ប្រទេសថៃ៖ មានភ្ញាក់ផ្អើលដល់សមត្ថកិច្ចចុះធ្វើអន្តរាគមន៍ទាំងយប់ ក្រោយបុរសជនជាតិកូរ៉េ ២នាក់ ប៉ះជាមួយនឹងនារីវ័យក្មេងស្រស់ស្អាតជនជាតិថៃម្នាក់ ដល់ក្នុងអាផាតមិនមួយកន្លែង ក្នុងប្រទេសថៃ ជុំវិញនឹងរឿងឡើងឋានសួគ៌ ទឹកឃ្មុំក្លាយជាទឹកខ្មេះ បញ្ឆេះកំហឹងវាយគ្នាបែកក្បាលបែកក្បូង។

បើយោងតាមប្រភពសារព័ត៌មាន បានរាយការណ៍ឲ្យដឹងថា ទំនាស់ហិង្សាវាយតប់គ្នារវាងបុរសជនជាតិកូរ៉េ ជាមួយនឹងនារីវ័យក្មេងរូបស្រស់ជនជាតិថៃ ស្អាតមិនចាញ់តារានេះ បានកើតឡើងកាលពី ថ្ងៃសៅរ៍ ទី១៥ កញ្ញា ឆ្នាំ២០១៨ កន្លងទៅនេះ នៅចន្លោះម៉ោងប្រមាណជា ៣ទៀបភ្លឺ នៅអាផាតមិនមួយកន្លែង ស្ថិតក្នុងទីក្រុងប៉ាតាយ៉ា ប្រទេសថៃ។

ដំណើរដើមទង រហូតកើតមានជម្លោះបែបនេះឡើង តាមសម្ដីពីនារីស្រស់ស្អាតខាងលើ ឈ្មោះ Somchai អាយុ ២២ឆ្នាំ បានរៀបរាប់ប្រាប់កាសែតក្នុងស្រុកឲ្យដឹងថា នៅក្នុងយប់កើតហេតុនោះ គឺនាងបានដើរលេងកម្សាន្តនៅឆ្នេរសមុទ្រប៉ាតាយ៉ា បន្ទាប់មកក៏ស្រាប់តែមានបុរសជនជាតិកូរ៉េ ទាំង២នាក់ខាងលើនេះ បានដើរមករកនាង ទាំងស្ថិតក្នុងស្ថានភាពស្រវឹង ហើយក៏ចាប់ផ្តើមបញ្ចេញសកម្មភាព និងកាយវិការចែចង់ អូសកាឡានាងតែម្តង។

បន្ទាប់មកទៀត ពួកគេក៏បានស្នើសុំនាងឲ្យទៅជាមួយនឹងពួកគេ ពោលគឺ ទៅអាផាតមិនដែលពួកគេស្នាក់នៅ ដើម្បីក្នុងគោលបំណងចង់រួមភេទជាមួយនឹងនាង ហើយពួកគេនឹងគិតថ្លៃសេវាដល់នាងវិញផងដែរ។

ក្រោយមក នាងក៏បានយល់ព្រមទៅជាមួយនឹងបុរសកូរ៉េទាំង ២នាក់ ខាងលើនេះ។ ប៉ុន្តែផ្ទុយទៅវិញ ក្នុងកំឡុងពេលកំពុងតែប្រតិបត្តិការយ៉ាងពុះកញ្ជ្រោលលើគ្រែ ស្ថានភាពហាក់មិនដំណើរការរលូនទាល់តែសោះ ដែលធ្វើឲ្យបុរសកូរ៉េកើតការសង្ស័យ និងទីបំផុតទើបដឹងថា នារីដែលពួកគេនាំមកសម្រេចកាមនេះ មិនមែនជាស្រីពេញលក្ខណៈ ពោលគឺ នាងជាបុរសកែភេទប៉ុណ្ណោះ ទើបកើតជាកំហឹងឈ្លោះវាយតប់គ្នា បង្កឲ្យមានការភ្ញាក់ផ្អើលតែម្តងទៅ។

ប្រភពដដែលបន្តថា ភ្លាមៗក្រោយកើតហេតុ ប៉ូលិស រួមទាំងក្រុមអ្នកស្ម័គ្រចិត្តជួយសង្គ្រោះជាច្រើន ត្រូវបានគេទាក់ទង ចុះទៅដល់ទីតាំងកើតហេតុ ដើម្បីជួយធ្វើអន្តរាគមន៍។

ក្នុងនោះ បុរសជនជាតិកូរ៉េម្នាក់ បានរងរបួសបែកក្បាលចេញឈាម ចំណែកនារីភេទទីបី Somchai វិញ បានរងរបួសជើងឆ្វេង។ អ្នកទាំង៣ ត្រូវបានគេបញ្ជូនទៅព្យាបាលរបួស នៅមន្ទីរពេទ្យ Pattaya City Hospital ផងដែរ។

គួរឲ្យដឹងផងដែរថា បើទោះបីជាយ៉ាងណាក្តី ជុំវិញនឹងករណីនេះ បច្ចុប្បន្នប៉ូលិសក៏កំពុងតែបន្តធ្វើការស៊ើបអង្កេតផងដែរ៕

(មានវិដេអូ)

ប្រភព៖ FB

(អន្តរជាតិ) នាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ ( Benjamin Nayanyahu ) បាននិយាយ ពីថ្ងៃអាទិត្យនេះថា ប្រទេសរបស់លោកបានតាំងចិត្ត ការពារបណ្តាប្រទេសជាសត្រូវមិនឱ្យទទួលបានគ្រឿងសព្វាវុធដែលច្បាស់លាស់ ។

លោកបាននិយាយនៅក្នុងកិច្ចប្រជុំគណៈរដ្ឋមន្ត្រីប្រចាំសប្តាហ៍មួយថា អ៊ីស្រាអែលកំពុងធ្ចើការងារ យ៉ាងខ្ជាប់ខ្ជួន ដើម្បីរារាំងសត្រូវរបស់យើង មិនឱ្យបំពាក់ខ្លួនឯងបានជាមួយគ្រឿងសព្វាវុធទំនើប ។

លោកបាននិយាយបន្ថែមថា ខ្សែបន្ទាត់ក្រហមរបស់យើង គឺខ្លាំងដែលមិនធ្លាប់មានពីមុនមក ហើយការ តាំងចិត្តរបស់យើងដើម្បីពង្រឹងនូវខ្សែបន្ទាត់ក្រហមនេះ គឺខ្លាំងជាងដែលមិនធ្លាប់មានពីមុនមក ។ ការកត់សម្គាល់របស់លោកធ្វើឡើងបន្ទាប់ពីការវាយប្រហារដោយមីស៊ីលរបស់អ៊ីស្រាអែលទៅលើ ព្រលានយន្តហោះទីក្រុងដាម៉ាស់ រដ្ឋធានីប្រទេសស៊ីរី កាលពីយប់ថ្ងៃសៅរ៍ដែលគេរាយការណ៍ថា បានវាយ ប្រហារយន្តហោះអ៊ីរ៉ង់មួយគ្រឿង ដែលដឹកគ្រឿងសព្វាវុធ សម្រាប់កងកម្លាំងអ៊ីរ៉ង់ស្និទ្ធប្រធានាធិបតីលោក បាសារ-អាល់-អាសាដ ក្នុងប្រទេសស៊ីរី ។

ប្រទេសអ៊ីស្រាអែលមិនបានធ្វើអត្ថាធិប្បាយជាផ្លូវការ ស្តីពីការវាយប្រហារនេះ ឬបញ្ជាក់អះអាងពី ការចូលរួមរបស់ខ្លួននោះឡើយ ។ អ៊ីស្រាអែលចាត់ទុកអ៊ីរ៉ង់ថា ជាការគំរាមកំហែងយ៉ាងសំខាន់មួយ ព្រមទាំងបានធ្វើការវាយប្រហារពី អាកាសរាប់សឹបលើកទៅលើគោលដៅអ៊ីរ៉ង់ ហើយនឹងក្បួនរថយន្តដឹកគ្រឿងសព្វវុធនៅក្នុងប្រទេសស៊ីរី ក្នុងប៉ុន្មានឆ្នាំកន្លងទៅនេះ ៕ប្រភពAKP

(អន្តរជាតិ) អ្នកនាំពាក្យវិមានក្រឹមឡាំង លោក ឌ្មីទ្រី ប៉េស្កូវ បាននិយាយពីថ្ងៃអង្គារថា ការប្រកាសរបស់ ប្រទេសចិនដែលថា ខ្លួននឹងចូលរួមនៅក្នុងសមយុទ្ធយោធា Vostok-2018 ( East- 2018 ) របស់ប្រទេសរុស្ស៊ីនោះនឹងបង្ហាញឱ្យឃើញពីការពង្រីកកិច្ចសហប្រតិបត្តិការរបស់ប្រទេសទាំងពីរ ក្នុងក្រុមវិស័យទាំងអស់ ។

Vostok-2018 ដែលត្រូវធ្វើចាប់ពីថ្ងៃទី១១ ដល់ ១៥ ខែកញ្ញានឹងចូលរួមដោយកងទ័ពជិត ៣០០.០០០ នាក់ , រថយន្តយោធាប្រហែល៣៦.០០០ គ្រឿងនឹងយន្តហោះជាង ១.០០០ គ្រឿង មកពីសង្កាត់យោធា ភាគខាងកើត និងកណ្តាលរបស់រុស្ស៊ី ព្រមទាំងកងនាវាភាគខាងជើង ។

ក្រសួងការពារប្រទេសចិនបានប្រកាសកាលពីសប្តាហ៍កន្លងទៅថា ចិននឹងបញ្ជូនកងទ័ពប្រហែល ៣.២០០នាក់ ព្រមជាមួយគ្រឿងសព្វាវុធជាង៩០០ គ្រឿង ហើយនឹងយន្តហោះមានកង្ហាល់និង ឧទ្ធម្ភាគ ចក្រ៣០គ្រឿងទៅចូលរួមនៅក្នុងការវាយប្រហារបាញ់គ្រាប់ពិត ព្រមទាំងការហ្វឹកហាត់ប្រឆាំងនឹងការវាយ ប្រហារ ។

កងយោធារបស់ប្រទេសទាំងពីរ នឹងធ្វើសមយុទ្ធរួមនៅឯកន្លែងហ្វឹកហាត់ Tsugol ក្នុងតំបន់ Trans-Baikal របស់ប្រទេសរុស្ស៊ី ចាប់ពីថ្ងៃទី១១ ដល់ ១៥ ខែកញ្ញា ខាងមុខ នេះ ៕ប្រភពAKP

(អន្តរជាតិ) រដ្ឋមន្ត្រីការពារប្រទេសអាមេរិក លោក ជេម ម៉ាតទីស (James Mattis ) បាននិយាយពីថ្ងៃអង្គារថា ស.រ.អា គ្មានផែនការណាមួយដើម្បីផ្អាកការធ្វើសមយុទ្ធយោធាថែមទៀតណាមួយ ជាមួយកូរ៉េខាងត្បូងនោះទេ ។

នៅក្នុងសន្និសីទសារព័ត៌មានមួយលោក ម៉ាតទីស បាននិយាយថា ​យើងប្រកាន់យកនូវជំហាន ដើម្បីផ្អាកសមយុទ្ធដ៏ធំបំផុតជាច្រើនធ្វើជាវិធានការសុឆន្ទៈមួយ ដែលកើតចេញមកពីកិច្ចប្រជុំកំពូលនៅ សិង្ហបុរី ។

លោកបាននិយាយថា នៅពេលនេះយើងគ្មានផែនការណាមួយ ដើម្បីផ្អាកការធ្វើសមយុទ្ធថែមទៀតណាមួយទេ ដោយលោកនិយាយបន្ថែមថា គ្មានការសម្រេចចិត្តណាមួយនៅឡើយទេ ស្តីពីការធ្វើសមយុទ្ធយ៉ាងសំខាន់សម្រាប់ឆ្នាំខាងមុខ ។

លោកបាននិយាយថា ក្រុងវ៉ាស៊ីងតោន មិនបានធ្វើការសម្រេចចិត្ត ស្តីពីថាតើនឹងបន្តការផ្អាកការ ធ្វើសមយុទ្ធយ៉ាងសំខាន់ជាមួយកូរ៉េខាងត្បូងសម្រាប់ឆ្នាំខាងមុខនេះ ឬយ៉ាងណានោះទេ ។

លោក ម៉ាតទីស បាននិយាយថា ​យើងនឹងរង់ចាំមើលថាតើ កិច្ចចរចានានានឹងប្រព្រឹត្តិទៅយ៉ាងម៉េច ហើយបន្ទាប់មកយើងនឹងពិចារណាទៅអនាគតថា តើយើងនឹងដំណើរការទៅមុខតាមរបៀបណានោះ។

មន្ទីរប៉ង់តាហ្គោនបាននិយាយពីថ្ងៃទី ២២ ខែមិថុនាថា ខ្លួនបានផ្អាកដោយគ្មានកំណត់កម្មវិធីសមយុទ្ធយោធា ២ ជាមួយកូរ៉េខាងត្បូងដើម្បីគាំទ្រដល់កិច្ចព្រមព្រៀងរវាងប្រធានាធិបតីអាមេរិកលោក ដូណាល់ត្រាំ និងមេដឹកនាំកំពូលកូរ៉េខាងជើង លោក គីម ជុងអ៊ុន ៕ ប្រភពAKP

(អន្តរជាតិ) ករណីបាញ់ប្រហារនេះបានកើតឡើង កាលពីថ្ងៃទី២៦ ខែសីហា ឆ្នាំ២០១៨នេះនៅមជ្ឈមណ្ឌលពាណិជ្ជកម្ម Jacksonville Landing ដែលមានផ្សារទំនើប តំបន់កម្សាន្ត ភោជនីយដ្ឋាន…ស្ថិតនៅទីក្រុង Jacksonville ក្នុងរដ្ឋផ្ល័រីដា អាមេរិក។

យោងតាមប្រធានមន្ត្រីប៉ូលិស ទីក្រុង Jacksonville លោក Mike Williams ខ្មាន់កាំភ្លើងខាងលើមានឈ្មោះ David Katz អាយុ២៤ឆ្នាំ ក្នុងទីក្រុង Baltimore។ ប៉ុន្តែលោក មិនបានបញ្ជាក់ពីមូលហេតុនៃហេតុការណ៍បាញ់ប្រហារនេះទេ។ លោក Williams បន្ថែមថាខ្មាន់កាំភ្លើងឈ្មោះ Katz បានបាញ់សម្លាប់ខ្លួនឯង ហើយសាកសពរបស់គាត់ ត្រូវបានគេរកឃើញនៅក្បែរជនរងគ្រោះ ទាំងពីរនាក់ ខណៈមនុស្ស៩នាក់ផ្សេងទៀតរងរបួស។