កុងតឺន័រ ១៧ បានធ្លាក់ចូលក្នុងសមុទ្រ នៅក្នុងខេត្ត Trang ប្រទេសថៃ ដោយសារតែ…(ចុចអានបន្ត)

(ប្រទេសថៃ) នៅព្រឹកថ្ងៃពុធ ទី១១ ខែកក្តដា មានកប៉ាល់ដឹកទំនិញ ១គ្រឿងដោយផ្ទុកកុងតឺរន័រជាច្រើន ត្រូវបានវាយប្រហារដោយរលកដ៏ធំៗ បណ្តាលឲ្យកុងតឺន័រ ទាំងអស់ បានធ្លាក់ចូលក្នុងសមុទ្រ នៅក្នុងខេត្ត Trang ប្រទេសថៃ ។

កប៉ាល់នោះឈ្មោះ NP Lovegistics 2 បានបញ្ជូនសញ្ញាជំនួយសង្គ្រោះបន្ទាន់មួយ ក្រោយពីមានរលកធំៗវាយប្រហារ និងបណ្តាលឲ្យកប៉ាល់ត្រូវរសាត់នៅក្នុងសមុទ្រ នៃភាគខាងលិចកោះ Koh Lao Liang ក្នុងស្រុក Kantang ក្នុងខេត្ត Trang ។ ប៉ូលីសជើងទឹក បន្ទាប់មក បានណែនាំដល់ប្រធានក្រុមនាវា ដើម្បីនាំយកវាចូលចតនៅកំពង់ផែ ស្ថិតក្នុង Tambon Na Klua នៃស្រុក Kantang ដើម្បីរង់ចាំប្រតិបត្តិការសង្គ្រោះស្រង់យកកុងតឺន័រទាំងអស់នោះពីក្នុងទឹក ។

ប៉ូលីសជើងទឹក Trang បានបញ្ចូននាវាល្បាត ដើម្បីសង្គ្រោះកប៉ាល់ដឹកទំនិញនោះ បន្ទាប់ពីបានដឹងពីហេតុការណ៍នោះនៅថ្ងៃត្រង់ ។

សូមបញ្ជាកដែរថា ប៉ូលីសនៅច្រកព្រំដែនខេត្ត Trang នៃប្រទេសថៃ និយាយថា គ្មាននរណាម្នាក់នៅលើកប៉ាល់នោះ ទទួលរងរបួស ឬ ស្លាប់ នៅក្នុងហេតុការណ៍នោះទេ ៕

ដំណឹងល្អ! ពេលនេះក្រុមក្មេងៗទាំង១២នាក់ និងគ្រូបង្វឹកកំពុងសំរាកតាមដាន និងពិនិត្យសុខភាពនៅមន្ទីពេទ្យខេត្ដឈាងរ៉ៃ..

ថៃ៖ តាមរយៈវីដេអូខ្លីដែលបង្ហោះដោយទំព័រហ្វេសប៊ុកមួយហាក់បានធ្វើឲ្យប្រជាជនទូទាំងពិភពលោកពិសេស ប្រជាជនខ្មែរយើងបានបង្ហាញការសាទរខ្លាំង ដោយពួកគេហាក់មាន ភាពរឹងមាំឡើងវិញ ពិសេសនោះពួកគេបានបង្ហាញពីភាពសប្បាយរីករាយផ្ញើជូនចំពោះ ក្រុម ក៏ដូចជាអ្នកទាំងអស់គ្នាដែលបារម្មណ៍ពីសុខទុក្ខពួកគេ។

ទំព័រហ្វេសប៊ុកដដែលបានឲ្យដឹងថា «វីដេអូក្រុមក្មេងៗទាំង១២នាក់ និងគ្រូបង្វឹកកំពុងសំរាកតាមដាន និងពិនិត្យសុខភាពនៅមន្ទីពេទ្យខេត្ដឈាងរ៉ៃ។ ពួកគេទាំងអស់គ្នារឹងមាំឡើងវិញហើយ បន្ទាប់ពីបានជាប់ក្នុងរូងភ្នំអស់រយៈពេល10ថ្ងៃកន្លងមក។ ពួកគេកំពុងត្រូវបានតាមដានសុខភាពយ៉ាងដិតដល់ពីសំណាក់គ្រូពេទ្យទោះខណៈពេលនេះពួកគេមានកាយសម្បទារឹងមាំក៏ដោយ»។

ស្របពេលរូបភាព និងវីដេអូ សកម្មភាពរបស់ក្មេងៗ និងគ្រូបង្វឹកនៅក្នុងមន្ទីរពេទ្យនេះបានចែកចាយលើបណ្តាញសង្គមនោះ ក្រៅពីភាពរីករាយ និងសាទរ បណ្តាអ្នកលេងបណ្តាញសង្គមគ្រប់គ្នាក៏បានជូនពរឲ្យពួកគេឆាប់មានសុខភាពរឹងមាំដូចដើម ពិសេសនោះលោកគ្រូបង្វឹកដែលគ្មានសាច់ញាតិក៏ត្រូវបានទទួលការលើកទឹកចិត្តខ្ពស់ពីសំណាក់មហាជន៕

ប្រភព៖ FB

មិនធម្មតា ផលិតកម្មផ្សេងៗ កំពុងប្រុងខ្លួន នឹងគ្រោងផលិតជាសាច់រឿង នៃរឿងរ៉ាវក្មេងប្រុសនៃក្រុមបាល់ទាត់ថៃទាង ១៣ រូប ទៅជាខ្សែភាពយន្ត

រឿងរ៉ាវក្មេងប្រុសនៃក្រុមបាល់ទាត់ថៃទាង ១៣ រូប ដែលបានវង្វេងចូលទៅក្នុងរូងភ្នំថាំហ្លួង និងត្រូវជួយសង្គ្រោះមកវិញ បានទាញយកចំណាប់អារម្មណ៍ពីមនុស្សលើពិភពលោក។ ដោយសារហេតុនេះ ខណៈនេះ លោក Machael Scott និង លោក Adam smith ដៃគូផលិតភាពយន្តដ៏ល្បីរបស់ហូលីវូដមួយគឺ Pure Flix បានព្រមព្រៀងគ្នា រៀបចំសាច់រឿងទាំងនេះផលិតទៅជាភាពយន្តមួយ។

លោក Scott ជាអាមេរិក មានភរិយាសញ្ជាតិថៃ តែងត្រលប់មកថៃរាល់ ៣ខែម្តង ក្នុងមួយឆ្នាំ បានឲ្យដឹងថា លោក និងក្រុមការងារ ចាប់ផ្តើមធ្វើការចុះសាកសួរ និងសម្ភាសន៍ផ្ទាល់ចំពោះហេតុការណ៍នៅក្នុងរូងភ្នំ ក៏ដូចជាក្រុមអ្នកជួយសង្គ្រោះ សាច់ញាតិរបស់ក្មេងៗ ជាពិសេសគឺជនជាតិអង់គ្លេស ២ រូប បានរកក្មេងៗ ឃើញតែម្ដង។ លោកបានបញ្ជាក់ថា រឿងរ៉ាវអាថ៌កំបាំងនេះ បូករួមជាមួយនឹងភាពជាវីរបុរសរបស់ក្រុមអ្នកជួយសង្គ្រោះទាំងអស់ នឹងដិតដាមជាប់អារម្មណ៍របស់មហាជន។ ខណៈនេះលោក និងក្រុមការងារ កំពុងញាប់ដៃញាប់ជើងខ្លាំង ដោយលោកបានបញ្ជាក់ថា លោកត្រូវសម្រុកធ្វើឲ្យបានមុនគេ ស្របពេលដែលផលិតកម្មភាពយន្តធំៗ ជាច្រើនក៏កំពុងដណ្តើមឱកាសផលិតរឿងនេះផងដែរ។

ជាមួយគ្នានេះ លោកក៏សង្ឃឹមថា ខ្សែភាពយន្តថ្មីមួយនេះនឹងទទួលបានជោគជ័យខ្ពស់រកចំណូលឲ្យក្រុមហ៊ុន ច្រើនបំផុត ដោយកន្លងទៅភាពយន្តដែលល្បីជាងគេរបស់លោក «God’s Not Dead» ឆ្នាំ ២០១៤ រកចំណូលបានដល់ទៅ ៧០លានដុល្លារ។ គួរបញ្ជាក់ផងដែរ សាច់រឿងរបស់ក្មេងៗ ទាំង ១៣ រូប នឹងត្រូវសម្រុកផលិតជាភាពយន្ត និងត្រៀមចាក់បញ្ចាំងនៅចុងឆ្នាំ ២០១៩នេះផងដែរ៕

Update ៖ ពេលនេះចំនួនអ្នកស្លាប់ ដោយសារគ្រោះទឹកជំនន់នៅជប៉ុន កើនដល់១៤១នាក់

(តូក្យូ) មនុស្សជាច្រើនកំពុងតែបាត់ខ្លួន ហើយភ្លៀងបានបញ្ចប់ទៅវិញនៅថ្ងៃចន្ទ ដែលញុំាងឲ្យក្រុមអ្នកជួយសង្គ្រោះអាចមានលទ្ធភាពទៅដល់កន្លែង ដែលត្រូវកាត់ផ្តាច់ដោយគ្រោះទឹកជំនន់ និងទីតាំងនៃការបាក់រំលំបំបែកអគារដែលបានកប់មនុស្សជាច្រើននាក់ ប្រឈមនឹងសេចក្តីស្លាប់នៅតំបន់ជាច្រើន ។

ទីភ្នាក់ងារ AFP បានចុះផ្សាយនៅថ្ងៃទី១០ ខែកក្កដានេះថា តួលេខនៃអ្នកស្លាប់ដោយសារគ្រោះទឹកជំននន់ នៅក្នុងប្រទេសជប៉ុន បានកើនឡើងដល់់១៤១នាក់ហើយ រួមផ្សំនឹងគ្រោះបាក់ដីកើតឡើងផងដែរ គិតត្រឹមថ្ងៃអង្គារនេះ ។

ដោយសារតែបញ្ហាដ៏ធ្ងន់ធ្ងរនេះកើតឡើង បានបង្ខំឲ្យលោក ស៊ិនហ្ស៊ូ អាបេ នាយករដ្ឋមន្ត្រីជប៉ុន បានលុបចោលដំណើរបំពេញទស្សនកិច្ចចំនួន៤ ហើយរំពឹងថា គាត់នឹងធ្វើដំណើរទៅកាន់តំបន់រងការវាយប្រហារដោយគ្រោះធម្មជាតិនៅចុងសប្តាហ៍នេះ៕

ដោយ៖ សុខ ជា

ក្រោយជាប់នៅក្នុងរូងភ្នំនោះ គ្រូបង្វឹកវ័យក្មេងបានសរសេរសំបុត្រទៅឱ្យម្តាយមីងនិងជីដូនរបស់គាត់ថា…(ចុចអានបន្ត)

ថៃ៖ ជាការពិតណាស់ក្រោយខ្លួន និងកូនសិស្ស១២ ត្រូវបានជាប់ក្នុងរូងភ្នំថាំហ្លួងមកលោកគ្រូបង្វឹកវ័យក្មេងអាយុ២៥ឆ្នាំ ឈ្មោះ Akkapol Chanthawong តែងតែបន្ទោសខ្លួនឯងថាខ្លួនជាអ្នកខុសដែលនាំក្មេងៗទៅជាប់ក្នុងរូងភ្នំ។តែយ៉ាងណាមិញឲពុកម្ដាយរបស់ក្មេងក៏មិនបានស្ដីបន្ទោសលោកគ្រូអ្វីនោះដែរ ជាពិសេសនោះពួកគាត់ថែមទាំងអគុណលោកដែលបានមើលថែកូនៗរបស់ពួកគេបានយ៉ាងល្អ។

ដោយឡែកយើងងាកទៅស្ដាប់ប្រវត្តិដ៏ជូរចត់របស់គ្រូបង្វឹករូបនេះវិញម្ដែងដែលមានការរៀបរាប់ពីលោកស្រី Amporn Sriwichai ដែលជាអ្នកមីងរបស់ បានរៀបរាប់ឲ្យដឹងថា«ក្មួយជាមនុស្សល្អ ហើយមិនចង់ឲ្យគេគ្រប់គ្នា យល់ថាក្មេងប្រុសទាំងនោះត្រូវជាប់ក្នុងរូងភ្នំ ចាត់ទុកលោកគ្រូជាមនុស្សអាក្រក់នោះឡើយ»។អ្នកមីងរូបនោះក៏រៀបរាប់បន្តទៀតថា«លោកគ្រូជាក្មេងកំព្រាតាំងពីអាយុ 10 ឆ្នាំមកម៉្លេះ ហើយគាត់បានជួបប្រទះ “ការលំបាកជាច្រើនក្នុងជីវិតខ្លាំងណាស់”»។ ខណៈពេលដែលជាប់នៅក្នុងរូងភ្នំនោះ គ្រូបង្វឹកវ័យក្មេងបានសរសេរសំបុត្រទៅឱ្យម្តាយមីងនិងជីដូនរបស់គាត់ដែលបានចិញ្ចឹមគាត់ ព្រោះលោកគ្រូម្នាក់នេះមិនចង់បានអ្វីក្រៅពីការផ្តល់ទានហើយចេះជួយអ្នកដទៃឡើយ។

ចំនួនអ្នកស្លាប់កើនឡើង ជិត១០០នាក់ ដោយសារគ្រោះទឹកជំនន់ នៅជប៉ុន

តាមការចេញផ្សាយទូរទស្សន៍ CNN នៅថ្ងៃទី៩ ខែកក្កដា ឆ្នាំ ២០១៨ថា មនុស្ស ជាច្រើន នាក់បានបាត់បង់ជីវិត និង២លាននាក់បានភៀស ខ្លួនចេញពីផ្ទះសម្បែង បន្ទាប់ពីភ្លៀងបាន ធ្លាក់ចុះពាសពេញតំបន់នៅភាគនិរតីនៃប្រទេសជប៉ុន ដែលបានបង្កឲ្យមានគ្រោះទឹក ជំនន់ដ៏អាក្រក់បំផុត និងបង្កឲ្យស្លាប់មនុស្ស ដោយសារតែមានហេតុការណ៍បាក់ដី ។

ក្រុមអាជ្ញាធរបាននិយាយថា មនុស្សចំនួន៨៥នាក់បានស្លាប់ និង៦នាក់ទៀត ស្ថិតក្នុងស្ថាន ភាពធ្ងន់ធ្ងរ ហើយយ៉់ាងហោចណាស់ មនុស្ស៥៨នាក់បានបាត់ខ្លួន ។ សារព័ត៌មានជប៉ុន NHK បានផ្សាយដូច្នេះ ។

លោក Yoshihide Suga រដ្ឋមន្ត្រីទីស្តីការគណៈរដ្ឋមន្ត្រីបានថ្លែងកាលពីថ្ងៃអាទិត្យថា “ភ្លៀងធ្លាក់ ចុះយ៉ាងខ្លាំងនៅក្នុងកំណត់ ត្រានៅក្នុងតំបន់ផ្សេងៗគ្នានៃប្រទេសជប៉ុន ដែលបានបង្កឲ្យទឹក ទន្លេបានកើនឡើងប្រៀបច្រាំង និងបង្កឲ្យកើតមានគ្រោះទឹកជំនន់ និងនៅតំបន់ខ្លួះមាន បាក់ដីកើតឡើង” ៕

ដោយ៖ សុខ ជា

គ្រោះធម្មជាតិទឹកជំនន់នៅជប៉ុនបានឆក់យកជីវិតមនុស្សកើនឡើងដល់ ២៧នាក់និង ៥០នាក់កំពុងបាត់ខ្លួន

TOKYO ៖ ភ្លៀងធ្លាក់ខ្លាំងបានបន្តធ្លាក់កាន់តែរីករាលដាលខ្លាំងនៅតាមតំបន់នៃភាគខាងលិចនៃប្រទេសជប៉ុនកាលពីថ្ងៃសៅរ៍។ ដែលបានបណ្ដាលអោយមនុស្ស ២៧ នាក់បានស្លាប់និងជាង ៥០ នាក់បានបាត់ខ្លួនក្នុងការរអិលបាក់ដីនិងទឹកជំនន់បានបំផ្លាញផ្ទះសម្បែងនិងបានបំផ្លាញរថយន្តជាច្រើន។

សមាជិកប្រមាណ ៤៨០០០ នាក់នៃកងកម្លាំងស្វ័យការពារ ប៉ូលីស និង អ្នកពន្លត់អគ្គីភ័យត្រូវបានបញ្ចូនទៅកន្លែងរងគ្រោះដើម្បីស្វែងរកអ្នកដែលជាប់នៅទីទួលសុវត្ថិភាព អ្នករងរបួសឫស្លាប់។ អាជ្ញាធរបាននិយាយថាមនុស្ស ១០ នាក់ត្រូវបានគេអះអាងថាបានស្លាប់នៅក្នុងខេត្ត Hiroshima ហើយមនុស្សដែលក្រៅពីនោះត្រូវបានស្លាប់នៅ Osaka, Shiga, Hyogo, Okayama, និងខេត្ត Ehime។

លោក Yoshihide Suga បាននិយាយថារដ្ឋាភិបាលបានបង្កើតអង្គភាពទំនាក់ទំនងមួយនៅក្នុងមជ្ឈមណ្ឌលគ្រប់គ្រងវិបត្តិនៃការិយាល័យរបស់នាយករដ្ឋមន្រ្តីដើម្បីប្រមូលព័ត៍មាន។ លោកបានបន្ថែមថាសំណើជួយសង្រ្គោះជាង ១០០ ត្រូវបានទទួលរហូតមកដល់ពេលនេះ។ ចាប់តាំងពីព្យុះបានចាប់ផ្ដើមកាលពីថ្ងៃព្រហស្បតិ៍មក ទីភ្នាក់ងារឧតុនិយមជប៉ុនបានព្យាការណ៍ពីចំនួនទឺកភ្លៀងរហូតដល់ថ្ងៃអាទិត្យដោយព្រមានអំពីទឹកជំនន់ ការបាក់ដី និងរន្ទះបាញ់។

ប្រែសម្រួល ៖ RathDy

នុងរង្វង់១ ឬ ២ថ្ងៃ ក្មេងទាំង១២នាក់ និងគ្រូម្នាក់ នឹងបានត្រឡប់ទៅផ្ទះ និងជួបឪពុកម្តាយហើយ ខណះ…

ប្រទាសថៃ៖ ដែកខួងជាង១០០កំពុង «បុកទម្លុះ» ភ្នំ ខ្លះចូលដល់ជម្រៅជាង ៤០០ ម៉ែត្រហើយ ដោយទំនង«ទៅដល់»ក្មេងទាំង១២ និងគ្រូម្នាក់ដែលជាប់នៅក្នុងរូងភ្នំ។ ប្រធានក្រុមបេសកកម្មសង្គ្រោះ និយាយនៅថ្ងៃសៅរ៍នេះថា ដែកខួងជាង ១០០ កំពុងត្រូវបានខួងចូលទៅក្នុងផ្នែកភ្នំហើយ នៅក្នុងកិច្ចខិតខំប្រឹងប្រែង ដើម្បីឈានទៅដល់ក្រុមក្មេងៗបាល់ទាត់ថៃទាំងគ្រូនិងសិស្ស១៣នាក់ ដែលកំពុងជាប់គាំងនៅរូងដ៏ស្មុគ្រស្មាញខាងក្រោម ។ គាត់ក៏បានបញ្ជាក់ថា «ការទាញយក» ពួកគេ ប្រហែលអាចធ្វើទៅបានក្នុងរង្វង់ «១ថ្ងៃ ឬ ២ថ្ងៃ» ។

កិច្ចខំប្រឹងប្រែសង្គ្រោះដែលពុំធ្លាប់មានពីមុនមកនេះ កំពុងព្យាយាមបង្កើតនូវវិធីថ្មីៗ ដើម្បីទាញយកក្មេងៗរងគ្រោះទាំងនោះចេញតាមផ្នែកខាងលើ ប្រសិនបើនៅតាមបន្ទប់ៗក្រោមដីនៅតែជន់លិច ហើយវាត្រូវបានចាត់ទុកថាជាការប្រឈមគ្រោះថ្នាក់បំផុត ក្នុងការជម្លៀសពួកគេតាមរយៈផ្លូវឆ្លងកាត់លិចទឹក ។

លោក Narongsak Osottanakorn បានប្រាប់អ្នកសារព័ត៌មានថា៖ «ដែកខួងខ្លះ គឺមានជម្រៅរហូតដល់ ៤០០ ម៉ែត្រ… ប៉ុន្តែ ពួកគេនៅតែពុំអាចស្វែងរកទីតាំងរបស់ក្មេងៗទាំងនោះនៅឡើយ» ។ លោកបន្ថែមថា៖ «បេសកកម្មនេះខ្វះបច្ចេកវិទ្យា ក្នុងការកំណត់ទីកន្លែងដែលពួកគេកំពុងស្នាក់នៅ ។ យើងបានប៉ាន់ស្មានថា (ពួក) គឺស្ថិតនៅក្រោមនេះ ៦០០ ម៉ែត្រ ប៉ុន្តែ យើងមិនដឹងគោលដៅច្បាស់ទេ» ។

ឆ្លើយទៅនឹងសំណួរថា ទាក់ទងនឹងការធ្លាក់ចុះកម្រិតអុកស៊ីហ្សែនក្នុងរូង គាត់និយាយថា ក្រុមសង្គ្រោះបានគ្រប់គ្រងបង្កើតខ្សែមួយ ដើម្បីបូមយកខ្យល់អាកាស ហើយក៏បានដកកម្មករដែលមិនសំខាន់ ចេញពីក្នុងរូង ៣ -ទីកន្លែងមូលដ្ឋានសង្រោះ ដើម្បីរក្សាកម្រិតអុកស៊ីហ្សែននៅក្នុងរូង ៕

ចំនួនអ្នកស្លាប់នៅក្នុងហេតុការណ៍លិចទូកនៅថៃបានកើនឡើងដល់ ៤២ នាក់ និង ១៤ នាក់ផ្សេងទៀតនៅបន្តបាត់ខ្លួន

យ៉ាងហោចណាស់មានមនុស្សចំនួន ៤២ នាក់ត្រូវបានគេអះអាងថាបានស្លាប់ និង ១៤ នាក់ទៀតនៅបន្តបាត់ខ្លួនមិនទាន់រកឃើញ បន្ទាប់ពីទូកពីរបានលិចនៅក្នុងព្យុះមួយនៅភាគខាងត្បូងកោះភូកេតប្រទេសថៃ។ នេះបើតាមសម្ដីលើកឡើងរបស់មន្ត្រីថៃដែលបានឲ្យដឹងកាលពីថ្ងៃសៅរ៍។ អភិបាលខេត្តភូកេតលោក Norraphat Plodthong បានប្រាប់ភ្នាក់ងារពត៌មានស៊ីនហួរ(Xinhua)របស់ចិនថាអាជ្ញាធរថៃបានរកឃើញសាកសពចំនួន ៥ នាក់នៅក្នុងទូកដែលមានឈ្មោះ “Phoenix” ដែលបានលិចទៅក្នុងទឹកនៅរយៈកម្ពស់ ៣០ ទៅ ៤០ ម៉ែត្រ ហើយពួកគេរួមជាមួយក្រុមអ្នកជួយសង្គ្រោះរបស់ចិនពីរនាក់បានរកឃើញសាកសពបីនាក់បន្ថែមទៀតនៅក្នុងទូកដដែលកាលពីរសៀលថ្ងៃសៅរ៍។

ហើយក្រោយមកអភិបាលខេត្តភូកេតបានបញ្ជាក់ថាតាមពិតអ្នកមុជទឹកបានរកឃើញសាកសពដល់ទៅ ៩ នាក់ឯណោះ ប៉ុន្តែវាមានការពិបាកក្នុងការយកសាកសពទី ៩ ចេញមកក្រៅ។ ចំណែកលោកឧត្តមសេនិយ៍ Charoenphol Koomrasee មេបញ្ជាការរងនៃកងនាវាចរទី ៣ នៃកងនាវាចរភូមិន្ទថៃបាននិយាយថាអ្នកមុជទឹកអាជីពចំនួន ១៧ នាក់មកពីក្រុមជួយសង្គ្រោះរបស់ចិនបានជីកកកាយបំណែកនៃទូក “Phoenix” និងបានប្រាប់ឲ្យដឹងថា ៖ “បន្ទាប់ពីសម្អាតកម្ទេចកម្ទីបាក់បែកដើម្បីធានាឲ្យបានថាគ្មាននរណាម្នាក់ជាប់នៅខាងក្នុង… យើងនឹងយកចិត្តទុកដាក់បន្ថែមទៀតជាមួយនឹងការរុករកនៅក្រោមផ្ទៃទឹកវិញម្ដង។” មេបញ្ជាការរងរូបនេះបានបន្ថែមថាពួកគេកំពុងធ្វើការទាំងយប់ទាំងថ្ងៃក្នុងដំណើរស្វែងរកអ្នកដែលបាត់ខ្លួន ខណៈដែលពួកគេបានប្រើប្រាស់ឧទ្ធម្ភាគចក្រចំនួន ៣ គ្រឿង នាវា ៨ គ្រឿង និងអ្នកសង្គ្រោះប្រមាណជា ៨០០ នាក់រួមទាំងអ្នកមុជទឹកសម្រាប់យុទ្ធនាការស្វែងរក ២៤ ម៉ោង។

គួរបញ្ជាក់ផងដែរថាទូកចំនួន ២ គ្រឿងដែលដឹកអ្នកទេសចរជាង ១៣០ នាក់ និងដែលភាគច្រើនជាជនជាតិចិននោះត្រូវបានព្យុះវាយពន្លិចនៅតំបន់រមណីយដ្ឋានមួយនៃភាគខាងត្បូងកោះភូកេតប្រទេសថៃកាលពីរសៀលថ្ងៃព្រហស្បតិ៍។ ជនរងគ្រោះទាំងអស់គឺសុទ្ធតែជិះនៅលើទូកដែលមានឈ្មោះ “Phoenix” ខណៈពេលដែលមនុស្ស ៤២ នាក់ផ្សេងទៀតនៅលើទូក “Serenata” ត្រូវបានជួយសង្គ្រោះឲ្យមានសុវត្ថិភាព។ អភិបាលខេត្តភូកេត លោក Norraphat បាននិយាយថារដ្ឋាភិបាលថៃបានបង្កើតកន្លែងផ្តល់សេវាកម្មនៅព្រលានយន្តហោះភូកេតដើម្បីជួយសាច់ញាតិរបស់ជនរងគ្រោះដែលមកកាន់ភូកេត ហើយសម្រាប់ភ្ញៀវទេសចរដែលរងរបួសរដ្ឋាភិបាលថៃនឹងទទួលរ៉ាប់រងរាល់ការចំណាយលើផ្នែកវេជ្ជសាស្ត្រទាំងអស់របស់ពួកគេ។ ចំណែកសាច់ញាតិរបស់ភ្ញៀវទេសចរដែលបានស្លាប់នឹងទទួលបានប្រាក់ចំនួន ១.៤ លានបាត ដែលស្មើនឹង ៤២,២០០ ដុល្លា ខណៈដែលសំណងគឺអាស្រ័យតាមការធានារ៉ាប់រងរបស់ទូក និងច្បាប់នៃប្រទេសថៃ។

ប្រែសម្រួល ៖ ភក្ដី

នាវិកថៃបានរកឃើញសាកពមនុស្ស១៧នាក់បន្ថែមទៀត នៅលើផ្ទៃសមុទ្រភូកេត ក្នុងករណីលិចទូកទេសចរណ៍នៅខេត្តភូកេត ខណៈ៣៩នាក់ កំពុងបន្តបាត់ខ្លួន

(បាងកក) នាវិកថៃបានរកឃើញសាកពមនុស្ស១៧នាក់បន្ថែមទៀត នៅលើផ្ទៃសមុទ្រភូកេត ក្នុងករណីលិចទូកទេសចរណ៍នៅខេត្តភូកេត ខណៈ៣៩នាក់ កំពុងបន្តបាត់ខ្លួន។

ខណះមកទល់ពេលនេះក្រុមនាវិកថៃបានរកឃើញសាកពមនុស្ស១៧នាក់បន្ថែមទៀត នៅលើផ្ទៃសមុទ្រភូកេត ដែលប្រការនេះធ្វើឲ្យចំនួនមនុស្សបាត់បង់ជីវិតសរុបកើនដល់១៨នាក់ នៅក្នុងគ្រោះថ្នាក់លិចទូកទេសចរណ៍ ដោយសារព្យុះ កាលពីថ្ងៃព្រហស្បតិ៍ម្សិលមិញ។ នេះបើតាមការដកស្រង់ការផ្សាយចេញពីសារព័ត៌មានថៃ The Nation នៅរសៀលថ្ងៃសុក្រ ទី០៦ ខែកក្កដា ឆ្នាំ២០១៨។

បើតាមប្រភពព័ត៌មានខាងលើ ក្រុមនាវិកនៅលើនាវាចម្បាំងថៃ HTMS Long Lom បានរកឃើញសាកសពមនុស្ស១២នាក់ នៅក្បែរទីតាំងដែលទូកទេសចរណ៍ឈ្មោះថា ហ្វីនិច (Phoenix) បានក្រឡាប់លិច ក្រោយពីត្រូវរលកធំៗបោកបក់ នៅតាមផ្លូវធ្វើដំណើរត្រឡប់ពីកោះរ៉ាឆា (Racha) មកកាន់ Phuket វិញ កាលពីរសៀលថ្ងៃព្រហស្បតិ៍។ សម្រាប់សាកសព០៥នាក់ទៀត ត្រូវបានស្រង់យកចេញពីក្នុងសមុទ្រមកវិញនៅក្បែរកោះម៉ៃថន (Mai Thon) ដែលនៅចម្ងាយប្រហែលពីរគីឡូម៉ែត្រភាគខាងកើតកន្លែងទូក Phoenix លិច។

គួរជម្រាបថា ទូកទេសចរណ៍ Phoenix មានដឹកមនុស្សសរុប១០៥នាក់ ក្នុងនោះមានភ្ញៀវទេសចរណ៍ចិន៩៣នាក់ ព្រមទាំង១២នាក់ទៀតជាក្រុមអ្នកធ្វើការនៅលើទូក និងមគ្គុទេសក៍ទេសចរណ៍ម្នាក់។ នៅក្រោយពេលលិច សាកសពរបស់បុរសជនជាតិចិនម្នាក់ត្រូវបានគេរកឃើញកាលពីយប់ថ្ងៃព្រហស្បតិ៍។ មកទល់ពេលនេះ មនុស្ស៤៨នាក់ ក្នុងនោះមានភ្ញៀវទេសចរ៣៦នាក់ និងមគ្គុទេសក៏ទេសចរណ៍ព្រមទាំងក្រុមការងារទូកទាំង១២នាក់ ត្រូវបានជួយសង្រ្គោះ ខណៈដែលមនុស្ស៣៩នាក់ទៀត កំពុងបន្តបាត់ខ្លួន៕