ក្រសួងអប់រំ ព្រមានចាត់វិធានការយ៉ាងម៉ឺងម៉ាត់តាមច្បាប់ ចំពោះជនឆ្លៀតឱកាស ដើរសន្យារត់ការប្រឡងចូលចូលគ្រូបង្រៀនគ្រប់កម្រិត

(ភ្នំពេញ) សេចក្តីប្រកាសព័ត៌មាន ក្រសួងអប់រំយុវជន និងកីឡា សូមធ្វើការបញ្ជាក់ដាច់អហង្ការថា ដំណើរការប្រឡងជ្រើសរើស គ្រូបង្រៀនគ្រប់កម្រិត នឹងប្រព្រឹត្តទៅដោយគោរពតាមគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបាន។ ក្រសួងអប់រំ ព្រមានចាត់វិធានការយ៉ាងម៉ឺងម៉ាត់ តាមច្បាប់ ចំពោះជនឆ្លៀតឱកាសទាំងឡាយណា ដែលដើរសន្យារត់ការឲ្យប្រឡងចូលគ្រូបង្រៀន។

ក្រសួងអប់រំយុវជន និងកីឡា នៅថ្ងៃទី២ ខែតុលា ឆ្នាំ២០១៨នេះ បានចេញសេចក្តីប្រកាសព័ត៌មានថា នាពេលថ្មីៗនេះនេះ មានការលេចឮព័ត៌មានថា មានករណីបុគ្គលមួយចំនួន បានដើរសន្យា ជួយដល់បេក្ខជនប្រឡង ជ្រើសរើសធ្វើជាគ្រូបង្រៀនគ្រប់កម្រិត ឲ្យបានប្រឡងជាប់ ដោយថ្នូរនឹងថវិកាមួយចំនួន។

ជាមួយគ្នានេះ ក្រសួងអប់រំ សូមអំពាវនាវដល់មាតាបិតា អាណាព្យាបាល និងបេក្ខជនទាំងអស់ កុំចាញ់បោកពាក្យភូតកុហករបស់ ជនឆ្លៀតឱកាសណាមួយ ដែលនាំឲ្យខាតបង់ថវិកា និងទ្រព្យសម្បត្តិជាអាសារបង់ និងសូមអំពាវនាវដល់បេក្ខជនទាំងអស់ ខិតខំបញ្ចេញសមត្ថភាព និងគោរពតាមបទប្បញ្ញតិនានា ក្នុងដំណើរការប្រឡងជ្រើសរើស។

បើតាមសេចក្តីប្រកាសព័ត៌មានដដែល ដើម្បីឈានទៅទប់ស្កាត់នូវបាតុភាពមិនប្រក្រតី និងចាត់វិធានការទាន់ពេលវេលា ចំពោះជនឆ្លៀតឱកាសណាមួយនោះ ក្រសួងស្នើសុំកិច្ចសហការ មេត្តាផ្តល់ព័ត៌មាននិងអត្តសញ្ញាណ ជនប្រព្រឹត្តកំហុសទាំងនោះ មកក្រសួងតាមគ្រប់មធ្យោបាយ ដោយក្រសួងធានាការសម្ងាត់ក្នុងការផ្តល់ព័ត៌មាន។ ក្រសួងនឹងចាត់វិធានការយ៉ាងម៉ឹងម៉ាត់ ចំពោះជននោះ ឲ្យមកទទួលទោសតាមច្បាប់ជាធរមាន៕

មុខសញ្ញាលួចឆក់យ៉ាងសកម្ម ចំនួន៣នាក់ត្រូវនគរបាលខេត្តព្រះសីហនុបង្រ្កាបបាន និងស្រាវជ្រាវរកឃើញទីកន្លែងលាក់ខ្លួន ថែមទាំង…(ចុចអានបន្ត)

ខេត្តព្រះសីហនុ៖ គរបាលខេត្តព្រះសីហនុបង្រ្កាបបាន និងបង្ហាញខ្លួនជនសង្សយ័មុខសញ្ញាលួច ឆក់ សកម្មទាំង៣នាក់ កាលពីព្រឹកថ្ងៃ៣តុលា២០១៨នេះ លោកវរសេនីយ៍ឯកស៊ុត សំអុន នាយការិយាល័យនគរបាលព្រហ្មទណ្ឌកម្រិតស្រាល បានឲ្យដឹងពីហេតុការណ៍ថា៖ នៅវេលាម៉ោងប្រមាណ១៨:៣០ នាទី ព្រលប់ថ្ងៃទី១ខែតុលា ឆ្នាំ២០១៨ នៅផ្លូវកែងអិលវី ភូមិ៤ សង្កាត់លេខ៤ ក្រុងព្រះសីហនុ មានកេីតឡេីង នូវបទល្មើស ឆក់យកទូរសព្ទ័ដៃ របស់ស្រ្តី ជនជាតិចិនម្នាក់ ដែលកំពុងជិះម៉ូតូតាមផ្លូវ ជនសង្ស័យមានគ្នា ២នាក់ ជិះម៉ូតូហុងដាឌ្រីម ឆ្នាំ២០១៨ ពណ៌ខ្មៅ ស្លាកលេខ ព្រះសីហនុ 1H-7241។

ក្រោយពេលទទួលបានព័ត៌មាននេះភ្លាម កម្លាំងជំនាញ បានស្វែងរកជនសង្ស័យ ដែលជិះម៉ូតូដូចមានភិនភាគខាងលើ ក៏បានប្រទះឃើញ ជនសង្ស័យដឹងខ្លួន បានជិះម៉ូតូរត់គេច ហេីយបោះទូរស័ព្ទចោល នៅមុនមន្ទីរពេទ្យអន្តរជាតិ មានគេរើសយកទៅបាត់ ទៅ។

កម្លាំងសមត្ថកិច្ច បានដេញមកដល់ មុខហាងឌឺភីហ្សាខមភេនី ទើបឃាត់ខ្លួនបានជនសង្ស័យ បាន២នាក់ ៖
១-ឈ្មោះ វណ្ណ ច័ន្ទឆានុន ភេទប្រុស អាយុ ១៧ឆ្នាំសិស្ស មានទីលំនៅ ភូមិ៣ សង្កាត់លេខ២ ក្រុងព្រះសីហនុ ( ជាអ្នកបើកម៉ូតូ ) ។

២-ឈ្មោះ ខៀវ សុជា ភេទប្រុស អាយុ ១៥ឆ្នាំ សិស្ស មានទីលំនៅ ភូមិ៣ សង្កាត់លេខ១ ក្រុងព្រះសីហនុ ( អ្នកជិះពីក្រោយ ជាអ្នកឆក់ ) និង ចាប់យកបាន ម៉ូតូហុងដាឌ្រីម ឆ្នាំ២០១៨ មួយគ្រឿង ពណ៌ខ្មៅ ស្លាកលេខ ព្រះសីហនុ 1H-7241 មធ្យោបាយធ្វើសកម្មភាព ) ។

ម្ចាស់ទូរសព្ទ័ជាស្ត្រីជនជាតិចិន មិនបានមកដាក់ពាក្យបណ្តឹងឡើយ ។ទូរស័ព្ទ ដែលបាត់ម៉ាក IPHONE X ពណ៌ស ។

ទាក់ទងទៅ នឹង ការបង្ក្រាបបទល្មើសខាងលេីនេះ លោកវរសេនីយ៍ស៊ុត សំអុន បានឲ្យដឹងថាៈ ក្រោមការបញ្ជា ដឹកនាំផ្ទាល់ របស់លោកឧត្តមសេនីយ៍ទោជួន ណារិន្ទ ស្នងការនគរបាលខេត្ត បានបេីកការស៊ើបអង្កេតទ្រង់ទ្រាយធំមួយ រកឃើញទីកន្លែងលាក់ខ្លួនរបស់ក្រុមចោរ លួចឆក់ យ៉ាងសកម្ម ឆែកឆេររកឧបករណ៍សំរាប់កាច់សោរម៉ូតូ ស្លាកលេខម៉ូតូ៥បន្ទះ មានទីតាំងនៅភូមិអូរចំណារ ឃុំអូរអូរឧកញ៉ាហេង ស្រុកព្រៃនប់ និងចាប់ខ្លួនបក្ខពួកបានម្នាក់ នៅសល់៤នាក់ បានរត់គេចខ្លួន។

ចំពោះជនសង្ស័យខាងលើ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ៕

ប្រភព៖ Huy Bunleng

ពលរដ្ឋរងគ្រោះដីធ្លី ១៣ ហគមន៍ជាង ៣០០ នាក់ បានប្រមូលគ្នានៅមុខសាលាដំបូងខេត្តព្រះសីហនុ ដើម្បីទាមទារឲ្យតុលាការដោះលែងពលរដ្ឋសហគមន៍អូរខ្សាច់៤នាក់ ពីពន្ធនាគារ

(ព្រះសីហនុ) តំណាងប្រជាពលរដ្ឋរងគ្រោះពីការរំលោភ ដីធ្លី ផ្ទះសម្បែង ស្រែចម្ការចំនួន ១៣សហគមន៍ នាមូលដ្ឋានខេត្តព្រះសីហនុ បានប្រមូលផ្តុំគ្នានៅមុខបរិវេណសាលាដំបូងខេត្តព្រះសីហនុ ដើម្បីទាមទារអោយសាលាលដំបូងខេត្តនេះ ទម្លាក់ចោលការចោទប្រកាន់ និង ដោះលែងសកម្មជនដីធ្លី សហគមន៍អូរខ្សាច់ចំនួន៤នាក់ រស់នៅភូមិ៤ ឃុំអូត្រេះ ស្រុកស្ទឹងហាវ ខេត្តព្រះសីហនុ ដែលត្រូវសាលាដំបូងខេត្តព្រះសីហនុ សម្រេចឃុំខ្លួនបណ្តោះអាសន្ន ដាក់ពន្ធធានាគាខេត្តព្រះសីហនុ អស់រយ:ពេលជាង ៤ខែកន្លងមកហើយ។

សាលាដំបូងខេត្តព្រះសីហនុ បានចោទពលរដ្ឋទាំង៤នាក់ពីបទ «ប្រើហិង្សាលើអ្នកកាន់កាប់អចលនវត្ថុដោយសុច្ចរិត» មានដើមបណ្តឺង ឈ្មោះ តាន់ តាត់ និងឈ្មោះ ឡុញ វណ្ណ: ដែលគេស្គាល់ថា ជាបុគ្គលមានទ្រព្យសម្បត្តិស្កុកស្តម្ភ និងមានងារជាឧកញ៉ា រស់នៅខេត្តព្រះសីហនុ។

សេចក្តីប្រកាសព័ត៌មាន របស់តំណាងពលរដ្ឋមានទំនាស់ដីធ្លីទាំង ១៣សហគមន៍ បានឲ្យដឹងថា គម្រោងជួបជុំគ្នា នៅមុខសាលាដំបូងខេត្តព្រះសីហនុ ចាប់ផ្តើមពីម៉ោង ៨ព្រឹកតទៅ។

សេចក្តីប្រកាសព័ត៌មានដដែល ក៏បានគោរពអញ្ជើញតំណាងអង្គការ សមាគម និងអ្នកសារព័ត៌មានជាតិ និងអន្តរជាតិ មកចូលរួមតាមដានឃ្លាំមើល និងយកព័ត៌មាន នៃការជួបជុំគ្នា របស់តំណាងពលរដ្ឋសហគមន៍មានទំនាស់ដីធ្លីទាំង ១៣សហគមន៍ នាមូលដ្ឋានខេត្តព្រះសីហនុ ដោយអនុគ្រោះ។ ពួកគេចាត់ទុកថា វត្តមាន របស់តំណាងមន្ត្រីសង្គមស៊ីវិល និងអ្នកសារព័ត៌មានជាដើម ថាជាក្តីសង្ឃឹម សម្រាប់ប្រជាពលរដ្ឋរងគ្រោះពីការរំលោភដីធ្លីទាំងអយុត្តិធ៌ម ពីសំណាក់អ្នកមានអំណាចបុណ្យស័ក្តិ និងអ្នកមានទ្រព្យធន។

កាលពីថ្ងៃទី២៧ ខែកញ្ញា ឆ្នាំ២០១៨ សាលាដំបូងខេត្តព្រះសីហនុ បានលើកយកសំណុំរឿងសកម្មជនទំនាស់ដីធ្លីនៅសហគមន៍អូរខ្សាច់ចំនួន៤នាក់ ដែលកំពុងជាប់ពន្ធនាគារមកបើកសវនាការ ប៉ុន្តែសវនាការនោះមិនទាន់បានបញ្ចប់ទេ ដោយលើកពេលមកបើកសវនាការនៅថ្ងៃទី៣ ខែតុលា ឆ្នាំ២០១៨នេះជាបន្តទៀត។

ពលរដ្ឋសហគមន៍អូរខ្សាច់ទាំង៤នាក់ ដែលកំពុងជាប់ពន្ធនាគារជាង ៤ខែមកនេះ រួមមាន ៖ លោកស្រី ឡុច ទូច តំណាងសហគមន៍អូរខ្សាច់ លោក ញ៉ាញ់ ជាតិ លោក មែន ខេន និងលោក កៅ ហេង។ ប្រជាពលរដ្ឋទាំង ៤នាក់នេះ ត្រូវ លោក ហេង ប៊ុនទី មេបញ្ជាការកងរាជអាវុធហត្ថខេត្តព្រះសីហនុ បានបញ្ជាកម្លាំងក្រោមឱវាទចុះចាប់ខ្លួនពលរដ្ឋដាក់ខ្នោះភ្លាមៗបញ្ជូនទៅទីបញ្ជាការកងរាជអាវុធហត្ថខេត្ត ហើយក្រោយមកបាន បញ្ជូនទៅកាន់ សាលាដំបូងខេត្តព្រះសីហនុ តាមបណ្តឹង របស់លោកឧកញ៉ា តាន់ តាត់ និង លោក ឡុញ វណ្ណៈ។ ក្រោយមកពលរដ្ឋទាំង ៤នាក់នេះ ត្រូវបានសាលាដំបូងខេត្តព្រះសីហនុ ចោទប្រកាន់ និងសម្រចឃុំខ្លួនដាក់ពន្ធនាគារខេត្តព្រះសីហនុជាបណ្តោះអាសន្ន ដោយចោទពីបទ “ជនប្រើអំពើហឹង្សាលើអ្នកកាន់កាប់អចលនវត្ថុដោយសុចរិត” កាលពីថ្ងៃទី៧ ខែឧសភា ឆ្នាំ២០១៨។

វិវាទដីធ្លីខាងលើនេះ ប្តឹងដោយ លោកឧកញ៉ា តាន់ តាត់ និងលោក ឡុញ វណ្ណ: ដែលត្រូវបានគេស្គាល់ថា ជាអ្នកមានលុយដ៏សម្បើមនៅខេត្តព្រះសីហនុ។

ទាក់ទិនបញ្ហានេះ លោក ញ៉ឹល ភាព ដែលអះអាងជាតំណាងឲ្យសហគមន៍ពលរដ្ឋរងគ្រោះដីធ្លីចំនួន ១៣សហគមន៍ នាខេត្តព្រះសីហនុ អះអាងថា នីតិវិធីរបស់សាលាដំបូងខេត្តព្រះសីហនុ ដែលបានឃុំខ្លួនប្រជាពលរដ្ឋមានទំនាស់ដីធ្លីចំនួន ៤នាក់ ដាក់ពន្ធនាគារថាជារឿងអយុត្តិធម៌ និងធ្វើការងារគ្មានវិជ្ជាជីវៈត្រឹមត្រូវ។

លោក ញ៉ឹល ភាព ចាត់ទុកថា ការឃុំខ្លួនទៅលើប្រជាពលរដ្ឋសហគមន៍អូរខ្សាច់ ជាពិសេស លោកស្រី ឡុច ទូច របស់តុលាការ គឺមិនបានធ្វើទៅតាមនីតិវិធីច្បាប់ឲ្យបានត្រឹមត្រូវនោះទេ។

លោកបន្តថា បើផ្អែកទៅតាមឯកសារផ្លូវច្បាប់ គឺបុគ្គល តាន់ តាត់ និង ឡុញ វណ្ណៈ ដែលជាដើមបណ្តឹង បានប្តឹងចោទ លោកស្រី ឡុច ទូច និងពលរដ្ឋ៣នាក់ទៀត ពីបទប្រើប្រើហិង្សាទៅលើអ្នកកាន់កាប់អចលនវត្ថុ គឺមិនត្រឹមត្រូវទេ។

លោក ញ៉ឹល ភាព ស្នើឲ្យមន្ត្រីសាលាដំបូងខេត្តព្រះសីហនុ ពិចារណាសម្រេចក្តី លើសំណុំរឿងដីធ្លីខាងលើនេះ ឲ្យមានយុត្តិធ៌ម ស្របតាមមានវិជ្ជាជីវៈ របស់ខ្លួនឲ្យបានត្រឹមត្រូវ។

កាលពីដើមខែឧសភា ឆ្នាំ២០១៨ មេបញ្ជាការកងរាជអាវុធហត្ថខេត្តព្រះសីហនុ គឺ លោក ហេង ប៊ុនទី បានបញ្ជាឲ្យកម្លាំងក្រោមឱវាទ របស់ខ្លួនចុះចាប់ពលរដ្ឋខាងលើដាក់ខ្នោះភ្លាមៗ ទៅតាមពាក្យបណ្តឹង របស់លោកឧកញ៉ា តាន់ តាត់ និង លោក ឡុញ វណ្ណៈ នៅពេលពលរដ្ឋទាំងនោះ កំពុងត្រួសត្រាយសំអាតស្មៅ និងកាប់ឆ្ការព្រៃនៅលើដីមានជម្លោះនោះ។

ក្រោយមកសាលាដំបូងខេត្តព្រះសីហនុ ក៏បានចោទប្រកាន់ពលរដ្ឋចំនួន ៤នាក់ពីបទ “ប្រើហិង្សាលើអ្នកកាន់កាប់អចលនវត្ថុដោយសុច្ចរិត” តាមដើមបណ្តឹងឈ្មោះ តាន់ តាត់ ដែលមានងារជាឧកញ៉ា និងឈ្មោះ ឡុញ វណ្ណៈ ដែលគេស្គាល់ថា ជាអ្នកមានទ្រព្យធនដ៏សម្បើម និងជាឈ្មួញរកស៊ីដីធ្លីដ៏ល្បីល្បាញនៅខេត្តព្រះសីហនុ៕ប្រភពCEN

រថយន្តបាឡែនដឹកឈើ បើកល្បឿនលឿន ជ្រុលចង្កូតធ្លាក់ផ្លូវ តែ……..

(រតនគិរី) កាលពីព្រឹកថ្ងៃទី២ ខែតុលា ឆ្នាំ២០១៨នេះ មានរថយន្តបាឡែន ដឹកឈើមួយគ្រឿងពណ៌ប្រផេះ អត់ស្លាកលេខ បានជ្រុលចង្កូត ធ្លាក់ផ្លូវជាតិលេខ៧៨ នៅត្រង់ចំណុចឡើងទួល ហួសវរៈនគរបាលការពារព្រំដែនគោក លេខ៦២៣ ស្ថិតនៅភូមិ ភិ ឃុំសេសាន ស្រុកអូរយ៉ាដាវ ។

បើតាមការឲ្យដឹង ពីតៃកុងរថយន្តបាឡែន ដឹកឈើនេះថា រូបគេបានបើកបរក្នុងទិសដៅ ពីលិចទៅកើតក្នុង ល្បឿនយ៉ាងលឿន ហើយផ្លូវកោងទៀតផង ពេលនោះមានមេឃចុះអាប់ យ៉ាងខ្លាំងមើលផ្លូវមិនឃើញ ក៏ជ្រុលចង្កូតធ្លាក់ផ្លូវតែម្តង ។

តៃកុងរថយន្តបាឡែនបន្តថា រូបគេប្រញាប់ទៅសាងឈើ ពីរថយន្តមួយទៅ រថយន្តមួយទៀតក៏ជួប គ្រោះថ្នាក់ចៃដន្យបែបនេះ ទៅតែសំណាងល្អមិនប៉ះ នឹងបង្គោលភ្លើងកុំអីងាប់ បាត់ទៅហើយ ។ បន្ទាប់មកក្រោយកើតហេតុ ពុំមានវត្តមានសមត្ថកិច្ច ណាម្នាក់ចុះមកមើលនោះឡើយ ។ អ្នកបើកបររថយន្តបាឡែន បានទូរស័ព្ទទៅថៅកែរបស់ខ្លួន ឲ្យយករថយន្តមកស្ទួច យករថយន្តបាឡែន ដឹកបទល្មើសនោះទៅជួសជុល នៅឯក្នុងខេត្តដើម្បីនឹងបន្ត
ដឹកជញ្ជូនឈើបន្តទៀ ។

សូមបញ្ជាក់ថា ពីទីរួមក្រុងបានលុងរហូត ដល់ច្រកទ្វារអន្តរជាតិ អូរយ៉ាដាវមានសមត្ថកិច្ចប្រមាណ ៥០កន្លែងឈរបណ្តាក់គ្នា ដូចខ្យងតែបើប្រជាពលរដ្ឋ មានជួបគ្រោះផ្សេងៗ កម្រឃើញពួកគាត់ជួយអន្តរាគមន៍ ណាស់ពោលគឺក្រុមគេ (សមត្ថកិច្ច) ប្រចាំការក្នុងគោលបំណង តែម្យ៉ាងគឺធ្វើមេខ្មូចស៊ីឈើតែប៉ុណ្ណោះ ៕ប្រភពFB

ផ្អើលទាំងព្រឹកព្រលឹម ខណៈបុរសម្នាក់បើករថយន្តបុកទំលុះរបាំងថ្មចែកទ្រូងផ្លូវ បាក់អស់៤កង់ នៅផ្លូវជាតិលេខ៥

ភ្នំពេញ៖ កាលពីវេលាម៉ោង៦និង២០នាទីព្រឹក ថ្ងៃទី៣ ខែតុលា ឆ្នាំ២០១៨មាន រថយន្តម៉ាក CHEVROLET ស៊េរីទំនើបមួយគ្រឿង បោះពួយយ៉ាងលឿន ក៏ជ្រុលចង្កូតទៅរបាំងថ្មចែកទ្រូវផ្លូវពេញទំហឹង បណ្ដាលឲ្យបាក់ខ្ទាតរបាត់របាយពេញផ្លូវអស់៤កង់ ចំណែករថយន្តខ្ទេចផ្នែកចំហៀងខាងស្ដាំយ៉ាងដំណំ និងផ្នែកខាងមុខខ្ទេចស្ទើរទាំងស្រុង ហើយជាប់កល់បើកទៅមុខលែងរួច ស្ថិតនៅចំណុចផ្លូវជាតិលេខ៥ ស្ថិតក្នុងសង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

នៅមុនកើតហេតុ គេឃើញបុរសម្នាក់ទំនងជាស្រវឹងស្រា សល់ចំហាយតាំងពីយប់ បានបើករថយន្តស៊េរីទំនើបមួយគ្រឿង ម៉ាក CHEVROLET ពណ៌ស ពាក់ស្លាកលេខ ភ្នំពេញ 2AR-3516 ទិសដៅពីត្បូងទៅជើង ក្នុងល្បឿនយ៉ាងលឿន លុះមកចំណុចកើតហេតុខាងលើ ស្រាប់តែឃើញរថយន្តរេចង្កូតមកខាងឆ្វេងដៃ ជ្រុលទៅបុករបាំងថ្មពុះចែកទ្រូងផ្លូវពេញទំហឹង បណ្ដាលឲ្យបាក់ខ្ទាតរបាត់របាយពេញផ្លូវអស់៤កង់ ចំណែករថយន្តបង្កខ្ទេចផ្នែកចំហៀងខាងស្ដាំយ៉ាងដំណំ និងផ្នែកខាងមុខខ្ទេចស្ទើរទាំងស្រុង ហើយជាប់កល់បើកទៅមុខលែងរួច តែសំណាងល្អ មិនបណ្ដាលឲ្យមនុស្សរងរបួសនោះទេ។

សមត្ថកិច្ចមូលដ្ឋានបានចុះមកដល់កន្លែងកើតហេតុ ដើម្បីជួយសម្រួលចរាចរណ៍ ដើម្បីកុំឲ្យមានការកកស្ទះ និងទំនាក់ទំនងទៅសមត្ថកិច្ចជំនាញ ចុះមកវាស់វែង រួចយករថយន្តបង្កទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រងចាំដោះស្រាយលើការខូចខាតទ្រព្យសម្បត្តិរដ្ឋ ៕

រដ្ឋបាលខេត្តព្រះសីហនុ មន្ទីរបរិស្ថានខេត្តព្រះសីហនុ ចុះសម្អាតអនាម័យបិរស្ថាន សំរាម កាកសំណល់ផ្សេងៗ ដើម្បីរំដោះទឹក

(ព្រះសីហនុ) នៅថ្ងៃទី ២ ខែសីហា ឆ្នាំ ២០១៨នេះ រដ្ឋបាលខេត្តព្រះសីហនុ មន្ទីរបរិស្ថានខេត្តព្រះសីហនុ បាននិងសហការគ្នា ធ្វើការសម្អាតអនាម័យបរិស្ថាន និងការគ្រប់គ្រងសំណល់រឹងរាវ និងសំរាមជាប្រចាំព្រមទាំងកាយ និងស្តារប្រឡាយផ្សេងៗដើម្បីរំដោះទឹកឱ្យបានឆាប់រហ័ស។ ជាមួយគ្នា នៅច្រកក្នុងក្រុង និងនៅតាមតំបន់ឆ្នេរ អ្នកសម្អាតអនាម័យបរិស្ថានបានបោសសម្អាត វេចខ្ចប់ទុកដាក់សំរាម ឱ្យបានត្រឹមត្រូវដើម្បីរក្សាសោភ័ណភាពទីក្រុង និងឆ្នេរសមុទ្រកម្ពុជាឱ្យស្រស់ស្អាត។ ការសម្អាតអនាម័យបរិស្ថាន គ្រប់គ្រងសំណល់រឹង សំរាម គឺជាកាតព្វកិច្ចរបស់ យើងទាំងអស់គ្នា មិនមែនជាតួនាទីដាច់ដោយឡែករបស់ ស្ថាប័នណាមួយឡើយ។

ក្នុងនោះដែរ រដ្ឋបាលខេត្តព្រះសីហនុ និងមន្ទីរបរិស្ថាន បានអំពាវដល់ប្រជាពលដ្ឋ ដើម្បីរក្សាអនាម័យបរិស្ថានរបស់យើងឱ្យល្អស្អាត សូមបងប្អូនប្រជាពលរដ្ឋចូលរួមទាំងអស់គ្នាដោយទុកដាក់សំរាមឱ្យបានត្រឹមត្រូវ ញែកសំរសមតាមបច្ចេកទេស និងកុំបោះចោលសំរាមពាសវាលពាសកាលដែលងាយនឹងបង្កឱ្យខ្យល់គួច ឬទឹកភ្លៀងហូរនាំយកចូលទៅក្នុងសមុទ្រ។ សូមចូលរួមសម្អាតបរិស្ថានយើងទាំងអស់គ្នា ព្រោះវាជាតួនាទី និងការទទួលខុសត្រូវរបស់យើងទាំងអស់គ្នា៕

ឯកឧត្តម ឃួង ស្រេង ថា៖ មនុស្សចាស់ជាឃ្លាំងទ្រព្យនៃបទពិសោធន៍ ដែលមិនអាចខ្វះបាន សំរាប់ក្មេងៗជំនាន់ក្រោយ

(ភ្នំពេញ) អភិបាលរាជធានីភ្នំពេញ បានអះអាងថា មនុស្សចាស់មានគុណបំណាច់ខ្លាំងណាស់ ព្រោះគាត់បានជួយសង្គមជាតិ ហើយគាត់ធ្លាប់ដើរមុនក្មេងៗ ទាំងនេះជាបទពិសោធន៍ជាច្រើន សំរាប់ក្មេងៗជំនាន់ក្រោយ និងជាឃ្លាំងទ្រព្យនៃបទពិសោធន៍។

ក្នុងពិធីទិវាមនុស្សចាស់កម្ពុជា និងទវាមនុស្សចាស់អន្តរជាតិ នៅល្ងាចថ្ងៃទី២ ខែតុលា ឆ្នាំ២០១៨ នៅសាលារាជធានីភ្នំពេញ ឯកឧត្តម ឃួង ស្រេង អភិបាលរាជធានីភ្នំពេញ អះអាងថា “មនុស្សចាស់ ទោះបីពួកគាត់បានក្លាយជានិវត្តន៍ជនក៏ដោយ ប៉ុន្តែពួកគាត់នៅតែមានសមត្ថភាព និងជាប្រភពទុនមួយដ៏មិនអាចខ្វះបានសម្រាប់ជួយបណ្តុះបណ្តាលមនុស្សជំនាន់ក្រោយ ដែលក្មេងខ្លះមិនអាចអនុវត្តការងារបានដូចមនុស្សចាស់នោះទេ”។

ឯកឧត្តម អភិបាលរាជធានីលើកឡើងទៀតថា មនុស្សចាស់ត្រូវបានយកចិត្តទុកដាក់យ៉ាងខ្លាំងពីប្រមុខរាជរដ្ឋាភិបាល រហូតមានការជួយឧបត្ថមជាច្រើនរួមជាមួយនឹងការពិនិត្យព្យាបាល។ មនុស្សចាស់បានពន្យល់ទុកនូវគុណបំណាច់ជាច្រើនជូនជាតិមាតុភូមិ និងចូលរួម អភិវឌ្ឍន៍ ឈានដល់ការរីកចំរើន ដែលនេះហើយជាស្នាដៃដ៏ធំធេងសម្រាប់ក្មេងជំនន់ក្រោម។ ជាមួយគ្នានោះដែរ អភិបាលរាជធានីភ្នំពេញ អោយអាជ្ញាធរសង្កាត់ទាំង១០៥ នៅទូទាំងរាជធានី ត្រូវតែយកចិត្តទុកដាក់ដល់ពួកគាត់ ពិសេសសមាជិករបស់សមាគមមនុស្សចាស់ ដែលរដ្ឋបាលរាជធានីបានបង្កើតសមាគមរួចមកហើយនៅតាមសង្កាត់និមួយៗ។

លោកស្រី មុំ ចាន់ដានី ប្រធានមន្ទីរសង្គមកិច្ច អតីតយុទ្ឋជន និងយុវនិតិសម្បទា បានលើកឡើងថា “តាមស្ថិតិ ឆ្នាំ២០១៧ មនុស្សវ័យចាស់នៅរាជធានីភ្នំពេញចាប់ពីអាយុ៦១ឆ្នាំឡើងទៅ មានចំនួន១៣៣,៣៦៣នាក់”។ លោកស្រីថ្លែងថា រដ្ឋបាលរាជធានីភ្នំពេញ បានកំណត់យកជាអាទិភាពឲ្យមន្ត្រីសង្គមកិច្ច អតីតយុទ្ធជន និងយុវនីតិសម្បទារាជធានី ដាក់បញ្ជូលកម្មវិធី និងគ្រប់គ្រងសមាគមមនុស្សចាស់ ទៅក្នុងកម្មវិធីប្រជុំរបស់ក្រុមប្រឹក្សារាជធានីភ្នំពេញ ដើម្បីឲ្យសង្កាត់ ក្នុងរាជធានី បន្តអនុវត្ត ចងក្រងពង្រឹងនិងពង្រីកជួយដល់សមាជិកសមាគមមនុស្ស ដែលបច្ចុប្បន្នមានចំនួនសមាជិកសរុប២០,១៦២នាក់ ក្នុងនោះមានស្រ្តី១១,៥៧៤នាក់។

លោកស្រី មុំ ចាន់ដានី មានប្រសាសន៍ដែរថា បញ្ហាចម្បងរបស់មនុស្សចាស់ មានបញ្ហាប្រឈមមុខនោះ គឺសុខភាព ស្មារតីចងចាំទន់ខ្សោយ ឱកាសរកប្រាក់ចំណូលតិចតូច ពិបាកក្នុងការធ្វើដំណើរ ជាពិសេស ត្រូវទទួលខុសត្រូវ ក្នុងការមើលថែផ្ទះសំបែង និងមើលថែកូនចៅ។

មនុស្សវ័យចាស់មួយចំនួនទៀត ដោយសារតែស្ថានភាពទូទល់ក្រ ចេញទៅស្វែងរកថវិកា ដើម្បីជួយទ្រទ្រង់សេដ្ឋកិច្ចគ្រួសារ និងមនុស្សវ័យចាស់មួយចំនួនតូចត្រូវបានកូនៗបោះបង់ចោល ដោយកូនពួកគាត់ត្រូវបង្ខំចិត្តធ្វើចំណាកស្រុកទៅក្រៅប្រទេស ឬចាកចេញពីផ្ទះសំបែងយូរ ដោយទុកអោយមនុស្សចាស់មើលថែចៅៗ និងស្វែងរកថវិកា សម្រាប់ជីវភាពប្រចាំថ្ងៃ៕

ពេលនេះកម្ពុជា មានរថយន្តក្រុងសាធារណៈរបស់ជប៉ុនស៊េរីឡើងកប់ជិះហើយ

រថយន្តក្រុងស៊េរីទំនើបជាជំនួយឥតសំណងរបស់ជប៉ុន មានចំនួនសរុបរហូតដល់ទៅ៨០គ្រឿង នឹងចាប់ផ្ដើមដំណើរការលើខ្សែរត់ថ្មីបន្ថែម៥ខ្សែទៀត របស់សាលារាជធានីភ្នំពេញ។

រថយន្តក្រុងទំនើបជាជំនួយឥតសំណងរបស់ជប៉ុនទាំងនេះ មានបំពាក់នូវបច្ចេកវិទ្យាទំនើបដូចជា៖ ម៉ាស៊ីនត្រជាក់ អេក្រង់ LED សម្រាប់បង្ហាញជើងរថយន្តក្រុង មានទូរទស្សន៍នៅក្នុង ដើម្បីបង្ហាញពីស្ថានភាព និងទីតាំងរថយន្តក្រុង។

រដ្ឋាករស្វយ័តដឹកជញ្ជួនរថយន្តក្រុងសាធារណៈ នឹងបន្ថែមខ្សែរត់រថយន្តក្រុងថ្មីចំនួន ៥ខ្សែថែមទៀត បូកសរុបរួមជាមួយខ្សែរត់រថយន្តក្រុងបច្ចុប្បន្ន។ ដូច្នេះខ្សែរត់ទាំងអស់មាន នឹងមានចំនួន ១៣ខ្សែ។

រដ្ឋាករស្វយ័តដឹកជញ្ជួនបានបែងចែករថយន្តក្រុងជប៉ុនដែលជាជំនួយឥតសំណងរបស់រាជរដ្ឋាភិបាលជប៉ុន ទៅតាមខ្សែរត់នីមួយៗ ដែលនឹងដាក់ឲ្យដំណើរការ ចាប់ពីថ្ងៃទី ១ ខែតុលា ឆ្នាំ២០១៨នេះ។

ខ្សែរត់ទាំង១៣ រួមមាន៖

ខ្សែទី១A៖ ផ្សារព្រែកព្នៅ-ចំណតច្បារអំពៅ ប្រវែង ១៩ គ.ម

ខ្សែទី២B៖ ចំណតច្បារអំពៅ-ផ្សារគរគី ប្រវែង ១៤ គ.ម

ខ្សែទី២៖ រង្វង់មូលគួចកាណុង-រង្វង់មូលតាខ្មៅ-ស្ពានព្រែកសំរោង ប្រវែង ១៨ គ.ម

ខ្សែទី៣៖ ចំណតសួនច្បារឫស្សីកែវ-បុរីសន្តិភាព២ ប្រវែង ២៣,១ គ.ម

ខ្សែទី៤A៖ ចំណតសួនច្បារឫស្សីកែវ-បុរីសន្តិភាព២ ប្រវែង ២០,១២ គ.ម

ខ្សែទី៤B៖ ចំណតសួនច្បារឫស្សីកែវ-មជ្ឈមណ្ឌលពាណិជ្ជកម្មកម្ពុជា ចិន (អង្គស្នួល) ប្រវែង ២៨,៧ គ.ម

ខ្សែទី៤C៖ ចំណតសួនច្បារឫស្សីកែវ-រង្វង់មូលដីក្រហម ប្រវែង ២០,៥ គ.ម

ខ្សែទី៥៖ ស្ថានីយរថយន្តក្រុងព្រែកព្នៅ-ផ្សារអ៊ីអន២-ផ្សារអ៊ីអន១ ប្រវែង ២៣,៤ គ.ម

ខ្សែទី៦៖ រង្វង់មូលគួចកាណុង-ស្ថានីយរថយន្តក្រុងព្រែកព្នៅ ប្រវែង ២០,២ គ.ម

ខ្សែទី៧៖ ចំណតគីឡូម៉ែត្រលេខ៩-ចំណតបឹងឈូក ប្រវែង ២១,៧ គ.ម

ខ្សែទី៨៖ រង្វង់មូលគួចកាណុង-ផ្សារស៊ិនជូរីផ្លាហ្សា ប្រវែង ១១,២ គ.ម

ខ្សែទី៩៖ បុរីសន្តិភាព២-តំបន់សេដ្ឋកិច្ចពិសេសភ្នំពេញ ប្រវែង ១៩,៥ គ.ម

បន្ថែមខ្សែរត់ថ្មី

ខ្សែទី១០៖ ផ្សារស៊ិនជូរីផ្លាហ្សា-ចំណតបឹងឈូក ប្រវែង ១៧,៣ គ.ម

ខ្សែទី១១៖ វត្តស្លែង-ច្រមុះជ្រូកស្ទឹងមានជ័យ ប្រវែង ១៤ គ.ម

ខ្សែទី១២៖ រាជាយស្ម័យយានកម្ពុជា (ខ្សែរត់ជារង្វង់វិលជុំ) តាមផ្លូវសហព័ន្ធរុស្ស៊ី នេរុ ព្រះសីហនុ ផ្លូវ៣៦០

ផ្លូវ១៦៣ ស្តុបបឹងកេងកង ត្រសក់ផ្អែម/ប៉ាស្ទ័រ ផ្លូវភ្លោះព្រះអង្គឌួង ប្រវែង ៨,៩គ.ម

ខ្សែទី១៣៖ រង្វង់មូលគួចកាណុង-រង្វង់មូលផ្សារដើមផ្កូវ ប្រវែង ៧,៨ គ.ម៕

ភ្ញាកផ្អើលទាំងថ្ងៃ…! ខណៈបុរសម្នាក់ មិនដឹងថាវិបត្តិអ្វីបានជិះម៉ូតូមកលោតទឹកសម្លាប់ខ្លួន ពីលើ…(ចុចអានបន្ត)

ភ្នំពេញ៖ ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង១០និង២០នាទីព្រឹក ថ្ងៃទី០២ ខែតុលា ឆ្នាំ២០១៨នេះ នៅចំណុចលើស្ពានជ្រោយចង្វារថ្មី ស្ថិតក្នុងភូមិដើមគរ សង្កាត់ជ្រោយចង្វា ខណ្ឌជ្រោយចង្វារ។ បុរសនេះមានឈ្មោះ លឹម សម្បត្តិ អាយុ៣០ឆ្នាំ ស្នាក់នៅផ្ទះ៧A ផ្លូវលំ ភូមិភ្នាស សង្កាត់សឹងមានជ័យ ខណ្ឌមានជ័យ រាជធានីភ្នំពេញ។

មុនកើតហេតុ គេបានឃើញបុរសម្នាក់ជិះម៉ូតូ មួយគ្រឿង ម៉ាក Today ពណ៌ខៀវ ពាក់ស្លាកលេខភ្នំពេញ 1CJ-3086 បានធ្វើដំណើរក្នុងទិសដៅពីកើតមកលិច ខណៈពេលធ្វើដំណើរមកដល់ចំណុចលើស្ពានជ្រោយចង្វាថ្មី ក៏ឈប់ម៉ូតូលោតចុះពីលើស្ពានតែម្តង។

ភ្លាមៗនោះ ត្រូវបានប្រជាពលរដ្ឋអ្នកនេសាទត្រីនៅក្បែរនោះ បានចេញទូកនេសាទជួយសង្គ្រោះទាន់ពេលវេលា ហើយបានប្រគល់ឲ្យសមត្ថកិច្ចយកទៅប៉ុស្តិ៍នគរបាលរដ្ឋបាលជ្រោយចង្វារ។

មូលហេតុនៃការលោតទឹកសម្លាប់ខ្លួនរបស់បុរសរូបនេះ គឺមិនទាន់អាចសុំការបំភ្លឺបាននោះទេ ខណៈដែលសមត្ថកិច្ចប៉ុស្តិ៍នគរបាលរដ្ឋបាលជ្រោយចង្វា កំពុងធ្វើការសាកសួរ និងទាក់ទងរកសាច់ញាតិ ៕

ប្រភព៖ FB

ហួសហេតុ.! ម្ចាស់ហាងមួយកន្លែង មិនត្រឹមតែគិតលុយម្ហូបលើសទេ ថែមទាំងទាញថាសរកវាយភ្ញៀវទៀត..(មានវិដេអូ)

កាលពីពេលកន្លងទៅថ្មីៗនេះមានវិដេអូដ៍ហួសចិត្តមួយបានបង្ហោះនៅលើបណ្តាញសង្គមហ្វេសសប៊ុក បន្ទាប់ពីមានបុរសម្នាក់បានសសេររៀបរាប់ថា ៖

“អរុណសួស្តី បាទ…!ព្រឹកនេះ ចង់និយាយរឿងហួសចិត្ត បន្តិចកាលពីម្សិលមិញទៅញាំបាយថ្ងៃត្រង់នៅ គៀនស្វាយ ( ធ្លាប់តែឮគេនិយាយ ឥឡូវបានជួបផ្ទាល់ខ្លួនឯងហើយ )
ខ្ញុំហៅម្ហូប មាន់ ២ “មាន់១ តំលៃ ៥៥ ០០០៛ ច្ចឹង ២ ត្រូវអស់ ១១០ ០០០៛ ត្រឹមត្រូវ ហើយ មាន់ទាំង២“ អត់មានគ្រឿងក្នុងមាន់ទាំង២ ខ្ញុំក៍អត់និយាយថាអីដែរ
Beer ខ្ញុំសួរ ម្ចាស់ ហាង អាចយកចូលបានអត់..? គាត់ថា អាចយកចូលបាន

ខ្ញុំហៅម្ហូប ខាត់ណា ១ចានទៀត តំលៃ ២៥ ០០០៛ ទាល់តែពេលគិតលុយពីខ្ញុំ ៤០ ០០០៛ សួរថា ធ្វើច្ចឹងសមអត់ សំរាប់ ម្ចាស់ហាង ដែលលក់អោយភ្ញៀវ…? សំរាប់លុយ១៥ ០០០៛ មិនច្រើនទេ អោយអ្នកមើលឡានក៍អស់ដែរ តែខ្ញុំមិនចង់ ខូចឈ្មោះ ហាង គេ ល្អ ល្អ មិនត្រឹមតែគិតលុយលើសទេ ថែមទាំងសំដី ដាក់ខ្ញុំ ថា ផឹកសុីអស់១៧០ ០០០ ធ្វើចរិកថោកទាប ហើយយកថាស មករកវៃក្បាលខ្ញុំទៀត ។

ខ្ញុំ ប្រាប់គាត់ថា ខ្ញុំមកញាំ គឺខ្ញុំ មានលុយអោយហើយ ក៍ខ្ញុំ ដកលុយ៥០$ ហើយប្រាប់ មិនបាច់អាប់លុយវិញទេ ទុកយកចុះ ។ ខ្ញុំចង់សួរថា ឆ្នាំ២០១៨ ហើយ នៅមាន អាមនុស្សប្រភេទច្ចឹង.. អាហាង ប្រភេទច្ចឹង…ទៀតមែន…?

ឈប់បាន ឈប់ទៅ សង្គមគេដើរទៅមុខអស់ហើយ កុំនៅឡើយធ្វើ ថោកទាបចឹងទៀត ខ្មាស់គេ ខ្មាស់ខ្លួនឯងផង សំណាង ហើយ អុី ត្រឹមតែ ជន្លរ ថាសដាក់ក្បាលខ្ញុំ បើត្រូវ វិញ ១ថាស ក្រោប៥០០០$ អត់យកទេ សូមបងប្អូនមើលហើយជួយគិត ថា ទង្វើ អ្នកលក់ដូចគាត់ សមរម្យអត់ ចំពោះ ភ្ញៀវ…?
មិនចង់បង្ហោះទេ តែទប់អារម្មណ៍ មិនបាន ត្រង់ យកថាស មករកវ៉ៃក្បាលខ្ញុំ សំណាងគាត់ដែល ព្រោះ ជា មនុស្សចាស់ ហើយ ជាស្ត្រី ទៀត បើសិនជា អ្នកលក់នេះ ជាមនុស្សប្រុសវិញ ហើយ អាយុល្មម ល្មមទៀត ដឹងតែ លោហិត( ឈាម )ចេញតាមមាត់និង ថ្គាម បាក់ អស់ប៉ុន្មានទេ…? ចិត្តជាកូនប្រុស មិនមែន អោយគេធ្វើអីតាមចិត្តបាន មកលើខ្លួនទេ

សូមអោយអាធ្ញធ័រ មូលដ្ឋាន គ្រប់ផ្នែក គ្រប់ជំនាយ ពិនិត្យមើល ឡើងវិញផង បើនៅតែច្ចឹង បាត់ភ្ញៀវអស់ហើយ មិនថាភ្ញៀវ អន្តជាតិ ឬ ភ្ញៀវជាតិទេ គឺ គេមិនទៅលេងទេ”៕