សមត្ថកិច្ច បញ្ជូនស្ត្រីជនជាតិចិន ដែលបើកឡានដេញបុក ចោរឆក់ទូរស័ព្ទនាង២នាក់ ទៅតុលាការហើយ…

ភ្នំពេញ៖ ក្រោយពីរកឃើញថា ស្ត្រីជនជាតិចិនម្នាក់ ពិតជាបានបើករថយន្ដ ដេញតាមបុក ចោរឆក់ទូរស័ព្ទ ២នាក់ឲ្យរងរបួសធ្ងន់ ប្រាកដមែន សមត្ថកិច្ចខណ្ឌចំការមន បានឃាត់ខ្លួន និងកសាងសំណុំរឿងបញ្ជូនទៅតុលាការ ចាត់ការតាមផ្លូវច្បាប់នៅព្រឹកថ្ងៃទី១៥ ខែសីហា ឆ្នាំ២០១៨នេះ។

បើតាមរបាយការណ៍របស់សមត្ថកិច្ច ជនសង្ស័យមានឈ្មោះ YUAN TANG (ថា ង យៀន) ភេទស្រី អាយុ ២៦ឆ្នាំ ជនជាតិ ចិន មុខរបរ អាជីវករ ស្នាក់នៅផ្ទះជួលគ្មាន លេខ ផ្លូវលំ សង្កាត់ទឹកថ្លា ខណ្ឌសែនសុខ រាជធានីភ្នំពេញ។

ចំណែកជនសង្ស័យ និងជាជនរងគ្រោះផងទី១ឈ្មោះ សារុន ពិសិដ្ឋ ភេទ ប្រុស អាយុ ២៨ឆ្នាំ មុខរបរ ចោរ ស្នាក់នៅផ្ទះ លេខ២៥០ ផ្លូវលេខ ៤៦០ ក្រុម ២២ ភូមិ ៤ សង្កាត់ទួលទំពូង១ ខណ្ឌចំការមន (រងរបួសធ្ងន់) និងទី២ឈ្មោះ បេ សុភាដេវីត ភេទ ប្រុស អាយុ ២៤ឆ្នាំ មុខរបរ ចោរ ស្នាក់នៅផ្ទះលេខ ៣២A ផ្លូវលេខ ២៨០ ក្រុម៤៣ ភូមិ៥ សង្កាត់បឹងកេងកង២ ខណ្ឌចំការមន (ស្លាប់)។

គួររំឭកថា កាលពីយប់ថ្ងៃទី១២ ខែសីហា ឆ្នាំ២០១៨ ជនសង្ស័យបាន បើករថយន្តម៉ាក រថយន្ត ម៉ាក LEXUS RX-300 ព័ណ៌ ស ពាក់ស្លាកលេខ ភ្នំពេញ 2AN-9745 បុកម៉ូតូ ជនរងគ្រោះ ម៉ាក SCOOPY ពណ៌ស ពាក់ស្លាកលេខ ភ្នំពេញ 1CL-7241 នៅចំណុចផ្លូវលេខ៤៥៤ កែងផ្លូវលេខ១២៣ ស្ថិតក្នុងសង្កាត់ទួលទំពូង២ ខណ្ឌចំការមន រាជធានីភ្នំពេញ បណ្តាលឲ្យជនរងគ្រោះ ជាចោរឆក់ទូរស័ព្ទ ២នាក់ រងរបួសធ្ងន់៕

ប្រភព៖ FB

សូមមានការប្រុងប្រយ័ត្ន នៃទឹកទន្លេសេសាន ក្នុងខេត្តរតនគិរី មានការហក់ឡើងយ៉ាងគំហុក ដោយសាទឹកភ្លៀង

(រតនគិរី) ក្រសួងធនធានទឹក និងឧតុនិយម នៅវេលាម៉ោងប្រមាណ១២ថ្ងៃត្រង់ថ្ងៃទី១៥ ខែសីហា ឆ្នាំ២០១៨នេះ បានព្រមានពីការហក់ឡើយខ្លាំងយ៉ាងគំហុក រហូតលើសកម្រិតប្រកាសឲ្យប្រុងប្រយ័ត្ន នៃទឹកទន្លេសេសាន ក្នុងខេត្តរតនគិរី ដោយសារបរិមាណទឹកភ្លៀង ដែលបានធ្លាក់ច្រើនជាប់ៗគ្នា។

តាមរយៈ Facebook ផ្លូវការក្រសួងធនធានទឹក បានបញ្ជាក់បន្ថែមយ៉ាងដូច្នេះថា «គិតត្រឹមម៉ោង១០៖៣០នាទី នាព្រឹកថ្ងៃទី១៥ ខែសីហា ឆ្នាំ២០១៨នេះ ទឹកទន្លេសេសាន មានកម្ពស់ ១០.៧០ម៉ែត្រ ខណៈកម្រិតប្រកាសឲ្យប្រុងប្រយ័ត្នត្រឹមតែ ១០.៥០ម៉ែត្រប៉ុណ្ណោះ៕ ប្រភពក្រសួងធនធានទឹក

សមត្ថកិច្ចបង្ក្រាបចោរជនជាតិចិនចំនួន ៣ នាក់ ប្លន់អ្នកវេរលុយ នៅស្រុកពួក…

សៀមរាប ៖ ចោរប្លន់ប្រដាប់អាវុធជាជនជាតិចិន ៣ នាក់ ត្រូវបានសមត្ថកិច្ចនគរបាលខេត្តសៀមរាបបង្ក្រាបបាន នៅយប់ថ្ងៃទី ១៤ ឈានចូលថ្ងៃទី ១៥ ខែ សីហា ឆ្នាំ ២០១៨ បន្ទាប់ពីពួកវាធ្វើសកម្មភាពប្លន់ប្រជាពលរដ្ឋខ្មែរនៅស្រុកពួក ខេត្តសៀមរាប នៅវេលាម៉ោង ជាង ៧ យប់ថ្ងៃទី ១៤ ខែសីហា ឆ្នាំ២០១៨ ។

លោកវរសេនីយ៍ឯក ទេព ពុំសែន អធិការដ្ឋាននគរបាលស្រុកពួកបានប្រាប់នៅព្រឹកថ្ងៃទី១៥ ខែសីហានេះថា ក្នុងប្រតិបត្តិការតាមប្រម៉ាញ់ករណីរឿងអំពើលួចដោយមានស្ថានទម្ងន់ទោស(ប្លន់អាវុធខ្លី) កើតឡើងនៅចំណុចមុខផ្ទះជនរងគ្រោះក្នុងភូមិអូរតាប្រាក់ ស្រុកពួក ខេត្តសៀមរាប ត្រូវបានសមត្ថកិច្ចយើងតាមចាប់បានទាំងមនុស្ស និងរថយន្ត រួចយកមកសួរនាំនៅអធិការ ។ លោកបានបញ្ជាក់ថា តាមដំណើររឿងនៅថ្ងៃកើតហេតុជនរងគ្រោះឈ្មោះ តៅ សុភា ភេទស្រី អាយុ៤៤ឆ្នាំ (ម្តាយមីង) ជាអ្នកចុះបើកទ្វាររបងបម្រុងចូលផ្ទះ ប៉ុន្តែត្រូវជនសង្ស័យចាប់វាយក្បាល និងកាំភ្លើងខ្លី បណ្តាលឱ្យរងរបួសធ្ងន់ ។

លោកបានបញ្ជាក់បន្ថែមថា ក្រោយទទួលបានព័ត៌មានភ្លាមៗ កម្លាំងយើងចុះដល់កន្លែងកើតហេតុ ដើម្បីត្រួតពិនិត្យឃើញឡានរបស់ជនរងគ្រោះ (ធុនខាងលើ) មានបែកកញ្ចក់ខាងស្តាំ និងឃើញមានវត្ថុតាងដូចជា គ្រាប់កាំភ្លើង១គ្រាប់ , បង់កាំភ្លើង១ មាន៨គ្រាប់ នៅដីជិតរបងផ្ទះជនរងគ្រោះ និងដំបងទីបដែក១មូលប្រវែង៧៩ស.ម នៅមាត់ស្ទឹងខាងកើតកន្លែងកើតហេតុ ។ បន្ទាប់មកកម្លាំងសមត្ថកិច្ចយើងរួមទាំងប្រជាការពារ និងអាវុធហត្ថស្រុកក៏បានធ្វើការរុករកតាមក្រុមជនសង្ស័យក្នុងមូលដ្ឋាននោះបានឃើញមានគ្រាប់កាំភ្លើង១គ្រាប់ទៀត នៅផ្លូវបេតុងក្នុងភូមិប្រយុទ្ធ ឃុំពួក ស្រុកពួក បន្ទាប់មកយើងឃើញមានឡាន១គ្រឿង ពណ៌ទឹកប្រាក់ សេរីឆ្នាំ២០០៤ គ្មានស្លាកលេខ ក្នុងឡាននោះមានដាក់ម៉ូតូ១គ្រឿងទៀត ហុងដាឌ្រីម ពណ៌ខ្មៅ គ្មានស្លាកលេខ សេរីឆ្នាំ២០១៦ ទុកចោល ក្នុងភូមិប្រយុទ្ធ ឃុំពួក ស្រុកពួក ចាក់សោឡានជាប់ ហើយកម្លាំងយើងក៏ស្ទូចយកមករក្សាទុកនៅអធិការដ្ឋានស្រុកពួកសិន ។

លោកបានបន្ថែមទៀតថា បន្ទាប់ពីឃើញរថយន្តរបស់ជនសង្ស័យរួចមក យើងបន្តតាមរកជនសង្ស័យបន្តទៀតដល់ម៉ោង១និង២០នាទីរំលងអធ្រាត្ររហូតម៉ោង៤ឈានចូលថ្ងៃទី១៥ ខែសីហា ឆ្នាំ២០១៨ ទើបកម្លាំងយើងបានឃាត់ជនសង្ស័យបានម្នាក់ នៅចំណុចមុខសាលាវិទ្យាល័យពួក (ឈ្មោះLe xiaosi ភេទប្រុស អាយុ៣៨ឆ្នាំ ជនជាតិចិន បន្ទាប់មកឃាត់បានម្នាក់ទៀត ឈ្មោះ Hu Ming chaa ភេទប្រុស អាយុ៤៣ឆ្នាំ ជនជាតិចិន និងជនសង្ស័យទី៣ ឃាត់បាននៅក្បែរវត្តធម្មយុទ្ធឈ្មោះ Lhang yong sheng ភេទប្រុស អាយុ៤៨ឆ្នាំ ជនជាតិចិនដែរ រួចនាំយកមកសួរនៅអធិការស្រុក ដើម្បីរៀបចំកសាងសំនុំរឿងបញ្ជូនទៅការិយាល័យជំនាញ ហើយរៀបចំបញ្ជូនបន្តទៅតុលាការខេត្ត ចាត់ការទៅតាមផ្លូវច្បាប់ ។

បច្ចុប្បន្នជនសង្ស័យជនជាតិចិនទាំង៣នាក់ និងវត្ថុតាងត្រូវបានកម្លាំងជំនាញកំពុងរៀបចំកសាងសំណុំរឿងបញ្ជូនខ្លួនទៅតុលាការនៅថ្ងៃទី១៥ ខែសីហា ឆ្នាំ២០១៨នេះ ដើម្បីចាត់ការទៅតាមផ្លូវច្បាប់៕

ប្រភព៖ FB

រន្ធត់.! ឃាតកម្ម ចាក់សំលាប់មន្ត្រីប៉ូលិសម្នាក់ ចំនួន១០កំាបិតនៅក្រុងសៀមរាប បង្ករការភ្ញាក់ផ្អើលទាំងព្រលឹម

ខេត្តសៀមរាប ៖ ឃាតកម្មនេះបានកើតឡើងកាលពីវេលាម៉ោង០៤និង០៥នាទីទៀបភ្លឺ ថ្ងៃទី១៥ ខែសីហា ឆ្នាំ២០១៨នេះ ស្ថិតនៅចំណុចផ្លូវគ្រួសក្រហម ក្រុមទី១១ ភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។

ករណីឃាតកម្មនេះ បង្កឡើងដោយជនសង្ស័យពុំស្គាល់មុខ បានធ្វើសកម្មភាពចាក់ទៅលើជនរងគ្រោះចំនួន១០កាំបិត គឺសឹងតែសុះសាច់ បណ្តាលអោយស្លាប់ភ្លាមៗនៅនឹងកន្លែងកើតហេតុ។ ជនរងគ្រោះនិងជនសង្ស័យអាចមានគំនុំនឹងគ្នាទើបឈានដល់ធ្វើឃាត ករណីនេះសមត្ថកិច្ចជំនាញកំពុងធ្វើការស៊ើបអង្កេតស្រាវជ្រាវ។

ជនរងគ្រោះមានឈ្មោះ ហ៊ឹម សុវណ្ណារ៉ូ ភេទប្រុស អាយុ២៦ឆ្នាំ មុខរបរ នគរបាលប៉ុស្ដិ៍គោកចក រស់នៅភូមិធ្លកអណ្តូង សង្កាត់ស្លក្រាម ក្រុងសៀមរាប ខេត្តសៀមរាប។

សាកសពជនរងគ្រោះត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី។ ចំណែកជនសង្ស័យត្រូវបានសមត្ថកិច្ចកំពុងធ្វើការស្រាវជ្រាវ ដើម្បីយកមកផ្តន្ទាទោសទៅតាមផ្លូវច្បាប់៕

ប្រភព៖ FB

ចាប់ឃាត់ខ្លួនម្ចាស់រថយន្ត Lexus 570 ដែលបុករៈសួនច្បារ នឹងបង្គោលភ្លើង ហើយដកកាំភ្លើងខ្លីភ្ជង់ អ្នកបើករថយន្តស្ទូច មិនឱ្យយករថយន្តខ្លួនទៅស្នងការ គឺបញ្ជារអោយយកទៅផ្ទះរបស់ខ្លួន

ភ្នំពេញ៖ ហេតុការណ៍នេះត្រូវបាន លោក ឃួង ស្រេង អភិបាលក្រុងភ្នំពេញ និងព្រះរាជអាជ្ញាអមសាលាដំបូងក្រងភ្នំពេញ បញ្ជាឱ្យសមត្ថកិច្ចឃាត់ខ្លួន ម្ចាស់រថយន្តស៊េរីទំនើប Lexus 570 រួមទាំងម្ចាស់រថយន្តស្ទួច យកទៅអធិការខណ្ឌឬស្សីកែវ ដើម្បីធ្វើការសួរនាំតាមនីតិវិធីច្បាប់។

នៅព្រឹកថ្ងៃទី១៥ ខែសីហាឆ្នាំ២០១៨នេះ តំណាងអយ្យការបានដឹកនាំកម្លាំងនគរបាលចរាចរណ៍ ចុះទៅដកហូតយករថយន្តបង្កនេះ មកវិញ ស្ថិតនៅចំណុចផ្ទះលេខ R02-04 ក្រុម១ ភូមិខ១ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

ដំណើររឿងហេតុ៖បន្ទាប់ពីបង្កគ្រោះថ្នាក់ចរាចរណ៍ដោយរថយន្ត Lexus 570 ពាក់ស្លាកលេខរដ្ឋ:07-2-8989 បុកបង្គោលភ្លើងបាក់មួយដើម នៅសង្កាត់ឬស្សីកែវ ខណ្ឌឬស្សីកែវ កាលពីវេលាម៉ោងជាង៣ទៀបភ្លឺ ថ្ងៃទី១៥ខែសីហាឆ្នាំ២០១៨ ត្រូវបានមន្ត្រីចរាចរណ៍

បានហៅរថយន្តស្ទួចដើម្បីដឹកយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ប៉ុន្តែដោយសារតែមន្ត្រីចរាចរណ៍ទៅមុន បែរជាម្ចាស់រថយន្ត Lexus 570នេះ យកកាំភ្លើងភ្ជង់ម្ចាស់ឡានស្ទួច មិនឱ្យយកមកស្នងការ បែរឱ្យដឹកយកទៅផ្ទះរបស់ខ្លួនវិញ។
បន្ទាប់ពីបង្កគ្រោះថ្នាក់ចរាចរណ៍ភ្លាមៗ កម្លាំងនគរបាលចរាចរណ៍បានហៅរថយន្តស្ទួចដើម្បីដឹកយកទៅការិយាល័យក្រុងដើម្បីដោយស្រាយ និងផាកពិន័យតាមផ្លូវច្បាប់ ប៉ុន្តែដោយសារតែមន្ត្រីចរាចរណ៍ចេញទៅមុន ហើយឡានស្ទួចដឹកទៅតាមក្រោយដោយឆ្លងកាត់វត្តទួលអស់លោក ដោយសារតេធ្វើស្ពានទៅមិនរួច ក៏បើកត្រឡប់មកវិញស្រាប់តែម្ចាស់រថយន្ត Lexus 570 បានយកកាំភ្លើងភ្ជង់អ្នកបើកឡានស្ទួច ឱ្យបើកតយករថយន្តរបស់ខ្លួនទៅដាក់នៅផ្ទះទៅវិញ។

លុះមកដល់ព្រឹកថ្ងៃទី១៥ ខែសីហាឆ្នាំ២០១៨នេះ តំណាងអយ្យការបានដឹកនាំកម្លាំងនគរបាលចរាចរណ៍ ចុះទៅដកហូតយករថយន្តបង្កនេះ មកវិញ ស្ថិតនៅចំណុចផ្ទះលេខ R02-04 ក្រុម១ ភូមិខ១ សង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ។

សូមជម្រាបថា រថយន្តLexus 570 ស៊េរីទំនើបពាក់ស្លាកលេខរដ្ឋបុកបង្គោលភ្លើងបាក់ទ្រេតមួយដើមបណ្ដាលឲ្យខូចខាតទាំងរថយន្តទាំងបង្គោលភ្លើងតែសំណាងល្អអ្នកបើកបរមិនរងរបួសនោះទេ។ហេតុការណ៍នេះកើតឡើងកាលពីវេលាម៉ោងជាង៣ទៀបភ្លឺ ថ្ងៃទី១៥ខែសីហាឆ្នាំ២០១៨ដែលមានទីតាំងស្ថិតនៅតាមបណ្ដោយផ្លូវជាតិលេខ៥ ស្ថិតក្នុងសង្កាត់ឬស្សីកែវខណ្ឌឬស្សីកែវ ក្រុងភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បានបើករថយន្តមួយគ្រឿងម៉ាក Lexus 570 ពណ៌សពាក់ស្លាកលេខ រដ្ឋ07 2-8989 ដោយធ្វើដំណើរតាមបណ្តោយផ្លូវជាតិលេខ៥ ក្នុងទិសដៅពីជើង ទៅត្បូងក្នុងល្បឿនលឿន លុះមកដល់ចំណុចកើតហេតុក៏ជ្រុលចង្កូតឡើងឃឿនទៅបុកចំបង្គោលភ្លើងមួយដើមបណ្តាលឱ្យបាក់រីឯរថយន្តវិញរងការខូចខាតផ្នែកខាងមុខយ៉ាងដំណំ៕

ប្រភព៖ FB

គោយន្តសណ្តោងរីម៉ក់ដឹកក្អមឆ្នាំងដីលក់ ក្រឡាប់ផ្ងាជើង ធ្លាក់ផ្លូវ ខណៈបើកគេចពី រថយន្តពីរគ្រឿង ដែលកំពុង បើកវ៉ាគ្នា

កំពង់ឆ្នាំង៖ ហេតុការណ៍គ្រោះថ្នាក់ ចរាចរណ៍នេះ កើតឡើងនៅវេលា ម៉ោង៥ថ្ងៃទី១៤ខែសីហា ឆ្នាំ២០១៨នេះ នៅលើផ្លូវជាតិលេខ៥ ខាងត្បូងផ្លូវខ្លោងទ្វារចូល វត្តមង្គល់បញ្ញា ហៅវត្តបាញ់ស្គោល ស្ថិតក្នុងភូមស្ពករាជ ឃុំអណ្ដូងស្នាយ ស្រុករលាប្អៀរ ខេត្តកំពង់ឆ្នាំង ។

បើតាមសមត្ថកិច្ច នគរបាលពីកន្លែង កើតហេតុបានឱ្យដឹងថា គោយន្តកែច្នៃ នេះដឹកក្អម ឆ្នាំងដីចេញពីភូមិបាញ់ស្គោល គោលដៅដឹកលក់ ទៅតាមបណ្ដាខេត្តនានា ក្នុងប្រទេស ប៉ុន្តែអកុសល់ កំពុងធ្វើដំណើរមកដល់កន្លែង កើតហេតុស្រាប់តែមានរថយន្ត ពីរគ្រឿង កំពុងតែបើកវ៉ាជែងគ្នា ធ្វើអោយអ្នកបើកបរ ដែលជាម្ចាស់គោយន្តនេះ ភ័យបើកគិច ជ្រុលទៅក្រឡាប់ផ្ងាជើងឡើង លើក្នុងទឹកប្រឡាយតែម្ដង។

សូមបញ្ជាក់ថា ហេតុការណ៍គ្រោះថ្នាក់ ចរាចរណ៍ខាងលើនេះ មិនបណ្ដាលអោយ មនុស្សស្លាប់ឬរងរបួសធ្ងន់ធ្ងនោះទេ គឺគ្រាន់តែ របួសស្រាលៗ២នាក់ប៉ុណ្ណោះ៕

ប្រភព៖ FB

រថយន្តកាមរីកែច្នៃមួយគ្រឿង កំពុងបើកបរសុខៗ ស្រាប់តែឆ្លងចរន្តភ្លើងឆេះ បណ្តាលឲ្យមនុស្ស៩នាក់បានរត់ចែកជើងគ្នា…

ខេត្តបន្ទាយមានជ័យ :ហេតុការណ៍នេះបង្ករអោយមានការភ្ញាក់ផ្អើលកាលពីវេលាម៉ោង២ និង៣០នាទីរសៀលថ្ងៃទី១៤ខែសីហា ឆ្នាំ២០១៨ នៅចំណុចនៅលើកំណាត់ផ្លូវជាតិលេខ១៥៩Cភូមិរោងគោកណ្តាល ឃុំចំណោមស្រុកមង្គលបូរីខេត្តបន្ទាយមានជ័យ។

តាមប្រភពនាយប៉ុស្ថិ៍នគរបាលរដ្ឋាលឃុំចំណោម បានបា្រប់ឱ្យដឹងថា : មុនពេលកើតហេតុ រថយន្តកាមរីពណ៌ស កែច្នៃទ្រុង ខាងលើ ពាក់ស្លាកលេខ៣៤២០ ភព២ បានធ្វើដំណើរពីទិសខាងត្បូងទៅជើង។ លុះមកដល់កន្លែងកើតហេតុស្រាប់តែ រថយន្តឆាបឆេះជាណ្តាតភ្លើងចេញពីផ្នែកខាងមុខ តែម្តង។

នៅពេលនោះ អ្នកជិះលើរថយន្តប្រមាណ៩នាក់ នាំគ្នារត់ចេញស្រែកឱ្យអ្នកភូមិជួយ ។អ្នកភូមិបាននាំគ្នាដងទឹកជះពន្លត់ផង ភ្លៀងធ្លាក់មកខ្លាំងមកផង ទើបភ្លើងបានរលត់។អ្នកបើករថយន្តមានឈ្មោះ ម៉ក់ ចន្ថា ភេទប្រុស អាយុ២៩ឆ្នាំ រស់នៅភូមិចំការស្រូវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ប្រាប់សមត្ថកិច្ច: មូលហេតុរថយន្តនោះដាច់ខ្សែពាន បង្កឱ្យផ្ទុះធុងទឹកហើយហុយផ្សែងឆ្លងចរន្តជាអគ្គិភ័យតែម្តង៕

ប្រភព៖ FB

ប្រទះឃើញនារីម្នាក់ដេកស្លាប់ខ្លួនប្រឡាក់ឈាម នៅក្នុងបន្ទប់ផ្ទះសំណាក់ដួងចន្ទ័២ សង្ស័យករណី«ឃាតកម្ម»

(ភ្នំពេញ) នារីម្នាក់ត្រូវបានម្ចាស់ផ្ទះសំណាក់ ដួងច័ន្ទ២ ប្រទះឃើញ ដេកស្លាប់នៅក្នុងបន្ទប់ ផ្ទះសំណាក់ ហេតុការណ៍នេះបានកើតឡើងកាលពីវេលាម៉ោង១ និង ៣០នាទីរសៀល ថ្ងៃទី១៤ខែសីហា ឆ្នាំ២០១៨ត្រង់ចំណុចផ្ទះសំណាក ដួងច័ន្ទ២ លេខ៥០២E និង៥០២F តាម បណ្ដោយផ្លូវព្រះមុនីវង្ស ស្ថិតក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។

តាមសម្តីម្ចាស់ផ្ទះសំណាក់ «ដួងច័ន្ទ២» បាន ប្រាប់ សមត្ថកិច្ច អោយដឹងថា មានគ្នា២នាក់ប្រុសម្នាក់ស្រីម្នាក់នេះបានមកជួលស្នាក់នៅផ្ទះ សំណាក់ ដួងច័ន្ទ២ របស់ខ្លួន កាលពីវេលាម៉ោង៣រសៀល ថ្ងៃទី១៣ ខែសីហា ឆ្នាំ២០១៨ត្រង់ចំណុចផ្ទះសំណាក ដួងច័ន្ទ២ ។

គាត់បានបន្តថាលុះដល់ព្រឹកក៏បុរសដែរមកជាមួយស្រ្តីរងគ្រោះខាងលើក៏បានជិះម៉ូតូមួយគ្រឿងម៉ាហុង ដាC125បានជិះចេញទៅបាត់តែមង្ត មិនឃើញត្រលប់មកវិញឡើង រហូតនៅវេលាម៉ោងកើតហេតុម្ចាស់ផ្ទះសំណាក់មិនឃើញជនរងគ្រោះដេកមិនងើបក៏មានការសង្ស័យក៏បានស្រែកហៅទោះជាយ៉ាងណាក៏មិនឮ គាត់ក៏បានមើលតាមប្រឡោះឃើញជនរងគ្រោះបានដេកស្លាប់ នៅក្នុងបន្ទប់ធ្វើអោយមានការភិតភ័យយ៉ាងខ្លាំងក៏បានទៅរាយការណ៍ប្រាប់សមត្ថកិច្ចចុះមកត្រួតពិនិត្យមើលបង្កការភ្ញាក់ផ្អើលដល់ប្រជាពលរដ្ឋរស់នៅក្បែរនេះចោមរោមមើល។

ក្រោយកេីតហេតុកម្លាំងជំនាញកំពុងធ្វើកោសល្យវិច័យនិងរកមូលហេតុដែរបង្កអោយជនរងគ្រោះស្លាប់ដោយសារអីនោះទេតែប្រជាពលរដ្ឋរស់នៅក្បែរនិយាយថា សង្ស័យករណីឃាតកម្ម៕ ប្រភពFB

ជនសង្ស័យម្នាក់ ក្នុងចំណោម២នាក់ បានស្លាប់ហើយ ករណីឆក់ទូរសព្ទ័ ហើយនារីជនជាតិចិន២នាក់ បើករថយន្តបុកផ្ទប់នឹងជញ្ជាំងផ្ទះបណ្ដាលឲ្យរងរបួសធ្ងន់ កាលពីថ្ងៃយប់ថ្ងៃទី១២

ភ្នំពេញៈក្រោយសាកសួរនាំរយៈពេល២ថ្ងៃ សមត្ថកិច្ចបានកសាងសំណុំរឿងបញ្ជូលទៅកាន់សាលាដំបូងរាជធានីភ្នំពេញ ទាំងជនសង្ស័យ និងនារីជនជាតិចិនជាអ្នកបើករថយន្តឡិចស៊ីស។

គួររំលឹកថា នារីជនជាតិចិន២នាក់ ត្រូវជនសង្ស័យ២នាក់ ជិះម៉ូតូស្គុបពី ឆក់ទូរស័ព្ទម៉ាកMUTUពណ៌ខ្មៅ ពេលឈប់រថយន្ត រួចជិះរត់គេចខ្លួន ធ្វើឲ្យនារីរងគ្រោះខឹងបើករថយន្តតាមប្រមាណជិត២០០ម៉ែត្រ ទើបបំបុកផ្ទប់នឹងរបងផ្ទះប្រជាពលរដ្ឋ បណ្ដាលឲ្យជនសង្ស័យទាំងពីររងរបួសធ្ងន់ ត្រូវបានបញ្ជូនទៅសង្រ្គោះទៅមន្ទីរពេទ្យឯកជន។

ហេតុការណ៍ខាងលើនេះ បង្កការភ្ញាក់ផ្អើលដល់កម្លាំងនគរបាលសមត្ថកិច្ចចុះមកកន្លែងកើតហេតុ កាលវេលាម៉ោង១១និង១០នាទីយប់ថ្ងៃទី១២ ខែសីហា ឆ្នាំ២០១៨ នៅចំណុច៤៥៥កែង១២៣ សង្កាត់ទួលទំពូងទី២ ខណ្ឌចំការមន រាជធានីភ្នំពេញ។

ជនរងគ្រោះឈ្មោះ ថាន យៀន ភេទស្រី អាយុ២៦ឆ្នាំ ជនជាតិចិន មុខរបរលក់ដូរ ស្នាក់នៅផ្ទះជួលគ្មានលេខ តាមផ្លូវលលំ សង្កាត់ទឹកថ្លា ខណ្ឌសែនសុខ ជាម្ចាស់ទូរស័ព្ទម៉ាក MUTU ពណ៌ខ្មៅ។ ចំណែកជនសង្ស័យឈ្មោះ បេ សុភាដេវិត ភេទប្រុស អាយុ២៤ឆ្នាំ មុខរបរ នៅផ្ទះស្នាក់នៅផ្ទះលេខ៣២A តាមផ្លូវ២៨០ ក្រុម៤៣ ស្ថិតនៅភូមិ១ សង្កាត់បឹងកេងកងទី២ ខណ្ឌចំការមនជាអ្នកបើកម៉ូតូម៉ាកស្គុបពី ពណ៌ស ពាក់ស្លាកលេខភ្នំពេញ ១CL-៧២៤១ ។ ទី២ ឈ្មោះ សារិន ពិសិដ្ឋ ភេទប្រុស អាយុ២៨ឆ្នាំ មុខរបរនៅផ្ទះស្នាក់នៅផ្ទះលេខ២៥០ ផ្លូវ៤៦០ ក្រុម២២ស្ថិតនៅភូមិ៤ សង្កាត់ទួលទំពូងទី១ ខណ្ឌចំការមន(អង្គុយខាងក្រោយ)។

អធិការរងទទួលផ្នែកព្រហ្មទណ្ឌខណ្ឌចំការមន លោក ហ៊ាង ថារ៉េត បានប្រាប់ថា មុនកើតហេតុស្រ្តីជនជាតិចិនម្នាក់ បានប្រាប់សមត្ថកិច្ចថា គាត់ជិះរថយន្តឡិចស៊ីស RX៣០០ ពណ៌ស ពាក់ស្លាកលេខភ្នំពេញ ២AN-៩៧៤៥ បានឈប់ ហើយបើកកញ្ចក់អង្គុយនិយាយទូរស័ព្ទម៉ាកMUTU ពណ៌ខ្មៅ ជាមួយមិត្តភក្តិស្រីម្នាក់ទៀតអង្គុយខាងស្ដាំដៃគាត់ ក្រោយមកក៏មានជនសង្ស័យ២នាក់ ជិះម៉ូតូស្គុបពី ពណ៌ស មកអែបរថយន្តគាត់ខាងឆ្វេង រួចឆក់យកទូរស័ព្ទដៃគាត់ដែលកំពុងនិយាយហើយជិះម៉ូតូគេចខ្លួន ពេលនោះគាត់ក៏បើករថយន្តដេញតាមចាប់ជនសង្ស័យ រួចក៏បំបុកម៉ូតូជនសង្ស័យពីក្រោយផ្ទប់នឹងរបងផ្ទះ បណ្ដាលឲ្យរងរបួសធ្ងន់ទាំងពីរនាក់តែម្ដង៕

ប្រភព៖ FB

តើម្តាយធ្វើចិត្តយ៉ាង កូនទើបនឹងកើត ប្តីក៏ស្លាប់ចោលទៀត ឈឹចាប់បំផុតដែលជួបរឿងបែបនេះ

ឈឹចាប់បំផុតដែលជួបរឿងបែបនេះ 😥😥ព្រោះតែគ្រោះថ្នាកចរាចរណ៍ បានសម្លាប់បុរស ដែលត្រូវទទួលខុសត្រូវចិញ្ចឹមបាច់កូននឹងប្រពន្ធ វាពិតជាខ្លោចផ្សារណាស់ ជីវិតរបស់ក្មួយកើតមកមិនទាន់បានស្គាល់មុខឳពុកផង ត្រូវឳពុកជួបគ្រោះថ្នាក់ស្លាប់ចោលបាត់ អាសូរណាស់ តើអ្នកនឹងម្តាយអ្នកទោជាយ៉ាងណាទៅ វាជាទុក្ខសោកសៅដ៏ធំបំផុតនៅក្នុងឆាកជិវិតរបស់អ្នក។😭😭😭😭

សូមបញ្ជាក់ដែរថា កាលពីវេលាម៉ោង៥និង២៥នាទីទៀបភ្លឺ ថ្ងៃទី១២ ខែសីហា ឆ្នាំ២០១៨ បុរសម្នាក់បានស្លាប់ភ្លាមៗក្នុងហេតុការណ៍គ្រោះថ្នាក់ចរាចរណ៍ បង្កការភ្ញាក់ផ្អើល នៅលើកំណាត់ផ្លូវជាតិលេខ៥ ស្ថិតក្នុងភូមិទឹលថ្លា សង្កាត់ទឹកថ្លា ក្រុងសិរិសោភណ័ ខេត្ត បន្ទាយមានជយ័។

សាច់ញាតិជនរងគ្រោះប្រាប់ថាសពឈ្មោះ ឡុក ប៉ោល ភេទប្រុស អាយុ៣២ឆ្នាំ នៅភូមិកណ្តាល ឃុំសំរោង ស្រុកអូរជ្រៅ ខេត្តបន្ទាយមានជ័យ ។

សមត្ថកិច្ចប្រាប់ថា មុនពេលកើតហេតុជនរងគ្រោះបានបើកម៉ូតូមកក្រុងសិរីសោភណ្ឌក្នុងទិសដៅពីលិចទៅកើតក្នុងល្បឿនលឿន បន្ទាប់មកពីទិញ ក្បាលជ្រូក និងនំប៉័ងដើម្បីជប់លៀងទម្លាក់ចង្ក្រានប្រពន្ធកូនខ្ចី ដោយមិនពាក់មួកសុវត្ថិភាព ម៉ូតូមិនមានភ្លើងបំភ្លឺផ្លូវគ្រប់គ្រាន់ ងងឹតពេលជិះមកដល់ចំណុចកើតហេតុ ក៏ជួបគ្រោះថ្នាក់ចរាចរណ៍បុកគោយន្តពីក្រោយបណ្ដាលឲ្យស្លាប់តែម្តង ។

សពជនរងគ្រោះត្រូវបានកម្លាំងនគរបាលចរាចរណ៍ដឹកយកទៅប្រគល់ជូនក្រុមគ្រួសារចាត់ចែង ធ្វើបុណ្យតាមប្រពៃណី ។ ចំណែកម៉ូតូខូចខាតធ្ងន់ ហើយអ្នកបើកគោយន្តក្រោយកើតហេតុបានបើកគេចខ្លួនបាត់ស្រមោល ៕ ដោយ វុន សុខជា