សមត្ថកិច្ចចាប់ឃាត់ខ្លួនយុវជន២នាក់ជាបងប្អូនបង្កើត ពីបទ…(ចុចអានបន្ត)

ភ្នំពេញ៖សមត្ថកិច្ចចាប់ឃាត់ខ្លួនយុវជន២នាក់ជាបងប្អូនបង្កើត ពីបទជួញដូរគ្រឿងញៀន ការឃាត់ខ្លួននេះធ្វើឡើងកាលពីថ្ងៃទី៤ ខែតុលា ឆ្នាំ២០១៨ ស្ថិតនៅខណ្ឌសែនសុខ និងខណ្ឌឫស្សីកែវរាជធានីភ្នំពេញ ។

ជនសង្ស័យទាំង២នាក់ បងប្អូននោះ ៖ ទី១.ឈ្មោះ ង៉ាត ប៊ុ លី ភេទប្រុស អាយុ៣៤ឆ្នាំ(ជាបង) ទី២ឈ្មោះ ង៉ាត ហេងពៅ ភេទប្រុស អាយុ១៩ ឆ្នាំ(ជាប្អូន) ស្នាក់នៅក្រុម៣ ផ្លូវបេតុង ផ្ទះលេខ២៦២សJ ភូមិគង្គាផុស សង្កាត់ទួល២ ខណ្ឌឫស្សីកែវ ។

ប្រតិបត្តិការឃាត់ខ្លួនជនសង្ស័យ២នាក់ បងប្អូន ដកហូតថ្នាំញៀន១៨កញ្ចប់ មានតូច ធំ រថយន្តមួយគ្រឿង និងម៉ូតូមួយគ្រឿង ។

បន្ទាប់ពីឃាត់ខ្លួនជនសង្ស័យជាប្អូន ឈ្មោះ ង៉ាត ហេងពៅ រួមថ្នាំញៀន៣កញ្ចប់ នៅម្តុំផ្លូវរថភ្លើងសង្កាត់ភ្នំពេញថ្មី ខណ្ឌសែនសុខរួចមក សមត្ថកិច្ចក៏ឈានដល់ទៅឃាត់ជនសង្ស័យជាបងប្រុសឈ្មោះ ង៉ាត ប៊ុនលី អាយុ៣៤ឆ្នាំ នៅផ្ទះលេខ២៦២សJ ក្រុម៣ ផ្លូវបេតុងភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ នៅវេលាម៉ោង៤ និង១៥នាទីរសៀល ថ្ងៃដដែលវត្ថុតាងដកហូតក្រាមពណ៌សថ្លាចំនួន១៥កញ្ចប់ រថយន្តម៉ាក់ពណ៌សំបកឪឡឹក ស្លាកលេខ ភ្នំពេញ2E-3832 និងម៉ូតូមួយគ្រឿង ម៉ាក XTពណ៌ខ្មៅ ។

ឃាត់ខ្លួន ជនសង្ស័យទាំង២នាក់បងប្អូនរួមទាំងវត្ថុតាងត្រូវបានបញ្ជូនទៅការិយាល័យ និងកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់តាមផ្លូវច្បាប់៕

ប្រភព៖ FB

នៅព្រឹកព្រលឹម ថ្ងៃទី៦ ខែតុលានេះ ប្រជាពលរដ្ឋចាប់ផ្តើមទៅទទួលសេវារថយន្តក្រុងសាធារណៈដោយឥតគិតថ្លៃទៅស្រុកកំណើតក្នុងឱកាសបុណ្យភ្ជុំបិណ្ឌ

(ភ្នំពេញ) នៅព្រឹកព្រលឹមថ្ងៃទី៦ ខែតុលា ឆ្នាំ២០១៨នេះ រដ្ឋបាលរាជធានីភ្នំពេញ ចាប់ផ្តើមបញ្ចេញរថយន្តក្រុងសាធារណៈចំនួន១២០គ្រឿង ដើម្បីដឹកប្រជាពលរដ្ឋទៅលេងស្រុកកំណើតដោយឥតគិតថ្លៃ ក្នុងឱកាសបុណ្យភ្ជុំបិណ្ឌ។

ដើម្បីសម្រួលដល់ការធ្វើដំណើររបស់ប្រជាពលរដ្ឋពីរាជធានីភ្នំពេញទៅខេត្តនានា ក៏ដូចជាត្រឡប់ពីខេត្តនានាត្រឡប់មករាជធានីភ្នំពេញវិញឱ្យមានលក្ខណៈល្អប្រសើរនោះ នៅក្នុងឱកាសបុណ្យភ្ជុំបិណ្ឌនោះ សម្តេចតេជោ ហ៊ុន សែន បានសម្រេចផ្តល់កាដូមួយថ្មីទៀតជូនដល់ប្រជាពលរដ្ឋ ដោយបញ្ជាឱ្យសាលារាជធានីភ្នំពេញ បញ្ចេញរថយន្តក្រុងសាធារណៈ១២០គ្រឿង ដើម្បីដឹកជញ្ជូនប្រជាពលរដ្ឋទៅមកមិនគិតថ្លៃ រយៈពេល៦ថ្ងៃ នៅក្នុងឱកាសបុណ្យភ្ជុំបិណ្ឌ។

ការដឹកជូនប្រជាពលរដ្ឋទៅវិញទៅមក ដោយឥតគិតថ្លៃ រវាងរាជធានីភ្នំពេញទៅស្រុកកំណើតនេះ ចាប់ផ្តើមធ្វើឡើងនៅរៀងរាល់ម៉ោង៥៖៣០នាទីព្រឹក ពីថ្ងៃទី៦ ដល់ថ្ងៃទី១១ ខែតុលា ឆ្នាំ២០១៨ ដោយអនុវត្តន៍នៅលើផ្លូវជាតិលេខ១ ផ្លូវជាតិលេខ២ ផ្លូវជាតិលេខ៣ ផ្លូវជាតិលេខ៤ ផ្លូវជាតិលេខ៥ ផ្លូវជាតិលេខ៦, ផ្លូវជាតិលេខ៧ និងផ្លូវជាតិលេខ៨។

នារីស្រស់ស្អាតម្នាក់ ធ្វើអត្តឃាតចងកសម្លាប់ខ្លួន នៅអាហារដ្ឋាន មួយកន្លែងនៅឯ…(ចុចអានបន្ត)

ខេត្តស្វាយរៀង៖ ហេតុការណ៍នេះ បានបង្ករអោយមានការភ្ញាក់ផ្អើលដល់សមត្ថកិច្ច កាលពីថ្ងៃសុក្រ ថ្ងៃទី៥ ខែតុលា ឆ្នាំ២០១៨ ម្សិលមិញនេះ នៅក្យូសលេខ៨៨៨៨ ក្នុងបរិវេណ អាហារដ្ឋាន (សំណាងអាណេរ) ស្ថិតនៅក្នុងភូមិតាពៅ សង្កាត់បាវិត ក្រុងបាវិត ខេត្តស្វាយរៀង ។

ក្រោយពីម្ចាស់ហាងបានប្រទះឃើញ រួចរាយការណ៍មកសមត្ថកិច្ចមូលដ្ឋានមកពិនិត្យសាកសពខ្លាចក្រែងជាអំពើឃាដកម្ម ។

នារីស្រស់ស្អាតដែលចងកសម្លាប់ខ្លួននេះត្រូវបានគេស្គាល់ មានឈ្មោះ នី តា អាយុ៣១ឆ្នាំ មានទីលំនៅ ខេត្តសៀមរាប ជាបុគ្គលិក បំរើការក្នុងអាហារដ្ឋាននេះ។

ម្ចាស់ហាងមានឈ្មោះសឿន ស្រីណេ អាយុ២៩ឆ្នាំ ទីលំនៅភូមិ ក្រាំងអាត់ ឃុំកំពង់សីលា ស្រុកកំពង់សីលា ខេត្ត សៀមរាប ។

បន្ទាប់ពីមានសេចក្ដីរាយការណ៍ភ្លាម សមត្ថកិច្ចនគរបាលក្រុងនគរបាលជំនាញ បានមកពិនិត្យសពឃើញថា ពិតជាចងកសម្លាប់ខ្លួនពិតប្រាកដមែន នៅក្នុង ក្យូសលេខ៨៨៨៨ ដោយមិនមានស្លាកស្នាមអ្វីថា ជារឿងឃាដកម្មនោះទេ ។

នារីគិតខ្លីមិនដឹងថា មានរឿងអ្វី ដែលលាក់ទុកក្នុងចិត្តដោះស្រាយមិនចេញ ទើបសម្រេចជ្រើសរើសយកផ្លូវដើរបែបនេះសោះ ខណៈតាមមិត្តភក្តិអះអាងថា សង្ស័យមានវិបត្តិគ្រួសារធ្ងន់ធ្ងរ ព្រោះនារីខាងលើ មុនយប់កើតហេតុ គឺមានទឹកមុខស្រពាប់ស្រពោន មិនសូវនិយាយស្ដី ខុសប្លែកពីធម្មតាផងដែរ ៕

ប្រភព៖ FB

សត្វព្រៃមានសារៈសំខាន់ណាស់!!! សូមចូលរួមការពារនិងអភិរក្សធនធានធម្មជាតិយើងទាំងអស់គ្នា! ដើម្បីប្រទេសយើង

សត្វខ្លាឃ្មុំ ស្វាក្រវ៉ាត់ មាន់ព្រៃ សំពោចភ្នំ ឈ្លូសនិងសត្វជាច្រើនប្រភេទទៀតក្នុងនោះមានទាំងសត្វកម្រផងត្រូវបានឃើញមានវត្តមាននៅក្នុងឧទ្យានជាតិវីរៈជ័យ ក្នុងខេត្តរតនគិរី។ នេះបើយោងតាមការឱ្យដឹងរបស់លោក នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យក្រសួងបរិស្ថាននៅថ្ងៃទី៥ ខែតុលា ឆ្នាំ ២០១៨ នេះ។ លោកបានថ្លែងថាទិន្ន័យនិងរូបភាពដែលបញ្ជាក់ពីវត្តមានជីវៈចម្រុះទាំងនេះទទួលបានពីម៉ាស៊ីនថតដោយស្វ័យប្រវត្តិដែលមន្ត្រីឧទ្យានុរក្សនៃឧទ្យានជាតិវីរជ័យបានដាក់ចាប់តាំងពីថ្ងៃទី២៦ ខែកញ្ញា រហូតដល់ ថ្ងៃទី៤ ខែតុលា ឆ្នាំ ២០១៨ នៅតាមទីតាំងមួយចំនួនក្នុងឧទ្យានជាតិនេះ។

រដ្ឋលេខាធិការក្រសួងបរិស្ថាន លោក នេត្រ ភក្ត្រា បានឱ្យដឹងថា ឧទ្យានជាតិវីរៈជ័យសំបូរទៅដោយ ជីវៈចម្រុះគ្រប់ប្រភេទ សត្វព្រៃដែលនាពេលកន្លងទៅម៉ាស៊ីនថតស្វ័យប្រវត្តិនេះក៏បានចាប់បានភាពសត្វកម្រមួយចំនួននៅកម្ពុជាដូចជា សត្វដំរី ខ្លាឃ្មុំ ខ្លាពពក ខ្ទីងជាដើម។ លោកបានថ្លែងថា ឧទ្យានជាតិវីរៈជ័យសម្បូណ៍ដោយធនធានធម្មជាតិ និងជីវៈចម្រុះដែលត្រូវតែការពារឱ្យបានគង់វង្ស។ រដ្ឋលេខាធិការក្រសួងបរិស្ថាន លោក នេត្រ ភក្ត្រា បានថ្លែងថា បច្ចុប្បន្ននេះ ក្រសួងបរិស្ថានបានយកចិត្តទុកដាក់លើការងារការពារ និងអភិរក្សធនធានធម្មជាតិនេះដោយបានរៀបចំផែនការយុទ្ធសាស្ត្រផ្សេងៗ។

សូមបញ្ជាក់ថាក្រោយពីមានកំណែទម្រង់ស៊ីជម្រៅលើតួនាទី និងការទទួលខុសត្រូវរបស់ក្រសួងបរិស្ថាន និងក្រសួងកសិកម្ម មានការផ្ទេរនូវតំបន់អភិរក្សមួយចំនួនពីក្រសួងកសិកម្មឱ្យមកក្រសួងបរិស្ថាន គ្រប់គ្រង និងអភិរក្ស។ បើតាមរដ្ឋលេខាធិការក្រសួងបរិស្ថាន លោក នេត្រ ភក្ត្រា បច្ចុប្បន្ននេះ តំបន់ការពារធម្មជាតិ និងរបៀងអភិរក្សជីវៈចម្រុះស្ថិតក្រោមការគ្រប់គ្រងរបស់ក្រសួងបរិស្ថានមានទំហំជាង ៧,៥ លានហិកតា និងមានមន្ត្រីឧទ្យានុរក្សចំនួន ១២៦០ បាននិងកំពុងដើរល្បាត ការពារធនធានធម្មជាតិ និងអភិរក្សជីវៈ ចម្រុះ សម្បត្តិធម្មជាតិ និងវប្បធម៌ ក្នុងតំបន់ការពារធម្មជាតិ និងរបៀងអភិរក្សជីវៈចម្រុះ។

ជាមួយគ្នានេះ រដ្ឋលេខាធិការក្រសួងបរិស្ថានក៏បានអំពាវនាវដល់គ្រប់ភាគីទាំងអស់រួមនឹងបងប្អូនប្រជាពលរដ្ឋចូលរួមការពារ និងអភិរក្សធនធានធម្មជាតិរបស់យើងទាំងអស់គ្នា៕ ប្រភពFB

ឆក់បានសំរេច បង្រុងនឹងរត់ចូលផ្ទះ តែត្រូវសន្តិសុខសាលាខណ្ឌ និងពលរដ្ឋ ដេញទាន់ ស្រែកព័ទ្ធចាប់បាន ប្រគល់ឲ្យនគរបាល

ភ្នំពេញ៖ ហេតុការណ៍នេះបានកើតឡើងកាលពីវេលាម៉ោង១០.១៥នាទី ព្រឹក ថ្ងៃទី៥ ខែតុលា ឆ្នាំ២០១៨នេះ ស្ថិតនៅ តាមផ្លូវសហព័ន្ធរុស្សី ក្នុងភូមិព្រៃទា សង្កាត់ចោមចៅ៣ ខណ្ឌពោធិសែនជ័យ ។

ជនសង្ស័យឈ្មោះ ឈឿង ហៃវាសនា អាយុ២៦ឆ្នាំ មុខរបរចោរឆក់ ស្នាក់នៅភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ។ ចំណែកជនរងគ្រោះឈ្មោះ ឃឿន ឆេងលាប អាយុ២០ឆ្នាំ មុខរបរនិស្សិត ស្នាក់នៅព្រៃព្រីងជើង សង្កាត់ចោមចៅ៣ ខណ្ឌពោធិ៍សែនជ័យ។ ទូរស័ព្ទដែលជនសង្ស័យឆក់យក ម៉ាក IPhone 6Plus ពណ៌ខ្មៅ។

តាមប្រភពបានឲ្យដឹងថា មុនកើតហេតុ ក្មេងស្រីរងគ្រោះ ជិះម៉ូតូ តាមផ្លូវសហព័ន្ធពីលិចទៅកើត លុះដល់ចំណុចខាងលើ ត្រូវបានជនសង្ស័យជិះម៉ូតូ មួយគ្រឿងម៉ាកហុងដា សេ១២៥ សេរី២០១៨ ពណ៌ខ្មៅ ពាក់ស្លាកលេខ ភ្នំពេញ 1FY-0330 មកឆក់យកទូរស័ព្ទពីដៃ បានសម្រេចហើយ ជនសង្ស័យ ជិះម៉ូតូបត់ត្រឡប់ក្រោយវិញ ក្នុងគោលបំណងរត់គេចចូលផ្ទះ ក៏ប៉ុន្តែ ផ្ទះក្មេងរងគ្រោះនៅក្បែរនោះដែរ ស្គាល់ភូមិសាស្រ្តច្បាស់ ដេញតាមពីក្រោយ ស្រែកផង ដេញផង រហូតទៅដល់ផ្លូវជាតិលេខ៤ ខាងលិចរង្វង់មូលចោមចៅ មុខស្ថានីយ៍ប្រេងPTTភូមិថ្នល់បំបែក ជនសង្ស័យចូលផ្ទះមិនកើត ដោយសារ ជនរងគ្រោះ សន្តិសុខសាលាខណ្ឌ និងពលរដ្ឋ ដេញទាន់ ស្រែកព័ទ្ធចាប់បាន ប្រគល់ឲ្យនគរបាលប៉ុស្តិ៍ចោមចៅ៣តែម្តង។

ជនសង្ស័យក្រោយចាប់ខ្លួនបាន នាំយកទៅសាកសួរនៅប៉ុស្តិ៍ចោមចៅ៣ ដើម្បីកសាងសុំណុំរឿងតាមនីតិវិធី បញ្ជូនទៅផ្នែកជំនាញ៕

ប្រភព៖ FB

ឆក់ទូរស័ព្ទដៃ ពីក្មេងស្រីនិស្សិតម្នាក់បានសំរេច តែគេចរត់មិនរួច

ភ្នំពេញៈ ហេតុការណ៍នេះបានកើតឡើងកាលពីវេលាម៉ោង១០.១៥នាទី ព្រឹក ថ្ងៃទី៥ ខែតុលា ឆ្នាំ២០១៨នេះ ស្ថិតនៅ តាមផ្លូវសហព័ន្ធរុស្សី ក្នុងភូមិព្រៃទា សង្កាត់ចោមចៅ៣ ខណ្ឌពោធិសែនជ័យ ។

ជនសង្ស័យក្រោយចាប់ខ្លួនបាន នាំយកទៅសាកសួរនៅប៉ុស្តិ៍ចោមចៅ៣ ដើម្បីកសាងសុំណុំរឿងតាមនីតិវិធី បញ្ជូនទៅផ្នែកជំនាញ៕ ប្រភពFB

ទួគីនឹងមិនចាកចេញពីប្រទេសស៊ីរីឡើយ រហូតដល់ពលរដ្ឋស៊ីរីមានការបោះឆ្នោត

(អន្តរជាតិ) កាលពីថ្ងៃព្រហស្បត្តិ៍ ប្រធានាធិបតីទួគី លោក Tayyip Erdogan បាននិយាយថា ប្រទេសទួគីនឹងមិនចាកចេញពីប្រទេសស៊ីរីឡើយ រហូតដល់ប្រជាជនស៊ីរីមានការបោះឆ្នោតមួយ ។

លោក Erdogan បាននិយាយក្នុងសន្និសីទមួយ នៅទីក្រុង Istanbul ថា នៅពេលណាដែលពលរដ្ឋស៊ីរីមានការបោះឆ្នោត ពួកយើងនឹងប្រគល់ប្រទេសស៊ីរី ទៅឱ្យម្ចាស់ប្រទេសវិញ បន្ទាប់ពីការបោះឆ្នោត ។

កាលពីថ្ងៃព្រហស្បត្តិ៍ លោក Erdogan ក៏បាននិយាយផងដែរថា ប្រទេសទួគីមិនដែលជួបការលំបាកចំពោះកិច្ចចរចាជាមួយបណ្ដាក្រុមជ្រុលនិយមនានាក្នុងខេត្ត Idlib ឡើយ ដែលជាទឹកដីដ៏ធំកាន់កាប់ដោយក្រុមឧទ្ទាម មិនស្ថិតនៅក្រោមការគ្រប់គ្រងរបស់ប្រធានាធិបតី Bashar al-Assad ៕ ប្រភព (Reuters)

គួរឲ្យអាណិតណាស់..! បងប្រុសម្នាក់ជាជនពិកាខំតស៊ូក្នុងឆាកជីវិត ដើម្បីតែ..(មានវិដេអូ)

ពិតជាគួរអោយអាណិតបងប្រុសណាស់ ដែលគាត់កើតមកមិនមានកាយសម្បទារគ្រប់គ្រាន់ដូចគេដ៏ទៃ តែក៏សូមសរសើរអស់ពីដួងចិត្ត នូវទឹកចិត្តរបស់គាត់ដែលខិតខំតស៊ូក្នុងឆាកជីវិត ដើម្បីរស់នៅបន្តទៅទៀត។

តាមការបញ្ជាក់ពីប្រិយមិត្តយើងម្នាក់បាននិយាយថា តែងតែឃើញបងប្រុសសុំទាននៅម្តុំផ្សារគីឡូលេខ៤ ដូច្នេះបើបងប្អូនបានឃើញរូបបងប្រុស សូមមេត្តាជួយដាក់ទានអោយគាត់ខ្លះតាមសន្តានចិត្តដែលបងប្អូនមានទៅ។

ទោះបីជាគាត់ពិការដៃជើងយ៉ាងណាក្តី ក៏គាត់នៅតែមិនអស់សង្ឃឹមក្នុងជីវិតដែរ រាល់ថ្ងៃគាត់មិនអាចធ្វើការអ្វីបាន ក្រៅពីសុំការសន្តោសប្រណីពីបងប្អូនប្រជាពលរដ្ឋនិងសប្បុរសជននានា ដាក់ទានខ្លះអោយគាត់ គ្រាន់បានជាថវិការបន្តិចបន្តួចដើម្បីយកទៅទិញបាយហូប បង់ថ្លៃបន្ទប់ជួល ថ្លៃទឹក-ភ្លើង និងទុកទិញថ្នាំសង្កូវហូបនៅពេលឈឺ -ល-៕

សូមទស្សនាវិដេអូខាងក្រោម៖

https://www.facebook.com/plugins/video.php?href=https%3A%2F%2Fwww.facebook.com%2Fwekhmer.co%2Fvideos%2F1980768585586746%2F&show_text=0&width=560

ប្រភពវិដេអូ៖ Daily News

អបអរសាទរដល់កម្ពុជា ឈ្នះ មេដាយមាសព្រឹត្តិការណ៍កីឡាអាស៊ី សាលី អ៊ូមើត ឈ្នះមេដាយប្រាក់ពិភពលោក

(ភ្នំពេញ) នៅថ្ងៃទី៥ខែតុលាឆ្នាំ២០១៨នេះ គណៈកម្មាធិការជាតិអូឡាំពិកកម្ពុជា បានប្រកាសថា វីរកីឡាករ សាលី អ៊ូមើត ម្ចាស់មេដាយមាសកីឡាអាស៊ី Asian Games ឆ្នាំ២០១៨ ឈ្នះដាយប្រាក់ ១ គ្រឿងជូនកម្ពុជា នៅក្នុងការប្រកួតកីឡាម៉ូតូទឹក ជ្រើសរើសជើងឯកពិភពលោក ឆ្នាំ២០១៨ នៅសហរដ្ឋអាមេរិក កាលពីល្ងាចមិញ។ នេះបើតាមការឲ្យដឹងពីកីឡាករ សាលី អ៊ូមើត នាព្រឹកថ្ងៃទី ៥ ខែ តុលា នេះ។

អ៊ូមើត បានឲ្យដឹងថា មេដាយប្រាក់ខ្លួនដណ្ដើមបានពេលនេះ គឺ លើវិញ្ញាសា Ski Modified ដូចកាលខ្លួនប្រកួតនៅព្រឹត្តិការណ៍កីឡាអាស៊ី ដែរ ដោយមានកីឡាករមកពី ៦៣ប្រទេសលើពិភពលោកចូលរួម។ យ៉ាងណាក្ដី រូបគេ បានសម្ដែងការសោកស្ដាយជាខ្លាំង ដែលមិនអាចដណ្ដើមបានមេដាយមាស ជូនកម្ពុជា ស្របពេលកន្លងមក អ៊ូមើត ធ្លាប់ចូលរួមចំនួន ៣លើក រួចមកហើយ។

កីឡាករជួយឲ្យកម្ពុជា បង្កើតកំណត់ត្រាប្រវត្តិសាស្ដ្រ ៦៤ឆ្នាំក្នុងព្រឹត្តិការណ៍អាស៊ី ដដែល បានបញ្ជាក់ពីមូលហេតុ មិនទទួលបានមេដាយមាស ដោយធ្លាក់ទៅកណ្ដាប់ដៃរបស់កីឡាករម្ចាស់ផ្ទះអាមេរិកថា ទម្រាំដណ្ដើមបានមេដាយប្រាក់លើកនេះ ខ្លួនបានខំប្រឹងខ្លាំងណាស់ ព្រោះកម្លាំងម៉ូតូទឹករបស់ខ្លួន មានកម្លាំងខ្សោយជាងកម្លាំងម៉ូតូរបស់កីឡាករម្ចាស់ផ្ទះអាមេរិក ហើយ ការកែម៉ាស៊ីន និងប្រើឧបករណ៍ពិសេស ធ្វើឲ្យម៉ូតូរបស់គេមានល្បឿនលឿនទ្វេដង។

យ៉ាងណាមិញ អ៊ូមើត នៅមិនទាន់បញ្ចប់បេសកកម្ម សម្រាប់ចូលរួមក្នុងនាមកីឡាករជម្រើសជាតិកម្ពុជានេះទេ ដោយនៅសល់ ២វិញ្ញាសាទៀត ត្រូវធ្វើការប្រកួតបន្ដ គឺ វិញ្ញាសា M Pro Ski Stock និង Expert Limited ហើយកីឡាករមានស្រុកកំណើតនៅខេត្តត្បូងឃ្មុំនេះ ក៏បានប្ដេជ្ញាចិត្តនឹងខិតខំប្រឹងប្រែងធ្វើឲ្យបានល្អ ដើម្បីស្វែងរកមេដាយមាសជូនជាតិ នៅក្នុងការប្រកួតកីឡាម៉ូតូទឹកជ្រើសរើសជើងឯកពិភពលោក ឆ្នាំ២០១៨ នៅសហរដ្ឋអាមេរិក៕ដោយ សុខជា

កាប់ស្រស់ៗម៉ង មន្ទីរពេទ្យគ្លីនិក ទេវិន្ទរក្សាសុខ គ្រាន់តែដេកសំរាកព្យាបាល៨ថ្ងៃ អស់ជិត៣ពាន់ដុល្លារ

មានរឿងកើតឡើងមួយ បានធ្វើឲ្យមានការភ្ញាក់ផ្អើល តាមបណ្តាញសង្គមហ្វេកប៊ុក តាមគណនីហ្វេសបុកឈ្មោះ Serey Song បានបង្ហោះសារហួសចិត្តមួយ ដោយក្នុងសារនោះបានសរសេរថា “ព្រឹកថ្ងៃទី៤ ខែតុលា ឆ្នាំ២០១៨ បងស្រីខ្ញុំគាត់បានចេញពីមន្ទីរពេទ្យគ្លីនិក ទេវិន្ទរក្សាសុខហើយ ដោយគ្រួសារយើងខ្ញុំបានស្នើរសុំចេញ ខ្ញុំមានការខកចិត្តយ៉ាងខ្លាំងដោយសារមកព្យាបាលជម្ងឺនៅទីនេះគឺមានការយកថ្លៃព្យាបាលថ្លៃហួសប្រមាណសរុបចំណាយសម្រាកព្យាបាលរយះពេល៨ថ្ងៃអស់ ចំនួន៨,៥២០,០០០៛ ធ្លាប់តែឮបងប្អូននិយាយតៗគ្នាឥឡូវទើបបានដឹងច្បាស់។អាស្រ័យហេតុនេះសូមបងប្អូនគិតពិចារណាឱ្យបានច្បាស់លាស់មុននឹងសម្រេចចិត្តមកព្យាបាល” ៕