ស្រុកមុខកំពូល៖ ឃាតកម្ម ចាក់សម្លាប់ជនរងគ្រោះដោយកាំបិតបណ្តាលឲ្យស្លាប់ ជាលទ្ធផលស្រាវជ្រាវនាថ្ងៃខែឆ្នាំដដែល សមត្ថកិច្ចបានវែកមុខឃើញហើយ និងធ្វើការឃាត់ខ្លួនជនសង្ស័យជាឃាតករវ័យក្មេង០១នាក់ ដែលកើតហេតុនៅថ្ងៃទី​២១.០៩.២០១៨វេលាម៉ោង​០៥.២០នាទី នៅចំណុច សាលាអាន់នៀកម៉ះភូមិជ្រោយ មេត្រីលើ ភូមិជ្រោយមេត្រីលើ ឃុំឬស្សីជ្រោយស្រុកមុខកំពូល ខេត្តកណ្ដាល។

ជនរងគ្រោះ​ឈ្មោះម៉ាអាត នោតវ៉ាវី ភេទប្រុសអាយុ១៤ឆ្នាំ នៅភូមិជ្រោយមេត្រីលើឃុំឬស្សីជ្រោយស្រុកមុខកំពូលខេត្តកណ្ដាល មុខរបរ មិនពិតប្រាកដ(នៅក្នុងបន្ទុក)។

មានស្នាមរបួស ៖មុតជ្រៅដល់បំពង់ក ប្រវែង៦ស.ម×៣ស.មស្នាមមុតលើគ្រាប់ពោនរាងឆូតត្រង់ប្រវែង៣ស.មស្នាមរលាត់ដាច់ស្បែកក្រោយថ្គាមស្ដាំនិងរបួសមុតក្រោយចង្ការខាងស្ដាំស្នាមរលាត់លើ កខាងស្ដាំដាច់សរសៃឈាមធំ(អាក់ទែរ)។

ជនសង្ស័យ ០១ នាក់ឈ្មោះ ទ្រេស សាគីរិន ភេទប្រុសអាយុ១៥ឆ្នាំនៅភូមិ ជ្រោយមេត្រីលើ ឃុំប្ញស្សីជ្រោយ ស្រុកមុខ កំពូលខេត្តកណ្ដាល មុខរបរ សិស្ស ។

មូលហេតុ៖មានគំនុំ(រឿងជនរងគ្រោះខ្ចីលុយជនសង្ស័យចំនួន៤០០០០រៀលជនរងគ្រោះបានខ្ចីលុយពីជនសង្ស័យហើយសន្យាសងវិញនៅថ្ងៃ២០ខែកញ្ញាឆ្នាំ២០១៨។

លុះព្រឹកថ្ងៃ២០.កញ្ញា.២០១៨ពេលជនសង្ស័យទៅ ទារលុយពីជនរងគ្រោះមិនបានហើយខឹងនិងជនរងគ្រោះ មើលងាយ តិះដៀលថែមទៀត ក៏កើតចឹត្តខឹងនិងមានគំនុំលើជនរងគ្រោះ។

វត្ថុតាងចាប់យក៖ ទូរសព្វ័ Ipone 4មានស្រោមពណ៏ខ្មៅ ១គ្រឿង ចំណែកកាំបិតរកមិនឃើញ(តាមចម្លើយ របស់ជនសង្ស័យបានសារភាពថា៖ ខ្លួនបានបោះចោលទៅក្នុងទឹកទន្លេ នៅកន្លែងជនរងគ្រោះដួលស្លាប់)។

នៅមុនម៉ោងកើតហេតុជនសង្ស័យ បានឃើញជន រងគ្រោះកំពុងអង្គុយមើលfacebook នៅក្រោមដើមស្វាយជិតកន្លែងកើតហេតុ ក៏ដើរទៅយកកូនកាំបិតចិតបន្លែក្នុងធុងទឹកអំពៅរបស់ម្ដាយ មកលួចចាក់លើជនរងគ្រោះពីក្រោយចំហៀងផ្នែកបំពង់ក ដាច់សរសៃឈាមធំ បណ្ដាលឲ្យជនរងគ្រោះស្លាប់។

បើតាមសម្តីប្រជាពលរដ្ឋរស់នៅក្នុងភូមិបានឲ្យដឹងថា គាត់បានយកសំរាមទៅបោះចោលនៅមាត់ទន្លេក្រោយសាលារៀនអាន់នៀកម៉ះភូមិជ្រោយមេត្រីលើ រួចបានប្រទះឃើញសាកសពជនរងគ្រោះដេកស្លាប់ដោយមានហូរឈាមដាបលើ(សាប)ផ្លូវដើរចុះទន្លេ រួច ក៏មានការផ្អើលឆោរឡោ ហៅអ្នកភូមិចេញមកមើល។

ការសន្និដ្ឋាន៖ក្រោយពីធ្វើការពិនត្យហេតុជនរងគ្រោះពិតជាស្លាប់ដោយសារជនយកកូនកាំបិតចិតបន្លែមានដងឈើចុងស្រួចមានប្រវែងប្រហែល២តឹកមកចាក់បណ្ដាលឲ្យស្លាប់ពិតប្រាកដមែន។ បច្ចុប្បន្នជំនាញកំពុងកសាងសំណុំរឿង និងបន្តចាត់ការតាមនីតិវិធីច្បាប់។

ប្រភព៖ FB

ភ្នំពេញ៖ កាលពី​វេលា​ម៉ោងជាង១០យប់ ថ្ងៃទី២១ ខែកញ្ញា ឆ្នាំ២០១៨ នៅត្រង់ចំណុច​ផ្ទះ​លេខ​43A.B លក់​ក្ដាម​មឈូស យីហោ តាំង ហួរ​សែ(88) នៅតាម​បណ្ដោយ​ផ្លូវ២៣០ សង្កាត់​ផ្សារ​ដើម​គ ខណ្ឌទួលគោក រាជធានី​ភ្នំពេញ ។

មុនពេល​កើតហេតុ ខណៈ​មេឃ​កំពុង​ភ្លៀងរលឹមស្រិចៗ គេ​ឃើញ​ផ្ទះ​លក់​ក្ដាម​ឈូស​កើតហេតុ​ខាងលើ បាន​បិទទ្វារ​ចូល​ផ្ទះ​សំរាក​ដូច​យប់​ធម្មតា លុះដល់​វេលា​កើតហេតុ ស្រាប់​តែមាន រថយន្ត​មួយគ្រឿង ម៉ាក Nissan Naverra ពណ៌​ទឹកប្រាក់ (អត់​ពាក​ស្លាក​លេខ) បើកបរ​ដោយ​បុរស​ម្នាក់ ទិសដៅ​ពី​កើ​តទៅ​លិច

ក្នុង​ល្បឿន​យ៉ាង​លឿន បាន​រេ​ចង្កូត​ទៅបុក​ចំ​ទ្វារផ្ទះ​លក់​ក្តា​មឈូស​ខាងលើ លាន់​ដូច​រន្ទះ និង​ខ្ទាត​ទៅបុក​រថយន្ត​កូរ៉េ​ដឹក​មឈូស ដែល​ចត​នៅមុខ​ផ្ទះកើតហេតុ បណ្ដាល​ឲ្យ​ក្រឡាប់​ផ្ងារជើង និង​បណ្ដាល​ឲ្យ​អ្នកបើកប​រថយន្ត​បង្ក រងរបួស​ស្រាល បង្ក​ការភ្ញាក់ផ្អើល​យ៉ាងខ្លាំង ដល់​ម្ចាស់​ផ្ទះកើតហេតុ ប្រញាប់ប្រញាល់​ចេញមក សមត្ថកិច្ច​ចុះមក​ជួយ​អន្តរាគមន៍ភ្លាមៗ ៕

ប្រភព៖ FB

(ភ្នំពេញ) ធ្លាយរឿងក្រសួងអប់រំ ធ្លាប់ផ្តល់ថវិការប្រមាណ១លានដុល្លារ អោយសាលាស៊ីសុវត្ថិ តែនាយកសាលាប្រើប្រាស់មិនមានតម្លាភាព ទើបក្រសួងដកចេញ ឥលូវលោកគ្រូសាលានេះមិនព្រម ក្រសួងក៏សម្រេចអោយសងថវិការនោះវិញ ហើយអោយធ្វើជានាយកសាលាជាបន្តទៀត។

បញ្ហាវិទ្យាល័យព្រះស៊ីសុវត្ថិត្រូវបានបញ្ចប់ ស្រាប់តែធ្លាយរឿងក្រសួងធ្លាប់ផ្តល់ថវិការប្រមាណ ១លានដុល្លារអោយសាលានេះ ប៉ុន្តែដោយសារតែការគ្រប់គ្រងរដ្ឋបាលរបស់លោកនាយកសាលា មូល ស៊ុយហេង ទើបក្រសួងដកនាយកសាលារូបនេះមកបំរើការងារនៅ នាយកដ្ឋានមធ្យមសិក្សាចំណេះទូទៅ ដែលធ្វើអោយអ្នកគ្រូលោកគ្រូនៃវិទ្យាល័យព្រះស៊ីសុវត្ថិ ធ្វើការតវ៉ាចំពោះចំណាត់ការរបស់ក្រសួង។

 

ដោយសារតែមានការតវ៉ាបែបនេះ ទើបក្រសួងសម្រេចធ្វើការប្រជុំជាមួយលោកគ្រូអ្នកគ្រូវិទ្យាល័យព្រះស៊ីសុវត្ថិ ដើម្បីធ្វើការបោះឆ្នោតដោយទី១ទទួលយកការសម្រេចចិត្តរបស់ក្រសួង និងទី២រក្សាទុកលោក មូល ស៊ុយហេង ធ្វើការនាយកសាលាជាបន្តទៀត។ ដោយគោរពលើស្មារតីបោះឆ្នោត និងជាលទ្ធផលការគាំទ្រការសម្រេចរបស់ក្រសួងមានសំលេងគាំទ្រ ៥៤សន្លឹក និងការបោះឆ្នោតរក្សាទុកលោក មូល ស៊ុយហេង មាន៩៧សន្លឹក ពេលនេះក្រសួងសម្រេចរក្សាទុកលោក មូល ស៊ុយហេង ធ្វើការជានាយកវិទ្យាល័យព្រះស៊ីសុវត្ថិជាបន្តទៀត តែតម្រូលអោយលោក សងថវិការក្រសួងដែលបានប្រើប្រាស់មិនមានតម្លាភាព។ សូមអានលំអិតសេចក្តីប្រកាសព័ត៌មានខាងក្រោម៖

ភ្នំពេញ ៖ ភ្ញាក់ផ្អើល​ឡើង កាលពី​វេលា​ម៉ោង៦និង៥០នាទី​ព្រលប់ ថ្ងៃទី២០ ខែកញ្ញា ឆ្នាំ២០១៨ ស្ត្រី​ម្នាក់​ត្រូវបាន​កូនស្រី​ចេញពី​ធ្វើការ​វិញ​ប្រទះឃើញ​ឃើញ​ដេកស្លាប់​នៅលើ​ពូក​ក្នុងផ្ទះ ដោយ​សង្ស័យថា កូនប្រុស​បង្កើត ដែលមាន​ជំងឺ សរសៃប្រសាទ​វ៉ៃ​សម្លាប់ ។

នៅ​ក្នុងផ្ទះ​ជនរងគ្រោះ​ផ្ទាល់ ស្ថិតនៅ​ភូមិ​ព្រៃ​កី(ខ)សង្កាត់​ពងទឹក ខណ្ឌដង្កោ ។
សព​ជនរងគ្រោះ​មានឈ្មោះ ម៉ៃ នួន ភេទ​ស្រី អាយុ៦៣ឆ្នាំ មុខរបរ នៅផ្ទះ​ស្នាក់នៅ ផ្ទះ​អត់​លេខ ភូមិ​ព្រៃ​កី(ខ) សង្កាត់​ពងទឹក ខណ្ឌដង្កោ ។

ចំនែក​ជនសង្ស័យ​ដែល​ត្រូវជា​កូនបង្កើត ត្រូវបាន​សមត្ថកិច្ច​ឃាត់ខ្លួន មានឈ្មោះ ពិន ខន ភេទ​ប្រុស អាយុ៣៨ឆ្នាំ មុខរបរ មិន​ពិតប្រាកដ ស្នាក់នៅ​ជាមួយ​ម្តាយ (ដោយ​អះអាងថា​មាន​ជំងឺ​ស​សៃ​ប្រសាទ)។ ក្រុមគ្រួសារ​បាន រាយការណ៍​ទៅខាង​ជំនាញ​កោសល​វិច័យ​ខណ្ឌដង្កោ​និង​ជំនាញ​កោសល​វិ​ច្ច័​យ​ក្រុងភ្នំពេញ ឲ្យ​ចុះមក​ពិនិត្យ​សាកសព​ជនរងគ្រោះ​តែម្តង ។

តាម​សម្តី​បំភ្លឺ​ពី​អ្នកជិតខាង អ៊ិន សុខ​ខុម ភេទ​ស្រី អាយុ៤០ឆ្នាំ បាន​ឲ្យ​ដឹងថា កាលពី​វេលា​ម៉ោង៩ព្រឹក រូបគាត់​បានឮ​បុរស​ជា​កូន​ហើយក៏​ត្រូវ​ជនសង្ស័យ មាន​អកា​រៈ​ស្រវឹង ហើយ​អង្គុយ​និយាយ​ម្នាក់ឯង ថា​ថ្ងៃ​ហ្នឹង​អញ​និង​សម្លាប់ ង៉ែ​ង​ឲ្យ​បាន ហើយ​ពេលនោះ​ស្ត្រីជន​រងគ្រោះ​ជា​ម្តាយ បាន​ដើរ​ពីលើ​ថ្នល់​មក​ផ្ទះ​វិញ ឃើញ​កូន​និយាយ​បែបនេះ ក៏បាន​ទាស់សម្តី​គ្នា ជេរ​គ្នា​មួយ​ប្រាវ ហើយ​ក៏បាន​សំឡេង​តែម្តង ។ លុះ​មកដល់​ពេល​កើតហេតុ កូនស្រី​របស់​ជនរងគ្រោះ បាន​ត្រលប់​មកពី​ធ្វើការ​វិញ ក៏​ផ្អើល​ថា​ម្តាយ​របស់ខ្លួន​ស្លាប់​តែម្តង ។

តាម​ការបញ្ជាក់ ពី​ជំនាញ​កោសល​វិ​ច្ច័​យ​ក្រុង និង​សំរេច​ដោយ​លោក ឧក​ញ្ញា នង សុវណ្ណរ​ត្ន័ វេជ្ជបណ្ឌិត​ជំនាញ​ប្រចាំ កោសល​វិ​ច្ច័​យ​រាជធានី​ភ្នំពេញ បាន​ឲ្យ​ដឹងថា ជនរងគ្រោះ​មាន​ជំងឺ​ប្រចាំកាយ លើសឈាម និង​ជំងឺថ្លើម (ហើយ​ស្លាប់​ដោយ​គាំងបេះដូង​ឬ​ជំងឺថ្លើម) ហើយ​មិន​ទាក់ទង​និង​ករណី ឃាតកម្ម នោះទេ ។

ចំណែក​បុរស​ជា​កូន ដែល​គេ​សង្ស័យថា វាយ​សម្លាប់​ម្តាយ ត្រូវបាន​សមត្ថកិច្ច ដោះលែង​ឲ្យ​មក​ចូលរួម បុណ្យសព​ម្តាយ នៅឯ​ផ្ទះ​វិញ ៕

 

(ភ្នំពេញ) លោកជំទាវ​រដ្ឋ​មន្រ្តី​ក្រសួង​វប្បធម៌ និង​វិចិត្រ​សិល្បៈ​អះអាងថា អាជ្ញាធរ​ជាតិ​ព្រះ​វិហារបាននិង​កំពុងតែរៀបចំឯក​សារ​ពាក់ព័ន្ធ​ និង​ប្រាសាទកោះកេរ្តិ៍ដើម្បី​ត្រៀម​ដាក់​ប្រាសាទ​បុរាណ​ខ្មែរ​ដ៏ អស្ចារ្យ​មួយនេះ​ទៅ​ក្នុង​បញ្ជីបេតិកភណ្ឌពិភពលោករបស់​អង្គការយូណេស្កូ ហើយការរៀប ចំឯក​សារទាំង​នេះ​អាច​ប្រើ​ប្រាស់ពេលវេលាប្រមាណ​ជា៤ឆ្នំាំទើបរួច​រាល់។

ថ្លែង​ប្រាប់​ក្រុម​អ្នកសារព័ត៌មាន​ក្រោយពីបញ្ជប់​កិច្ចប្រជុំបច្ចេកទេសលើកទី៤ របស់​គណៈ​កម្មាធិការសម្របសម្រួលអន្តរជាតិសម្រាប់ការអភិរក្ស និងលើកតម្លៃព្រះវិហារ កាលពី​ល្ងាច​ថ្ងៃទី ២០ខែកញ្ញាឆ្នាំ២០១៨ ​លោកជំទាវ​ ភឿង សកុណា រដ្ឋ​មន្រ្តី​ក្រសួង​វប្បធម៌ និង​វិចិត្រ​សិល្បៈ បានមាន​ប្រសាសន៍ថា ប្រាសាទ​កោះកេរជាប្រាសាទ​បុរាណ​ខ្មែរមួយដ៏អស្ចារ្យ​ដែល​ត្រូវ​បាន និង កំពុងរៀបចំឯកសារស្នើសុំដាក់​បញ្ជូល​ជាសម្បត្តិ​បេតិកភណ្ឌពិភពលោកក្នុង​បញ្ជីរបស់អង្គ ការ យូណេស្កូ បន្ទាប់​ពី​ប្រាសាទ​សំបូរព្រៃគុក​។ ​បច្ចុប្បន្ននេះអាជ្ញាធរ​ព្រះ​វិហារ​កំពុងតែរៀបចំ ឯកសារពាក់ព័ន្ធ និង​ប្រាសាទ​កោះកេរនេះ និង​បាន​ឈាន​ទៅ​មុខ​បន្តិចហើយ។

លោកជំទាវបាន​បន្តថា ការ​រៀប​ចំឯក​សារ​សម្រាប់​បញ្ជូល​ប្រាសាទ​កោះកេរទៅ​ជា​សម្បត្តិបេតិ កភណ្ឌពិភពលោកនេះ​ គឺ​ត្រូវ​ប្រើពេល​វែង​ឆ្ងាយ​ទៀត​ព្រោះ​ថា ឥឡូវការ​រៀបចំដាក់ប្រាសាទ​ណាមួយទៅជាសម្បត្តិបេតិកភណ្ឌពិភពលោក គឺមាន​ការ​ពិបាក​ជាង​មុន​ខ្លាំងដោយលក្ខខណ្ឌ របស់​អង្គការយូណេស្កូតម្រូវ និងមានការតឹងតែង​ ​លំបាក​ជាងមុន។ លោកជំទាវបាន អះអាងថា ប៉ុន្តែទោះជាមានការ​លំបាកក្តី​ក៏ក្រុម​មន្រ្តី​ជំនាញ​នៅ​តែបន្តការងារ​នេះ​ទាំង​នៅ​ថ្នាក់ ជាតិ​ និង​ថ្នាក់​អន្តរជាតិ ហើយការរៀបចំឯក​សារទាំង​នេះ​អាច​ប្រើ​ប្រាស់ពេលវេលាប្រមាណ​ជា៤ឆ្នំាំទើបរួច​រាល់។ លោកជំទាវ​បង្ហាញ​នូវក្ដីរំពឹងថា ប្រាសាទ​កោះកេរ និង​ចូល​ជាសម្បត្តិ បេតិកភណ្ឌបាន​ព្រោះប្រាសាទ​​កោះកេរមាន​សក្តានុពលមួយធំ គឺ​ជា​អតីតជារាជធានី របស់ ខ្មែរ។

លោកជំទាវបានគូស​បញ្ជាក់ទៀតថា ការ​រៀបចំ​ឯក​សារដាក់ប្រាសាទឬបេតិកភណ្ឌជាតិ​ណា មួយទៅ​ជាសម្បត្តិបេតិកភណ្ឌពិភពលោក គឺចាំបាច់ត្រូវមាន​ការ​ចូលរួមស្ទើគ្រប់​ស្ថាប័ននៅក្នុង​ប្រទេស ដូច្នេះបើមាន​ភាព​ជោគជ័យ​ គឺជា​ជោគជ័យ​របស់ប្រទេសជាតិ​ ហើយការ​រៀប​ចំ​ឯក​សារ​ដាក់​ប្រាសាទ​កោះ​កេរ​ជាសម្បត្តិបេតិកភណ្ឌពិភពលោកនេះ សម្តេចតេជោ​នាយករដ្ឋមន្រ្តី​ ហ៊ុន សែន មាន​ការ​គាំទ្រ​យ៉ាង​ពេញ​ទំហឹង។

យោងតាមឯកសារ​ប្រវត្តិសាស្ត្រ​មួយចំនួន បាន​អះអាងថា ប្រាសាទ​កោះកេរ បាន​កសាងឡើង​ក្នុង​រជ្ជកាល​ព្រះបាទជ័យ​វរ្ម័នទី៤(៩២៨-៩៤២)ការកសាងប្រាសាទនេះ ឡើងក្នុង គោលបំណងដើម្បីឧទ្ទិស​ថ្វាយ​ព្រះ​ឥសូរ​តាមបែប​ព្រហ្មញ្ញសាសនា។ ប្រាសាទ​​នេះ​ ពី​ដើម​ឈ្មោះ​ឆក​គគីរ ឬ​ផៃ្ទ​ដីគោក​គគីរសព្វ​ថៃ្ង​ហៅថា អតីត​រាជធានី​កោះកែរ មានផៃ្ទ​ដី​ទំហំ ២៥៦ គីឡូម៉ែត្រ​ក្រឡា រួមមានប្រាសាទចំនួន​៩៨នៅក្នុងតំបន់​នោះ។

ចំណែក​ប្រាសាទ​ទាំងនោះ ​មិនបាន​សង់​ជាប់ៗ​គ្នានោះ​ទេ ​ពោលគឺ​នៅ​ដាច់ៗ​ពីគ្នា​ចាប់ពី១គីឡូម៉ែត្រ​ ទៅ៣​ ឬ៤គីឡូម៉ែត្រ​ ហើយក៏​មាន​ប្រាសាទ​ខ្លះ​ត្រូវ​រង​ការខូចខាត​បាត់​បង់ក​ប់​ក្នុង​ដី​ខ្លះ​ក៏មាន។ ប្រាសាទ​កោះកេរ​មាន៧ជាន់ កម្ពស់៣៥ម៉ែត្រ កសាង​ឡើង​តាំងពី​សម័យបុរាណ​ទុក​សម្រាប់​ជាការគោរពបូជា​តាម​លទ្ធិ​ព្រហ្មញ្ញសាសនា៕ ប្រភពAKP

(ភ្នំពេញ) យុវជនមានចំណេះដឹង និងជំនាញ​ ដូចសព្វថ្ងៃ ដោយសារប្រទេសជាតិមានសុខសន្តិភាព និងស្ថេរភាពនយោបាយ​ ក្រោមការដឹកនាំរបស់សម្តេចអគ្គមហាសេនាបតីតេជោ​ ហ៊ុន​ សែន៕

អភិបាលរាជធានីភ្នំពេញឯកឧត្តម ឃួង ស្រេង បានផ្តាំផ្ញើរអោយក្រុមនាវាយុវជនអាស៊ីអាគ្នេយ៏ផ្សព្វផ្សាយការពិតពីកម្ពុជាដល់យុវជនអាស៊ាន  ខណៈដែលប្រទេសកម្ពុជាបច្ចុប្បន្ន មានស្ថានភាពប្រកបដោយសុខសន្តិ ភាព និងការអភិវឌ្ឍន៏ក្រោមការដឹកនាំរបស់សម្តេចអគ្គមហាសេនាបតីតេជោហ៊ុនសែន ធ្វើជានាយករដ្ឋមន្ត្រី។

ការផ្តាំផ្គើរបែបនេះរបស់លោកអភិបាលរាជធានីភ្នំពេញបានធ្វើឡើងក្នុងឧិកាសដែលលោកជួបសំណេះសំណាលជាមួយក្រុមនាវាយុវជនអាស៊ីអាគ្នេយ៏កម្ពុជាជាង៣០នាក់ កាលពីរសៀលថ្ងៃទី២០កញ្ញា២០១៨នៅសាលារាជធានីភ្នំពេញ ។

ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញបានផ្តាំផ្ញើរដល់ក្រុមយុវជនជាង៣០នាក់ ដែលដឹកនាំដោយលោកស៊្រាង    គឹមលី នោះថា យុវជនយើងត្រូវធ្វើការផ្សព្វផ្សាយពីសភាពការពិតនៅកម្ពុជាដល់យុវជនបណ្តាប្រទេសអាស៊ាន និងយុវជនជប៉ុនឲ្យបានយល់ដឹងកាន់តែច្បាស់ពីកម្ពុជា។ជាពិសេសស្ថានភាពបច្ចុប្បន្នរបស់កម្ពុជាប្រកបដោយសុខសន្តិ ភាព និងការអភិវឌ្ឍន៏ក្រោមការដឹកនាំរបស់សម្តេចអគ្គមហាសេនាបតីតេជោហ៊ុនសែន ជានាយករដ្ឋមន្ត្រីធ្វើអោយព្រះរាជាណាចក្រកម្ពុជាមានឈ្មោះបោះសំឡេងលើឆាកតំបន់ និងអន្តរជាតិ។

ឯកឧត្តមអភិបាលបានបន្តថា យុវជនរបស់យើងត្រូវហ៊ានបកស្រាយពន្យល់ដល់យុវជនអាស៊ាន និងយុវជនជប៉ុនពីប្រពៃណី វប្បធម៏ដ៏ល្អផូផង់របស់ខ្មែរ និងធ្វើសកម្មភាពដោយស្មើមុខ និងស្មើភាព។

ប្រធានសមាគមនាវាយុវជនអាស៊ី អាគ្នេយ៏កម្ពុជាឲ្យដឹងថា នេះជាការធ្វើដំណើរជាលើកទី៤៥ហើយដោយធ្វើដំណើរតាមនាវាឆ្លងកាត់ប្រទេស៤នៅតំបន់អាស៊ានរួមមាន ប្រុយណេ,ហ្វីលីពីន,ថៃនិងវៀតណាមដែលមានយុវជនអាស៊ាន និងយុជនជប៉ុនសរុបចំនួន៣៣០នាក់ដោយជូបគ្នាដំបូងនៅទីក្រុងតូក្យូ ប្រទេសជប៉ុនដើម្បីបើកកម្មវិធីជាផ្លូវការ។ កម្មវិធីធ្វើដំណើរតាមនាវាក្រោមការជួយឧបត្ថម្ភ ពីប្រទេសជប៉ុននេះ មានរយះពេល៥២ថ្ងៃដោយចាប់ចេញដំណើរពីថ្ងៃទី២៣ខែតុលា ដល់ថ្ងៃទី១២ធ្នូ ឆ្នាំ២០១៨នេះ ក្នុងគោលបំណងពង្រឹងពង្រីកចំណងមិត្តភាព សាមគ្គីភាព និងកិច្ចសហប្រតិបត្តិការរវាងអាស៊ាន និងជប៉ុនតាមរយៈយុវជនដោយផ្តោតសំខាន់ទៅលើការប្រជុំពិភាក្សា  ការសំដែងសិល្បះ វប្បធម៌ និងការធ្វើដំណើរ។

ក្នុងឳកាសនោះ ក្នងនាមរដ្ឋបាលរាជធានីភ្នំពេញឯកឧត្តម ឃួង ស្រេង បានផ្តល់ជូនថវិកាចំនួន៥០០០ដុល្លាអាមេរិកដល់ក្រុមនាវាយុវជនអាស៊ី អាគ្នេយ៏កម្ពុជាសំរាប់បំពេញតំរូវការក្នុងការធ្វើដំណើរផងដែរ៕

(ភ្នំពេញ) អភិបាលរាជធានីភ្នំពេញ បានដាក់ផែនការឲ្យសង្កាត់ទាំង១០៥ នគរបាលរដ្ឋបាលប៉ុស្តិ៏ អធិការ ប្រធានគណបញ្ជាការ ឯកភាពខណ្ឌទាំង១២ ស្នងការដ្ឋាននគរបាលរាជធានី ទីបញ្ជាករដ្ឋានកងរាជអាវុធហត្ថ និងអ្នកពាក់ព័ន្ធទាំងអស់ ត្រូវប្រើយន្តការលុបបំបាត់ និងបង្រ្កាបគ្រឿងញៀន ឲ្យបានសកម្មនៅក្នុងមូលដ្ឋាន  ដើម្បីលប់បំបាត់គ្រឿងញឿន ដោយគោរព និងអនុវត្តទៅតាមគោលការណ៏ណែនាំនៃផែនការយុទ្ធសាស្រ្ត របស់អាជ្ញាធរជាតិ ប្រយុទ្ធប្រឆាំងគ្រឿងញៀន។

ក្នុងកិច្ចប្រជុំ ស្តីពីវិធានការលុបបំបាត់ ការប្រើប្រាស់ និងការជួញដូរគ្រឿងញៀនខុសច្បាប់ លើក ទី៣ នៅក្នុងរាជធានីភ្នំពេញ កាលពីព្រឹកថ្ងៃទី ២០ កញ្ញា នៅសាលារាជធានី ឯកឧត្តម ឃួង ស្រេង អភិបាលរាជអានីភ្នំពេញបានមានប្រសាសន៏ថា កិច្ចការងារលប់បំបាត់ ការបង្ក្រាប និងជួញដូរគ្រឿងញឿននេះ មិនមែនជាការងារថ្មីនោះទេ។ ប៉ុន្តែ ដោយសង្កេតឃើញការងារបង្រ្កាបនេះ មានភាពអសកម្ម ទើប យើងជំរុញឲ្យអាជ្ញាធរ កម្លាំងមានសមត្ថកិច្ច និងផ្នែកពាក់ព័ន្ធ ត្រូវរួមគ្នាអនុវត្តការងារនេះឲ្យបានសកម្មឡើង។

ឯកឧត្តម អភិបាលបន្តថា ដោយអនុវត្តតាមអនុសាសន៏ របស់សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ធៃ បានផ្តោតយកចិត្តទុកដាក់ចំពោះបញ្ហាគ្រឿងញៀននេះ  ដែលបានកើតមានទៅលើទីតាំងក្លឹបកម្សាន្ត ផ្ទះសំណាក់ កន្លែងសប្បាយភាព រង្គសាល ជាដើម ត្រូវ នាំគ្នាលុបបំបាត់ឲ្យបានសកម្មឡើងវិញ ។ បន្ទាប់ពីពិនិត្យឃើញថា បញ្ហាគ្រឿងញៀននៅតាមមូលដ្ឋាន និងចំណុចគោលដៅមួយចំនួនមានការកើតឡើង បង្ករអសន្តិសុខ សណ្តាប់ធ្នាប់ដល់សង្គម។ ដូច្នេះ  សង្កាត់ នគរបាលរដ្ឋបាលប៉ុស្តិ៏ អធិការ ស្នងការ គណបញ្ជាការឯកភាពខណ្ឌទាំង១២ និងអ្នកពាក់ព័ន្ធទាំងអស់ ត្រូវអនុវត្តសេចក្តីណែនាំរបស់អាជ្ញាធរជាតិប្រយុទ្ធប្រឆាំងគ្រឿងញៀនឲ្យបាន។

អ្នកជាប់គ្រឿងញៀនបើយើងមិនបង្ក្រាបមិនទប់ស្កាត់លុបបំបាត់ទីផ្សារអ្នកញៀនគ្រឿងញៀននឹងកើនឡើងជាបន្តបន្ទាប់ជារៀងរាល់ឆ្នាំ  ចឹងទាល់យើងមានវិធានការម៉ឺងម៉ាត់ប្រធានគណបញ្ជាការ ឯកភាពខណ្ឌទាំង១២ ធ្វើកិច្ចការត្រួតពិនិត្យ នៅពេលពួកនេះចេញពីក្លឹប ទៅជួបភ្លាម ចេញមកភ្លាមឆែកភ្លាម ពិនិត្យភ្លាមឃើញធ្វើកំណត់ហេតុទុកឃាត់ខ្លួនយកទៅណ្យាបាលរាជធានីធ្វើមិនចុះ ត្រូវរាយការណ៏ជូន សម្តេចក្រឡាហោមដើម្បីសុំវិធានការច្បាប់ពិនិត្យកន្លែងនិងភូមិសង្កាត់មានសុវត្ថិភាពលុះត្រាភូមិ សង្កាត់ គ្មានគ្រឿងញៀន។

ឯកឧត្តម នាយឧត្តមសេនីយ មាស វិរិទ្ធ អគ្គលេខាធិការអាជ្ញាធរប្រយុទ្ធប្រឆាំងគ្រឿញៀនបានបញ្ជាក់ថា គោលបំណងដើម្បីឲ្យអាជ្ញាធរនិងសមត្ថកិច្ចពាក់ព័ន្ធអនុវត្តការងារប្រយុទ្ធប្រឆាំងគ្រឿងញៀន ឲ្យល្អ ទៅតាមការណែនាំរបស់អាជ្ញាធរជាតិ ប្រយុទ្ធប្រឆាំងគ្រឿង សំដៅធ្វើយ៉ាងណារក្សា សន្តិសុខឲ្យបានល្អប្រសើរនៅក្នុងរាជធានីភ្នំពេញ។ ឯកឧត្តមក៏បានស្នើឲ្យសមត្ថកិច្ច ត្រូវតែពង្រឹងមូលដ្ឋានរបស់ខ្លួនឡើងវិញ ព្រោះ គ្រឿងញៀនវាបានហូរទៅដល់មូលដ្ឋានភូមិ សង្កាត់ដូចកន្លែងទីប្រជុំដែរ។ ឯកឧត្តមថា មូលដ្ឋានអាជីវកម្ម ងាយនឹងកើតបទល្មើស ដូច្នេះ អាជ្ញាធរត្រូវចុះធ្វើកិច្ចសន្យាជាមួយម្ចាស់អាជីវកម្មលើបញ្ហាគ្រឿងញៀននេះ ហើយសមត្ថកិច្ច នឹងធ្វើការបិទសេចក្តីប្រកាសណែនាំចំនួន២៣៩៨កន្លែងផងដែរ ដែលមាននៅតាមផ្ទះសំណាក់ ការ៉ាអូខេ ក្លឹប និងបាបារាំងជាដើម។

សូមបញ្ជាក់ថា៖ ចាប់ពីឆ្នាំ២០១៧ មកដល់ឆ្នាំ២០១៨នេះ វិធានការលុបបំបាត់ ការប្រើប្រាស់ និងការជួញដូរគ្រឿងញៀនខុសច្បាប់ លើកទី៣ នៅក្នុងរាជធានីភ្នំពេញ ដែលការអនុវត្តការងារ គឺបង្រ្កាបដោយរឹបអុសគ្រឿងញៀនបានជាង៤០០គីឡូក្រាម និងរុក្ខជាតិញៀនក្រៀមបានជាង៤តោន៕ ដោយ សុខជា

ខេត្តបន្ទាយមានជ័យ៖ កម្លាំងនគរបាលខេត្តបន្ទាយមានជ័យបានបង្ហាញ
មុខជនសង្ស័យមេខ្លោង និងបក្ខពួកគ្រឿងញៀន៥នាក់នៅព្រឹកថ្ងៃទី១៩ ខែកញ្ញា ឆ្នាំ២០១៨ ក្រោយរងការបង្រ្កាបគ្រឿងញៀន ដកហូតវត្ថុតាងគ្រឿងញៀនជាង២គីឡូក្រាម កាំភ្លើងម៉ាកឡុក៣ដើម កាំភ្លើងប្រើប្រាស់ខ្យល់១ដើម និងរថយន្ត២គ្រឿង ក្រោមការដឹកនាំកម្លាំងបញ្ជាផ្ទាល់ដោយលោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ និងលោកមាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ បានចេញប្រត្តិបត្តិការ

បង្រ្កាបជនសង្ស័យជួញដូរគ្រឿងញៀនប្រុសស្រី៥នាក់នោះចំណាយពេល២ថ្ងៃចុងក្រោយធ្វើនៅក្នុងភូមិសាស្រ្តក្រុងសិរីសោភ័ណ និងបន្តឈានទៅបង្រ្កាបផ្ទះជួលជនសង្ស័យ ដល់ទឹកដីក្រុងសៀមរាបខេត្តសៀមរាបរកឃើញគ្រឿងញៀនលាក់ទុកក្នុងបន្ទប់ជាង២គីឡូក្រាមនោះ ។

លោកឧត្តមសេនីយ៍ត្រី ចាប សុប្ញទ្ធិ ស្នងការរងទទួលការងារប្រឆាំងបទល្មើសប្រាប់ឱ្យដឹងថា កម្លាំងនគរបាលបង្រ្កាបជនសង្ស័យគ្រឿងញៀនទាំង៥នាក់ជាបក្ខពួក និងជាមេខ្លោងគ្រឿងញៀនធំបានសម្រេចនៅពេលនេះក្រោយពីកម្លាំងនគរបាលបានស្រាវជ្រាវស៊ើបអង្កេតរយៈពេល១ខែមកហើយប្រើប្រាស់វិធានការសម្ងាត់តាមរយៈមុខសញ្ញាជនសង្ស័យគ្រឿងញៀនដែលបានបង្រ្កាបកន្លងមកនៅក្នុងខេត្តបន្ទាយមានជ័យ ។

លោកស្នងការរងបានប្រាប់ឱ្យដឹងទៀតថាជនសង្ស័យគ្រឿងញៀងទាំងនេះជាមុខសញ្ញាជួញដូរលក់ចែកចាយគ្រឿងញៀនចំនួន៣ខេត្តគឺខេត្តបន្ទាយមានជ័យ សៀមរាប និងខេត្តបាត់ដំបង ។ ការបង្រ្កាបសមត្ថកិច្ចដកហូតបានគ្រឿងញៀនមេតំហ្វេតាមីនwy៨៧៦៤គ្រាប់ស្មើទម្ងន់ ៧៩៩,៩៤ក្រាម, ថ្នាំញៀនមតំហ្វេតាមីនទឹកកកទម្ងន់១៩៩៥,០១ក្រាម, ថ្នាំញៀនកេតា មីន៨,៥១ក្រាម ថ្នាំគ្រាប់អ៊ិចស្រា្តស៊ីទម្ងន់២,៩៦ក្រាម,ជញ្ជីងថ្លឹងគ្រឿងញៀន៤គ្រឿង, អាវុធខ្លី៤ដើម ក្នុងនោះអាវុធខ្យល់១ដើម,រថយន្តចំនួន២គ្រឿង ។

លោកស្នងការឱ្យដឹងទៀតថា ករណីបង្រ្កាបគ្រឿងញៀនខាងលើ កម្លាំងនគរបាលបន្តស្រាវជ្រាវដើម្បីតាមស្វែងរកចាប់ខ្លួនជនសង្ស័យពាក់ព័ន្ធមួយចំនួនទៀត ។

លោក មាស ច័ន្ទពិសិដ្ឋ ព្រះរាជអាជ្ញាអមសាលាដំបូងខេត្តបន្ទាយមានជ័យ ប្រាប់ឱ្យដឹងថា អង្គភាពអយ្យការអមសាលាដំបូងខេត្តបន្ទាយមានជ័យបានប្តេជ្ញាខ្ពស់ជាមួយ និងសមត្ថកិច្ចពាក់ដើម្បីបបង្រ្កាបគ្រឿងញៀឱ្យមានប្រសិទ្ធភាព កាត់បន្ថយ និងលប់បំបាត់គ្រឿងញៀនក្នុង ទឹកដីខេត្តបន្ទាយមានជ័យ ។

លោកព្រះរាជអាជ្ញាបញ្ជាក់ឱ្យដឹងទៀតថា គ្រឿងញៀនមានផលប៉ះពាល់ធ្ងនធ្ងរដល់ សង្គមខ្មែរ ជាពិសេសអ្នកប្រើប្រាស់គ្រឿងញៀនអាចទៅធ្វើសកម្មភាព ប្រព្រឹត្តបទល្មើស លួច ឆក់ប្លន់ អំពើហឹង្សា បង្កឱ្យប៉ះពាល់សន្តិសុខសង្គម ។

ជនសង្ស័យគ្រឿងញៀន និងវត្ថុតាងនៅរសៀលថ្ងៃទី១៩ ខែកញ្ញា ឆ្នាំ២០១៨ កសាងសំណុំរឿងចាប់បញ្ជូនទៅកាន់តុលាការដើម្បីចាត់ការតាមផ្លូវច្បាប់ ៕

ប្រភព៖ FB