ចិនទៀតហើយ!!! សមត្ថកិច្ចលួចឆ្មក់ចូលបង្រ្កាប ហាងម៉ាស្សា បង្កប់សេវាផ្លូវភេទមួយកន្លែងព្រះសីហនុ

(ព្រះសីហនុ) កាលពីវេលាម៉ោងជិត១រំលងអាធ្រាត្រឆ្លងចូលថ្ងៃទី ថ្ងៃទី១៨ ខែសីហា ឆ្នាំ២០១៨ កម្លាំងមន្ទីរយុត្តិធម៌អាវុធហត្ថខេត្ត សហការជាមួយកម្លាំងអាវុធហត្ថក្រុង ដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌អាវុធហត្ថខេត្ត និងលោកវរសេនីយ៍ទោ ហ៊ត សីហា មេបញ្ជាការអាវុធហត្ថក្រុង ក្រោមការសម្របសម្រួលពីលោកព្រះរាជអាជ្ញារង រស់ សារាំ បានចុះបង្រ្កាបករណីសច្ចារកម្មមួយកន្លែងឈ្មោះ ម៉ាស្សាចិន ស្ថិតនៅភូមិ៣ សង្កាត់លេខ៤ ក្រុង ព្រះសីហនុ ឃាត់ខ្លួនជនសង្សយ័ចំនួន២១នាក់ ស្រី០៩នាក់ ក្នុងនោះមាន៖ ជនជាតិចិន ចំនួន១៦នាក់ ស្រី០៨នាក់ ជនជាតិខ្មែរ ចំនួន០៥នាក់ ស្រីម្នាក់ ។

វត្ថុតាងរួមមាន៖ ស្រោមអនាមយ័ប្រើប្រាស់រួចចំនួន២ ស្រោមអនាមយ័មិនទាន់ប្រើប្រាស់មួយចំនួនធំ រថយន្តម៉ាកហាយលិនឌរ័មួយគ្រឿង ។

បច្ចុប្បន្នជនសង្ស័យ ព្រមទាំងវត្ថុតាងកម្លាំងការិយាបទល្មើសជួញដូរមនុស្ស អ.ហខេត្ត កំពុងធ្វើការសាកសួរបន្តនៅបញ្ជាការដ្ឋានអាវុធហត្ថខេត្ត៕

ប្រភពFB

ចុមលោកព្រះ ប្តីតាមទាន់ប្រពន្ធមានសហាយ ជាមួយប្រុសក្មេង នៅតូបកាត់សក់

(បាត់ដំបង) តាមប្រភពគណនីហ្វេសហ្វេសប៊ុកមួយមានឈ្មោះ ថា Phalla Battambang (ផល្លា បាត់ដំបង) បានបង្ហោះវីដេអូមួយដែលបានរៀបរាប់ថា ប្តីតាមទាន់ប្រពន្ធមានសហាយជាមួយប្រុសក្មេង នៅតូបកាត់សក់ ភូមិក្ដោង ឃុំភ្នំសំពៅ ស្រុកបាណន់ ចាប់បានបញ្ជូនទៅប៉ុស្តិ៍ភ្នំសំពៅ ទាំងយប់វេលាម៉ោង 10 យប់30 នាទីថ្ងៃទី 16 ខែ 8 ឆ្នាំ2018។

ដោយការរស់នៅមិនចុះសម្រុងគា្នរវាងប្ដី-ប្រពន្ធ ក៏បានធ្វើឱ្យបុរសជាប្ដីមានការសង្ស័យទៅលើប្រពន្ធថា អាចលួចមានសាហាយស្មន់ជាមួយប្រុសថ្មី ហើយការព្យាយាមតាមដានពីសកម្មភាពប្រពន្ធ ប្ដីតាមទាន់ ធ្វើឱ្យមានការភ្ញាក់ផ្អើល។

លោកម៉ី ឆេងលី នាយប៉ុស្ដ៍នគរបាលឃុំភ្នំសំពៅបានឱ្យដឹងថា ស្ត្រីផិតក្បត់ប្តី ឈ្មោះសៀង ស៊ីណូ អាយុ៣០ឆ្នាំ រីឯស្វាមីឈ្មោះអាំ ផល្លា អាយុ៣៣ឆ្នាំ ទាំង២នាក់មានកូនប្រុស-ស្រី២នាក់ រស់នៅភូមិកំប៉ូវ ឃុំភ្នំសំពៅ ស្រុកបាណន់ ។ ដោយឡែក បុរសជាសហាយស្មន់ ឈ្មោះទូច ប្រុស អាយុ២៥ឆ្នាំ ជាជាងកាត់សក់ រស់នៅភូមិក្ដោង ឃុំភ្នំសំពៅ។

នៅចំពោះមុខសមត្ថកិច្ច បុរសជាប្ដីបាននិយាយនៅមុខប្រពន្ធនិងប្រុសក្មេងនោះថា ខ្ញុំមិនវាយដំបង្កឱ្យមានរបួសស្នាមអីទេ ព្រោះនាំឱ្យគេប្ដឹងវិញជាប់គុក គឺខ្ញុំគ្រាន់តែចាប់យកមកឱ្យសមត្ថកិច្ចជួយដោះស្រាយតាមផ្លូវច្បាប់ ហើយខ្ញុំក៏មិនប្ដឹងយកឈ្នះចាញ់អីដែរ គ្រាន់តែប្ដឹងលែងលះគ្នា ទុកឱ្យគេមានមុខមាត់ជាមួយប្រុសថ្មីគេចុះ ។ រីឯស្ត្រីជាប្រពន្ធ ក៏បាននិយាយដែរថា កន្លងមក បានសុំលែងលះប្តីស្រួលប្រួល តែខាងភូមិ-ឃុំមិនធ្វើការឱ្យនោះទេ ៕

ស្ត្រីជាប្រពន្ធដែលចាក់សម្លាប់ប្តីជាមន្ត្រីនគរបាលនៅសៀមរាប ត្រូវបាន………

(សៀមរាប) ស្ត្រីជាជនសង្ស័យ មានឈ្មោះសុខ លីនី អាយុ២៦ឆ្នាំ។ ស្ត្រីរូបនេះ ត្រូវបានកម្លាំងនគរបាលខេត្តសៀមរាបចាប់ខ្លួន កាលពីថ្ងៃទី15ខែសីហាឆ្នាំ2018។ ចំណែកជនរងគ្រោះជាប្តី ឈ្មោះ ហ៊ឹម វណ្ណារ៉ូ ភេទប្រុស អាយុ២៥ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចក នៃអធិការដ្ឋាននគរបាលក្រុងសៀមរាប ។

ករណីស្ត្រីជាប្រពន្ធ ដែលចាក់សម្លាប់ប្តីរបស់ខ្លួន ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចក នៃអធិការដ្ឋាននគរបាលក្រុងសៀមរាប នៅល្ងាចថ្ងៃទី១៧ខែសីហានេះ ត្រូវបានចៅក្រមស៊ើបសួរតុលាការខេត្តសៀមរាប បានសម្រេចចេញដីកាឃុំខ្លួនដាក់ពន្ធនាគារជាបណ្តោះអាសន្ន ដោយចោទប្រកាន់ពីបទ ឃាតកម្ម។

នគរបាលព្រហ្មទណ្ឌក្រុងសៀមរាប បានឲ្យដឹងថា កាលពីចន្លោះវេលាម៉ោង៣-ទៅម៉ោង៤:០០នាទីព្រឹក ថ្ងៃទី១៥ ខែសីហា ឆ្នាំ២០១៨ នៅចំណុចក្រុមទី១១ ភូមិឆ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប មានករណីប្រទះឃើញ សព ជនរងគ្រោះឈ្មោះ ហ៊ឹម វណ្ណារ៉ូ ភេទប្រុស អាយុ២៥ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចកនៃអធិការដ្ឋាននគរបាលក្រុងសៀមរាប ។

បន្ទាប់ពីទទួលសេចក្តីរាយការណ៍ពីបងប្អូនប្រជាពលរដ្ឋ និង ដោយមានបទបញ្ជារយ៉ាងម៉ឺងម៉ាត់ពីលោក ឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប ក៏ដូចជាលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌ នគរបាលក្រុងសៀមរាបដឹកនាំដោយលោកវរសេនីយ៍ឯកទេព ចាន់ណា អធិការនគរបាលក្រុងសៀមរាប បានធ្វើការរក្សានិងពិនិត្យកន្លែងកើតហេតុ ហើយបើកការស្រាវជ្រាវ ។

លទ្ធផលពិនិត្យកន្លែងកើតហេតុ និងនៅលើសាកសពជនរងគ្រោះ មានស្នាមចាក់ដោយកាំបិតចំនួន១០ចំណុច ដោយឡែកសម្ភារះទ្រព្យសម្បត្តិរបស់ជនរងគ្រោះមិនមានការបាត់បង់ឡើយ យើងបានសន្និដ្ឋានថាករណីនេះ ជាករណីគំនុំ។

លោក វរសេនីយ៍ត្រី នួន សក្តិ័ចំរើនរិទ្ធ អធិការរងទទួលផ្នែកព្រហ្មទណ្ឌ បានអោយដឹងថា បន្ទាប់ពីរូបលោក បានធ្វើការស្រាវជ្រាវ យ៉ាងយកចិត្តទុកដាក់ អស់រយះពេល៧ម៉ោង នៅវេលាម៉ោង១៣:០០នាទីថ្ងៃខែដដែល មន្ត្រីនគរបាលយុត្តិធម៍យើង បានធ្វើការកំណត់អត្តសញ្ញាណជនសង្ស័យ និងនាំខ្លួនយកមកធ្វើការសាកសួរ។

ជនសង្ស័យមានឈ្មោះ សុខ លីនី ភេទស្រី អាយុ ២៦ឆ្នាំ មានទីកន្លែងកំណើត នៅភូមិដើមចន្ទ សង្កាត់ច្បារអំពៅ២ ខណ្ឌមានជ័យ រាជធានីភ្នំពេញ ត្រូវជាភរិយា របស់ជនរងគ្រោះ ។

យោងតាមចម្លើយសារភាព ជនសង្ស័យ និងវត្ថុតាងដែលដកហូតបាន ត្រូវបាននគរបាលក្រុងសៀមរាប កសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕

នារីវ័យក្មេងម្នាក់ បានចូលក្លឹបផឹកស៊ីរាំលេងជាមួយមិត្តភក្តិ ប្រើថ្នាំគ្រវីលើសកម្រិត ក៏បណ្តាលឱ្យ…….

ខេត្តបន្ទាយមានជ័យ ៖ នារីវ័យក្មេងម្នាក់ បានចូលក្លឹបផឹកស៊ីរាំលេងជាមួយមិត្តភក្តិ ប្រើថ្នាំគ្រវីលើសកម្រិត ក៏បណ្តាលឱ្យកើតមានអាការៈគាំងបេះដូងស្លាប់នៅក្នុងក្លឹបយ៉ាងអាណោចអាធ័ម បើទោះជាមិត្តភក្តិមិនអស់ចិត្ត ព្យាយាមដឹកបញ្ជូនទៅមន្ទីរពេទ្យសង្គ្រោះ ក៏មិនអាចជួយបាន ពោលគឺហួសពេលទៅហើយ។

ហេតុការណ៍នារិវ័យក្មេងគាំងបេះដូងស្លាប់ក្នុងក្លឹបនេះ បានកើតមានការភ្ញាក់ផ្អើលឡើង កាលពីវេលាទៀបភ្លឺ ឈានចូលថ្ងៃទី១៦ ខែសីហា ឆ្នាំ២០១៨ នៅចំណុចក្លឹបកម្សាន្តមួយកន្លែង ក្នុងកាស៊ីណូក្រុងប៉ោយប៉ែត។នារីរងគ្រោះដែលគាំងបេះដូងស្លាប់ មានឈ្មោះធី ណារិន អាយុ១៧ឆ្នាំ មានលំនៅក្នុងភូមិបាលលេយ្យ១ សង្កាត់ប៉ោយប៉ែត ក្រុងប៉ោយប៉ែត។

តាមប្រភពពីក្រុមគ្រូពេទ្យនៃមន្ទីរពេទ្យបង្អែកក្រុងប៉ោយប៉ែត បានឱ្យដឹងថា នៅមុនពេលកើតហេតុ កាលពីយប់ថ្ងៃទី១៥ ខែសីហា ឆ្នាំ២០១៨ នារីរងគ្រោះ រួមជាមួយមិត្តភក្តិប៉ុន្មាននាក់ទៀត បាននាំគ្នាចូលក្លឹបរាត្រីមួយកន្លែងនៅក្នុងកាស៊ីណូ ដើម្បីផឹកស៊ី និងរាំលេងកម្សាន្ត សប្បាយ។ លុះក្រោយមក ទំនងជានារីរងគ្រោះ និងមិត្តភក្តិចង់បង្កើនការសប្បាយឱ្យខ្លាំងឡើងថែមទៀត ទើបនាំគ្នាប្រើថ្នាំគ្រវី (ខេ) ស្រាប់តែអកុសល នារីរងគ្រោះបានប្រើលើសកម្រិត ក៏បណ្តាលឱ្យកើតមានអាការៈគាំងបេះដូងស្លាប់នៅនឹងកន្លែង ក្នុងក្លឹបកំសាន្តនោះតែម្តង វេលាទៀបភ្លឺ ឈានចូលថ្ងៃទី១៦ ខែសីហា ឆ្នាំ២០១៨។

ប៉ុន្តែដោយសារតែមិត្តភក្តិនារីរងគ្រោះមិនអស់ចិត្ត ក៏ព្យាយាមដឹកសពនារីរងគ្រោះទៅសង្គ្រោះនៅមន្ទីរពេទ្យបង្អែកក្រុងប៉ោយប៉ែតទៀត តែអកុសលពេលដឹកមកដល់ក្រុមគ្រូពេទ្យជំនាញពិនិត្យរួច បានបញ្ជាក់ថា នារីរងគ្រោះបានស្លាប់ តាំងពីមុនបញ្ជូនមកដល់មន្ទីរពេទ្យម៉្លេះ៕

គោយន្តកែច្នៃ(កង់បី) បុកគ្នាជាមួយរថយន្តសាំយ៉ុង ស្លាប់៣នាក់ ក្នុងនោះក្មេងស្រីតូចម្នាក់ផងដែរ

(កំពត) នៅថ្ងៃទី១៥ ខែសីហា ឆ្នាំ២០១៨ វេលាម៉ោង១៦/៥០នាទី មានករណីគ្រោះថ្នាក់ចរាចរណ៍បង្កឡើងដោយគោយន្តកែច្នៃ(កង់បី) បុកគ្នាជាមួយរថយន្តសាំយ៉ុង ក្នុងទិសដៅ បញ្ច្រាសទិសគ្នា លើផ្លូវជាតិលេខ៦២ ត្រង់ចំណុចផ្លូវកោងហួសមណ្ឌលសុខភាពតាកឹងចម្ងាយ២៥០ម៉ែត្រ ក្នុងភូមិសាស្ត្រភូមិថ្នល់បែក ឃុំថ្មី ស្រុកគូលែន ខេត្តព្រះវិហារ បណ្តាលអោយស្លាប់មនុស្សចំនួន០២នាក់ អ្នកបើកបរទី០១ ៖ ឈ្មោះសុង សីង ភេទប្រុស អាយុ៤៧ឆ្នាំ ជនជាតិខ្មែរ មុខរបរកសិករ (ស្លាប់) ។ អ្នករួមដំណើរចំនួន០៣នាក់ ស្រីចំនួន០២នាក់ (ស្លាប់ម្នាក់ ភេទស្រី និងរបួសធ្ងន់០២នាក់) ។

គោយន្តកែច្នៃ(កង់បី) អ្នកបើកបរទី០២៖ ឈ្មោះសិប ធី ភេទប្រុស អាយុ៤០ឆ្នាំ ជនជាតិខ្មែរ មុខរបររត់តាក់សុី មានស្រុកកំណើតភូមិត្រពាំង ឃុំឈើទាល ស្រុកជុំគិរី ខេត្តកំពត ទីលំនៅបច្ចុប្បន្នរស់នៅភូមិ ឃុំ ស្រុកអន្លង់វែង ខេត្តឧត្តមានជ័យ រងរបួសធ្ងន់ ។ បើតាមការបញ្ជាក់ពីសមត្ថកិច្ចរហូតមកដល់ពេលនេះអ្នកស្លាប់កើនឡើងរហូត៣នាក់ហើយ៕ ប្រភពFB

ទឹកចិត្តប្តីស៊ូស្លាប់ដើម្បីប្រពន្ធ! បុរសម្នាក់ដើម្បី ជួយអាយុជីវិតប្រពន្ឋសុខចិត្តស្លាប់ខ្លួនឯង

(ខេត្តរតនគិរី) នាំប្រពន្ធបណ្តើរម៉ូតូឆ្លងអូរ ទឹកហូរកួចទាំងពីរនាក់ ប្តីក៏ប្រញាប់ស្រវេស្រវាចាប់ប្រពន្ឋដែល ទឹកហូរគួច រហូតអស់កម្លាំងក៏លង់ស្លាប់តែម្តង ។ ហេតុការណនេះ បង្កការភ្ញាក់ផ្អើលកាលពីវេលាម៉ោង១០នឹង១៥នាទីព្រឹកថ្ងៃអង្គារ ទី១៤ ខែសីហា ឆ្នាំ២០១៨ ត្រង់ចំណុចអូរចឹម ស្ថិតនៅក្នុងភូមិ៣ ឃុំត្រពាំងក្រហម ស្រុកកូនមុំ ខេត្តរតនគិរី។

អធិការរងនគរបាលស្រុកកូនមុំទទួលបន្ទុកព្រហ្មទណ្ឌលោក ជា សារិត បានឲ្យដឹងថា មុនពេលកើតហេតុ ប្តីប្រពន្ធទាំង២នាក់ បានបណ្តើរម៉ូតូឆ្លងអូរទៅត្រោយម្ខាង ខណៈទឹកកំពុងតែហូរខ្លាំងផង ប្រពន្ធបានរុញម៉ូតូពីក្រោយ ហើយបានរអិលជើងដួលក្នុងទឹកកំពុងតែហូរទៅបាត់ ពេលឃើញដូចនោះប្តីក៏ប្រញាប់ស្រវេស្រវាប្រពន្ធយកមកវិញ ប៉ុន្តែពេលនោះប្តីបានអស់កម្លាំងពេលទាញយកប្រពន្ធលង់ទឹកនោះ ប្រពន្ធឃើញប្តីមិនស្រួល ក៏ប្រលែងដៃប្តីចេញពីខ្លួនគាត់ ហើយគាត់(ប្រពន្ធ)បានទឹកហូរទៅប៉ះនឹងគុម្ភឫស្សីមួយគុម្ភបានតោងជាប់តែម្តង។ ហើយគាត់បានក្រឡេកទៅមើលប្ដីរបស់គាត់ បានលិចទៅក្នុងទឹកបាត់ទៅហើយ។

លោកអធិការរង បានបន្តទៀតថា ក្រោយពីប្តីបានលង់ទឹកហើយនោះ រូបគាត់បានស្រវាឡើងលើគោកប្រញាប់មករាយការណ៍សមត្ថកិច្ចមូលដ្ឋាន ភ្លាមៗនោះកម្លាំងប៉ុស្តិ៍ នឹងកម្លាំងអធិការនគរបាលស្រុក បានចុះមករាវរកលុះដល់ម៉ោង៤នឹង៣០នាទីល្ងាចថ្ងៃដដែល រកមិនទាន់ឃើញសពនៅឡើយ។

លោកបន្តទៀតថា ជនរងគ្រោះឈ្មោះ ជា សំអាត អាយុ៣០ឆ្នាំ ជនជាតិខ្មែរ មុខរបរកសិករ (ស្លាប់) ប្រពន្ធឈ្មោះ វី ភី អាយុ២៧ឆ្នាំ ជនជាតិខ្មែរ មុខរបរកសិករ អ្នកទាំងពីរនាក់ មានទីលំនៅភូមិ១ ឃុំត្រពាំងច្រេស ស្រុកកូនមុំ មានកូនចំនួន២នាក់ នៅក្នុងបន្ទុក។

បច្ចុប្បន្នកម្លាំងសមត្ថកិច្ចសហការជាមួយប្រជាពលរដ្ឋក្នុងភូមិកំពុងរុករកសាកសពបន្តទៀតដើម្បីយកមកធ្វើបុណ្យតាមប្រពៃណី៕ប្រភពFB

អបអរសាទ សម្ដេចតេជោ ហ៊ុន សែន បញ្ឈប់មិនអោយយកប្រាក់តាមផ្លូវវាងក្រុង (លេខ២១) ក្រុងដូនកែវ ខេត្តតាកែវ

សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានផ្តល់ជាកាដូថ្មីដល់ប្រជាពលរដ្ឋនៅខេត្តតាកែវ ក្រោយការបោះឆ្នោតថ្នាក់ជាតិ គឺការមិនយកលុយពី ពួកគាត់លើការធ្វើដំណើរនៅលើកំណាត់ផ្លូវលេខ២១ ចាប់ពីម៉ោង១២យប់ថ្ងៃទី១៤ ខែសីហា ឆ្នាំ២០១៨នេះតទៅ ។

យោងតាមតាមសេចក្តីជូនដំណឹងរបស់រដ្ឋបាលខេត្តតាកែវ ដែលចុះហត្ថលេខាដោយលោក អ៊ូច ភា អភិបាលខេត្តតាកែវ នៅថ្ងៃទី១៤ សីហា បានឲ្យដឹងថា នៅលើកំណាត់ផ្លូវលេខ២១ ដែលហៅថាផ្លូវវាងក្រុងនោះ ដោយយល់ពីការលំបាករបស់ពលរដ្ឋ និងអ្នកប្រកប អាជីវកម្មយានយន្តដឹកទំនិញគ្រប់ប្រភេទ និងដើម្បីចូលរួមចំណែកលើកកម្ពស់ជីវភាពរស់នៅ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចផ្តល់ឲ្យពលរដ្ឋ និងអាជីវករប្រើប្រាស់ផ្លូវខាងលើ មិនយកប្រាក់ចាប់ពីយប់ថ្ងៃទី១៤ សីហា ។

លិខិតបញ្ជាក់ថា “ពលរដ្ឋ និងអ្នកប្រកបអាជីវកម្មយានយន្តដឹកទំនិញគ្រប់ប្រភេទ ដែលឆ្លងកាត់ផ្លូវបង់ប្រាក់លេខ២១ ដោយភ្ជាប់ ពីផ្លូវជាតិ លេខ២ ខាងលិចមន្ទីរសុខាភិបាល មកទល់នឹងផ្លូវលេខ១២៥ក ឬហៅថា ផ្លូវវាងក្រុង សម្តេចតេជោសម្រេច ផ្តល់ជូនបងប្អូនប្រជាពលរដ្ឋ និងអាជីវករប្រើប្រាស់មិនយកប្រាក់”។

លិខិតបន្តថា ដូច្នេះពលរដ្ឋប្រើប្រាស់ផ្លូវនេះ ដោយសុខសប្បាយ និងសុវត្ថិភាព។ អភិបាលខេត្តនិងពលរដ្ឋ បានថ្លែងអំណរគុណ ចំពោះការប្រកាសរបស់សម្តេចតេជោ មិនយកលុយលើការធ្វើដំណើរតាមផ្លូវនេះ៕ ប្រភពFB

លោកព្រះសាហាវម៉េស!សម្លាប់មួយគ្រួសារ ហើយដុតផ្ទះកម្ទេចសាកសពទៀត ខេត្តក្រចេះ

(ក្រចេះ) ពិតជាចិត្តសាហាវមែន សម្លាប់មនុស្សមួយគ្រួសារ គឺមានគ្នាចំនួន៤នាក់ ក្នុងនោះមានកូនតូចពីរនាក់ផង ត្រូវបានឃាតករមិនស្គាល់មុខ សម្លាប់ក្នុងផ្ទះ និងដុតបំផ្លាញផ្ទះព្រមទាំងសាកសព ដើម្បីកម្ទេចភស្តុតាង យ៉ាងសាហាវព្រៃផ្សៃបំផុត នៅក្នុងផ្ទះជនរងគ្រោះ ស្ថិតនៅចំណុចភូមិផ្អៀរ ឃុំថ្មី ស្រុកចិត្របុរី ខេត្តក្រចេះ។

ករណីឃាតកម្មខាងលើ សមត្ថកិច្ចដាក់ការសង្ស័យថា គឺបានកើតឡើងក្នុងកំឡុងថ្ងៃទី៩ ទី១០ ខែសីហា ឆ្នាំ២០១៨នេះ ប៉ុន្តែសមត្ថកិច្ច ទើបតែទទួលព័ត៌មាននៅល្ងាចថ្ងៃទី ១១ ខែសីហានេះទេ។

តាមការបញ្ជាក់ពីមន្ត្រីជាន់មួយរូប នៃស្នងការរដ្ឋាននគរបាលខេត្តក្រចេះ បានឲ្យដឹងថា ក្រោយពីទទួលបានព័ត៌មានរាយការណ៍ពីមូលដ្ឋាន ដោយលោកគ្រូបង្រៀនម្នាក់ បានបញ្ជាក់ថា គ្រួសាររងគ្រោះ រស់នៅខ្ទមមួយដាច់ស្រយាលពីគេ ហើយមានកូនចំនួន ២នាក់ បានរៀនជាមួយគាត់ ប៉ុន្តែក្រោយពីបាត់សិស្សមិនឃើញទៅរៀនចំនួន២ទៅ៣ថ្ងៃ ដោយមានការព្រួយបារម្ភណ៍ខ្លាចកូនសិស្សលង់ទឹក ព្រោះជាតំបន់ទឹកលិច លោកគ្រូរូបនោះ រួមជាមួយប្រជាការពារភូមិក៏នាំគ្នាចុះទៅពិនិត្យមើល ពេលចុះទៅដល់កន្លែងកើតហេតុ ក៏បានឃើញខ្ទមនោះ ត្រូវភ្លើងឆេះអស់ ហើយមនុស្សចំនួន៤នាក់ រួមមានឪពុកម្តាយនិងកូន២នាក់ស្លាប់ នៅកន្លែងកើតហេតុ ហើយគាត់បានមករាយការណ៍ជូនអាជ្ញាធរតែម្ដង។

ប្រភពដដែល បន្តថា នៅល្ងាចថ្ងៃទី11 ម្សិលមិញ វេលាម៉ោង៥ល្ងាច កម្លាំងនគរបាលជំនាញបច្ចេកទេស និងនគរបាលព្រហ្មទណ្ឌនៃស្នងការដ្ឋាននគបាលខេត្ត បានចុះទៅកន្លែងកើតហេតុ តែភ្លៀងខ្លាំងពេក ទូកមិនហ៊ានឆ្លងព្រោះកន្លែងកេីតហេតុនោះ នៅឆ្ងាយពីភូមិប្រមាណជាង៥គីឡូម៉ែត្រឯណោះ លុះដល់ព្រឹកថ្ងៃទី១២ សីហានេះ ទើបកម្លាំងនគរបាលចុះទៅដល់កន្លែងកើតហេតុ ហើយកំពុងបេីកការស្រាវជ្រាវស៊ើបអង្កេតលើករណីនេះ តែមិនទាន់ដឹងលទ្ធផលនៅឡើយទេ ដោយសមត្ថកិច្ចដាក់ការសង្ស័យ ជាបឋមថា ជាករណីឃាតកម្មគិតទុកជាមុន៕ ប្រភពថ្មីពិត

ផ្អើលដល់ឡានទឹកទាំងយប់!!! ប្តឹខឹង ប្រពន្ធចាក់សោរបង្ខាំងប្តីក្នុងបន្ទប់ ទ្រាំមិនបានវាយព្រីភ្លើង ទុស្សេឆេះ

(ភ្នំពេញ) បុរសជាម្ចាស់សណ្ឋាគារយីហោ “ណៃអ៊ីន” បន្ទាប់ពីផឹកស្រាស្រវឹងចង់ទៅផឹកស្រាបន្តនៅខាងក្រៅទៀត តែត្រូវប្រពន្ធហាមឃាត់មិនឲ្យទៅចាប់ចាក់សោទ្វារទុក នៅក្នុងបន្ទប់ដេកម្នាក់ឯង ខឹងប្រពន្ធស្ទុះយកដំបងឈើវាយព្រីភ្លើងទុស្សេខ្សែភ្លើង ផ្អើលសមត្ថកិច្ចទាំងយប់ ព្រមទាំងរថយន្តពន្លត់អគ្គិភ័យរបស់សាលាខណ្ឌទួលគោក ចេញមកអន្តរាគមន៍ចំនួន៣គ្រឿង ចេញមកអន្តរាគមន៍បាញ់ពន្លត់អស់រយៈពេលកន្លះម៉ោង ទើបភ្លើងរលត់អស់ទៅវិញ ហើយប្រើប្រាស់រថយន្តពន្លត់អគ្គិភ័យបាញ់ពន្លត់អស់ចំនួន២គ្រឿង។

ហេតុការណ៍ខាងលើន កើតឡើងកាលពីវេលាម៉ោង១១និង១៥នាទីយប់ថ្ងៃទី១១ ខែសីហា ឆ្នាំ២០១៨ នៅបន្ទប់ដេកគ្មានលេខជាន់ទី២ ក្នុងសណ្ឋាគារយីហោ “ណៃអ៊ីន” ស្ថិតតាមបណ្តោយផ្លូវលេខ២៨៩ សង្កាត់បឹងកក់១ ខណ្ឌទួលគោក។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ ថៅកែប្រុសខាងលើបានផឹកស្រាស្រវឹង ហើយសុំប្រពន្ធទៅបន្តផឹកស្រានៅខាងក្រៅបន្តទៀត តែស្ត្រីជាប្រពន្ធបានហាមឃាត់មិនឲ្យទៅហាមមិនស្តាប់ ក៏បានចាក់សោរទ្វារបុរសជាប្តីនៅក្នុងបន្ទប់កើតហេតុខាងលើ ធ្វើឲ្យបុរសជាប្តីខឹងយ៉ាងខ្លាំងក៏ស្ទុះយកដំបងឈើមកវាយចំប្រីភ្លើង បណ្តាលឲ្យបែកទុស្សេហុយផ្សែងចេញតាមបង្អួចមកក្រៅ បង្កឲ្យមានការភ្ញាក់រត់ចេញមកក្រៅ រួចរាយការណ៍ប្រាប់សមត្ថកិច្ច និងហៅរថយន្តពន្លត់អគ្គិភ័យរបស់សាលាខណ្ឌទួគោក ចំនួន៣គ្រឿងចេញមកអន្តរាគមន៍បាញ់ពន្លត់រយៈពេលកន្លះម៉ោងទើបភ្លើងរលត់អស់ទៅវិញ ដោយប្រើប្រាស់រថយន្តពន្កត់អគ្គិភ័យអស់ចំនួន២គ្រឿង តែសំណាងល្អក្នុងហេតុការណ៍នោះ មិនបណ្តោលឲ្យមនុស្សណាម្នាក់រងរបួសនោះឡើយ៕ប្រភពFB

អាណោចអធម៌ ប្រជាការពារសង្កាត់ឬស្សីកែវម្នាក់បានស្លាប់ ភ្លាមៗ ដោយសារជួប……..

(ភ្នំពេញ) ករណីគ្រោះថ្នាក់មួយបានកើត បណ្តាលឲ្យប្រជាការពារសង្កាត់ឬស្សីកែវម្នាក់បានស្លាប់យ៉ាងអាណោចអធម៌ បន្ទាប់ពីបានបុរសម្នាក់បើករថយន្តមួយគ្រឿងវាជែងជ្រុលទៅបុកម៉ូតូពេញទំហឹង។

ហេតុការណ៍នេះកើតឡើងកាលពីវេលាមោង៩-៣០នាទីយប់ថ្ងៃទី១១ខែសីហាឆ្នាំ២០១៨ស្ថិតនៅចំណុចមុខបូរីពេញចិត្ត តាមបណ្តោយផ្លូវខាងសារិន ក្រុម១៥សង្កាត់ឬស្សីកែវខណ្ឌឬស្សីកែវ។

សពជនរងគ្រោះមានឈ្មោះបិល សុភស្ស ហៅធុច ភេទប្រុស អាយុ៤៦ឆ្នាំ មុរបរប្រជាការពារ ស្នាក់នៅភូមិផ្សារតូច សង្កាត់ទួលសង្កែ១ ខណ្ឌឬស្សីកែវ។

តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសម្នាក់បើករថយន្តមួយគ្រឿងម៉ាកសីអវីពណ៏ស្លែពាក់ស្លាកលេខភ្នំពេញ2M-3708បើកបរទិសដៅពីត្បូងទៅជើងវាជែងមិនប្រយត័្នមកដល់ចំណុចកើតហេតុបានរេចង្កូតមកខាងឆ្វេងដៃចូលទៅចំណីផ្លូវម្ខាងទៀតជ្រុលទៅបុកម៉ូតូមួយគ្រឿងម៉ាកហុងដាឌ្រីមសង់ស៊េរី០១៣ពណ៏ខ្មៅពាក់ស្លាកលេខភ្នំពេញ1AW-0694បើកបរដោយបុរសម្នាក់ជនរងគ្រោះបញ្ចា្រស់ទិសដៅគ្នាពីត្បូងទៅជើងពេញទំហឹងបណ្តាលឲ្យ ខ្ទាតទៅលើចិញ្ចើមផ្លូវមុខផ្ទះប្រជាពលរដ្ឋស្លាប់ភ្លាមៗនៅនិងកន្លែង។ចំណែកម្ចាស់រថយន្តបង្កត្រូវបានប្រជាពលរដ្ឋឃាត់ខ្លួនឲ្យសមត្ថកិច្ច។

ក្រោយកើតហេតុម្ចាស់រថយន្តបង្កត្រូវបានសមត្ថកិច្ចនាំខ្លួនមកប៉ុស្តិ៍នគរបាលរដ្ឋបាលសង្កាត់ឬស្សីកែវចំណែករថយន្តនិងម៉ូតូសមត្ថកិច្ចជំនាញធ្វើការវាស់វែងយកទៅរក្សាទុកនៅការិយាល័យចារចរណ៍ផ្លូវគោករាជធានីភ្នំពេញរងចាំដោះស្រាយគ្នាទៅតាមផ្លូវច្បាប់។ដោយឡែកសពជនរងគ្រោះសមត្ថកិច្ចប្រគល់ជូនសាច់ញាត្តិយកមកតម្កល់ទុកនៅវត្តទួលសង្កែដើម្បីធ្វើបុណ្យតាមប្រពៃណី៕ប្រភពFB