្លួន ។ក៏ប៉ុន្តែកិច្ចព្រមព្រៀងនេះនៅមិនទាន់សំរេចជាផ្លូវនៅឡើយទេ ៕ សុខនា