ជនកំណាចឃោរឃៅ នៅក្នុងឆ្នាំ២០១៨! ចាប់បង្ខាំងមនុស្សស្រី តែត្រូវ…(ចុចអានបន្ត)

នៅព្រឹថ្ងៃទី១៩ ខែកញ្ញា ឆ្នាំ២០១៨ សមត្ថកិច្ចជំនាញនៃការិយាល័យស្រាវជ្រាវបទល្មើសជួញដូរមនុស្ស កងរាជអាវុធហត្ថរាជធានីភ្នំពេញ បានបញ្ជូនជន

ជនសង្ស័យ ឈ្មោះ ព្រឿង សំអឿន ហៅសេម ភេទប្រុស អាយុ ៣៩ឆ្នាំ ធ្លាប់ជាអណិកជនរស់នៅសហរដ្ឋអាមេរិក អាចចាត់ទុកថាជាជនកំណាចឃោរឃៅម្នាក់នៅកម្ពុជា ប្រចាំឆ្នាំ២០១៨ ដែលគួរឲ្យភ្ញាក់ផ្អើលបំផុត ដោយសមត្ថកិច្ចអាវុធហត្ថរាជធានីភ្នំពេញ ស្រាវជ្រាវឃើញថា ជននេះមានមុខរបរជាគ្រូបង្រៀនលំហាត់ប្រាណ នៅក្នុងក្លឹបស៊ុបភឺហ្វីត បានប្រព្រឹត្តអំពើ បង្ខាំងទុកនារីម្នាក់ ប្រើអំពើហិង្សា និងធ្វើទារុណកម្មផ្លូវភេទ លើជនរងគ្រោះ ឈ្មោះ ម.ហ ភេទស្រី អាយុ ២២ឆ្នាំ ជានិសិត្សឆ្នាំទី២ ព្រមទាំងបានទូរស័ព្ទទៅក្រុមគ្រួសាររបស់ជនរងគ្រោះ ប្រើពាក្យសំដីមិនសមរម្យ ប៉ះពាល់ដល់កិត្តិយសជនរងគ្រោះ និងគម្រាមបង្ហោះវីដេអូរួមភេទជាមួយគ្នាផងដែរ។

ជនសង្ស័យ បានសារភាពឲ្យដឹងថា រូបខ្លួន និងជនរងគ្រោះ បានស្គាលគ្នារយៈពេល ០១ឆ្នាំមកហើយ ពួកគេទាំង ០២នាក់ ស្គាល់ដំបូង គឺជនរងគ្រោះតែងមកហាត់ប្រាណនៅក្នុងក្លឹបស៊ុបភឺហ្វីតរាល់ថ្ងៃ ហើយខ្លួនជាគ្រូបង្រៀនលំហាត់ប្រាណនៅទីនោះ។

ក្រោយពេលពួកគេទាំង ០២នាក់ ស្គាល់គ្នាបានប្រហែល ០៣សប្តាហ៍ ពួកគេទាំង ០២នាក់ បានស្រលាញ់គ្នាជាសង្សារ ហើយតែងតែទូរស័ព្ទណាត់ជួបគ្នា ដើម្បីរូមភេទជាញឹកញាប់ក្នុង ០១សប្តាហ៍ ០២ទៅ ០៣ដង ហើយក្នុងពេលរួមភេទម្តងៗ ជនសង្ស័យខាងលើ តែងតែ ថតជាវីដេអូទុកផងដែរ។ លើកដំបូង ពួកគេរួមភេទ ជាមួយគ្នាក្នុងផ្ទះសំណាក់ម្តុំផ្សារសុវណ្ណា ហើយក្រោយៗមកទៀត ពួកគេបានជួលបន្ទប់ខុនដូរមួយឈ្មោះMHM បន្ទប់លេខ១៦៤ សង្កាត់ទួលទំពូង១ ខណ្ឌចំការមន រាជធានីភ្នំពេញ ដើម្បីណាត់ជួបគ្នារួមភេទ។

តាមការបញ្ជាក់របស់នារីរងគ្រោះបានឲ្យដឹងថា ដំបូងឡើយរូបនាងពិតជាបានស្រឡាញ់ជនសង្ស័យជាសង្សាខ្លាំងណាស់ តែរយៈកាលក្រោយៗមក រូបនាងបែរជាមានការភ័យខ្លាចជាខ្លាំង ព្រោះតែជនសង្ស័យហាក់ដូចជាមនុស្សរោគចិត្ត ត្បិតពេលរួមភេទជាមួយគ្នាម្តងៗ ជនសង្ស័យមិនត្រឹមតែថតវីដេអូទុកប៉ុណ្ណោះទេ រូបគេថែមទាំងប្រើទារុណកម្មឃោរឃៅ ក្នុងពេលរួមភេទ ដូចជា ក្តិច ខ្ញាំ ខាំ ច្របាច់ មួលកដៃនិងវ៉ៃបែកមាត់ លើរូបនាងជាញឹកញាប់ រហូតដល់នាងបែកចិត្តទៅភ្ជាប់ពាក្យជាមួយអ្នកថ្មី។ ក្រោយពេលជនសង្ស័យ បានដឹងថានាងមានគូរដណ្តឹង ជនសង្ស័យក៏បានប្រើហឹង្សាលើរូបនាងចំនួន០៦ដង និង គម្រាមបង្ហោះវីដេអូរួមភេទជាមួយគ្នាផងដែរ។

នៅថ្ងៃទី១៥ ខែកញ្ញា ឆ្នាំ២០១៨ ខណៈពេលដែលនារីរងគ្រោះនិងជនសង្ស័យនៅជាមួយគ្នា ស្រាប់តែគូដណ្តឹងនារីរងគ្រោះ បានឆាតមក ក៏ត្រូវជនសង្ស័យឆែកឃើញ បណ្តាលឲ្យមានការឈ្លោះប្រកែកគ្នា ហើយជនសង្ស័យបានឆាតទៅគម្រាម គូរដណ្តឹងនារីរងគ្រោះ ឲ្យឈប់ទាក់ទងនាងជាបន្ទាន់ បើមិនដូច្នោះទេរូបគេនឹងធ្វើអ្វីមួយ ចំពោះគូរដណ្តឹងនារីរងគ្រោះជាក់ជាមិនខាន ហើយបន្ទាប់មក ជនសង្ស័យបានបង្ខាំងនារីរងគ្រោះទុកក្នុងបន្ទប់ខុនដូមិនឲ្យចេញទៅណា ព្រមទាំងបានចាប់បោចសក់ និងរុញផ្ទប់ នារីរងគ្រោះទៅនឹងជញ្ជាំង ហើយបានខាំទៅលើជនរងគ្រោះ០២កន្លែង គឺដៃ ០១កន្លែង និងខាំកំប៉េះគូថ ០១កន្លែង

បន្ទាប់មកជនសង្ស័យបានកាត់ក្រណាត់អាវយឺតជាកង់ៗ បំរុងយកមក ចងដៃ ចងជើងនាង តែដោយសារនារីរងគ្រោះអង្វរពេក ទើបរូបគេមិនបានចង ហើយក៏បង្ខំនារីរងគ្រោះឲ្យទូរស័ព្ទទៅនិយាយជាមួយគូរដណ្តឹង ថាពួកគេទាំង ០២នាក់ រស់នៅជាមួយគ្នាជារៀងរាល់ថ្ងៃ បើនាងមិនទូរស័ព្ទទៅទេ ជនសង្ស័យគំរាមថានឹងយកកន្ត្រៃមកកាត់សក់ចេញឲ្យអស់ ហើយសម្លាប់ចោលតែម្តង ទើបនារីរងគ្រោះបង្ខំចិត្តទូរស័ព្ទទៅគូរដណ្តឹង និយាយតាមការគម្រាមរបស់ជនសង្ស័យ ហើយ ជនសង្ស័យបានបង្ខាំងនាងទុកនៅក្នុងបន្ទប់ខុដូ និងយកកាំបិតចុងស្រួច សស្ញាចមួយ គម្រាមនាងមិនឲ្យចេញទៅណាជាដាច់ខាត។

លុះដល់ថ្ងៃទី១៦ ខែកញ្ញា ឆ្នាំ២០១៨ ម្តាយមីងរបស់នារីរងគ្រោះ បានបាត់ដំណឹងក្មួយស្រីពេញមួយយប់ ក៏បានដាក់ពាក្យបណ្តឹងមកកាន់បញ្ជាការដ្ឋានកងរាជអាវុធហត្ថរាជធានីភ្នំពេញឲ្យជួយស្រាវជ្រាវ រហូតឈានទៅដល់រកឃើញទីតាំងបង្ខាំងទុកផ្ទាល់ ដោយមានការសហការណ៍ជាមួយសមត្ថកិច្ចអាវុធហត្ថខណ្ឌចំការមន។

ពេលដែលសមត្ថកិច្ចអាវុធហត្ថចុះទៅដល់ ជនសង្ស័យមិនព្រមបើកទ្វារនោះទេ ថែមទាំងគម្រាមសមត្ថកិច្ចថារូបគេនឹងសម្លាប់នារីរងគ្រោះចោលក្នុងបន្ទប់ទៀតផង បន្ទាប់មកជនសង្ស័យបានយក ស្ព្រាយបាញ់ទៅលើទ្វារកញ្ចក់ មិនឲ្យសមត្ថកិច្ចមើលឃើញដល់ក្នុងបន្ទប់ បម្រុងរត់គេចខ្លួន តែមិនអាចចេញទៅណារួច ក៏ត្រូវបានកម្លាំងសមត្ថកិច្ចអាវុធហត្ថទម្លាយទ្វារចូលទៅឃាត់ខ្លួន និងរំដោះជនរងគ្រោះបានតែម្តង។

បន្ថែមពីលើនេះទៅទៀត តាមការធ្វើតេស្តទឹកនោមរបស់ជនសង្ស័យ សមត្ថកិច្ចអាវុធហត្ថរាជធានីភ្នំពេញ បានរកឃើញថា ជនសង្ស័យដែលជាមនុស្សកំណាចឃោរឃៅម្នាក់នេះ មានជាប់សារធាតុញៀនផងដែរ៕

ប្រភព៖ Phnom Penh Gendarmerie

អបអរសាទ!!! លោកនាយកសាលាវិទ្យាល័យព្រះស៊ីសុវត្ថិ បានបន្តតួនាទី ជានាយកសាលាដដែល ពីរដ្ឋមន្ត្រី

ការសម្រេចនេះ ធ្វើឡើងបន្ទាប់ពីឯកឧត្តមរដ្ឋមន្ត្រី សម្រេចឲ្យមានការបោះឆ្នោតពីលោកគ្រូ -អ្នកគ្រូបង្រៀននៅវិទ្យាល័យព្រះស៊ីសុវត្ថិនេះ ដោយទទួលបានសំឡេងគាំទ្រ៩៧សំឡេង និងសំឡេងមិនគាំទ្រ៥៤ សំឡេង ។ តាមរយៈសំឡេងគាំទ្រច្រើននេះ ទើបឯកឧត្តម ហង់ ជួន ណារ៉ុន សម្រេចឲ្យលោក មូល ស៊ុយហេង បន្តធ្វើនាយកវិទ្យាល័យវិញ។

ក្រោយពីការតវ៉ារបស់លោកគ្រូ អ្នកគ្រូ និងសិស្សមួយចំនួននៅវិទ្យាល័យព្រះស៊ីសុវត្ថិ មានប្រសិទ្ធភាព ដោយនៅថ្ងៃទី២០ ខែកញ្ញា នេះ កិច្ចប្រជុំមួយដែលដឹកនាំដោយលោករដ្ឋមន្ត្រីអប់រំ យុវជន និងកីឡា ឯកឧត្តម ហង់ ជួន ណារ៉ុន បានសម្រេចឲ្យលោក មូល ស៊ុយហេង បន្តតួនាទី ជានាយកសាលាដដែល។

ក្រោយចំណាយពេលមួយព្រឹក រដ្ឋមន្ត្រីក្រសួងអប់រំ បានដោះស្រាយការទាមទាររបស់គ្រូបង្រៀននៅវិទ្យាល័យព្រះស៊ីសុវត្ថិនេះ បានមួយករណីប៉ុណ្ណោះ។ ចំណែកករណីដែលគ្រូបង្រៀន និងសិស្ស ទាមទារឲ្យដកសាលាជំនាន់ថ្មី ចេញពីវិទ្យាល័យស៊ីសុវត្ថិនេះ មិនទាន់មានដំណោះស្រាយនៅឡើយទេ ដោយលោក ហង់ ជួន ណារ៉ុន សម្រេចលើកយកទៅដោះស្រាយនៅពេលក្រោយ។

តែយ៉ាងណាលោកគ្រូ និងអ្នកគ្រូបង្រៀននៅវិទ្យាល័យព្រះស៊ីសុវត្ថិ នឹងបន្តដាក់ញត្តិទៅក្រសួងអប់រំ ដើម្បីទាមទារឲ្យមានការដោះស្រាយលើករណីសាលាជំនាន់ថ្មីនេះ។

កន្លងមកអ្នកនាំពាក្យក្រសួងអប់រំលោក ឌី ខាំបូលី បានប្រាប់សារព័ត៌មានថ្មីៗថា ក្រសួងដកតំណែងលោក មូល ស៊ុយហេង ចេញពីនាយកវិទ្យាល័យព្រះស៊ីសុវត្ថិនេះ ក្នុងគោលបំណងផ្ទេររូបគាត់ទៅនាយកដ្ឋាននៃក្រសួងអប់រំ។ អ្នកនាំពាក្យរូបនេះ បានបញ្ជាក់ថា ៖«មិនមែនជាការដកតំណែងនាយកសាលានោះទេ តាមពិត ជាការផ្ទេរភារកិច្ចរបស់នាយកសាលា គឺផ្ទេរភារកិច្ចពីវិទ្យាល័យព្រះស៊ីសុវត្ថិ មកនាយកដ្ឋានមធ្យមសិក្សាចំណេះទូទៅ និងបច្ចេកទេស។ ការផ្ទេរនេះ ដោយសារតែគាត់ (មូល ស៊ុយហេង) ធ្វើនៅទីនោះយូរហើយ ហើយមានបទពិសោធន៍ចាស់ទុំ អាចមកជួយការងារនៅនាយកដ្ឋានបាន»៕ ប្រភពDAP

ក្រុមការងារចុះត្រួតពិនិត្យសំណង់ និងការរៀបចំអាងព្រឹត្តកម្មទឹកកខ្វក់ អាងបង្គន់អនាម័យ និងប្រព័ន្ធលូ សម្រាប់ការអភិវឌ្ឍដីនិងសំណង់ នៅតំបន់ឆ្នេរសមុទ្រកម្ពុជាខេត្តព្រះសីហនុ

ខេត្តព្រះសីហនុ៖ កាលពីថ្ងៃទី ១៩ ខែកញ្ញា ឆ្នាំ២០១៨ម្សិលមិញនេះ ក្រុមការងារចុះត្រួតពិនិត្យសំណង់ និងការរៀបចំអាងព្រឹត្តកម្មទឹកកខ្វក់ អាងបង្គន់អនាម័យ និងប្រព័ន្ធលូ សម្រាប់ការអភិវឌ្ឍដីនិងសំណង់ នៅតំបន់ឆ្នេរសមុទ្រកម្ពុជាខេត្តព្រះសីហនុ ។

កាចុះត្រួតពិនិត្យនេះដឹកនាំដោយ ឯកឧត្តមបណ្ឌិត ប៉ែន សុផល រដ្ឋលេខាធិការក្រសួង ដ.ន.ស និងជាអគ្គលេខាធិការ គ.អ.ឆ.ក ដោយមានការចូលរួមពីឯកឧត្តម យស់ ឆោមណារ៉ាឌី អនុរដ្ឋលេខាធិការ ឯកឧត្តម ម៉ៅ ក្រឹង អគ្គលេខាធិការរង គ.អ.ឆ.ក លោក រ៉ឺយ ង៉ា ប្រធានផ្នែក ដ.ន លោកទូច ហួសេង និងមានកិច្ចសហការពីឯកឧត្តម ជាវ វិជ្ធៈ អភិបាលរងខេត្ត លោក ចេង ស្រុង ប្រធានមន្ទីរ ដ.ន.ស.សខេត្

ត លោក មិន ម៉ន ប្រធានការិយាល័យ ដ.ន.ស.ភ ក្រុង មន្ទីរសាធារណៈការនិងដឹកជញ្ជូន មន្ទីរបរិស្ថាន មន្ទីរធនធានទឹក និងសាលាក្រុងព្រះសីហនុ បានចុះត្រួតពិនិត្យសំណង់អគារចំនួួន៧ និង ទីតាំងចាក់ដីចូលដីចំណីឆ្នេរចំនួន២គឺ ព្រែកអូរត្រេះ និង ឆ្នេរអូរឈើទាល ក្រុងព្រះសីហនុ ខេត្តព្រះសីហនុ។

ក្នុងនោះក្រុមការងារ ក៏ចុះពិនិត្យវឌ្ឍនភាពការងារកាយដីចេញនៅឆ្នេរព្រែកត្រែង ស្រុកស្ទឹងហាវ ខេត្តព្រះសីហនុ។

ដោយ៖ SVD

សាទរ.! បន្ទាប់ពី ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ចុះត្រួតពិនិត្យការចាក់ដីរំលោភឆ្នេរសមុទ្រចំណុចព្រែកត្រែងរួចមក ឆ្នេរដ៍ស្រស់ស្អាតមួយនេះ វិលទៅរកសភាពដើមវិញហើយ

ខេត្តព្រះសីហនុ៖ អបអរសាទរ បន្ទាប់ពី ឯកឧត្តមឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានចុះត្រួតពិនិត្យការចាក់ដីរំលោភឆ្នេរសមុទ្រចំណុចព្រែកត្រែងរួចមក ការប្រើកណ្តាប់ដៃដែក “ ហ៊ានថា ហ៊ានធ្វើ ទោះអ្នកឯង ដុះចង្កូមលើក្បាលក៍មិនខ្លាចដែរ ” កាលពីលោកទេីបនឹងឡេីងកាន់តំណែងដំបូងនៅក្រសួងរៀបចំដែនដី នគរូបនីយកម្ម និងសំណង់ ដោយសន្យាថានឹងលប់បំបាត់ទំនាស់ដីធ្លី ការរំលោភដីប្រជាជនពីសំណាក់អ្នកមានអំណាច និងលុយធំៗ ការរំលោភបំពានទ្រព្យសម្បត្តិរដ្ឋ និងទីសាធារណផ្សេងៗ បេីទោះបីជាមិនបានទាំងស្រុង ក៍នឹងធ្វេីឲ្យអស់គ្មានថ្ងៃឈប់ដែរ។

ឥឡូវទង្វេីនេះនៅតែសបបញ្ជាក់ពីការគិតគូរ យកចិត្តទុកដាក់ តាមដាន គ្មានបំភ្លេចសោះឡេីយ។

ដោយខិតខំយកចិត្តទុកដាក់តាមការបញ្ជារផ្ទាល់ពីសម្តេចតេជោ នាយករដ្ឋមន្ត្រី បានចុះពិនិត្យសកម្មភាពចាក់ដីរំលោភចូលឆ្នេរសមុទ្រ នៅចំណុចឆ្នេរព្រែកត្រែង ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ ដើម្បីឲ្យកាយដីនោះចេញវិញភ្លាមៗ ដោយធ្វើយ៉ាងណាឱ្យឆ្នេរធម្មជាតិនេះ ឱ្យនៅដូចដើម។

គួរំលឹកផងដែរថា កាលពីថ្ងៃទី១៨ ខែកញ្ញា ឆ្នាំ២០១៨ ក្រុមហ៊ុនដែលបានចាក់ដីលប់ឆ្នេរព្រែកត្រែង នៅខេត្តព្រះសីហនុ គឺជាក្រុមហ៊ុនឯកជន ដែលតាមដំណឹងប្រហែលជារបស់ លោកស្រី ជឹង សុភាព ហៅយាយភូ បានធ្វើសកម្មភាពចាក់ដីរំលោភចូលឆ្នេរសមុទ្រ នៅចំណុចឆ្នេរព្រែកត្រែង ភូមិ៤ ឃុំអូរត្រេះ ស្រុកស្ទឹងហាវ ខេត្តព្រះសីហនុ ។

គួរបញ្ជាក់ផងដែរថា មកទល់នឹងពេលនេះ ក្រុមហ៊ុននេះបានធ្វើសកម្មភាពកាយដីចេញដើម្បីឲ្យឆ្នេរដ៍ស្រស់ស្អាតមួយនេះ វិលទៅរកសភាពដើមវិញ ព្រមគ្នានេះមានការអបអរសាទរយ៉ាងច្រើនពីប្រជាពលរដ្ឋថែមទៀតផង ៕

ដោយ៖ SVD

ហេតុអ្វីចាំបាច់ប្រឆាំងតវ៉ាសាលារៀនជំនាន់ថ្មី -New Generation School ?

យោងតាមស្ថិតិនៃការប្រលងបានបង្ហាញឲ្យឃើញថា លទ្ធផលប្រលងបាក់ឌុបកន្លងទៅរវាងសិស្សដែលរៀនតាមកម្មវិធីសិក្សាចាស់ និងសិស្សរៀនតាមកម្មវិធីសិក្សាថ្មីនេះមានការខុសគ្នាច្រើន ពោលសិស្សរៀនតាមកម្មវិធីសិក្សាថ្មីមានអត្រាជាប់ខ្ពស់ជាងសិស្សរៀនតាមកម្មវិធីសិក្សាចាស់។ ការអនុវត្តន៍កម្មវិធីសិក្សាថ្មីនេះ បានធ្វើឲ្យមានការពេញចិត្តពេញថ្លើមខ្លាំងពីសិស្ស និងអាណាព្យាបាលផងដែរ ដោយបានធ្វើឲ្យចំណេះដឹងទទួលបានមានភាពល្អប្រសើរខ្លាំងបើធៀបជាមួយកម្មវិធីសិក្សាចាស់។

ពាក់ព័ន្ធនឹងការបង់វិភាគទានទ្រទ្រង់ការអនុវត្តន៍កម្មវិធីសិក្សាថ្មីប្រមាណ ៣០០ដុល្លារក្នុងមួយឆ្នាំនោះ ត្រូវបានអាណាព្យាបាលមួយចំនួនលើកឡើងថា ចំនួននេះមិនច្រើននោះទេ បើធៀបជាមួយការសិក្សាក្នុងកម្មវិធីសិក្សាចាស់ ព្រោះថាកម្មវិធីសិក្សាចាស់បើមិនបង់លុយប្រចាំតែសិស្សត្រូវចំណាយច្រើនលើការសិក្សាក្រៅម៉ោង និងទិញឯកសារផ្សេងៗ។

តាមការសាកសួរទាំងសិស្ស និងអាណាព្យាបាលបានបង្ហាញថា សាលាជំនាន់ថ្មី ជាកម្មវិធីសិក្សាថ្មីមួយប្រកបដោយភាពល្អប្រសើរក្រោមការប្រឹងប្រែងធ្វើកំណែទម្រង់របស់ក្រសួងអប់រំ ដើម្បីឆ្ពោះទៅរកប្រព័ន្ធអប់រំមួយប្រកបដោយគុណភាព។ តែហេតុអ្វីបានជាគ្រូៗមួយចំនួននៅក្នុងវិទ្យាល័យព្រះស៊ីសុវត្ថិនាំគ្នាមិនពេញចិត្តលើកម្មវិធីអប់រំនេះ ហើយព្យាយាមសាបព្រោះពាក្យអកុសលថា បង្កេីតសាលាក្នុងសាលាទៅវិញ ចំណែកមតិមហាជនដែលប្រេីប្រាស់បណ្តាញហ្វេសបុកមួយចំនួយយល់ច្រលំថាដូរសាលារដ្ឋទៅធ្វើជាសាលាឯកជន ឫលក់ឲ្យសាលាឯកជនទៅវិញ? ចំពោះការ comments និង post មួយចំនួនដែលសាបព្រោះ និងបង្កេីតពាក្យថ្មីៗមិនសមស្របខ្លះដោយហេតុថាពួកគាត់មិនបានដឹង និងយល់អ្វីទាល់តែសោះអំពីគោលនយោបាយសាលារៀនជំនាន់ថ្មីដោយគ្រាន់តែផ្តោតលេីនិន្នាការប្រឆាំង និងឃេីញតាមគ្នាខ្លះប៉ុណ្ណោះ។

មានការលើកឡើងថា ការតវ៉ាទាំងនេះធ្វើឡើងដើម្បីប្រយោជន៍សួនតួជាជាងប្រយោជន៍រួមរបស់ជាតិ ដោយហេតុថា កម្មវិធីសិក្សាថ្មីនេះ នឹងធ្វើឲ្យគ្រូៗបាត់បង់ចំណូលប្រចាំថ្ងៃរបស់ខ្លួនតាមរយៈការបង្រៀនក្រៅម៉ោង ក៏ដូចជាការលក់ឯកសារនានាទៅឲ្យសិស្សជាដើម។ ម្យ៉ាងទៀតតាមរយះការ live video ព័ត៌មាននៅថ្ងៃកេីតហេតុឃេីញថាសិស្សខ្លះបារម្ភចំពោះការរៀនសូត្រតាមបែបសាលាជំនាន់ថ្មីនេះតឹងរឹង និងតម្រូវឲ្យរៀនច្រេីនដែលគាត់មិនអាចរៀនតាមគេទាន់ ឫពិបាកយកពិន្ទុល្អ។

ដើម្បីធ្វើឲ្យការអនុវត្តកម្មវិធីសិក្សាសាលារៀនជំនាន់ថ្មីនេះទទួលបានជោគជ័យ នៅឆ្នាំ២០១៦កន្លងទៅនេះ ក្រសួងអប់រំ បានដាក់ចេញគោលនយោបាយស្តីពីសាលារៀនជំនាន់ថ្មីនេះផងដែរ។ ក្នុងគោលនយោបាយនេះ បានដាក់ចេញនូវចំណុចជាច្រើន ដើម្បីធានាផ្តល់នូវការអប់រំមួយប្រកបដោយគុណភាព និងប្រសិទ្ធភាពខ្ពស់។

មួយវិញទៀតជាមោទនាភាពដែល

អង្គការ ISO បានធ្វើសំរង់អំពីចំនួនវិញ្ញាបន័បត្រ័ ISO 9001 Quality Management Systems ដែលប្រទេសក្នុងលោកមាន ក្នុងឆ្នាំ 2017។

នេះជាសំរង់តែប្រទេសអាស៊ាននិងមហាអំណាចខ្លះដើម្បីឱ្យដឹងថាតើកម្ពុជាយើងមានកំរិតណា មានកម្លាំងប៉ុនណា ក្នុង សហគមទីផ្សារអន្តរជាតិនេះ

.ប្រុយណេមាន 109,

.កម្ពុជាមាន 156,

.Indonesie មាន 7287,

.Lao មាន 31,

.Malaysia មាន 10380,

.Myanmar មាន 163,

.Philippines មាន 3874,

.Singapore មាន 3704,

.Thailand មាន 9088,

.Vietnam មាន 3897,

.China មាន 393008,

.France មាន 21808,

.Japan មាន 45030,

.USA មាន 25087.

សរុបក្នុងលោក 1055891.

lokkrou1@gmail.com

ខាងក្រោមនេះគឺជាខ្លឹមសារទាំងស្រុងនៃគោលនយោបាយស្តីពីសាលារៀនជំនាន់ថ្មី ៖

តើសាលារៀនជំនាន់ថ្មី NGS មានអត្ថប្រយោជន៍អ្វីខ្លះ ទៅការសិក្សារជំនាន់ថ្មី ហេតុអ្វីមានអ្នកគាំទ្រ និង មិនមានអ្នកគាំទ្រ ទៅលើចណាត់ការរបស់ក្រសួងអប់រំ

(ភ្នំពេញ) តើអ្វីទៅជាសាលារៀនជំនាន់ថ្មី NGS? សាលារៀនជំនាន់ថ្មី គឺជាកម្មវិធីកំណែទម្រង់ប្រព័ន្ធអប់រំរបស់រាជរដ្ឋាភិបាលកម្ពុជាដែលជាមាគ៌ាអភិវឌ្ឍថ្មីមួយនៅក្នុងប្រព័ន្ធអប់រំនាពេលបច្ចុប្បន្នដែលជួយបង្កើតសាលារៀនសាធារណៈស្វយ័ត។

ការងឿងឆ្ងល់ និងភ្ញាក់ផ្អើលនេះ បានកើតឡើងក្រោយពេលគ្រូៗបង្រៀននៅសាលាព្រះស៊ីសុវត្ថិ និងសិស្សមួយចំនួននៅថ្ងៃទី១៨ និង១៩ ខែកញ្ញា ឆ្នាំ២០១៨នេះ បាននាំគ្នាចេញមកលើកបដាតវ៉ាជាបន្តបន្ទាប់ ដោយមិនចង់ឲ្យមានកម្មវិធី «សាលាជំនាន់ថ្មី NGS» នៅក្នុងសាលាព្រះស៊ីសុវត្ថិ ក្រោមហេតុផលថាកម្មវិធីនេះនាំឲ្យមានការបែងចែករវាងគ្រូ និងគ្រូ សិស្ស និងសិស្ស។

ក្នុងរយៈពេលពីរថ្ងៃនេះប្រជាពលរដ្ឋខ្មែរកំពុងមានការភ្ញាក់ផ្អើល និងចាប់អារម្មណ៍យ៉ាងខ្លាំងចំពោះពាក្យថា «សាលារៀនជំនាន់ថ្មី NGS» ហើយក៏កំពុងតែងឿងឆ្ងល់ផងដែរថាតើអ្វីទៅជាសាលារៀនជំនាន់ថ្មី NGS?

គំនិតសម្រាប់ការធ្វើកំណែទម្រង់ប្រព័ន្ធអប់រំត្រូវផ្តួចផ្តើមឡើងដំបូងដោយអង្គការ KAPE ដែលជាអង្គការក្នុងស្រុកធំបំផុតផ្តោតសំខាន់ទៅលើវិស័យអប់រំនៅកម្ពុជា ហើយក្រោយមកអង្គការនេះត្រូវបានអនុម័ត និងត្រូវបានឧបត្ថម្ភថវិកាដោយក្រសួងអប់រំ យុវជន និងកីឡា។ កម្មវិធីសាកល្បងរបស់ពួកគេដែលជាគំនិតផ្តួចផ្តើមសាលា Beacon ត្រូវបានស្ថាបនាឡើងនៅឆ្នាំ២០១៤ នៅខេត្តកំពង់ចាម ហើយនៅពេលដែលកម្មវិធីមានការពង្រីកធំទៅៗ សាលានេះក៏ក្លាយជាសាលារៀនជំនាន់ថ្មីនេះឯង។

គោលបំណងរបស់សាលារៀនជំនាន់ថ្មី គឺការបង្កើតសាលារដ្ឋដែលរក្សាបានស្តង់ដារនៃការអប់រំបានខ្ពង់ខ្ពស់បំផុតតាមរយៈការវិនិយោគថវិកាច្រើន និងផ្តោតទៅលើការពង្រឹងតម្លាភាព និងទទួលខុសត្រូវដោយការផ្លាស់ប្តូរវិធីគ្រប់គ្រងសាលា។ នេះគឺជាការខុសប្លែកពីវិធីសាស្ត្រប្រពៃណីរបស់រដ្ឋាភិបាលដែលរមែងតែងតែបែងចែកមូលនិធិស្មើៗគ្នាទាំងអស់។

ប្រសិនបើមិនមានការទទួលខុសត្រូវក្នុងការគ្រប់គ្រងសាលារៀនទេនោះ សម្ភារៈបរិក្ខារដូចជាបន្ទប់ពិសោធវិទ្យាសាស្ដ្រនឹងមិនត្រូវបានប្រើប្រាស់ឲ្យអស់ពីសមត្ថភាពទេពីព្រោះគ្រូបង្រៀនរវល់តែស្វិតស្វាញក្នុងការបង្រៀនគួរយកលុយក្រៅម៉ោងវិញ និងមានភាពលម្អៀងទៅលើសិស្សរៀនគួរជាងសិស្សដែលមិនមានលុយរៀនគួរ។

សាលារៀនជំនាន់ថ្មីព្យាយាមដោះស្រាយបញ្ហានេះដោយការលុបបំបាត់ការអនុវត្តបែបនេះទាំងស្រុង។ គ្រូបង្រៀនត្រូវបានជ្រើសរើសយ៉ាងល្អិតល្អន់ និងទទួលបានអត្ថប្រយោជន៍ជាច្រើនដូចជាការផ្តល់អាហារូបករណ៍ដើម្បីពង្រឹងគុណធម៌ក្នុងការបង្រៀន និងសុចរិតភាព។ គេបានសង្កេតឃើញថា នៅក្នុងបរិយាកាសថ្មីនេះគ្រូបង្រៀនលែងមានការប្រកួតប្រជែងជាមួយគ្នាដើម្បីទាក់ទាញអតិថិជនដែលជាសិស្សនោះទេ ហើយវាធ្វើឲ្យការពង្រឹងគុណភាពនេះប្រព្រឹត្តទៅដោយរលូន។

អ្នកនាំពាក្យក្រសួងអប់រំ យុវជន និងកីឡា លោក ឌី ខាំបូលី បានដឹងថា នៅថ្ងៃទី១៩ ខែកញ្ញា ឆ្នាំ២០១៨នេះថា សាលារៀនជំនាន់ថ្មី គឺជាកម្មវិធីសិក្សាថ្មីមួយដែលក្រសួងអប់រំបានដាក់ឲ្យអនុវត្តន៍ក្នុងដំណាក់កាលសាកល្បងនៅឆ្នាំ២០១៥។ ការអនុវត្តន៍នេះ គឺធ្វើទាំងថ្នាក់បឋម និងថ្នាក់មធ្យមសិក្សាផងដែរ ក្នុងបំណងធ្វើឲ្យការអប់រំនៅកម្ពុជាកាន់តែល្អប្រសើរ ដូចទៅនឹងប្រទេសមួយចំនួននៅក្នុងតំបន់ និងលើពិភពលោក។

បើតាមលោក ឌី ខាំបូលី បច្ចុប្បន្នមានសាលាចំនួន១០ហើយ កំពុងដាក់ឲ្យអនុវត្តកម្មវិធីសិក្សាសាលារៀនជំនាន់ថ្មីនេះ។ ក្នុងនោះសាលាបឋមសិក្សាមានចំនួន៤ និងសាលាមធ្យមសិក្សាមានចំនួន៦។ សាលាទាំងនោះរួមមាន៖ វិទ្យាល័យព្រះស៊ីសុវត្ថិ វិទ្យាល័យហ៊ុនសែនកំពង់ចាម វិទ្យាល័យព្រែកលៀប វិទ្យាល័យសម្តេចជាស៊ីព្រែកអញ្ចាញ វិទ្យាល័យហ៊ុនសែនពាមជីកង អនុវិទ្យាល័យគោកព្រីង សាលាបឋមសិក្សាហ៊ុនសែនកំពង់ចាម សាលាបឋមសិក្សាព្រះរាជអគ្គមហេសី សាលាបឋមសិក្សាអង្គរបាន និងសាលាបឋមសិក្សាព្រហូត។

អ្នកនាំពាក្យរូបនេះ ក៏បានអះអាងដែរថា កម្មវិធីសិក្សាសាលារៀនជំនាន់ថ្មី ត្រូវបានយកចិត្តទុកដាក់ខ្ពស់លើការបញ្ចូលប្រព័ន្ធបច្ចេកវិទ្យាទៅក្នុងការអប់រំទាំងអ្នករៀន និងអ្នកបង្រៀន ព្រមទាំងបំពាក់ឧបករណ៍សិក្សាសម្បូរបែបផងដែរ។ ជាពិសេសម៉ោងសិក្សាមានច្រើនជាងកម្មវិធីសិក្សាចាស់។

អ្វីដែលនាំឲ្យមានការចាប់អារម្មណ៍ខ្ពស់នោះ កម្មវិធីសិក្សាសាលារៀនជំនាន់ថ្មី បានយកចិត្តទុកដាក់ខ្ពស់លើការលុបបំបាត់ការរៀនក្រៅម៉ោង ឬហៅថារៀនគួរ និងការលក់ឯកសារផ្សេងៗ ដែលនាំឲ្យសិស្សចំណាយក្រៅផ្លូវការលើការសិក្សារបស់ពួកគេ។

អ្នកនាំពាក្យក្រសួងអប់រំ យុវជន និងកីឡា ក៏បានឆ្លើយតបនឹងការលើកឡើងថា កម្មវិធីថ្មីនេះតម្រូវឲ្យបង់ការសិក្សាប្រមាណ ៣០០ដុល្លារក្នុងមួយឆ្នាំ ពីសំណាក់គ្រូៗ អាណាព្យាបាល និងសិស្សនៅសាលាព្រះស៊ីសុវត្ថិផងដែរ។ បើតាមលោក ឌី ខាំបូលី ការបង់ថវិកានេះជាការចូលរួមវិភាគទានសម្រាប់ទ្រទ្រង់ដល់ការអនុវត្តកម្មវិធីសិក្សាថ្មីនេះ ហើយឈរលើគោលការស្ម័គ្រចិត្តប៉ុណ្ណោះ ពោលបើអាណាព្យាបាលមានលទ្ធភាពក៏បង់ ហើយអាណាព្យាបាលសិស្សមានជីវភាពខ្សត់ខ្សោយក៏មិនតម្រូវឲ្យបង់នោះទេ។

ក្រសួងរៀបចំដែនដី នគរូបនីយកម្ម និងសំណង់ បានចេញសេចក្តីណែនាំស្តីពីការរៀបចំការរដ្ឋានសាងសង់សំណង់អគារគ្រប់ប្រភេទ នៅខេត្តព្រះសីហនុ

(ព្រះសីហនុ) ក្រសួងរៀបចំដែនដី នគរូបនីយកម្ម និងសំណង់ បានចេញសេចក្តីណែនាំស្តីពីការរៀបចំការរដ្ឋានសាងសង់សំណង់អគារគ្រប់ប្រភេទ នៅខេត្តព្រះសីហនុ ដូចខាងក្រោម៖

១-ធ្វើរបងហ៊ុំព័ទ្ធការរដ្ឋានសំណង់កម្ពស់យ៉ាងតិច ២ (ពីរ ម៉ែត្រ ពីនីរ៉ូ ០ (សូន្យ) នៃគម្រោង ដែលក្នុងនេះត្រូវរៀបជើងរបងអំពីថ្មកម្ពស់យ៉ាងតិច ៨០ (ប៉ែតសិប) សង់ទីម៉ែត្រ ដើម្បីកុំឲ្យដី សំណល់ រឹងនិងរាវ ហៀរចេញពីការរដ្ឋានទៅលើផ្លូវ ចិញ្ចើមផ្លូវ ដីចំណីឆ្នេរសមុទ្រ សមុទ្រ ព្រែក អូរ បឹង និងទីតាំងសាធារណៈ ក្នុងគោលដៅធានាសុវត្ថិភាព សណ្តាប់ធ្នាប់ អនាម័យ សោភ័ណភាព និងបរិស្ថានសាធារណៈ ។

២- រក្សាទុកចញ្ចើមផ្លូវឲ្យបានទូលាយយ៉ាងតិចស្មើនឹងពីរភាគបីនៃប្រវែងទទឹងចិញ្ចើមផ្លូវ សម្រាប់ឲ្យ អ្នកថ្មើរជើងធ្វើដំណើរប្រកបដោយសុវត្ថិភាព ។

៣- រៀបចំទុកដាក់សំភារៈសំណង់ គ្រឿងចក្រ ឧបករណ៍សាងសង់ ការិយាល័យការងារ រោងជាង កន្លែងស្នាក់នៅរបស់កម្មករ ក្នុងបរិវេណរបងហ៊ុំព័ទ្ធការរដ្ឋានសាងសង់ ៕

ជនជាតិចិនបើករថយន្ត បុកម៉ូតូពីក្រោយ រួចព្យាយាមរត់គេច ចុងក្រោយក្រាបសំពះសំទោសខ្លាចពលរដ្ឋព្រួតគ្នាវ៉ៃ

(ភ្នំពេញ)៖ បុរសជាជនជាតិចិនម្នាក់ក្នុងចំណោមបក្ខពួក២នាក់ បានក្រាបសំពះពលរដ្ឋកុំឲ្យវ៉ៃខ្លួន បន្ទាប់ពីរូបគេបើករថយន្តបុកម៉ូតូ បណ្ដាលឲ្យរបួសប្ដីប្រពន្ធនិងកូនតូច។

ហេតុការណ៍នេះបានកើតឡើងកាលពីវេលាម៉ោង១០យប់ថ្ងៃទី១៨ខែកញ្ញាឆ្នាំ២០១៨ស្ថិតនៅចំណុខទីស្តីការគណៈរដ្ឋមន្ត្រី តាមបណ្តោយផ្លូវហសពន្ធ័រុស្សី ក្នុងសង្កាត់ស្រះចក ខណ្ឌដូនពេញ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសជនជាតិចិនពីរនាក់បើករថយន្តស៊េរីទំនើបមួយគ្រឿងម៉ាកToyota aldhard ពណ៌ខ្មៅពាក់ស្លាកលេខភ្នំពេញ2AD-8668ក្នុងទិសដៅពីកើតទៅលិច។

លុះមកដល់ចំណុចកើតហេតុខាងលើ បានជ្រុលចង្កូតទៅបុកម៉ូតូមួយគ្រឿងម៉ាកហុងដាឌ្រីមសង់ស៊េរី០១៥ពណ៌ខ្មៅពាក់ស្លាកលេខភ្នំពេញ1DC-0883 ដែលនៅពីមុខនិងមានទិសស្របគ្នា។

បើកដោយបុរសម្នាក់ រួមដំណើរជាមួយប្រពន្ធនិងតូចប្រុសអាយុទើបនិង៧ខែ ម្នាក់ទៀត យ៉ាងពេញទំហឹងបណ្តោលកូនតូចរងរបួសធ្ងន់ត្រូវបញ្ជូនទៅសង្គ្រោះនៅមន្ទីពេទ្យកុមារជាតិភ្លាមៗ ចំណែកឪពុកនិងម្តាយរងរបួសស្រាល។

ដោយឡែករថយន្តបង្កបានព្យាយាមបើករត់ប្រមាណជា១គីឡីម៉ែត្រមកដល់ចំណុចស្តុបវត្តនាគវន្ត័ ត្រូវបានជនរងគ្រោះនិងប្រជាពលរដ្ឋជិៈម៉ូតូដេញតាមចាប់ផងដែរ។

បន្ទាប់មកម្ចាស់រថយន្តបង្កបានចុះពីលើរថយន្តលុតជង្គុងថ្វាយបង្គំតែបានប្រពលរដ្ឋបានប្រគល់ជូនសមត្ថកិច្ចតែម្តង។

ក្រោយកើតហេតុសមត្ថកិច្ចជំនាញបានចុះអន្តរាគមន៍ឃាត់ជនជាតិចិនយកមកសួរនាំ រីឯរថយន្តនិងម៉ូតូ យកទៅរក្សាទុកនៅការិយាល័យចរាចរណ៍រាជធានីភ្នំពេញ៕ផ្កាយព្រឹក

ប្រភព៖ ដើមរាំង-Dermrang

ជនសង្ស័យ ១០នាក់ ត្រូវបានអាវុធហត្ថរាជធានីភ្នំពេញ ទៅតុលាការ ពាក់ព័ន្ធ…(ចុចអានបន្ត)

ភ្នំពេញ៖ នៅម៉ោង០៨:០០នាទីព្រឹក ថ្ងៃទី១៩ ខែកញ្ញា ឆ្នាំ២០១៨ សមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ ១០នាក់ ទៅសាលាដំបូងរាជធានីភ្នំពេញ ដើម្បីធ្វើការផ្តន្ទាទោសតាមច្បាប់ រួម និងក្រាមពណ៍សថ្លា ១៦កញ្ចប់(ប្រភេទម៉ាទឹកកក)។

ក្រោមវិធានការជំនាញនៃការសាកសួរ របស់មន្ត្រីជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ ពួកគេទាំង ១០នាក់នេះបានសារភាពថា គឺពិតជាប់ពាក់ព័ន្ធករណីគ្រឿងញៀន ពិតប្រាកដមែន ក្នុងនោះរួមមាន៖

១.ឈ្មោះ ចាន់ តុលា ហៅតុលា ភេទប្រុស អាយុ ១៨ឆ្នាំ

២.ឈ្មោះ ចាន់ សារី ហៅម៉ៅ ភេទប្រុស អាយុ ១៩ឆ្នាំ

៣.ឈ្មោះ នួន វិទូ ហៅទូ ភេទប្រុស អាយុ ១៨ឆ្នាំ

៤.ឈ្មោះ កែម ដារ៉ាវុធ ហៅបារាំង ភេទប្រុស ២៨ឆ្នាំ

៥.ឈ្មោះ សូត្រ សុវណ្ណារ័ត្ន ហៅគួក ភេទប្រុស អាយុ ២៨ឆ្នាំ

៦.ឈ្មោះ ឯម វីន ភេទប្រុស អាយុ ១៨ឆ្នាំ

៧.ឈ្មោះ ផាត ភីលីប ភេទប្រុស អាយុ ១៨ឆ្នាំ

៨.ឈ្មោះ រ៉ស់ រ៉ាន់ ភេទប្រុស អាយុ ៣៦ឆ្នាំ

៩.ឈ្មោះ យួន សុភ័ក្រ ភេទប្រុស អាយុ ៣០ឆ្នាំវ

១០.ឈ្មោះ ហម សុខហៀង ភេទប្រុស អាយុ ៣៩ឆ្នាំ

គូសបញ្ជាក់ផងដែរថា ពួកគេទាំង ១០នាក់ ខាងលើនេះ ត្រូវបានកម្លាំងល្បាតមូលដ្ឋានអាវុធហត្ថខណ្ឌមានជ័យ នៃរាជធានីភ្នំពេញ ធ្វើការស្រាវជ្រាវ ឃាត់ខ្លួនបាននៅចន្លោះម៉ោង០៩:៣០នាទី ដល់ម៉ោង១០:៣០នាទី នៅចំណុច មុខផ្ទះចាស់ពីដើម ផ្លូវបេតុង ភូមិទ្រា១ សង្កាត់ស្ទឹងមានជ័យ១ ខណ្ឌមានជ័យ និងចំណុច ផ្ទះលេខ៧៥៨ សំណង់មិនរៀបរយ ផ្លូវលំ ភូមិមានជ័យ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ៕

ប្រភព៖ Phnom Penh Gendarmerie

ចង់ចំណេញ ដាច់ចំណង.! ចូលគុក ព្រោះផ្សំគំនិតទទូលទិញម៉ូតូរបស់ចោរ…(ចុចអានបន្ត)

ភ្នំពេញ៖ នៅថ្ងៃទី១៨ ខែកញ្ញា ឆ្នាំ២០១៨ សមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ ០១នាក់ ឈ្មោះ ហុង សារ៉ាត់ ហៅភ័ន្ត ភេទប្រុស អាយុ ២៦ឆ្នាំ ទៅតុលាការ ដើម្បីធ្វើការផ្តន្ទាទោសតាមច្បាប់ ពាក់ព័ន្ធករណី ទទូលទិញម៉ូតូរបស់ចោរ។

រឿងហេតុនេះ កើតឡើង កាលពីថ្ងៃទី១៣ ខែកញ្ញា ឆ្នាំ២០១៨ វេលាម៉ោងប្រហែល០៤:០០នាទី ទៀបភ្លឺ នៅចំណុច ក្បែរគល់ស្ពានកោះពេជ្រ សង្កាត់ចតុមុខ ខណ្ឌដូនពេញ រាជធានីភ្នំពេញ ដោយម្ចាស់ម៉ូតមានឈ្មោះ ហ៊ី វិបុល ភេទប្រុស អាយុ ២៨ឆ្នាំ បានបាត់ម៉ូតូ ០១គ្រឿង ម៉ាក BEAT ពណ៍ក្រហមលាយស ស្លាកលេខ តាកែវ 1O-1686 នៅចំណុចកើតហេតុខាងលើ។

ក្រោយពេលដឹងថាម៉ូតូរបស់ខ្លួនត្រូវចោរលួចបាត់ ជនរងគ្រោះ ក៏បានទៅដាក់ពាក្យបណ្តឹងភ្លាមៗផងដែរ នៅមូលដ្ឋានអាវុធហត្ថខណ្ឌដូនពេញ ក្រោយពីទទួលបានពាក្យបណ្តឹងពីជនរងគ្រោះភ្លាម អាវុធហត្ថមូលដ្ឋានខណ្ឌដូនពេញ បានធ្វើការស្រាវជ្រាវ តាមវិធានការជំនាញ រហូតឈានដល់ការឃាត់ខ្លួនជនសង្ស័យ ខាងលើ បាននៅវេលាម៉ោងប្រហែល១២:០០នាទី ថ្ងៃទី១៧ ខែកញ្ញា ឆ្នាំ២០១៨ នៅចំណុច ម្តុំផ្សារបឹងកេងកង សង្កាត់បឹងកេងកង ខណ្ឌចំការមន រាជធានីភ្នំពេញ យកមកទីបញ្ជាការកងរាជអាវុធហត្ថរាជធានីភ្នំពេញ ឃុំខ្លួនបណ្តោះអាសន្ន រងចាំធ្វើការសួរចម្លើយ និងកសាងសុំណុំរឿងបញ្ជូនទៅតុលាការ ដើម្បីចាត់ការបន្តតាមនីតិវិធីច្បាប់។

ក្រោមវិធានការជំនាញ នៃការសាកសួររបស់មន្ត្រីជំនាញនៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ ជនសង្ស័យ ខាងលើ បានសារភាពឲ្យដឹងថា ម៉ូតូ ម៉ាក BEAT ពណ៍ក្រហមលាយស ដែលរូបគេជិះនេះ គឺរូបគេបានទិញពីឈ្មោះ សិត តម្លៃ១០៥០ដុល្លា អាមេរិក នៅផ្សារបឹងកេងកង ដោយគ្មានស្លាកលេខ និងលិខិតស្នាមអីនោះទេ ហើយរូបគេនិងឈ្មោះ សិត នោះ ស្គាល់គ្នារយៈពេល ០១ខែមកហើយ នៅសួនច្បារណាហ្កាវើល។

រូបគេបានប្រាប់សមត្ថកិច្ចអាវុធហត្ថឲ្យដឹងទៀតថា រូបគេធ្លាប់ប្រើប្រាស់គ្រឿងញៀន រយៈពេលប្រហែល ០៥ខែមកហើយ រហូតដល់បច្ចុប្បន្ន ក៏រូបគេនៅបន្តប្រើប្រាស់គ្រឿងញៀន ម្តងម្កាលដែល៕

ប្រភព៖ Phnom Penh Gendarmerie