ផ្សារវើល កុងទីន័របានបើកសម្ពោធហើយ កុំភ្លេចចូលទៅកំសាន្តផងណា

កាលពីថ្ងៃទី១១ ខែមករា ឆ្នាំ២០១៨ ថ្មីៗនេះ ផ្សារវើល កុងទីន័រ បានបើកសម្ពោធជាផ្លូវការហើយ ដែលក្នុងនោះមានវត្តមានតារាល្បីៗជាច្រើនបានចូលរួមដូចជា៖ កញ្ញា ឱក សុគន្ធកញ្ញា តារាចំរៀងOriginal Song លោក ហេង ពិទូ និង នាយ ក្រឹម តារាសំណើចមិនចេះរឹងស្ងួត ដែលធ្វើអោយមានភ្ញៀវកិត្តយសចូលរួមយ៉ាងច្រើនកុះករ ហើយបងប្អូនដែលបានចូលរួមរំភើបរីករាយយ៉ាងខ្លាំង និង មានការគាំទ្រយ៉ាងពេញទំហឹងចំពោះកម្មវិធីទាំងមូល។ នេះក៏ជាកម្មវិធីមួយដើម្បីអបអរសាទរដល់ ផ្សារវើល កុងទីន័រអោយកាន់តែទទួលបានការគាំទ្រច្រើនពីសំណាក់អតិថិជន និង ដំណើរការប្រកបដោយភាពជោគជ័យផងដែរ។

កម្មវិធីនារាត្រីនោះផងដែរ មានការសហកាជាមួយស្រាបៀរhiteដែលជាស្រាបៀរដែលពេញនិយមបំផុតពីប្រទេសកូរ៉េ ជាមួយនឹងរសជាតិដើមពិតៗ រសជាតិស្រាលស្រទន់ជាមួយនឹងភាពទាន់សម័យ បានចែករំលែក និង ផ្ដល់នូវភាពសប្បាយរីករាយជាមួយនឹងរង្វាន់សម្រាប់ផ្សងសំណាងដល់ភ្លៀវកិត្តយសដែលបានចូលរួមក្នុងកម្មវិធីក្នុងរាត្រីនោះ។ ដោយមានការរៀបចំយ៉ាងល្អប្រណិត សាកសមនឹងបរិយាកាយ៉ាងបរិសុទ្ធជាមួយនឹងសម្រស់មាត់ទន្លេជះខ្យល់ត្រជាក់ ធ្វើអោយអារម្មណ៍ស្រស់ស្រាយ កាន់តែពិសេសជាមួយមុខម្ហូបដ៏ឈ្ងុយឆ្ញាញ់ និង ដ៏ពេញនិយមជាច្រើនមុខ ប្រកបដោយផាសុខភាព ដោយមើលឃើញពីចំណុចល្អបែបនេះទើបធ្វើអោយមានការសរសើរយ៉ាងច្រើនពីសំណាក់ភ្ញៀវភាគច្រើនដែលបានចូលរួមថា”ផ្សារវើល កុងទីន័រ ជាផ្សារមួយដែលមានទីតាំងដ៏អស្ចារ្យនៅបណ្ដោយមាត់ទន្លេចតុមុខនេះ មានខ្យល់ត្រជាក់ អាកាសបរិសុទ្ធ សម្បូរទៅដោយម្ហូបដែលមានរសជាតិឆ្ងាញ់ៗ ពិសេសមានតារាល្បីៗជាច្រើនបានចូលរួមទៀតផង”

ផ្សារវើល កុងទីន័រ សូមអរគុណដល់តារាកិត្តយស និង ភ្ញៀវកិត្តយសទាំងអស់ដែលបានចូលរួម និង គាំទ្រកម្មវិធី ដែលធ្វើអោយកម្មវិធីដំណើរការប្រកបទៅយ៉ាងរលូន ដោយភាពសប្បាយរីករាយ និង កាន់តែអស្ចារ្យ។ ផ្សារវើល កុងទីន័រ នឹងបន្តរកអ្វីដែលថ្មី និង ល្អសម្រាប់អតិថិជនបន្តទៀត។

ប្រភព: Khmernotes

គ្រាន់តែដឹងថាជនជាតិចិនបើករថយន្តពាក់ស្លាកលេខខេមរភូមិន្ទ លោកឧត្តមសេនីយ៍ទោ ជួន ណារិន្ទ បើកកិច្ចប្រជុំបន្ទាន់តែម្តង ដើម្បី…

កាលពីម្សិលមិញនេះគេឃើញក្នុងហ្វេសប៊ុកផេករបស់ លោកឧត្តមសេនីយ៍ទោ ជួន ណារិន្ទ បានបង្ហោះរូប ព្រមទាំងសារមួយចំនួនទាក់ទងទៅនឹងការពង្រឹងការងារ សណ្តាប់ធ្នាប់ ចរាចរណ៍ ដោយក្នុងនោះលោកបានសរសេរថា៖

“រសៀលថ្ងៃទី១១ ខែ មករា ឆ្នាំ២០១៨ នេះ ខ្ញុំបាទ ស្នងការនគរបាលខេត្តព្រះសីហនុ បានដឹកនាំកិច្ចប្រជុំ ជាបន្ទាន់មួយ ដើម្បីពង្រឹងការងារ សណ្តាប់ធ្នាប់ ចរាចរណ៍។ ដោយហេតុតែ ក្នុងរយៈពេលកន្លងទៅនេះ បញ្ហាសណ្តាប់ធ្នាប់ចរាចរណ៍ នៅតែជាចំណុចប្រឈមមួយ ក្តៅគគុក ដែលជាក្តីកង្វល់របស់ថ្នាក់ដឹកនាំ និងប្រជាពលរដ្ឋទូទៅនៅខេត្តព្រះសីហនុ។

ខ្ញុំបាទ បានលេីកឡេីង នូវ៣ចំណុចសំខាន់ៗ ដែលត្រូវឲ្យសមត្ថកិច្ចជំនាញ ការិយាល័យកណ្ដាលសណ្ដាប់ធ្នាប់សាធារណះ ដែលជាមន្ត្រីអនុវត្តច្បាប់ត្រូវតែយកចិត្តទុកដាក់៖

១. អ្នកបើកម៉ូតូអត់ពាក់មួកសុវត្ថិភាព ពេលយប់ ស្ទើរតែ៩០% ពិសេសនៅពេលដែលសមត្ថកិច្ចដកកម្លាំង ល្បាតតាមផ្លូវ អ្នកបើកបរមិនគោរពច្បាប់ចរាចរណ៍។
២. ម៉ូតូគ្មានស្លាកលេខ និងគ្មានកញ្ចក់មើលក្រោយ។
៣. ទាំងជនជាតិខ្មែរ និងបរទេស អត់ប័ណ្ណបេីកបរ ហេីយ បេីក លឿនៗមិនគោរពច្បាប់ចរាចរណ៍។

– ពេលត្រួតពិនិត្យ ជួបប្រទះជនបរទេស បេីកបរត្រូវឃាត់ធ្វេីការត្រួតពិនិត្យ រកប័ណ្ណបេីកបរ បេីជននោះ មានប័ណ្ណបេីកបរ ត្រឹមត្រូវស្របតាមច្បាប់អនុញ្ញាតិឬទេ (ប័ណ្ណបើកបរអន្តរជាតិ) តែបើមានប័ណ្ណបើកបរក្នុងប្រទេសកម្ពុជា ត្រូវ ថតចម្លងទុកដើម្បីយកត្រូតពិនិត្យនៅអង្គភាជំនាញដើម្បីពិនិត្យថាមានឯកសារត្រឹមត្រូវឬទេ? ឬ ត្រួតពិនិត្យ មេីលគល់បញ្ជីនៅមន្ទីរសាធារណការនិងដឹកជញ្ជូន ដេីម្បីរកភាពត្រឹមត្រូវ។

+តែបើគ្មានប័ណ្ណបើកបរទេត្រូវពិន័យនិងណែនាំបញ្ឈប់បើកភ្លាម តែនៅតែបើកបរដោយខុសច្បាប់ទៀតត្រូវឃាត់រថយន្តទុក ឬ អនុវត្តន៌តាមច្បាប់។

+បើបើកបរគ្មានប័ណ្ណ មើកមរ ហើយ ស្រវឹង ឬបង្ករ ឲប៉ះពាល់ ដល់ ទ្រព្យសម្ប្តតិ សាធារណះ ឬ បុគ្គល ឬ បង្ករឲគ្រោះថ្នាក់ របួស ឬ ស្លាប់ ត្រូវ ត្រូវ ឃាត់ខ្លួន បញ្ជូនទៅសាលាតំបូងខេត្តអនុវត្តន៌តាមច្បាប់កំនត់។

ត្រូវរឹតបន្តឹងចំពោះរាល់អ្នកបេីកបរមានជាតិស្រវឹង បង្កគ្រោះថ្នាក់ត្រូវឃាត់ខ្លួនកសាងសំណុំរឿង បញ្ជូនទៅសាលាដំបូងខេត្ត ដើម្បីចាត់ការតាមច្បាប់។ ការត្រួតពិនិត្យត្រូវ បែងចែកវេនគ្នា ធ្វេីឲ្យបានជាប់ជាប្រចាំ។ ថ្នាក់ដឹកនាំការិយាល័យនគរបាលចរាចរណ៍ផ្លូវគោក ត្រូវប្តូរវេនគ្នាល្បាតតាមដងផ្លូវ ពិនិត្យមើលអ្នកប្រើប្រាស់យានយន្ត ការគោរពច្បាប់ ចរាចរណ៍។ (និងត្រួតពិនិត្យការចតបញ្ច្រាស់ទិស និង ហាមបត់ឆ្វេង។

ខ្ញុំបាទ បានបង្ហាញជូននូវរូបភាពរថយន្ត ដែលប្រើប្រាស់ ពាក់ស្លាកលេខ ខ.មនិង ន ,ប ដែល ធ្វេីចរាចរណ៍នៅខេត្តព្រះសីហនុ បេីកដោយជនជាតិបរទេស ត្រូវរុករកឲ្យឃេីញ និងហាមឃាត់ ឬត្រូវធ្វើរបាយការណ៌ជូនថ្នាក់លើ។

ក្នុងកិច្ចប្រជុំនេះផងដែរ ឯកឧត្តមស្នងការ បានណែនាំឱ្យ អស់លោក ជាថ្នាក់ដឹកនាំ ត្រូវប្រជុំណែនាំ ពង្រឹងវិន័យ ដល់កងកម្លាំងមន្ត្រី អ្នកអនុវត្តច្បាប់ ត្រូវឲ្យមានសីលធម៌និងវិន័យតែមឺងម៉ាត់ក្នុងការអនុវត្តន៏ច្បាប់ថែរក្សា សណ្តាប់ធ្នាប់ ល្អ មិនត្រូវធ្វើឲ្យប៉ះពាល់ដល់ប្រជាពលរដ្ឋនាំឲ្យពួកគាត់មានការថ្នាំងថ្នាក់ឡើយ។
ការងារនេះសូមអង្គភាពអ្នកអនុវត្តិច្បាប់ មន្ទីរពាក់ពន្ធ ចូលរួម សហការណ៌ ទាំងអស់គ្នា ។
ដូច្នេះ សូម អ្នកទាំងអស់គ្នា មានការយោគយល់ដល់សមត្ថកិច្ចយើងខ្ញុំផង គឺពួកយើងខ្ញុំធ្វើដើម្បី ការពារ អាយុជីវត និង សម្ភារះ របស់អ្នកទាំងអស់គ្នាទេបាទ សូមអរគុណទុកជាមុន។”

ទើបចេញពីគុក ត្រូវប៉ូលីសចាប់បញ្ជូនទៅតុលាកាវិញ ករណីគ្រឿងញៀន

ខេត្តត្បូងឃ្មុំ ៖ កាលពីថ្ងៃទី ១០ ខែ មករា គ.ស ២០១៨ វេលាម៉ោង ១០ និង ១០ នាទីព្រឹក កម្លាំងជំនាញផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកមេមត់ បានសហការជាមួយកម្លាំងប៉ុស្តិ៍នគរបាលរដ្ឋបាល បានចុះកិច្ចប្រតិបត្តិការបង្រ្កាបករណីជួញដូរនូវសារធាតុញៀនមួយករណី នៅចំណុចផ្ទះរបស់ឈ្មោះ អ៊ឹម ឌីណា ហៅយក្ស ភេទប្រុស (ជាមុខសញ្ញាលួចម៉ូតូ ទើបដោះលែងពីពន្ធនាគារ) មានទីលំនៅភូមិបេង ឃុំដារ ស្រុកមេមត់ ខេត្តត្បូងឃ្មុំ។

តាមប្រភពពីសមត្ថកិច្ចបានអោយដឹងថា ដោយមានការរាយរណ៍ ដោយផ្ទាល់ពីពលរដ្ធល្អក្នុងគោលបំណងចូលរួមអភិវឌ្ឍន៍អោយភូមិឃុំមានសុវត្តិភាពពីករណីជួញដូរនិងលាក់ទុកនៅសារធាតុញៀនមួយកន្លែងនៅទីតាំងខាងលើ កំលាំងមានសមត្ថកិច្ចមានការសង្ស័យនៅលើផ្ទះមាននោះមានលាក់ទុកមុខសញ្ញា លោកវរសេនីយ៍ឯក ហុង គឹមហឿន អធិការនគបាលស្រុកមេមត់ បានសុំគោលការណ៍ទៅលោកឧត្តមសេនីយ៍ស្នងការ និងបានការឯកភាពពីព្រះរាជអាជ្ញាអមសាលាដំបូងខេត្តត្បូឃ្មុំ សមត្ថកិច្ចយើងបានបង្កើតគណៈកម្មការចំរុះ ដើម្បីធ្វើការត្រួតពិនត្យឆែកឆេរក្នុងផ្ទះនោះ ហើយបានឃើញជនសង្ស័យឈ្មោះ ម៉ុន គឹមលាង ភេទប្រុស អាយុ ២០ ឆ្នាំ ជាតិខ្មែរ (ជាមុខសញ្ញាលួចម៉ូតូ ទើបដោះលែងពីពន្ធនាគារ) រស់នៅភូមិ.ខាងលើដែល កំពុងដេកលើអង្រឹងក្នុងបន្ទប់ក្រោមផ្ទះ និងឆែកឆេររកឃើញនូវម្សៅក្រាមពណ៌សថ្លាសង្ស័យជាគ្រឿងញៀនចំនួន ០១ កញ្ចប់ រួចបញ្ជូនខ្លួនមកកាន់អធិការដ្ឋាននគរបាលស្រុកមេមត់ ធ្វើការសួរចម្លើយ ។

នៅចំពោះមុខសមត្ថកិច្ចជនសង្ស័យឈ្មោះ ម៉ុន គឹមលាង បានឆ្លើយសារភាពថា ៖ កាលពីល្ងាចថ្ងៃទី ០៩ ខែ មករា ឆ្នាំ ២០១៨ ម៉ោងប្រហែល ២០ យប់ បានចូលប្រាក់ជាមួយឈ្មោះ អ៊ឹម ឌីណា ហៅយក្ស បានចំនួន ៨០,០០០ រ ដើម្បីទៅទិញម្សៅក្រាមពណ៌សថ្លាសង្ស័យជាគ្រឿងញៀនពីឈ្មោះ ប៉ាង ម៉េងហួរ ភេទប្រុស អាយុ ៣៤ ឆ្នាំ ជាតិខ្មែរ នៅភូមិដារផ្សារ ឃុំដារ ស្រុកមេមត់ ខេត្តត្បូងឃ្មុំ ដោយនៅខ្វះប្រាក់ចំនួន ២០,០០០រ ទៀត នៅពេលជក់រួចរាល់រូចគេបានចូលទៅដេកលើអង្រឹងក្នុងបន្ទប់ក្រោមផ្ទះ ចំណែកឯឈ្មោះ អ៊ឹម ឌីណា ហៅយក្ស ឡើងទៅដេកលើផ្ទះ ។បន្ទាប់ពីទទួលបានចំលើយសារភាពនេះសមត្ថកិច្ចបន្តចុះស្រាវជ្រាវតាមរកមុខសញ្ញាឈ្មោះ ប៉ាង ម៉េងហួរ រហូតនៅម៉ោង ១៥ និង ៣០ នាទី ថ្ងៃ.ខែ.ឆ្នាំដដែល ឃាត់ខ្លួននៅចំណុចចំការម្រេច ស្ថិតនៅក្នុងភូមិបេង ឃុំដារ ស្រុកមេមត់ ខេត្តត្បូងឃ្មុំ ហើយឆែកឆេររកឃើញរកម្សៅក្រាមពណ៌សថ្លាសង្ស័យជាគ្រឿងញៀនចំនួន ០១ កញ្ចប់ ឧបករណ៍វេចខ្ចប់ និងសម្ភារៈប្រើប្រាស់គ្រឿងញៀន បញ្ជូនមកកាន់អធិការដ្ឋាននគរបាលស្រុកមេមត់ ។

បច្ចុប្បន្នជនសង្ស័យឈ្មោះ ម៉ុន គឹមលាង និងឈ្មោះ ប៉ាង ម៉េងហួរ រួមនិងវត្ថុតាងថ្នាំញៀនទាំង ០៩ កញ្ចប់ ត្រូវបានកម្លាំងជំនាញប្រឆាំងគ្រឿងញៀនស្រុកមេមត់ធ្វើការសាកសួររួចរាល់ និងកសាងសុំណុំរឿងបញ្ចូនខ្លូនទៅតុលាការខេត្តត្បូងឃ្មុំ ដើម្បីផ្ដន្ទាទោសតាមផ្លូវច្បាប់ ៕

ដោយ ៖ Sing Ly
រូបភាព ៖ សូរិយា០៩

ឈាមស្រែកស្បែកហៅ សំលាប់គេនៅភ្នំពេញរត់ដល់បាត់ដំបងនៅតែមិនរួចពីសំណាញ់ច្បាប់

បាត់ដំបង ៖ កាលពីថ្ងៃទី១១ ខែមករា ឆ្នាំ ២០១៨ នគរបាលខេត្តបាត់ដំបងបានសហការណ៍ជាមួយនគរបាលរាជធានីភ្នំពេញបានព័ទ្ធចាប់ជនល្មើសដែលជាឧក្រិដ្ធជនដៃឆៅម្នាក់ ស្ថិតក្នុងភូមិសាស្រ្តស្រុកកំរៀង ខេត្តបាត់ដំបង។

តាមរយះបទបញ្ជាបន្ទាន់បំផុតរបស់ឯក ឧត្តម ឧត្តមសេនីយ៍ទោ អ៊ុច សុខុន ស្នងការនៃ ស្នងការដ្ឋាននគរបាលខេត្តបាត់ដំបង ឧត្តមសេនីយ៍ត្រី ជេត វណ្ណនី ស្នងការរងទទួលផែន នគរបាលយុត្តិធម៌ បានដឹកនាំកម្លាំងនគរបាលជំនាញ រួមជាមួយកម្លាំងនគរបាលនៃអធិការដ្ឋាននគរបា លស្រុកកំរៀង សហការណ៍ជាមួយ កងកម្លាំងនគរបាលរាជធានីភ្នំពេញ ចាប់ខ្លួនឧក្រិដ្ឋជនចំនួន ០១ នាក់ ដែលគេចខ្លួនពីរាជធានីភ្នំពេញ មកសម្ងំលាក់ខ្លួននៅក្នុងភូមិសាស្រ្តស្រុកកំរៀង ខេត្តបា ត់ដំបង ក្រោយពីកាប់សម្លាប់ជនរងគ្រោះឈ្មោះ អេង ម៉េងឃាង ភេទប្រុស អាយុ ២០ ឆ្នាំ កាលពីថ្ងៃទី ២៩ ខែ ធ្នូ ឆ្នាំ ២០១៦ ។ ជនល្មើសឈ្មោះ ហេង បញ្ញា ហៅ បញ្ញា ភេទប្រុស អាយុ ២៦ ឆ្នាំ នៅសង្កាត់មនោរម្យ ខ័ណ្ឌ ៧មករា រាជធានីភ្នំពេ ញបច្ចុប្បន្នបានប្រគល់ជូនសមត្ថកិច្ចនគរបា ល រាជធានីភ្នំពេញ ដើម្បីចាត់ការតាមនី តិវិធី ៕

ដោយ ៖ Sing Ly
(រូបភាពផែននគរបាលយុត្តិធម៌ &ក្រុមការងារ ប្រតិកម្មរហ័ស

ក្តៅក្តៅ ! 3វីដេអូចេញព្រមគ្នាករណីលោកស័ក្ក 3ទំនើងតំលើងស័ក្កខ្លួនឯងដើម្បីប្រើហឹង្សា

រាជធានីភ្នំពេញ ៖ ថ្មីៗនេះក្រោយពីមានការប្រើអំពើហឹង្សាជាសាធារណះមកលើមន្ត្រីប៉ូលីសចរាចរជាប់កិច្ចសន្យាម្នាក់ពីសំណាក់ លោកប៉ូលីសស័ក្ក ០៤ក្លែងក្លាយ ដែលតាមពិតប៉ូលីសរូបនោះមានឋានះត្រឹមតែអនុសេនីយ៍ឯកតែប៉ុណ្ណោះ (ស័ក្ក០៣) តែទំនងជាគិតថាមិនខ្លាំង មិនឡូយ មិនសាហាវទើបទិញស័ក្កពាក់បន្ថែមមួយទៀត។

តាមរយះវីដេអូទាំងនោះបង្ហាញអំពីភាពអសីលធម៍ និងហឹង្សាយ៉ាងកំរោលនិងគ្មានការយោគយល់ឬអនុគ្រោះទាល់តែសោះ ដែលក្នុងនាមជាមន្ត្រីដូចគ្នា។ ក្នុងវីដេអូនោះដែរជនរងគ្រោះបានបញ្ជាក់ថា ៖ បើគ្រាន់តែវៃតប់ ទាត់ធាក់ប៉ុណ្ណឹងគាត់មិនខឹងទេ តែអ្វីដែលគាត់ទ្រាំមិនបាននិងមិនអាចអនុគ្រោះអោយបាននោះគឺការប្រើអំណាច ប្រើហឹង្សាចាប់ក្របួចអាវអូសតាំងពីក្រៅដល់ខាងក្នុងដែលហាក់មិនចាត់ទុកគាត់ជាមនុស្សទាល់តែសោះ៕

វីដេអូទី ០១ បង្ហាញពីអារម្មណ៍ឈឺចាប់ និងការតាំងចិត្តជំនះការលំបាករបស់ជនរងគ្រោះ

https://www.facebook.com/plugins/video.php?href=https%3A%2F%2Fwww.facebook.com%2F497758037017327%2Fvideos%2F1473389939454127%2F&show_text=0&width=264

វីដេអូទី ០២ ការថតបានពីកាមេរ៉ាសុវត្តិភាពបង្ហាញកាន់តែច្បាស់អំពីវាធាក់ចំកណ្តាលទ្រូង

https://www.facebook.com/plugins/video.php?href=https%3A%2F%2Fwww.facebook.com%2Fboosbon.reap%2Fvideos%2F10211811980763967%2F&show_text=0&width=266

វីដេអូទី ០៣ បង្ហាញពីការនាំខ្លួនជនល្មើសស័ក្ក ៤ក្លែងក្លាយ
https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F868239780014481%2F&show_text=0&width=560

រឿងនឹកស្មានមិនដល់ តាមពិតស័ក្ក3សោះ ប្រហែលមិនសូវខ្លាំងបានតំឡើងស័ក្កខ្លួនឯងមួយទៀត

សន្តិសុខមាតុភូមិ ៖ ក្រោយបញ្ចប់ការសួរនាំនៅព្រឹកថ្ងៃទី១១ ខែមករា ឆ្នាំ២០១៨នេះ លោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានសម្រេចចោទប្រកាន់ចំនួន២បទល្មើស ទៅលើមន្រ្តីនគរបាលពាក់ស័ក្តិ៤ (តាមពិតស័ក្តិ៣) ដែលលើកជើងធាក់មន្រ្តីនគរបាលចរាចរណ៍ ជាប់កិច្ចសន្យារបស់សាលារាជធានីភ្នំពេញ។ នេះបើតាមសេចក្តីរាយការណ៍ពីភ្នាក់ងារព័ត៌មានក្នុងស្រុកមួយ ប្រចាំតុលាការ បានរាយការណ៍នៅមុននេះបន្តិច។

លោក សៀង សុខ បានសម្រេចចោទប្រកាន់ទៅលើជនត្រូវចោទនូវបទល្មើស «ហិង្សាដោយចេតនាមានស្ថានទម្ងន់ទោស និងប្រើប្រាស់ដោយគ្មានសិទ្ធិនូវសញ្ញាសម្គាល់ ដែលកំណត់ ដោយអាជ្ញាធរសាធារណៈ» ប្រព្រឹត្តទៅនៅចំណុចផ្លូវលេខ៥៩៨ កែផ្លូវលេខ៣១៥ សង្កាត់ភ្នំពេញថ្មី ខណ្ឌសែនសុខ កាលពីថ្ងៃទី៩ ខែមករា ឆ្នាំ២០១៨ តាមបញ្ញត្តិមាត្រា២១៨ និងមាត្រា៦១៤ នៃក្រមព្រហ្មទណ្ឌ។ សម្រាប់មាត្រា២១៨ ត្រូវប្រឈមជាប់ពន្ធនាគារពី២ឆ្នាំទៅ៥ឆ្នាំ ពិន័យជាប្រាក់ពី៤លាន ទៅ១០លាន និងមាត្រា៦១៤ ដែលប្រឈមជាប់ពន្ធនាគារពី១ខែ ទៅ១ឆ្នាំ ពិន័យជាប្រាក់ពី ១០ម៉ឺន ទៅ២លានរៀល។

បើតាមការបញ្ជាក់ពីមន្រ្តីតុលាការ តាមពិតជនត្រូវចោទរូបនេះ មានឋានន្តរស័ក្តិអនុសេនីយ៍ឯក (ស័ក្តិ៣) ប៉ុន្តែជននេះបានទិញស័ក្តិក្លែងក្លាយ១ទៀត ដើម្បីពាក់លើស្មា គឺឡើងស័ក្តិ៤។ក្រោយបញ្ចប់ការសួរនាំ និងចោទប្រកាន់រួចមកលោក សៀង សុខ បានបញ្ជូនទៅកាន់ដៃចៅក្រមដើម្បីចាត់ការបន្តទៀត តើសម្រេចឃុំឬមិនឃុំ៕

ក្តៅក្តៅពេកហើយ គ្រឿងញៀនអីឡូវមានដឹកជញ្ចូនដល់ផ្ទះ !

ខេត្តកណ្តាល ៖ ដើម្បីរក្សាបាននូវភូមិឃុំមានសុវត្តិភាព និង ប្រយុទ្ធប្រឆាំងនិងគ្រឿងញៀនផងនោះ កាលពីថ្ងៃទី ០៩ ខែ មករា ឆ្នាំ ២០១៧ វេលាម៉ោង ១៤និង០០នាទី ក្រោយទទួលបានព័ត៍មានពីប្រជាពលរដ្ឋល្អថា មានករណី ជួញដូរគ្រឿងញៀន នៅចំណុចភូមិ តាពេជ ឃុំក្រាំងយ៉ូវ ស្រុកស្អាង ខេត្តកណ្តាល ភ្លាមនោះកម្លាំងផ្នែកប្រឆាំងបទល្មើសគ្រឿងញៀន សហការជាមួយកម្លាំងប៉ុស្តិ៍នគរបាលក្រាំងយ៉ូវ បានទៅដល់ចំណុចកើតហេតុ ធ្វើការត្រួតពិនិត្យជនសង្ស័យឈ្មោះ ស្ងួន វាសនា ហៅស្នា បានរកឃើញម្សៅក្រាបពណ៌សថ្លា សង្ស័យជាសារធាតុញៀន(ម៉ាទឹកកក) ចំនួន ២០កញ្ចប់តូច នៅនឹងខ្លួន រួចឃាត់ខ្លួនជនសង្ស័យរួមនឹងវត្ថុតាង បញ្ជូនមកប៉ុស្តិ៍នគរបាលក្រាំងយ៉ូវ ដើម្បីសាកសួរ ។

បើយោងតាមការសារភាពរបស់បុរសម្នាក់ដែលមានឈ្មោះថា ស្ងួន វាសនា ហៅស្នា ភេទប្រុស អាយុ ៣៣ឆ្នាំ រស់នៅភូមិតាពេជ្រ ឃុំក្រាំងយ៉ូវ ស្រុកស្អាង ខេត្តកណ្តាល បានសារភាពថា ៖ គ្រឿងញៀន(ម៉ាទឹកកក)ចំនួន ០១កញ្ចប់ធំ ខ្លួនបានទិញពីស្រីម្នាក់ មិនស្គាល់ឈ្មោះ នៅចោមចៅ រាជធានីភ្នំពេញ តម្លៃ ៥០០,០០០៛ យកមកអោយខ្លួនដល់ផ្ទះ ដើម្បីវេចខ្ចប់លក់បន្ត ក្នុង០១កញ្ចប់តូច តម្លៃ ៣ម៉ឺនរៀល ។បច្ចុប្បន្នជនសង្ស័យបានឃាត់ខ្លួន នៅអធិការដ្ឋាននគរបាលស្រុកស្អាង ដើម្បីកសាងសំណុំរឿងតាមនីតិវិធី ។

ដោយ ៖ Sing Ly
ប្រភព ៖ សេនាធិការ នគរបាលស្រុកស្អាង

ការងារមិនធ្វើ បែកគំនិតធ្វើសង្ឃក្លែងក្លាយដើរបិណ្ឌបាត ត្រូវសមត្ថកិច្ចចាប់ខ្លួន

សៀមរាប ៖ ព្រឹកថ្ងៃពុធ ៩ រោច ខែបុស្ស ឆ្នាំរកា នព្វស័កពុទ្ធសករាជ ២៥៦១ ត្រូវនឹងថ្ងៃទី១០ ខែមករា ឆ្នាំ២០១៨ វេលាម៉ោង ០៩ : ៣០នាទី ព្រឹកសមត្ថកិច្ចមគរបាលឃាត់ខ្លួនមនុស្ស ១៩នាក់ ដែលក្លែងបន្លំជាសង្ឃធ្វើសកម្មភាពដើរបិណ្ឌបាត្រតាមទីផ្សារទីសាធារណះ និងស្នាក់នៅតាមផ្ទះសំណាក់ក្នុងក្រុងសៀមរាប បែបអាណាធិបតេយ្យ និងកុមារមួយនាក់ជា(កូនសិស្សលោក)

លោកឧត្តមសេនីយ៍ត្រី ហួត សុធី ស្នងការរងទទួលផែនសន្តិសុខ បានឲ្យដឹងថាលោកបានដឹកនាំកម្លាំងនគរបាលកណ្ដាលសន្តិសុខ ដោយមានការចូលរួមសហការពីកម្លាំងផ្នែកសន្តិសុខក្រុង និងកម្លាំងប៉ុស្តិ៍នគរបាលរដ្ឋបាលសង្កាត់គោកចកនៃអធិការដ្ឋាននគរបាលក្រុងសៀមរាប បានចុះប្រមូលជនសង្ស័យ ដែលធ្វើសកម្មភាពក្លែងបន្លំជាសង្ឃ ដើរបិណ្ឌបាតតាមទីផ្សារទីសាធារណះ និងដេកស្នាក់នៅតាមផ្ទះសំណាក់ក្នុងក្រុងសៀមរាបបែបអាណាធិបតេយ្យចំនួន ១៩នាក់ និងកុមារម្នាក់ជាកូនសិស្សលោក។

ជនសង្ស័យដែលបានឃាត់ខ្លួនទាំងនោះ មានស្រុកកំណើតនៅខេត្តព្រៃវែង ខេត្តព្រះវិហារ ខេត្តតាកែវ ខេត្តកំពង់ស្ពឺ ខេត្តបាត់ដំបង ខេត្តកោះកុង ខេត្តកែប ខេត្តព្រះសីហនុ ខេត្តឧត្តរមានជ័យ និងខេត្តកំពត។
លោកឧត្តមសេនីយ៍ត្រី ហួត សុធី បានបញ្ជាក់ថា បន្ទាប់ពីអនុគុណ និងធម្មការក្រុងខេត្តសៀមរាប ធ្វើការបកស្បង់ជីវរហើយ បានប្រគល់ឲ្យសមត្ថកិច្ចនគរបាលយើង កម្លាំងជំនាញយេីង បានធ្វើការសាកសួរ និងពិនិត្យទឹកនោមរកសារធាតុញៀនលទ្ធផលវិជ្ជមាន ១៧នាក់ បញ្ជូនទៅការិយាល័យព្រហ្មទណ្ឌកំរិតធ្ងន់ ដេីម្បីបន្តនីតិវិធី និងកុមារម្នាក់បញ្ជូនទៅឲ្យអង្គការផងដែរ។

ដោយ ៖ Sing Ly
ប្រភព ៖ ស្នងការដ្ធាននគរបាលខេត្តសៀមរាប

ក្តៅក្តៅពេកហើយ គ្រឿងញៀនអីឡូវមានដឹកជញ្ចូនដល់ផ្ទះ !

ដោយ ៖ Sing Ly
ប្រភព ៖ សេនាធិការ នគរបាលស្រុកស្អាង

សាហាវហួស ! យុវជនម្នាក់ជិះកង់ទៅលួចម៉ូតូពីម្ចាស់ ដែលចុះទិញទឹកសុទ្ធទាំងព្រឹក

ស្រុកស្អាង ៖ តាមប្រភពពីប៉ូលីសអធិការដ្ធានស្រុកស្អាងបានអោយដឹងថា នៅថ្ងៃទី ១០ ខែ មករា ឆ្នាំ ២០១៨ វេលាម៉ោង ៨ ព្រឹក នៅចំណុចភូមិស្វាយជួរ ឃុំរកាខែល ស្រុកស្អាង ខេត្តកណ្តាលបានអោយដឹងថា ៖ ជនសង្ស័យឈ្មោះ អៀង ហឿន ហៅទក ភេទប្រុស អាយុ ២៩ឆ្នាំ ជនជាតិខ្មែរ ស្នាក់នៅផ្ទះលេខ ១៧១ ផ្លូវ២១ BT ភូមិបឹងទំពន់៤ សង្កាត់បឹងទំពន់ ខ័ណ្ឌមានជ័យ រាជធានីភ្នំពេញ ត្រូវបានចាប់ខ្លួនភ្លាមៗបន្ទាប់ពីបុរសរូបនោះបានជិះកង់ទៅដូរយកម៉ូតូរបស់គេម៉ាក ហុងដា C125 ស៊េរីឆ្នាំ ២០១៥ ពណ៏ទឹកមាស ពាក់ស្លាកលេខ ភ្នំពេញ1FE.9549 ដែលកំពុងចតចោលដោយម្ចាស់ភ្លេចដកសោរ។

តាមប្រភពពីជនរងគ្រោះ (មាស សូម៉ានី) បានអោយដឹងថា ខ្លួនបានជិះម៉ូតូមកភូមិស្វាយជួរ ក្នុងគោលបំណងទិញទឹកសុទ្ធ តែបានភ្លេចដកសោរចេញពីម៉ូតូ មួយសន្ទុះក្រោយមកស្រាប់តែជនសង្ស័យបានឡើងជិះកង់មកដល់ ហើយឡើងជិះម៉ូតូរួចបើកចេញទៅ ដោយបន្សល់ទុកកង់មួយគ្រឿងនៅកន្លែងកើតហេតុទើបបង្ករអោយមានការផ្អើឆោឡោឡើងតែម្តង។ តាមប្រភពដដែលបានបន្តថា ក្រោយពីទទួលបានពត៍មានសមត្ថកិច្ចបានពួនស្ទាក់ចាប់បានទាំងជនល្មើសនិងវត្តុតាងនៅចំណុចភូមិដំរី ឃុំស្អាងភ្នំ ស្រុកស្អាង ខេត្តកណ្តាល ហើយបានបញ្ជូនមកអធិការដ្ធាននគរបាលស្រុកស្អាងសំរាប់ចាត់ការបន្តតាមនិតិវិធី៕

ដោយ ៖ Sing Ly
ប្រភព ៈ អធិការដ្ធានស្រុកស្អាង