(ភ្នំពេញ) អ្នកប្រដាល់គុនខ្មែរពីររូបដែលមានកីឡាករ រឿង សោភ័ណ្ឌ និង កីឡាករ ពេជ្រ ម្ទេសខ្មាំង ត្រូវបានសហព័ន្ធកីឡាប្រដាល់គុនខ្មែរបញ្ជូនទៅចូលរួមប្រកួតកីឡាប្រដាល់សេរីនៅប្រទេសមីយ៉ាន់ម៉ា ក្នុងព្រឹត្តិការណ៍ World Lethwei Championship(WLC): Heartless Tiger នាចុងខែកញ្ញានេះដើម្បីដណ្ដើមកិត្តិយសមកជូនជាតិកម្ពុជា ។ អ្នកប្រដាល់ទាំងពីររូបនេះនឹងចេញដំណើរយប់ថ្ងៃទី២៥ ខែកញ្ញា ឆ្នាំ២០១៨ ដើម្បីចូលរួមប្រកួតថ្ងៃទី២៩ ខែកញ្ញា ខាងមុខ ។

 

សូមបញ្ជាក់ថា រឿង សោភ័ណ្ឌ នឹងត្រូវប៉ះជាមួយនឹងកីឡាករម្ចាស់ស្រុក Yang Naing Tun ក្នុងទម្ងន់ ៦៧គីឡូក្រោម ខណៈដែលកីឡាករ ម្ទេសខ្មាំង នឹងជួបជាមួយនឹងកីឡាករម្ចាស់ស្រុកម្នាក់ទៀតគឺ Mite Yine ក្នុងទម្ងន់៦០គីឡូក្រោម ។ កីឡាករដ៏ឆ្នើមរបស់កម្ពុជាទាំង ២ មានជំនាញប្រើកណ្តាប់ដៃល្អដូចគ្នា ប៉ុន្តែសម្រាប់ការប្រកួតនេះ រឿង សោភ័ណ្ឌ បានអះអាងថា៖ «ខ្ញុំចង់ដឹង និងត្រូវសាកមើលសិនតើរសជាតិនៃការប្រកួតបែបនេះយើងធ្វើបានកម្រិតណា? យើងមានប្រៀបផ្នែកកណ្តាប់ដៃ ហើយបើមានឱកាសវ៉ៃចូលគោលដៅល្អ ក៏ធ្វើឲ្យដៃគូសន្លប់បានដែរ គឺ ១ ចានទឹក ១ ចានគោក»។

ប្រតិភូដឹកនាំការប្រកួតនេះ លោកហ៊ុន ចាន់រាជ បានឱ្យដឹងថា៖ «កីឡាករកម្ពុជាយើងទាំង ២ នាក់បានតម្លៃខ្លួនប្រកួតដូចគ្នានៅក្រៅស្រុកនាលើកនេះ គឺចាញ់នឹងទទួលបានប្រាក់ ១០០០ ដុល្លារ ឈ្នះពិន្ទុទទួលបាន ១៥០០ ដុល្លារ និងឈ្នះដោយផ្តួលដៃគូឲ្យសន្លប់ទទួលបាន ២០០០ ដុល្លារដោយមិនទាន់កាតពន្ធប្រទេសគេនៅឡើយ»។ លោកបានបន្តថា៖ «នេះជាការប្រកួតក្នុងវគ្គមួយទំនងដូចជាជម្រុះដែរ ពីព្រោះបើលើកនេះកីឡាករកម្ពុជាឈ្នះទាំង២នោះ យើងនឹងមានឱកាសចូលរួមជាលើកទី ២ ដែលមានតម្លៃខ្លួនប្រកួតពី ៥០០០ ដុល្លារ ដល់ ៧០០០ ដុល្លារឯណោះ»៕ប្រភពCamsport

(អន្តរជាតិ) លោក John Bolton ទីប្រឹក្សាសន្តិសុខជាតិរបស់លោក Donald Trump បានអំពាវនាវដល់មហាសន្និបាតអង្គការសហប្រជាជាតិដើម្បីគូសបញ្ជាក់អំពីប្រធានបទសំខាន់ៗនៃរដ្ឋបាល Trump: សហរដ្ឋអាមេរិកឈរនៅលើខ្លួនវាផ្ទាល់។

លោក Bolton បានគ្រវីច្បាប់ចម្លងរដ្ឋធម្មនុញ្ញដែលជាកូនសៀវភៅតូចមួយដែលមានន័យថាជានិមិត្តរូបនៃអធិបតេយ្យភាព។ មន្រ្តីអាមេរិកនឹងវាយលុកផ្ទះក្នុងអំឡុងពេលប្រមូលផ្តុំដ៏ធំបំផុតនៃមេដឹកនាំពិភពលោក។ “អ្នករាល់គ្នាទទួលបានច្បាប់ចម្លងមែនទេ?” លោកបានសួរអ្នកយកព័ត៌មានកាលពីថ្ងៃចន្ទមុនពេលថ្លែងចក្ខុវិស័យរបស់លោកថា “ការរំលោភលើអធិបតេយ្យភាពរបស់យើងគឺ … ការរំលោភលើប្រជាពលរដ្ឋខ្លួនឯង” ។

លោក Bolton និងមន្ត្រីដទៃទៀតកំពុងពិនិត្យមើលប្រធានបទមួយដែលលោក Trump នឹងធ្វើកូដកម្មកាលពីថ្ងៃអង្គារនៅពេលគាត់ត្រូវបានគេរំពឹងថានឹងប្រើប្រាស់អាសយដ្ឋានអ។ ស។ ប។ ទីពីររបស់គាត់ដើម្បីបញ្ជាក់ពីគោលបំណងរបស់រដ្ឋបាលរបស់គាត់ក្នុងការដកខ្លួនចេញពីក្រុមអន្ដរជាតិនិងកិច្ចព្រមព្រៀងដែលអាមេរិកបានទទួលពីមុន។ ទោះបីជាលោក Trump និងក្រុមមន្រ្តីជាន់ខ្ពស់របស់លោកមិនបានបើកផ្លូវសារនេះយ៉ាងច្បាស់ក៏ដោយចម្ងាយដែលកំពុងកើនឡើងរវាងសហរដ្ឋអាមេរិកនិងសម្ព័ន្ធមិត្តជាប្រពៃណីរបស់ខ្លួនជាពិសេសនៅក្នុងទ្វីបអឺរ៉ុបនឹងត្រូវបានបង្ហាញយ៉ាងច្បាស់ក្នុងអំឡុងពេលមួយសប្តាហ៍ដែលត្រូវបានគេស្គាល់ថាជា Super Bowl នៃ ការទូត៕

ភាពភ្ញាក់មួយបានកើតឡើង ធ្វើឲ្យផ្អើលពេញភូមិ គឺមានប្រជាពលរដ្ឋ​ឈ្មោះ​ មឿន​ មីន​ ភេទប្រុស​ បានដាក់មងរកត្រី​ ជាប់ក្រពើទម្ងន់ជាង១០០គីឡូក្រាម​ នៅស្ទឹងមេទឹក​ការភ្នាក់ផ្អើលកាលពីព្រឹកថ្ងៃទី២៥ ខែកញ្ញា​ ឆ្នាំ​២០១៨​ ខណៈពលរដ្ឋរូបនោះងើបទៅដោះមង។

បច្ចុប្បន្ន​សត្វក្រពើនេះ​ ត្រូវបានដឹកយកមករក្សាទុក​ នៅទីបញ្ជាការវរការពារព្រំដែនគោកលេខ៨២៥​ រងចាំបញ្ជាពីថ្នាក់លើ៕ ប្រភពFB

ប្អូនប្រុសសម្បត្ត បញ្ញា ហៅ ចិន ចាវ 24 ឆ្នាំធ្វេីការនៅអង្ការផ្ដល់ប្រាក់កម្ចីព្រះអាទិត្យ ដែលហូរតាមទឹកថ្ងៃអាទិត្យ ត្រូវបានបងៗប៉ូលីសនឹងបងៗទាហាន នៅភូមិសាស្រ្ត ប៉ុស្តស៍ តាតៃ នឹងបងប្អូននៃសព្វ រកឃេីញអណ្ដែតនៅចំណុចកេីតហេតុហេីយ គ្រួសារសព មានភាពខ្វះខាត ជាខ្លាំង សូមបងប្អូនដែលមានសទ្ធាចង់ចូលបុណ្យសពប្អូនប្រុស អាចមកចូលបុណ្យផ្ទាល់អាចមកបាន ភូមិ03 ស្មាច់មានជ័យ ផ្លូលចូលទុលមុខសម្អាងការឆាយនី ក្រោយផ្ទះសំណាក់ ថាន់តាយ ៕

សូមទស្សនាវីដេអូខាងក្រោម៖

https://www.facebook.com/plugins/video.php?href=https%3A%2F%2Fwww.facebook.com%2Fchenda.pen.169%2Fvideos%2F2115789252071230%2F&show_text=0&width=267

(ភ្នំពេញ) ទីស្តីការក្រសួងបរិស្ថាន នៅព្រឹកថ្ងៃអង្គារ៍ ១រោច ខែភទ្របទ ឆ្នាំច សំរឹទ្ធិស័ក ព.ស ២៥៦២​​ ត្រូវនឹងថ្ងៃ ទី២៥ ខែកញ្ញា ឆ្នាំ២០១៨ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានដឹកនាំកិច្ចប្រជុំស្តី ពីការ រៀបចំផែនការទាក់ទងនឹងការវិនិយោគពង្រីកតំបន់ទេសចរណ៍ស្ងប់ស្ងាត់នៅឧទ្យានជាតិក្នុងភូមិសាស្រ្ត ខេត្តកែប​ ដោយមានការចូលរួមពីថ្នាក់ដឹកនាំ ក្រសួង អាជ្ញាធរខេត្តកែប អគ្គនាយកដ្ឋាន និងនាយកដ្ឋាន ពាក់ព័ន្ធ ដើម្បីពង្រឹង ធ្វើយ៉ាងណាឱ្យរក្សាបាននូវការអភិរក្សតំបន់ទេសចរណ៍ធម្មជាតិ ដែលពោពេញទៅ ដោយសក្តានុពលដ៏សម្បូរបែប និងការវិនិយោគសេវាកម្មលើវិស័យទេសចរណ៍ ក៏ដូចជាប្រែក្លាយតំបន់ នេះទៅជាតំបន់ទេសចរណ៍ដ៏ទាក់ទាញបន្ថែមទៀត ការបង្កើនការងារដល់ប្រជាពលរដ្ឋ នៅភូមិសាស្រ្ត ខេត្តកែប ឱ្យមាននិរន្តរភាព។

នាឱកាសនេះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជំរុញ ដល់ថ្នាក់ដឹកនាំទទួលបន្ទុក ការងារខាងលើ អាជ្ញាធរ និងអ្នកពាក់ព័ន្ធ យកចិត្តទុកដាក់ទាក់ទងការអនុវត្ត ការវិនិយោគសេវាកម្ម ទេសចរណ៍លើតំបន់ទេសចរណ៍ធម្មជាតិ ដើម្បីគិតគូរអំពីបរិស្ថាន ធម្មជាតិ និងការរស់នៅរបស់ប្រជាពល រដ្ឋក្នុងតំបន់ ធ្វើយ៉ាងណាធានាឱ្យបាននូវនិរន្តរភាពទេសចរណ៍បែបធម្មជាតិ។ ឯកឧត្តមរដ្ឋមន្រ្តី បានលើក ឡើងដែរ ចំពោះការប្រគល់តួនាទីនៅក្នុងការគ្រប់គ្រង ក្នុងការងាយស្រួលដល់ការអនុវត្តការងារនៅ ក្នុង ឧទ្យានជាតិកែប ដោយគិតគូរទាំងការរៀបចំហេដ្ឋារចនាសម្ព័ន្ធ ការសង់អាគារ រីសត ត្រូវចូលរួមនៅក្នុងការ បង់ថ្លៃសេវាកម្មទេសចរណ៍ និងចូលរួមក្នុងវិស័យបរិស្ថាន ពីព្រោះក្នុងភូមិសាស្រ្តខេត្តកែបនេះមាន សក្តានុពលស្រាប់ហើយដូចជា សមុទ្រ កោះ និងឧទ្យានជាតិកែប ដែលជាកន្លែងទេសចរណ៍នៅជាប់ក្រុង ដើម្បីថែរក្សា អភិរក្សឱ្យបាននូវធនធានធម្មជាតិ និងប្រែក្លាយតំបន់នេះទៅជាតំបន់ដែលមានសក្តានុពល បន្ថែមទៀត សម្រាប់ភ្ញៀវទេសចរណ៍ទៅលំហែរកំសាន្តដ៏មានប្រជាប្រិយភាព៕ ដោយ វុន សុខជា

(ស្វាយរៀង) ព្រឹកថ្ងៃអង្គារ៍ ១រោច ខែភទ្របទ ឆ្នាំច សំរិទ្ធិស័ក ព.ស.២៥៦២ ត្រូវនឹងថ្ងៃទី ២៥ ខែកញ្ញា ឆ្នាំ២០១៨ លោកជំទាវកិត្តិសង្គហបណ្ឌិត ម៉ែន សំអន អ្នកតំណាងរាស្រ្តមណ្ឌលស្វាយរៀងបានអញ្ជើញជាអធិបតីក្នុងពិធីសម្ពោធគម្រោងព្យាបាលភ្នែកឡើងបាយ ភ្នែកដុះកន្ទុយថ្លែន និងជម្ងឺ គ-ថ្លង់ របស់ក្រុមគ្រូពេទ្យស្ម័គ្រចិត្ត នៃអង្គការខេមបូឌាវីសិន (អូស្រ្តាលី) ដែលមានអ្នកជំងឺបានទទួលការព្យាបាលប្រមាណ ១.២០០នាក់ នៅមន្ទីរពេទ្យបង្អែកខេត្តស្វាយរៀង ។

ឆ្លៀតក្នុងឱកាសនោះលោកជំទាវក៏បានកោតសរសើរ និងថ្លែងអំណរគុណដល់គម្រោងព្យាបាល របស់ក្រុមគ្រូពេទ្យស្ម័គ្រចិត្ត អង្គការ ខេមបូឌាវីសិន (អូស្ត្រាលី) ដែលដឹកនាំ ដោយលោក ជេក ម៉េងលី រួមជាមួយ ទី១ មូលនិធិសមធម៌ក្នុងការបង់ថ្លៃសេវាជួសជូនអ្នកជម្ងឺក្រីក្រសម្រាកពេទ្យ ទី២ អង្គការ Eye care Foundation ទី៣ អង្គការCHC ទី៤ អង្គការដើមត្នោត និង Marie Stop ទី៥ អង្គការ Operation Smile និង ទី៦ អង្គការJICA ដែលបានចូលរួមចំណែកដ៏សំខាន់ក្នុងគម្រោងនេះដោយ ឥតគិតថ្លៃ ស្របតាមតម្រូវការរបស់ប្រជាពលរដ្ឋក្នុងខេត្តស្វាយរៀង កំពុងតែមានការខ្វះខាត ។

លោកជំទាវរដ្ឋមន្ត្រី បានថ្លែងយ៉ាងដូចនេះ នាព្រឹកថ្ងៃទី២៥ ខែកញ្ញា ឆ្នាំ២០១៨ ក្នុងពិធីសំណេះសំណាល និងសម្ពោធគម្រោងព្យាបាលភ្នែកឡើងបាយ និងភ្នែកដុះកន្ទុយថ្លែងដោយឥតគិតថ្លៃ របស់ក្រុមគ្រូពេទ្យស្ម័គ្រចិត្ត អង្គការខេមបូឌាវីសិន(អូស្រ្តាលី) នៅមន្ទីរពេទ្យបង្អែកខេត្តស្វាយរៀង ដែលមានអ្នកជំងឺមកពិនិត្យ និងព្យាបាលជាង៣,០០០នាក់ផងដែរ។

លោកជំទាវកិត្តិសង្គហបណ្ឌិត ម៉ែន សំអន បានពាំនាំនូវការនឹករលឹក និងការសួរសុខទុក្ខពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ជូនដល់បងប្អូនប្រជាពលរដ្ឋ, អ្នកជម្ងឺ និងក្រុមគ្រួសារអ្នកជំងឺទាំងអស់។ លោកស្រី ក៏បានកោតសរសើរ អរគុណដល់គម្រោងព្យាបាលភ្នែកឡើងបាយ និងភ្នែកដុះកន្ទុយថ្លែនដោយឥតគិតថ្លៃរបស់ក្រុមគ្រូពេទ្យស្ម័គ្រចិត្ត អង្គការខេមបូឌាវីសិន (អូស្ត្រាលី) ដែលសកម្មភាពដ៏ថ្លៃថ្លានេះ ជាការចូលរួមចំណែកដ៏សំខាន់ណាស់ ស្របតាមតម្រូវការរបស់ប្រជាពលរដ្ឋក្នុង ខេត្តស្វាយរៀង កំពុងតែមានការខ្វះខាត។

ទន្ទឹមនឹងនោះលោកជំទាវ ក៏បានថ្លែងអំណរគុណដល់បណ្ដាកិច្ចសហប្រតិបត្តិការនានា ជាមួយដៃគូអភិវឌ្ឍន៍ និងការជួយគាំទ្រពីអង្គការដៃគូរផ្សេងៗទៀតដូចជា៖

*ទី១៖ មូលនិធិសមធម៌ក្នុងការបង់ថ្លៃសេវាជួសជូនអ្នកជម្ងឺក្រីក្រសម្រាកពេទ្យ អង្គការ Eye care Foundation បង់ជួសអ្នកជម្ងឺក្រីក្រ វះកាត់ភ្នែកឡើងបាយ

*ទី២៖ អង្គការCHC ជួយដល់ផ្នែកជម្ងឺរបេង-អេដស៍

*ទី៣៖ អង្គការដើមត្នោត និងMarie Stop ជួយកម្មវិធីពន្យាកំណើត

*ទី៤៖ អង្គការ Operation Smile ជួយវះកាត់មាត់ឆែបក្រអូមមាត់ឆែប

*ទី៥៖ អង្គការJICA បានធ្វើការសាងសង់អគារ ១ខ្នង កំពស់៣ជាន់ចំណាយថវិកាជាង៩លានដុល្លារអាមេរិក និងបានជួយផ្នែកថែទាំសុខភាពមាតា និងការជួយសង្រ្គោះទារក និងកុមារ ការបណ្តុះបណ្តាលមួយចំនួន

*៦៖ សហភាពសហព័ន្ធយុវជនកម្ពុជាខេត្តស្វាយរៀង ដែលបានបរិច្ចាកឈាមជូនដល់មន្ទីរពេទ្យខេត្តរៀងរាល់៣ខែម្តង។

លោកជំទាវ ម៉ែន សំអន បានផ្តាំផ្ញើរដល់ក្រុមគ្រូពេទ្យទាំងអស់ ត្រូវខិតខំបង្កើនការយកចិត្តទុកដាក់ផ្តល់ការថែទាំ និងព្យាបាលជំងឺជូនប្រជាពលរដ្ឋជាប្រចាំ ប្រកបដោយគុណភាព និងត្រូវពង្រឹងការផ្តល់សេវាជាប្រចាំការ២៤ម៉ោងលើ២៤ម៉ោង។ ក្នុងនោះ ត្រូវពង្រឹងការគោរពក្រមសីលធម៍វិជ្ជាជីវៈឱ្យបានល្អប្រសើរ និងមានឥរិយាបទរាក់ទាក់ និងទន់ភ្លន់សុភាពរាបសា រាល់ពេលផ្តល់សេវាជូនប្រជាពលរដ្ឋ ដោយមិនត្រូវរើសអើង ឬប្រកាន់វណ្ណៈឡើយ គឺធ្វើយ៉ាងណា ផ្តល់សេវាព្យាបាលប្រកបដោយគុណភាព​ និងតម្លាភាព។

ម្យ៉ាងទៀត ត្រូវពង្រឹងការងារអប់រំសុខភាព ជាពិសេសពន្យល់ និងណែនាំអ្នកជំងឺឱ្យបានច្បាស់លាស់ក្នុងពេលថែទាំ និងព្យាបាលជំងឺ ព្រមទាំងពង្រឹងបន្ថែមការធ្វើអនាម័យ នៅតាមមូលដ្ឋានសុខាភិបាលឱ្យបានល្អប្រសើរ និងត្រូវយកចិត្តទុកដាក់ការត្រួតពិនិត្យការចំលងរោគនៅគ្រប់មូលដ្ឋាន សុខាភិបាលដែលជាបញ្ហាសំខាន់មួយផងដែរក្នុងវិស័យសុខាភិបាល៕

(ភ្នំពេញ) ឆ្លើយតបនឹងសមាគម គ្រូបង្រៀនកម្ពុជា ដែលគ្រោងនឹងជួបជុំគ្នានៅសួនច្បារវត្តភ្នំ និងបន្ត

ហែរក្បួន ដាក់ញ្ញាត្តិ ជូនក្រសួង អប់រំ យុវជន និង កីឡា និង ខុទ្ទកាល័យ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជានៅ ថ្ងៃទី៥ ខែតុលា ឆ្នាំ២០១៨ខាងមុខនេះ ដើម្បីលើកឡើងពីស្ថានភាព គ្រូ បង្រៀន និង គុណភាព គ្រូ បង្រៀន នៅ ក្នុង ប្រទេស កម្ពុជា រដ្ឋបាលរាជធានីភ្នំពេញ មិនអនុញ្ញាតិ ឲ្យមានការជួបជុំ និងហែរក្បួននេះឡើយ ។

នេះបើតាមការបញ្ជាក់អោយដឹងពីលោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ នៅព្រឹកថ្ងៃទី២៥ កញ្ញានេះ ដោយម៉េត មាសភក្តី បានបញ្ជាក់ថា រដ្ឋបាលរាជធានីភ្នំពេញ គឺមិនបានអនុញ្ញាតិ ទៅតាមអ្វី ដែលមាននៅក្នុង លិខិតស្នើសុំ របស់សមាគមគ្រូបង្រៀនកម្ពុជានោះទេ ។ ពួកគាត់ អាចជួបជុំគ្នាបានតែនៅទីលានប្រជាធិបតេយ្យ តែចំពោះ

ការហែរក្បួន គឺមិនអនុញ្ញាតិនោះទេ ដោយវាធ្វើអោយប៉ះពាល់ដល់សណ្តាប់ធ្នាប់សាធារណៈ និងបង្កការកកស្ទះចរាចរ ដល់ប្រជាពលរដ្ឋ ដែលធ្វើដំណើរ នៅក្នុងរាជធានីភ្នំពេញ។ ដូច្នេះរដ្ឋបាលរាជធានីភ្នំពេញមិនអនុញ្ញាតិឡើយ ។

លោក ម៉េត មាសភក្តី បានបញ្ជាក់ឲ្យដឹងទៀតថា ទាក់ទងនឹងការហែរក្បួន ដាក់ញ្ញាតិនេះ រដ្ឋបាលរាជធានី មិនអនុញ្ញតិជូននោះទេ រួមទាំងការងារជួបជុំ នៅសួនច្បារវត្តភ្នំ ព្រោះថាទីតាំងសួនច្បារនេះ មិនមែនជាកន្លែងដែលសម្តែងមតិនោះទេ ។ដោយឡែក ការងារហែក្បួន ដើម្បីដាក់ញ្ញាតិនេះ ក៏មិនអនុញ្ញាតិជូនដែរ ព្រោះវាប៉ះពាល់ ដល់សណ្តាប់ធ្នាប់សាធារណៈ បង្កើនការកក់ស្ទះ ។ ដូច្នេះការហែក្បួន មិនត្រូវអនុញ្ញាតិជូនទេ ប៉ុន្តែពួកគេអាចចាត់តំណាង របស់គាត់ប៉ុន្មាននាក់ យកញ្ញាតិ ទៅដាក់នៅតាមទីតាំង ដែលគាត់ចង់ដាក់បាន ហើយសម្រាប់ទីតាំង ដែលយើងអាច អនុញ្ញាតិឲ្យជួបជុំ គឺយើងអាចប្រើទីលានប្រជាធិបតេយ្យ ព្រោះនេះ ត្រូវបានកំណត់ដោយច្បាប់ ថាជាកន្លែងទុកសម្រាប់ បងប្អូនយើងសម្តែងមតិ ។

លោក ម៉េត មាសភក្តី បានបញ្ជាក់ថា ការឆ្លើយតបនេះ គឺជាជំហររបស់ ឯកឧត្តម ឃួង ស្រេង អភិបាលរាជធានីភ្នំពញ។

គួររំលឹកថា យោងតាមព័ត៌មាន របស់វិទ្យុបារាំងអន្តរជាតិ ចុះផ្សាយនៅថ្ងៃទី២៣ កញ្ញា បានលើកឡើងថា “ក្នុង ឱកាសអបអរសាទរទិវាគ្រូបង្រៀន ដែលអាចមាន អ្នកចូលរួមប្រមាណ ១៥០ នាក់នោះ ក៏ មាន ការដង្ហែ ក្បួនចេញពីសួន ច្បារ វត្ត ភ្នំ ដើម្បី ដាក់ ញ្ញត្តិ ជូន ក្រសួង អប់រំ យុវជន និងកីឡា និង ខុទ្ទកាល័យ នាយករដ្ឋមន្ត្រីហ៊ុន សែន ផងដែរ ។ លោក ស្រី អ៊ុក ឆាយ៉ាវី ប្រធាន សមាគម គ្រូ បង្រៀន កម្ពុជា ឯករាជ្យ បាន អះអាង ប្រាប់ វិទ្យុបារាំងអន្តរជាតិថា ក្នុងញ្ញតិ្ត នោះមានគោលបំណង ទាមរជាថ្មីម្តងទៀតឲ្យ ក្រសួង និងសម្តេចតេជោ ហ៊ុន សែន នាយករដ្ឋមន្ត្រីផ្តល់ប្រាក់ខែគោល ដល់លោកគ្រូអ្នកគ្រូយ៉ាងតិច ២ លានរៀលក្នុងមួយខែ”៕ ដោយ សុខជា

(ពោធិ៍សាត់) រថយន្តប្រភេទCamry ស៊េរីឆ្នាំ២០០២ ពណ៌ទឹកប្រាក់ ពាក់ស្លាកលេខ ពោធិ៍សាត់ 2A-1807 មួយគ្រឿង ជាកម្មសិទ្ធិរបស់ឈ្មោះ ញឹម រដ្ឋា ភេទប្រុស អាយុ៤៩ឆ្នាំ ប្រធានមន្ទីរមុខងារសាធារណៈ ខេត្តពោធិ៍សាត់ ត្រូវបានចោរលួចយកចេញ ពីក្នុងរបងមុខផ្ទះដោយសុវត្ថិភាព ខណៈម្ចាស់រថយន្តកំពុងលង់លក់ក្នុងដំណេក។

ហេតុការណ៍នេះបានកើតឡើង កាលពីយប់រំលងអាធ្រាត ឈានចូលថ្ងៃទី២៥ ខែកញ្ញា ឆ្នាំ២០១៨ នៅក្នុងផ្ទះជនរងគ្រោះ ស្ថិតក្នុងភូមិតាស្តី ឃុំវាល ស្រុកកណ្តៀង ខេត្តពោធិ៍សាត់។

ប្រភពពីម្ចាស់រថយន្ត បានឲ្យដឹងថា មុនកើតហេតុរូបគាត់ បានចតទុករថយន្តនៅមុខផ្ទះ ហើយចាក់ទ្វារបងខាងមុខត្រឹមត្រូវ រួចក៏ចូលសម្រាកនៅក្នុងផ្ទះ។ លុះព្រឹកឡើង គាត់ក៏បានភ្ញាក់ពីដំណេក ទើបដឹងថាបាត់រថយន្ត ក៏ផ្អើលឆោឡោរាយការណ៍ទៅសមត្ថកិច្ចតែម្ត។

បើតាមការសន្និដ្ឋានរបស់សមត្ថកិច្ច ជនសង្ស័យដែលទៅលួចរថយន្តនោះ បានធ្វើសកម្មភាពកាត់សោរចូល ក្នុងអំឡុងពេលម្ចាស់រថយន្តកំពុងលង់លក់ក្នុងដំណេក បច្ចុប្បន្នសមត្ថកិច្ចកំពុងធ្វើការស្រាវជ្រាវរកមុខសញ្ញាមកចាត់ការតាមច្បាប់៕ប្រភពFB

 

(ភ្នំពេញ) នាព្រឹកថ្ងៃអង្គារ៍ ២រោច ខែភទ្របទ ឆ្នាំច សំរិទ្ធិស័ក ព.ស ២៥៦២ ត្រូវនឹងទី ២៥ ខែកញ្ញា ឆ្នាំ២០១៨ នៅរាជធានីភ្នំពេញ ឯកឧត្តម ខៀវ កាញារិទ្ធ រដ្ឋមន្រ្តីក្រសួងព័ត៌មាន អមដំណើរដោយ ឯឧ រដ្ឋលេខាធិការ អនុរដ្ឋលេខធិការ អគ្គនាយក អគ្គនាយករង ព្រមទាំមន្រ្តីក្រោមឪវាទក្រសួងព័ត៌មាន បាននាំយកតេយ្យវត្ថុប្រគេនព្រះសង្ឃ គង់នៅវត្តចិនតំដែក ដែលត្រូវជាវេនបិណ្ឌទី១ នៃពិធីបុណ្យភ្ជុំបិណ្ឌដែលមានរយះពេល១៥ថ្ងៃ ។

បុណ្យភ្ជុំបិណ្ឌ ជាពិធីបុណ្យមួយដែលធំជាងគេ នៅក្នុងចំណោមពិធីបុណ្យទាំងអស់ ចំពោះអ្នកកាន់ព្រះពុទ្ធសាសនា។ ជារៀងរាល់ឆ្នាំនៅពេលដល់ថ្ងៃខែ ដែលត្រូវប្រារព្ធពិធីបុណ្យភ្ជុំបិណ្ឌ គ្រប់បងប្អូនកូនចៅ សាច់ញាតិសន្ដានទាំងអស់ ទោះនៅទីជិត ឬទីឆ្ងាយ តែងតែធ្វើដំណើរទៅជួបជុំគ្នា ជាពិសេសឪពុកម្ដាយនៅស្រុកកណើត ដើម្បីរៀបចំម្ហូបអាហារ បាយសម្ល ចង្ហាន់យកទៅប្រគេនព្រះសង្ឃ ដែលគង់នៅវត្តអារាម។

ងនេះ គឺជាទម្លាប់មួយដែលគេនិយមធ្វើតៗគ្នា របស់ជនជាតិខ្មែរជាយូរមកហើយ៕

 

 

(ភ្នំពេញ) សហព័ន្ធខ្មែរកីឡាហាប់គីដូបានរៀបចំការប្រឡងដំឡើងខ្សែក្រវាត់ និងបំពាក់ខ្សែក្រវាត់ដល់កីឡាកររបស់ខ្លួនចំនួន ៤៤នាក់នៅមជ្ឈមណ្ឌលហាប់គីដូក្នុងពហុកីឡដ្ឋានជាតិអូឡាំពិក ក្រៅពីនេះគឺដំឡើងខ្សែក្រវាត់ពណ៌បៃតងឡើងឆ្នូតចំនួន ៧នាក់ខ្សែក្រវាត់ពណ៌ឡើងបៃតងចំនួន៨នាក់ ខ្សែក្រវាត់ពណ៌ឡើងទឹកក្រូចចំនួន១២នាក់ និងខ្សែក្រវ៉ាត់ពណ៌ឡើងសឆ្នូតចំនួន១០នាក់ ។ លោកអគ្គលេខាធិការ បានចូលរួមអបអរកីឡាករ-កីឡាការនីទាំងអស់ដែលបានខំប្រឹងអស់ពីកម្លាំងកាយចិត្តក្នុងការប្រឡងលើកម្រិតខ្សែក្រវាត់របស់ខ្លួន ។

។ លោក គង់ ចាន់ធីណា អគ្គលេខាធិការសហព័ន្ធកីឡាហាប់គីដូកម្ពុជាបានមានប្រសាសន៍ថា ការប្រឡងខ្សែក្រវាត់លើកនេះមានកីឡាករ-កីឡាការិនីចំនួន៤៤នាក់ក្នុងនោះមានខ្សែក្រវ៉ាត់ពណ៌ត្នោត៣នាក់ ខ្សែក្រវាត់ពណ៌ក្រហម៤នាក់ ៕ ប្រភពCAMSPORT