លោកឧកញ៉ា គិត ម៉េង ជាប់ចំណាត់ថ្នាក់លេខ៨ ក្នុងចំណោម មហាសេដ្ឋីទាំង១០នៅក្នុងតំបន់អាស៊ាន

(ភ្នំពេញ) គេហទំព័រ prospects បានចុះផ្សាយពីមហាសេដ្ឋីចំនួន១០ មកពីតំបន់អាស៊ាន ដែលមានទ្រព្យសម្បត្តិមហាសាល។ តើនណាខ្លះជាមហាសេដ្ឋីនៅក្នុងតំបន់អាស៊ាននេះ ? ប្រភពចំណូលបានមកពីណាខ្លះ? ។

តំបន់អាស៊ាន គឹជាកំពុងតែងមានសេដ្ឋកិច្ចរីកលូតលាសខ្លាំង ហើយមានមហាសេដ្ឋី១០២រូបមកពីប្រទេធំៗចំនួន៦។ បច្ចុប្បន្ននេះតំបន់អាស៊ាន ក្លាយជាតំបន់ដែលទាក់ទាញបំផុត មិនត្រឹមតែសម្រាប់ទេសចរណ៍ តែសម្រាប់វិនិយោគិននិងពាណិជ្ជកម្ម។

១/ មហាសេដ្ឋី ស្តេច Sultan Hassanal Bolkiah ជនជាតិ Brunei

ស្តេចSultan Hassanal Bolkiah មានអាយុ៦៣ឆ្នាំ មានទ្រព្យសម្បត្តិ២០ពាន់លានដុល្លារសហរដ្ឋអាមេរិក ។ ស្តេចរូបនេះត្រូវបានជ្រើសរើសជានាយករដ្ឋមន្ត្រី នៃប្រទេសប្រុយណេ និងជាប្រទេសដែលនាំប្រេងទៅកាន់ពិភពលោក។

ទី២/ មហាសេដ្ឋី Henry Sy ជនជាតិហ្វីលីពីន

មហាសេដ្ឋី Henry Sy មានអាយុ ៩៣ ឆ្នាំ មានទ្រព្យសម្បត្តិ ២០ ពាន់លានដុល្លារ ជាអ្នកវិនិយោគ ទៅលើវិស័យជាច្រើន រួមមាន ឧស្សាហកម្ម អចលនទ្រព្យ បដិសណ្ឋារកិច្ច ធនាគារ រ៉ែ អប់រំ និង មន្ទីរពេទ្យជាដើម។

ទី៣/ មហាសេដ្ឋី Charoen Sirivadhanabhakdi ជនជាតិថៃ

មហាសេដ្ឋី Charoen Sirivadhanabhakdi មានអាយុ៦៥ឆ្នាំ មានទ្រព្យសម្បត្តិចំនួន១៧.៩ពាន់លានដុល្លារ។មហាសេដ្ឋីរូបនេះ វិយោគទៅលើចំណីអាហារ និងអចលនទ្រព្យ។ ថ្មីៗនេះ មហាសេដ្ឋីរូបនេះ បានគ្រប់គ្រងទៅលើដី១០៨,០០០ហិកតា នៅក្នុងប្រទេសថៃ និងជាម្ចាស់សណ្ឋាគារជាង៥០កន្លែង នៅក្នុងសហរដ្ឋអាមេរិក អង់គ្លេស អូស្ត្រាលី និង នៅក្នុងតំបន់អាស៊ីជាច្រើនផ្សេងទៀត។

ទី៤/ មហាសេដ្ឋី Robert Budi Hartono ជនជាតិឥណ្ឌូនេស៊ី

មហាសេដ្ឋី Robert Budi Hartonoមានអាយុ៦៩ឆ្នាំ មានទ្រព្យសម្បត្តិចំនួន ១៧.៤ពាន់លានដុល្លារ ។ មហាសេដ្ឋីរូបនេះ វិនិយោគទៅលើធនាគារ និងថ្នាំជក់។

ទី៥/ មហាសេដ្ឋី Robert Kuok ជនជាតិម៉ាឡេស៊ី

មហាសេដ្ឋី Robert Kuok មានអាយុ៩៤ឆ្នាំ មានទ្រព្យសម្បត្តិចំនួន១៤.៨ ពាន់លានដុល្លារ ។ មហាសេដ្ឋីរូបនេះ វិយោគទៅលើប្រេង ដឹកជញ្ជូនតាមកាប៉ាល់ សណ្ឋាគារ ចណីសត្វ ស្ករអំពៅ និង អចលនទ្រព្យជាដើម។

ទី៦/ មហាសេដ្ឋី Rober & Philip Ng ជនជាតិសឹង្ហបុរី

មហាសេដ្ឋី Rober & Philip Ng មានទ្រព្យសម្បត្តិ ចំនួន៨.៧ ពាន់លានដុល្លារ ដែលវិនិយោគទៅលើវិស័យចលនទ្រព្យ ដោយបានកាន់កាប់ក្រុមហ៊ុនធំៗជាច្រើន ដូចជា Sino Group ជាដើម។

ទី៧/ មហាសេដ្ឋី Pham Nhat Vuong ជនជាតិវៀតណាម

មហាសេដ្ឋី Pham Nhat Vuong មានអាយុ៤៩ឆ្នាំ មានទ្រព្យសម្បត្តិចំនួន ៦.៤ ពាន់លានដុល្លារសហរដ្ឋអាមេរិក ។ មហាសេដ្ឋីរូបនេះមានក្រុមហ៊ុនឈ្មោះ Vinggroup វិនិយោគទៅលើអលនទ្រព្យ ការិយាល័យជួល សុខាភិបាល និងវិស័យផ្សេងៗទៀតជាច្រើន។

ទី៨/ មហាសេដ្ឋីគិត ម៉េង ជនជាតិកម្ពុជា

មហាសេដ្ឋីគិត ម៉េងមានអាយុ៥០ឆ្នាំ មានទ្រព្យសម្បត្តិចំនួន១.៦ ពាន់លានដុល្លារ គឺជាប្រធានក្រុមហ៊ុន The Royal Group ដោយវិនិយោគទៅវិស័យធនាគារ រថភ្លើង ទូរគមនាគមន៍ និងទូរទស្សន៍ជាដើម។

ទី៩/ មហាសេដ្ឋី Tay Za ជនជាតិមីយ៉ាន់ម៉ា

មហាសេដ្ឋីTay Za មានអាយុ៥៤ឆ្នាំ មានទ្រព្យសម្បត្តិចំនួន១.២ ពាន់លានដុល្លារ ជាប្រធានក្រុមហ៊ុនHTOO Group វិនិយោគទៅលើវិស័យជាច្រើនប្រទេភេទ ។ មហាសេដ្ឋីរូបនេះ មានរឿងអាស្រូវជាច្រើននៅក្នុងប្រទេសមីយ៉ាន់ម៉ា ដោយមានខ្សែស្រឡាយជាប់នឹងមន្ត្រីធំៗ ដូជា លោក Than Shwe អតិតមេដឹកនាំមីយ៉ាន់ម៉ាជាដើម។

ទី១០/ មហាសេដ្ឋី Khamtai Siphandone ជនជាតិឡាវ

មហាសេដ្ឋី Khamtai Siphandone មានអាយុ៩៤ឆ្នាំ មានទ្រពុ្យសម្បត្តិចំនួន ៨០០លានដុល្លារជាង។ មហាសេដ្ឋីរូបនេះជាអតិអ្នកនយោបាយ ដោយធ្លាប់ធ្វើជាប្រធានធិបតីរបស់ប្រទេសឡាវ និងជាសមាជិកកណ្តាលរបស់គណបក្សបដិវដ្តឡាវ នៅក្នុងឆ្នាំ ១៩៥៦៕ ប្រភព propertyarea

នគរបាលរាជធានីភ្នំពេញ ធ្វើការបង្ហាញមុខជនសង្ស័យ៦នាក់ ករណីលួចម៉ូតូនិងទទួលផលចោរកម្ម

ភ្នំពេញ: កាលពីថ្ងៃទី១៧ខែកញ្ញាឆ្នាំ៣០១៨ នៅការិយាល័យនគរបាលកម្រិតស្រាលរាជធានីភ្នំពេញ ឃាត់ខ្លួននសង្ស័យចំនួន៦នាក់នៅចំណុចផ្ទះលេខ៧៤ផ្លូវ៣៧៤ក្រុម១សង្កាត់បឹងសាឡាងខណ្ឌទួលគោករាជាធានីភ្នំពេញ ។

ជនសង្ស័យដែលពាក់ព័ន្ធនិងករណីខាងលើដូចមានឈ្មោះខាងក្រោម ៖
ជនសង្ស័យទី១ឈ្មោះត្រមុជ ស៊ីនោ ភេទប្រុស អាយុ២៦ឆ្នាំ ស្នាក់នៅផ្ទះជួលផ្លូវ២០០៤ សង្កាត់ចោមចៅទី១ ខណ្ឌពោធិ៍សែនជ័យ មុខរបរមិនពិតប្រាកដ ប្រើប្រាស់គ្រឿងញៀនវិជ្ជមាន។

ទី២ឈ្មោះ លឹមភារម្យ ភេទប្រុស អាយុ២៨ឆ្នាំ ស្នាក់នៅផ្ទះលេខ៤៤ ផ្លូវលំ សង្កាត់ទឹកថ្លា ខណ្ឌសែនសុខ មុខរបរជាងផ្សារដែក ប្រើប្រាស់គ្រឿងញៀនវិជ្ជមាន។

ទី៣ឈ្មោះ ភ័ក្រ ពន្លឺ ភេទប្រុស អាយុ២២ឆ្នាំ ស្នាក់នៅបន្ទប់ជួលលេខ៨ សង្កាត់ទឹកថ្លា ខណ្ឌសែនសុខ មុខរបរមិនពិតប្រាកដ ប្រើប្រាស់គ្រឿងញៀនវិជ្ជមាន
អ្នកទាំង៣នាក់ខាងលើករណីលួចម៉ូតូ។

ជនសង្ស័យទទួលផលចោរកម្មចំនួន២នាក់គឺ ទី១ឈ្មោះ ម៉ុង ឡុង ភេទប្រុស អាយុ២៥ឆ្នាំ ស្នាក់នៅតូបលេខ៣២៣ សង្កាត់កាកាបទី១ ខណ្ឌពោធិ៍សែនជ័យ មុខរបរជាងបិតតែមម៉ូតូ ប្រើប្រាស់គ្រឿងញៀនអវិជ្ជមាន។ និងទី២ឈ្មោះ ហួត រស្មី ហៅសូន ភេទប្រុស អាយុ២៩ឆ្នាំ ស្នាក់នៅផ្ទះលេខ១១អា ផ្លូវ៣៣៦ ក្រុម៤ សង្កាត់បឹងសាឡាង ខណ្ឌទួលគោក មុខរបរមិនពិតប្រាកដ ប្រើប្រាស់គ្រឿងញៀនអវិជ្ជមាន។

ជនសង្ស័យម្នាក់អ្នកផ្តល់ទីតាំងនិងពាក់ព័ន្ធទទួលផលចោរកម្មឈ្មោះតោ ដារ៉ូ ភេទប្រុស អាយុ៣៤ឆ្នាំ ស្នាក់នៅផ្ទះលរខ៥៩ ផ្លូវបេតុង សង្កាត់ទឹកថ្លា ខណ្ឌសែនសុខ មុខរបរនគរបាលនាយកដ្ឋានប្រឆាំងភេរវកម្មក្រសួងមហាផ្ទៃប្រើប្រាស់គ្រឿងញៀន វិជ្ជមាន។

ស្ថិតក្នុងរង្វង់ប្រតិបត្តការសម្ភារ:ដកហូតមាន១ម៉ូតូម៉ាកហុងប៊ិច ពណ៌ខៀវស ពាក់ស្លាកលេខ1GV 5665ភ្នំពេញ របស់ជនរងគ្រោះឈ្មោះម៉ន សារីន។
ម៉ូតូម៉ាកស៊ុយស៊ុយគីនិច ពណ៌ប្រផេះ ស្លាកលេខតាកែវ1Q 5660 ។
ម៉ូតូម៉ាកហុងដា សេ១២៥ ពណ៌ខ្មៅ ស្លាកលេខគ្មាន។ម៉ូតូម៉ាកpuslha ពណ៌ក្រហមខ្មៅ ស្លាកលេខភ្នំពេញ1CY 0229។ម៉ូតូម៉ាកEXCITER ពណ៌ក្រហមស ស្លាកលេខ នប1-1264 ។
ម៉ូតូម៉ាកSL ពណ៌ទឹកប្រាក់ ស្លាកលេខគ្មាន។
ម៉ូតូម៉ាកស៊ុយស៊ុយគីវីវ៉ា ពណ៌ខ្មៅ ស្លាកលេខភ្នំពេញ1BK 8630 ។ម៉ូតូម៉ាកToday ពណ៌ខ្មៅក្រហម ស្លាកលេខភ្នំពេញ1BR 7260 ។ម៉ូតូម៉ាកសេ១២៥ ពណ៌ខ្មៅ ស្លាកលេខគ្មាន។
ម៉ូតូម៉ាកGIORMO ពណ៌ស្វាយ ស្លាកលេខគ្មាន។ម៉ូតូម៉ាកស្មាស់វី ពណ៌ខ្មៅ ស្លាកលេខភ្នំពេញ1BV 1929របស់ជនសង្ស័យ។
ម៉ូតូម៉ាកហុងដា សេ១២៥ ពណ៌ខ្មៅ ស្លាកលេខភ្នំពេញ1CK 6698របស់ជនសង្ស័យធ្វើសកម្មភាព។
ស្លាកលេខម៉ូតូចំនួន៩បន្ទះ ភ្នំពេញ1M 8555,ភ្នំពេញ1D 0502,ភ្នំពេញ1BV 8588,ភ្នំពេញ1AY 7726,ភ្នំពេញ1AH 4720,ភ្នំពេញ1AE 4666,កណ្តាល1Z 6030,កណ្តាក1H 1032,តាកែវ1B 1922។
១៤,ប័ណ្ណសំគាល់យានយន្តចំនួន៥ប័ណ្ណ និងឧបករណ៍សោនិងសម្ភារ: សម្រាប់កែច្នៃមួយចំនួនគ្រឿងបន្លាស់មួយចំនួនដែកសម្រាប់កាច់សោម៉ូតូចំនួន២និងរថយន្ត២គ្រឿង៕

ប្រភព៖ Fb

វីវហើយ ចាំមើលទៅជាយ៉ាងណា ក្រសួងបីហើយ ចេញមុខចាត់វិធានការ លើយាយ ភូ ដែលព្រហើនលុបឆ្នេរព្រែកត្រែង

(ភ្នំពេញ )ណៈកម្មការគ្រប់គ្រងឆ្នេរ ដែលមានឯកឧត្តមឧបនាយករដ្ឋមន្ដ្រី ជា សុផារ៉ា ជាប្រធាន កំពុងតែពិនិត្យ និងចាត់វិធានការ ចំពោះក្រុមហ៊ុនខ្មែដែលបានចាក់ដីលុបឆ្នេរព្រែកត្រែង នៅខេត្តព្រះសីហនុ។ក្រុមហ៊ុនដែលបានចាក់ដីលុបឆ្នេរព្រែកត្រែង នៅខេត្តព្រះសីហនុ គឺជាក្រុមហ៊ុនរបស់ លោកជំទាវឧកញ៉ា ជឹង សុភាព ហៅ យាយភូ។

ឯកឧត្តម ថោង ខុន រដ្ឋមន្ដ្រីក្រសួងទេសចរណ៍ និងជាអនុប្រធានអចិន្ត្រៃយ៍គណៈកម្មការគ្រប់គ្រងឆ្នេរ បានថ្លែងប្រាប់នៅព្រឹកថ្ងៃទី១៦ ខែកញ្ញា ឆ្នាំ២០១៨នេះថា ក្រុមហ៊ុនដែលកំពុងអភិវឌ្ឍន៍នៅតំបន់ឆ្នេរព្រែកត្រែង កំពុងតែបំពានច្បាប់ស្ដីពីការគ្រប់គ្រងឆ្នេរ ដែលចេញដោយរាជរដ្ឋាភិបាល និងគណៈកម្មការគ្រប់គ្រងឆ្នេរ ដោយអនុញ្ញាតឲ្យរា់គម្រោងអភិវឌ្ឍន៍នៅតំបន់ឆ្នេរ ត្រូវមានចម្ងាយយ៉ាងហោចណាស់១០០ម៉ែត្រ ឬឆ្ងាយជាងនេះ។

គណៈកម្មការគ្រប់គ្រងឆ្នេរ កំពុងតែពិនិត្យអំពីទិដ្ឋភាពច្បាប់ជុំវិញករណីនេះ ហើយអាចឈានទៅកំណត់ឲ្យក្រុមហ៊ុនខាងលើ កាយដីចេញពីតំបន់ដែលបានចាក់លុប ឬអនុវត្តវិធានការច្បាប់ជាបន្ដបន្ទាប់ ព្រោះរាជរដ្ឋាភិបាលមិនបណ្ដោយឲ្យក្រុមហ៊ុននោះ បំផ្លាញឆ្នេរដ៏ស្រស់ស្អាត និងកំពុងទាក់ទាញភ្ញៀវទេសចរនោះទេ។ តាមគោលការណ៍ណែនាំរបស់រាជរដ្ឋាភិបាលកម្ពុជា ពិសេសស្ថិតក្នុងគម្រោងធនាគារ អភិវឌ្ឍន៍អាស៊ី ADB កំពុងតែរៀបចំធ្វើផ្លូវនៅតាមតំបន់ឆ្នេរបន្ថែមទៀត ដើម្បីផ្ដល់ភាពងាយស្រួលក្នុងការធ្វើដំណើរកម្សាន្ដ ពីសំណាក់ភ្ញៀវទេសចរផងដែរ។

មន្ត្រីជាន់ខ្ពស់ខេត្តព្រះសីហនុ បានអះអាងថា ក្រុមហ៊ុនដែលបានចាក់ដីលុបឆ្នេរព្រែកត្រែង រហូតធ្វើឲ្យផ្ទុះការរិះគន់ពីប្រជាពលរដ្ឋនេះ មិនមែនជាក្រុមហ៊ុន របស់ចិននោះទេ គឺក្រុមហ៊ុនអភិវឌ្ឍន៍របស់ខ្មែរ ដែលមានលោកស្រីឧកញ៉ាម្នាក់ក៏មានឥទ្ធិពល គឺយាយភូ។

មហាជនរង់ចាំមើលតើ លោកឧបនាយករដ្ឋមន្ត្រី ជា សុផារ៉ា និងលោកថោង ខុន មានវិធានការ បែបណា ចំពោះក្រុមហ៊ុនរបស់ លោកស្រី ជឹង សុភាព ហៅ យាយ ភូ ឬមួយគ្រាន់តែ ជាការគំរាមតែប៉ុណ្ណោះ ព្រោះ យាយ ភូ ក៏មិនមែនជាមនុស្សធម្មដែរ ហើយជាមនុស្សម្នាក់ស្និទ្ធនឹងអ្នកមានអំណាចមួយចំនួនដែរ។

ក្រោយពី មានប្រតិកម្ម នៅលើបណ្តាញ សង្គមហ្វេកប៊ុក ជុំវិញ ករណី ដង្ខៅដីបឹងកក់ ដែលគេស្គាល់ថា យាយ ភូ ចាក់ដី លុប ឆ្នេរព្រែកត្រែង នៅខេត្តព្រះសីហនុ លោក William Guang ដែលជាប្រធានគណបក្សខ្មែរក្រោក និងជា សមាជិកឧត្តមក្រុមប្រឹក្សាពិគ្រោះ និងផ្តល់យោបល់ ដែលមានឋានៈស្នើនឹងទេសរដ្ឋមន្ត្រីនោះ នឹងចុះសិក្សាការចាក់ដីលើសមុទ្រ ខុសច្បាប់ នៅក្រុងព្រះសីហនុ តំបន់ព្រែកត្រែង។

លោក William Guang បានបញ្ជាក់ក្នុងផេកហ្វេសប៊ុកថា “នាថ្ងៃអង្គារ ទី១៨ ខែកញ្ញា ខាងមុខនេះ ក្រុមការងារយើងខ្ញុំ និងចុះសិស្សាស្រាវជ្រាវលម្អិតរកអំពើឃុបឃិត ឬតម្រុយពុករលួយណាមួយ របស់អាជ្ញាធរពាក់ព័ន្ធ ដែលអនុញ្ញាតឲ្យជំទាវម្នាក់ ដែលមានប្ដីជាសមាជិកព្រឹទ្ធសភា ចាក់ដីក្រហម រំលោភច្បាប់ អនុក្រឹត្យលេខ ០១ សរណន ស្ដីពីការអភិវឌ្ឍន៍តំបន់ឆ្នេរកម្ពុជា។

សូមឯកឧត្តម យន្ត មីន មេត្តាពិនិត្យមើលអនុក្រឹត្យ និង រាល់បទដ្ឋានគតិយុត្ត ឲ្យបានគ្រប់ជ្រុងជ្រោយ មុនអនុម័តលើអាជ្ញាប័ណ្ណវិនិយោគ ឬធ្វើសេចក្តីថ្លៃងការ ឬផ្តល់បទសម្ភាសន៍ដល់អ្នកសារព័ត៌មានថា ការចាក់ដីលុបសមុទ្រនេះ ជាការអភិវឌ្ឍន៍ស្របច្បាប់ ទង្វើរបស់ពួកអស់លោកបានចូលរួម បំផ្លាញជាតិ បំផ្លាញទ្រព្យសម្បត្តិរបស់រួម បំពុលសង្គមតាមរយៈ បំផ្លាញផលប្រយោជន៍រួមរបស់ប្រជាពលរដ្ឋ ដើម្បីផលប្រយោជន៍ដ៏អាត្មានិយម ពុករលួយគ្មានអៀនខ្មាស ដែលមិនសក្តិសមជាមន្ត្រី ដែលត្រូវបានប្រជាពលរដ្ឋគោរព និងទុកចិត្តនោះទេ។ យើងចាត់ទុកថា នេះជាការលោភច្បាប់ជាប្រព័ន្ធ និងធ្វើសេចក្ដីថ្លែងការណ៍ ការពារការរំលោភច្បាប់ទៀតផង”៕ ប្រភពCEN

មិនទាន់ចប់ទៀត រឿងចោរស្រីម្នាក់ នៅផ្សារព្រៃទា តោះមកស្តាប់ការពន្យល់ប្អូនស្រីទាក់ទង់រឿង ចោរ និងអ្នកប្រើហិង្សាលើចោរ (មានវីដេអូ)

មានរឿងកើតឡើងរហូត ចំពោះប្រពលរដ្ឋ និងចោរតែងតែមានការវាយតបគ្នា ពេលខ្លះរហូតដល់មានការស្លាប់ទៀតផង ។ កាលពីពេលថ្មីៗទៅនេះមានការជជែកវែកញែកគ្នាពេញបណ្តាញសង្គមហ្វេសប៊ុកបន្ទាប់ពីមានការផ្ទុះរឿងរ៉ាវក្រុមអាជីវករនៅផ្សារព្រៃទាត្រូវសមត្ថកិច្ចហៅទៅសួរនាំរឿងប្រើប្រាស់អំពើហង្សារនិងចាប់កោសក់ចោរស្រីម្នាក់នៅម្តុំផ្សារព្រៃទា។

មានមហាជនខ្លះបានបង្ហាញក្តីអាណិតអាសូរដល់ចោរស្រី ចំណែកអ្នកខ្លះទៀតវិញបានសម្តែងការអាណិតអាសូរដកក្រុមអាជីវកដែលត្រូវបានសមត្ថកិច្ចឃាត់ខ្លួន ដោយពួកគេគិតថាការប្រើប្រាស់អំពើរហង្សារលើចោរមិនទាស់ខុសអ្វីនោះទេ។

ការជជែកវែកញែកទាំងនេះក៏បានបង្កើតជាចម្ងល់មួយថា«តើបុគ្គលដែលប្រើប្រាស់អំពើរហិង្សាលើចោរមានទោសដែរឬទេ?

គួរបញ្ជាក់ផងដែរថាក្រុមអាជីវករផ្សារព្រៃទាដែលត្រូវបានសមត្ថកិច្ចឃាត់ខ្លួនត្រូវបានសមត្ថកិច្ចដោះលែងវិញហើយដោយគ្រាន់តែយកទៅអប់រំពីការអនុវត្តច្បាប់តែប៉ុណ្ណោះ។

ខាងក្រោមនេះជាវីឌេអូសម្តែងខ្លីៗដែលពន្យល់ពីការអនុវត្តន៍ច្បាប់របស់សមត្ថកិច្ចនិងតុលាការប្រជាជន៖

ទស្សនាវីដេអូខាងក្រោម៖

https://www.facebook.com/plugins/video.php?href=https%3A%2F%2Fwww.facebook.com%2Fdaranewstv%2Fvideos%2F326537784769931%2F&show_text=0&width=560

កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យបានចំនួន ០១ នាក់ នៅចំណុចផ្ទះសំណាក់ទិតហួរដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបដៃ ពណ៌ ខ្មៅ )

ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ នៅថ្ងៃទី ១៥ ខែ កញ្ញា ឆ្នាំ ២០១៨ វេលាម៉ោង ១៨ និង ០០ នាទី កម្លាំងជំនាញរបស់ការិយាល័យបានស្រាវជ្រាវឃាត់ខ្លួនជនសង្ស័យបានចំនួន ០១ នាក់ នៅចំណុចផ្ទះសំណាក់ទិតហួរ ផ្លូវលំ សង្កាត់គោក ឃ្លាង ខណ្ឌសែនសុខ រាជធានីភ្នំពេញ

ដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់កាបូបដៃ ពណ៌ ខ្មៅ ) នៅចំណុចមុខផ្ទះលេខ៨ ផ្លូវលេខ២៩៤ ភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីថ្ងៃទី ១៣ ខែ សីហា ឆ្នាំ ២០១៨ វេលាម៉ោង ១៣ និង ០០ នាទី។

ជនរងគ្រោះឈ្មោះ ម៉េង វិមានតារា ភេទ ប្រុស អាយុ ៣៧ ឆ្នាំ ជនជាតិ ខ្មែរ មុខរបរនគរបាលស្នាក់នៅផ្ទះលេខ១៥៤ ផ្លូវបេតុង ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ

សម្ភារៈបាត់បង់អាវុធខ្លីម៉ាកGLOCK១៩ពណ៌ខ្មៅលេខAAMY៨៦០ផលិតនៅប្រទេសអាមេរិក ចំនួន០១ ដើមបង់អាវុធខ្លី ចំនួន ០១ គ្រាប់ចំនួន ១៥ គ្រាប់ទូរសព្ទ័ដៃម៉ាកSamsungGalaxyS9 ពណ៌ ខ្មៅ ស៊ីមកាតលេខ ០៩៧៨៧៧៨៨៨១ប័ណ្ណសម្គាល់យានយន្ត ពាក់ស្លាកលេខ ភ្នំពេញ ២AC- ៨៧៩៨ប័ណ្ណបើកបរ ចំនួន ០១អត្តសញ្ញាណប័ណ្ណសញ្ជាតិខ្មែរ ចំនួន ០១កាតATM ចំនួន ០៤ សន្លឹកប្រាក់រៀល ចំនួន ៤ លានរៀល និងប្រាក់ដុល្លារ ២០ ដុល្លារអាមេរិក

ជនសង្ស័យឃាត់ខ្លួនបានឈ្មោះ ម៉ន សំនៀង ភេទ ប្រុស អាយុ ២៤ ឆ្នាំ ជនជាតិ ខ្មែរមុខរបរ មិនពិតប្រាកដស្នាក់នៅផ្ទះលេខ៦០E0Z ផ្លូវលេខ១២២ ក្រុម៧០ សង្កាត់មិត្តភាព ខណ្ឌ៧មករា រាជធានីភ្នំពេញ

វត្ថុតាងចាប់យកបានអាវុធខ្លីម៉ាកGLOCK១៩ ពណ៌ខ្មៅ លេខAAMY៨៦០ផលិតនៅប្រទេសអាមេរិក ចំនួន០១ ដើម បង់អាវុធខ្លី ចំនួន ០១ គ្រាប់ចំនួន ០៤ គ្រាប់ ជារបស់ជនរងគ្រោះ ឈ្មោះ ម៉េង វិមានតារា

បច្ចុប្បន្នជនសង្ស័យខាងលើការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមច្បាប់ ។

ប្រភព៖ FB

កីឡាករល្បីនៅកម្ពុជា វង្ស ណយ មានជីវភាពខ្វះខាតខ្លាំង ឥលូវ……

យោងតាមការបង្ហោះរបស់គណនីហ្វេសប៊ុកឈ្មោះ អង្គរក្ស បេះដូង បានឱ្យដឹងយ៉ាងដូច្នេហថា «កំពូលកីឡាប្រដាល់ស្ដេចកែង ប្រចាំស្រុកខ្មែរ ( វង្ស ណយ ) មានជីវភាពមិនធូរធា ដូចគេនោះទេ. ហើយត្រូវម្ដាយមានជំងឺ ឈឺរ៉ាំរ៉ៃ និង ឥលូវធ្ងន់ធ្ងរ យ៉ាងខ្លាំងថែមទៀតផងនោះ. ទើបធ្វើអោយ វង្ស ណយ មានការពិបាកជាខ្លាំង ដូចនេះ ។

ដូចដែលយើងបានជ្រាបហើយថា ជីវិត ឬជីវភាពកីឡាករប្រដាល់របស់កម្ពុជាពុំសូវជាធូរធារប៉ុន្មានឡើយ ហើយមានកីឡាករខ្លះថ្វីបើមានកេរ្តិ៍ឈ្មោះល្បីល្បាញយ៉ាងណាក្ដី ក៏នៅតែមានជីវភាពខ្វះមុខក្រោយ ជាក់ស្ដែងដូចជា កីឡាករ វង្ស ណយ ជាដើម ដែលជាកីឡាករមួយរូបដ៏ល្បីល្បាញ បែជាមានជីវភាពក្រីក្រ ហើយក៏ធ្លាប់ទទួលបានការសន្ដោសប្រណីពីសំណាក់សប្បុរសជនទាំងក្នុង និងក្រៅប្រទេសផងដែរ ។

ទាក់ទងជាមួយគ្នានេះដែរ ស្រាប់តែពេលនេះទទួលបានព័ត៌មានថ្មីមួយទៀតគឺ ខណៈពេលនេះ ម្ដាយរបស់កីឡាករ វង្ស ណយ កំពុងមានជំងឹរ៉ាំរ៉ៃ ស្ថិតក្នុងសភាពធ្ងន់ធ្ងរ ហើយស្របពេលពុំមានប្រាក់គ្រប់គ្រាន់ផងនោះ ទើបធ្វើឱ្យ វង្ស ណយ ពិបាកចិត្តយ៉ាងខ្លាំង ។

សូមបងប្អូន សប្បុរសធម៌. ទាំងអស់ដែលស្រលាញ់ ខ្មែរដូចគ្នា ជួយដល់គាត់ផង» ៕

នាយករដ្ឋមន្ត្រីអ៊ីស្រាអែល មិននុញ្ញាតឱ្យប្រទេសជាសត្រូវទទួលបានអាវុធទំនើប

(អន្តរជាតិ) នាយករដ្ឋមន្ត្រីអ៊ីស្រាអែល លោក បេនចាមីន នេតាន់យ៉ាហ៊ូ ( Benjamin Nayanyahu ) បាននិយាយ ពីថ្ងៃអាទិត្យនេះថា ប្រទេសរបស់លោកបានតាំងចិត្ត ការពារបណ្តាប្រទេសជាសត្រូវមិនឱ្យទទួលបានគ្រឿងសព្វាវុធដែលច្បាស់លាស់ ។

លោកបាននិយាយនៅក្នុងកិច្ចប្រជុំគណៈរដ្ឋមន្ត្រីប្រចាំសប្តាហ៍មួយថា អ៊ីស្រាអែលកំពុងធ្ចើការងារ យ៉ាងខ្ជាប់ខ្ជួន ដើម្បីរារាំងសត្រូវរបស់យើង មិនឱ្យបំពាក់ខ្លួនឯងបានជាមួយគ្រឿងសព្វាវុធទំនើប ។

លោកបាននិយាយបន្ថែមថា ខ្សែបន្ទាត់ក្រហមរបស់យើង គឺខ្លាំងដែលមិនធ្លាប់មានពីមុនមក ហើយការ តាំងចិត្តរបស់យើងដើម្បីពង្រឹងនូវខ្សែបន្ទាត់ក្រហមនេះ គឺខ្លាំងជាងដែលមិនធ្លាប់មានពីមុនមក ។ ការកត់សម្គាល់របស់លោកធ្វើឡើងបន្ទាប់ពីការវាយប្រហារដោយមីស៊ីលរបស់អ៊ីស្រាអែលទៅលើ ព្រលានយន្តហោះទីក្រុងដាម៉ាស់ រដ្ឋធានីប្រទេសស៊ីរី កាលពីយប់ថ្ងៃសៅរ៍ដែលគេរាយការណ៍ថា បានវាយ ប្រហារយន្តហោះអ៊ីរ៉ង់មួយគ្រឿង ដែលដឹកគ្រឿងសព្វាវុធ សម្រាប់កងកម្លាំងអ៊ីរ៉ង់ស្និទ្ធប្រធានាធិបតីលោក បាសារ-អាល់-អាសាដ ក្នុងប្រទេសស៊ីរី ។

ប្រទេសអ៊ីស្រាអែលមិនបានធ្វើអត្ថាធិប្បាយជាផ្លូវការ ស្តីពីការវាយប្រហារនេះ ឬបញ្ជាក់អះអាងពី ការចូលរួមរបស់ខ្លួននោះឡើយ ។ អ៊ីស្រាអែលចាត់ទុកអ៊ីរ៉ង់ថា ជាការគំរាមកំហែងយ៉ាងសំខាន់មួយ ព្រមទាំងបានធ្វើការវាយប្រហារពី អាកាសរាប់សឹបលើកទៅលើគោលដៅអ៊ីរ៉ង់ ហើយនឹងក្បួនរថយន្តដឹកគ្រឿងសព្វវុធនៅក្នុងប្រទេសស៊ីរី ក្នុងប៉ុន្មានឆ្នាំកន្លងទៅនេះ ៕ប្រភពAKP

បង្ក្រាបបទល្មើសគ្រឿងញៀន នៅខារ៉ាអូខេ «PRO» ក្នុងខណ្ឌចំការមន, សមត្ថកិច្ចឃាត់មនុស្ស២០នាក់ និងថ្នាំញៀនមួយចំនួន

(ភ្នំពេញ)៖ នាយឧត្តមសេនីយ៍ ម៉ក់ ជីតូ អគ្គស្នងការរងនគរបាលជាតិ នៅព្រឹកថ្ងៃទី១៧ ខែកញ្ញា ឆ្នាំ២០១៨នេះ បានថ្លែងប្រាប់បណ្តាញព័ត៌មាន Fresh News ថា សម្រាប់ប្រតិបត្តិការបង្ក្រាបបទល្មើស គ្រឿងញៀននៅក្នុងខារ៉ាអូខេ «PRO» ស្ថិតនៅសង្កាត់បឹងត្របែក ខណ្ឌចំការមន កម្លាំងសមត្ថកិច្ចបានឃាត់មនុស្សចំនួន២០នាក់ ក្នុងនោះស្រី៥នាក់។

បើតាមនាយឧត្តមសេនីយ៍ ម៉ក់ ជីតូ បានគូសបញ្ជាក់ថា កិច្ចប្រតិបត្តិការបង្ក្រាបករណីជួញដូរ ប្រើប្រាស់ថ្នាំញៀនដោយខុសច្បាប់នៅទីតាំងខារ៉ាអូខេ ឈ្មោះ PRO កាលពីសប្តាហ៍មុន កម្លាំងជំនាញ «ក៣» របស់មន្ទីរប្រឆាំងគ្រឿងញៀន បានបង្ក្រាបដោយឃាត់ខ្លួនជនសង្ស័យ២០នាក់ (ស្រី៥), ថ្នាំញៀនប្រភេទខេតាមីន៣០គ្រាប់ និងម៉េតំហ្វេតាមីន ICEចំនួន១៨កញ្ចប់តូច។

នាយឧត្តមសេនីយ៍បានបន្តថា តាមការសួរចម្លើយករណីនេះពាក់ព័ន្ធបទល្មើសជួញដូរ២នាក់ និងលទ្ធផលធ្វើតេស្តមានផ្ទុកសារធាតុញៀន១៥នាក់ (ស្រី៣) និងគ្មានផ្ទុកសារធាតុញៀន៣នាក់ (ស្រី២)។ សម្រាប់ជនសង្ស័យទាំងនេះ សមត្ថកិច្ចជំនាញបានចាត់កាតតាមផ្លូវច្បាប់៕

ប្រភព៖ FB

ចុងក្រោយ ខែ្សប្រយុទ្ធឆ្នើម Cristiano Ronaldo អាចរកគ្រាប់បាល់ដល់ទី២គ្រាប់ដំបូងឲ្យក្រុមសេះបង្កង់ Juventus យប់មិញ (មានវីដេអូ)

(កីឡា) កីឡាករ Cristiano Ronaldo ខែ្សប្រយុទ្ធដ៏ឆ្នើម អាចរកគ្រាប់បាល់ដល់ទី២គ្រាប់ដំបូងឲ្យក្រុមសេះបង្កង់ Juventus បានហើយ ក្នុងជ័យជម្នះ ២-១ លើក្រុម Sassuolo កាលពីយប់មិញ នៃការប្រកួតបាល់ទាត់ក្របខណ្ឌ Serie A។

២គ្រាប់ដែលកីឡាករវ័យ៣៣ឆ្នាំនេះរកបាន គឺធើ្វឡើងនៅនាទី៥០ ដោយការស៊ុតធម្មតាបន្ទាប់ពីខែ្សការពាររបស់ក្រុមភ្ញៀវតែតក្នុងគោលបំណងឲ្យអ្នកចាំទី ប៉ុន្ដែបែរជាហ៊ុចដងឲ្យ Ronaldo ទាត់ចូលទីស្រួលទៅវិញ។ ចំណែកគ្រាប់បាល់ទី២ ធើ្វឡើងបាននៅនាទី៦៥ ក្រោយខែ្សបម្រើ Emer Can បញ្ចូនបាល់រួចស៊ុតឆ្វេងចូលទីយ៉ាងស្អាត។

ចប់ការប្រកួត ក្រុមសេះបង្កង់ Juventus យកឈ្នះក្រុម Sassuolo ក្នុងលទ្ធផល ២-១ ទទួលបាន៣ពិន្ទុបន្ថែម ខណៈ Ronaldo ក៏អាចរកគ្រាប់បាល់ឲ្យក្រុមយក្សអ៊ីតាលីបានដល់ទៅ២គ្រាប់ដំបូងផងដែរ៕ ដោយ តារារ៉ាយ

សូមទស្សនាវិដេអូខាងក្រោម៖

សូមជួយស៊ែរឲ្យម្ចាស់ឡានខាងលើបានដឹងផង ពេលសមត្ថកិច្ចបានចាប់បានចោរដែលលួចស្លាកលេខរថយន្តថ្ងៃមុនបានហើយ…(មានវិដេអូ)

កាលពីពេលកន្លងទៅថ្មីៗនេះ មានគណនេយ្យហ្វេសបុកមួយបង្ហោះវីដេអូស្តីពីអ្នករត់រឺម៉ក់កង៉បីឥណ្ឌា(PassApp)ម្នាក់ បានធ្វើសកម្មភាពលួចស្លាកលេខរថយន្តគាត់ ដែលទុកចោលនៅមុនផ្ទះ ហើយម្ចាស់ឡានខាងលើបានប្រកាសស្វែងរកចោរដែលលួចខាងលើ ប្រសិនបើមាននរណាស្គាល់ សុំមេត្តាផ្តល់ដំណឹងដល់គាត់។

កាលពីព្រឹកមិញនេះ ការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ នៅតាមរយៈបណ្តាញសង្គមហ្វេសបុក បានបង្ហោះប្រកាសស្វែងរកម្ចាស់រថយន្តខាងលើ ដែលបាត់ស្លាកលេខរថយន្ត ដែលខាងកងម្លាំងសមត្ថកិច្ចទើបនឹងឃាត់ខ្លួន មុខសញ្ញាខាងលើបានដោយបានសសេរថាស្វែងរកម្ចាស់យ៉ាងដូច្នេះថា ៖(ករណីលួចស្លាកលេខរថយន្តសកម្មក្នុងរាជធានីភ្នំពេញត្រូវបានបង្រ្កាបបេីបងប្អូនណាមានបាត់ស្លាកលេខរយន្ត សូមទាក់ទង មក ០១២ ៧១ ៨១ ៧១ )