(ភ្នំពេញ) គួរអោយសង្វេគ នឹងរន្ឋត់ចិត្ត យ៉ាងខ្លាំង ខណៈបុរស​ម្នាក់ កំពុងជិះម៉ូតូ​ឌុប​ប្រពន្ធ​ទៅផ្ទះ​ ស្រាប់តែរថយន្ត​កុងតឺន័រ​ បុកឆក់យក​ជីវិត​ប្រពន្ធ ស្លាប់ភ្លាមៗ នឹងកន្លែងកើតហេតុ

កាលពី​វេលា​ម៉ោង៩និង១៥នាទី យប់​ថ្ងៃ​សៅរ៍ ទី១៨ ខែសីហា ឆ្នាំ២០១៨ គ្រោះថ្នាក់​ចរាចរណ៍​បង្ក​ឡើង​ដោយ​រថយន្ត​ធុន​ធំ ហើយ​បើក​រត់​បាត់ស្រមោល​នេះ ត្រង់ចំណុច​ខាងលិច​ក្បែរ​ផ្សារ​សុភមង្គល នៅលើ​កំណាត់​ផ្លូវ៣០ម៉ែត្រ ស្ថិតក្នុង​ភូមិ​ត្រាំ​ដោក សង្កាត់​ពងទឹក ខណ្ឌដង្កោ រាជធានី​ភ្នំពេញ។ ក្រោយ​បង្ក​គ្រោះថ្នាក់ រថយន្ត​បង្ក​បាន​ព្យាយាម​បើក​រត់គេច​ពី​ការទទួលខុសត្រូវ​ទៅ​បាត់ស្រមោល​តែម្ដង។

ស្ត្រី​ជា​ប្រពន្ធ ដែល​ស្លាប់​នៅ​កន្លែងកើតហេតុ មានឈ្មោះ ចាន់ ណា​រី អាយុ២៨ឆ្នាំ មុខរបរ​កម្មការិនី​កាត់ដេរ មាន​ស្រុកកំណើត​នៅ​ស្រុក​សន្ទុក ខេត្តកំពង់ធំ។ ចំណែក​ប្តី​រងរបួស​ស្រាល​ឈ្មោះ យា អាយុ២៩ឆ្នាំ មុខរបរ​ជាង​ជួសជុល​រថយន្ត មាន​ស្រុកកំណើត​ខេត្តស្វាយរៀង។ ជនរងគ្រោះ​ទាំង២នាក់​ប្តី​ប្រពន្ធ ស្នាក់នៅ​ភូមិ​តំណាក់​ត្រ​យឹ​ង សង្កាត់​ចោមចៅ២ ខណ្ឌ​ពោធិ៍​សែន​ជ័យ ដោយ​ជិះ​ម៉ូតូ​មួយគ្រឿង​ម៉ាក ហុងដា​ឌ្រី​ម ធុន​សេ១០០ (Honda Dream 110Cc) ស៊េរី​ចាស់។

នៅ​មុនពេល​កើតហេតុ គេ​ឃើញ​ជនរងគ្រោះ​ទាំង២នាក់ ជិះ​ម៉ូតូឌុប​គ្នា​ធ្វើដំណើរ​តាម​បណ្តោយ​ផ្លូវ៣០ម៉ែត្រ ពី​លិចទៅ​កើត លុះដល់​ចំណុចកើតហេតុ ស្រាប់​តែមាន​រថយន្ត​កុងតឺន័រ បើក​ស្រប​ទិស​កៀរ​ពីក្រោយ បណ្ដាល​ឲ្យ២នាក់​ប្ដី​ប្រពន្ធ​នោះ ដួល ហើយ​ត្រូវ​រថយន្ត​កិន​ស្លាប់​ប្រពន្ធ និង​បុរស​ជា​ប្តី របួស​បែកក្បាល​ផងដែរ។ ភ្លាមៗនោះ ដោយ​ឃើញ​សភាព​មិន​ស្រួល ទើប​រថយន្ត​បង្ក​បាន​បន្ថែម​ល្បឿន បើក​រត់គេច​បាត់​ពី​កន្លែងកើតហេតុ ៕ប្រភពFB

សូមទស្សនាវីដេអូខាងក្រោម ៖

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F300977383815372%2F&show_text=0&width=560

(ភ្នំពេញ) ហេតុការណ៍នេះបានកើតឡើងកាលពី​ថ្ងៃទី១៧ ខែសីហា ឆ្នាំ២០១៨ ស្ថិត​សំណង់​ផ្ទះល្វែង​មួយកន្លែង​ក្នុងភូមិ​សំបួរ សង្កាត់​ដង្កោ ខណ្ឌដង្កោ រាជធានី​ភ្នំពេញ ។ ជនរងគ្រោះ​ដែល​រងរបួស​ធ្ងន់​ដោយសារ​ឆក់​ខ្សែភ្លើង នៅ​មិន​ស្គាល់​អត្តសញ្ញាណ​នោះទេ គ្រាន់តែ​ដឹងថា ជា​កម្មករ​ផ្សា​ដែក នៅ​ទីតាំង​ខាងលើ ។

មុនពេល​កើតហេតុ​គេ​ឃើញ​ជនរងគ្រោះ បាន​ឡើង​នៅ​ដំបូលផ្ទះ​ទើបតែ​សាងសង់ ដើម្បី​ផ្សា​ដំបូល តែដោយសារ​មាន​ខ្សែភ្លើង​រញ៉ែរ​ញ៉ៃ និង​កៀក​ជាមួយ​ដែក​ផង​នោះ រួមទាំង​ជនរងគ្រោះ​មិន​ប្រយ័ត្ន ក៏បាន​ឆ្លង​ចរន្តអគ្គិសនី ឆក់​ជនរងគ្រោះ​ធ្លាក់​ចុះក្រោម បណ្ដាល​ឲ្យ​រងរបួស​យ៉ាងធ្ងន់ធ្ងរ ។

បន្ទាប់ពី​មាន​ករណី​កម្មករ​ផ្សា​ដែក ឆក់​ចរន្តអគ្គិសនី​បណ្តាល​ឲ្យ​របួសធ្ងន់​រួចមក សមត្ថកិច្ច​និង​អាជ្ញាធរ​មូលដ្ឋាន បាន​ចុះមក​ធ្វើការ​ពិនិត្យ​ដល់​កន្លែងកើតហេតុ បាន​ឃើញថា ទីតាំង​សំណង់​នេះ មិនមាន​ការអនុញ្ញាត​ឲ្យ​សាងសង់​ពី​សំណាក់​អាជ្ញាធរ​នោះទេ មិនតែប៉ុណ្ណោះ​គឺ​បាន​សាងសង់​រំលោភ​ចូល​ចំណីផ្លូវ​សាធារណៈ​ចំនួន៥០ភាគរយ​នៃ​ស្ថានភាព​សំណង់ ដូច្នេះ​ត្រូវតម្រូវ​ឲ្យ​រុះ​រើចេញ​ជាបន្ទាន់ ។ ដោយឡែក​ម្ចាស់​ទីតាំង ភ្លាមៗបានគេច​ចេញ​បាត់​ពី​កន្លែងកើតហេតុ​តែម្តង ៕ ប្រភពFB

(ព្រះសីហនុ) កាលពីវេលាម៉ោងជិត១រំលងអាធ្រាត្រឆ្លងចូលថ្ងៃទី ថ្ងៃទី១៨ ខែសីហា ឆ្នាំ២០១៨ កម្លាំងមន្ទីរយុត្តិធម៌អាវុធហត្ថខេត្ត សហការជាមួយកម្លាំងអាវុធហត្ថក្រុង ដឹកនាំដោយលោកវរសេនីយ៍ទោ ឆេង វុទ្ធី ប្រធានមន្ទីរយុត្តិធម៌អាវុធហត្ថខេត្ត និងលោកវរសេនីយ៍ទោ ហ៊ត សីហា មេបញ្ជាការអាវុធហត្ថក្រុង ក្រោមការសម្របសម្រួលពីលោកព្រះរាជអាជ្ញារង រស់ សារាំ បានចុះបង្រ្កាបករណីសច្ចារកម្មមួយកន្លែងឈ្មោះ ម៉ាស្សាចិន ស្ថិតនៅភូមិ៣ សង្កាត់លេខ៤ ក្រុង ព្រះសីហនុ ឃាត់ខ្លួនជនសង្សយ័ចំនួន២១នាក់ ស្រី០៩នាក់ ក្នុងនោះមាន៖ ជនជាតិចិន ចំនួន១៦នាក់ ស្រី០៨នាក់ ជនជាតិខ្មែរ ចំនួន០៥នាក់ ស្រីម្នាក់ ។

វត្ថុតាងរួមមាន៖ ស្រោមអនាមយ័ប្រើប្រាស់រួចចំនួន២ ស្រោមអនាមយ័មិនទាន់ប្រើប្រាស់មួយចំនួនធំ រថយន្តម៉ាកហាយលិនឌរ័មួយគ្រឿង ។

បច្ចុប្បន្នជនសង្ស័យ ព្រមទាំងវត្ថុតាងកម្លាំងការិយាបទល្មើសជួញដូរមនុស្ស អ.ហខេត្ត កំពុងធ្វើការសាកសួរបន្តនៅបញ្ជាការដ្ឋានអាវុធហត្ថខេត្ត៕

ប្រភពFB

(ផ្លូរីដា)៖ ប៉ូលិសអាមេរិកបានឱ្យដឹងថា សិស្សសាលាពីរនាក់​បានរងរបួសនៅក្នុង​ហេតុការណ៍បាញ់​ប្រហារមួយ ដែលបាន​កើតឡើង​នៅអំឡុងពេលការប្រកួតកីឡា​បាល់ទាត់ នៅឯវិទ្យាល័យ​មួយកន្លែងនៅក្នុង​រដ្ឋផ្លូរីដា នៅថ្ងៃសុក្រ​សប្ដាហ៍នេះ (ម៉ោងនៅភាគខាងត្បូង​អាមេរិក)។ នេះបើតាម​ការចេញផ្សាយដោយ​​សារព័ត៌មាន Sputnik នៅព្រឹកថ្ងៃសៅរ៍ ទី១៨ ខែសីហា ឆ្នាំ២០១៨។

យោងតាមប៉ូលិស​អាមេរិក ហេតុការណ៍ផ្ទុះអាវុធខាង​លើបានកើតឡើង នៅអំឡុងពេល​ការប្រកួតកីឡាបាល់ទាត់រវាងវិទ្យាល័យ ផាមប៊ីចសេនត្រា (Palm Beach Centra) និងវិទ្យាល័យ​ឌីវ៉ាយឺ (Dwyer High School)។
គួរបញ្ជាក់​តាមសម្តីមន្ត្រី​ប៉ូលិសក្នុងតំបន់ទៀតថា ការបាញ់ប្រហារនេះ​បានផ្ទុះឡើង ក្រោយក្មេងសិស្ស​សាលាមួយក្រុមវាយ​តប់គ្នា។ ប៉ុន្តែភ្លាមៗ គេមិនទាន់ដឹង​ពីស្ថានភាពរបស់សិស្ស​សាលា ដែលបានរងរបួសទាំងពីរ​នាក់នៅ​ឡើយទេ ខណៈពួក​គេកំពុងទទួល​ការព្យាបាលនៅ​មន្ទីរពេទ្យ៕

(សៀមរាប) ស្ត្រីជាជនសង្ស័យ មានឈ្មោះសុខ លីនី អាយុ២៦ឆ្នាំ។ ស្ត្រីរូបនេះ ត្រូវបានកម្លាំងនគរបាលខេត្តសៀមរាបចាប់ខ្លួន កាលពីថ្ងៃទី15ខែសីហាឆ្នាំ2018។ ចំណែកជនរងគ្រោះជាប្តី ឈ្មោះ ហ៊ឹម វណ្ណារ៉ូ ភេទប្រុស អាយុ២៥ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចក នៃអធិការដ្ឋាននគរបាលក្រុងសៀមរាប ។

ករណីស្ត្រីជាប្រពន្ធ ដែលចាក់សម្លាប់ប្តីរបស់ខ្លួន ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចក នៃអធិការដ្ឋាននគរបាលក្រុងសៀមរាប នៅល្ងាចថ្ងៃទី១៧ខែសីហានេះ ត្រូវបានចៅក្រមស៊ើបសួរតុលាការខេត្តសៀមរាប បានសម្រេចចេញដីកាឃុំខ្លួនដាក់ពន្ធនាគារជាបណ្តោះអាសន្ន ដោយចោទប្រកាន់ពីបទ ឃាតកម្ម។

នគរបាលព្រហ្មទណ្ឌក្រុងសៀមរាប បានឲ្យដឹងថា កាលពីចន្លោះវេលាម៉ោង៣-ទៅម៉ោង៤:០០នាទីព្រឹក ថ្ងៃទី១៥ ខែសីហា ឆ្នាំ២០១៨ នៅចំណុចក្រុមទី១១ ភូមិឆ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប មានករណីប្រទះឃើញ សព ជនរងគ្រោះឈ្មោះ ហ៊ឹម វណ្ណារ៉ូ ភេទប្រុស អាយុ២៥ឆ្នាំ ជាមន្ត្រីនគរបាលប៉ុស្តិ៍រដ្ឋបាលសង្កាត់គោកចកនៃអធិការដ្ឋាននគរបាលក្រុងសៀមរាប ។

បន្ទាប់ពីទទួលសេចក្តីរាយការណ៍ពីបងប្អូនប្រជាពលរដ្ឋ និង ដោយមានបទបញ្ជារយ៉ាងម៉ឺងម៉ាត់ពីលោក ឧត្តមសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប ក៏ដូចជាលោកឧត្តមសេនីយ៍ត្រី ភឹង ចិន្តារ៉េត ស្នងការរងទទួលផែនព្រហ្មទណ្ឌ នគរបាលក្រុងសៀមរាបដឹកនាំដោយលោកវរសេនីយ៍ឯកទេព ចាន់ណា អធិការនគរបាលក្រុងសៀមរាប បានធ្វើការរក្សានិងពិនិត្យកន្លែងកើតហេតុ ហើយបើកការស្រាវជ្រាវ ។

លទ្ធផលពិនិត្យកន្លែងកើតហេតុ និងនៅលើសាកសពជនរងគ្រោះ មានស្នាមចាក់ដោយកាំបិតចំនួន១០ចំណុច ដោយឡែកសម្ភារះទ្រព្យសម្បត្តិរបស់ជនរងគ្រោះមិនមានការបាត់បង់ឡើយ យើងបានសន្និដ្ឋានថាករណីនេះ ជាករណីគំនុំ។

លោក វរសេនីយ៍ត្រី នួន សក្តិ័ចំរើនរិទ្ធ អធិការរងទទួលផ្នែកព្រហ្មទណ្ឌ បានអោយដឹងថា បន្ទាប់ពីរូបលោក បានធ្វើការស្រាវជ្រាវ យ៉ាងយកចិត្តទុកដាក់ អស់រយះពេល៧ម៉ោង នៅវេលាម៉ោង១៣:០០នាទីថ្ងៃខែដដែល មន្ត្រីនគរបាលយុត្តិធម៍យើង បានធ្វើការកំណត់អត្តសញ្ញាណជនសង្ស័យ និងនាំខ្លួនយកមកធ្វើការសាកសួរ។

ជនសង្ស័យមានឈ្មោះ សុខ លីនី ភេទស្រី អាយុ ២៦ឆ្នាំ មានទីកន្លែងកំណើត នៅភូមិដើមចន្ទ សង្កាត់ច្បារអំពៅ២ ខណ្ឌមានជ័យ រាជធានីភ្នំពេញ ត្រូវជាភរិយា របស់ជនរងគ្រោះ ។

យោងតាមចម្លើយសារភាព ជនសង្ស័យ និងវត្ថុតាងដែលដកហូតបាន ត្រូវបាននគរបាលក្រុងសៀមរាប កសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់៕

ខេត្តបន្ទាយមានជ័យ ៖ នារីវ័យក្មេ​ងម្នាក់ បាន​​​​ចូលក្លឹបផឹក​​​​​​​​​ស៊ីរាំលេងជា​​​​​​​​​​​​​​មួយមិត្ត​​​​​​​​​​​​ភក្តិ ប្រើថ្នាំគ្រ​​​​​​​​​​​​​​​​​​​​​​វីលើសកម្រិត ក៏បណ្តាលឱ្យកើ​​​​​​​​​តមានអា​​​​​​​​​ការៈគាំង​​​​​​​​​​បេះដូងស្លា​​​​​​​​​​ប់នៅក្នុ​​​​​​​​​​​​​​​​​ងក្លឹបយ៉ាងអា​​​​​​​​​​ណោចអាធ័ម​​​​​​​​​​ បើទោះជា​​​​​​​​​​​​​​​​​​​​​​មិត្តភក្តិមិនអស់ចិត្ត ព្យាយាមដឹ​​​​​​​​​​កបញ្ជូន​​​​​​​​​ទៅមន្ទី​​​​​​​​​រពេទ្យ​​​​​​​​​​​​​​​​​​សង្គ្រោះ ក៏មិ​​​​​​​​​​​នអាចជួ​​​​​​​​​យបា​​​​​​​​​​​​ន ពោល​​​​​​​​​​គឺហួសពេ​​​​​​​​​​លទៅ​​​​​​​​​​​​​​​​​​​​​ហើយ។

ហេតុការណ៍នារិវ័​​​​​​​​​​​​​​​​​​​យក្មេងគាំង​​​​​​​​​​​បេះដូ​​​​​​​​​​ងស្លាប់​​​​​​​​​ក្នុងក្លឹប​​​​​​​​​​​​​​​​នេះ បានកើតមាន​​​​​​​​​ការភ្ញាក់ផ្អើល​​​​​​​​​​​​ឡើង កាលពីវេលា​​​​​​​​​​​​​​​​​​​​​​​​​ទៀបភ្លឺ ឈានចូលថ្ងៃ​​​​​​​​​​ទី១៦ ខែសី​​​​​​​​​​ហា ឆ្នាំ២០១៨ ​​​​​​​​​​​​​​​​​​នៅចំណុចក្លឹប​​​​​​​​​កម្សាន្តមួយ​​​​​​​​​​កន្លែង ​​​​​​​​​​​ក្នុងកាស៊ីណូក្រុ​​​​​​​​ងប៉ោយ​​​​​​​​​​ប៉ែ​​​​​​​​​​​​​​​​​​​​​​ត។នារីរងគ្រោះដែ​លគាំង​បេះដូងស្លា​​​​​​​​​​​​​​​​ប់ មានឈ្មោះធី ​​​​​​​​​​ណារិន អាយុ​​​​​​​​​​​​​​​​១៧ឆ្នាំ មានលំនៅ​​​​​​​​​ក្នុងភូមិបា​​​​​​​​​​លលេយ្យ​​​​​​​​​​​​​​​​​​​​​​​​​​​​​​​​​​​​​​​១ សង្កាត់ប៉ោយប៉ែ​​​​​​​​​​ត ក្រុ​​​​​ងប៉ោយប៉ែត។

តាមប្រភពពីក្រុ​មគ្រូពេទ្យ​នៃមន្ទីរពេទ្យបង្អែ​​​​​​​​​កក្រុងប៉ោយ​​​​​​​​​​ប៉ែត បានឱ្យដឹ​​​​​​​​​​ងថា នៅមុនពេ​​​​​​​​​​​​លកើ​​​​​​​​​​​​​​​​​​​​​​​​​​​​​តហេតុ កាលពី​​​​​​​​​​យប់ថ្ងៃទី១​​​​​​​​​​៥ ខែសីហា ឆ្នាំ​​​​​​​​​​​២០១៨ ​​​​​​​​​​នារីរងគ្រោះ រួម​​​​​​​​​​​​​​​​​​​ជាមួយមិត្តភក្តិ​​​​​​​​​​ប៉ុន្មាននាក់ទៀ​​​​​​​​​​​ត បាននាំគ្នា​​​​​​​​​​ចូលក្លឹបរា​​​​​​​​​​​​​​​​​​​​​​​​​​​ត្រីមួយកន្លែងនៅក្នុងកាស៊ីណូ ដើ​​​​​​​​​​ម្បីផឹក​​​​​​​​​​ស៊ី និង​​​​​​​​​រាំលេងកម្សា​​​​​​​​​​​ន្ត សប្បាយ។ ​​​​​​លុះក្រោយម​​​​​ក ទំនងជា​​​​​​​​​​​នារីរងគ្រោះ ​​​​​​​​​​​​​​​​​​​​​​​និងមិត្តភក្តិចង់បង្កើន​​​​​​​​​​ការសប្បាយ​​​​​​​​​ឱ្យខ្លាំងឡើ​​​​​​​​​​ងថែមទៀ​​​​​​​​​​​​​​​​​​​​​​ត ទើបនាំគ្នា​​​​​​​​​ប្រើថ្នាំគ្រវី​​​​​​​​​​​​​​​​ (ខេ) ស្រាប់តែ​​​​​​​​​​អកុសល នារី​​​​​​​​​​​​រងគ្រោះ​​​​​​​​​​​​​​​​​​​​​​​​​​​បានប្រើលើ​​​​​​​​​​​សកម្រិត ​​​​​​​​​ក៏បណ្តាលឱ្យកើ​​​​​​​​​​តមានអា​​​​​​​​​​ការៈគាំងបេះ​​​​​​​​​​ដូងស្លាប់នៅ​​​​​​​​​​នឹងកន្លែង​​​​​​​​​​​​​​​​​ ក្នុងក្លឹបកំសាន្ត​​​​​​​​​នោះតែម្ត​​​​​​​​​​​​​​​​​​​​​​​​ង វេលាទៀបភ្លឺ ​​​​​​​​​ឈានចូលថ្ងៃទី១​​​​​​​​​​៦ ខែសីហា​​​​​​​​​ ឆ្នាំ២០១​​​​​​​​​​​៨។

​​​​​​

ប៉ុន្តែដោ​យសារតែមិត្តភក្តិនារីរង​​​​​​​​​​គ្រោះមិនអស់ចិ​​​​​​​​​​​​​ត្ត ក៏ព្យាយា​​​​​​​​​​​​​​​​​មដឹកសពនា​​​​​​​​​​​រីរងគ្រោះ​​​​​​​​​​​​​​​​​​ទៅសង្គ្រោះ​​​​​​​​​​នៅមន្ទី​​​​​​​​​​​​​​​​​​​​​​​​​​​​រពេទ្យបង្អែកក្រុងប៉ោ​​​​​​​​​យប៉ែតទៀ​​​​​​​​​ត តែអ​​​​​​​​​​កុសលពេលដឹ​​​​​​​​​កមកដល់​​​​​​​​​​ក្រុមគ្រូ​​​​​​​​​​ពេទ្យជំ​​​​​​​​​​នាញពិនិ​​​​​​​​​​​ត្យរួច បានប​​​​​​​​​​​​ញ្ជាក់ថា​​​​​​​​​​​​​​​​​​​​ នារីរងគ្រោះបានស្លាប់ ​​​​​​​​​​តាំងពីមុន​​​​​​​​​បញ្ជូនម​​​​​​​​កដល់​​​​​​​​​មន្ទីរពេ​​​​​​​ទ្យម៉្លេះ៕

កណ្ដាល​: ប្រធាន​ក្រុមប្រឹក្សា​ជំនុំជម្រះ​សាលាដំបូង​ខេត្តកណ្ដាល លោក​គឹម ម៉េង នៅ​ថ្ងៃទី​១៧ ខែសីហា នេះ ប្រកាស​សាលក្រម​ផ្តន្ទាទោស​ជនជាប់ចោទ​៥​នាក់ ចន្លោះ​ពី​៤​ឆ្នាំទៅ​៧​ឆ្នាំ ពាក់ព័ន្ធ​ការទទួល​ទិញ​ម៉ូតូ​ចោរ​យ៉ាង​កក្រើក​។

គួរ​បញ្ជាក់ថា ប្រតិបត្តិ​ការបង្ក្រាប​នេះ ក្រោយ​កម្លាំង​នគរបាល ស្រុក​កណ្តាលស្ទឹង ឃាត់ខ្លួន​ក្រុមចោរ​ធាក់​ផ្តួល​ម៉ូតូ​ប្លន់​បាន​៦​នាក់ ក្រោយ​ពួកគេ​ធ្វើ​សកម្មភាព វាយ​ប្លន់​ជនរងគ្រោះ​ពីរ​នាក់​ប្តី ប្រពន្ធ​កាលពី​ថ្ងៃទី​១០ ខែកុម្ភៈ ឆ្នាំ​២០១៨ នៅ​ចំណុច ដី​ភូមិ​ព្រែក​អ​ង្គុ​ញ ឃុំ​សៀមរាប ស្រុក​កណ្តាលស្ទឹង ខេត្តកណ្តាល​។​

​សមត្ថកិច្ច បញ្ជាក់ថា​ក្រោយពី​ជនសង្ស័យ​មួយក្រុម​ធ្វើ​សកម្មភាព​ធាក់​ផ្តួល​វាយ​ប្លន់​ជនរងគ្រោះ​ឈ្មោះ ឈៀង ប៉េង​សៀន ភេទ​ប្រុស អាយុ​២៥​ឆ្នាំ មានមុខ​របរ​កសិក​រ​និង​ឈ្មោះ សឿន ស​ម្ភ​ស្ស​ភេទ​ស្រី​អាយុ​២៥​ឆ្នាំមាន​មុខរបរ​កសិក​រ បណ្តាលឱ្យ​បាត់បង់​ម៉ូតូ​មួយគ្រឿង ម៉ាក​ហុងដា​ឌ្រី​ម​សង់​សេ​១២៥ ពណ៌​ខ្មៅ​ស៊េរី​ឆ្នាំ​២០១៨​។

​ក្រោយ​កើតហេតុ​កម្លាំង​នគរបាល​តាម​បង្ក្រាបបាន​មុខសញ្ញា​៦​នាក់ ធ្វើការ​ដកហូត បាន​ផ្លាកលេខ​ម៉ូតូ​បាន​ចំនួន​៣​។

​ក្រោយ​ធ្វើការ​ស្រាវជ្រាវ ឃាត់​បាន​ជនសង្ស័យ​ទាំង​៦​នាក់ រួច​នាំមក​សាកសួរ ទើប​ថា​មាន​បក្ខពួក​មួយចំនួន​ទៀត​នៅ​ខេត្តកំពង់ឆ្នាំង និង​ខេត្តកំពង់ស្ពឺ ដោយមាន​ការឯកភាព ពី​អគ្គ​នគរបាលជាតិ​និង​មាន​ដឹកនាំ​ដោយផ្ទាល់​ពី​លោក ឯក ស៊ុន​រស្មី ព្រះរាជអាជ្ញារង​អម​សាលាដំបូង​ខេត្តកណ្តាល នៅ​ថ្ងៃទី​១៣ ខែមីនា ឆ្នាំ​២០១៨ បាន​ចុះទៅ​សហការ ជាមួយ​កម្លាំង​នគរបាល​ខេត្ត​ទាំងពីរ​ខេត្ត​ធ្វើការ​ស្រាវជ្រាវ ឆែកឆេរ​ទីតាំង​ទទួល​ទិញ លក់​ម៉ូតូ ទទួលផល​ចោរកម្ម​ចំនួន​៥​គោលដៅ​រកឃើញ​ម៉ូតូ​មិន​ប្រក្រតី​ជាច្រើន​គ្រឿង​៕

CR៖ FB

(កំពង់ឆ្នាំង) កាលពីល្ងាច​ថ្ងៃទី១៦ ខែសីហា ឆ្នាំ២០១៨ មាន​ករណី​គ្រោះថ្នាក់​ចរាចរណ៍​មួយ​បានកើត​ឡើង​រវាង​រថ​យន្ត​សាំង​យ៉ុង ពាក់​ស្លាក​លេខ​ភ្នំពេញ​2y 94 62បាន​បុក​ជាមួយនិង​រថយន្ត​អាស៊ី​បA2ខណ: ដែល​ម្ចាស់​រថយន្ត​អាស៊ី​បA2នោះ​ខូច​ហើយ​អ្នកបើក​បរបាន​ឈប់​អែប​ខាងស្តាំ​ដៃ​រួច​ចុះមក​ពិនិត្យមើល​រថយន្ត កំពុងតែ​ឱន​មើល​រថយន្ត​នៅ​ផ្នែក​ខាងមុខ​ស្រាប់តែ​អ្នកបើកបរ​រថយន្ត​សាំង​យ៉ុង​មក​បុក​ពីក្រោយ​យ៉ាង​ពេញទំហឹង​ក្នុងទិសដៅ​ស្របគ្នា​នៅ​ចំណុច​តាម​បណ្តោយ​ផ្លូវ​ដែល​ឋិត​នៅក្នុង​ភូមិ​គ្រាំង​ស្គារ​ត្បូង ឃុំ​គ្រាំង​ស្គារ ស្រុក​ទឹកផុស ខេត្តកំពង់ឆ្នាំង ។

ករណីនេះ​បណ្ដាលអោយ​អ្នកបើកបរ​រថយន្ត​អា​ស៊ីបA2បាន​រងរបួស​យ៉ាងធ្ងន់ធ្ងរ​ ក្រោយពី​កើតហេតុ​ត្រូវបាន​បងប្អូន​ប្រជា​ពលរ​ដ្ឌ​និង​អ្នកជិតខាង​បាន​ដឹក​បញ្ជូនមក​សង្គ្រោះបន្ទាន់​នៅ​មណ្ឌល​សុខភាព​ឃុំ​គ្រាំង​ស្គា​រហើយ​ក៏បាន​ស្លាប់បាត់​បង់ជីវិត​នៅតាម​ផ្លូវ អ្នកស្លាប់​នោះ​ឈ្មោះ​គួ​ន ពៅ ជា​អ្នក​ភ្នំពេញ​មក​ធ្វើ​ចំការ​នៅក្នុង​ឃុំ​គ្រាំង​ស្គារ ស្រុក​ទឹកផុស ខេត្តកំពង់ឆ្នាំង។

សមត្ថកិច្ច​នគរបាល​ស្រុក​ទឹកផុស​បានអោយដឹងថា ​ក្រោយពី​កើតហេតុ​អ្នកបើកបរ​រថយន្ត​សាំង​យ៉ុង​បុក​ហើយ​បាន​ឈប់​រត់គេចខ្លួន​បាត់ស្រមោល។ ចំណែក​រថយន្ត​ទាំង២គ្រឿង​ខាងលើ​ត្រូវបាន​សម​ត្ត​កិច្ច​នគរបាល​ស្រុក​ទឹកផុស​យកមក​រក្សា​ទុក្ខ​រងចាំ​ដោះស្រាយ​តាម​និតិ​វិធី​នៅពេល​ក្រោយ។ បច្ចុប្បន្ន​សាកសព​ត្រូវបាន​បងប្អូន​យកទៅ​ធ្វើបុណ្យ​តាម​ប្រពៃណី ៕ប្រភពFB

Update៖ ​ស្ត្រី​ជនជាតិចិន​ម្នាក់​ ក្នុងគុកព្រៃសភ្នំពេញៈក្រោយពីការសាកសួរចប់សព្វគ្រប់ នៅរ​សៀ​ល​ថ្ងៃទី​១៦​ខែសីហា​ឆ្នាំ​២០១៨​នេះ លោក​ ធា​ម​ ច័ន្ទ​ពិសិដ្ឋ​ ចៅក្រម​ស៊ើបសួរ​សាលាដំបូង​រាជធានី​ភ្នំពេញ បាន​សម្រេច​ឃុំខ្លួនស្ត្រី​ជនជាតិចិនបណ្តោះអាសន្ន​ក្នុងពន្ធនាគារព្រៃស​ ។​

​ស្ត្រីជន​ជាតិចិន រូបនេះ​ឈ្មោះ YUAN TANG ថា​ង យៀន ភេទ​ស្រី អាយុ​២៦​ឆ្នាំ មុខរបរ​លក់ដូរ ស្នាក់នៅ​ផ្ទះជួល​គ្មាន​លេខ ផ្លូវលំ សង្កាត់​ទឹកថ្លា ខណ្ឌ​សែន​សុខ​បាន​ត្រូវ​កញ្ញា​វ៉ា សក្តា ព្រះរាជអាជ្ញារង​អម​សាលាដំបូង​រាជធានី​ភ្នំពេញ​បាន​ចោទប្រកាន់​ពីបទ​ហិង្សា​ដោយ​ចេតនា​មាន​ស្ថាន​ទម្ងន់ទោស​បទ​ហិង្សា​ដោយ​ចេតនា​មាន​ស្ថាន​ទម្ងន់ទោស​ដោយសារ​មរ​ណ​ភាព​នៃ​ជនរងគ្រោះ​និង​បទ​បើកបរ​គ្មាន​ប័ណ្ណ​អនុញ្ញាត​។

​របាយការណ៍​អគ្គស្នងការដ្ឋាន​នគរ​បាល​ជាតិ ចេញផ្សាយ​នៅ​ព្រឹក​ថ្ងៃទី​១៥ ខែសីហា នេះ ថា​នៅ​ថ្ងៃ ទី​១២ ខែសីហា ឆ្នាំ​២០១៨ វេលា​ម៉ោង​១២៖១០​រំលងអធ្រាត្រ មាន​ករណី​មនុស្សឃាត​ដោយ​អ​ចេតនា (​បើករថយន្ត​ដេញ​បុក​ជនសង្ស័យ​ឆក់​ទូរស័ព្ទដៃ​ស្លាប់​-​របួស​) នៅ​ចំណុច​ផ្លូវ​លេខ​១២៣ កែង​ផ្លូវ​លេខ​៤៥៦ មុខផ្ទះ​លេខ​៥៤ ក្រុម​២២ ភូមិ​៤ សង្កាត់​ទួល ទំពូង​១ ខណ្ឌចំការមន រាជធានី​ភ្នំពេញ អ្នករងរបួស​ធ្ងន់ ប្រុស​ម្នាក់ និង​ស្លាប់​ប្រុស​ម្នាក់ ជា​ជនសង្ស័យ​ឆក់​ទូរស័ព្ទដៃ​។

​ជនសង្ស័យ​ឈ្មោះ សារុន ពិសិដ្ឋ ភេទ​ប្រុស អាយុ​២៨ ឆ្នាំ មុខរបរ​នៅផ្ទះ ស្នាក់​នៅផ្ទះ​លេខ ២៥០ ផ្លូវ​លេខ​៤៦០ ក្រុម​២២ ភូមិ​៤ សង្កាត់​ទួល​ទំពូង​១ ខណ្ឌចំការមន រងរបួស​ធ្ងន់​កំពុង​ព្យាបាល​នៅ​មន្ទីរពេទ្យ​មិត្តភាព​ខ្មែរ​-​សូ​វៀត និង ឈ្មោះ បេ សុភា​ដេវីត ភេទ ប្រុស អាយុ​២៤ មុខរបរ នៅផ្ទះ ស្នាក់​នៅផ្ទះ​លេខ​៣២A ផ្លូវ​លេខ​២៨០ ក្រុម ៤៣ ភូមិ ៥ សង្កាត់​បឹង​កេងកង​២ ខណ្ឌចំការមន រងរបួស​ធ្ងន់​បាន​ស្លាប់​នៅ​មន្ទីរពេទ្យ​មិត្តភាព​ខ្មែរ​-​សូ​វៀត​។​

​ស្ត្រី​សង្ស័យ​ឃាត់ខ្លួន​ឈ្មោះ YUAN TANG ថា​ង យៀន ភេទ​ស្រី អាយុ​២៦​ឆ្នាំ ជនជាតិ​ចិន មុខរបរ​លក់ដូរ ស្នាក់នៅ​ផ្ទះជួល​គ្មាន​លេខ ផ្លូវលំ សង្កាត់​ទឹកថ្លា ខណ្ឌ​សែន​សុខ មិនបាន​យក​លិខិតឆ្លងដែន មិនបាន​យកមក​តាម​ខ្លួន ជា​អ្នក បើករថយន្ត ។

​វត្ថុតាង​ដកហូត ម៉ូតូ ០១​គ្រឿង​ម៉ាក​SCOOPY ពណ៌​ស ស្លាក​លេខ ភ្នំពេញ​1CL-7241 ( របស់​អ្នក​ឆក់​ទូរស័ព្ទដៃ​ខូចខាត​យ៉ាងដំណំ ) , រថយន្ត​ម៉ាក​LEXUS RX-300 ពណ៌​ស ស្លាក​លេខ 2AN-9745 ភ្នំពេញ ( ខូចខាត​ដូចគ្នា ) និង​ទូរស័ព្ទដៃ​០១ គ្រឿង ម៉ាក Meitu ពណ៌​ខ្មៅ​-​បៃតង លេខ​ស៊ីម 096 696 7899 ( បែក​អេក្រង់ របស់​ជនសង្ស័យ បើកឡាន​បុក ) ។​

​សមត្ថកិច្ច​បញ្ជាក់ថា មុនពេល​កើតហេតុ​ឈ្មោះ សារុន ពិសិដ្ឋ និង​ឈ្មោះ បេ សុភា​ដេវីត បាន​ជិះ​ម៉ូតូ ០១ គ្រឿង​ខាងលើ ឌុប​គ្នា មកដល់​ចំណុច​មុខផ្ទះ​កើតហេតុ​ខាងលើ ឃើញ​ស្ត្រី​ជាតិចិន និង​មិត្តភក្តិ​ម្នាក់ទៀត ឈប់​រថយន្ត​ទូរស័ព្ទ ចំហរ​កញ្ចក់ ខាងមុខ​ផ្នែក​ខាងឆ្វេង ហើយ​ឈ្មោះ សារុន ពិសិដ្ឋ និង​ឈ្មោះ បេ សុភា​ដេវីត ក៏​ធ្វើ​សកម្មភាព​ឆក់ យក​ទូរស័ព្ទដៃ ជន ជាតិ ចិន​ឈ្មោះ Yuan Tang បានសម្រេច រួច បើក​ម៉ូតូ​គេចខ្លួន​។

ភ្លាមនោះ​ស្ត្រី​ជាតិចិន​ឈ្មោះ Yuan Tang ដែលជា ម្ចាស់ ទូរស័ព្ទ បាន​បើករថយន្ត​ដេញតាម​បុក​ម៉ូតូ ពីក្រោយ​បណ្តាល​ឲ្យ ដួល​ខ្ទាត​ទៅ​ក្បែរ​ជញ្ជាំង​របង​ផ្ទះ​លេខ​៣៩ ផ្លូវ​លេខ ១២៣ កែង ផ្លូវ​លេខ​៤៥៦ បណ្តាល​ឲ្យ​រងរបួស​ធ្ងន់ធ្ងរ ត្រូវបាន​សមត្ថកិច្ច​ប​ញ្ជូ​ន​ទៅ​សង្គ្រោះបន្ទាន់​តាម​រថយន្ត​សង្គ្រោះបន្ទាន់ ទៅ​មន្ទីរ ពេទ្យ​មិត្ត ភាព​ខ្មែរ​-​រុស្ស៊ី ។

​លុះដល់​ម៉ោង ២៖៥០ រំលង​អា​ធ្រា​ត្រ ចូលដល់​ថ្ងៃទី ១៣ ខែសីហា ឆ្នាំ​២០១៨ អ្នក​ឆក់​ទូរស័ព្ទ​ឈ្មោះ បេ សុភា​ដេវីត បាន​ស្លាប់បាត់​បង់ជីវិត​នៅ​មន្ទី​ពេទ្យរុស្ស៊ី សព​តម្កល់​រង់ចាំ​ក្រុមគ្រួសារ​មក​ទទួល ។​ចំណែក​អ្នក​ឆក់​ម្នាក់ទៀត​ឈ្មោះ សារុន ពិសិដ្ឋ សន្លប់​មិនទាន់​ដឹងខ្លួន កំពុង​សង្គ្រោះបន្ទាន់​នៅ​មន្ទីរពេទ្យ​មិត្តភាព​ខ្មែរ​-​រុស្ស៊ី ៕