ត្បូងឃ្មុំ ៖ ​ក្មេងប្រុសអាយុទើបតែ១៤ឆ្នាំ ព្រោះភាពក្រីក្រ បានទៅធ្វើការជាមួយឪពុកម្តាយ ជាកម្មករ​នៅសិប្បកម្មឡឥដ្ឋ មួយកន្លែង​ ដោយខ្វះការប្រុង ប្រយ័ត្ន បានជ្រុលដៃ ចូលក្នុង ម៉ាស៊ីនវាយដីឥដ្ឋ ដាច់ត្រឹមកំភួនដៃ ហូរឈាមស្រោចខ្លួន ហេតុការណ៍នេះបានកើតឡើង នៅវេលាម៉ោង៨និង២០នាទីព្រឹក ថ្ងៃទី១៣ ខែសីហា ឆ្នាំ២០១៨ ​ ស្ថិតនៅភូមិទួលវិហារ ឃុំជីរោទី២ ស្រុកត្បូងឃ្មុំ ខេត្តត្បូងឃ្មុំ។

សមត្ថកិច្ចបានឲ្យដឹងថា ជនរងគ្រោះបានមកជួយធ្វើការ ឪពុកម្ដាយនៅចំនុចសិប្បកម្មឡឥដ្ឋ​ របស់ឈ្មោះ លាង វាសនា ភេទប្រុស អាយុ៣៧ឆ្នាំ ជាតិខ្មែរ ស្ថិតនៅភូមិ​ឃុំខាងលើ ។ ជនរងគ្រោះ ឈ្មោះ អឿន វាយុ ភេទប្រុស អាយុ១៤ឆ្នាំ ជាកូនរបស់ឈ្មោះ ស្រ៊ន់ វណ្ណា ភេទប្រុស អាយុ៥៥ឆ្នាំ ជាតិខ្មែរ នៅភូមិឃុំកើតហេតុ ។

ក្រោយពេលកើតហេតុ ជនរងគ្រោះត្រូវបានកម្មករដូចគ្នា ជួយយកចេញពីម៉ាស៊ីន ហើយដឹកយកទៅសង្គ្រោះ នៅមន្ទីរពេទ្យបង្អែកខេត្ត៕

ប្រភព៖ FB

(ភ្នំពេញ) ហេតុការណ៍នេះបង្ករការភ្ញាក់ផ្អើលកាលពីវេលាម៉ោង
ប្រមាណ១០យប់ ថ្ងៃទី១៣ ខែសីហា ឆ្នាំ២០១៨ ស្ថិតក្នុងភូមិក្បាលដំរី សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។

ស្លាកលេខរថយន្តរបស់លោកមេប៉ុស្ដិ៍បឹងព្រលឹត ដែលបានបាត់រាប់ខែនោះ គឺស្លាកលេខ ភ្នំពេញ 2AS-3231 ជាស្លាកលេខសម្គាល់រថយន្តម៉ាក ហាយឡែនឌ័រ ពណ៌ទឹកមាស ស៊េរីឆ្នាំ២០០៤ ស្រាប់តែឃើញត្រូវគេយកទៅបំពាក់ឲ្យរថយន្តម៉ាក Audi ស៊េរីទំនើប Q7 ពណ៌ស ទៅវិញ។

នាយប៉ុស្តិ៍នគរបាលបឹងព្រលឹត បានឲ្យដឹងថា កាលប៉ុន្មានខែមុននេះ រថយន្តរបស់គាត់បានបាត់ស្លាកលេខ (ភ្នំពេញ 2AS-3231)នេះ ដោយជនសង្ស័យលួចគាស់យកទៅបាត់ទាំងមុខទាំងក្រោយ នៅក្នុងសង្កាត់បឹងព្រលឹត ខណ្ឌ៧មករា ខណៈគាត់បើករថយន្តយកទៅលាងក្នុងការ៉ាស់ជិតសាលាសង្កាត់បឹងព្រលឹត។ បន្ទាប់មក គាត់បានដាក់ពាក្យបណ្ដឹងនៅប៉ុស្តិ៍នគរបាលបឹងព្រលឹត ហើយបានបង្ហោះតាមហ្វេសប៊ុកឲ្យប្រជាពលរដ្ឋជួយស៊ើបសង្កេតរកស្លាកលេខខាងលើ និងមានប្រកាសជូនរង្វាន់ផងដែរ ប៉ុន្តែរាប់ខែមកហើយ រកពុំឃើញសោះ។

បើតាមនាយប៉ុស្ដិ៍ដដែល លុះដល់យប់ថ្ងៃកើតហេតុ គាត់បានជូនក្មួយឡើងយន្តហោះទៅប្រទេសបារាំង តែខណៈពេលកំពុងដើរក្នុងព្រលានយន្តហោះអន្តរជាតិភ្នំពេញ ស្រាប់តែឃើញរថយន្តទំនើបម៉ាក Audi Q7 ពាក់ស្លាកលេខរថយន្តរបស់គាត់ ដែលបាត់នោះ។ ភ្លាមៗ គាត់បានប្ដឹងទៅលោកអធិការខណ្ឌពោធិ៍សែនជ័យ ហើយលោកអធិការខណ្ឌពោធិ៍សែនជ័យ បានបញ្ជាកម្លាំងចុះមកដល់កន្លែងកើតហេតុ តែអ្នកបើករថយន្តខាងលើគេចខ្លួនបាត់ នៅសល់តែអ្នករួមដំណើរ២នាក់ប៉ុណ្ណោះ ហើយអ្នករួមដំណើរទាំង២នាក់នោះ ក៏មិនព្រមសហការជាមួយលោកទេ។

បច្ចុប្បន្នលោកអធិការនគរបាលខណ្ឌពោធិ៍សែនជ័យ បានហៅកម្លាំងនគរបាលឲ្យយករថយន្តទំនើបម៉ាក Audi-Q7 នោះ ព្រមទាំងអ្នករួមដំណើរទាំង២នាក់ ទៅប៉ុស្តិ៍នគរបាលបឹងព្រលឹត ដើម្បីរកដំណោះស្រាយ។ តែចំពោះអត្តសញ្ញាណរបស់ជនរួមដំណើរទាំង២ សមត្ថកិច្ចមិនអាចប្រាប់បានទេ ដោយអះអាងថា រង់ចាំការស៊ើបអង្កេតជាមុនសិន៕

ភ្នំពេញ​៖ នៅវេលាម៉ោង០៣ទាបភ្លឺ​ ឈានចូលថ្ងៃ​អង្គារ៍​ ទី១៤​ ខែសីហា​ ឆ្នាំ២០១៨នេះ មានប្រជាពលរដ្ឋបានប្រទះឃើញនារីបរទេសម្នាក់ បានដើរ​ជើងទទេ​កណ្ដាលថ្នល់រហូតទាល់តែរលាតដាច់ស្បែកបាតជើង ចេញឈាម ទាំងមើលទៅ​រវើរវាយ​សង្ស័យបែកថ្នាំ តាំងពីម្ដុំវត្តភ្នំ​ ខណ្ឌដូនពេញ រហូតឆ្លងខណ្ឌមួយទៅខណ្ឌមួយ​ សង្កាត់មួយឆ្លងទៅសង្កាត់មួយ ដែលបណ្ដោយអោយ នាងចេះតែដើរៗទៅ​ ព្រោះលឺថានាងបែកថ្នាំ ទើបបានជាបណ្ដែតបណ្ដោយអោយនាងដើរទៅ​ ដល់ណាដល់ទៅ អោយតែផុតពីមូលដ្ឋានរបស់ខ្លួន រហូតដល់ចុងផ្លូវច្រាំងបាក់ ខណ្ឌច្បារអំពៅ​។

នៅមុនពេលកើតហេតុ​ គេឃើញនារីបរទេសម្នាក់ សង្ស័យថាបែកថ្នាំ បានដើរ​ជើងទទេ​កណ្ដាលថ្នល់រហូតទាល់តែរលាតដាច់ស្បែកបាតជើង ចេញឈាម ទាំងមើលទៅ​រវើរវាយ​ តាំងពីម្ដុំវត្តភ្នំ​ ខណ្ឌដូនពេញ​ រួចបត់តាមបណ្ដោយផ្លូវព្រះមុនីវង្ស រហូតដល់ព្រំប្រទល់​ខណ្ឌ៧មករា និងរាយការណ៍ប្រាប់សមត្ថកិច្ចបន្តបន្ទាប់ដែរ​ តែគាត់មិនអាចជួយអ្វីបាន​ ក្រៅពីជិះតាមមើល​នាងដើរកណ្ដាលថ្នល់នឹងរួចបត់ឡើងមកផ្លូវព្រះព្រះសីហនុ ខណ្ឌចំការមន​ ។

រហូតបណ្ដោយអោយដើរដល់វិមានឯករាជ្យ ហើយដើរទៅតាមផ្លូវព្រះនរោត្តមវិញ រហូតទៅដល់ស្តុបចំការមន និងបន្តដើរទៅរហូតដល់ស្ពានអាកាសក្បាលថ្នល់ រួចរត់សំដៅឡើងទៅលើស្ពានព្រះមុនីវង្ស(ស្ពានច្បារអំពៅថ្មី) ពេលនោះក្រុមអ្នកសារព័ត៌មានជិត១០នាក់​ ងាកមើលមុខគ្នា រួចនាំគ្នាចុះពីលើម៉ូតូរត់ចូលទៅដេញចាប់ ធ្វើអោយក្រុមអ្នកសារព័ត៌មាន នឹងប្រជាពលរដ្ឋអ្នកដំណើរឆ្លងកាត់មានការភ័យតក់ស្លុតយ៉ាងខ្លាំង ខណៈដែលនៅកណ្ដាលស្ពាន ទើបនាំគ្នាបានលួងៗនាង​ តែនាងក៏ស្ទុះរត់ចុះទៅដល់ក្រោមស្ពាន​ ។

ក្រុមអ្នកសារព័ត៌មានក៏បានទិញទឹកអោយ​ តែនាងមិនព្រមផឹក ហើយបន្តរត់ទៅមុខផ្សារច្បារអំពៅ ផ្អើលទាំង​អាជីវករ​ឈរមើលនាង នាងកាន់តែរត់ទៅទៀតរហូតជិតដល់ច្រាំងប្រាក់ សង្កាត់ច្បារអំពៅ២ ខណ្ឌច្បារអំពៅ​ ត្រូវក្រុមអ្នកសារព័ត៌មានព្យាយាមលួងលោមនាងទៀត តែនៅតែមិនស្តាប់​ និងមានសមត្ថកិច្ចម្នាក់មកដល់ដែរ ទើបក្រុមអ្នកសារព័ត៌មានសម្រេចសុំសមត្ថកិច្ចដេញចាប់នាង ប្រផាប់ចាប់ប្រភីងពេញផ្លូវម្ដុំច្រាំងបាក់ហ្នឹង។

ទាំងមានបងប្រុសម្នាក់ជួយចាប់បានហើយយកខ្សែចងជើងសិន​ ព្រោះទៅមុខទៀតមានតែចុះទឹកទន្លេ​ តែនាងស្រែក​ រើបម្រះ​ស្រាយខ្សែចេញ​ ហើយអង្គុយមើលមុខគ្នា​ ទាំងអ្នកជួយចាប់​ ទាំងក្រុមអ្នកសារព័ត៌មាន​ និងនារីបរទេសនោះ​ ដោយសារតែហត់​រៀងៗខ្លួន​ ។

ក្រោយមកក្រុមអ្នកសារព័ត៌មាននិងសមត្ថកិច្ចនៅសង្កាត់ច្បារអំពៅ២ម្នាក់ទៀត​ បានហៅកង់បីមក​អោយដឹកនាងទៅ​ នាយកដ្ឋាន​អន្តោប្រវេសន៍​ សិនទៅ​ ខណៈដែលសមត្ថកិច្ចពីខណ្ឌមួយទៅខណ្ឌមួយ​ សង្កាត់មួយឆ្លងទៅសង្កាត់មួយ បណ្ដោយអោយនាងចេះតែដើរៗទៅ​ ព្រោះលឺថាបែកថ្នាំ ចឹងមានតែបណ្ដោយអោយដើរទៅ​ ដល់ណាដល់ទៅ អោយតែផុតពីមូលដ្ឋានគាត់គឺរួចហើយ ដោយមិនគិតពីសុវត្ថិភាពនាង​ នេះជាង៣ម៉ោងហើយ

ពួកខ្ញុំត្រឹមជាអ្នកសារព័ត៌មាន​ គ្រាន់តែមានបំណងចង់ជួយការពារ​សុវត្ថិភាព​នាង និងរបស់មានតម្លៃនៅជាប់ខ្លួននាងប៉ុណ្ណោះ​ ពួកខ្ញុំពិតជា​ពេញចិត្តនិងទង្វើកាយវិការ របស់អាជ្ញាធរ និងសមត្ថកិច្ចយ៉ាងខ្លាំង​ ដែលបានយកចិត្តទុកដាក់ជួយជិះតាមមើលនាងដើរកណ្ដាលថ្នល់ឆ្លងកាត់ពីមូលដ្ឋានរបស់លោកពូ ទៅសង្កាត់មួយទៀត ទៅខណ្ឌមួយទៀត ដោយសុវត្ថិភាពបែបនេះ រួចជិះទៅវិញបាត់​ ៕

(មានវិដេអូ)

https://www.facebook.com/plugins/video.php?href=https%3A%2F%2Fwww.facebook.com%2Ftep.solida.79%2Fvideos%2F296212534291857%2F&show_text=0&width=560

ប្រភព៖ កូន ខ្លាតូច

ព្រះសីហនុ៖ កាលពីយប់ថ្ងៃទី១២ ខែសីហា ឆ្នាំ២០១៨ សមត្ថកិច្ចបានធ្វើការ ឃាត់ខ្លួនបានជនជាតិចិន ប្រុសស្រី២៩នាក់ នៅទីតាំងម៉ាស្សាឈ្មោះ «ប៉ាយជីងហាន់កុង» ដែលមានបង្កប់សេវាកម្មបម្រើផ្លូវភេទ ស្ថិតនៅក្រុមទី០៨ ភូមិ១ សង្កាត់៣ ក្រុងព្រះសីហនុ ខេត្តព្រះសីហនុ ។

បើតាមលោក ស្នងការនគរបាលខេត្តព្រះសីហនុ លោកឧត្តមសេនីយ៍ទោ ជួន ណារិន្ទ បានឲ្យអ្នកសារព័ត៌មានដឹង ថ្ងៃទី១៣ ខែសីហា ឆ្នាំ២០១៨នេះថា ក្នុងកិច្ចប្រតិបត្តិការបង្ក្រាបនេះ ធ្វើឡើង​ដោយ​កម្លាំងជំនាញផែននគរបាលព្រហ្មទណ្ឌ សហការ​ជាមួយកម្លាំងអន្តរាគមន៍ពិសេស និងកម្លាំងប៉ុស្តិ៍សង្កាត់៣ និងក្រោមការសម្របសម្រួលពី​លោក កៀង សុន្ទរោ ព្រះរាជអាជ្ញារង នៃសាលាដំបូងខេត្តព្រះសីហនុ ​បានធ្វើការចុះទៅឆែកឆេរហាងម៉ាស្សាជនជាតិចិនមួយកន្លែង ដែលមានស្លាកយីហោ «ប៉ាយជីងហាន់កុង» ហើយកម្លាំងសមត្ថកិច្ច​ជំនាញ បានធ្វើការឃាត់ខ្លួនជនសង្ស័យជនជាតិចិន ចំនួន​២៩នាក់ ក្នុងនោះស្រី​១៤នាក់​ បន្ទាប់ពីធ្វើការស្រាវជ្រាវស៊ើបអង្កេត​ និងសួរបំភ្លឺឃើញថា ស្ដ្រីទាំង១៤នាក់ ប្រកបមុខរបរផ្លូវភេទ។

លោកស្នងការ បានបន្តថា ក្នុងពេលប្រតិបត្តិការបង្ក្រាបនេះ មានភ្ញៀវដែលមករកសេវាកម្ម​សច្ចារកម្ម មានចំនួន​០៨នាក់ ហើយអ្នកដែលពាក់ព័ន្ធ​ប្រព្រឹត្តិសច្ចារកម្ម (​ជួញដូរផ្លូវភេទខុសច្បាប់​) មានចំនួន​០៧នាក់៖

ទី១៖ឈ្មោះ CHEN ZHIMIN ភេទប្រុស អាយុ​៤១ឆ្នាំ ថៅកែ,

ទី​២​៖ឈ្មោះ WU XIANGYUN ភេទប្រុស អាយុ​៤៨ឆ្នាំ អ្នកគិតលុយ,

ទី៣៖ឈ្មោះ XU FEI ភេទប្រុស អាយុ​២៩ឆ្នាំ អ្នកគ្រប់គ្រងនារីនៅជាន់លើ,

ទី៤៖​ឈ្មោះ ZHUANG FEI YUN ភេទប្រុស អាយុ​៣៧ឆ្នាំ អ្នកបើកឡានជូនភ្ញៀវ,

ទី៥៖ឈ្មោះ CHEN GANG ភេទប្រុស អាយុ​៣៥ឆ្នាំ អ្នកទិញឥវ៉ាន់,

ទី៦៖ឈ្មោះ ZHANG BING ភេទប្រុស អាយុ​២៧ឆ្នាំ អ្នកចែកខិតប័ណ្ណ

និងទី៧៖ឈ្មោះ SHI YOUDAN ភេទប្រុស អាយុ៣៦ឆ្នាំ អ្នកចែកខិតប័ណ្ណ។

ក្រោយប្រតិបត្តិការ ជនសង្ស័យទាំង៧នាក់នោះ ត្រូវបានបញ្ជូនទៅ​ការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្ដ ដើម្បី​កសាងសំណុំរៀងបញ្ជូនទៅសាលាដំបូងខេត្តព្រះសីហនុ៕

ប្រភព៖ FB

ភ្នំពេញ៖ ករណីឆក់ទូរស័ព្ទខាងលើនេះ បានកើតឡើងកាលពីវេលាម៉ោង២ និង៣០នាទីរសៀល ថ្ងៃទី ១២ ខែ សីហា ឆ្នាំ ២០១៨ នៅចំណុចផ្លូវលេខ ៨៤ កែងនិងផ្លូវលេខ ៦៥ ក្នុងសង្កាត់ស្រះចក ខណ្ឌដូនពេញ។

ជនសង្ស័យទាំង៣នាក់ ដែលជាមុខសញ្ញាចោរឆក់យ៉ាងសកម្ម ត្រូវកម្លាំងនគរបាលប៉ុស្តិ៍ស្រះចក ស្ទាក់ចាប់បាន បន្ទាប់ពីពួកគេបានធ្វើសកម្មភាពឆក់ទូរស័ព្ទដៃម៉ាក Iphone5 មួយគ្រឿងពីស្ត្រីម្នាក់បានសម្រេចហើយ ព្យាយាមជិះម៉ូតូរត់គេចខ្លួន ប៉ុន្តែដោយសារម៉ូតូកញ្ចាស់ជិះគ្នា៣នាក់មិនចង់ទៅមុខ បណ្ដាលឲ្យបុករថយន្តមួយគ្រឿងដួល ភ្លាមនោះកម្លាំងល្បាតនៅក្បែរជួយធ្វើអន្តរាគមន៍ចាប់ក្របួចជាប់តែម្តង ។

មន្រ្តីនគរបាលប៉ុស្តិ៍ស្រះចក បានឲ្យដឹងថា ជនសង្ស័យទាំង៣នាក់ដែលឃាត់ខ្លួនមានទី១-ឈ្មោះ ជួន បញ្ញា ភេទប្រុស អាយុ ២៨ឆ្នាំ ស្នាក់នៅផ្ទះជួលម្តុំទួលសង្កែ ខណ្ឌឬស្សីកែវ ,ទី២-ឈ្មោះ ង្វៀង ទ្រីមីលិន ភេទទី៣ (ស្រីធ្វើ ប្រុស) អាយុ ២២ឆ្នាំ ,និងទី៣-សរ រក្សា ភេទប្រុស អាយុ ២២ឆ្នាំ ស្នាក់នៅផ្ទះជួលម្តុំខាងក្រោយពេទ្យកាល់ម៉ែត ក្នុងសង្កាត់ ស្រះចក ខណ្ឌដូនពេញ។ចំណែកឯនារីរគ្រោះមានឈ្មោះ ឆេង ចិន្តា អាយុ ៣១ឆ្នាំ មុខរបជាបុគ្គលិក បម្រើការ ងារនៅក្នុងហាងម្ហូបចិនមួយកន្លែង ស្នាក់នៅផ្ទះជួលក្នុងសង្កាត់ស្រះចក ខណ្ឌដូនពេញ ។

មន្រ្តីដដែរបន្តទៀតថា មុនពេលកើតហេតុ ស្ត្រីរងគ្រោះបានដើរចេញពីកន្លែងធ្វើការរបស់នាងបំណងទៅផ្ទះវិញ ដោយដើរបណ្ដើរនិយាយទូរស័ព្ទបណ្តើរ លុះមកដល់ចំណុចកើតហេតុ ស្រាប់តែជនសង្ស័យមួយក្រុមមានគ្នា ៣នាក់ នាំគ្នាជិះម៉ូតូម៉ាក វីវ៉ា ពណ៌ខ្មៅ ពាក់ស្លាកលេខភ្នំពេញ១AI-៥៤១៤ មួយគ្រឿង មកធ្វើសកម្មភាពឆក់យកទូរស័ព្ទពីដៃរបស់នាងបានសម្រេចតែម្តង ។ ភ្លាមនោះនាងក៏ស្រែកឆោឡោឡើងធ្វើឲ្យពួកគេភ័យក៏ជិះ ម៉ូតូទៅបុកនិងរថយន្តមួយគ្រឿង បណ្តាលឲ្យដួលគាប់ជួនកម្លាំងសមត្ថកិច្ចកំពុងល្បាតនៅក្បែរនោះនាំគ្នាចាប់ក្របួចជាប់ទាំង៣នាក់ រួមទាំងវត្ថុតាងផងដែរ ។

ក្រោយកើតហេតុ កម្លាំងមានសមត្ថកិច្ចក៏បាននាំខ្លួនជនសង្ស័យទាំង៣នាក់រួមនិងវត្ថុតាង មកកាន់នគរបាលប៉ុស្តិ៍ស្រះចក ដើម្បីសាកសួរ និងកសាងសុំណំរឿងបញ្ជូនទៅកាន់អធិការដ្ឋានខណ្ឌដូនពេញចាត់ការទៅតាមច្បាប់ ។ ចំណែកទូរស័ព្ទដៃម៉ាក Iphone5 មួយគ្រឿងប្រគល់ឲ្យទៅជនរងគ្រោះវិញ ៕

ប្រភព៖ FB

ព្រះសីហនុ៖ កាលពី​យប់​ថ្ងៃទី​១២ ខែសីហា សមត្ថកិច្ច​នគរបាល​ខេត្ត​ព្រះសីហនុ បាន​សហការគ្នា ស្រាវជ្រាវ​ឆ្មក់​ចាប់បាន​ជនជាតិ​ចិន ដែលជា​អ្នកដើរ​ផ្សព្វផ្សាយ​ចែក​ខិ​ត្ត​បណ្ណ​ម៉ាស្សា​នោះ បាន​ចំនួន​៦​នាក់ និង​ដកហូត​បាន​ខិត្តប័ណ្ណ ជាច្រើន​សន្លឹក​។ នេះ​បើតាម​ហ្វេ​ស​ប៊ុ​ក​ផេ​កអគ្គ​ស្នងការ​នគរបាល​ជាតិ ចេញផ្សាយ​នៅ​រសៀល​ថ្ងៃទី​១៣ ខែសីហា​នេះ​។

លោក​ឧ​ត្ត​ម​សេនីយ៍​ទោ ជួន ណា​រិន្ទ ស្នងការនគរបាល​ខេត្ត បានឱ្យដឹងថា ពេលដែល​ហៅ​អ្នកជំនាញ មក​ធ្វើការ​បកប្រែ​ភាសា​ចិន ក្នុង​ខិត្តប័ណ្ណ​ទាំងនោះ មានន័យ​ត្រឹមតែ សេវាកម្ម​ម៉ាស្សា​ប៉ុណ្ណោះ ប៉ុន្តែ​រូបភាព វា​បង្កប់ ទៅជា​ការ ផ្សព្វផ្សាយ​អាជីវកម្ម​ផ្លូវភេទ ឬ ពេស្យាចារ ដែលជា​អំពើ​ខុសច្បាប់ នៅ​ប្រទេស​កម្ពុជា​។​

​លោក​ឧ​ត្ត​ម​សេនីយ៍​ស្នងការ បាន​បញ្ជាក់ថា បុរស​ជនជាតិ​ចិន​ទាំង​៦​នាក់ នោះ យើង​បានធ្វើ​ការអប់រំ ឱ្យធ្វើ​កិច្ចសន្យា​បញ្ឈប់​សកម្មភាព​ផ្សព្វផ្សាយ​នេះ​ទាំងស្រុង ពីព្រោះ​វា​ជា​អំពើ​ខុសច្បាប់​នៅ​កម្ពុជា​៕

ប្រភព៖FB

ភ្នំពេញ ៖ បុរសម្នាក់ បានធ្វើដំណើររួមជាមួយប្រពន្ធក្នុងរថយន្តមួួយគ្រឿងម៉ាកឡិចស៊ីសLX470 ក្នុងល្បឿនលឿន និងមិនប្រុងប្រយ័ន្ន បានជ្រុលចង្កូតទៅបុករបាំងថ្មពុះចែកទ្រូងផ្លូវបាក់អស់១កង់ ឯរថយន្តបង្កកល់ជាប់ទ្រូងផ្លូវទៅមុខលេងរួច និងរងការខូចខាតផ្នែកខាងយ៉ាងដំណំផងដែរ ។

ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង១១ និង៣០នាទីយប់ថ្ងៃទី១២ ខែសីហា ឆ្នាំ២០១៨ នៅចំណុចមុខក្រសួងវប្បធម៌ និងវិចិត្រសិល្បៈ ស្ថិតនៅតាមបណ្ដោយផ្លូវព្រះនរោត្ដម ក្នុងសង្កាត់ទន្លេបាសាក់ ខណ្ឌចំការមខ រាជធានីភ្នំពេញ ។

តាមសាក្សីដែលឃើញហេតុការណ៍គ្រោះថ្នាក់ចរាចរណ៍ខាងលើនេះ បានឲ្យដឹងថា នៅពេលកើតហេតុ គេឃើញរថយន្តបង្កម៉ាក ឡិចស៊ីស LX470 ពណ៌ទឹកប្រាក់ ពាក់ស្លាកលេខភ្នំពេញ2AG-1902 ដែលបើកបរដោយបុរសម្នាក់ រួមជាមួយនិងស្ត្រីម្នាក់ជាប្រពន្ធបានធ្វើដំណើរតាមបណ្ដោយផ្លូវព្រះនរោត្ដម ទិសដៅពីត្បូងមកជើង ក្នុងល្បឿនយ៉ាងលឿន លុះមកដល់ចំណុចកើតហេតុ ក៏រេចង្កូតមកបុកនិងរបាំងថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យរបាំងថ្ម (ក្បាលនាគ) បាក់អស់១កង់ រីឯរថយន្តបង្កវិញបានកល់ជាប់ជាមួយទ្រូងផ្លូវ រងការខូចខាតផ្នែកខាងមុខយ៉ាងដំណំ សំណាងល្អមិនបណ្ដាលឲ្យមនុស្សរងរបួស ។

ក្រោយកើតហេតុ ប្ដីប្រពន្ធ២នាក់ដែលជាម្ចាស់រថយន្តបង្កបានទុករថយន្តចោល ហើយគេចចេញពីកន្លែងកើតហេតុបាត់ ។ បន្ទាប់មកសមត្ថកិច្ចមូលដ្ឋានបានចុះមកដល់កន្លែងកើតហេតុ និងទាក់ទងទៅជំនាញចរាចរណ៍ឲ្យមកធ្វើការវាស់វែង យករថយន្តបង្កខាងលើ ទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីរងចាំដោះស្រាយតាមច្បាប់៕

ប្រភព៖ FB

(ខេត្តក្រចេះ)៖ តាមប្រភពព័ត៌មាននៅ​ស្រុក​ចិត្រ​បុរី ខេត្តក្រចេះបានឲ្យដឹងថា កាលពី​ថ្ងៃ​ទី​១២ សីហា ២០១៨ ដោយ​មាន​កិច្ចសហការ​ពី​គណៈ​បញ្ជាការ ឯកភាព​ខេត្ត និង​មានការ​សម្របសម្រួល​ពី​លោក ធុ​ច បញ្ច​សន្តិភាព ព្រះ​អាជ្ញា​រង អម​សាលាដំបូង ខេត្តក្រចេះ កម្លាំង​ជំនាញ​នគរបាល​ព្រហ្មទណ្ឌ ដែល​បាន​សហការ​ជាមួយ​កម្លាំង​នគរបាល​ស្រុក​ចិត្រ​បុរី បាន​ធ្វើការ​ឃាត់ខ្លួន​ជនសង្ស័យ​ចំនួន​៤​នាក់ ពាក់​ព​ន្ធ័​លើ​ករណី​ឃាតកម្ម កាលពី​ថ្ងៃ​ទី​០៩ សីហា នោះ​ហើយ​។

យោងតាមប្រភពព័ត៌មានពីសមត្ថកិច្ចបានឲ្យដឹងថាជនសង្ស័យ​៤​នាក់​នោះ​មាន ១ ឈ្មោះ ចឹក ណូ ភេទ​ប្រុស អាយុ​៥០​ឆ្នាំ រស់នៅ​ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ និង ២ ឈ្មោះ ម៉ៅ ញ៉ា​ញ់ ភេទ​ប្រុស អាយុ​១៧​ឆ្នាំ រស់នៅ​រាជធានី​ភ្នំពេញ ជា​សន្តិសុខ​ក្រុមហ៊ុន​ហនុមាន​មាន​រឹទ្ធ​។

និង ៣ ឈ្មោះ ចឹក ម៉ៅ ភេទ​ប្រុស អាយុ​៤៦​ឆ្នាំ រស់នៅ​ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ ហើយនិង​៤ ឈ្មោះ ចឹក លឹ​ម​ស្រេង ភេទ​ប្រុស អាយុ​២០​ឆ្នាំ រស់នៅ​ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ​។

ជនសង្ស័យ​ត្រូវ​បាន​សមត្ថកិច្ច​នាំ​ទៅ​សាកសួរ​នៅ​ស្នងការ​នគរបាល​ខេត្ត ដើម្បី​បំពេញ​នីតិវិធី​ពាក់​ព​ន្ធ័​នឹង​ករណី​ឃាតកម្ម​នោះ​។ ទោះជា​យ៉ាងណា​សមត្ថកិច្ច នៅ​មិន​ទាន់​បាន បញ្ជាក់​ពី​ចម្លើយ​ជនសង្ស័យ​ទាំង​៤​នាក់​នោះ​នៅឡើយ​ទេ ដូច្នោះ​ពាក់ព័ន្ធ​ករណី​ឃាតកម្ម​នោះ នៅ​មិន​ទាន់​ដឹង​ពី​មូលហេតុ​ពិតប្រាកដ​ដែរ ព្រោះ​សមត្ថកិច្ច​កំពុង​ធ្វើ​កិច្ច​នេះ​។

សូម​បញ្ជាក់​ថា ចន្លោះ​ម៉ោង​១១​យប់ ទៅ​ម៉ោង​២​យប់ នៅ​ចំណុច​កោះ​ប្រឹ​ម ភូមិ​ប្អៀ​រ ឃុំ​ថ្មី ស្រុក​ចិត្រ​បុរី ខេត្តក្រចេះ មាន​ករណី​ឃាតកម្ម​ដុត​ផ្ទះ​សម្លាប់​មួយ​គ្រួសារ​៤​នាក់​ឪ​ពុ​ម្តាយ និង​កូន​។

ហើយ​សាកសព​មនុស្ស​ទាំង​៤​នាក់​បាន​ត្រូវ​ភ្លើង​ឆេះ​ខ្លោច​ក្នុង​គំនរ​ផេះ​ផង់​មើលទៅ​គួ​ឲ្យ​សោកសង្រេង​ជាទី​បំផុត​៕

ប្រភព៖ FB