ខេត្តបាត់ដំបង៖ ហេតុការណ៍គ្រោះថ្នាក់ចរាចរណ៍ ដែលបង្កឡើងដោយរថយន្ត និងម៉ូតូ ខណះភាគីខាងម៉ូតូត្រូវបាត់បង់ជីវិតនៅនឹងកន្លែងកើតហេតុ រឿងហេតុដ៏សោកសៅនេះកើតឡើងនៅចំណុច ក្រុមទី២ ភូមិថ្មី ឃុំត្រាង ស្រុកកំរៀង ខេត្តបាត់ដំបង នាថ្ងៃទី០៤ ខែកញ្ញា ឆ្នាំ២០១៨ វេលាម៉ោង០២:៤០នាទីរសៀល។

ជនរងគ្រោះដែលបានស្លាប់បាត់បង់ជីវិតមានឈ្មោះ វណ្ណា ភេទប្រុស អាយុ២៥ឆ្នាំ មុខរបរកម្មករសំណង់ ស្នាក់នៅភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង ជិះម៉ូតូ ម៉ាកហុងដា Today ពណ៌ស្លាទុំ គ្មានស្លាកលេខ ចំណែករថយន្តបង្កម៉ាក អីស៊ុយហ្សុយ ពណ៌ក្រហមលាយស ពាក់ស្លាលេខ 3B-9982 ក្រោយពេលកើតហេតុអ្នកបើកបររត់គេចខ្លួនបាត់ស្រមោល ។

បើតាមអ្នកដែលបានឃើញហេតុការណ៍ បានប្រាប់អោយដឹងថាមុខពេលកើតហេតុមាន រថយន្តម៉ាកអីស៊ុយហ្សុយ ធ្វើដំណើរក្នុងទិសដៅពីត្បូង ទៅជើង លើផ្លូវលេខ៥៩ ពេលដល់កន្លែងកើតហេតុក៏បានប៉ះជាមួយម៉ូតូ ដែលធ្វើដំណើរចេញពីផ្លូវតូច ឡើងមកផ្លូវធំ បង្កជាហេតុការណ៍នេះតែម្តង។

ក្រោយពីវាស់វែងធ្វើកំណត់ហេតុរួច សមត្ថកិច្ចបានប្រគល់សព អោយទៅក្រុមគ្រួសារដើម្បីយកទៅធ្វើបុណ្យ រីឯរថយន្ត និងម៉ូតូ ត្រូវបានយកទៅរក្សាទុកនៅអធិកាដ្ឋាននគរបាលស្រុកកំរៀង រងចាំការដោះស្រាយ៕

ប្រភព៖ FB

(ភ្នំពេញ) នាព្រឹកថ្ងៃទី០៥​ ខែតុលា ឆ្នាំ២០១៨នេះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាឲ្យក្រសួងមហាផ្ទៃបញ្ឈប់ការសិក្សាបង្កើតខេត្តថ្មីចំនួនពីរ ដែលគ្រោងបំបែកចេញពីខេត្តកណ្តាល និងខេត្តមណ្ឌលគិរី-រតនគិរី។

សម្តេចតេជោ បានបញ្ជាក់ថា ការប្រកាសឲ្យបញ្ឈប់ការសិក្សាបង្កើតខេត្តថ្មីនេះ ដោយសារតែដំណឹងសិក្សានេះត្រូវបានបែកធ្លាយ ពិសេសមានមន្ត្រីមួយចំនួនបានរត់ការដើម្បីសុំតំណែងសម្រាប់ខេត្តថ្មី ដែលមិនទាន់បានបង្កើតផងនោះ។

គូររំលឹកថា បើយោងតាមសំណើររបស់សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានដាក់ជូនសម្តេចនាយករដ្ឋមន្រ្តី ស្នើបង្កើតខេត្តថ្មីចំនួន២ទៀត ដោយខេត្តមួយ កាត់ចេញពីខេត្តកណ្ដាល និងខេត្តមួយទៀត កាត់ចេញពីស្រុកកោះញែក ខេត្តមណ្ឌលគិរី និងស្រុកលំផាត់ ខេត្ដរតនគិរី។

​យោងតាមលិខិតសំណើររបស់សម្ដេចក្រឡាហោម ស ខេង ផ្ញើជូនសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ការសម្រេចស្នើបង្កើតខេត្តពីរថ្មីនេះ គឺដើម្បីជួយលើកកម្ពស់ប្រសិទ្ធភាពនៃការគ្រប់គ្រងរដ្ឋបាល ការថែរក្សាសន្ដិសុខសណ្ដាប់ធ្នាប់សាធារណៈ ការជំរុញអភិវឌ្ឍន៍នៅមូលដ្ឋាន និងការផ្ដល់សេវាសាធារណៈជូនប្រជាពលរដ្ឋ។

បើតាមលិខិតរបស់សម្ដេចក្រឡាហោម ស ខេង នោះខេត្តថ្មីទាំងពីរនេះ ខេត្តមួយត្រូវកាត់ចេញពីខេត្ដកណ្ដាល និងខេត្តមួយទៀត ត្រូវកាត់ចេញពីស្រុកកោះញែក នៃខេត្តមណ្ឌលគិរី និងស្រុកលំផាត់ នៃខេត្តរតនគិរី។

 

សម្ដេចក្រឡាហោម ស ខេង ក៏បានបញ្ជាក់ផងដែរថា​ បន្ទាប់ពីសម្ដេចឯកភាពរួចហើយ ក្រសួងមហាផ្ទៃនឹងចាត់មន្ដ្រីបច្ចេកទេស ដើម្បីសហការជាមួយក្រសួង និងខេត្តពាក់ព័ន្ធ ចុះធ្វើការសិក្សាស្រាវជ្រាវជាក់ស្ដែង ដើម្បីរាយការណ៍សុំយោបល់ដឹកនាំជាបន្ដបន្ទាប់ ពីសម្ដេចតេជោ ហ៊ុន សែន។ ប៉ុន្តែទោះបីជាយ៉ាងណាក្តី គម្រោងនៃការបង្កើតអោយមានខេត្តបន្ថែម២ទៀតដោយបំបែកចេញពីខេត្តកណ្តាល និងខេត្តមណ្ឌលគិរី-រតនគិរីនេះ ត្រូវបានសម្តេចតេជោ ប្រកាសពីការលុបចោលទាំងស្រុងហើយ នាព្រឹកនេះ ៕

ភ្នំពេញ៖ នៅម៉ោង០៨:០០នាទីព្រឹក ថ្ងៃទី០៤ ខែតុលា ឆ្នាំ២០១៨ សមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ ០៨នាក់ ទៅតុលាការ ដើម្បីផ្តន្ទាទោសតាមច្បាប់ រួម និងក្រាមពណ៍សថ្លា ៦៧កញ្ចាប់(ប្រភេទម៉ាទឹកកក)។

ជនសង្ស័យទាំងប្រុសស្រីទាំង ០៨នាក់នេះ ត្រូវបានកម្លាំងល្បាតមូលដ្ឋានអាវុធហត្ថខណ្ឌឬស្សីកែវ ឃាត់ខ្លួនបានកាលពីថ្ងៃទី០១ ខែតុលា ឆ្នាំ២០១៨ វេលាម៉ោង១៨:១៥នាទី នៅចំណុច ក្រុម៧ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។

ពួកគេទាំង ០៨នាក់នេះរួមមាន៖

១/ ឈ្មោះ រ័ត្ន ឧត្តម ហៅឧត្តម ភេទប្រុស អាយុ ២២ឆ្នាំ
២/ ឈ្មោះ ចាន់ សុឃឿន ហៅខ្មៅ ភេទប្រុស អាយុ ២៣ឆ្នាំ
៣/ ឈ្មោះ ជា គា ភេទប្រុស អាយុ ២៨ឆ្នា
៤/ ឈ្មោះ ស៊ឺម វណ្ណា ហៅធីង ភេទប្រុស អាយុ ៣៤ឆ្នាំ
៥/ ឈ្មោះ មួង សុខទី ហៅទី ភេទប្រុស អាយុ ២៩ឆ្នាំ
៦/ ឈ្មោះ រិន រ៉ុត ហៅតួ ភេទប្រុស អាយុ ២៥ឆ្នាំ
៧/ ឈ្មោះ កែវ កល្យាណ ហៅសិលា ភេទស្រី អាយុ ២០ឆ្នាំ
៨/ ឈ្មោះ ខ្លូត វាសនា ហៅស្នា ភេទស្រី អាយុ ២៥ឆ្នាំ

តាមការសាកសួរ របស់សមត្ថកិច្ចជំនាញនៃការិយាល័យស្រាវជ្រាវបទល្មើសគ្រឿងញៀន កងរាជអាវុធហត្ថរាជធានីភ្នំពេញ ពួកគេទាំង ០៨នាក់ ខាងលើ បានប្រាប់ឲ្យដឹងថា គ្រឿងញៀនទាំង ៦៧កញ្ចប់(ប្រភេទម៉ាទឹកកក) គឺពិតជារបស់ពួកគេប្រាកដមែន ហើយគ្រឿងញៀនទាំងនោះ

គឺសម្រាប់ពួកគេយកទៅលក់បន្ត និងប្រើប្រាស់ខ្លួនឯងផង បន្ទាប់ពីទទួលបានចម្លើយពីពួកគេខាងលើហើយ ទើបមន្រ្តីជំនាញអាវុធហត្ថរាជធានីភ្នំពេញ បានកសាងសុំណុំរឿង និងបញ្ជូនពួកគេទៅតុលាការដើម្បីចាត់ការតាមនិតិវិធីច្បាប់។

ប្រភព៖ Phnom Penh Gendarmerie

ស្រុកព្រៃនប់៖ នៅវេលាម៉ោង១២,៣០នាទីថ្ងៃទី០៤,១០,២០១៨ មានគ្រោះថ្នាក់ចរាចរណ៍មួយកើតឡើងនៅលើផ្លូវជាតិលេខ៤ ចន្លោះបង្គោលគីឡូម៉ែត្រ១៦៣.១៦៤ ស្ថិតនៅភូមិតានៃ ឃុំតានៃ ស្រុកព្រៃនប់ ខេត្តព្រះសីហនុ រវាងរថយន្តនិងម៉ូតូ ដែលមានទិសដៅបញ្ច្រាសគ្នា។

បើតាមរបាយការណ៍ពីសមត្ថកិច្ចអោយដឹងថា រថយន្តលុចស៊ីស៣៣០ពណ៌ស ពាក់ផ្លាកលេខ ភ្នំពេញ2AS-75 84 បើកបរដោយឈ្មោះ ឡាំ លីហួ ភេទប្រុស អាយុ ១៩ឆ្នាំ មុខរបរ មានទីលំនៅ សង្កាត់ដង្កោរ ខណ្ឌដង្កោរ រាជធានីភ្នំពេញ ក្នុងទិសដៅពីភ្នំពេញទៅខេត្តព្រះសីហនុ មកដល់ចំណុចខាងលើ ក៍បានបុកម៉ូតូ ម៉ាកសេ១២៥ពណ៌ខ្មៅ សេរី២០០៧ពាក់ផ្លាកលេខព្រះសីហនុ1B -32 60 បើកបរដោយឈ្មោះ ខាន់ ថេង ភេទប្រុស អាយុ៥១ឆ្នាំ មានទីលំនៅភូមិកែវផុស ឃុំ កែវផុស ស្រុកស្ទឹងហាវ ខេត្តព្រះសីហនុ ។

ចំពេលដែលភាគីខាងម៉ូតូបត់ឆ្វេងឆ្លងផ្លូវ បណ្ដាលអោយអ្នកបើកបរម៉ូតូរងរបួសធ្ងន់ ត្រូវបានបងប្អូនបញ្ជូនទៅមន្ទីពេទ្យឯកជនតានៃ ចំណែករថយន្តនិងម៉ូតូ សមត្ថកិច្ចនាំយកមករក្សាទុកនៅប៉ុស្តិនគរបាលរដ្ឋបាលឃុំតានៃ រង់ចាំការដោះស្រាយបន្ត៕

ប្រភព៖ FB

ខេត្តប៉ៃលិន៖ កាលពីវេលាម៉ោង ១៨:៤៥ នាទីល្ងាច ថ្ងៃអង្គារ ០៨រោច ខែភទ្របទ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០២ ខែកញ្ញា ឆ្នាំ២០១៨ មានករណីហិង្សាដោយចេតនាមានស្ថានទំងន់ មួយកើតឡើង នៅចំណុចតារាងបាល់ចំណានប៉ៃលិលិន។

មន្ត្រីជំនញនគរបាលបានឧ្យដឹងថា ជនរងគ្រោះឈ្មោះ សុឹម ​សារុី ភេទប្រុស អាយុ ៣២ឆ្នាំ​ មានទីលំនៅ នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន រងរបួសដៃខាងឆ្វេង។

ជនសង្ស័យឈ្មោះ ឡុង ម៉េងហាវ ភេទប្រុស អាយ ១៩ឆ្នាំ​ រស់​នៅ​ភូមិ​អូពឺត សង្កាត់ទួលល្វា ក្រុងប៉ៃលិន ​ខេត្ត​ប៉ៃលិនបានយកកាំបិតប៉័ងតោ កាប់ទៅលើជនរងគ្រោះបណ្ដាលឱ្យរងរបួស ។

បច្ចុប្បន្ន ជនរងគ្រោះត្រូវបានសាច់ញាតិបញ្ជូនទៅមន្ទីរពេទ្យបង្អែកខេត្តប៉ៃលិនដើម្បីធ្វើការព្យាបាល រីឯជនសង្ស័យបានរត់គេចខ្លួន។ ករណីខាងលើបណ្ដាលមានទំនាស់គ្នារឿងលេងបាល់។

ប្រភព៖ FB

ខេត្តសៀមរាប៖ មានការរិះគន់ ក្នុងបណ្តាញសង្គមFacebookដល់ស្នងការដ្ឋាននគរបាលខេត្តសៀមរាប ករណីមានរបស់ប្រើមិនចេះថែ ខណៈយករថយន្តពន្លត់អគ្គិភ័យទៅទុកចោលក្នុងភក់ ហាលថ្ងៃ ហាលភ្លៀង អាងតែមិនមែនជាកម្មសិទ្ឋិផ្ទាល់ខ្លួន !!

តាមម្ចាស់អាខោនមួយបានរៀបរាបថា ៖សព្វថ្ងៃរថយន្តពន្លត់អគ្គិភ័យរបស់ស្នងការដ្ឋាននគរបាលខេត្តសៀមរាប ប្រៀបដូចជាកូន អត់មានឪពុក ម្តាយ មើលថែទាំ (គ្មានទីតាំងចំណតខ្លួនឯង ដើរសុំដីគេឯង ចត ទុកហាលថ្ងៃ ហាលភ្លៀង ដោយចាត់ទុកជាសម្ភារះរបស់រដ្ឋដែលគ្មានតំលៃសោះឡើយ ដែលកត្តាទាំងនេះធ្វើអោយមជ្ឈពលរដ្ឋ រិះគន់ថ្នាក់ដឹកនាំខេត្ត ពិសេស ស្នងការនគរបាលខេត្តតែម្តង ដែលមិនបានយកចិត្តទុកដាក់ក្នុងបញ្ហានេះ។

តាមមន្រ្តីប៉ូលីសនៃស្នងការនគរបាលខេត្តបានទទួលស្គាល់ថា កន្លងមករថយន្តពន្លត់អគ្គិភ័យពិតជាគ្មានទីកន្លែងខ្លួនឯងមែន កន្លងមក ត្រូវបានសុំទីតាំងចតនៅក្នុងបរិវេណ មន្ទីរទេសចរណ៍ចាស់ បន្ទាប់មកក្រោយបោះឆ្នោតរួចហើយ ត្រូវផ្លាស់ប្តូរ ទៅសុំទីតាំងថ្មី ស្ថិតនៅភូមិសាលាកន្សែង សង្កាត់ ស្វាយដង្គំ ក្រុងសៀមរាប តែទីតាំងចំណតនេះ អត់សាកសម ទៅលើឈ្មោះ ជាអ្នកបង្ការ ពន្លត់អគ្គិភ័យ និងសង្រ្គោះ ឡើយ។

ចៃដន្យបើមានភ្លើងឆេះអីវិន … តើអោយរថយន្តទាំងអស់នេះលូនកាត់ភក់យ៉ាងម៉េចទៅជួយសង្គ្រោះប្រជាពលរដ្ឋទាន់ទាន់ពេលវេលាទៅ ??? ៕

ប្រភព៖ Heng Ly

ភ្នំពេញ៖ រាជរដ្ឋាភិបាលកម្ពុជា បានចេញអនុក្រឹត្យមួយស្ដីពី ការលើកទឹកចិត្តលើផ្នែកពន្ធដារ សម្រាប់សហគ្រាសធុនតូច និងមធ្យមក្នុងវិស័យអាទិភាព រាជរដ្ឋាភិបាល។

 

កាលពីថ្ងៃទី០៣ ខែតុលា ឆ្នាំ២០១៨នេះ យោងតាមអនុក្រឹត្យស្ដីពីគោលបំណងរបស់រាជរដ្ឋាភិបាលកម្ពុជា ដើម្បីលើកកម្ពស់ដល់អ្នកផលិតនិងអ្នកលក់ក្នុងស្រុក ដែលបើកអាជីវកម្ម គោលដៅក្នុងការអភិវឌ្ឍន៍សហគ្រាសធុនតូច និងមធ្យម ដើម្បីបង្កើតកាងារ និងបង្កើតសមត្ថភាពផលិតកម្មក្នុងស្រុក  ស្របតាមយុទ្ធសាស្រ្ត និងទិសដៅរបស់រាជរដ្ឋាភិបាល៕

សម្រាប់ព័ត៌មានលម្អិត សូមអានអនុក្រឹត្យ របស់រាជរដ្ឋាភិបាលកម្ពុជាទាំងស្រុង៖

ប្រភព៖ អគ្គនាយក ដ្ឋាន ពន្ធដារ general department of taxation

ថ្ងៃទី០៣ ខែសីហា ឆ្នាំ ២០១៨ នៅវេលាម៉ោង 11-30 នាទីព្រឹកមានករណីគ្រោះថ្នាក់ចរារណ៍ 1 លើក បង្កឡើងដោយរថយន្តដឹកស៊ីម៉ងត៍ ក្រឡាប់ដោយខ្លួនឯង នៅចំណុចចន្លោះបង្គោលលេខ 141-142 ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោកុង។

ស្នងការដ្ឋាននគរបាលខេត្តកោះកុង បានឲ្យដឹងថា រថយន្តម៉ាក HYUNDAI .v1 ពាក់ស្លាកលេខ ភ្នំពេញ 3D1915 ដឹកសុីម៉ងត៍ចេញពី កំពង់ផែស្រែអំបិល ទៅកំពង់សោម បើកបរដោយឈ្មោះ សាក់. គន្ធា ភេទប្រុស អាយុ៣០ឆ្នាំ មានទីលំនៅភូមិកន្សោមក្លែង ឃុំជំរះពេន ស្រុកសំរោង ខេត្តតាកែវ (រងរបួសស្រាល) ។ មូលហេតុ ៖ រថយន្តចុះចំណោត រួចហើយបួងចង្កូត ជាន់ហ្វ្រាំងអត់សុី បណ្តាលអោយរថយន្ក ក្រឡាប់តែម្តង៕ ប្រភពFB

(ភ្នំពេញ) នៅល្ងាចថ្ងៃទី០៣ ខែតុលា ឆ្នាំ២០១៨លោក ម៉េត មាសភក្តី អ្នកនាំពាក្យសាលារាជធានីភ្នំពេញបានឱ្យដឹងថា៖ដើម្បីសម្រួលដល់ការធ្វើដំណើររបស់ប្រជាពលរដ្ឋពីរាជធានីភ្នំពេញ ទៅខេត្តនានា ក៏ដូចជាត្រឡប់ពីខេត្តនានាត្រឡប់មក រាជធានីភ្នំពេញវិញឱ្យមានលក្ខណៈ ល្អប្រសើរនៅក្នុងឱកាសបុណ្យភ្ជុំបិណ្ឌ។

តាមអនុសាសន៍សម្តេចតេជោ ហ៊ុន សែន បានសម្រេចផ្តល់កាដូរមួយថ្មីទៀត ជូនដល់ប្រជាពលរដ្ឋ ដោយបញ្ជាឱ្យសាលារាជធានីភ្នំពេញ បញ្ចេញរថយន្តក្រុង សាធារណៈ១២០គ្រឿង ដើម្បីដឹកជញ្ជូនប្រជាពលរដ្ឋ​ទៅមកមិនគិតថ្លៃ រយៈពេល៦ថ្ងៃ នៅក្នុងឱកាសបុណ្យភ្ជុំបិណ្ឌ។

ក្នុងសេចក្ដីជូនដំណឹងរបស់រដ្ឋបាលរាជធានីបានបញ្ជាក់ថា៖ ការដឹកជូន ប្រជាពលរដ្ឋទៅវិញទៅមកដោយឥតគិតថ្លៃ រវាងរាជធានីភ្នំពេញ ទៅស្រុកកំណើតនេះ នឹងចាប់ផ្តើមធ្វើឡើង នៅរៀងរាល់ម៉ោង៥៖៣០នាទីព្រឹក ពីថ្ងៃទី០៦ ដល់ថ្ងៃទី១១ ខែតុលា ឆ្នាំ២០១៨ ដោយអនុវត្តនៅលើផ្លូវជាតិលេខ១ ផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ ផ្លូវជាតិលេខ៦, ផ្លូវជាតិលេខ៧ និងផ្លូវជាតិលេខ៨។

សេចក្ដីជូនដំណឹងបន្តទៀតថា៖ រដ្ឋបាលរាជធានីភ្នំពេញ នឹងប្រើប្រាស់រថយន្តក្រុង ចំនួន៩៥គ្រឿង ដើម្បីដឹកជញ្ជូនដោយមិន បង់ប្រាក់រយៈពេល០៣ថ្ងៃ ពីថ្ងៃទី០៨ ដល់ថ្ងៃទី១០ ខែតុលា ឆ្នាំ២០១៨។

សូមបញ្ជាក់ថា ក្រៅពីការផ្តល់កាដូឱ្យមានការដឹកជញ្ជូនប្រជាពលរដ្ឋទៅ មកស្រុកកំណើតដោយឥតគិតថ្លៃនេះ រាជរដ្ឋាភិបាលកម្ពុជា តាមរយៈក្រសួងការងារ និងបណ្តុះបណ្តាលវិជ្ជាជីវៈ ក៏បានប្រកាសឱ្យ សហគ្រាស និងគ្រឹះស្ថានទាំងអស់ ដែលស្ថិតក្នុងដែនអនុវត្តច្បាប់ស្តីពីការងារ អនុញ្ញាតឱ្យកម្មករនិយោជិត បានឈប់សម្រាក់ចំនួន៣ នៅក្នុងឱកាសបុណ្យភ្ជុំបិណ្ឌ ដោយបើកប្រាក់ឈ្នួល មុនបុណ្យប្រពៃណីនេះផងដែរ។

ក្រៅពីនេះមន្រ្តីរាជការក៏ទទួលបានប្រាក់ឧបត្ថម្ភម្នាក់ៗ៥ម៉ឺនរៀល នៅក្នុងឱកាសបុណ្យភ្ជុំបិណ្ឌនេះថែមទៀត៕